(ភ្នំពេញ) ថ្ងៃទី ២២ ខែតុលា ឆ្នាំ២០២០៖ គ្រាន់តែឮឈ្មោះទូរទស្សន៍ដ៏វៃឆ្លាត The Sero ជំនាន់ថ្មីនេះក៏មានអារម្មណ៍ថាប្លែក និងចង់ដឹងច្បាស់ដែរថាតើវាមានលក្ខណៈអស្ចារ្យកម្រិតណានោះ…ត្រូវអត់? មុននឹងធ្វើការជម្រាបជូនលម្អិតយើងមកមើលកម្មវិធីមហាប្រូម៉ូសិនថែមជូនដ៏ពិសេសសិនណ៎ា…!!

ដូចអតិថិជនទាំងអស់ដឹងស្រាប់ហើយថារាល់ផលិតផលទាំងអស់ដែលក្រុមហ៊ុនកំពូលបច្ចេកវិទ្យាយក្ស សាមសុង បញ្ចេញមកលើទីផ្សារក៏ដូចជាធ្វើការផ្តល់ជូនឱ្យអតិថិជនរបស់ខ្លួនទាំងអស់ទូទាំងពិភពលោកប្រើប្រាស់គឺសុទ្ធសឹងជាផលិតផលដែលបង្កើតឡើងយ៉ាងយកចិត្តទុកដាក់បំផុត និងបំពាក់នូវកំពូលបច្ចេកវិទ្យាចុងក្រោយបំផុតធ្វើយ៉ាងណាផ្តល់ជូននូវបទពិសោធន៍បច្ចេកវិទ្យា និងគុណភាពជីវិតឱ្យកាន់តែលេចធ្លោ…កាន់តែស៊ីវីល័យ…កាន់តែងាយស្រួល និងកាន់តែទំនើបទាន់សម័យ…!!

អ៊ីចឹង…សូមមកមើលទាំងអស់គ្នាថាតើទូរទស្សន៍បញ្ឈរស៊េរីទំនើបចុងក្រោយឆ្នាំ 2020 ម៉ូឌែល Samsung The Sero នេះមានលក្ខណៈពិសេសអស្ចារ្យ និងវៃឆ្លាតបំផុតកម្រិតណា៖

• Rotate Screen (ភាពបត់បែននៃការត្រឡប់អេក្រង់)
  នេះជាលក្ខណៈពិសេសអស្ចារ្យដែលអាចឱ្យលោកអ្នកផ្លាស់ប្តូរប្រភេទនៃការទស្សនាគ្រប់ប្រភេទដូចជាទៅនឹងទូរស័ព្ទដៃវៃឆ្លាតដែរដោយការបញ្ឈរ ឬផ្តេកស្របតាមគ្រប់ប្រភេទវីដេអូ។
• Portrait Mode
  នេះគឺជាបច្ចេកវិទ្យាថ្មីទំនើបចុងក្រោយបំផុតរបស់ទូរទស្សន៍ The Sero ដែលអាចឱ្យលោកអ្នកតាំងទូរទស្សន៍ជាលក្ខណៈបញ្ឈរ ថែមទាំងអាចតាំងរូបភាពផ្សេងៗបានច្រើនជម្រើសដូចជា៖ រូបនាឡិកា…Poster, My photo, Sound wall, និង cinemagraph ថែមទៀតផង…!!
• 4K AI Upscaling & Color Volume 100%
  The Sero គឺជាទូរទស្សន៍ Stylist ដែលស្ថិតក្នុងប្រភេទ QLED ដ៏ទាន់សម័យ…ស៊ីវីល័យបំផុតដោយបំពាក់នូវខួរក្បាលដ៏វៃឆ្លាតអស្ចារ្យពី Quantum Processor ដែលមានសមត្ថភាពបំលែងដុសខាត់រូបភាពក្នុងកម្រិត 4K និងទទួលបានពណ៌ដិតច្បាស់ដូចធម្មជាតិ 100%!
• Mobile View (Screen Mirroring & Tap View)
  មុខងារនេះលោកអ្នកអាច Share Screen របស់ទូរទស្សន៍ The Sero កាន់តែពិសេស និងរហ័សជាងមុនដោយមិនចាំបាច់ធ្វើការស្វែងរក Device ទូរទស្សន៍ឡើយ…!! លោកអ្នកគ្រាន់តែយកទូរស័ព្ទ (smart phone) ទៅប៉ះនឹងទូរទស្សន៍ (Tap) រួចជាការស្រេច…!!

បើនិយាយពីសំឡេងវិញ គឺសាហាវ ព្រោះមាន Speaker រហូតដល់ទៅ 4.1CH គ្រាប់ ខ្លាំងរហូតដល់ 60W ដូចទស្សនានៅក្នុងរោងភាពយន្តអញ្ចឹង!

ឥឡូវនេះអតិថិជនទាំងអស់គ្រាន់តែទិញស្តេចកំពូលទូរទស្សន៍ QLED 8K ទំហំ 85” ឬ 75” ក្នុងឱកាសបុណ្យអុំទូកចាប់ពីថ្ងៃនេះរហូតដល់ថ្ងៃទី 10 ខែវិច្ឆិកា ឆ្នាំ 2020 នឹងទទួលបានការថែមជូនទូរទស្សន៍បញ្ឈរ ដ៏ទំនើបទាន់សម័យបំផុតស៊េរីចុងក្រោយម៉ូឌែល The Sero 1 គ្រឿងដែលមានតម្លៃរហូតដល់ $2,000 ភ្លាមៗតែម្តង…!! ពិតជាអស្ចារ្យមែនទែន ទិញ1 បានដល់ទៅ 2…!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនឥតគិតថ្លៃតាមរយៈទូរស័ព្ទលេខ៖ 1800-20 32 32 !

បញ្ជាក់៖ សូមកុំភ្លេចសួររកប័ណ្ណធានារាល់ការជាវស្តេចកំពូលទូរទស្សន៍ SAMSUNG QLED 8K ស៊េរីឆ្នាំ 2020 តាមបណ្តាដេប៉ូចែកចាយផលិតផល សាមសុង ផងណា៎…!

