កម្មវិធីការប្រកួតវាយសីមិត្តភាព កម្ពុជា-ចិន មិនមែនអាជីព ក្រោមប្រធានបទ «People to People Exchange Amateur Badminton Champion 2024» រៀបចំឡើងដោយសារព័ត៌មានត្នោត និងសហពន្ធ័កីឡាវាយសីកម្ពុជា បានស្វែងរកឃើញជើងឯកជាម្ចាស់ជ័យលាភីហើយ ក្រោយការប្រកួតបែបមិត្តភាពដោយស្វិតស្វាញ និងបញ្ចប់ទៅដោយរលូន កាលពីល្ងាចថ្ងៃទី៧ ខែកក្កដា ឆ្នាំ២០២៤នេះ។
![](https://dap-news.com/wp-content/uploads/2024/07/photo_2024-07-09_09-27-59-1024x768.jpg)
ក្នុងឱកាសនោះដែរ លោកស្រី ហាន លី អ្នកគ្រប់គ្រងទូទៅនៃសារព័ត៌មានត្នោត បានលើកឡើងថា ចាប់ពីថ្ងៃចាប់ផ្ដើមនៃការប្រកួតរហូតមកដល់វគ្គផ្តាច់ព្រ័ត្រ បេក្ខជនគ្រប់រូបបានបង្ហាញពីភាពទាក់ទាញ និងស្មារតីកីឡាវាយសី ជាមួយនឹងជំនាញដ៏អស្ចារ្យ ខណៈដែលព្រឹត្តិការណ៍នេះមិនត្រឹមតែជាការប្រកួតកីឡាប៉ុណ្ណោះទេ ថែមទាំងជាតំណភ្ជាប់ដ៏សំខាន់សម្រាប់ការផ្លាស់ប្តូរវប្បធម៌រវាងកម្ពុជានិងចិនផងដែរ។
![](https://dap-news.com/wp-content/uploads/2024/07/photo_2024-07-09_09-28-00-1024x682.jpg)
លោកស្រីសង្ឃឹមថាតាមរយៈការប្រកួតកីឡាវាយសីនេះនឹងអាចរឹតចំណងមិត្តភាពរវាងប្រជាជនកម្ពុជា-ចិន ឱ្យកាន់តែស៊ីជម្រៅ ហើយជំរុញការផ្លាស់ប្តូរ និងសមាហរណកម្មវប្បធម៌។ ហើយវានឹងក្លាយជាចំណុចចាប់ផ្តើមថ្មីសម្រាប់ការផ្លាស់ប្តូរវប្បធម៌រវាងប្រទេសទាំងពីរ និងចាក់គ្រឹះយ៉ាងរឹងមាំសម្រាប់កិច្ចសហប្រតិបត្តិការ និងមិត្តភាពនាពេលអនាគត។
![](https://dap-news.com/wp-content/uploads/2024/07/photo_2024-07-09_09-28-02-1024x768.jpg)
ជ័យលាភីទាំង៦វិញ្ញាសាររួមមាន ចំពោះជ័យលាភីវិញ្ញាសាឯកត្តជននារី មេដាយមាសបានទៅលើបេក្ខនារី លី មុន្នីរចនា, មេដាយប្រាក់ បានទៅលើបេក្ខនារី Ji Yong និងមេដាយសំរិទ្ធ បានទៅលើបេក្ខនារី លីម ខន្តី។
![](https://dap-news.com/wp-content/uploads/2024/07/photo_2024-07-09_09-28-04-1024x682.jpg)
ចំពោះ ជ័យលាភីវិញ្ញាសាវាយគូនារី មេដាយមាសបានទៅលើបេក្ខនារី លីម សុខងីម និងបេក្ខនារី គីម ចន្ថា, មេដាយប្រាក់ បានទៅលើបេក្ខនារី វ៉ាន់ សុខុមវត្តី និងបេក្ខនារី ផាត ស្រីមុំ, មេដាយសំរិទ្ធ បានទៅលើបេក្ខនារី Feng Jie និងបេក្ខនារី Wang Dan។
![](https://dap-news.com/wp-content/uploads/2024/07/photo_2024-07-09_09-28-06-1024x682.jpg)
ចំពោះជ័យលាភីវិញ្ញាសាឯកត្តជនបុរស មេដាយមាសបានទៅលើបេក្ខជន Chiang Jiann Wei , មេដាយប្រាក់ បានទៅលើបេក្ខជន Lin He Tong និង មេដាយសំរិទ្ធ បានទៅលើបេក្ខជន ថៃ លាង។
