ភ្នំពេញ៖ ថ្ងៃទី ១៧ ខែតុលា ឆ្នាំ ២០២៥ ក្រុមហ៊ុន Vietjet បានបង្ហាញជាថ្មីម្តងទៀតនូវការប្តេជ្ញាចិត្តឥតងាករេរបស់ខ្លួនចំពោះការអភិវឌ្ឍន៍ប្រកបដោយនិរន្តរភាព និងសមភាពយេនឌ័រ នៅក្នុងកម្មវិធីអាហារពេលល្ងាច Gala ស្ត្រីក្នុងអាកាសចរណ៍អន្តរជាតិ-សិង្ហបុរី(WAI-SG) ឆ្នាំ ២០២៥។ ក្រោមប្រធានបទ “ត្រួសត្រាយផ្លូវអនាគតលើលំហរអាកាស” ព្រឹត្តិការណ៍នេះប្រារព្ធឡើងដើម្បីឆ្លុះបញ្ចាំងនូវគំនិតផ្តួចផ្តើមផ្តល់ឱកាស និងផ្សារភ្ជាប់ទំនាក់ទំនងអ្នកដឹកនាំស្ត្រីជំនាន់ក្រោយ ដើម្បីបង្កើតឧស្សាហកម្មអាកាសចរណ៍ដែលរួមបញ្ចូល ភាពច្នៃប្រឌិត និងនិរន្តរភាព។

លោកស្រី Ho Ngoc Yen Phuong សមាជិកក្រុមប្រឹក្សាភិបាល អនុប្រធាន និងជាប្រធានផ្នែកហិរញ្ញវត្ថុនៃក្រុមហ៊ុន Vietjet បានលើកឡើងពីការខិតខំប្រឹងប្រែងបន្តរបស់ក្រុមហ៊ុនអាកាសចរណ៍ក្នុងការបង្កើតឱកាសស្មើៗគ្នាសម្រាប់ស្ត្រីនៅទូទាំងគ្រប់វិស័យនៃវិស័យអាកាសចរណ៍ មិនត្រឹមតែនៅក្នុងកាប៊ីនយន្តហោះប៉ុណ្ណោះទេ តែថែមទាំងក្នុងតួនាទីការងារបច្ចេកទេស ប្រតិបត្តិការ និងហិរញ្ញវត្ថុផងដែរ។

អ្នកស្រី Sun Xueling បានមានប្រសាសន៍នៅក្នុងព្រឹត្តិការណ៍ដែលត្រូវបានចូលរួមដោយទេសរដ្ឋមន្ត្រីក្រសួងដឹកជញ្ជូន និងអភិវឌ្ឍន៍ជាតិរបស់ប្រទេសសិង្ហបុរីថា៖ “យើងមិនគ្រាន់តែនិយាយអំពីសមភាពយេនឌ័រប៉ុណ្ណោះទេ តែយើងត្រូវទទួលស្គាល់និងធ្វើឱ្យបានផងដែរ។នៅក្រុមហ៊ុន Vietjet យើងជឿជាក់ថា ការផ្តល់សិទ្ធិអំណាច និងឱកាសដល់ស្ត្រី គឺមានសារៈសំខាន់ណាស់ ដើម្បីធ្វើការសម្រេចបាននូវកំណើនអាជីវកម្មប្រកបដោយនិរន្តរភាព និងយូរអង្វែង។”

បង្កើតឡើងដោយបណ្ឌិត Nguyen Thi Phuong Thao ដែលជាមហាសេដ្ឋីស្រីបង្កើតខ្លួនឯងដំបូងគេនៅអាស៊ីអាគ្នេយ៍ Vietjet ឈរជានិមិត្តរូបនៃភាពជាអ្នកដឹកនាំរបស់ស្ត្រី និងការផ្តល់សិទ្ធិអំណាចនិងឱកាសដល់ស្ត្រីក្នុងវិស័យអាកាសចរណ៍។ យោងតាមរបាយការណ៍ ESG ឆ្នាំ ២០២៤ របស់ក្រុមហ៊ុនអាកាសចរណ៍នេះ បុគ្គលិកស្រីមានចំនួនជិត 40% នៃកម្លាំងការងារសរុបរបស់ក្រុមហ៊ុន Vietjet ជាមួយនឹង 30% នៃតួនាទីជាអ្នកដឹកនាំដែលគ្រប់គ្រងដោយស្ត្រី ក្នុងចំណោមសមាមាត្រខ្ពស់បំផុតនៅក្នុងតំបន់។

ក្រុមហ៊ុន Vietjet ដំណើរការជើងហោះហើរប្រចាំថ្ងៃរវាងខេត្តសៀមរាប និងទីក្រុងហាណូយ ដោយផ្តល់ជូនអ្នកធ្វើដំណើរពីប្រទេសកម្ពុជានូវមធ្យោបាយធ្វើដំណើរដែលមានតម្លៃសមរម្យ និងងាយស្រួលក្នុងការស្វែងយល់រដ្ឋធានីវៀតណាម មុនពេលតភ្ជាប់បន្តទៅកាន់គោលដៅល្បីៗនៅទូទាំងអាស៊ីប៉ាស៊ីហ្វិក។ ជាមួយនឹងកងនាវាអាកាសចរយន្តហោះទំនើប និងកំណត់ត្រាសុវត្ថិភាព និងប្រតិបត្តិការដ៏ល្អឥតខ្ចោះ ក្រុមហ៊ុនអាកាសចរណ៍ Vietjet ធានាថាអ្នកដំណើរអាចធ្វើដំណើរប្រកបដោយទំនុកចិត្ត ផាសុកភាព និងរីករាយបំផុត។

