ភ្នំពេញ៖ ជាការពិត គម្រោងធំៗជាច្រើន តែងតែចំណាយពេលជាយូរ ទម្រាំសម្រេចគម្រោងបានមួយៗ ហើយសម្រាប់ឆ្នាំ២០២១នេះ អាចចាត់ទុកបានថាកម្ពុជា ឈានទៅមុខ​ ថែមមួយកម្រិតទៀត លើវិស័យអចលនទ្រព្យ តាមរយៈគម្រោងលំនៅឋាន ផ្តល់នូវការរស់នៅ ស្តង់ដារសិង្ហបុរី Axis Residences ដែលជាគម្រោងដ៏ធំ និងដំបូងបង្អស់នៅកម្ពុជា ក្រោមការវិនិយោគទុន ពីក្រុមហ៊ុន Spring CJW Development ដែលបានបើកការដ្ឋានសាងសង់ កាលពីអំឡុងពាក់កណ្តាល ឆ្នាំ២០១៥ និងបានបញ្ចប់គម្រោង សាងសង់ជាស្ថាពរ នាចុងឆ្នាំ២០២០កន្លងទៅនេះ ។

ក្រោយជោគជ័យ លើគម្រោងសាងសង់លំនៅឋាន បែបស្តង់ដារ សិង្ហបុរី ដំបូងបង្អស់នៅកម្ពុជា ក្រោមការសាងសង់ យ៉ាងយកចិត្តទុកដាក់ខ្ពស់ ប្រកបដោយគុណភាព Axis Residences នាថ្ងៃទី១៩ ខែមករា ឆ្នាំ២០២១នេះ បានប្រកាសជាផ្លូវការ កិច្ចសហការជាដៃគូររួមគ្នា ៣ក្រុមហ៊ុន ក្នុងពេលតែមួយ រវាង Spring CJW Development, ក្រុមហ៊ុន Property78 និងសាលាអន្តរជាតិ CIA First ដើម្បីជម្រុញដល់ការរស់នៅ ឲ្យទទួលបានទាំងផាសុខភាព និងទទួលបាន ទាំងការអប់រំ និងការថែទាំដល់កូនៗ កាន់តែប្រសើរ និងមានភាពងាយស្រួល ។

ក្នុងពិធីចុះអនុស្សរណៈ នៃការយោគយល់គ្នា នាឱកាសនេះ លោក Edwin Low បានលើកឡើងថា ភាគច្រើន នៃប្រជាជនកម្ពុជា ផ្តោតលើការទិញផ្ទះដំបូង នៅក្នុងបុរី ឬទិញជាដីឡូតិ៍ទុក ដែលធ្វើឲ្យក្រុមហ៊ុន របស់លោក ដាក់ទុនវិនិយោគ លើវិស័យអចនលទ្រព្យ ក្នុងគោលបំណងឌីហ្សាញ សាងសង់ និងអភិវឌ្ឍលំនៅឋាន ឲ្យក្លាយជាសហគមន៍ សម្រាប់ប្រជាជនកម្ពុជារស់នៅ ជាជាងសាងសង់ផ្ទះធម្មតា ដូចក្នុងបុរីទូទៅ ។

លោក Edwin បានមានប្រសាសន៍ថា “ពាក្យថាលំនៅឋាន សម្រាប់ការរស់នៅ បែបគ្រួសារ សុវត្ថិភាព នៅ Axis Residences គឺសំខាន់! ដោយលោកអ្នក និងកូនៗអាចលេងកម្សាន្ត ដោយក្តីរីករាយ ដោយគ្មានការព្រួបារម្ភ ។ អាចងូតទឹក ហែងទឹក ចូលលេងក្នុងបន្ទប់ហ្គេម និងកន្លែងក្មេងលេង​ បានដោយសេរី ។ ចំណែកមនុស្សជំទង់ អាចហែលលេងក្នុងអាងហែលទឹក ខ្នាតអូឡាំពិក ដែលមានប្រវែង ៥០ម៉ែត្រ ឬពួកគាត់អាចហាត់ប្រាណ ក្នុងកន្លែង GYM ដ៏ទំនើបរបស់យើងបានផងដែរ” ។