លក្ខខណ្ឌផ្សេងៗត្រូវបានអនុវត្ត…!!

ភ្នំពេញ៖ លោកឧកញ៉ា ទៀ វិចិត្រកាលពីថ្ងៃទី២១ ខែតុលា ឆ្នាំ២០២០នេះ បាននាំយកអំណោយ ជាគ្រឿងឧបភោគ បរិភោគ និងថវិកា ចែកជូនពលរដ្ឋរងគ្រោះ ដោយជំនន់ទឹកភ្លៀង ចំនួន ៨២គ្រួសារ ស្ថិតនៅភូមិបាក់ត្រកួន ឃុំនាច ស្រុកក្រវ៉ាញ ខេត្តពោធិ៍សាត់។ 

គួររំលឹកថា លោក ឧកញ៉ា ទៀ វិចិត្រ បាននាំយក គ្រឿងឧបភោគ និងបរិភោគ បន្តចែកជូនពលរដ្ឋក្រីក្រ និងប្រជាពលរដ្ឋរងគ្រោះនិងងាយរងគ្រោះដោយជំនន់ទឹកភ្លៀង ជាបន្តបន្ទាប់ តួុរយ៉ាង លោកឧកញ៉ា ទៀ វិចិត្រ អគ្គនាយកក្រុមហ៊ុន GTVC Speed Boat ក៏បានចូលរួមជាមួយ រាជរដ្ឋាភិបាល កម្ពុជា នូវថវិកា ៥០ ០០០ដុល្លារ សហរដ្ឋអាមេរិក ក្នុងការជួយដល់ ជនរងគ្រោះជំនន់ទឹកភ្លៀងដែលកំពុងវាយប្រហារ បណ្តារាជធានីខេត្តក្រុង នៃប្រទេសកម្ពុជា៕

(ភ្នំពេញ) ថ្ងៃទី២១ ខែតុលា ឆ្នាំ២០២០៖ នៅថ្ងៃនេះក្រុមហ៊ុនប្រឹក្សាយោបល់ម៉ាកសញ្ញាផលិតផលលំដាប់ថ្នាក់ពិភពលោក (Interbrand) បានធ្វើការប្រកាសជាសកលថា ក្រុមហ៊ុន សាមសុង អេឡិចត្រូនិចបានជាប់ជាក្រុមហ៊ុនដែលមានម៉ាកសញ្ញាផលិតផលល្អបំផុតលំដាប់កំពូលទី 5 ក្នុងពិភពលោកដែលម៉ាកសញ្ញាផលិតផលរបស់ខ្លួនមានតម្លៃដល់ទៅ 62.3 ពាន់លាន ដុល្លារសហរដ្ឋអាមេរិក។

ក្រុមហ៊ុន សាមសុង បានឡើងមកឈរលំដាប់ថ្នាក់ទី 5 ក្នុងពិភពលោកជាមួយនឹងតម្លៃនៃម៉ាកសញ្ញាផលិតផលសរុបប្រចាំឆ្នាំចំនួន 62.3 ពាន់លានដុល្លារដោយមានការកើនឡើងចំនួន 12 ដងបើធៀបនឹងការវាយតម្លៃដំបូងរបស់ខ្លួនក្នុងឆ្នាំ 2020 នេះ។

ទោះបីជាមានផលរំខានដោយការវាយលុកនៃជំងឺ Covid-19 ទៅលើបណ្តាក្រុមហ៊ុនជាច្រើនទូទាំងពិភពលោកនៅឆ្នាំ ២០២០ ក៏ដោយក៏ក្រុមហ៊ុន សាមសុង មានការកើនឡើងនៃតម្លៃម៉ាកយីហោរបស់ខ្លួនចំនួន 2% គិតជាទឹកប្រាក់មានចំនួនពី 61.1 ពាន់លានដុល្លារសហរដ្ឋអាមេរិកក្នុងឆ្នាំ 2019 ដល់ 62.3 ពាន់លានដុល្លារសហរដ្ឋអាមេរិកនៅក្នុងឆ្នាំ 2020 នេះ។ មានន័យថាក្រុមហ៊ុន សាមសុង បានឡើងទៅឈរនៅលំដាប់កំពូលទី 5 ក្នុងពិភពលោកក្នុងរយៈពេល ៣ ឆ្នាំជាប់គ្នាក្រោយពីបានឈរចំណាត់ថ្នាក់លេខ 6 ក្នុងបញ្ជីម៉ាកយីហោឆ្នើមលំដាប់ថ្នាក់ពិភពលោកកាលពីឆ្នាំ 2017 ។

គួររំឭកផងដែរថា ក្រុមហ៊ុន សាមសុង បានធ្វើការកត់ត្រានូវ ការរីកចម្រើនជានិរន្តរ៍នៃតម្លៃម៉ាកសញ្ញាផលិតផលរបស់ខ្លួនចាប់តាំងពីការចាប់ផ្តើម ឈរលំដាប់ថ្នាក់ទី 43 កាលពីឆ្នាំ 2000 នៅពេលដែលក្រុមហ៊ុនប្រឹក្សា និងវាយតម្លៃម៉ាកសញ្ញាផលិតផលអន្តរជាតិ (Interbrand) ចាប់ផ្តើមផ្សព្វផ្សាយម៉ាកសញ្ញាផលិតផលដែលមានគុណភាពល្អបំផុត លំដាប់ពិភពលោកមកម្លេះ (Best Global Brands)។

ក្រោយមកទៀតចាប់តាំងពីការ ឈានដល់ការឈរក្នុងចំណាត់ថ្នាក់កំពូលទី 9 នៃចំណោមលំដាប់ថ្នាក់កំពូលទាំង 10 មកក្រុមហ៊ុន សាមសុង ក៏បានបន្តការអភិវឌ្ឍន៍រីកចម្រើនទៅមុខរហូតដល់ការឈរក្នុងចំណាត់ថ្នាក់ លំដាប់កំពូលទី 6 ក្នុងឆ្នាំ 2017 និងចុងក្រោយឈានដល់ការឈរចំណាត់ថ្នាក់លំដាប់ កំពូលទី 5 ក្នុងឆ្នាំ 2020 នេះតែម្តង។