ភ្នំពេញ៖ ថ្ងៃទី ១៦ ខែតុលា ឆ្នាំ ២០២៥ ក្រុមហ៊ុន Vietjet បានអះអាងជាថ្មីម្តងទៀតនូវជំហររបស់ខ្លួនថាជាក្រុមហ៊ុនអាកាសចរណ៍ឈានមុខគេនៅអាស៊ី ដោយទទួលបានងារជា “ក្រុមហ៊ុនអាកាសចរណ៍ឈានមុខគេរបស់អាស៊ី – លើបទពិសោធន៍សេវាកម្មបម្រើអតិថិជនឆ្នើមឆ្នាំ ២០២៥” នៅក្នុងពិធីប្រគល់ពានរង្វាន់ទេសចរណ៍ពិភពលោក (WTA) ដ៏ល្បីល្បាញដែលបានប្រារព្ធធ្វើឡើងនៅទីក្រុងហុងកុង។

ព្រឹត្តិការណ៍ឆ្នាំនេះ បានប្រមូលផ្តុំថ្នាក់ដឹកនាំពិភពលោក និងអ្នកជំនាញប្រកបដោយវិជ្ជាជីវៈមកពីវិស័យអាកាសចរណ៍ ទេសចរណ៍ និងបដិសណ្ឋារកិច្ច ដើម្បីអបអរសាទរការទទួលបានពានរង្វាន់ដ៏ល្អឥតខ្ចោះសម្រាប់ការផ្តល់សេវាកម្មធ្វើដំណើរ។ ស្ថាប័នផ្តល់ពានរង្វាន់ទេសចរណ៍កម្រិតពិភពលោកនេះ ជាស្ថាប័នមួយដែលត្រូវបានគេគោរពប្រកបដោយកិត្តិយសដ៏មានតម្លៃបំផុត និងយ៉ាងទូលំទូលាយនៅលើពិភពលោកនៅក្នុងឧស្សាហកម្មនេះ សម្រាប់ការផ្តល់ការវាយតម្លៃ និងទទួលស្គាល់សមិទ្ធផលល្អៗរបស់ក្រុមហ៊ុននានា តាមរយៈការបោះឆ្នោតជ្រើសរើសដោយអ្នកជំនាញក្នុងឧស្សាហកម្ម និងអ្នកដំណើរទូទាំងពិភពលោក។

លោក Graham E. Cooke ស្ថាបនិកនៃស្ថាប័ន World Travel Awards បានមានប្រសាសន៍ថា៖ “Vietjet នៅតែបន្តកំណត់ស្តង់ដារកាន់តែប្រសើរសម្រាប់សេវាកម្មបម្រើអតិថិជនក្នុងវិស័យអាកាសចរណ៍ ហើយយើងខ្ញុំពិតជារីករាយណាស់ដែលទាំងស្ថាប័នពាណិជ្ជកម្មធ្វើដំណើរ និងសាធារណៈជនធ្វើដំណើរបានបោះឆ្នោតទទួលស្គាល់ភាពល្អឥតខ្ចោះដល់ក្រុមហ៊ុន Vietjet ធ្វើឱ្យក្រុមហ៊ុននេះទទួលបានពានរង្វាន់ជា ‘ក្រុមហ៊ុនអាកាសចរណ៍ឈានមុខគេរបស់អាស៊ី – លើបទពិសោធន៍សេវាបម្រើអតិថិជនឆ្នើម ឆ្នាំ២០២៥’។ ការប្តេជ្ញាចិត្តបន្តផ្តល់សេវាអតិថិជនឱ្យកាន់តែប្រសើររបស់ក្រុមការងារទាំងអស់របស់ Vietjet គឺជាកម្លាំងជំរុញទឹកចិត្តយើងទាំងអស់គ្នា។”

លោក Nguyen Thanh Son នាយកគ្រប់គ្រងក្រុមហ៊ុន Vietjet បានមានប្រសាសន៍ថា៖ “យើងពិតជាមានកិត្តិយសណាស់ដែលត្រូវបានទទួលស្គាល់ដោយស្ថាប័នផ្តល់ពានរង្វាន់ទេសចរណ៍ពិភពលោកសម្រាប់៣ឆ្នាំជាប់ៗគ្នា។ ពានរង្វាន់នេះ គឺជាការគោរពដ៏ស្មោះស្ម័គ្រចំពោះអ្នកដំណើររាប់រយលាននាក់ និងក្រុមការងារ Vietjet ទាំងអស់ដែលបានជឿទុកចិត្ត គាំទ្រ និងធ្វើការដោយមិននឿយហត់ក្នុងការផ្តល់នូវបទពិសោធន៍ធ្វើដំណើរដ៏ទំនើបពិសេសដល់អតិថិជន។”

