ព្រឹត្តិការណ៍រត់ម៉ារ៉ាតុង “BIDC & Metfone រត់ដើម្បីជីវិតកាន់តែប្រសើរឆ្នាំ ២០២៤” បានចាប់ផ្តើមជាផ្លូវការនៅ បុរីប៉េង ហួត នៅថ្ងៃទី២៣ ខែមិថុនា ក្នុងគោលបំណងនាំមកនូវ គុណតម្លៃវិជ្ជមានដល់សហគមន៍។ ព្រឹត្តិការណ៍នេះសហការរៀបចំដោយ ធនាគារ BIDC និងក្រុមហ៊ុនមិត្តហ្វូន។
![](https://dap-news.com/wp-content/uploads/2024/06/NIT3929-1024x681.jpg)
លើសពីសកម្មភាពកីឡាធម្មតា “រត់ដើម្បីជីវិតកាន់តែប្រសើរឆ្នាំ ២០២៤” គឺជាម៉ារ៉ាតុងរៃអង្គាសថវិកាសប្បុរសធម៌។ សមិទ្ធិផលរបស់អ្នករត់ទាំងអស់ នឹងត្រូវបានបំប្លែងទៅជាប្រាក់ដែលនឹង បរិច្ចាគដោយអ្នករៀបចំទៅមន្ទីរពេទ្យជោរៃភ្នំពេញ ក្នុងគោលបំណងជួយដល់មន្ទីរពេទ្យ ជាពិសេសអ្នកជំងឺដែលស្ថិតក្នុង ស្ថានភាពលំបាក។
![](https://dap-news.com/wp-content/uploads/2024/06/NIT4446-1024x681.jpg)
ការរត់ម៉ារ៉ាតុងនឹងមានសកម្មភាពចំនួនពីរ៖ ការរត់តាមអ៊ីនធឺណិត និងការរត់ប្រណាំងផ្ទាល់ដែល បម្រើជាព្រឹត្តិការណ៍ចាប់ផ្តើម សម្រាប់ការរត់តាមអ៊ីនធឺណិត។ ការរត់ប្រណាំងផ្ទាល់នឹងប្រព្រឹត្តទៅចាប់ពីម៉ោង ៦:០០ ព្រឹក ដល់ ៨:០០ ព្រឹក នៅថ្ងៃអាទិត្យ ទី ២៣ ខែមិថុនា ឆ្នាំ ២០២៤ ការត់មានចម្ងាយ ៥ គីឡូម៉ែត្រ។
![](https://dap-news.com/wp-content/uploads/2024/06/NIT4428-1024x681.jpg)
សម្រាប់កម្មវិធីដែលកំពុងដំណើរ ការតាមអ៊ីនធឺណិត អ្នកចូលរួមស្វែងរកចុះឈ្មោះ តាមរយៈកម្មវិធីទូរស័ព្ទ BIDCRun (ភ្ជាប់ដោយស្វ័យប្រវត្តិទៅកម្មវិធី Strava នៅពេលចុះឈ្មោះ) ហើយចូលរួមដោយសេរីក្នុងសកម្មភាពដើរ រត់បានគ្រប់ពេលវេលា និងទីកន្លែង។ សម្រាប់រាល់ការរត់គីឡូម៉ែត្រ ដែលមានសុពលភាពក្នុងកម្មវិធី ប្រព័ន្ធនឹងបំប្លែងចំនួនវិភាគទានទៅជា ៥០០ រៀលក្នុង១គីឡូម៉ែត្រ (គណនាដោយផ្អែកលើគីឡូម៉ែត្រសរុប ដែលសម្រេចបានដោយអ្នកចូលរួម)។
![](https://dap-news.com/wp-content/uploads/2024/06/NIT4528-1024x681.jpg)
ដោយមានបំណងចង់ផ្សព្វផ្សាយ សេចក្ដីស្រឡាញ់កីឡាជាទូទៅ ការរត់ជាពិសេស និងសារៈសំខាន់មនុស្សធម៌នៃការរត់ម៉ារ៉ាតុង ក្រុមហ៊ុន Metfone និងធនាគារ BIDC បានប្រកាសថា ព្រឹត្តិការណ៍នេះនឹងក្លាយជាព្រឹត្តិការណ៍ប្រចាំឆ្នាំ។ ក្រុមហ៊ុនទាំងពីរមានគោលបំណង លើកកម្ពស់ចលនាកីឡា និងលើកកម្ពស់សុខភាពរបស់បុគ្គលិកធនាគារ BIDC និង ក្រុមហ៊ុន Metfone មិនត្រឹមតែប៉ុណ្ណោះទេ ថែមទាំងសហគមន៍ទាំងមូលផងដែរ ៕
![](https://dap-news.com/wp-content/uploads/2024/06/NIT4366-1024x681.jpg)
![](https://dap-news.com/wp-content/uploads/2024/06/NIT4317-1024x681.jpg)
![](https://dap-news.com/wp-content/uploads/2024/06/NIT4013-1024x681.jpg)
![](https://dap-news.com/wp-content/uploads/2024/06/NIT4191-1024x681.jpg)
![](https://dap-news.com/wp-content/uploads/2024/06/BIDC-Metfone_Run-For-Better-Life-2-01-1024x576.jpg)
![](https://dap-news.com/wp-content/uploads/2024/06/KV1_BIDC-Metfone_Run-For-Better-Life-01-819x1024.jpg)
![](https://dap-business.com/wp-content/uploads/2019/12/Untitled-1-1.png)