ដើម្បីបង្កើនការយល់ដឹង ជាសាធារណៈបន្ថែមទៀតអំពីសន្តិសុខព័ត៌មាន និងពង្រឹងការការពារខ្លួននៅក្នុងបរិបទឌីជីថល ទូរទស្សន៍ MOI TV ក្រោមឱវាទក្រសួងមហាផ្ទៃនៃព្រះរាជាណាចក្រកម្ពុជា បានចាប់ដៃគូសហការជាមួយក្រុមហ៊ុនមិត្តហ្វូន ដើម្បីដាក់ដំណើរការយុទ្ធនាការផ្សព្វផ្សាយ «នៅពីក្រោយការពិត»។ គំនិតផ្ដួចផ្ដើមនេះ មានគោលបំណងរួមចំណែក បង្កើតបរិយាកាសឌីជីថលមួយដែលមានសុវត្ថិភាព និងគួរឱ្យទុកចិត្តកាន់តែខ្លាំងសម្រាប់ប្រជាពលរដ្ឋកម្ពុជា។
យុទ្ធនាការនេះកំពុងត្រូវបានអនុវត្តតាមរយៈកម្រងវីដេអូ «នៅពីក្រោយការពិត» ដែលបង្ហាញឡើងវិញនូវសេនារីយ៉ូ នៃការបោកប្រាស់តាមប្រព័ន្ធអនឡាញទូទៅ ដើម្បីជួយឱ្យប្រជាពលរដ្ឋអាចសម្គាល់ និងជៀសវាងហានិភ័យនានាក្នុងយុគសម័យឌីជីថលបានកាន់តែប្រសើរ។ កម្រងវីដេអូនេះគ្របដណ្តប់លើប្រភេទផ្សេងៗ នៃការបោកប្រាស់តាមប្រព័ន្ធអ៊ីនធឺណិត រួមមាន ការបន្លំខ្លួនតាមអនឡាញ ការបោកប្រាស់តាមរយៈរឿងស្នេហា ការបោកប្រាស់ដោយប្រើបច្ចេកវិទ្យា AI (Deepfake) ការផ្ញើតំណភ្ជាប់បោកប្រាស់ (Phishing links) និងល្បិចកលលួចយកគណនីនៅលើបណ្តាញឌីជីថល។
យុទ្ធនាការនេះមានគោលដៅ ឆ្ពោះទៅកាន់គ្រប់ស្រទាប់វណ្ណៈក្នុងសង្គម ជាពិសេសមនុស្សចាស់ និងបុគ្គលដែលមានលទ្ធភាពប្រើប្រាស់បច្ចេកវិទ្យានៅមានកម្រិត។ តាមរយៈទម្រង់វីដេអូដែលងាយយល់ ងាយចូលទៅដល់ និងស្រដៀងនឹងជីវភាពរស់នៅជាក់ស្ដែង «នៅពីក្រោយការពិត» ត្រូវបានរំពឹងថានឹងជួយលើកកម្ពស់ការយល់ដឹង និងបំពាក់បំប៉នចំណេះដឹងសំខាន់ៗដល់ប្រជាពលរដ្ឋ ដើម្បីប្រើប្រាស់អ៊ីនធឺណិតប្រកបដោយសុវត្ថិភាព និងការទទួលខុសត្រូវ។
គំនិតផ្តួចផ្តើមរួមគ្នានេះ បានឆ្លុះបញ្ចាំងពីកិច្ចខិតខំប្រឹងប្រែង ជាបន្តបន្ទាប់របស់ក្រសួងមហាផ្ទៃ និងក្រុមហ៊ុនមិត្តហ្វូន ក្នុងការលើកកម្ពស់ការយល់ដឹងអំពីសន្តិសុខសាយប័រ (Cybersecurity) និងរួមចំណែកកសាងបរិយាកាសអនឡាញដែលមានសុវត្ថិភាព សុខដុមរមនា និងគួរឱ្យទុកចិត្តសម្រាប់សហគមន៍។