ការរីកចម្រើនឈានទៅមុខជាលំដាប់របស់ក្រុមហ៊ុន សាមសុង ក្នុងបញ្ជីម៉ាកយីហោដែលមានតម្លៃបំផុតទាំង 100 នៅលើពិភពលោកគឺត្រូវបានគាំទ្រដោយ ការណែនាំជាបន្តបន្ទាប់នៃផលិតផលដែលមានការច្នៃប្រឌិតខ្ពស់បំផុត និងការអនុវត្តន៍នូវសកម្មភាពទីផ្សារជាច្រើនធ្វើយ៉ាងណាឱ្យមានលក្ខណៈទូលំទូលាយបំផុតនៅលើឆាកពិភពលោក។

ឆ្លើយតបនឹងការប្រយុទ្ធប្រឆាំងការរីករាលដាល នៃជំងឺ Covid-19 តាមរយៈយុទ្ធនាការសប្បុរសធម៌សង្គម ការច្នៃប្រឌិតបច្ចេកវិទ្យាទំនើបសម្រាប់ផលិតផល ដែលទាក់ទងនឹងជីវិតប្រចាំថ្ងៃក្រុមហ៊ុន សាមសុង ក៏បានបន្តនូវការវិនិយោគ របស់ខ្លួនទៅលើគ្រឿងម៉ាស៊ីនដែលផ្តល់នូវការរីកចម្រើន និងភាពងាយស្រួលដល់អ្នកប្រើប្រាស់ ទាំងអស់ក្នុងពេលអនាគតដើម្បីធ្វើឱ្យតម្លៃយីហោផលិតផលមានការរីកចម្រើនកាន់តែ ប្រសើរឡើង។

ផ្អែកតាមក្រុមហ៊ុនប្រឹក្សា និងវាយតម្លៃម៉ាកសញ្ញាផលិតផលលំដាប់ថ្នាក់ពិភពលោក (Interbrand) នេះគឺជាកត្តាមួយក្នុងចំណោមកត្តាចម្បងជាច្រើនដែលដើរតួនាទីយ៉ាងសំខាន់ក្នុងការធ្វើឱ្យក្រុមហ៊ុន សាមសុង មានការរីកចម្រើនលូតលាស់ដូចជា៖

• ការឆ្លើយតបយ៉ាងឆាប់រហ័សបំផុតក្នុងការប្រយុទ្ធប្រឆាំងនឹងជំងឺ Covid-19 តាមរយៈសកម្មភាពជាច្រើនទូទាំងពិភពលោកសម្រាប់កិច្ចសហប្រតិបត្តិការនៃទំនួលខុសត្រូវសង្គម (CSR) និងការរួមបញ្ចូលគ្នានៃយុទ្ធនាការលំដាប់ពិភពលោក។
• សកម្មភាពទូលំទូលាយរបស់ក្រុមហ៊ុនដែលបង្ហាញពីការអភិវឌ្ឍន៍ប្រកបដោយចីរភាព។
• ការបន្តផ្តល់ជូននូវផលិតផលដែលបំពាក់បច្ចេកវិទ្យាទំនើបបំផុតរួមមាន៖ Galaxy Fold, The Terrace និងទូទឹកកកដ៏វៃឆ្លាតបំផុត BESPOKE ។
• ការវិនិយោគឥតឈប់ឈរដើម្បីឈានទៅរកការអភិវឌ្ឍន៍នៃបច្ចេកវិទ្យាដ៏ជឿនលឿនបំផុតដូចជា៖ Artificial Intelligence (AI), បច្ចេកវិទ្យាអ៊ីនធើណេត 5G និង Internet of Things (IoT) ។

ជាការឆ្លើយបនឹងផលវិបាកនានានៃជំងឺ Covid-19 ក្រុមហ៊ុន សាមសុង អេឡិចត្រូនិច ក៏បានធ្វើការបរិច្ចាគយ៉ាងច្រើនទៅតាមតម្រូវការជាក់ស្តែង របស់ប្រទេសដើម្បីជួយដល់សហគមន៍ឱ្យឆ្លងផុតនូវការលំបាកផ្សេងៗ។

អ្វីដែលពិសេសបំផុតនោះក្រុមហ៊ុន សាមសុង ក៏បានបង្កើតនូវយុទ្ធនាការលំដាប់ពិភពលោកមួយដោយជោគជ័យផងដែរជាមួយនឹងសារសំខាន់ថា “ជម្នះវាឱ្យបានទាំងអស់គ្នា” ឬ “Get through this together” នៅលើបណ្តាញសង្គម និងតាម billboard នៅទីសាធារណៈខាងក្រៅនៃ Time Square ក្នុងទីក្រុងញ៉ូវយ៉ក នៅ Piccadilly Circus នៃទីក្រុងឡុង Duomo di Milano ប្រទេសអ៊ីតាលី និងនៅ Entertainment Building នៃទីក្រុងហុងកុង ដែលទាំងអស់នេះគឺជាផ្នែកដ៏សំខាន់របស់ខ្លួន ក្នុងការផ្សារភ្ជាប់ទំនាក់ទំនងយ៉ាងជិតស្និទ្ធជាមួយនឹងអតិថិជនទាំងអស់ទូទាំងពិភពលោកក្នុងកាលៈទេសៈដ៏លំបាកនេះ។

ជាងនេះទៅទៀត ក្រុមហ៊ុន សាមសុង ក៏បានប្រមូលទិន្នន័យមិតិយោបល់វិជ្ជមានជាមួយនឹងយុទ្ធនាការមួយដែលរូបថត និងសាច់រឿងជាច្រើនផ្ញើរដោយអតិថិជនតាមរយៈបណ្តាញសង្គម ត្រូវបានប្រមូលយកមកផលិតជាខ្សែវីដេអូផ្សព្វផ្សាយសម្រាប់ចាក់បង្ហាញនៅទីសាធារណៈក្នុងគោលបំណងលើកទឹកចិត្តដល់អតិថិជនទាំងអស់ទូទាំងពិភពលោក។

