event

ការវិនិយោគផ្ទាល់ ពីចិនមកកម្ពុជា កើនឡើង ៧០ភាគរយ ទោះបីស្ថិតក្នុងស្ថានភាព ជំងឺវីរុសកូវីដ-១៩

ភ្នំពេញ៖ស្ថានទូតចិនប្រចាំកម្ពុជា ឲ្យដឹងថា ការវិនិយោគរប ស់ចិនមកកាន់កម្ពុជាមានកំណើនកើនឡើង ទោះបីជាស្ថិតក្នុងស្ថានភាពនៃជំងឺវីរុសកូវីដ-១៩ក៏ដោយ
ចាប់ពីខែ មករា ដល់ ខែវិច្ឆិកា ឆ្នាំ ២០២០ ការវិនិយោគដោយផ្ទាល់របស់ចិនក្នុងប្រទេសកម្ពុជាមានចំនួន ៨៦០ លានដុល្លារសហរដ្ឋអាមេរិក បើធៀបជាមួយនឹងរយៈពេលដូចគ្នាកាលពីឆ្នាំ ២០១៩ មានកំណើន ៧០%។

តាមរយៈហ្វេសប៊ុកស្ថានទូតចិនប្រចាំកម្ពុជា ឲ្យដឹងកាលថ្ងៃទី១ ខែមករា ឆ្នាំ២០២១កន្លងទៅ ថា គម្រោងវិនិយោគសំខាន់ៗ នៅកម្ពុជាបានពុះពាររាល់ផលប៉ះពាល់នៃជំងឺវីរុសកូវីដ-១៩ និងបានដំណើរការទៅមុខយ៉ាងរលូន ហើយស្ថានីយ៍អគ្គិសនី Huadian ខេត្តព្រះសីហនុដែលដើរដោយថាមពលកម្តៅ បានបញ្ចប់ការតម្លើងគ្រោងដែកនៃរោងចក្រ។ ផ្លូវល្បឿនលឿនពីភ្នំពេញ-ព្រះសីហនុបានបញ្ចប់ ៣៩% នៃសំណង់វិស្វកម្មសរុប។

ស្ថានទូតបន្ថែមថា ចំនួនសហគ្រាសក្នុងតំបន់សេដ្ឋកិច្ចពិសេសខេត្តព្រះសីហនុមានចំនួនកើនឡើងជាបន្តបន្ទាប់ ហើយបរិមាណនៃការនាំចូលនិងនាំចេញ បានឈានដល់កម្រិតខ្ពស់ជាប្រវត្តិសាស្រ្ត។ អាកាសយានដ្ឋានអន្តរជាតិសៀមរាបអង្គរថ្មី (AIAI) បានចាប់ផ្តើមសាងសង់អគារ Terminal និងទីតំបន់សម្រាប់ការហោះហើរ។ ក្រុមហ៊ុន Sinomach Heavy Equipment Group CO.,Ltd បានចុះហត្ថលេខាលើកិច្ចព្រមព្រៀង លើគម្រោងវិនិយោគ BOT នៃស្ថានីយ៍វារីអគ្គិសនីស្ទឹងតាតៃលើ៕

Most Popular

DAP Business cover entrepreneurs, business flow, strategy marketing that can help readers to improve their businesses Copyright © 2016-2019

To Top