ភ្នំពេញ៖ លោកឧកញ៉ា ទៀ វិចិត្រ រួមជាមួយនឹង កញ្ញា មាស សុខសោភា បាននាំយកសត្វអកពស់ព្រៃ ទៅព្រលែង នៅតំបន់ធម្មជាតិ ដើម្បីបានរស់រានមានជីវិត បែបលក្ខណៈធម្មជាតិឡើងវិញ ក្រោយពីព្រះចៅអធិការវត្ត កោះកែវពិជ័យ ហៅវត្តព្រៃដង្ហើម ក្នុងខេត្តសៀមរាប ប្រគល់ជូន ។
លោកឧកញ៉ា ទៀ វិចិត្រ លើកឡើងថា សត្វអកពស់ព្រៃនេះ ត្រូវបានព្រះចៅ អធិការវត្តកោះកែវពិជ័យ ហៅវត្តព្រៃដង្ហើម ក្នុងខេត្តសៀមរាប មកប្រគល់ជូន ដើម្បីឲ្យលោកឧកញ៉ា យកសត្វនេះមកព្រលែង ឲ្យទៅរស់នៅ បែបធម្មជាតិវិញ នៅតំបន់អភិរ័ក្ស ដែលឧកញ៉ាធ្លាប់បាន នាំយកសត្វព្រៃនានា ទៅព្រលែង ឲ្យរស់រាន មានសេរីភាពកន្លងទៅ ដែលសុទ្ធសឹងតែបានមកពី ប្រជាពលរដ្ឋ ចូលរួម ថែរក្សា អភិរ័ក្ស និងស្រលាញ់សត្វ៕