ស្របពេលជាមួយគ្នានេះដែរយុទ្ធនាការប្រយុទ្ធប្រឆាំងនឹងជំងឺ Covid-19 ត្រូវបានចាប់ផ្តើមជាមួយនឹងយុទ្ធនាការដែលកំពុងបន្តសម្រាប់ចក្ខុវិស័យនៃកម្មវិធីសប្បុរសធម៌សង្គមរបស់ក្រុមហ៊ុន សាមសុង ដោយផ្តល់លទ្ធភាពដល់ប្រជាជន និងកម្មវិធីអប់រំជាច្រើនទៀតសម្រាប់មនុស្សជំនាន់ក្រោយដូចជា៖ Solve for Tomorrow, Smart School និង Innovation Campus ។

ការលះបង់របស់ក្រុមហ៊ុន សាមសុង ចំពោះនិរន្តរភាពគ្រប់ទិដ្ឋភាពទាំងអស់នៃការគ្រប់គ្រងអាជីវកម្មរបស់ខ្លួនក៏បានរួមចំណែកផងដែរដល់ការជំរុញនៃតម្លៃយីហោផលិតផលតាមរយៈការវេចខ្ចប់ផលិតផលទូរទស្សន៍ សាមសុង និងស្រោមទូរស័ព្ទស្មាតហ្វូនដោយប្រើប្រាស់សម្ភារកែច្នៃឡើងវិញដោយមិនធ្វើឱ្យប៉ះពាល់ដល់បរិស្ថានឡើយ។

កិច្ចខិតខំប្រឹងប្រែងដ៏មោះមុតខាងលើនេះគឺបានធ្វើឱ្យក្រុមហ៊ុន សាមសុង សម្រេចបាននូវការអភិវឌ្ឍន៍បច្ចេកវិទ្យាទំនើបយ៉ាងច្រើនបើទោះបីជាមានបញ្ហាប្រឈមនៃជំងឺ Covid-19 ក៏ដោយ ហើយរាល់កត្តាទាំងអស់នេះហើយបានជំរុញឱ្យក្រុមហ៊ុន សាមសុង អាចឈរក្នុងចំណាត់ថ្នាក់លំដាប់កំពូលទី 5 ទូទាំងពិភពលោកនេះ។

ដោយឡែកសម្រាប់ជំនួញផ្នែក Mobile Communication របស់ក្រុមហ៊ុន សាមសុង បានពង្រឹងភាពជាអ្នកដឹកនាំរបស់ខ្លួន និងឈានមុខគេនៅក្នុងទីផ្សារស្មាតហ្វូន 5G និងបានបង្កើតនូវ Generation Z ជាមួយនឹងស្មាតហ្វូន Galaxy ស៊េរី A ក៏ដូចជាសកម្មភាពទីផ្សារដ៏មានសក្តានុពលបំផុត Awesome campaign ជាដើម។ សាមសុង ក៏បានបញ្ជាក់ជំហររបស់ខ្លួនយ៉ាងច្បាស់ដែរថាទោះស្ថិតក្នុងកាលៈទេសៈអ្វីក៏ដោយក៏ខ្លួននៅតែបន្តអភិវឌ្ឍបច្ចេកវិទ្យាឱ្យកាន់តែទំនើបបំផុតដោយបង្កើតនូវផលិតផលថ្មីៗជាមួយនឹងការបង្ហាញនូវវត្តមានស្មាតហ្វូន Galaxy Z Flip ។ រីឯក្នុងផ្នែកបណ្តាញជំនួញវិញ សាមសុង ក៏បានធ្វើឱ្យខ្លួនឈានមុខគេក្នុងពិភព 5G ដោយការបង្កើតនូវទៅផ្សារថ្មីមុនគេបង្អស់ក្នុងពិភពលោក និងពង្រីកវិសាលភាពភាពជាដៃគូជាមួយនឹងជំនួញផ្សេងៗទៀតទៅក្នុងទីផ្សារគោលដៅសំខាន់ៗដូចជា៖ សហរដ្ឋអាមេរិក និង ជប៉ុនជាដើម។

សម្រាប់ជំនួញផ្នែក Visual Display វិញ សាមសុង ក៏ក្លាយជាក្រុមហ៊ុនដែលឈានមុខគេបំផុតក្នុងពិភពលោកផ្នែកឧស្សហកម្មទូរទស្សន៍ដ៏វៃឆ្លាតបំផុតផងដែរដោយការដាក់សម្ពោធនូវផលិតផលដែលទំនើបទាន់សម័យ និងបំពាក់នូវបច្ចេកវិទ្យាចុងក្រោយបំផុតដោយឆ្លុះបញ្ចាំងនូវគុណភាពជីវិតដ៏រស់រវើករបស់អតិថិជនតាមរយៈទូរទស្សន៍ម៉ូឌែល The Sero និង Terrace ។ ក្រុមហ៊ុន សាមសុង ក៏បានបន្តកិច្ចខំប្រឹងប្រែងរបស់ខ្លួនសម្រាប់វិស័យនេះដោយធ្វើការបង្ហាញនូវផលិតផលដ៏ច្រើនសម្បូរបែបដែលផ្តល់នូវភាពងាយស្រួលសម្រាប់ជនពិការ និងអ្នកប្រើប្រាស់ដែលមានបញ្ហាខ្វាក់ពណ៌ ឬមានបញ្ហាក្នុងការបែងចែកពណ៌ និងចាប់ផ្តើមនូវកម្មវិធីនៃការវេចខ្ចប់ផលិតផលដែលមិនធ្វើឱ្យប៉ះពាល់ដល់បរិស្ថាន។