ខណៈពេលដែលកម្ពុជាកំពុងបន្តជម្រុញដំណើរការផ្លាស់ប្តូរឌីជីថលឱ្យកាន់តែលឿន ការធានាសុវត្ថិភាពតាមប្រព័ន្ធអនឡាញ បានក្លាយជាកិច្ចការកាន់តែសំខាន់ ដើម្បីជួយឱ្យប្រជាពលរដ្ឋទទួលបាន អត្ថប្រយោជន៍ពេញលេញពីសេវាកម្ម និងបច្ចេកវិទ្យាឌីជីថល។ បន្ថែមលើការវិនិយោគលើហេដ្ឋារចនាសម្ព័ន្ធទូរគមនាគមន៍ និងសេវាកម្មឌីជីថល ក្រុមហ៊ុនមិត្តហ្វូនក៏បានសហការយ៉ាងសកម្មជាមួយស្ថាប័នរដ្ឋាភិបាល និងអង្គការសហគមន៍នានា ដើម្បីលើកកម្ពស់ការប្រើប្រាស់អ៊ីនធឺណិត ប្រកបដោយការទទួលខុសត្រូវ និងពង្រឹងការយល់ដឹងរបស់សាធារណជន អំពីសន្តិសុខសាយប័រផងដែរ។
តាមរយៈកម្រងវីដេអូ «នៅពីក្រោយការពិត» ក្រសួងមហាផ្ទៃ និងក្រុមហ៊ុនមិត្តហ្វូន សង្ឃឹមថានឹងអាចផ្សព្វផ្សាយបន្ថែមទៀត នូវសារនៃការការពារខ្លួនជាមុននៅក្នុងលំហឌីជីថល ដែលរួមចំណែកដល់ ការអភិវឌ្ឍសង្គមឌីជីថលមួយប្រកបដោយសុវត្ថិភាព ទំនើប និងនិរន្តរភាពនៅកម្ពុជា។
យុទ្ធនាការវីដេអូពេញលេញស្តីពីការយល់ដឹង និងការការពារការបោកប្រាស់តាមអនឡាញ នឹងត្រូវផ្សព្វផ្សាយក្នុងពេលឆាប់ៗនេះនៅលើទំព័រ Metfone Fanpage និងកម្មវិធី TV360 by Metfone ដែលការណ៍នេះនឹងជួយពង្រីកវិសាលភាព នៃមាតិកាអប់រំដ៏សំខាន់នេះ និងផ្តល់ជូនប្រជាពលរដ្ឋនៅទូទាំងប្រទេសនូវឧបករណ៍ និងចំណេះដឹងដើម្បីរក្សាសុវត្ថិភាពនៅក្នុងបរិបទឌីជីថល។
បន្ទាប់ពីរយៈពេលពីរឆ្នាំនៃការដាក់ដំណើរការ កម្មវិធី TV360 by Metfone ទទួលបានការទាញយកលើសពី ១ លានដងរួចហើយនៅលើប្រព័ន្ធ Android និង iOS ដែលនេះបានពង្រឹងទីតាំងរបស់ខ្លួនជាវេទិកា OTT ដ៏ពេញនិយមបំផុតមួយនៅក្នុងប្រទេសកម្ពុជា។ ជាមួយនឹងបច្ចេកវិទ្យាទំនើប បណ្ណាល័យមាតិកាដ៏សម្បូរបែប ដែលបានបញ្ចូលសំឡេងជាភាសាខ្មែរ រួមនឹងគម្រោងតម្លៃដ៏ទាក់ទាញ កម្មវិធី TV360 ផ្តល់ជូននូវបទពិសោធន៍កម្សាន្តប្រកបដោយគុណភាពខ្ពស់ ដែលអនុញ្ញាតឱ្យអ្នកប្រើប្រាស់អាចរីករាយ ជាមួយមាតិកាដែលពួកគេចូលចិត្តបានគ្រប់ពេលវេលា និងគ្រប់ទីកន្លែង៕
Home›អត្ថបទពាណិជ្ជកម្ម›ក្រសួងមហាផ្ទៃ និងក្រុមហ៊ុនមិត្តហ្វូន (Metfone) សហការគ្នាដាក់ដំណើរការយុទ្ធនាការផ្សព្វផ្សាយ «នៅពីក្រោយការពិត» ដើម្បីពង្រឹងសុវត្ថិភាពតាមប្រព័ន្ធអ៊ីនធឺណិត ជូនសាធារណជន ដើម្បីបង្កើនការយល់ដឹង ជាសាធារណៈបន្ថែមទៀតអំពីសន្តិសុខព័ត៌មាន និងពង្រឹងការការពារខ្លួននៅក្នុងបរិប…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026ទិញឡាន ឈ្នះផ្ទះវីឡា ឈ្នះឡាន ពី GAC CAMBODIAOctober 19, 2026