ក្រុមហ៊ុន Vietjet មានប្រតិបត្តិការកងនាវាអាកាសចរទំនើបដែលបានហោះហើរឆ្លងកាត់ផ្លូវជាង ១៧០ និងបានបម្រើសេវាដឹកជញ្ជូនអ្នកដំណើរជាង ២៥០ លាននាក់មកដល់បច្ចុប្បន្ននេះ ដោយផ្តល់នូវការធ្វើដំណើរប្រកបដោយសុវត្ថិភាព តម្លៃសមរម្យ និងការបំផុសគំនិតផ្សារភ្ជាប់ប្រជាជន និងវប្បធម៌ទូទាំងពិភពលោក។ ក្រុមហ៊ុនអាកាសចរណ៍ Vietjet បន្តលើកកម្ពស់បទពិសោធន៍ល្អៗដល់អ្នកដំណើររបស់ខ្លួនតាមរយៈការបង្កើតថ្មី ដោយណែនាំផលិតផល និងសេវាកម្មថ្មីៗជាច្រើនរួមមាន ការធ្វើដំណើរបែបធុរកិច្ច (Business class) កម្មវិធីភក្ដីភាព SkyJoy ការទិញទំនិញលើយន្តហោះ ដំណោះស្រាយឌីជីថល និងជំនួយការ Amy ដែលដំណើរការដោយ បញ្ញាសិប្បនិម្មិត (AI) ។

ជាមួយនឹងបណ្តាញហោះហើរអន្តរជាតិដែលកំពុងរីកចម្រើនយ៉ាងឆាប់រហ័ស និងការផ្តល់ជូនសេវាដ៏គួរឱ្យទាក់ទាញពេញមួយឆ្នាំ Vietjet ភ្ជាប់អ្នកដំណើរកម្ពុជាកាន់តែច្រើនទៅកាន់ប្រទេសវៀតណាម និងប្រទេសជាច្រើនទៀត បច្ចុប្បន្នក្រុមហ៊ុនអាកាសចរណ៍នេះ ដំណើរការជើងហោះហើរប្រចាំថ្ងៃរវាងខេត្តសៀមរាប និងហាណូយ ដែលអ្នកដំណើរអាចភ្ជាប់ជើងហោះហើរទៅកាន់គោលដៅផ្សេងទៀតៗបានដោយងាយស្រួលនៅទូទាំងអាស៊ីប៉ាស៊ីហ្វិក តាមរយៈបណ្តាញដ៏ធំទូលាយរបស់ Vietjet ។

ភ្នំពេញ៖ ថ្ងៃទី ៩ ខែតុលា ឆ្នាំ ២០២៥ – ក្រុមហ៊ុន Vietjet កំពុងធ្វើយុទ្ធនាការលក់សំបុត្របញ្ចុះតម្លៃដ៏ធំបំផុតប្រចាំឆ្នាំរបស់ខ្លួន ដោយផ្តល់ជូនអ្នកដំណើរពីប្រទេសកម្ពុជាដែលមានការបញ្ចុះតម្លៃរហូតដល់ 50% នៃតម្លៃសំបុត្រ ដាក់ឥវ៉ាន់ដោយឥតគិតថ្លៃ ស្នាក់នៅសណ្ឋាគារដ៏ប្រណិត និងអត្ថប្រយោជន៍ផ្សេងៗជាច្រើនទៀតក្នុងអំឡុងពេល ប្រូម៉ូសិនលក់បញ្ចុះតម្លៃសំបុត្រចុងឆ្នាំនេះ ដែលមានរយៈពេលកំណត់ត្រឹមតែ ១០ ថ្ងៃប៉ុណ្ណោះ។ ការផ្តល់ជូនដ៏ពិសេសនេះ គឺជាឱកាសដ៏ល្អបំផុតក្នុងការរៀបចំផែនការដំណើរកម្សាន្តចុងឆ្នាំ ឬដំណើរនានានាឱកាសឆ្នាំថ្មីនៅប្រទេសវៀតណាម និងគោលដៅធ្វើដំណើរជាច្រើនទៀតតាមរយៈជើងហោះហើរត្រង់រវាងខេត្តសៀមរាប និងហាណូយរបស់ក្រុមហ៊ុនអាកាសចរណ៍ Vietjet។

ចាប់ពីថ្ងៃទី ១០ ដល់ថ្ងៃទី ១៩ ខែតុលា ឆ្នាំ ២០២៥ អ្នកធ្វើដំណើរមកពីប្រទេសកម្ពុជាអាចរីករាយជាមួយការបញ្ចុះតម្លៃរហូតដល់ 50% នៃតម្លៃសំបុត្រ Eco-class (មិនរាប់បញ្ចូលពន្ធ និងថ្លៃសេវាផ្សេងៗ) ដោយបញ្ចូលលេខកូដបញ្ចុះតម្លៃ SUPERSALE1010 នៅពេលកក់សំបុត្រតាមរយៈគេហទំព័រ www.vietjetair.com ឬកម្មវិធីទូរសព្ទ Vietjet Air ។ ប្រូម៉ូសិននេះ មានសុពលភាពសម្រាប់ការធ្វើដំណើររវាងថ្ងៃទី ១ខែវិច្ឆិកា ឆ្នាំ ២០២៥ រហូតថ្ងៃទី ២៧ ខែឧសភា ឆ្នាំ ២០២៦ (មិនរាប់បញ្ចូលថ្ងៃបុណ្យសាធារណៈ)។

