ភ្នំពេញ ៖ ម្ចាស់អាជីវកម្មក្នុងស្រុកចំនួន៥ កាលពីពេលថ្មីៗនេះ បានសម្រេចសហការចុះអនុស្សារណៈយោគយល់គ្នា (MOU) ជាមួយអង្គការមូលនិធិកុមារពិការ (KPF) ដើម្បីចូលរួមចំណែកជួយសង្គមក្នុងការគាំទ្រដល់កុមារមានពិការភាពនៅកម្ពុជា ។

ក្នុងពិធីចុះ MOU លោក គង់ វិចិត្រា នាយកប្រតិបត្តិនិងស្ថាបនិកនៃអង្គការមូលនិធិកុមារពិការ (KPF) បានថ្លែងថា ការចុះនេះគឺជាទង្វើ និងកាយវិការដ៏ល្អប្រពៃដែលខាងម្ចាស់អាជីវកម្មចូលរួមចំណែកជួយសង្គម តាមរយៈអង្គការមូលនិធិកុមារពិការ សំរាប់ជាការគាំទ្រដល់កុមារមានពិការភាព។ ការចូលរួមចំណែកនេះ ពិតជាល្អព្រោះស្ថានភាពរបស់ពួកគាត់មានពិការធ្ងន់ធ្ងរ និងខ្សោយបញ្ញាដែលធ្វើឲ្យលំបាកសំរាប់ឪពុកម្តាយរបស់ពួកគាត់ ជាពិសេស ក្នុងពេលជំងឺរាតត្បាតកូវីដ១៩ ជាង២ឆ្នាំនេះ ព្រោះបុគ្គលមិនពិការ ឬមិនមានសមាជិកគ្រួសារដែលពិការ ក៏ជួបការលំបាកហើយ ចុះទំរាំពួកគាត់ដែលតម្រូវឲមានម្ហូបអាហារហូបចុកគ្រប់គ្រាន់ និងការថែទាំសុខភាពពិតជា លំបាកខ្លាំង។

លោកបន្តថា ការរួមចំណែកនេះ មិនត្រឹមតែជួយជាអំណោយ ម្ហូបអាហារ តែនឹងផ្តល់ឱកាសដល់កុមារពិការទទួលបានការងារធ្វើ និងប្រាក់ដើម្បីចិញ្ចឹមក្នុងក្រុមគ្រួសារ ហើយក៏ផ្តល់ឱកាស និងការចូលរួមដ៏ពេញលេញក្នុងសង្គមជាតិ ដោយគ្មានការរើសអើង។

ទន្ទឹងនឹងនេះ នាយកប្រតិបត្តិនិងស្ថាបនិក នៃអង្គការមូលនិធិកុមារពិការ រូបនេះ ក៏បានមើលឃើញថា ស្ថានភាពកិច្ចការពារ និងគាំពារផ្នែកផ្លូវច្បាប់ ក៏ប្រសើរជាងមុន ដោយមានការយកចិត្តទុកដាក់ពីរាជរដ្ឋាភិបាល តែលោកក៏សុំសំណូមឲ្យបន្តជួយគាំទ្រ និងលើកស្ទួយផ្នែកសង្គម និងសេដ្ឋកិច្ច ដល់ជនមានពិការភាព និងក្រុមគ្រួសាររបស់ពួកគាត់ រស់នៅប្រកបដោយភាពថ្លៃថ្នូរ និងការមិនរើសអើងក្នុងសង្គម។

សម្រាប់ម្ចាស់អាជីវកម្មចំនួន៥ ដែលបានចុះហត្ថលេខា MOU រួមមាន៖ លោក Sam Bunteang នាយកប្រតិបត្តិក្រុមហ៊ុន អេឌីខេ រ៉ាយស៍ (ខេមបូឌា) ឯ.ក , លោកស្រី Thuch Sokunthea នាយកប្រតិបត្តិសិប្បកម្មផលិតមី ដាម , លោកស្រី Nhem Chanthou នាយកប្រតិបត្តិ TUK JIT KASEKOR , លោក Ung Sasda នាយកប្រតិបត្តិ Supang និងលោក Leang Chandara នាយកប្រតិបត្តិ BOOK CENTER (PPBC) ។