លោកបានឲ្យដឹងថា “ភាពជាដៃគូសហការណ៍ ជាមួយសាលាអន្តរជាតិ CIA Fist នឹងផ្តល់ឲ្យអ្នករស់នៅ ក្នុងខុនដូរនេះ ទទួលបានទាំងការអប់រំ និងថែទាំដល់កូនៗ របស់ពួកគេ កាន់តែប្រសើរ និងងាយស្រួល” ។

លោក Edwin Low បានបញ្ជាក់ថា “ក្រុមហ៊ុន Spring CJW Development​ ឈរជើង ក្នុងប្រទេសកម្ពុជា តាំងពីឆ្នាំ២០១៤ ប៉ុន្តែបានចំណាយពេល ក្នុងការសិក្សាគម្រោង ក៏ដូចជាស្ថានភាព សេដ្ឋកិច្ច និងករណីផ្សេងៗ សម្រាប់ការកសាង រហូតដល់ពាក់កណ្តាល ឆ្នាំ២០១៥ ទើបគម្រោង Axis Residences នេះ បានសាងសង់ឡើង ក្នុងរយៈពេល៤ឆ្នាំនេះ គឺលោកមានមោទកភាព ក្នុងការប្រកាសថា Axis Residences នៅថ្ងៃនេះ គឺបានបញ្ចប់ គម្រោងសាងសង់ជាស្ថាពរ” ។

ក្នុងឱកាសនោះដែរ ក្នុងនាមជាដៃគូសហការ ក្នុងការផ្សព្វផ្សាយ និងលក់ លោក ឃាង ពុទ្ធី ស្ថាបនិកក្រុមហ៊ុន Property78 និងជាប្រធានប្រឹក្សាភិបាល សមាគមអ្នកជំនាញ អចលនទ្រព្យ (CREA) បានឲ្យដឹងថា កិច្ចហការនេះ កើតមានឡើងបាន ដោយសារក្រុមហ៊ុនរបស់លោក យល់ឃើញថា Spring CJW Development មានចក្ខុវិស័យវែងឆ្ងាយ និងមានក្រមសិល្បធម៌ ក្នុងវិស័យអចលនទ្រព្យ ខណៈដែលលោកសង្កេតឃើញថា គម្រោងផ្សេងៗ របស់ក្រុមហ៊ុនដទៃ មួយជំនួន គិតតែប្រាក់ចំណេញ មិនគិតរបស់អតិថិជន ។

លោក ឃាង ពុទ្ធី មានប្រសាសន៍ថា “ឃើញគម្រោងមួយជំនួន គឺគាត់គិតតែប្រាក់ចំណេញ មិនគិតផាសុភាព របស់អតិថិជន គិតតែពីសង់​ហើយលក់ បានលុយគាត់ចេញទៅបាត់ ប៉ុន្តែយើងត្រូវដឹងថា ប្រទេសកម្ពុជា ជាប្រទេសទើបអភិវឌ្ឍក្នុងវិស័យ ខុនដូរ អាគារសហកម្មសិទ្ធិ ក្នុងរយៈពេល៥ឆ្នាំ ចុងក្រោយនេះ គឺរីកលូតលាស់ខ្លាំងមែនទែន ដែលទាមទារបទពិសោធន៍ ទាមទារបទពិសោធន៍ថ្នាក់ដឹកនាំ ក្រសួងពាក់ព័ន្ធ របស់អតិថិជន ហើយនិងភ្នាក់ងារ ដែលជួយលក់ ។ គម្រោងនេះ មើលទៅល្អ មានទាំងខ្យល់អាកាសគ្រប់គ្រាន់ គុណភាពសំណង់ជាដើម ទើបយើងខិតខំប្តូរផ្តាច តស៊ូជាមួយគ្នា លើគម្រោងមួយនេះ” ។

សូមបញ្ជាក់ថា​ Axis Residences មានចម្ងាយតែប៉ុន្មានគីឡូម៉ែត្រ ពីអាកាសយានដ្ឋាន​អន្តរជាតិភ្នំពេញ តាមបណ្តោយផ្លូវ ២០០៤ ។ ក្នុងបរិស្ថានបៃតងខៀវស្រងាត់ Axis Residences មានអាងហែលទឹកប្រវែង ៥០ម៉ែត្រ សួនច្បារ សួនកុមារ កន្លែងហាត់ប្រាណ​ កន្លែងបរិភោគអាហារ និងសូម្បីតែទីលានបាល់បោះ ។ អគារខុនដូចំនួន ៨ អាគារ ដែលមាន ១០ជាន់ និងមានចំនួនសរុប ៥៦៦ យូនីត៕