ជាផ្នែកមួយនៃការប្រារព្ធពិធីប្រូម៉ូសិនលក់បញ្ចុះតម្លៃដ៏ធំបំផុតនេះ អ្នកដំណើរដែលធ្វើដំណើរចន្លោះពីថ្ងៃទី ១ ដល់ថ្ងៃទី ២៥ ខែវិច្ឆិកា ឆ្នាំ ២០២៥ នឹងទទួលបានអត្ថប្រយោជន៍បន្ថែមជាច្រើន។ សម្រាប់អ្នកដំណើរតាមប្រភេទសំបុត្រអេកូ ក្រុមហ៊ុន Vietjet ផ្តល់ជូនការដាក់ឥវ៉ាន់ដោយឥតគិតថ្លៃចំនួន ២០ គីឡូក្រាមនៅលើជើងហោះហើរអន្តរជាតិ និងបញ្ចុះតម្លៃ 50% លើម្ហូបអាហារឈ្ងុយឆ្ងាញ់ក្តៅៗដែលបានកក់ទុកមុនសម្រាប់ជើងហោះហើរក្នុងស្រុកទៅកាន់ប្រទេសវៀតណាម និងគោលដៅអន្តរជាតិ។ ទន្ទឹមនឹងនេះ អ្នកដំណើរ SkyBoss អាចរីករាយជាមួយការបញ្ចុះតម្លៃរហូតដល់ 50% នៅទូទាំងផ្លូវហោះហើរទាំងអស់ ដោយប្រើលេខកូដបញ្ចុះតម្លៃ LEADER10។

លើសពីនេះ អ្នកដំណើរធ្វើដំណើរតាម Vietjet ក៏អាចរីករាយជាមួយការស្នាក់នៅ Furama Resort ដ៏ល្បីល្បាញនៅទីក្រុង ដាណាង ដែលមានការបញ្ចុះតម្លៃរហូតដល់ 50% ដែលវាជាឋានសួគ៌ឆ្នេរសមុទ្រនៅភាគកណ្តាលវៀតណាម។ ប្រូម៉ូសិននេះ មានសុពលភាពសម្រាប់ការស្នាក់នៅរហូតដល់ថ្ងៃទី ២៨ ខែកុម្ភៈ ឆ្នាំ ២០២៦ (លក្ខខណ្ឌផ្សេងៗត្រូវបានអនុវត្ត)។

ជាមួយនឹងការពង្រីកបណ្តាញ និងកងនាវាអាកចាសចរ Vietjet កំពុងធ្វើឱ្យអ្នកធ្វើដំណើរមានភាពងាយស្រួលជាងពេលណាៗទាំងអស់ក្នុងការធ្វើដំណើរទៅកាន់គោលដៅជាច្រើននៅប្រទេសវៀតណាម រួមទាំងផ្លូវដ៏មមាញឹកនៃទីក្រុងហាណូយ និងទីក្រុងហូជីមិញ រហូតដល់ឆ្នេរសមុទ្រដ៏ស្រស់ស្អាតនៃទីក្រុង ដាណាង ញ៉ាត្រាង និង ភូកុក សិប្បៈវប្បធម៌នៅ Hue និង ហូយអាន ដ៏គួរឱ្យទាក់ទាញ។ អ្នកដំណើរក៏អាចភ្ជាប់ជើងហោះហើរបានយ៉ាងងាយស្រួលទៅកាន់ទីក្រុងធំៗនៅទូទាំងអាស៊ីប៉ាស៊ីហ្វិក តាមរយៈប្រទេសវៀតណាម ដោយសារជើងហោះហើរដែលមានតម្លៃសមរម្យរបស់ក្រុមហ៊ុន Vietjet។

តស់ កុំឱ្យឱកាសដ៏ល្អនេះកន្លងផុតឱ្យសោះ ហើយត្រៀមខ្លួនទទួលបានភាពសប្បាយរីករាយប្រកបដោយផាសុកភាពក្នុងការធ្វើដំណើរជាមួយVietjet!

ភ្នំពេញ៖ ថ្ងៃទី៣០ ខែកញ្ញា ឆ្នាំ២០២៥៖ បណ្ដា ម្ចាស់អាជីវកម្មខ្នាតតូចនៅកម្ពុជាជាច្រើនរូប ទទួលបានភាពជោគជ័យក្នុងការលក់ដូរ នៅរដូវបុណ្យភ្ជុំបិណ្ឌឆ្នាំនេះ ដោយលើកឡើងថា TikTok បានជួយពួកគាត់ក្នុងការផ្សព្វផ្សាយផលិតផលដល់អតិថិជនថ្មី និងចាស់ ក៏ដូចជាជួយបង្កើនប្រាក់ចំណូលក្នុងអំឡុងពេលពិធីបុណ្យធំ ប្រពៃណីជាតិខ្មែរនេះ។