![](https://dap-news.com/wp-content/uploads/2024/07/photo_2024-07-09_09-28-08-1024x682.jpg)
ជ័យលាភីវិញ្ញាសាវាយគូបុរស មេដាយមាស បានទៅលើ បេក្ខជន បញ្ញា និងបេក្ខជន ដារ៉ា, មេដាយប្រាក់ បានទៅលើ បេក្ខជន Chen Jian និង បេក្ខជន Zhang Wei Xian, មេដាយសំរិទ្ធ បានទៅលើ បេក្ខជនឈ្មោះ James CHIFONG និងបេក្ខជន Wu Long ។
![](https://dap-news.com/wp-content/uploads/2024/07/photo_2024-07-09_09-28-10-1024x682.jpg)
ជ័យលាភីវិញ្ញាសាវាយគូចម្រុះ មេដាយមាសបានទៅលើ បេក្ខជន Christin និងបេក្ខជន JIt Hui Lim មេដាយប្រាក់បានទៅលើបេក្ខជន Soli និងបេក្ខជន Yan Na, មេដាយសំរិទ្ធ បានទៅលើបេក្ខជន Sophea និងបេក្ខជន Serey Sophea។
![](https://dap-news.com/wp-content/uploads/2024/07/photo_2024-07-09_09-28-12-1024x682.jpg)
ជ័យលាភីវិញ្ញាសាវាយគូកិត្តិយស មេដាយមាសបានទៅលើ បេក្ខជន ជាម សុភា និងបេក្ខនារី អ៊ឹង វល័ក្ខទេវី, មេដាយប្រាក់បានទៅលើបេក្ខជន ម៉ក់ សារឿន និងបេក្ខជន សុខ ចាន់បញ្ញា, មេដាយសំរិទ្ធបានទៅលើបេក្ខជន ឡាយ សុបញ្ញា និងបេក្ខជន នួន សុភ័ក្ត្រ។
![](https://dap-news.com/wp-content/uploads/2024/07/photo_2024-07-09_09-28-14-1024x682.jpg)
ទន្ទឹមនោះ កម្មវិធីក៏មានកាដូអនុស្សាវរីយ៍ជូនដល់ក្រុមកីឡាករ-កីឡាការិនី ដែល បានប្រកួត FAIR PLAY ក្នុងវិញ្ញាសារឯកត្តជនបុរស, វិញ្ញាសារគូវាយបុរស និង វិញ្ញាសារគូចម្រុះ ផងដែរ។
គួរឱ្យដឹងដែរថា កម្មវិធីប្រកួតកីឡាវាយសីមិត្តភាពកម្ពុជា-ចិន មិនមែនសម្រាប់កីឡាករអាជីពនេះមានការសហការដោយសហព័ន្ធកីឡាវាយសីកម្ពុជា និងគាំទ្រយ៉ាងពេញទំហឹងដោយក្រសួងសំខាន់ៗចំនួន៣ គឺក្រសួងអប់រំ យុវជន និងកីឡា, ក្រសួងព័ត៌មាន និងក្រសួងទេសចរណ៍ ព្រមទាំងម្ចាស់ឧបត្ថម្ភកម្មវិធីធំៗជាច្រើនទៀតដែលបានរួមចំណែកធ្វើឲ្យកម្មវិធីនេះនឹងប្រព្រឹត្តទៅប្រកបដោយភាពរលូននិងផ្លែផ្កាផងដែរ ក្នុងនោះមានដូចជា៖ ក្រុមហ៊ុនដឹកជញ្ជូន E-GetS, JMC JiangLing Motors(Cambodia), Zhongtong(ZTO), Midea, HONOR, VICTOR, ក្រុមហ៊ុន វ័នរ៉ូត គ្រុប (ONE ROAD Group), ភី2អេហ្វ (ភ្នំពេញ ហ្វ្រេស & ហ្វាស ឌីលីវើរី), សមាគមសភាពាណិជ្ជកម្មយុវជនកម្ពុជាចិន, ទឹករ៉ែធម្មជាតិអូគូលែន, មន្ទីរពហុព្យាបាល ស៊ីន ហុងអិន។ ជាពិសេសកម្មវិធីនេះក៏មានដៃគូផ្នែកប្រព័ន្ធផ្សព្វផ្សាយជាច្រើនរួមមាន៖ 58Cam、EAC News、Dap News、Troryorng、PhnomPenhPost English、PhnomPenhPost Khmer 、SR Digital Media、Khmernote ជាដើម៕
![](https://dap-business.com/wp-content/uploads/2019/12/Untitled-1-1.png)