សូមបញ្ជាក់ថា មូលនិធិ Komar Pikar ឬKPF ឬមូលនិធិសម្រាប់កុមារពិការ គឺជាអង្គការមិនមែនរដ្ឋាភិបាលកម្ពុជាដែលស្រលាញ់សុខុមាលភាពរបស់កុមារ និងយុវជនដែលមានពិការភាពកម្រិតមធ្យម និងធ្ងន់ធ្ងរ និងក្រុមគ្រួសាររបស់ពួកគេ។ KPF ត្រូវបានបង្កើតឡើងក្នុងឆ្នាំ២០០៧ និងបានចុះបញ្ជីជាផ្លូវការជាមួយក្រសួងមហាផ្ទៃក្នុងឆ្នាំ២០០៨នោះ គឺក្រុមបុគ្គលដែលមានការប្តេជ្ញាចិត្ត និងមានបទពិសោធន៍ មានបំណងឆ្លើយតបទៅនឹងតម្រូវការអស់សង្ឃឹមរបស់កុមារ ដែលមានពិការភាពកម្រិតមធ្យម និងធ្ងន់ធ្ងរនៅកម្ពុជា។ បុគ្គលិក និងអ្នកគាំទ្រ KPF ជាច្រើននាក់ បានធ្វើការជាមួយកុមារពិការ និងគ្រួសាររបស់ពួកគេអស់រយៈពេលជាច្រើនឆ្នាំ។ អង្គការមូលនិធិកុមារពិការ ជាគម្រោងអភិវឌ្ឍន៍សង្គម ដែលផ្តោតលើកុមារពិការជាង ៩០% និងកុមារក្រីក្រ ១០% ៕

ភ្នំពេញ ៖ ក្នុងឱកាសចូលឆ្នាំថ្មីប្រពៃណីចិនខាងមុខនេះ សម្រាប់ប្រជាពលរដ្ឋត្រូវការនំពងទា រសជាតិពងមាន់ និងនំសម្រាប់សែន អាចធ្វើការកុម្ម៉ង់ជាមុន (Pre-Order) បានហាងនំប៉័ងបាយ័ន គ្រប់សាខាទាំងអស់ ជាមួយនំពងទាច្រើនទំហំ ។

ដូច្នេះនឹកឃើញដល់ថ្ងៃសែន ត្រូវនឹកដល់នំពងទាររស់ជាតិពងមាន់ របស់ហាងនំប៉័ងបាយ័ន ដែលត្រូវបានធ្វើឡើយ ដោយយកចិត្តទុកដាក់ខ្ពស់ ចំពោះសុខភាព និងអនាម័យ ។ ប្រញ៉ាប់ឡើង ចំនួនមានកំណត់! ។ មិនត្រឹមតែប៉ុណ្ណោះ មានលក់នំសម្រាប់សែនដូចជា នំពាកណ្តាលពងទា១ និងពងទា២ ស្នូល ( ធូរ៉េន/ត្រាវ/សណ្តែក ) នំពាតូច ស្នូល ( ធូរ៉េន/ត្រាវ/សណ្តែក ) នំពាស្រួយ នំពាបំពង នំទឹកចេក នំមីងធឹង ផងដែរ ។

តើឆ្នាំនេះ លោកអ្នកចង់សែននំពងទា ទំហំប៉ុណ្ណាដែរ? ហាងនំប៉័ងបាយ័ន មាននំពងទាច្រើនទំហំ សម្រាប់ជ្រើសរើស។ កុំបង្អង់យូរអី លោកអ្នកអាចចាប់ផ្តើម ធ្វើការកុម្ម៉ង់ទុកមុន នៅតាមបណ្តាហាងនំបុ័ងបាយ័ន ទាំងអស់សាខាដែលនៅជិតលោកអ្នកបំផុត និងតាមទូរស័ព្ទ Hotline 010 555 322 និង 069 555 075 លោកអ្នកក៏អាចរកទិញ នៅផ្សារម៉ាក្រូសែនសុខ បានផងដែរ ។