សម្រាប់សហគ្រិនខ្មែរ ពិធីបុណ្យភ្ជុំបិណ្ឌ មិនមែនត្រឹមតែជាពេលវេលានៃការជួបជុំគ្រួសារ និងធ្វើបុណ្យ ឧទ្ទិសកុសលជូនដូនតានោះទេ តែក៏ជាពេលវេលាដ៏សំខាន់សម្រាប់ការលក់ដូរ ដូចជា ម្ហូប អាហារ សម្លៀកបំពាក់ ផ្កា និងដង្វាយនានាផងដែរ។ នៅឆ្នាំនេះ TikTok បានដើរតួនាទីជាតួអង្គ សំខាន់ ក្នុងការជំរុញការលក់ និងបានជួយ ឱ្យសហគ្រិន  ភ្ជាប់ទំនាក់ទំនងជាមួយអតិថិជនបានកាន់តែច្រើនតាមរយៈ វីដេអូខ្លីៗ ការផ្សាយផ្ទាល់ (livestream) និងមុខងារផ្សេងៗទៀត។

ម្ចាស់អាជីវកម្មខ្មែរជាច្រើនរូបបានកត់សម្គាល់ថា TikTok ផ្ដល់លទ្ធភាពឱ្យពួកគាត់ភ្ជាប់ទំនាក់ទំនងដោយផ្ទាល់ជាមួយអតិថិជន និងបានជួយប្រែក្លាយការចូលមើលទៅជាការទិញអីវ៉ាន់របស់ពួកគាត់ ។ 

Je Khi (@uthsophatpanha8)   អ្នកលក់នៅលើបណ្តាញសង្គម TikTok (សាដក និងគ្រឿងទេស) បាននិយាយថា៖  “ការលក់របស់នាងខ្ញុំមានការកើនឡើង។ ការលក់ក្នុងរដូវបុណ្យភ្ជុំបិណ្ឌនេះ បានកើនឡើងរហូតដល់ជិត៧០ ភាគរយបើធៀបនឹងពេលធម្មតា។ TikTok ជួយអាជីវកម្មរបស់នាងខ្ញុំបានច្រើន។ ពេលខ្ញុំ post ផលិតផលនៅលើ TikTok មានគេមើលច្រើន និងទទួលបានការទិញច្រើន។ ប្រសិនបើគ្មាន TikTok នោះទេ អាជីវកម្មរបស់នាងខ្ញុំមិនអាចលក់ដាច់ខ្លាំងក្លានោះទេ អាចលក់បានត្រឹមតែអ្នកស្គាល់គ្នាតែប៉ុណ្ណោះ។”

Heng Davy Worship Shop (@hengdavy_worshipshop) អ្នកលក់សម្ភារៈបុណ្យនៅលើបណ្តាញសង្គមTikTok ក៏ទទួលបានភាពជោគជ័យក្នុងការលក់ដូចគ្នា និងបានមានចំណាប់អារម្មណ៍ថា៖ “TikTok បានធ្វើឱ្យអាជីវកម្មរបស់នាងខ្ញុំកាន់តែប្រសើរឡើង។  នាងខ្ញុំ ចង់ ពង្រីក អាជីវកម្ម ឱ្យកាន់តែទូលំទូលាយ លើសពីហាង នៅ ផ្ទះ ដែលមានស្រាប់។ ដូច្នេះហើយ កាល ពី ជាង មួយ ឆ្នាំ មុន ខ្ញុំ បាន ចាប់ ផ្ដើមលក់ផលិតផលនៅលើ TikTok និង ក្រោយមកក៏ទទួល បានភាព ជោគជ័យ។ មានអតិថិជនកាន់តែច្រើន ស្គាល់ផលិតផលរបស់នាងខ្ញុំតាមរយៈ TikTok ។ ការលក់របស់នាងខ្ញុំក្នុងរដូវបុណ្យភ្ជុំបិណ្ឌ មានការកើនឡើងយ៉ាងល្អរហូតដល់ ៧០ ភាគរយ។ ”

ឡេង ប៉លីន (@porlin_leng) អ្នកលក់សម្ភារៈបុណ្យនៅលើបណ្តាញសង្គមTikTok មួយរូបទៀតក៏ទទួលបានកំណើននៃការលក់ដូចគ្នា។ លោក បាននិយាយថា៖  “តាំងពីមាន TikTok មក អាជីវកម្មរបស់ខ្ញុំមានការរីកចម្រើនច្រើន។ កាលពីពេលមុនដែលខ្ញុំមិនទាន់មាន TikTok គឺខ្ញុំលក់បានតែនៅផ្ទះដែលនៅខេត្ដកំពង់ចាម។ តែពេលនេះ ខ្ញុំអាចលក់ជូនអតិថិជនទូទាំងប្រទេស ទាំងនៅខេត្ដផ្សេងៗទៀត និងនៅរាជធានី ភ្នំពេញតាមរយៈ TikTok។ ពេលខ្ញុំ post ផលិតផលថ្មីៗ នៅលើ TikTok ក៏មានអ្នកចូលមើល និងធ្វើការបញ្ជាទិញច្រើន។ មុខរបររបស់ខ្ញុំក៏មានការរីកចម្រើនទៅតាមនោះដែរ។”   

