ភ្នំពេញ៖ ថ្ងៃទី ២៣ ខែតុលា ឆ្នាំ ២០២៥ ក្រុមហ៊ុន Vietjet និងអ្នកដឹកនាំវិស័យអប់រំអាកាសចរណ៍ពិភពក្រុមហ៊ុនអាកាសចរណ៍ Airways Aviation បានចុះហត្ថលេខាលើភាពជាដៃគូយុទ្ធសាស្ត្រ ដើម្បីបណ្តុះបណ្តាលបុគ្គលិកឱ្យកាន់តែមានសមត្ថភាពខ្ពស់សម្រាប់ឧស្សាហកម្មអាកាសចរណ៍ពិភពលោក។ ពិធីនេះ បានប្រព្រឹត្តទៅក្រោមវត្តមានរបស់ លោក To Lam អគ្គលេខាបក្សកុម្មុយនិស្តវៀតណាម និងតំណាងជាន់ខ្ពស់ពីរដ្ឋាភិបាល និងធុរកិច្ចនានានៃប្រទេសទាំងពីរវៀតណាម និងហ្វាំងឡង់។

ក្រោមកិច្ចព្រមព្រៀងនេះ ក្រុមហ៊ុនអាកាសចរណ៍ Airways នឹងសហការជាមួយ Vietjet Aviation Academy (VJAA) ដើម្បីអនុវត្តកម្មវិធីបណ្តុះបណ្តាលអ្នកបើកយន្តហោះស្តង់ដារអន្តរជាតិនៅអឺរ៉ុប ដែលសកម្មភាពនេះត្រូវបានអនុវត្តអនុលោមតាមបទប្បញ្ញត្តិរបស់អង្គការអាកាសចរណ៍ស៊ីវិលអន្តរជាតិ (ICAO) ទីភ្នាក់ងារសុវត្ថិភាពអាកាសចរណ៍សហភាពអឺរ៉ុប (EASA) និងអាជ្ញាធរអាកាសចរណ៍ស៊ីវិលវៀតណាម (CAAV)។ វគ្គបណ្តុះបណ្តាលឯកទេស MPL (Multi-crew Pilot Licence) និង CPL (Commercial Pilot Licence) មានគោលបំណងអភិវឌ្ឍអ្នកបើកយន្តហោះជំនាន់ថ្មីឱ្យកាន់តែមានសមត្ថភាពទូទាំងពិភពលោក ដើម្បីគាំទ្រដល់ការពង្រីកបណ្តាញហោះហើរជាសកលរបស់ Vietjet និងយុទ្ធសាស្ត្រកំណើនប្រកបដោយចីរភាព។

ក្នុងនាមជាដៃគូបណ្តុះបណ្តាលដែលទទួលស្គាល់ដោយស្ថាប័ន IATA នៅក្នុងប្រទេសវៀតណាម VJAA បានបណ្តុះបណ្តាលអ្នកបើកយន្តហោះ អ្នកបម្រើលើយន្តហោះ វិស្វករ អ្នកសម្របសម្រួលដឹកជញ្ជូន និងអ្នកជំនាញអាកាសចរណ៍ជិត ៤០០,០០០ នាក់ ដែលការបណ្តុះបណ្តាលនេះ VJAA នឹងជួយគេឱ្យសម្រេចបាននូវក្តីសុបិនរបស់ពួកគេក្នុងការធ្វើការក្នុងវិស័យអាកាសចរណ៍ និងគាំទ្រដល់ការរីកចម្រើនយូរអង្វែងនៃឧស្សាហកម្មនេះ។ ទន្ទឹមនឹងនេះ ក្រុមហ៊ុនអាកាសចរណ៍ Airways គឺជាសាលាបណ្តុះបណ្តាលការហោះហើរដែលត្រូវបានទទួលស្គាល់ជាសាកល ជាមួយនឹងវត្តមានដ៏រឹងមាំនៅទូទាំងទ្វីបអឺរ៉ុប មជ្ឈិមបូព៌ា អាស៊ី និងអូស្ត្រាលី ជាមួយនឹងបទពិសោធន៍ជាង ៤៥ ឆ្នាំ។

បច្ចុប្បន្ន Vietjet មានបុគ្គលិកជាង ៩,000 នាក់ មកពីជាង ៦០ ប្រទេស និងដែនដីដែលប្រតិបត្តិការនៅទូទាំងប្រទេសវៀតណាម និងទីផ្សារអន្តរជាតិ រួមទាំងប្រទេសកម្ពុជាផងដែរ។ ក្នុងនាមជាក្រុមអាកាសចរណ៍ពិភពលោក Vietjet បន្តពង្រីកបណ្តាញហោះហើររបស់ខ្លួន ទាក់ទាញអ្នកមានទេពកោសល្យលំដាប់កំពូល និងផ្តល់ជូននូវសេវាកម្ម និងផលិតផលលំដាប់ពិភពលោក។ ក្រុមហ៊ុនអាកាសចរណ៍នេះ រក្សាវត្តមានដ៏រឹងមាំនៅទូទាំងតំបន់អាស៊ីប៉ាស៊ីហ្វិក ហើយកំពុងរៀបចំសម្រាប់ការពង្រីកបន្ថែមទៀតទៅកាន់ទីផ្សារសំខាន់ៗនៅអឺរ៉ុប និងអាមេរិក។

