សភាយុវពាណិជ្ជករអន្ដរជាតិកម្ពុជា សាខាភ្នំពេញ មានកម្មវិធីពិសេសមួយសម្រាប់សហគ្រិន និង សហគ្រិនធុនតូច និង មធ្យមដែលផ្តោតទៅលើការររៀបចំផែនការហិរញ្ញវត្ថុ និងការធ្វើថវិការ ដែលនឹងជួយអាជីវកម្មក្នុងការគ្រប់គ្រងលំហូរសាច់ប្រាក់ ព្រមទាំងយុទ្ធសាស្ត្ររៀបចំថវិកា ដោយប្រើប្រាស់ប្រព័ន្ធឌីជីថល។ ដោយមានការចូលរួមពីសំណាក់វាគ្មិនកិតិ្ដយសសំខាន់ៗដូចជា អ្នកស្រី ដាលុច្ស ជិន សហស្ថាបនិកនៃក្រុមហ៊ុន LuyBook ដែលបានបញ្ចប់បរិញ្ញាបត្រជាន់ខ្ពស់ ផ្នែកពាណិជ្ជសាស្ត្រលើវិស័យហិរញ្ញវត្ថុពីសាកលវិទ្យាល័យ UNSW ប្រទេសអូស្ត្រាលី។
លោក សាន រិទ្ធី ស្ថាបនិកក្លឹបគណនេយ្យកម្ពុជា (CAC) និងជាសវនករសាធារណៈ (CPA) និងជាសមាជិកនៃវិទ្យាស្ថានគណនេយ្យករ និងសវនករសាធារណៈកម្ពុជា (KICPAA) និងវិទ្យាស្ថានសវនករសាធារណៈ (IPA) អូស្ត្រាលី។ ជាមួយនិងវាគ្មិនម្នាក់ទៀត លោក ង៉ែត ចូ ជាស្ថាបនិក និងជាប្រធានក្រុមប្រឹក្សាភិបាលនៃក្រុមហ៊ុន F.I Vision Capital Plc ជាសមាជិកក្រុមប្រឹក្សាភិបាលនៃ DGAcademy និងជាសមាជិកក្រុមប្រឹក្សាភិបាលឯករាជ្យនៃក្រុមហ៊ុនធានារ៉ាប់រងអាយុជីវិតមួយ។ ក្នុងអំឡុងពេលសិក្ខាសាលានេះ អ្នកចូលរួមនឹងទទួលបានចំណេះដឹងជាច្រើន ដើម្បីលើកកម្ពស់អាជីវកម្មរបស់ពួកគេ។
ព្រឹត្តិការណ៍នេះត្រូវបានរៀបចំឡើង ដើម្បីផ្ដល់ឲ្យអ្នកចូលរួមនូវយុទ្ធសាស្ត្រដែលអាចអនុវត្តបាន ដើម្បីបង្កើនប្រសិទ្ធភាពការចំណាយ គ្រប់គ្រងលំហូរសាច់ប្រាក់ និងបែងចែកធនធានឲ្យកាន់តែមានប្រសិទ្ធភាព។
លើសពីនេះអ្នកចូលរួមនឹងមានឪកាសក្នុងការសន្ទនា ពិភាក្សា ប្រឹក្សាយោបល់ ជជែកវែកញែក ពង្រីកទំនាក់ទំនងជាមួយវាគ្មិន ក៏ដូចជាម្ចាស់អាជីវកម្មដទៃទៀត ព្រមទាំងមានឪកាសក្នុងការ ពង្រឹងជំនាញនៅក្នុងការគ្រប់គ្រង់ហរិញ្ញវត្ថុ នៅក្នុងយុគសម័យឌីជីថលឲ្យមានប្រសិទ្ធភាព។
សិក្ខាសាលានេះមានវាគ្មិនជំនាញ ដែលនឹងចែករំលែកករណីសិក្សាពិតៗ ដំបូន្មានជាក់ស្តែង និងរឿងរ៉ាវជោគជ័យ ជាមួយនឹងប្រព័ន្ធឌីជីថល ដែលធានាឲ្យអ្នកចូលរួមអាចអនុវត្តភ្លាមៗ នូវអ្វីដែលពួកគេបានរៀន។
កម្មវិធីនេះនឹងប្រព្រឹត្តទៅនៅថ្ងៃទី១៥ ខែមីនា ឆ្នាំ២០២៥ ចាប់ពីម៉ោង ៨:០០ព្រឹក ដល់ ១១:៣០ព្រឹក នៅមជ្ឈមណ្ឌលបណ្ដុះធុរកិច្ចថ្មី “តេជោ” (ម.ធ.ត.) ជាន់ទី១១ ដែលស្ថិតនៅមហាវិថី OCIC រាជធានីភ្នំពេញ។
គួរបញ្ជាក់ផងដែរថា សម្រាប់ការចូលរួមកម្មវិធី JCI Breakfast Talk នឹងត្រូវបានអនុវត្តតាមរយះការទិញសំបុត្រ។ចំពោះសិស្សលោកអ្នកនឹងទទួលបានតម្លៃពិសេសត្រឹមតែ ១០ដុល្លារតែប៉ុណ្ណោះ។កាន់តែពិសេសជាងនេះទៅទៀតនោះ សម្រាប់សមាជិករបស់សភាយុវពាណិជ្ជករអន្ដរជាតិ មកពីគ្រប់សាខា តម្លៃសំបុត្រត្រឹមតែ ១២ដុល្លាររតែប៉ុណ្ណោះ។ សម្រាប់តម្លៃសំបុត្រធម្មតា១៥ ដុល្លារ។
ចុះឈ្មោះចូលរួមក្នុងកម្មវិធី JCI Breakfast Talk ឥឡូវនេះ តាមរយះតំណលីងខាងក្រោម https://forms.gle/eiXRJn758fiCZ4iC7
ព័ត៌មានបន្ថែមសូមទាក់ទង
- ថន សូពុទ្ធារិទ្ធិ: 098 555 008 (Telegram)( https://t.me/tspr1234 )
- ពៅ ស្រីហ្គេច: 078 204 393 (Telegram) ( https://t.me/sreygech )
Home›អត្ថបទពាណិជ្ជកម្ម›ធ្វើមិចចាយឲ្យត្រូវខ្ទង់ ក្នុងយុគសម័យឌីជីថល ដែលត្រូវបានរៀបចំដោយ សភាយុវពាណិជ្ជករអន្ដរជាតិកម្ពុជា សាខាភ្នំពេញ ក្នុងកម្មវិធី JCI Breakfast Talk សភាយុវពាណិជ្ជករអន្ដរជាតិកម្ពុជា សាខាភ្នំពេញ មានកម្មវិធីពិសេសមួយសម្រាប់សហគ្រិន និង សហគ្រិនធុនតូច និង មធ្យមដែលផ្តោតទៅលើ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