TikTok បានក្លាយជាថ្នាលដ៏មានតម្លៃសម្រាប់ម្ចាស់អាជីវកម្មខ្មែរក្នុងការ ជំរុញអាជីវកម្មរបស់ខ្លួននៅក្នុងសហគមន៍ ជាពិសេសក្នុងរដូវបុណ្យទាន។ មុខងារប្រកបដោយភាពច្នៃប្រឌិត និងមុខងារពិសេសៗជាច្រើនទៀតរបស់ TikTokអនុញ្ញាតឱ្យអ្នកប្រើប្រាស់ដូចជាម្ចាស់អាជីវកម្មខ្នាតតូច ចែករំលែករឿងរ៉ាវរបស់ពួកគាត់ បង្ហាញផលិតផលថ្មីៗ និងទទួលភាពជោគជ័យ លើទីផ្សារឌីជីថល។

ខណៈដែលថ្នាលឌីជីថលបន្តរីកចម្រើននៅកម្ពុជា TikTok នៅតែប្តេជ្ញាចិត្តក្នុងការគាំទ្រសហគមន៍ក្នុងស្រុក តាមរយៈការជួយអាជីវកម្មគ្រប់ទំហំឱ្យរីកចម្រើនទាំងក្នុងអំឡុងពេលរដូវបុណ្យទាន និងពេលធម្មតា។

បន្ថែមពីលើការជំរុញការលក់ TikTok កំពុងជួយអភិរក្ស និងផ្សព្វផ្សាយបេតិកភណ្ឌវប្បធម៌ដ៏សម្បូរបែបរបស់ប្រទេសកម្ពុជាផងដែរ។ ក្នុងឱកាសពិធីបុណ្យភ្ជុំបិណ្ឌ អ្នកបង្កើតមាតិកាចែករំលែកវីដេអូនៃការថ្វាយដង្វាយការឧទ្ទិសកុសលជូនដូនតា ការស្លៀកសម្លៀកបំពាក់ប្រពៃណីជាគ្រួសារ ដែលការធ្វើបែបនេះបានជួយផ្សព្វផ្សាយទំនៀមទម្លាប់ដ៏ល្អផូរផង់ទៅដល់ក្មេងជំនាន់ក្រោយ និងទស្សនិកជនផ្សេងៗទៀតនៅជុំវិញពិភពលោក។

ភ្នំពេញ៖ ថ្ងៃទី ២៦ ខែកញ្ញា ឆ្នាំ ២០២៥ – ក្រុមហ៊ុន Vietjet ដែលជាក្រុមហ៊ុនអាកាសចរណ៍ដែលកំពុងមានការរីកចម្រើនខ្លាំងបំផុតមួយនៅអាស៊ី កំពុងរៀបចំផែនការឆ្ពោះទៅគោលដៅវិនិយោគទុនអាជីវកម្មនៅសហរដ្ឋអាមេរិក ជាមួយនឹងផែនការចាប់ផ្តើមការហោះហើរត្រង់ និងស្វែងរកការចុះបញ្ជីដ៏មានសក្តានុពលនៅផ្សារភាគហ៊ុន Wall Street។គោលដៅដ៏មានមហិច្ឆតានេះ ត្រូវបានគូសបញ្ជាក់ក្នុងដំណើរទស្សនកិច្ចនាពេលថ្មីៗនេះដោយប្រធានក្រុមហ៊ុន Vietjet លោកស្រី Nguyen Thi Phuong Thao ទៅកាន់ផ្សារហ៊ុនញូវយ៉ក (NYSE) ជាទីដែលលោកស្រីត្រូវបានស្វាគមន៍យ៉ាងកក់ក្តៅដោយប្រធានផ្សារហ៊ុនញូវយ៉ក (NYSE) គឺ អ្នកស្រី Lynn Martin។

ដំណើរទស្សនកិច្ចនេះ បានធ្វើឡើងបន្ទាប់ពីព្រឹត្តិការណ៍ដ៏សំខាន់មួយនៅក្នុងទីក្រុង Seattle ជាកន្លែងដែលអ្នកស្រីបណ្ឌិត Thao ដែលជាស្ត្រីមានបំផុតរបស់វៀតណាមបានប្រារព្ធពិធីស្វាគមន៍យន្តហោះ Boeing 737-8 ដំបូងបង្អស់របស់ក្រុមហ៊ុនអាកាសចរណ៍ក្រោមកិច្ចព្រមព្រៀងជាប្រវត្តិសាស្ត្រចំនួន ២០០ គ្រឿងដែលមានតម្លៃ ៣២ ពាន់លានដុល្លារ ដែលជាព្រមព្រៀងអាកាសចរណ៍ដ៏ធំបំផុតរវាងវៀតណាម និងសហរដ្ឋអាមេរិក។