សម្រាប់អ្នកដំណើរពីប្រទេសកម្ពុជា ក្រុមហ៊ុន Vietjet កំពុងផ្តល់ជើងហោះហើរប្រចាំថ្ងៃរវាងខេត្តសៀមរាប និងទីក្រុងហាណូយ ដែលជារដ្ឋធានីដ៏រស់រវើករបស់ប្រទេសវៀតណាម ក៏ដូចជាការភ្ជាប់ទំនាក់ទំនងទៅកាន់ទីក្រុងធំៗនៅទូទាំងអាស៊ីប៉ាស៊ីហ្វិក តាមរយៈប្រទេសវៀតណាម។

ភ្នំពេញ៖ ក្រុមតន្រ្តីរ៉ុកអូស្ត្រាលី PlanB ដែលបង្ហាញប្រទេសកម្ពុជា​ជាញឹកញាប់នៅក្នុងវីដេអូតន្ត្រីអន្តរជាតិរបស់ខ្លួន និងក៏ជាអ្នកគាំទ្រអង្គការមនុស្សធម៌ក្នុងស្រុកជាច្រើន នឹងសម្តែងជាមួយនិស្សិតតន្ត្រីខ្មែរនៅស្ទូឌីយ៉ូតន្ត្រីស្តង់ដារអន្តរជាតិតែមួយគត់របស់ប្រទេសកម្ពុជា ដែលមានឈ្មោះហ្គុង ដែលមានទីតាំងនៅហ្វាមហៅស៍រីស្សត & ស្ប៉ារបស់ Smiling Gecko Cambodia នៅ​ខេត្ត​កំពង់ឆ្នាំងក្នុង​ខែ​ធ្នូនេះ។

ការប្រគុំតន្ត្រីនេះត្រូវបានរៀបចំឡើងដោយសហការជាមួយ Music Matters Cambodia ដែលជាមជ្ឈមណ្ឌលតន្ត្រីករលំដាប់អន្តរជាតិដែលមានការប្តេជ្ញាចិត្តខ្ពស់ក្នុងការផ្ដល់សេវាកម្មប្រកបដោយគុណភាពក្នុងតម្លៃសមរម្យ និងផ្ដល់ការគាំទ្រដល់សហគមន៍មូលដ្ឋាន តាមរយៈការធ្វើឱ្យតន្ត្រីអប់រំនិងការអភិវឌ្ឍជំនាញបានទៅដល់បុគ្គលគ្រប់រូប។

Music Matters Cambodia បានដើរតួយ៉ាងសំខាន់ក្នុងការជួយរៀបចំការប្រគុំតន្ត្រីនៅថ្ងៃទី ២ខែធ្នូនេះដែលPlanB គឺជាតួសំដែងដ៏សំខាន់មួយ។ ក្រុម Music Matters Cambodia បានមានប្រសាសន៍ថា៖​ “ព្រឹត្តិការណ៍នេះធ្វើឡើងស្របតាមបេសកកម្មរបស់យើង ហើយយើងពិតមានសេចក្តីសោមនស្សរីករាយណាស់ក្នុងការគាំទ្រនិស្សិតតន្ត្រី​របស់ Smiling Gecko និងជាពិសេសក្រុមអ្នកដែលមានទេពកោសល្យសំដែង និងច្រៀង “Talent Team/Smiling Gecko Singers”។

PlanB​ ដែល​សរសេរនៅលើគណនី YouTube​ របស់ខ្លួនដោយ‘មិនមានការដកឃ្លារវាងពាក្យ“Plan” និង “B” នោះទេ” គឺជាក្រុមតន្រ្តីរ៉ុកដែលបង្កើតឡើងនៅដើមទសវត្សរ៍ទី ៨០ នៅទីក្រុង Adelaide នៃរដ្ឋ South Australia ដែលមានវត្ដមានព្រមគ្នាជាមួយក្រុមតន្រ្តីធំៗនៅពេលនោះដែលមានដូចជា The Eurogliders, Goanna, Pseudo Echo, Mondo Rock, The Models, John Paul Young & The Allniters។’

ក្រុម​តន្ត្រី​នេះ​នឹងធ្វើការ​សម្តែង​ជាមួយ​សិស្ស​តន្ត្រី​ដែលជាសមាជិកនៃក្រុមចម្រៀងរបស់​ Smiling Gecko Cambodia នៅហ្វាមហៅស៍រីស្សត & ស្ប៉ានៅខេត្ត​កំពង់ឆ្នាំងនៅ​ថ្ងៃ​ទី ២ ខែ​ធ្នូ។