ស្ថិតក្នុងដំណាក់កាលទី១នេះ លោកអ្នកអាចអញ្ជើញ ធ្វើការកក់ប្រាក់ ជ្រើសរើសទីតាំងឥឡូវនេះ និងធ្វើជាម្ចាស់ផ្ទះដ៏ស្រស់ស្អាត ដើម្បីទទួលបានការបញ្ចុះតម្លៃរហូតដល់ 23,000ដុល្លារភ្លាមៗ ពីគម្រោង ម៉ារីហូម ។

គម្រោង ម៉ារីហូម មានទីតាំង អមសងខាង ដោយទន្លេមេគង្គ និងទន្លេបាសាក់ ព្រែកឯង និងជាតំបន់លំនៅដ្ឋាន បែបធម្មជាតិ សម្បូរទៅដោយ ដើមឈើបៃតងស្រស់ និងខ្យល់អាកាស ស្រស់ស្រាយ រួមទាំងភាពស្ងប់ស្ងាត់ល្អ ។ លំនៅដ្ឋាន ម៉ារីហូម គឺជាបុរីដែលផ្តោតលើ ការរស់នៅ ប្រកបដោយ ផាសុកភាព ភាពស៊ីវិល័យ និងសុវត្ថិភាព ជូនម្ចាស់ផ្ទះនីមួយៗ ។

លំនៅដ្ឋាន ម៉ារីហូម ស្ថិតនៅតំបន់សក្តានុពលខ្លាំង នៅជិតសាលារៀនអន្តរជាតិ មន្ទីរពេទ្យអន្តរជាតិ ភោជនីយដ្ឋានស្តង់ដារខ្ពស់ទំនើបៗ និងសេវាសាធារណៈផ្សេងៗទៀត ​។ ម៉ារីហូម មានវីឡាភ្លោះ និងផ្ទះអាជីវកម្ម ដែលមានការរចនា យ៉ាងល្អិតល្អន់ និងស្រស់ស្អាត មិនថាផ្នែកខាងក្នុង ឬផ្នែកខាងក្រៅនោះឡើយ ។

លំនៅដ្ឋាន ម៉ារីហូម ស័ក្តិសមបំផុត សម្រាប់អ្នករស់នៅ បែបស៊ីវិល័យ ទាន់សម័យ និងរស់នៅប្រកបដោយភាពកក់ក្តៅ និងសុភមង្គល។ សូមរួសរាន់ឡើង លំនៅដ្ឋាន ម៉ារីហូម យើងខ្ញុំនៅសល់ផ្ទះត្រឹមតែ ៤០% ប៉ុណ្ណោះ។

សម្រាប់ព័ត៌មានបន្ថែម សូមទំនាក់ទំនងមកទូរស័ព្ទលេខ៖ ០៧៧ ៩៩ ៧៧ ៨២ / ០៨៧ ៩៩ ៧៧ ៨២៕

ភ្នំពេញ៖កម្ពុជា-ឥណ្ឌា បានយល់ស្របគ្នាលើការបង្កើនកិច្ចសហប្រតិបត្តិការ នៅក្នុងវិស័យធនាគារនៃប្រទេសទាំងពីរ ដូចជា លើការផ្លាស់ប្តូរបទពិសោធន៍ពីការអភិវឌ្ឍប្រព័ន្ធទូទាត់ ការពង្រឹងយន្តការប្រឆាំង ការសម្អាតប្រាក់និងហិរញ្ញប្បទានភេរវកម្ម និងការបណ្តុះបណ្តាល។