ដោយឡែកសម្រាប់គ្រឿងឧបករណ៍ឌីជីថល វិញ សាមសុង ក៏បានបន្តផ្តល់ជូននូវផលិតផលដែលបំពាក់នូវបច្ចេកវិទ្យាទំនើបចុងក្រោយដើម្បីបំពេញតាមតម្រូវការ និងផ្លាស់ប្តូររបៀបរស់នៅរបស់អតិថិជនជាមួយនឹងទូទឹកកកវៃឆ្លាត BESPOKE និង Grande AI washer and dryer ដោយកម្មវិធីយុទ្ធនាការរបស់ខ្លួនសម្រាប់ប្រធានបទដែលពាក់ព័ន្ធនឹងអតិថិជនដូចជា៖ ការចម្អិនម្ហូបអាហារ កីឡា ការរចនាផ្នែកខាងក្នុង(Interior design) ការថែរក្សាសត្វចិញ្ចឹម ដោយធ្វើយ៉ាងណាផ្សារភ្ជាប់ជាមួយនឹងអតិថិជនទាំងអស់ឱ្យកាន់តែជិតស្និទ្ធ។

ជាពិសេសផ្នែកមេម៉ូរី (Memory) សាមសុង បានធ្វើការប្រកាសជាផ្លូវការនូវចក្ខុវិស័យរបស់ខ្លួនក្នុងឆ្នាំ 2030 ត្រូវតែក្លាយជាក្រុមហ៊ុនលំដាប់កំពូលលេខ 1 លើទីផ្សារពិភពលោក។ សូមបញ្ជាក់ថា សាមសុង បានក្លាយជាក្រុមហ៊ុនទី1 ដំបូងគេបំផុតក្នុងពិភពលោកដែលផលិត EUV-based DRAM និងបានបន្តការវិនិយោគរបស់ខ្លួនក្នុងផ្នែក HBM2E Flashbolt ដោយប្រើបច្ចេកវិទ្យា AI, automotive parts, IoT, AI និង 5G ផងដែរ។ ការពង្រីកវិសាលភាពនៃការធ្វើការពីចម្ងាយនៅផ្ទះ (work-at-home) បានផ្តល់លទ្ធផលជាផ្លែផ្កានៃការកើនឡើងនូវតម្រូវការសម្រាប់ server និង cloud services ដែលត្រូវបានរំពឹងទុកថានឹងមានការកើនឡើងនៃការលក់ DRAM និង NAND flash chips។ ចំពោះផ្នែក system LSI វិញ សាមសុង ក៏បានបន្តអភិវឌ្ឍបច្ចេកវិទ្យារបស់ខ្លួន និងការវិនិយោគទៅលើ Exynos និង ISOCELL ព្រមទាំងធ្វើការពង្រឹងនូវកិច្ចសហប្រតិបត្តិការជាមួយនឹងដៃគូជំនួញសំខាន់ៗដូចជា Audi ជាដើម។

លោក YH Lee ដែលជាប្រធានផ្នែកទីផ្សារ (CMO) នៃក្រុមហ៊ុនសាមសុង អេឡិចត្រូនិច បានមានប្រសាសន៍ថា “យើងបានចាប់ផ្តើមនូវចំណាត់ថ្នាក់ 43 នៃតម្លៃម៉ាកសញ្ញាផលិតផលគិតជាទឹកប្រាក់មានចំនួន 5.2 ពាន់លានដុល្លារសហរដ្ឋអាមេរិក ក្នុងឆ្នាំ 2000។ ប៉ុន្តែឆ្នាំ 2020 នេះយើងឡើងមកឈរចំណាត់ថ្នាក់លំដាប់កំពូលទី 5 ជាមួយនឹងម៉ាកសញ្ញផលិតផលដែលមានតម្លៃ 62.3 ពាន់លានដុល្លារសហរដ្ឋអាមេរិក ដែលនេះគឺជាជោគជ័យដ៏អស្ចារ្យ និងជាទីមោទនៈបំផុត។” គាត់ក៏បានបន្តទៀតថា “ប្រសិនបើគ្មានការគាំទ្រពីអតិថិជនជុំវិញពិភពលោកទេយើងក៏គ្មានសមិទ្ធិផលដ៏អស្ចារ្យបែបនេះដែរ”។ ដូច្នេះដើម្បីលើកកម្ពស់នូវស្ថានភាពពិភពលោក យើងនៅតែបន្តភ្ជាប់ទំនាក់ទំនងជាមួយនឹងអតិថិជនទាំងអស់ឱ្យកាន់តែជិតស្និទ្ធ។

សូមបញ្ជាក់ផងដែរថាក្រុមហ៊ុនប្រឹក្សា និងវាយតម្លៃម៉ាកសញ្ញាផលិតផលលំដាប់ថ្នាក់ពិភពលោក (Interbrand) ធ្វើការវាយតម្លៃនៃម៉ាកសញ្ញាផលិតផលនៃជំនួញជាច្រើនជុំវិញពិភពលោកគឺផ្អែកទៅលើការវិភាគយ៉ាងល្អិតល្អន់បំផុត (comprehensive analysis) នៃកត្តារួមផ្សំជាច្រើនរួមមានសមិទ្ធិផលផ្នែកហិរញ្ញវត្ថុ ( financial performance), ឥទ្ធិពលនៃការទិញម៉ាកសញ្ញាផលិតផល (brand influence on purchase) និងការប្រកួតប្រជែងម៉ាកផលិតផល (brand competitiveness)។

អំពីក្រុមហ៊ុន សាមសុង អេឡិចត្រូនិច ខូ អិល ធី ឌី
ក្រុមហ៊ុន សាមសុង គឺជាក្រុមហ៊ុនបច្ចេកវិទ្យាឈានមុខគេ និងធំជាងគេបង្អស់ក្នុងពិភព
លោកដែលធ្វើការផ្លាស់ប្តូរ អភិវឌ្ឍបច្ចេកវិទ្យាដ៏អស្ចារ្យ និងវៃឆ្លាតបំផុតសម្រាប់អនាគត។ ក្រុមហ៊ុនបច្ចេកវិទ្យាយក្ស សាមសុង ផ្តល់ជូននូវគ្រឿងអេឡិចត្រូនិចឈានមុខគេទូទាំង
ពិភពលោកដូចជា៖ ទូរទស្សន៍ ទូរស័ព្ទស្មាតហ្វូន ថេប៊្លេត wearable devices, គ្រឿងឌីជីថល ប្រព័ន្ធបណ្តាញណេតវើក មេម៉ូរី ប្រព័ន្ធ LSI និង foundry and LED solutions ។ ដើម្បីទទួលបានព័ត៌មានថ្មីៗចុងក្រោយ សូមចូលទៅកាន់ Samsung Newsroom តាមរយៈតំណនេះ៖ http://news.samsung.com.