Dr. h.c. Hannes Schmidដែលជាសហស្ថាបនិក Smiling Geckoមានប្រសាសន៍ថា៖ “PlanB គឺជាក្រុមតន្រ្តីរ៉ុកដែលមានថាមពល និងមានទេពកោសល្យខ្ពស់ ដែលបានក្លាយជាក្រុមតន្រ្តីរ៉ុកដ៏ពេញនិយមនៅប្រទេសកម្ពុជា។ ​ PlanB ក៏បានក្លាយជាអ្នកគាំទ្រដ៏មានឥទ្ធិពលរបស់ប្រទេសកម្ពុជាតាមរយៈការគាំទ្រអង្គការនានា និងការដាក់បញ្ចូលទីតាំងដ៏ស្រស់ស្អាតនានានៅក្នុងប្រទេសកម្ពុជាក្នុងវីដេអូតន្ត្រីរបស់ខ្លួនដែលត្រូវបានចែកចាយជាអន្តរជាតិ។យើងពិត​ជា​មាន​កិត្តិយស​ណាស់​ដែល​PlanB នឹងមកសម្ដែងនៅហ្គុង ដែលជាស្ទូឌីយ៉ូ​តន្ត្រី​អន្តរជាតិរបស់យើង។”

ហ្គុង ដែលមានទីតាំងនៅក្នុងបរិវេណហ្វាមហៅស៍រីស្សត & ស្ប៉ាគឺជាមជ្ឈមណ្ឌលវប្បធម៌ដែលបានដាក់ឱ្យដំណើរការនៅចុងខែមិថុនា ឆ្នាំ២០២៤ និងត្រូវបានរចនាឡើងដោយសហការជាមួយក្រុមហ៊ុនរចនា និងស្ថាបត្យកម្មដ៏ល្បីល្បាញរបស់ប្រទេសស្វីស atelier oï។ហ្គុង គឺជាស្នាដៃស្ថាបត្យកម្មដ៏ល្អឯកដែលរួមមានសាលប្រជុំដែលអាចទទួលភ្ញៀវបានរហូតដល់ ១៤០នាក់ និងក៏មានស្ទូឌីយោថតសំឡេងទំនើបស្តង់ដារអន្តរជាតិដែលធ្លាប់បម្រើដល់តន្ត្រីករល្បីៗអន្តរជាតិជាច្រើនរូប។ Smiling Gecko Cambodia សង្ឃឹម​ថា​ ហ្គុង នឹង​ជួយ​ឱ្យ​ប្រទេស​កម្ពុជាទទួលបានកេរ្តិ៍ឈ្មោះ ​និង​ភាព​ល្បីល្បាញ​ផ្នែក​វប្បធម៌​របស់​ខ្លួន​ឡើង​វិញ។​

វីដេអូតន្ត្រី និងតន្ត្រីរបស់ PlanB ដែលបង្ហាញប្រទេសកម្ពុជារួមមាន New Ways To Love You (https://www.youtube.com/watch?v=ruN03mOpEvY) និង Just Like Your Eyes (https://www.youtube.com/watch?v=o8Cjj5DWlrw)។

ហ្វាមហៅស៍រីស្សត & ស្ប៉ាកំពុងផ្តល់ជូនកញ្ចប់សំបុត្រចូលទស្សនាសម្រាប់អ្នកដែលមានចំណាប់អារម្មណ៍ចង់មើលក្រុមតន្រ្តី PlanB សម្តែងបទទាំងនេះ និងបទជាច្រើនទៀតនៅហ្គុងនៅថ្ងៃទី២ ខែធ្នូ៖​​​

• សំបុត្រចូលទស្សនាការប្រគុំតន្ត្រី – ១០ ដុល្លារ សម្រាប់ម្នាក់​
• សំបុត្រចូលទស្សនាការប្រគុំតន្ត្រី និងការញ៉ាំ​ភេសជ្ជៈគ្មានដែនកំណត់ – ៤០ ដុល្លារសម្រាប់ម្នាក់
• អាហារពេលល្ងាច៣វគ្គដែលផ្ដល់ជូនដោយ​ភោជនីយដ្ឋានហ្វាមហៅស៍ សំបុត្រចូលទស្សនាការប្រគុំតន្ត្រី និងការញ៉ាំ​ភេសជ្ជៈគ្មានដែនកំណត់ – ៦៥​ ដុល្លារ សម្រាប់ម្នាក់
• អាហារវិចិត្រពេលល្ងាច៤វគ្គដែលផ្ដល់ជូនដោយភោជនីយដ្ឋាន អ៊ុន សំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ – ១២០ ដុល្លារ សម្រាប់ម្នាក់

កញ្ចប់សេវាកម្មចំនួន ៣៖ សម្រាប់អាហារពេលល្ងាចដែលផ្ដល់ជូនដោយភោជនីយដ្ឋានហ្វាមហៅស៍ និងការស្នាក់នៅមួយយប់

• Deluxe Room អាហារពេលល្ងាចសំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -២៨០ ដុល្លារ
•  Premium Room ​អាហារពេលល្ងាច សំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -៣១០​​ ដុល្លារ
• Luxury Suite​ អាហារពេលល្ងាច សំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -៣៦០​ ដុល្លារ
• (ការផ្តល់ជូននេះ គឺសម្រាប់មនុស្សពេញវ័យ ២ នាក់)

