“Meet Me Meet My Major” ឬ «ជំនាញខ្ញុំ» ជាគម្រោងសហគមន៍មួយដែលបង្កេីតឡេីងដោយយុវទូតនិស្សិត នៃសាកលវិទ្យាល័យអន្តរជាតិផារ៉ាហ្គន ក្នុងគោលបំណងចែករំលែកចំណេះដឹង ព័ត៌មាន និងគន្លឹះក្នុងការជ្រេីសរេីសជំនាញ សម្រាប់ថ្នាក់់ឧត្តមសិក្សាទៅកាន់សិស្សានុសិស្សនៃបណ្តាវិទ្យាល័យចំនួន ៣ ដែលក្នុងនោះរួមមាន វិទ្យាល័យកំពង់ស្ពឺ នៅក្នុងខេត្តកំពង់ស្ពឺ វិទ្យាល័យហ៊ុនសែនឈូក និង វិទ្យាល័យមិត្តភាពកម្ពុជា-ជប៉ុនកំពតក្រុង នៅក្នុងខេត្តកំពត។
គម្រោង “Meet Me Meet My Major” នឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៥ ខែសីហា ឆ្នាំ២០២៣ ខាងមុខនេះ។ គម្រោងនេះឆ្លុះបញ្ជាំងឲ្យឃេីញពីចក្ខុវិស័យមួយក្នុងការជួយសិស្សានុសិស្សនៅវិទ្យាល័យនីមួយៗក្នុងការជ្រេីសរេីសជំនាញដើម្បីបន្តការសិក្សានៅកម្រិតបរិញ្ញាបត្រឱ្យបានត្រឹមត្រូវ។
“ The Student Ambassadors 2023 of Paragon International University ”
គោលបំណងរបស់គម្រោង “Meet Me, Meet My Major” ត្រូវបានបង្កើតឡើងដើម្បី៖
-ផ្តល់ព័ត៌មានទាក់ទងនឹងជំនាញ សិក្សានៅសាកលវិទ្យាល័យ និងបទពិសោធន៍សិក្សាថ្នាក់បរិញ្ញាបត្រ
-ចែករំលែកគន្លឹះក្នុងការប្រឡងសញ្ញាបត្រមធ្យមសិក្សាទុតិយភូមិនិងការត្រៀមខ្លួនក្នុងការឈានជើងចូលសាកលវិទ្យាល័យ
-ណែនាំពីរបៀបជ្រេីសរេីសមុខជំនាញដ៏សមស្របសម្រាប់ថ្នាក់ឧត្តមសិក្សានិងការស្វែងរកឱកាសអាហារូបករណ៍ដ៏ច្រើនផ្សេងៗ។
“ រូបភាព និងសកម្មភាពរៀបចំគម្រោង Meet Me, Meet My Major របស់ក្រុមការងារ ”
ក្រុមការងារគម្រោងនឹងបែងចែកវគ្គចែករំលែកជា ៣ វគ្គធំៗរួមមាន៖
១. ការចែករំលែកទូទៅ អំពីប្រធានបទចំនួន៣៖
ការត្រៀមខ្លួនសម្រាប់ការប្រឡងសញ្ញាបត្រមធ្យមសិក្សាទុតិយភូមិ
វិធីសាស្រ្តក្នុងការជ្រេីសរេីសមុខជំនាញ
ភាពជានិស្សិត និងការសិក្សានៅសាកលវិទ្យាល័យ។
២. ការណែនាំអំពីមុខជំនាញ ពីមុខជំនាញចំនួន ១០ រួមមាន៖
-ជំនាញគ្រប់គ្រងពាណិជ្ជកម្ម
-ជំនាញធនាគារ និងហិរញ្ញវត្ថុ
-ជំនាញស្ថាបត្យកម្ម និងការរចនា
-ជំនាញទំនាក់ទំនងអន្តរជាតិ
-ជំនាញភស្តុភារកម្ម និងពាណិជ្ជកម្មអន្តរជាតិ
-ជំនាញវិទ្យាសាស្រ្តកំព្យូរទ័រ និងគ្រប់គ្រងប្រព័ន្ធព័ត៌មាន
-ជំនាញវិស្វកម្មឧស្សាហកម្ម
-ជំនាញវិស្វកម្មសំណង់ស៊ីវិល
-ជំនាញវេជ្ជសាស្រ្តពេទ្យ
-ជំនាញនីតិសាស្រ្ត (ច្បាប់)។
៣. ការចែករំលែកអំពីអាហារូបករណ៍៖ ការចែករំលែកពីព័ត៌មានអាហារូបករណ៍ទាំងក្នុង និងក្រៅប្រទេស ដែលរៀបចំដោយយុវទូតនិស្សិតនៃសាកលវិទ្យាល័យអន្តរជាតិ ផារ៉ាហ្គន ព្រមជាមួយដៃគូសហការណ៍។
ក្នុងពេលឥឡូវនេះ ក្រុមការងាររបស់យើងកំពុងធ្វើការយ៉ាងសកម្មក្នុងការរៀបចំនូវកម្មវិធី ប្រធានបទចែករំលែក និង
ហិរញ្ញវត្ថុសម្រាប់ទ្រទ្រង់ការរៀបចំកម្មវិធីទាំងមូល។ ការធ្វើបែបនេះ គឺដើម្បីធានានូវនិរន្តរភាព និងប្រសិទ្ធភាពនៃ