ក្នុងឱកាសទទួលជួបសម្តែងការគួរសមនិងពិភាក្សាការងារ ជាមួយលោកស្រី Devyani Uttam Khobragade ឯកអគ្គរដ្ឋទូតថ្មីនៃប្រទេសឥណ្ឌាប្រចាំកម្ពុជា នៅថ្ងៃទី១៩ ខែមករា ឆ្នាំ២០២១ លោក ជា ចាន់តូ ទេសាភិបាលធនាគារជាតិនៃកម្ពុជា បានថ្លែងអំណរគុណចំពោះរដ្ឋាភិបាលឥណ្ឌា និងធនាគារកណ្តាលឥណ្ឌា ដែលកន្លងមកបានរួមចំណែកអភិវឌ្ឍធនធានមនុស្ស នៅធនាគារជាតិនៃកម្ពុជា តាមរយៈការសិក្សារយៈពេលវែងនិងវគ្គបណ្តុះបណ្តាលរយៈពេលខ្លី។ ជាមួយគ្នានេះ លោកក៏បានជម្រាបផងដែរថា ប្រទេសឥណ្ឌានិងកម្ពុជាមានទំនាក់ទំនងសហប្រតិបត្តិការល្អតាំងពីបុរាណកាលមកម៉្លេះ ហើយក្រោយថ្ងៃរំដោះ ៧ មករា ១៩៧៩ រដ្ឋាភិបាលឥណ្ឌា ក៏បានជួយកម្ពុជាក្នុងដំណើរការស្តារនិងអភិវឌ្ឍប្រទេសផងដែរ។

លោក ជា ចាន់តូ ក៏បានជម្រាបលោកជំទាវ អគ្គរដ្ឋទូតពីស្ថានភាពម៉ាសេក្រូសេដ្ឋកិច្ចនិងវិស័យធនាគារថា រដ្ឋាភិបាលក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគ្រប់គ្រងការរីករាលដាលនៃជំងឺកូវីដ-១៩ យ៉ាងល្អប្រសើរ និងបានដាក់ចេញវិធានការកាត់បន្ថយផលប៉ះពាល់មកលើសេដ្ឋកិច្ច ប្រកបដោយប្រសិទ្ធភាព។ អតិផរណាត្រូវបានរក្សាឱ្យស្ថិតក្នុងកម្រិតទាប ជាមួយនឹងស្ថិរភាពអត្រាប្តូរបា្រក់ និងកម្រិតគ្រប់គ្រាន់នៃទុនបម្រុងអន្តរជាតិ ដែលរួមចំណែករក្សាជំនឿទុកចិត្តមកលើសេដ្ឋកិច្ចកម្ពុជា។ ចំពោះវិស័យធនាគារ ធនាគារជាតិនៃកម្ពុជា បានដាក់ចេញនូវវិធានការពង្រឹងសុខមាលភាពគ្រឹះស្ថានធនាគារនិងហិរញ្ញវត្ថុ ផ្តល់សន្ទនីយភាព និងការធ្វើឥណទានឡើងវិញ ដែលបានជួយដល់អាជីវកម្មនិងប្រជាជនក្រីក្រដែលទទួលរងផលប៉ះពាល់។ ទន្ទឹមនេះ វិស័យធនាគារធានាបានគុណភាពឥណទានល្អប្រសើរ។

លោកស្រី Devyani Uttam Khobragade បានសម្តែងការអបអរសាទរជូនចំពោះ លោកទេសាភិបាល ដែលកាលពីពេលថ្មីៗនេះទស្សនាវដ្តីអន្តរជាតិ ដែលមានទីតាំងនៅប្រទេសអង់គ្លេស ផ្តល់ចំណាត់ថ្នាក់ជា ថ្នាក់ដឹកនាំធនាគារកណ្តាលឆ្នើម ឆ្នាំ២០២១ នៅតំបន់អាស៊ីប៉ាស៊ីហ្វិក ក្នុងចំណោមទេសាភិបាល ៥ រូបនៅលើពិភពលោក។ លោកស្រី មានបំណងពង្រឹងកិច្ចសហប្រតិបត្តិការក្នុងវិស័យធនាគាររវាងប្រទេសទាំងពីរឱ្យកាន់តែស៊ីជម្រៅបន្ថែមទៀត ដើម្បីជាប្រយោជន៍ដល់ភាគីទាំងពីរ។