កញ្ចប់សេវាកម្មចំនួន ៤៖ សម្រាប់អាហារវិចិត្រពេលល្ងាច​ និងការស្នាក់នៅមួយយប់

• Deluxe Room អាហារពេលល្ងាចសំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -៣៩០ ដុល្លារ
• Premium Room  អាហារពេលល្ងាចសំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -៤២០​ ដុល្លារ
• Luxury Suite អាហារពេលល្ងាច សំបុត្រចូលទស្សនាការប្រគុំតន្ត្រី និងការញ៉ាំភេសជ្ជៈគ្មានដែនកំណត់ -៤៧០​​ ដុល្លារ
• (ការផ្តល់ជូននេះ គឺសម្រាប់មនុស្សពេញវ័យ ២ នាក់)

អំពី SMILING GECKO និងហ្វាមហៅស៍រីស្សត & ស្ប៉ា

អង្គការសប្បុរសធម៌ Smiling Gecko ត្រូវបានបង្កើតឡើងដំបូងក្នុងប្រទេសស្វីសក្នុងឆ្នាំ ២០១២ ដោយ លោកវេជ្ជបណ្ឌិត h.c. Hannes Schmid ដែលមានបេសកកម្មជួយកាត់បន្ថយភាពក្រីក្រ និងផ្តល់ឱ្យប្រជា ជននូវអនាគតដ៏ល្អប្រសើរឡើង។ កាល​ពី​ខែ​មិថុនា ឆ្នាំ​២០១៣ លោកវេជ្ជបណ្ឌិត Hannes បាន​ជួប​នឹង​អតីតអ្នកជំនាញផ្នែកច្បាប់ លោក ងន់ សុខលាភ ហើយលោកទាំងពីរធ្វើការរួមគ្នា ដើម្បីចង់បង្ហាញប្រជាជនកម្ពុជា ថាពួកគេអាចស្វែងរកផ្លូវចេញពីភាពក្រីក្រប្រកបដោយនិរន្តរភាពនិងផ្តោតលើខ្លួនឯង និងសមត្ថភាពក្នុងការ រៀនសូត្រ និងការងាររបស់ពួកគេ។ ដូច្នេះហើយលោកវេជ្ជបណ្ឌិត Hannes និងលោក សុខលាភ បានបង្កើតអង្គការ Smiling Gecko Cambodia (បានចុះបញ្ជីជាផ្លូវការក្នុងខែមេសា ឆ្នាំ២០១៤)។

ក្នុងនាមជាអង្គការសប្បុរសធម៌ដែលបានចុះបញ្ជីនៅប្រទេសកម្ពុជា លោកវេជ្ជបណ្ឌិត Hannes និងលោកសុខលាភបានទិញដីប្រាំបួនហិកតាដំបូងនៅក្នុងសង្កាត់សាមគ្គីមានជ័យ ចម្ងាយប្រហែល ៦០ គីឡូម៉ែត្រភាគខាងជើងនៃរាជធានីភ្នំពេញ។ ពួកគេ​បាន​ចាប់​ផ្តើម​ដាំដុះ​វា​ភ្លាមៗ ដោយ​តាំង​លំនៅ​ជា​ក្រុម​គ្រួសារ​ពី​តំបន់​អនាធិបតេយ្យ​ក្នុង​រាជធានី​នៅ​ទីនោះ។ លោកវេជ្ជបណ្ឌិត Hannes និងលោក សុខលាភ ចង់ប្រែក្លាយគ្រួសារដែលជួបការលំបាកទៅជាកសិករ។ ក្នុងរយៈពេលប៉ុន្មានខែខាងមុខនេះ អង្គការ Smiling Gecko Cambodia បានសាងសង់ផ្ទះចំការចំនួន ១២ ខ្នង ដែលផ្ទះនីមួយៗមានទំហំដីស្រែប្រហែល ៤,០០០ ម៉ែត្រការ៉េ ដែលបានក្លាយជាផ្ទះសម្រាប់ប្រជាជនចំនួន ៨០ នាក់។ 

សព្វថ្ងៃនេះ ដីឡូតិ៍នោះមានបុគ្គលិកប្រហែល ៤០០ នាក់ដែលទីនោះមានសាលារៀនភាសា ហ្វាមហៅស៍រីស្សត & ស្ប៉ា កសិដ្ឋាននិងការចិញ្ចឹមសត្វ បរិក្ខារពេទ្យ និងធ្មេញ រោងចក្រថាមពលពន្លឺ ព្រះអាទិត្យ និង “ហ្គុង” ដែលជាមជ្ឈមណ្ឌលវប្បធម៌ដែលមានស្ទូឌីយោថតសំឡេងទំនើប និងសាលប្រជុំ ផងដែរ។   

 បេសកកម្មរបស់ Smiling Gecko Cambodia គឺធ្វើឱ្យហ្វាមហៅស៍រីស្សត & ស្ប៉ា ទ្រទ្រង់និងដំណើរការដោយ ពឹងលើចំណូលខ្លួនឯងដើម្បីបង្ហាញប្រជាជនកម្ពុជាជាច្រើន ទៀតថា ពួកគេពិតជាអាចជួយខ្លួនឯងបាន។