វគ្គចែករំលែក ក៏ដូចជាការចំណាយមួយដែលមានតម្លាភាព។
ទន្ទឹមនឹងនេះ កាលពីថ្ងៃទី១៤ ខែកក្កដាកន្លងទៅ ក្រុមការងារគម្រោងក៏បានចុះទៅជួបជាមួយលោកនាយកនៃ វិទ្យាល័យទាំង២ ក្នុងខេត្តកំពតក្នុងគោលបំណងពិភាក្សាអំពីដំណើរការនៃការរៀបចំគម្រោង ក៏ដូចជាត្រួត ពិនិត្យទីតាំងសម្រាប់ ការរៀបចំនៅថ្ងៃកម្មវិធី។
តាមរយៈការជួបពិភាក្សាជាមួយលោកនាយក និងការជួបតាម ប្រព័ន្ធបណ្ដាញសង្គមកន្លងមក យើងអាចប៉ាន់ប្រមាណពីចំនួនសិស្សសរុបដែលអាចចូលរួមប្រមាណរហូតដល់ ១៥៥០នាក់ក្នុងវិទ្យាល័យទាំង ៣ ដែលសុទ្ធសឹងជាសិស្សថ្នាក់ទី១២ត្រូវប្រឡងមធ្យមសិក្សាទុតិយភូមិនាពេលខាងមុខ។
ក្រុមការងារគម្រោងតំណាង ៦ រូប ក៏បានជួបជាមួយសិស្សានុសិស្សទី១២ ក្នុងការចែករំលែកព័ត៌មានបន្ថែមអំពីការប្រព្រឹត្តទៅរបស់គម្រោង ក៏ដូចជាការជជែកអំពី សារៈសំខាន់នៃការជ្រើសរើសមុខជំនាញសម្រាប់ថ្នាក់ឧត្តមសិក្សាផងដែរ។
ខាងក្រោមជារូបភាព និងសកម្មភាពខ្លះៗ នៃការចុះទៅសង្កេតមើលទីតាំងដោយផ្ទាល់របស់ក្រុមការងារ
ក្រុមការងារនៃគម្រោង Meet Me, Meet My Major មានជំនឿយ៉ាងមុតមាំថា គម្រោងមួយនេះនឹងប្រព្រឹត្តទៅ
ដោយរលូនក្រោមការចូលរួមពីសំណាក់យុវទូតនិស្សិតទាំង១៦រូបផ្ទាល់ ជាមួយនឹងការសហការ របស់និស្សិតមកពី
បណ្តាសាកលវិទ្យាល័យ និងមុខជំនាញផ្សេងចំនួន១១រូបបន្ថែមទៀត។ នេះស្តែងឱ្យឃើញពីស្មារតីចូលរួមរបស់ក្រុម
និស្សិត ក្នុងនាមជាសិស្សច្បងក្នុងការចែករំលែកបទពិសោធន៍ និងគន្លឹះសម្រាប់ការត្រៀមខ្លួនក្លាយជានិស្សិតសាកល
វិទ្យាល័យ។ បន្ថែមពីនេះគម្រោងរបស់យើងក៏ត្រូវបានការចូលរួមជ្រោមជ្រែងពីសំណាក់ដៃគូសហការ និងអ្នកឧបត្ថម្ភ
កម្មវិធី ដែលអនុញ្ញាតឱ្យគម្រោងមួយនេះអាចប្រព្រឹត្តទៅតាមការគ្រោងទុក។
តាមរយៈគម្រោងមួយនេះ សិស្សានុសិស្សនឹងទទួលបាននូវបទពិសោធន៍ថ្មីនៃការចែករំលែកព័ត៌មាន បទពិសោធន៍
និងគន្លឹះមួយចំនួនក្នុងការជ្រើសរើសជំនាញមួយដែលស្របតាមចំណងចំណូលចិត្ត និងតាមមជ្ឍដ្ឋានជុំវិញជាពិសេសបានស្វែងយល់បានកាន់តែសុីជម្រៅពីមុខជំនាញនីមួយៗ។
ក្រុមការងារគម្រោងសង្ឃឹមថាគម្រោង Meet Me, Meet My Major អាចជាគន្លឹះមួយក្នុងការជួយជ្រោមជ្រែងសិស្សានុសិស្សថ្នាក់ទី១២ ទៅលើការសម្រេចចិត្តរបស់ពួកគេ។
សម្រាប់ព័ត៌មានបន្ថែម លោកអ្នកអាចទាក់ទងមកកាន់ : studentambassador@paragoniu.edu.kh
Home›អត្ថបទពាណិជ្ជកម្ម›គម្រោង “Meet Me, Meet My Major” របស់យុវទូតនិស្សិត សាកលវិទ្យាល័យ អន្តរជាតិ ផារ៉ាហ្គន មានគោលបំណង ណែនាំសិស្សទី១២ ពីមុខជំនាញចំនួន ១០ “Meet Me Meet My Major” ឬ «ជំនាញខ្ញុំ» ជាគម្រោងសហគមន៍មួយដែលបង្កេីតឡេីងដោយយុវទូតនិស្សិត នៃសាកលវិទ្យាល័យអន្តរជាតិផារ៉…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