លោកស្រី ក៏បានថ្លែងការកោតសរសើរពីការអភិវឌ្ឍថ្មីៗនៅក្នុងវិស័យហិរញ្ញវត្ថុកម្ពុជា ជាពិសេស តួនាទីដ៏សំខាន់របស់ធនាគារជាតិនៃកម្ពុជា ក្នុងការរក្សាលំនឹងម៉ាក្រូសេដ្ឋកិច្ចនិងហិរញ្ញវត្ថុ និងគាំទ្រសកម្មភាពសេដ្ឋកិច្ច ក្នុងស្ថានភាពដែលកម្ពុជា ក៏ដូចជាប្រទេសនានាលើពិភពលោកកំពុងរងនូវវបត្តិសុខាភិបាលនិងសេដ្ឋកិច្ច។ លោកស្រីបានអបអរសាទរនូវការធ្វើទំនើបកម្មប្រព័ន្ធទូទាត់ ដូចជា ការដាក់ឱ្យប្រព័ន្ធបាគង ដែលជាប្រព័ន្ធទូទាត់កន្លោង ដែលជួយសម្រួលការទូទាត់ទូទៅនិងឆ្លងគ្រឹះស្ថាន ដោយបានបន្ថយកម្រៃប្រតិបត្តិការនិងធ្វើឱ្យទឹកប្រាក់ទូទាត់ទទួលបានភ្លាមៗ៕

ភ្នំពេញ៖តាមសំណើសុំវិនិយោគលើគម្រោងបង្កើតរោងចក្រចាក់ និងកាត់ដេរសម្លៀកបំពាក់ របស់ក្រុមហ៊ុន HC GLOBAL TEXTILE CO., LTD ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី១៨ ខែមករា ឆ្នាំ២០២១នេះ បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនខាងលើដែលមានទីតាំងវិនិយោគ ស្ថិតនៅភូមិគោកឃ្មោង ឃុំរនាម ស្រុកទ្រាំង ខេត្តតាកែវ មានទុនវិនិយោគប្រមាណ ៧,៨លានដុល្លារអាមេរិក និងអាចបង្កើតការងារបានចំនួន ៨៤៣កន្លែង។ នេះបើតាមហ្វេសប៊ុក ក្រុមប្រឹក្សាអភិវឌ្ឍន៍កម្ពុជា។

ភ្នំពេញ៖តាមរយៈសារសំឡេងជាពិសេស ផ្ញើជូនប្រជាពលរដ្ឋនៅតាមបណ្តាញសង្គម សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងនៅរាត្រីថ្ងៃទី១៥ ខែមករា ឆ្នាំ២០២១នេះថា រដ្ឋាភិបាលចិន បានផ្តល់វ៉ាក់សាជំងឺកូវីដ១៩ ចំនួន ១លានដូសដល់រាជរដ្ឋាភិបាលកម្ពុជា ដើម្បីចាក់ជូនប្រជាពលរដ្ឋប្រមាណ ៥០ម៉ឺននាក់។

តាមរយៈហ្វេសប៊ុកក្រសួងទេសចរណ៍ ឲ្យដឹនៅព្រឹកថ្ងៃទី១៦ ខែមករានេះថា ក្នុងសារសំឡេងនេះ សម្តេចតេជោ ហ៊ុន សែន បានបញ្ជាក់ថា ដើមឡើយសម្តេចបានប្រកាសពីការទទួលវ៉ាក់សាំង ដែលទទួលស្គាល់ដោយអង្គការសុខភាពពិភពលោក (WHO)។ តែក្នុងបរិបទកម្ពុជា កំពុងទទួលរងការរីករាលដាលដូចពេលបច្ចុប្បន្ន គឺមិនអាចរង់ចាំបានទៀតនោះទេ អាស្រ័យហេតុនេះទើបកម្ពុជាសម្រេចប្រើវ៉ាក់សាំងជំងឺកូវីដ១៩។ មិនត្រឹមតែហេតុផលមួយនេះទេ បើតាមសម្តេចតេជោ ហ៊ុន សែន បានបញ្ជាក់ថា វ៉ាក់សាំងប្រឆាំងជំងឺកូវីដ១៩នេះ ត្រូវបានថ្នាក់ដឹកនាំរដ្ឋាភិបាលចិន ប្រធានាធិបតី និងប្រជាជនឥណ្ឌូនេស៊ី និងមនុស្សរាប់លាននាក់លើពិភពលោកបានប្រើប្រាស់វ៉ាក់សាំងនេះរួចហើយ។

