មិត្តហ្វូន ជាដៃគូយុទ្ធសាស្ត្រ ក្នុងការផ្លាស់ប្តូរឌីជីថល របស់កម្ពុជា

អស់រយៈពេល 15 ឆ្នាំពោរពេញដោយបញ្ហាប្រឈម និងការខិតខំប្រឹងប្រែងឥតឈប់ឈរ ដើម្បីក្លាយជាក្រុមហ៊ុនបច្ចេកវិទ្យាទូរគមនាគមន៍ ត្រួសត្រាយផ្លូវក្នុងការទទួលយក បច្ចេកវិទ្យាទំនើប មិត្តហ្វូនបានប្រមូលផលផ្លែផ្កា ក្លាយជាដៃគូយុទ្ធសាស្ត្រ ក្នុងការផ្លាស់ប្តូរឌីជីថលរបស់កម្ពុជា។

Metfone ដែលជាម៉ាកយីហោរបស់ក្រុមហ៊ុន Viettel Group គឺជាសហគ្រាសមួយក្នុងចំណោមសហគ្រាស ដែលរួមចំណែកយ៉ាងសំខាន់ដល់រដ្ឋាភិបាល និងសង្គមកម្ពុជា។ ក្នុងរយៈពេល 15 ឆ្នាំរបស់ខ្លួននៅក្នុងទឹកដីនៃប្រាសាទ មិត្តហ្វូនបានលេចចេញជាម៉ាកទូរគមនាគមន៍ ត្រួសត្រាយផ្លូវដែលមានអតិថិជនជាង 9 លាននាក់។ ចាប់តាំងពីថ្ងៃដំបូងរបស់ខ្លួននៅក្នុងប្រទេសកម្ពុជា មិត្តហ្វូនតែងតែកំណត់សកម្មភាពវិនិយោគរបស់ខ្លួនថា មិនត្រឹមតែមានសារៈសំខាន់ផ្នែកសេដ្ឋកិច្ចប៉ុណ្ណោះទេ ប៉ុន្តែថែមទាំងដើរតួជាស្ពានសម្រាប់មិត្តភាព ដ៏រឹងមាំរវាងប្រជាជាតិទាំងពីរ វៀតណាម និងកម្ពុជា។ ដូចនេះ មិត្តហ្វូន ក្នុងតួនាទីជាអ្នកកសាងសង្គមនៅកម្ពុជា បន្តវិនិយោគលើវេទិការថ្មី និងសេវាកម្ម 4.0 ដោយធានាថាប្រជាពលរដ្ឋកម្ពុជា គ្រប់រូបអាចរីករាយនឹងការទទួលបាន បច្ចេកវិទ្យាទំនើបៗ ដោយមិនឱ្យនរណាម្នាក់នៅពីក្រោយឡើយ។

នៅក្នុងចក្ខុវិស័យយុទ្ធសាស្ត្ររបស់ខ្លួនសម្រាប់ឆ្នាំ 2021 – 2025 មិត្តហ្វូនបានប្តេជ្ញាចិត្តក្នុងការដឹកនាំការផ្លាស់ប្តូរឌីជីថល ត្រៀមខ្លួនជាស្រេចក្នុងការផ្តល់យោបល់ គាំទ្រ និងសហការជាមួយរដ្ឋាភិបាលកម្ពុជា ធុរកិច្ច និងប្រជាជនដើម្បីអនុវត្តបច្ចេកវិទ្យាឌីជីថល និងដំណោះស្រាយក្នុងសកម្មភាពសង្គមផ្សេងៗ។ ការផ្តោតអារម្មណ៍របស់ Metfone ក្នុងការអនុវត្តការផ្លាស់ប្តូរឌីជីថល នៅក្នុងប្រទេសកម្ពុជា ទៅលើវិស័យចំនួនបួនរួមមាន៖ ហេដ្ឋារចនាសម្ព័ន្ធឌីជីថល វេទិកាឌីជីថល ហិរញ្ញវត្ថុឌីជីថល និងសេវាកម្មឌីជីថល។