ភ្នំពេញ​៖ ថ្ងៃទី 21 ខែ តុលា ឆ្នាំ2025៖ ក្រុមហ៊ុន យូនីលឹវើ កម្ពុជាបានជួយគាំទ្រប្រជាពលរដ្ឋងាយរងគ្រោះបំផុត និងទទួលផលប៉ះពាល់ដោយទឹកជំនន់ថ្មីៗនេះ ចំនួន 729 គ្រួសារ ក្នុងឃុំ ចំនួន​5 ក្នុងខេត្តត្បូងឃ្មុំ ដោយបានឧបត្តម្ភនូវគ្រឿងឧបភោគ និង ផលិតផលថែរក្សាអនាម័យសម្រាប់ប្រើប្រាស់ប្រចាំថ្ងៃ សរុបជាទឹកប្រាក់ប្រមាណ 120 លានរៀល​។

កម្មវិធីចែកអំណោយនេះត្រូវបានប្រព្រឹត្តឡើង កាលពីថ្ងៃសៅរ៍ ទី18 ខែតុលា ឆ្នាំ2025 ក្រោមអធិបតីភាពដ៏ខ្ពង់ខ្ពស់របស់ លោក ប៉ែន កុសល្យ គណអភិបាល នៃអភិបាលខេត្តត្បូងឃ្មុំ និង លោក លី សុធូ អគ្គនាយកនៃក្រុមហ៊ុន​ យូនីលឹវើ ប្រចាំប្រទេសកម្ពុជា និងឡាវ ក្នុងវត្តបន្ទាយជ័យមង្គល ឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ។​

ដោយមើលឃើញពីផលប៉ះពាល់នៃគ្រោះមហន្ដរាយបង្កឡើងដោយទឹកជំនន់ថ្មីៗនេះ ក្រុមហ៊ុន យូនីលឹវើ កម្ពុជា បានចូលរួមក្នុងការជួយគាំទ្រដល់គ្រួសារងាយរងគ្រោះបំផុត និងទទួលផលប៉ះពាល់ពីទឹកជំនន់ ដោយផ្ដល់ជាអង្ករ មី និងផលិតផលថែរក្សាអនាម័យផ្ទាល់ខ្លួន ដល់ក្រុមគ្រួសារងាយរងគ្រោះបំផុត ស្របពេលនៃបញ្ហាទឹកជំនន់ក្នុងតែកើតឡើងផងដែរ ដើម្បីជួយសម្រួលបន្ទុកគ្រួសារងាយរងគ្រោះបំផុត ក្នុងឃុំចំនួន៥ រួមមាន៖ ឃុំកំពង់ទ្រាស ឃុំព្រែកអាជី ឃុំទូលស្នួល ឃុំពាមជីលាំង និងឃុំបឹងព្រួល។

លោក ប៉ែន កុសល្យ គណអភិបាល នៃអភិបាលខេត្តត្បូងឃ្មុំបានមានប្រសាសន៍ថា៖ “ពួកយើងមានសេចក្ដីសោមន្សរីករាយ ដែលបានឃើញនូវកិច្ចការសហការរបស់វិស័យឯកជន ដូចជាក្រុមហ៊ុន យូនីលឹវើ កម្ពុជា ក្នុងការធ្វើសកម្មភាពមនុស្សធម៌ ដោយបានពាំនាំនូវអំណោយទាំងអស់នេះ មកជួយដល់គ្រួសារងាយរងគ្រោះបំផុតក្នុងខេត្តត្បួងឃ្មុំ ហើយក៏សង្ឍឹមថា វានឹងអាចជួយសម្រួលដល់ពួកគាត់មួយរយៈ ស្របពេលដែលថ្នាក់ខេត្តក៏កំពុងរៀបចំការផ្ដល់ពូជស្រូវ សម្រាប់ជួយបងប្អូន ក្នុងការបង្កបង្កើនផលកសិកម្មដាំដុះសម្រាប់ឆ្នាំថ្មីនេះផងដែរ”។​

លោក លី សុធូ អគ្គនាយកនៃក្រុមហ៊ុន​ យូនីលឹវើ ប្រចាំប្រទេសកម្ពុជា និងឡាវ​បានថ្លែងក្នុង​ឱកាសនេះថា៖ “តំណាងឱ្យក្រុមហ៊ុន យូនីលឹវើ​ កម្ពុជា ដែលជាផ្នែកមួយនៃក្នុងក្រុមហ៊ុន​ យូនឹលឹវើ ចក្រភពអង់គ្លេស ពួកយើងមានមោទនភាព ដែលបានពាំនាំនូវគ្រឿងឧបភោគ និងផលិតផលថែរក្សាអនាម័យផ្ទាល់ខ្លួន មកចែកជូនប្រជាពលរដ្ឋ ដើម្បីអាចជួយបន្ធូរការលំបាក ដែលបងប្អូនប្រជាពលរដ្ឋកំពុងជួបប្រទះនឹងគ្រោះមហន្ដរាយដែលកំពុងកើតមានឡើងនេះ។ ពួកយើងយល់ថាសុវត្ថិភាព គឺជារឿងសំខាន់ណាស់សម្រាប់ប្រជាពលរដ្ឋនារដូវទឹកឡើង ​ ហើយគ្រឿងឧបភោគ និងផលិតផលថែរក្សាអនាម័យ ក៏ពិតជាចាំបាច់ណាស់ដែរ ក្នុងការជួយសម្រួលការរស់នៅប្រចាំថ្ងៃរបស់ប្រជាពលរដ្ឋនាពេលនេះ។”