សម្តេចតេជោ ហ៊ុន សែន បានបញ្ជាក់ដូច្នេះ «យើងមិនអាចរង់ចាំបន្តទៅទៀតបាននោះទេ តម្រូវការការពារជាតិ ការពារប្រជាជន កុំឱ្យឆ្លងនូវរោគរាតត្បាតដ៏កាចសាហាវនេះ គឺយើងត្រូវប្រើប្រាស់នូវ៉ាក់សាំង ដែលបានប្រើប្រាស់រួចមកហើយសម្រាប់មេដឹកនាំចិន ដែលមានមនុស្សដល់រាប់លាននាក់ បានប្រើប្រាស់ និងមានប្រទេសមួយចំនួនផ្សេងទៀត រាប់ទាំងប្រទេសឥណ្ឌូនេស៊ី ដែលប្រធានាធិបតីឥណ្ឌូនេស៊ី ទទួលវ៉ាក់សាំងលើកដំបូង គឺជាវ៉ាក់សាំងរបស់សាធារណរដ្ឋប្រជាមានិតចិន»។

សម្តេចតេជោ បានបន្ថែមថា «យើងមិនអាចបន្តរង់ចាំបន្តទៀតបានទេ ដោយសារភាពចាំបាច់នៃការការពារដល់សុខភាពរបស់ប្រជាពលរដ្ឋរបស់យើង ដែលសព្វថ្ងៃនេះ ម្សិលមិញនេះមានការឆ្លងរហូតដល់ ១៥នាក់។ ថ្ងៃនេះក៏មានការឆ្លងរហូតដល់ ១០នាក់បន្ថែមទៀត ដែលសុទ្ធតែចេញមកពីប្រទេសថៃនៅជិតខាងយើង។ ដូច្នេះយើងមានការចាំបាច់ ដើម្បីប្រើប្រាស់នូវវ៉ាក់សាំងនេះ សម្រាប់ការការពារ»។

បើតាមសម្តេចតេជោ ហ៊ុន សែន មកដល់ពេលនេះ មិនថា តែវ៉ាក់សាំងចិនទេ វ៉ាក់សាំងប្រទេសដទៃទៀត ក៏មិនទាន់ដឹងពីសុពលភាព ឬប្រសិទ្ធភាពនៅឡើយទេ។ ប៉ុន្តែសម្រាប់មេដឹកនាំចិន បានប្រើប្រាស់វ៉ាក់សាំងចិននេះ តាំងពីខែតុលា ឆ្នាំ២០២០មកម្ល៉េះ។

សម្តេចតេជោ បានបញ្ជាក់ដូច្នេះ «ខ្ញុំជឿជាក់ថា វ៉ាក់សាំងនេះ នឹងអាចសម្រួលឱ្យយើងដោះស្រាយបានបញ្ហាមួយផ្នែក។ បើទោះបីជាយើងមិនទាន់ដឹងប្រសិទ្ធភាពពិតប្រាកដ។ មិនមែនគ្រាន់តែវ៉ាក់សាំងរបស់ចិននោះទេ ប៉ុន្តែវ៉ាក់សាំងនៅគ្រប់ប្រទេសទាំងអស់ មិនទាន់ដឹងថា តើមានសុពលភាពរយៈពេលប៉ុន្មានខែ ឬប៉ុន្មានឆ្នាំ ឬមួយជីវិតនោះឡើយ។ ប៉ុន្តែយ៉ាងណាក៏ដោយខ្ញុំព្រះករុណាខ្ញុំបានដឹងថា មេដឹកនាំចិន បានចាក់តាំងពីខែតុលាឯណោះ»។

សម្តេចតេជោនាយករដ្ឋមន្ត្រីបន្ថែមថា «រហូតមកដល់ពេលនេះរដ្ឋមន្ត្រីការបរទេស វ៉ាង យី របស់សាធារណរដ្ឋប្រជាមានិតចិន មានសុខភាពល្អណាស់ ហើយដើរស្ទើរគ្រប់ទីកន្លែង។ ឥឡូវកំពុងទស្សនកិច្ចនៅក្នុងតំបន់អាស៊ីអាគ្នេយ៍របស់យើងនេះផងដែរ បន្ទាប់ពីទស្សនកិច្ចនៅតំបន់អាហ្វ្រិក។ ដូច្នេះបទពិសោធន៍នៃរដ្ឋមន្ត្រីការបរទេស វ៉ាង យី ដែលជាមេដឹកនាំដ៏សំខាន់មួយរូបរបស់ចិន បានផ្តល់ឱ្យយើងមានជំនឿជឿជាក់ថា វាពុំមានហានិភ័យណាមួយទៅដល់អាយុជីវិតរបស់មនុស្សនោះទេ សម្រាប់វ៉ាក់សាំងរបស់ចិន»។
សម្តេចតេជោ ហ៊ុន សែន បានបញ្ជាក់ថា វ៉ាក់សាំងប្រឆាំងជំងឺកូវីដ១៩ របស់រដ្ឋាភិបាលចិន ដែលកម្ពុជាយកមកប្រើប្រាស់នេះ គឺជាវ៉ាក់សាំងស៊ីណូហ្វាម។