ឬលោកអ្នកអាចមកកាន់ ហាងនំប៉័ងបាយ័នផ្ទាល់ ដែលមាន៖ ១.ហាងនំប៉័ងបាយ័នផ្សារធំថ្មី វិថីកម្ពុជាក្រោម 010 555 322 , ២.ហាងនំប៉័ងបាយ័នពេទ្យចិន មហាវិថីព្រះមុនីវង្ស 010 555 323 , ៣. ហាងនំប៉័ងបាយ័នឃ្លាំងរំសែវ មហាវិថីម៉ៅសេទុង 069 968 666 , ៤. ហាងនំប៉័ងបាយ័នពោធិ៍ចិនតុង មហាវិថីសហព័ន្ធរុស្ស៊ី 010 555 325 , ៥. ហាងនំប៉័ងបាយ័នជ្រោយចង្វារ ផ្លូវជាតិលេខ៦អា 010 555 326 , ៦. ហាងនំប៉័ងបាយ័នស្តាតចាស់ វិថីឧកញ៉ាឃ្លាំងមឿង 010 555 327 , ៧. ហាងនំប៉័ងបាយ័នអូបែកក្អម វិថីយុទ្ធពលខេមរភូមិន្ទ 010 555 328 , ៨. ហាងនំប៉័ងបាយ័នច្បារអំពៅ ផ្លូវជាតិលេខ១ 010 555 329 , ៩. ហាងនំប៉័ងបាយ័នព្រែកព្នៅ ផ្លូវជាតិលេខ៥ 010 555 331 , ១០. ហាងនំប៉័ងបាយ័នឬស្សីកែវ ផ្លូវជាតិលេខ៥ 010 555 332, ១១. ហាងនំប៉័ងបាយ័នស្ទឹងមានជ័យ វិថីព្រះមុនីរ៉េត 069 693 666, ១២. ហាងនំប៉័ងបាយ័នទួលទំពូង ផ្លូវលេខ(432) 010 555 094 , ១៣. ហាងនំប៉័ងបាយ័នព្រែកតាមាក់ ផ្លូវជាតិលេខ៦អា 010 525 500 និង១៤. ហាងនំប៉័ងបាយ័នផ្លូវហាណូយ ផ្លូវហាណូយ 010 555 487 រឺតាមរយៈដៃគូសហការដឹកជញ្ជូនដូចជា Foodpanda និង Nham24៕

ភ្នំពេញ៖ លោកឧកញ៉ាទៀ វិចិត្រ សមាជិកយុវជន​​ គណបក្សប្រជាជនកម្ពុជា ខេត្តព្រះសីហនុ នៅថ្ងៃ២៤ ខែមករា ឆ្នាំ២០២២នេះ​ បានបញ្ជូនអូបរ័ពេទ្យ និងក្រុមការងារសង្គ្រាះ របស់ក្រុមហ៊ុនលោកឧកញ៉ា ទៅជួយស្វែងរក​បុរសអ្នកនេសាទម្នាក់ ដែលធ្លាក់ពីលើទូកនេសាទ បាត់ខ្លួនក្នុងសមុទ្រ តាមការស្នើសុំ ពីក្រុមគ្រួសារជនរងគ្រោះ ។

យោងតាមក្រុមគ្រួសារជនរងគ្រោះ បានឲ្យដឹងថា បុរសរងគ្រោះគឺជាកម្មករនេសាទ បានធ្លាក់ពីលើទូកនេសាទ ចូលទៅក្នុងសមុទ្រ នៅចំនុចដាវលេខ៤៣_៧៩០ ម្តុំខាងក្រោយឃ្លាំងស្តុកប្រេងសូគីមិច ចន្លោះពាក់កណ្តាលកោះដូង ស្ថិតនៅភូមិ២ ឃុំកំពេញ ស្រុកស្ទឹងហាវ ខេត្តព្រះសីហនុ រួចបាត់ខ្លួន។

ចំណែកម្ចាស់ទូកឈ្មោះ អ៊ុក ស៊ិន ភេទប្រុស អាយុ៥០ឆ្នាំ ស្នាក់នៅលើទូក មានស្រុកកំណើត ភូមិអំពែង ឃុំអំពែង ស្រុកដំណាក់ចង្អើរ ខេត្តកែប បានឲ្យដឹងដែរថា មុនកើតហេតុពួកគាត់ បានចេញទៅនេសាទ មានគ្នាចំនួន៣នាក់ ហើយពេលកំពុងនេសាទក្នុងសមុទ្រ ជនរងគ្រោះដែលជាកូនដៃទូក បានធ្លាក់ទឹកបាត់ខ្លួន ហើយភ្លាមៗពួកគាត់ ក៏បានស្វែងរកដែរ ប៉ុន្តែមិនប្រទះឃើញ។

ជនរងគ្រោះឈ្មោះ ហ៊ូត ចាន់ ភេទប្រុស អាយុ៤២ឆ្នាំ មានប្រពន្ធឈ្មោះ មាស សារី អាយុ៤៥ឆ្នាំ មានស្រុកកំនើត ភូមិអំពែង ឃុំអំពែង ស្រុកដំណាក់ចង្អើរ ខេត្តកែប។