ភ្នំពេញ៖ លោកឧកញ៉ា ទៀ វិចិត្រ បានសាងសង់ផ្ទះថ្មីមួយខ្នង ជូនស្រ្តីមេម៉ាយក្រីក្រ មួយគ្រួសារ មានកូន២នាក់ ក្រោយផ្ទះចាស់រងគ្រោះដោយសារដើមដូង រលំសង្កត់ពីលើ បណ្តាលអោយ រងការខូចខាតទាំងស្រុង នៅភូមិអុង ឃុំរាម ស្រុកព្រៃនប់ ខេត្តព្រះសីហនុ ។

ក្នុងពេល អញ្ជើញចុះសួរសុខទុក្ខ និងប្រគល់ផ្ទះថ្មីជូន គ្រួសារស្ត្រី មេម៉ាយរូបនេះ នៅថ្ងៃ២០ ខែតុលា ឆ្នាំ២០២០ លោកឧកញ៉ា ក៏បាននាំយកអំណោយ ជាម្ហូមអាហារ និងថវិកា មួយចំនួន មកឧបត្ថម្ភបន្ថែមផងដែរ៕

ភ្នំពេញ៖ សមាជិកក្រុមប្រឹក្សា ឃុំជើងគោ ស្រុកព្រៃនប់ ខេត្តព្រះសីហនុ បានថ្លែងអំណរគុណ ចំពោះ លោកឧកញ៉ា ទៀ វិចិត្រ និងលោកស្រី ដែលបានជួយឧបត្ថម្ភ ការសាងសង់ សំយ៉ាបដែកប្រកស័ង្កសី ក្រុមហ៊ុនខាងមុខ និងខាងក្រោយ សាលាឃុំ ចំនួន១៦៥ ម៉ែត្រការេ ចំណាយថវិកាអស់ ២, ៦៤០ដុល្លារសហរដ្ឋអាមេរិក ។

ក្នុងនាមសមាជិកក្រុមប្រឹក្សា ឃុំជើងគោ បានជូនពរប្រសិទ្ធពរជ័យ សេរីមង្គល វិបុលសុខមហាប្រសើរ កើតមានដល់ លោក ឧកញ៉ា​ និងលោកស្រី ព្រមទាំង បុត្រា បុត្រី ឲ្យទទួលបាន នូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

ភ្នំពេញ៖ លោក ឧកញ៉ា ទៀ វិចិត្រ កាលពីថ្ងៃទី១៩ ខែតុលា ឆ្នាំ២០២០​ បានអញ្ជើញ ចុះសួរសុខទុក្ខ នាយនាវី នាយនាវីរង និងពលនាវិក នៅកងឯកភាព កងនាវាប្រដេញ និងកងនាវាដឹកជញ្ជូន កងទព័ជើងទឹកមូលដ្ឋានសមុទ្រ​ និងបានឧបត្ថម្ភជា ហ្វីប្រូជ័រ ចំនួន ៥០០សន្លឹក និងថវិកា ២៧លានរៀល ដល់អង្គភាពទាំងពីរផងដែរ ។

ក្នុងឱកាសអញ្ជើញ ចុះសួរសុខទុក្ខរបស់លោក ឧកញ៉ា ទៀ វិចិត្រ នាឱកាសនោះ ទទួលបានការស្វាគមន៍ ពីសំណាក់ លោកឧត្តមនាវីទោ ម៉ី ឌីណា មេបញ្ជាការរង និងជានាយសេនាធិការ​ កងទព័ជើងទឹក មូលដ្ឋានសមុទ្រ។ បន្ទាប់ពី ជួបសំណេះសំណាល និងសួរសុខទុក្ខ ដល់កងកម្លាំងហើយនោះ លោកឧកញ៉ា ទៀ វិចិត្រ ក៏បានឧបត្ថម្ភ​ នូវហ្វីប្រូជ័រ ចំនួន៥០០សន្លឹក សម្រាប់ជួសជុល ដំបូលអគារ ក្នុងអង្គភាព និងឧបត្ថម្ភថវិកា ជូនដល់អង្គភាពទាំងពីរ ចំនួន ២៧,០០០,០០០រៀល បន្ថែមទៀតផងដែរ៕

(ភ្នំពេញ) ថ្ងៃទី ១៩ ខែតុលា ឆ្នាំ ២០២០៖ តោះៗ…មកឱ្យលឿន…! លើកនេះក្រុមហ៊ុន សាមសុង ផ្តល់ជូនប្រូម៉ូសិនថែមជូនកប់សាហាវណាស់…ធានាថាម៉ាពេញចិត្តតែម្តង…!! រាល់ការជាវមហាអំណាចស្មាតហ្វូនប៊ិក Samsung Galaxy Note 20 ឬ Galaxy Note 20 Ultra ចាប់ពីថ្ងៃទី 15 តុលា រហូតដល់ ថ្ងៃទី 15 ខែវិច្ឆិកា ឆ្នាំ 2020 អតិថិជនទាំងអស់នឹងទទួលបានកាតចាក់សាំងតម្លៃ $80 នៅ TOTAL ជាមួយនឹងប្រូម៉ូសិនថែមជូនយ៉ាងច្រើនសន្ធឹកសន្ធាប់ទៀត…!!