មិត្តហ្វូនបានចុះហត្ថលេខាលើ កិច្ចព្រមព្រៀងសហប្រតិបត្តិការជាមួយក្រសួងរដ្ឋាភិបាលកម្ពុជា សម្រាប់គម្រោងផ្លាស់ប្តូរឌីជីថល រួមទាំងគម្រោងសំខាន់ៗជាមួយ ក្រសួងសុខាភិបាល ក្រសួងអប់រំ យុវជន និងកីឡា។ ប្រព័ន្ធអេកូអប់រំរបស់មិត្តហ្វូន SIS បានពង្រីកទៅសាលារៀនជាង 300 ទូទាំងប្រទេស ដោយផ្តល់អត្ថប្រយោជន៍ដល់សិស្សជាង 450,000 នាក់ជាមួយនឹងបរិយាកាសសិក្សាតាមឌីជីថល។ សម្រាប់អតិថិជនបុគ្គល មិត្តហ្វូនសម្រេចបានអត្រាអ្នកប្រើប្រាស់ទិន្នន័យ 91% ដោយ 95% ជាអតិថិជន 4G។

កម្មវិធីដ៏អស្ចារ្យរបស់មិត្តហ្វូនគឺ CamID ដែលបានចាប់ផ្តើមនៅក្នុងខែមេសា ឆ្នាំ 2021 មានអ្នកទាញយកជាង 6.2 លាន ជាមួយនឹងអតិថិជន 1 លាននាក់ប្រើប្រាស់ជាប្រចាំ។ កម្មវិធីនេះមានគោលបំណងផ្តល់ឱ្យប្រជាជនកម្ពុជាគ្រប់រូបនូវអត្តសញ្ញាណពិតប្រាកដ មិនត្រឹមតែសម្រាប់អតិថិជន Metfone ប៉ុណ្ណោះទេ ដែល អាចចូលដំណើរការបាន តែវាក៏សម្រាប់អតិថិជនពីប្រព័ន្ធដទៃផ្សេងទៀតផងដែរ។ មិត្តហ្វូនក៏បានបង្កើតវេទិកាហិរញ្ញវត្ថុឌីជីថល ដែលជាខ្សែជីវិតនៃសង្គមឌីជីថលផងដែរ។ eMoney របស់មិត្តហ្វូន គឺជាកាបូបអេឡិចត្រូនិចដ៏ធំបំផុតនៅក្នុងប្រទេសកម្ពុជា ដែលមានអ្នកប្រើប្រាស់ទៀងទាត់ជាង 800,000 នាក់។

លោក Cao Manh Duc អគ្គនាយកក្រុមហ៊ុន Metfone ចែករំលែកថា៖ “ស្មារតីរបស់មិត្តហ្វូនគឺនាំមកនូវអ្វីដែលល្អបំផុត ស្មោះត្រង់បំផុតជូនប្រជាជនកម្ពុជា និងប្រទេសជាតិ។ យើងចាត់ទុកការត្រួសត្រាយផ្លូវនៃ ការផ្លាស់ប្តូរឌីជីថលជាតួនាទី និងការទទួលខុសត្រូវ។ ដូច្នេះហើយ មិត្តហ្វូននឹង ខិតខំដោយឥតឈប់ឈរ ជាមួយនឹងការប្តេជ្ញាចិត្ត ដើម្បីកសាងសង្គមឌីជីថល ខណៈពេលដែលក្លាយជាសហគ្រាស បច្ចេកវិទ្យាទូរគមនាគមន៍ដ៏ល្បីល្បាញ។”

មកដល់បច្ចុប្បន្ននេះ ជាមួយនឹងការប្តេជ្ញាចិត្តយ៉ាងមុតមាំ របស់ខ្លួនចំពោះវិស័យឌីជីថល មិត្តហ្វូនបាននឹងកំពុងដើរតួនាទី ត្រួសត្រាយផ្លូវក្នុងការផ្លាស់ប្តូរឌីជីថលរបស់កម្ពុជា។ ឥឡូវនេះមិត្តហ្វូនគឺជាក្រុមហ៊ុនទូរគមនាគមន៍ ដ៏ធំបំផុតនៅក្នុងប្រទេសកម្ពុជា ដែលត្រូវបានទទួលស្គាល់ដោយប្រជាជន សម្រាប់ភាពរួសរាយរាក់ទាក់ វិធីសាស្រ្តផ្តោតលើអតិថិជន និងការយល់ដឹងអំពីតម្រូវការរបស់ពួកគេ៕