ថ្លែងនៅឯផ្សារហ៊ុនញូវយ៉ក (NYSE) អ្នកស្រីបណ្ឌិត Thao បានសង្កត់ធ្ងន់លើយុទ្ធសាស្ត្រពីររបស់ Vietjet ក្នុងការពង្រីកបណ្តាញជើងហោះហើរអន្តរជាតិរបស់ខ្លួន និងស្វែងរកការចូលទៅកាន់ទីផ្សារមូលធនពិភពលោក។ ខណៈពេលដែលបង្ហាញពីការរីកចម្រើននៃទីផ្សារភាគហ៊ុនរបស់វៀតណាម អ្នកស្រីបានកត់សម្គាល់ពីសក្តានុពលសម្រាប់ការចុះបញ្ជីនាពេលអនាគតនៅលើផ្សារហ៊ុនញូវយ៉ក (NYSE) មិនត្រឹមតែសម្រាប់ក្រុមហ៊ុន Vietjet ប៉ុណ្ណោះទេ ថែមទាំងសម្រាប់ HDBank ដែលអ្នកស្រីមានតួនាទីជាអនុប្រធានផងដែរ។

អ្នកស្រី​បណ្ឌិត Thao ក៏បានគូសបញ្ជាក់ផងដែរថា៖ “យើងនឹងហោះហើរទៅកាន់សហរដ្ឋអាមេរិកក្នុងពេលឆាប់ៗនេះ ហើយយើងពិតជារំភើបរីករាយខ្លាំងណាស់ក្នុងការស្វែងរកឱកាសដើម្បីបង្កើនដើមទុនអាជីវកម្មនៅទីក្រុងញូវយ៉ក ដែលជាផ្សារហ៊ុនដ៏ធំបំផុតរបស់ពិភពលោកដែលនេះមិនត្រឹមតែជាក្តីប្រាថ្នារបស់ Vietjet និង HDBank ប៉ុណ្ណោះទេ តែក៏ជាគោលបំណងដ៏សំខាន់របស់សហគ្រាសវៀតណាមជាច្រើនទៀតដែលកំពុងស្វែងរកការធ្វើសមាហរណកម្មជាសាកល”។

ផ្សារហ៊ុនញូវយ៉ក (NYSE) បច្ចុប្បន្នមានក្រុមហ៊ុនចុះបញ្ជីប្រហែល ២,៤០០ ដែលមានមូលធនប័ត្រទីផ្សាររួមបញ្ចូលគ្នាជិត ២៩ ពាន់ពាន់លានដុល្លារ។ អ្នកស្រី Lynn Martin គឺជាស្ត្រីទី២ហើយដែលជាអ្នកដឹកនាំផ្សារហ៊ុនញូវយ៉កដ៏កំពូលក្នុងប្រវត្តិសាស្រ្តបានសង្កត់ធ្ងន់ម្តងទៀតថាផ្សារហ៊ុនញូវយ៉ក (NYSE) នឹងប្តេជ្ញាជួយអាជីវកម្មវៀតណាមដែលចង់ចូលរួមក្នុងទីផ្សារសហរដ្ឋអាមេរិកជាពិសេសតាមរយៈការចុះបញ្ជីនៅលើផ្សារហ៊ុននេះ។

ទាំង Vietjet និង HDBank គឺជាធាតុផ្សំដ៏សំខាន់នៃសន្ទស្សន៍ VN30របស់វៀតណាម ដែលតំណាងឱ្យក្រុមហ៊ុនពាណិជ្ជកម្មសាធារណៈកំពូលរបស់ប្រទេស ដែលផ្តល់ផលចំណេញយ៉ាងច្រើនសន្ធឹកសន្ធាប់សម្រាប់អ្នកវិនិយោគក្នុងស្រុក និងអន្តរជាតិ។ អ្នកស្រីបណ្ឌិត Thao បានមានប្រសាស្រ្តថា ការចុះបញ្ជីពីរនៅលើផ្សារហ៊ុនញូវយ៉ក (NYSE) នឹងកត់សម្គាល់ជំហានដ៏សំខាន់មួយក្នុងការពង្រីកទីផ្សារអាជីវកម្មជាសកលរបស់ខ្លួន និងជំរុញធុរកិច្ចរបស់វៀតណាមចូលទៅក្នុងទីផ្សារហិរញ្ញវត្ថុអន្តរជាតិ។

ក្នុងអំឡុងពេលនៃដំណើរទស្សនកិច្ចនេះ អ្នកស្រីបណ្ឌិត Thao ក៏បានចូលរួមពិធីបិទកម្មវិធីពន្លឺសញ្ញាកណ្តឹងរបស់ផ្សារហ៊ុនញូវយ៉ក (NYSE)ដើម្បីបង្កើនការចងចាំដែលមិនអាចបំភ្លេចបានដល់ថ្ងៃដែលបញ្ជាក់ពីមហិច្ឆតានៃការបន្តរីកចម្រើនរបស់ក្រុមហ៊ុន Vietjet ទាំងផ្នែកអាកាសចរណ៍ និងហិរញ្ញវត្ថុ។

