DAP Business

កម្សាន្ត

ឧកញ៉ា ទៀ វិចិត្រ ចូលរួមជាមួយ រដ្ឋបាលសង្កាត់លេខ៣ នៃក្រុងព្រះសីហនុ ក្នុងការឧបត្ថម្ភសម្លៀកបំពាក់ និងវិទ្យុទាក់ទង ដល់ប្រជាការពារ

ព្រះសីហនុ៖ លោកឧកញ៉ា ទៀ វិចិត្រ បានឧបត្ថម្ភឈុតសម្លៀកបំពាក់ និងវិទ្យុទាក់ទង ដល់ប្រជាការពារ ចំនួន១៦២នាក់ ក្នុងសង្កាត់លេខ៣​ ក្រុងព្រះសីហនុ ដើម្បីប្រើប្រាស់ ក្នុងការបំពេញភារកិច្ច ជួយរក្សាសន្តិសុខ សណ្តាប់ធ្នាប់ទូទៅក្នុងមូលដ្ឋាន។

ក្នុងពេលអញ្ជើញប្រគល់ផ្ទាល់ នៅសាលាសង្កាត់លេខ៣ នាព្រឹកថ្ងៃ១៦ ខែឧសភា ឆ្នាំ២០២០ លោកឧកញ៉ា ទៀ វិចិត្រ មានប្រសាសន៍ថា ក្រៅពីឧបត្ថម្ភសម្លៀកបំពាក់ និងវិទ្យុទាក់ទង លោកឧកញ៉ាក៍បានឧបត្ថម្ភថវិកា ដល់ប្រជាការពារទាំងអស់ ម្នាក់ៗចំនួន ៨ម៉ឺនរៀលបន្ថែមទៀត ។

លោកឧកញ៉ាបញ្ជាក់បន្ថែមថា ក្រៅពីនេះលោកក៏បាន ឧបត្ថម្ភមួកសុវត្ថិភាព មួយចំនួនទៀត ជូនរដ្ឋបាលក្រុងព្រះសីហនុ ស្របពេលដែលថ្នាក់ជាតិ​ ក៏ដូចជាស្នងការដ្ឋាន នគរបាលខេត្តព្រះសីហនុ កំពុងធ្វើយុទ្ធនាការរឹតបន្តឹង ការអនុត្តន៍ច្បាប់ចរាចរណ៍។

លោក កាន់ ឡឹង ចៅសង្កាត់លេខ៣ បានថ្លែងអំណរគុណ និងជូនពរគ្រប់ប្រការ ចំពោះលោកឧកញ៉ា ទៀ វិចិត្រ និងគ្រួសារ ដែលបានឧបត្ថម្ភជាឈុតសម្លៀកបំពាក់ សម្ភារៈនិងថវិកា ដល់កម្លាំងប្រជាការពារ ក្នុងសង្កាត់លេ៣ ជាការលើកទឹកចិត្ត បងប្អូនប្រជាការពារនៅមូលដ្ឋាន៕

Most Popular

DAP Business cover entrepreneurs, business flow, strategy marketing that can help readers to improve their businesses Copyright © 2016-2019

To Top