ក្រុមហ៊ុនយូនីលឹវើ កម្ពុជា តែងតែបានរួមចំណែក និងគាំទ្រជាបន្តបន្ទាប់ដល់សហគមន៍មូលដ្ឋានដែលយើងធ្វើប្រតិបត្តិការអាជីកម្ម ដោយផ្ដល់នូវផលិតផលរបស់យើងទៅកាន់សាលារៀន វត្តអារាម និងអង្គការក្រៅរដ្ឋាភិបាល។ ក្នុងអំឡុងពេលវិបត្តិកូវីដ-១៩ យើងបានគាំទ្ររដ្ឋាភិបាលជាមួយនឹងម៉ាស៊ីនជំនួយដង្ហើម ផលិតផលអនាម័យ ហើយបន្ដកម្មវិធីផ្សព្វផ្សាយតាមសហគមន៍ រួមទាំងអាហារូបត្ថម្ភ និងការអប់រំភាសាអង់គ្លេស។

ថ្មីៗនេះ ពួកយើងបានប្រើប្រាស់កម្លាំងជាស្ថាប័នចក្រភពអង់គ្លេស ដោយបានសហការជាមួយអង្គការភ្លែនអន្តរជាតិកម្ពុជា និងស្ថានទូតចក្រភពអង់គ្លេសប្រចាំនៅកម្ពុជា ដើម្បីបរិច្ចាកផលិតផលថែរក្សាអនាម័យផ្ទាល់ខ្លួនចាំបាច់ ដល់គ្រួសារភៀសសឹកចំនួន 5,000 គ្រួសារ និងបរិច្ចាកតាមរយៈវត្តកុលទឹតុងផងដែរ។

ក្រុមហ៊ុន យូនីលឹវើ កម្ពុជា នៅទីនេះជាមួយប្រជាជនកម្ពុជាគ្រប់ពេលវេលាជាមួយការប្តេជ្ញាចិត្តក្នុងការបង្កើតផលវិជ្ជមានដ៏មានអត្ថន័យដល់សហគមន៍មូលដ្ឋាន តាមរយៈប្រតិបត្តិការណ៍អាជីវកម្មរបស់យើង។

សម្រាប់ព័ត៌មានបន្ថែម សូមចូលទៅកាន់ទំព័រហ្វេសប៊ុករបស់យើង​តាម​រយៈតំណរលីងខាងក្រោម៖

ភ្នំពេញ៖ ថ្ងៃទី ១៧ ខែតុលា ឆ្នាំ ២០២៥ ក្រុមហ៊ុន Vietjet បានបង្ហាញជាថ្មីម្តងទៀតនូវការប្តេជ្ញាចិត្តឥតងាករេរបស់ខ្លួនចំពោះការអភិវឌ្ឍន៍ប្រកបដោយនិរន្តរភាព និងសមភាពយេនឌ័រ នៅក្នុងកម្មវិធីអាហារពេលល្ងាច Gala ស្ត្រីក្នុងអាកាសចរណ៍អន្តរជាតិ-សិង្ហបុរី(WAI-SG) ឆ្នាំ ២០២៥។ ក្រោមប្រធានបទ “ត្រួសត្រាយផ្លូវអនាគតលើលំហរអាកាស” ព្រឹត្តិការណ៍នេះប្រារព្ធឡើងដើម្បីឆ្លុះបញ្ចាំងនូវគំនិតផ្តួចផ្តើមផ្តល់ឱកាស និងផ្សារភ្ជាប់ទំនាក់ទំនងអ្នកដឹកនាំស្ត្រីជំនាន់ក្រោយ ដើម្បីបង្កើតឧស្សាហកម្មអាកាសចរណ៍ដែលរួមបញ្ចូល ភាពច្នៃប្រឌិត និងនិរន្តរភាព។

លោកស្រី Ho Ngoc Yen Phuong សមាជិកក្រុមប្រឹក្សាភិបាល អនុប្រធាន និងជាប្រធានផ្នែកហិរញ្ញវត្ថុនៃក្រុមហ៊ុន Vietjet បានលើកឡើងពីការខិតខំប្រឹងប្រែងបន្តរបស់ក្រុមហ៊ុនអាកាសចរណ៍ក្នុងការបង្កើតឱកាសស្មើៗគ្នាសម្រាប់ស្ត្រីនៅទូទាំងគ្រប់វិស័យនៃវិស័យអាកាសចរណ៍ មិនត្រឹមតែនៅក្នុងកាប៊ីនយន្តហោះប៉ុណ្ណោះទេ តែថែមទាំងក្នុងតួនាទីការងារបច្ចេកទេស ប្រតិបត្តិការ និងហិរញ្ញវត្ថុផងដែរ។