ភ្នំពេញ៖ ថ្ងៃទី ២៣ ខែកញ្ញា ឆ្នាំ ២០២៥ ក្រុមហ៊ុន Vietjet កំពុងប្រារព្ធពិធីបុណ្យពាក់កណ្តាលសរទរដូវជាមួយនឹងការបញ្ចុះតម្លៃសំបុត្រអេកូរាប់រយរាប់ពាន់សំបុត្រ ដែលមានតម្លែចាប់ពីត្រឹមតែ USD0 (មិនរាប់បញ្ចូលពន្ធ និងថ្លៃសេវា) នៅទូទាំងផ្លូវហោះហើរក្នុងស្រុករបស់ប្រទេសវៀតណាម និងអន្តរជាតិ។ ការផ្តល់ជូនដ៏ពិសេសនេះ ចាប់ផ្តើមពីម៉ោង ០:០០ ថ្ងៃទី ២៤ ខែកញ្ញា ដល់ម៉ោង ២៣:០០ ថ្ងៃទី ២៦ ខែកញ្ញា ឆ្នាំ ២០២៥(GMT+7) សម្រាប់ការធ្វើដំណើររវាងថ្ងៃទី ២២ ខែតុលា ឆ្នាំ ២០២៥ ដល់ថ្ងៃទី ២៧ ខែឧសភា ឆ្នាំ ២០២៦។ សំបុត្រអាចរកបានតាមរយៈគេហទំព័រ www.vietjetair.com និងកម្មវិធីទូរស័ព្ទ Vietjet Air ។

អ្នកដំណើរពីប្រទេសកម្ពុជា អាចទាញយកអត្ថប្រយោជន៍ពីប្រូម៉ូសិនពិសេសរបស់ក្រុមហ៊ុន Vietjet ដើម្បីស្វែងយល់ពីវប្បធម៌ដ៏រស់រវើករបស់វៀតណាម ជាមួយនឹងជើងហោះហើរប្រចាំថ្ងៃរវាងខេត្តសៀមរាប និងហាណូយ ក៏ដូចជាការតភ្ជាប់ទំនាក់ទំនងយ៉ាងរលូនពីរដ្ឋធានីវៀតណាមទៅកាន់គោលដៅពេញនិយមនៅទូទាំងអាស៊ីប៉ាស៊ីហ្វិក។ Vietjet ផ្តល់ជូននូវសេវាដឹកអ្នកដំណើរជាមួយយន្តហោះទំនើប សុវត្ថិភាព តម្លៃប្រកួតប្រជែង និងសេវាកម្មពិសេស ដែលធានាបាននូវបទពិសោធន៍ធ្វើដំណើរប្រកបដោយភាពរីករាយជូនដល់ភ្ញៀវធ្វើដំណើរទាំងអស់។

អ្នកដំណើរពីប្រទេសកម្ពុជា ក៏អាចរីករាយជាមួយនឹងសកម្មភាពនៃការប្រារព្វពិធីបុណ្យនានាដ៏គួរឱ្យភ្ញាក់ផ្អើលនិងដ៏រីករាយនៅលើយន្តហោះ ដូចជា៖ ការផ្ដល់ជូនគោមអនុស្សាវរីយ៍ ការសម្តែងសិល្បៈលើយន្តហោះ និងនំព្រះខែ Vietjet ដែលផ្តល់ជូននៅលើជើងហោះហើរក្នុងអំឡុងពេលនៃពិធីបុណ្យទាំងនេះ និងនៅ Sky Shop។

លើសពីនេះ Vietjet ផ្តល់ការបញ្ចុះតម្លៃសំបុត្ររហូតដល់ ២០ ភាគរយ សម្រាប់សំបុត្រ Business និង SkyBoss រៀងរាល់ថ្ងៃទី ២ និង ២០ នៃខែ រួមទាំងការផ្តល់ជូនកាដូ “ទ្វេរដង” ដ៏ពិសេសជាច្រើនទៀត។

ក្នុងឱកាសអបអររដូវកាលដ៏ពិសេសនេះ លោកអ្នកអាចធ្វើដំណើរជាមួយមនុស្សជាទីស្រលាញ់របស់អ្នក និងស្វែងយល់ពីពិធីបុណ្យប្រពៃណីពាក់កណ្តាលសរទរដូវទូទាំងពិភពលោក ពីក្បួនដង្ហែចង្កៀងគោមនៅសង្កាត់ចាស់ Old Quarter ទីក្រុងហាណូយ រហូតដល់ការប្រារព្ធពិធីChuseok ក្នុងប្រទេសកូរ៉េ ឬ ពិធីបុណ្យ Tsukimi ដ៏រ៉ូមែនទិករបស់ប្រទេសជប៉ុន។ រាល់ការធ្វើដំណើរជាមួយក្រុមហ៊ុន Vietjet អ្នកដំណើតទាំងអស់នឹងទទួលបានភាពរីករាយជាមួយយន្តហោះទំនើប បុគ្គលិករួសរាយរាក់ទាក់ អាហារក្តៅៗឈ្ងុយឆ្ងាញ់ដូចជា៖ ហ្វឺ និង បាញ់មី និងបទពិសោធន៍វប្បធម៌នានាដែលមិនអាចបំភ្លេចបាននៅចម្ងាយ ១០,០០០ម៉ែត្រលើអាកាសពីផែនដី។

តស់! កក់សំបុត្ររបស់អ្នកឥឡូវនេះ ដើម្បីទទួលបានភាពសប្បាយរីករាយជាមួយជាមួយ Vietjet!

រយៈពេលធ្វើដំណើរជាក់លាក់អាចត្រូវបានអនុវត្តអាស្រ័យលើផ្លូវហោះហើរ។ កាលបរិច្ឆេទធ្វើដំណើរនាអំឡុងពេលថ្ងៃឈប់សម្រាក អាចត្រូវបានអនុវត្ត។