ឥឡូវនេះក្រៅពីមហាប្រូម៉ូសិនដ៏អស្ចារ្យ…យើងមកនិយាយពីមហាអំណាចស្មាតហ្វូនប៊ិកដ៏អស្ចារ្យ Samsung Galaxy Note 20 ឬ Galaxy Note 20 Ultra វិញម្តង…! និយាយទៅមួយរយៈចុងក្រោយនេះតារាឯកទាំង 2 ដួងនេះកំពុងអង្រួន និងវ៉ាផ្តាច់នៃពិភពស្មាតហ្វូនក្នុងលោកដោយទទួលបានការគាំទ្រយ៉ាងពេញទំហឹងតែម្តងទាំងរូបរាងដ៏ស៊ិចស៊ី…ទាំងកម្លាំងម៉ាស៊ីនខ្លាំង…ទាំងកាមេរ៉ាដ៏ច្បាស់…ទាំងភាពវៃឆ្លាតបំផុតរបស់ប៊ិកវេទមន្ត និងអនុភាពផ្សេងៗដ៏មហិមាដែលបានបំពាក់លើម៉ូឌែលទាំងពីរនេះ!

សូមបញ្ជក់ផងដែរថា មហាអំណាចស្មាតហ្វូនប៊ិកដ៏អស្ចារ្យ Samsung Galaxy Note 20 ឬ Galaxy Note 20 Ultra ត្រូវបានផ្តល់កំណើតឡើងក្នុងគោលបំណងផ្តល់ជូននូវប្រសិទ្ធភាពការងារដ៏អស្ចារ្យដែលប្រៀបបានទៅនឹងកុំព្យូទ័រដ៏ខ្លាំងបំផុត ព្រមទាំងការកម្សាន្តវៃឆ្លាតដែលកំពុងស្ថិតក្នុងដៃរបស់លោកអ្នកគ្រប់ពេលវេលា…គ្រប់ទីកន្លែងយ៉ាងដូច្នេះដែរ…!

• បញ្ជាក់៖ រាល់ការជាវមហាអំណាចស្មាតហ្វូនប៊ិក Galaxy Note 20 ឬ Galaxy Note 20 Ultra
  អតិថិជនទាំងអស់នឹងទទួលបានជាមួយនឹងការថែមជូនយ៉ាងពិសេសដូចជា៖
• ថែមជូនស្រោមទូរស័ព្ទថ្លាហ្ស៊ីន (Back Cover) ដ៏ស្រស់ស្អាត 1 ភ្លាម!
• ថែមជូនកាតចាក់សាំងតម្លៃ $80 ពី TOTAL
• ការធានាជូនពីក្រុមហ៊ុនយ៉ាងត្រឹមត្រូវរយៈពេល 1 ឆ្នាំពេញ!
• បញ្ចុះតម្លៃ 50% ពេលប្តូរអេក្រង់ថ្មី (រយៈពេល 1 ឆ្នាំចាប់គិតពីថ្ងៃជាវ)!
• ស៊ីមស្មាតលេខពិសេស Smart ធំហ្ម៎ង តម្លៃ 54 ដុល្លារ ជាមួយគម្រោងស្មាតចំនួន 52 សប្តាហ៍!
• បង់រំលស់ដោយគ្មានការប្រាក់ជាមួយនឹងធានាគារឯកទេសអ៊ីអន!
• រួសរាន់ឡើង…!! ឱកាសដ៏ពិសេស និងការផ្តល់ជូនដ៏អស្ចារ្យនេះមានតែពីថ្ងៃទី 15តុលា រហូតដល់ថ្ងៃទី 15 ខែវិច្ឆិកា ឆ្នាំ 2020 នេះតែប៉ុណ្ណោះ…!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនដោយឥតគិតថ្លៃតាមរយៈទូរស័ព្ទលេខ៖ 1800-20 32 32 !
លក្ខខណ្ឌផ្សេងៗត្រូវបានអនុវត្ត

ភ្នំពេញ៖ ដោយមើលឃើញ សកម្មភាពយ៉ាងសកម្ម របស់សាខាកាកបាទក្រហមកម្ពុជា ខេត្តព្រះសីហនុ ក្នុងការងារអប់រំផ្សព្វផ្សាយ ពីជំងឺកូវីដ-១៩ មួយរយៈកាលកន្លងមក លោកឧកញ៉ា ទៀ វិចិត្រ អនុប្រធានកិត្តិយស សាខាកាកបាទក្រហមកម្ពុជាខេត្ត និងលោកស្រីកាលពីថ្ងៃទី១៦ ខែតុលា ឆ្នាំ២០២០នេះ បានឧបត្ថម្ភម៉ាស ចំនួន ៥កេះធំ (ស្មើនឹងចំនួន ១២.៥០០ សន្លឹក) ដល់សាខា សម្រាប់ធ្វើការអប់រំផ្សព្វផ្សាយ ពីជំងឺកូវីដ-១៩ ដល់ប្រជាពលរដ្ឋ ក្នុងខេត្តបន្តទៀត ។

ក្រោយពីទទួលបាន ការឧបត្ថម្ភនេះហើយ ក្នុងឱកាសនេះដែរ ក្នុងនាម លោក គាំ សុខុម ជានាយកសាខា កាកបាទក្រហមកម្ពុជាខេត្តព្រះសីហនុ ក៏បានថ្លែងអំណរគុណ ចំពោះទឹកចិត្តដ៏សប្បុរសធម៌ របស់លោកឧកញ៉ា និងលោកស្រី ក្នុងការយកចិត្តទុកដាក់បរិច្ចាគ សម្ភារ ដល់សាខាកាកបាទក្រហមកម្ពុជា ខេត្តព្រះសីហនុ «ខ្ញុំ ស្រឡាញ់សន្តិភាព និងកាកបាទក្រហមកម្ពុជា» ដើម្បីបម្រើសកម្មភាព មនុស្សធម៌ ជួយដល់ប្រជាពលរដ្ឋ ក្នុងខេត្ត៕

(ភ្នំពេញ) ថ្ងៃទី ១៦ ខែតុលា ឆ្នាំ ២០២០៖ ចង់បានបែបណា…ម៉ូដណា…តម្លៃណា…ពេលណា… ស្រឡាញ់ និងចង់ប្រើខ្លាំងប៉ុណ្ណា…ក៏ក្រុមហ៊ុន សាមសុង អាចផ្តល់ជូនឱ្យអ្នកគាំទ្រជុំវិញពិភពលោកបានដែរ…! ជាពិសេសគឺអ្នកគាំទ្រទាំងអស់ដែលនៅក្នុងប្រទេសកម្ពុជាយើងតែម្តង…!! និយាយទៅគឺផ្តល់ជូនជម្រើសមិនឱ្យទាស់ចិត្តម៉ង…!!