អ្នកស្រី Sun Xueling បានមានប្រសាសន៍នៅក្នុងព្រឹត្តិការណ៍ដែលត្រូវបានចូលរួមដោយទេសរដ្ឋមន្ត្រីក្រសួងដឹកជញ្ជូន និងអភិវឌ្ឍន៍ជាតិរបស់ប្រទេសសិង្ហបុរីថា៖ “យើងមិនគ្រាន់តែនិយាយអំពីសមភាពយេនឌ័រប៉ុណ្ណោះទេ តែយើងត្រូវទទួលស្គាល់និងធ្វើឱ្យបានផងដែរ។នៅក្រុមហ៊ុន Vietjet យើងជឿជាក់ថា ការផ្តល់សិទ្ធិអំណាច និងឱកាសដល់ស្ត្រី គឺមានសារៈសំខាន់ណាស់ ដើម្បីធ្វើការសម្រេចបាននូវកំណើនអាជីវកម្មប្រកបដោយនិរន្តរភាព និងយូរអង្វែង។”

បង្កើតឡើងដោយបណ្ឌិត Nguyen Thi Phuong Thao ដែលជាមហាសេដ្ឋីស្រីបង្កើតខ្លួនឯងដំបូងគេនៅអាស៊ីអាគ្នេយ៍ Vietjet ឈរជានិមិត្តរូបនៃភាពជាអ្នកដឹកនាំរបស់ស្ត្រី និងការផ្តល់សិទ្ធិអំណាចនិងឱកាសដល់ស្ត្រីក្នុងវិស័យអាកាសចរណ៍។ យោងតាមរបាយការណ៍ ESG ឆ្នាំ ២០២៤ របស់ក្រុមហ៊ុនអាកាសចរណ៍នេះ បុគ្គលិកស្រីមានចំនួនជិត 40% នៃកម្លាំងការងារសរុបរបស់ក្រុមហ៊ុន Vietjet ជាមួយនឹង 30% នៃតួនាទីជាអ្នកដឹកនាំដែលគ្រប់គ្រងដោយស្ត្រី ក្នុងចំណោមសមាមាត្រខ្ពស់បំផុតនៅក្នុងតំបន់។

ក្រុមហ៊ុន Vietjet ដំណើរការជើងហោះហើរប្រចាំថ្ងៃរវាងខេត្តសៀមរាប និងទីក្រុងហាណូយ ដោយផ្តល់ជូនអ្នកធ្វើដំណើរពីប្រទេសកម្ពុជានូវមធ្យោបាយធ្វើដំណើរដែលមានតម្លៃសមរម្យ និងងាយស្រួលក្នុងការស្វែងយល់រដ្ឋធានីវៀតណាម មុនពេលតភ្ជាប់បន្តទៅកាន់គោលដៅល្បីៗនៅទូទាំងអាស៊ីប៉ាស៊ីហ្វិក។ ជាមួយនឹងកងនាវាអាកាសចរយន្តហោះទំនើប និងកំណត់ត្រាសុវត្ថិភាព និងប្រតិបត្តិការដ៏ល្អឥតខ្ចោះ ក្រុមហ៊ុនអាកាសចរណ៍ Vietjet ធានាថាអ្នកដំណើរអាចធ្វើដំណើរប្រកបដោយទំនុកចិត្ត ផាសុកភាព និងរីករាយបំផុត។

ភ្នំពេញ៖ ថ្ងៃទី ១៦ ខែតុលា ឆ្នាំ ២០២៥ ក្រុមហ៊ុន Vietjet បានអះអាងជាថ្មីម្តងទៀតនូវជំហររបស់ខ្លួនថាជាក្រុមហ៊ុនអាកាសចរណ៍ឈានមុខគេនៅអាស៊ី ដោយទទួលបានងារជា “ក្រុមហ៊ុនអាកាសចរណ៍ឈានមុខគេរបស់អាស៊ី – លើបទពិសោធន៍សេវាកម្មបម្រើអតិថិជនឆ្នើមឆ្នាំ ២០២៥” នៅក្នុងពិធីប្រគល់ពានរង្វាន់ទេសចរណ៍ពិភពលោក (WTA) ដ៏ល្បីល្បាញដែលបានប្រារព្ធធ្វើឡើងនៅទីក្រុងហុងកុង។

ព្រឹត្តិការណ៍ឆ្នាំនេះ បានប្រមូលផ្តុំថ្នាក់ដឹកនាំពិភពលោក និងអ្នកជំនាញប្រកបដោយវិជ្ជាជីវៈមកពីវិស័យអាកាសចរណ៍ ទេសចរណ៍ និងបដិសណ្ឋារកិច្ច ដើម្បីអបអរសាទរការទទួលបានពានរង្វាន់ដ៏ល្អឥតខ្ចោះសម្រាប់ការផ្តល់សេវាកម្មធ្វើដំណើរ។ ស្ថាប័នផ្តល់ពានរង្វាន់ទេសចរណ៍កម្រិតពិភពលោកនេះ ជាស្ថាប័នមួយដែលត្រូវបានគេគោរពប្រកបដោយកិត្តិយសដ៏មានតម្លៃបំផុត និងយ៉ាងទូលំទូលាយនៅលើពិភពលោកនៅក្នុងឧស្សាហកម្មនេះ សម្រាប់ការផ្តល់ការវាយតម្លៃ និងទទួលស្គាល់សមិទ្ធផលល្អៗរបស់ក្រុមហ៊ុននានា តាមរយៈការបោះឆ្នោតជ្រើសរើសដោយអ្នកជំនាញក្នុងឧស្សាហកម្ម និងអ្នកដំណើរទូទាំងពិភពលោក។