សម្តេចតេជោ បានបញ្ជាក់ពីមូលហេតុ ដែលប្រើវ៉ាក់សាំងស៊ីណូហ្វាមនេះ ដោយសារវាអាចរក្សានៅក្នុងសីតុណ្ហភាព ២ ទៅ៨អង្សាលើសូន្យ ងាយស្រួលក្នុងការរក្សាទុក បើធៀបជាមួយវ៉ាក់សាំងប្រទេសខ្លះ តម្រូវឱ្យរក្សានៅក្នុងសីតុណ្ហភាព ៧០អង្សាក្រោមសូន្យ។ បន្ថែមពីលើនោះ ការប្រើប្រាស់វ៉ាក់សាំងរបស់ចិន ងាយស្រួលក្នុងការដឹកជញ្ជូនផងដែរ។
សម្តេចតេជោ ហ៊ុន សែន បានថ្លែងអំណរគុណដល់ប្រធានាធិបតីចិន លោក ស៊ីជិន ភីង, លោកនាយករដ្ឋមន្ត្រីចិន លី ខឺឈាង និងរដ្ឋមន្ត្រីការពារជាតិចិន ដែលបានផ្តល់ការឧបត្ថម្ភគាំទ្រដល់កងយោធពលខេមរភូមិន្ទ។ សម្តេចតេជោ បានបញ្ជាក់ថា តាមរយៈការគាំទ្រដល់កងយោធពលខេមរភូមិន្ទនេះ គឺកម្ពុជានឹងប្រើទៅអង្គភាពជួរមុខទាំងអស់។

សម្តេចតេជោ បានបញ្ជាក់ដែរថា ក្រៅពីការវ៉ាក់សាំងប្រឆាំងជំងឺកូវីដ១៩ ចំនួន ១លានដូសជាជំនួយរបស់ចិននេះទៅ កម្ពុជានឹងបន្តស្វះស្វែងរកវ៉ាក់សាំងចាក់ជូនប្រជាជនឱ្យបាន ១០លាននាក់ ឬរហូតដល់ ១៣លាន បើមានតម្រូវការឱ្យចាក់វ៉ាក់សាំង ដល់ ៨០ភាគរយ នៃចំនួនប្រជាពលរដ្ឋនោះ។
បើតាមសម្តេចតេជោ ហ៊ុន សែន ជនអាទិភាពដែលនឹងត្រូវទទួលបានវ៉ាក់សាំងនោះ រួមមាន៖ អ្នកនៅជុំវិញព្រះមហាក្សត្រ, សម្តេចតេជោ, ប្រធានព្រឹទ្ធសភា, ប្រធានរដ្ឋសភា ព្រមទាំងគ្រូពេទ្យ គ្រូបង្រៀន កម្លាំងប្រដាប់អាវុធគ្រប់ប្រភេទ នគរបាលយុត្តិធម៌គ្រប់ផ្នែក បុគ្គលិកអនាម័យទាំងអស់ ដែលពាក់ព័ន្ធនឹងការផ្តល់សេវា អ្នករត់ម៉ូតូឌុប ម៉ូតូកង់៣ និងតាក់ស៊ីជាដើម។
សម្តេចតេជោ បានបញ្ជាក់ថា ការចាក់វ៉ាក់សាំងនឹងធ្វើឡើងដោយមិនគិតថ្លៃ និងឈរលើគោលការណ៍ស្ម័គ្រចិត្ត។ បើទោះបីមានវ៉ាក់សាំងក្តី តែសម្តេចតេជោ បានអំពាវនាវប្រជាពលរដ្ឋបន្តប្រកាន់វិធានរបស់ក្រសួងសុខាភិបាល ក្នុងការការពារជំងឺកូវីដ១៩៕