សុំសួរមួយសិនថា…”អ្នកណាគេខ្លះជាហ្វេនរបស់កំពូលស្មាតហ្វូន Galaxy S20 FE?” ឥឡូវនេះក្តីស្រមៃកំពុងក្លាយជាការពិតហើយដែលក្រុមហ៊ុន សាមសុង នៅពេល

នេះបាននាំយកកំពូលស្មាតហ្វូនក្នុងសករាជថ្មីស៊េរី Samsung Galaxy S20 FE (Truly Fan Edition) មកលក់ផ្លូវការក្នុងទីផ្សារប្រទេសកម្ពុជាជូនដល់អ្នកស្រឡាញ់ និងប្រាថា្នចង់បាន…ចង់ប្រើជាមួយនឹងតម្លៃដ៏អស្ចារ្យ…ពិសេសនឹកស្មានមិនដល់ទាល់តែសោះ…!!

 * រាល់ការជាវ Galaxy S20 FE ចាប់ពីថ្ងៃទី16 ដល់ថ្ងៃទី 22 ខែតុលា ឆ្នាំ2020 នឹងទទូលបានការថែមជូនដ៏ពិសេសបំផុតដូចជា៖

– ធុងបាស JBL Flip5 មួយគ្រឿងដ៏ស្រស់ស្អាតភ្លាមៗ

– បញ្ចុះតម្លៃ 50% ពេលប្តូរអេក្រង់ថ្មី (រយៈពេល 1 ឆ្នាំចាប់គិតពីថ្ងៃជាវ)!

– ស៊ីមស្មាតលេខពិសេសតម្លៃ 54 ដុល្លារ ជាមួយគម្រោងស្មាតចំនួន 52 សប្តាហ៍!

សូមបញ្ជាក់ថាកំពូលស្មាតហ្វូន Samsung Galaxy S20 FE (Truly Fan Edition) នេះគឺត្រូវបានបង្កើតឡើងយ៉ាងពិសេស និងបំពេញតាមតម្រូវការរបស់អ្នកប្រើប្រាស់ទូទាំងពិភពលោកដោយបំពាក់នូវបច្ចេកវិទ្យាទំនើបចុងក្រោយដូចទៅនឹងអធិរាជស្តេចកំពូលស្មាតហ្វូនស៊េរី flagship ដែរ!

ហ្នឹង…បែបមិនជឿទេមើលទៅ…!! ជឿ…មិនជឿ…បន្តិចទៀតដឹងខ្លួនហើយ…!! ខាងក្រោមនេះគឺជាសមត្ថភាព…កម្លាំងម៉ាស៊ីន…អាវក្រោះការពារទឹក និងធូលី…កាមេរ៉ា…កំពូលថាមពលថ្មធំ…និងតម្លៃដែលសឹងតែមិនគួរឱ្យជឿទាល់តែសោះថាក្រុមហ៊ុន សាមសុង ហ៊ានហក់ដាក់លក់ក្នុងតម្លៃត្រឹមប៉ុណ្ណឹងដើម្បីឱ្យអតិថិជនរបស់ខ្លួនសម្រេចក្តីបំណងក្នុងការទទួលបានបទពិសោធន៍នៃកំពូលស្មាតហ្វូនដ៏អស្ចារ្យសម្រាប់អនាគតម៉ូឌែលនេះ…!

ដូច្នេះបើចង់ដឹងច្បាស់…សូមមកមើលតម្លៃ និងលក្ខណៈពិសេសអស្ចារ្យរបស់ Samsung Galaxy S20 FE (Truly Fan Edition) ជាមួយយើងទាំងអស់គ្នា៖

* Galaxy S20 FE (Fan Edition)

– តម្លៃ៖ $ 646 ជាមួយនឹង 8GB (RAM) / 128 GB (ROM) អាចបន្ថែមមេម៉ូរីក្រៅបានរហូតដល់ 1TB

– ទំហំអេក្រង់៖ 6.5 អ៊ីញ

– ប្រភេទកញ្ចក់អេក្រង់៖ 120Hz Refresh Rate, Infinity-O Display ប្រភេទ Dynamic SUPER AMOLED 2X

– កាមេរ៉ាមុខ 1 គ្រាប់៖ ទំហំ 32 MP

– កាមេរ៉ាក្រោយ 3 គ្រាប់៖ 12 MP (Wide), 8 MP (Telephoto), 12 MP (Ultra-Wide)

– ប្រព័ន្ធដំណើរការ (CPU)៖ Exynos 990

– ថាមពលថ្ម៖ 4,500 mAh (សាកថ្មល្បឿនលឿនបំផុតឥតខ្សែ 15 W និងប្រើខ្សែល្បឿនលឿន 25W)

– ពណ៌ 5 ជម្រើស៖ Cloudy Navy (ខៀវ), Cloudy Lavender (ស្វាយខ្ចី), Cloudy Mint (បៃតងខ្ចី), Cloudy Red (ក្រហម)

ម៉េចដែរប៉ុណ្ណឹង…!! គ្រប់គ្រាន់…និងអាចធ្វើការសម្រចចិត្តតែម្តងបាននៅ? មិនងាយនឹងបានប្រើទេណា…និយាយទៅលោកអ្នកដែលធ្លាប់ប្រើ និងដឹងពីចំណុចកំពូលក៏ដូចជាលក្ខណៈពិសេសនៃស្តេចកំពូលស្មាតហ្វូន ឬអធិរាជស្មាតហ្វូនរបស់ក្រុមហ៊ុន សាមសុង គឺប្រាកដជាដឹងច្បាស់ជាងអ្នកណាទាំងអស់…! អ៊ីចឹងនៅចាំអីទៀត…!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនដោយឥតគិតថ្លៃតាមរយៈទូរស័ព្ទលេខ៖ 1800-20 32 32 !