លោក Graham E. Cooke ស្ថាបនិកនៃស្ថាប័ន World Travel Awards បានមានប្រសាសន៍ថា៖ “Vietjet នៅតែបន្តកំណត់ស្តង់ដារកាន់តែប្រសើរសម្រាប់សេវាកម្មបម្រើអតិថិជនក្នុងវិស័យអាកាសចរណ៍ ហើយយើងខ្ញុំពិតជារីករាយណាស់ដែលទាំងស្ថាប័នពាណិជ្ជកម្មធ្វើដំណើរ និងសាធារណៈជនធ្វើដំណើរបានបោះឆ្នោតទទួលស្គាល់ភាពល្អឥតខ្ចោះដល់ក្រុមហ៊ុន Vietjet ធ្វើឱ្យក្រុមហ៊ុននេះទទួលបានពានរង្វាន់ជា ‘ក្រុមហ៊ុនអាកាសចរណ៍ឈានមុខគេរបស់អាស៊ី – លើបទពិសោធន៍សេវាបម្រើអតិថិជនឆ្នើម ឆ្នាំ២០២៥’។ ការប្តេជ្ញាចិត្តបន្តផ្តល់សេវាអតិថិជនឱ្យកាន់តែប្រសើររបស់ក្រុមការងារទាំងអស់របស់ Vietjet គឺជាកម្លាំងជំរុញទឹកចិត្តយើងទាំងអស់គ្នា។”

លោក Nguyen Thanh Son នាយកគ្រប់គ្រងក្រុមហ៊ុន Vietjet បានមានប្រសាសន៍ថា៖ “យើងពិតជាមានកិត្តិយសណាស់ដែលត្រូវបានទទួលស្គាល់ដោយស្ថាប័នផ្តល់ពានរង្វាន់ទេសចរណ៍ពិភពលោកសម្រាប់៣ឆ្នាំជាប់ៗគ្នា។ ពានរង្វាន់នេះ គឺជាការគោរពដ៏ស្មោះស្ម័គ្រចំពោះអ្នកដំណើររាប់រយលាននាក់ និងក្រុមការងារ Vietjet ទាំងអស់ដែលបានជឿទុកចិត្ត គាំទ្រ និងធ្វើការដោយមិននឿយហត់ក្នុងការផ្តល់នូវបទពិសោធន៍ធ្វើដំណើរដ៏ទំនើបពិសេសដល់អតិថិជន។”

ក្រុមហ៊ុន Vietjet មានប្រតិបត្តិការកងនាវាអាកាសចរទំនើបដែលបានហោះហើរឆ្លងកាត់ផ្លូវជាង ១៧០ និងបានបម្រើសេវាដឹកជញ្ជូនអ្នកដំណើរជាង ២៥០ លាននាក់មកដល់បច្ចុប្បន្ននេះ ដោយផ្តល់នូវការធ្វើដំណើរប្រកបដោយសុវត្ថិភាព តម្លៃសមរម្យ និងការបំផុសគំនិតផ្សារភ្ជាប់ប្រជាជន និងវប្បធម៌ទូទាំងពិភពលោក។ ក្រុមហ៊ុនអាកាសចរណ៍ Vietjet បន្តលើកកម្ពស់បទពិសោធន៍ល្អៗដល់អ្នកដំណើររបស់ខ្លួនតាមរយៈការបង្កើតថ្មី ដោយណែនាំផលិតផល និងសេវាកម្មថ្មីៗជាច្រើនរួមមាន ការធ្វើដំណើរបែបធុរកិច្ច (Business class) កម្មវិធីភក្ដីភាព SkyJoy ការទិញទំនិញលើយន្តហោះ ដំណោះស្រាយឌីជីថល និងជំនួយការ Amy ដែលដំណើរការដោយ បញ្ញាសិប្បនិម្មិត (AI) ។

ជាមួយនឹងបណ្តាញហោះហើរអន្តរជាតិដែលកំពុងរីកចម្រើនយ៉ាងឆាប់រហ័ស និងការផ្តល់ជូនសេវាដ៏គួរឱ្យទាក់ទាញពេញមួយឆ្នាំ Vietjet ភ្ជាប់អ្នកដំណើរកម្ពុជាកាន់តែច្រើនទៅកាន់ប្រទេសវៀតណាម និងប្រទេសជាច្រើនទៀត បច្ចុប្បន្នក្រុមហ៊ុនអាកាសចរណ៍នេះ ដំណើរការជើងហោះហើរប្រចាំថ្ងៃរវាងខេត្តសៀមរាប និងហាណូយ ដែលអ្នកដំណើរអាចភ្ជាប់ជើងហោះហើរទៅកាន់គោលដៅផ្សេងទៀតៗបានដោយងាយស្រួលនៅទូទាំងអាស៊ីប៉ាស៊ីហ្វិក តាមរយៈបណ្តាញដ៏ធំទូលាយរបស់ Vietjet ។