តើអ្នកត្រៀមខ្លួន សម្រាប់សេដ្ឋកិច្ចប្រែប្រួល ឆ្នាំ២០២៥? សូមចូលរួមវេទិកា “ហិរញ្ញវត្ថុអ្នក”

ព្រឹត្តិការណ៍ “ហិរញ្ញវត្ថុអ្នក-Your Finance ឆ្នាំ២០២៥” នឹងប្រមូលផ្តុំអ្នកជំនាញហិរញ្ញវត្ពុពីស្ថាប័នផ្សេងៗគ្នា នៅកម្ពុជា ដើម្បីចែករំលែកចំណេះដឹងនិងបទពិសោធន៍ របស់ពួកគេក្នុងការគ្រប់គ្រង ហិរញ្ញវត្ថុផ្ទាល់ខ្លួននិងអាជីវកម្ម។ ព្រឹត្តិការណ៍នេះនឹងប្រព្រឹត្តទៅនៅថ្ងៃសៅរ៍ ទី២៦ ខែមេសា ឆ្នាំ២០២៥ នៅអគារ ISI Tower ក្នុងរាជធានីភ្នំពេញ ចាប់ពីម៉ោង ១:០០ រសៀល ដល់ម៉ោង ៥:៣០ ល្ងាច។

វាគ្មិនកិត្តិយសរួមមាន៖
លោក ង៉ែត ជូ – អ្នកស្រាវជ្រាវផ្នែកហិរញ្ញវត្ថុផ្ទាល់ខ្លួន នឹងចែករំលែកអំពីការគ្រប់គ្រង ហិរញ្ញវត្ថុផ្ទាល់ខ្លួនប្រកបដោយភាពឆ្លាតវៃ
លោក អឿ សុធារ័ត្ន – ប្រធាននាយកប្រតិបត្តិក្រុមហ៊ុនក្រេឌីតប្យរ៉ូ (CBC) នឹងពន្យល់អំពីការកសាងកម្រិតឥណទានល្អ
លោក ហោ ប៊ុនថែ – អគ្គនាយករងធនាគារវីង នឹងណែនាំអំពីការប្រើប្រាស់​សេវាធនាគារប្រកបដោយសុវត្ថិភាព
លោក ទុយ ហុង – នាយកគ្រប់គ្រងក្រុមហ៊ុន Localize Tech Solution នឹងបង្ហាញពីការប្រើប្រាស់បច្ចេកវិទ្យា ក្នុងការគ្រប់គ្រងហិរញ្ញវត្ថុអាជីវកម្ម

ព្រឹត្តិការណ៍នេះរៀបចំឡើងដោយ សភាយុវពាណិជ្ជករអន្តរជាតិកម្ពុជាសាខាមេគង្គ (JCI Mekong) សហការជាមួយ កាក់សេន (Kakcent) ក្នុងគោលបំណងជួយប្រជាជនកម្ពុជាដោះស្រាយ បញ្ហាហិរញ្ញវត្ថុក្នុងអំឡុងពេលវិបត្តិសេដ្ឋកិច្ច។

កម្មវិធីនឹងរួមបញ្ចូលទាំងការធ្វើបទបង្ហាញគន្លឹះ, ការពិភាក្សាក្រុម, និងការសន្ទនាកម្រិតខ្ពស់ជាមួយវាគ្មិន។ ព្រឹត្តិការណ៍នេះរំពឹងថានឹងមានអ្នកចូលរួមប្រមាណជាង ១៥០ នាក់ រួមទាំងសហគ្រិន អ្នកអាជីវកម្ម និស្សិត និងអ្នកដែលចាប់អារម្មណ៍ក្នុងការគ្រប់គ្រងហិរញ្ញវត្ថុ។

សំបុត្រចូលរួមព្រឹត្តិការណ៍មានតម្លៃ ៦ ដុល្លារសម្រាប់សមាជិក​JCI Cambodia និង ៨ ដុល្លាសម្រាប់សាធារណជន។កុំរង់ចាំយូរ! ចំនួនកន្លែងមានកំណត់!
👉 JCI Member កក់សំបុត្រតាម T.me/ponharithp
👉 NON-Member កក់សំបុត្រតាម https://bookme.plus/t/events/your-finance-2025

ព្រឹត្តិការណ៍នេះត្រូវបានឧបត្ថម្ភដោយធនាគារ Wing, LYK Money Exchange, So-Link Accounting Firm និងដៃគូផ្សេងទៀត។