គួរបញ្ជាក់ថា រហូតមកត្រឹមព្រលប់ថ្ងៃ២៤​ ខែមករា ឆ្នាំ២០២២នេះ នៅមិនទាន់ប្រទះឃើញជនរងគ្រោះនៅឡើយ ហើយក៍មិនទាន់ដឹងពីជោគវាសនា របស់ជនរងគ្រោះថាយ៉ាងណានៅឡើយ ចំណែកការស្វះស្វែងរកជនរងគ្រោះកំពុងធ្វើបន្ត ដោយក្រុមសង្គ្រោះ ក្រុមហ៊ុនលោកឧកញ៉ាទៀ វិចិត្រ សហការ ជាមួយកម្លាំងនគរបាលចរាចរណ៍ផ្លូវទឹក និងកម្លាំងនគរបាលស្រុកស្ទឹងហាវ ខេត្តព្រះសីហនុ។

ជាមួយគ្នានេះលោកឧកញ៉ា ទៀ វិចិត្រ​ ប្រកាសប្រាប់បងប្អូនប្រជានេសាទ ក្នុងសមុទ្រផងដែរថា ក្នុងករណីប្រទះឃើញជនរងគ្រោះ នៅចំណុចណាមួយ សូមជួយរាយការណ៍ មកក្រុមសង្គ្រោះតាមទូរសព្ទ័លេខ 012 964 893៕

ភ្នំពេញ៖ បុរី ភូមិសំរោង ដែលជាគម្រោងអភិវឌ្ឍលំនៅដ្ឋានថ្មីមួយ មានទីតាំងស្ថិតនៅលើបណ្តោយផ្លូវជាតិលេខ៥ សង្កាត់សំរោង ខណ្ឌព្រែកព្នៅ បានក្លាយជាទីតាំងដ៏ចាប់អារម្មណ៍ពីសំណាក់មហាជន ដោយសារតែវាជាទីតាំងដ៏មនោរម្យ មានបរិយាកាសល្អបរិសុទ្ធ រំលេចជាមួយទេសភាពដ៏ក្រកាល ប្រៀបបានដូចជារម្មណីដ្ឋានមួយក្នុងរាជធានីភ្នំពេញ យ៉ាងដូច្នេះដែរ ។

ដោយសារតែប្រណីតភាព និងភាពទាក់ទាញខ្លាំងនៃទីតាំងខាងលើនេះ ទើបជម្រុញចិត្តក្រុមផលិតករជាច្រើន បានទាក់ទងសុំការនុញ្ញាតដើម្បីថត MV បទចម្រៀង ។ តួយ៉ាងថ្មីៗនេះ ក្រុមការងារផលិតកម្មថោន បានចុះថត MV បទចម្រៀងថ្មីរបស់តារាចម្រៀង គូម៉ា ដែលមានចំណងជើងថា «ផ្ដាំជនទី៣» ។

លោក ភីវ៉ាត់ ក្រុមការងារថត MV បទចម្រៀងមួយបទខាងលើនេះ បានប្រាប់មកកាន់ Lookingtoday ថា មូលហេតុដែលនាំឱ្យផលិតករ ក៏ដូចជាក្រុមការងារផលិតកម្មថោន ចាប់អារម្មណ៍ និងជ្រើសរើសទីតាំងបុរី ភូមិសំរោង សម្រាប់ផលិត MV បទចម្រៀង «ផ្ដាំជនទី៣» ដោយសារតែវាជាទីតាំងមួយ ដែលមានទេសភាពស្រស់ស្អាត បរិយាកាសល្អបរិសុទ្ធ និងបង្ហាញឱ្យឃើញពីភាពស្រស់បំព្រងប្រៀបបាននឹងរមណីដ្ឋានមួយផងដែរ ។ ហើយជាមួយគ្នានេះដែរ លោក ភីវ៉ាត់ ក៏ដូចជាតំណាងឱ្យក្រុមការងារផលិត MV របស់ផលិតកម្មថោនទាំងអស់ បានថ្ហែងអំណរគុណយ៉ាងខ្លាំងទៅដល់គណៈគ្រប់គ្រង បុរី ភូមិសំរោង ដែលបានផ្ដល់ទីតាំងដ៏ស្រស់ស្អាត សម្រាប់ការងារថត MV មួយបទនេះ ៕ដោយ៖ ម៉ានី