ភ្នំពេញ៖ Smart Axiata ដែលជាក្រុមហ៊ុនផ្ដល់ដំណោះស្រាយបច្ចេកវិទ្យា និងទូរគមនាគមន៍នៅកម្ពុជា បានប្រកាសពីសមិទ្ធផល ដែលចូលរួមលើកកម្ពស់ការភ្ជាប់ទំនាក់ទំនងឌីជីថលនៅកម្ពុជា។ ក្នុងឆ្នាំ ២០២៤ ក្រុមហ៊ុននេះ បានបន្ថែមអង់តែនសេវាថ្មីៗ ប្រមាណជា ៤៧៥ ទីតាំង និងសម្រេចបាននូវអង់តែនសរុបចំនួន៤ ០០០ ទីតាំង។ ការពង្រីកសេវាទូរសព្ទនេះ នឹងជួយសម្រួលគុណភាពសេវាទូរសព្ទឱ្យកាន់តែទូលំទូលាយសម្រាប់ប្រជាជនកម្ពុជារាប់លាននាក់។ 

ទន្ទឹមនឹងសមិទ្ធផលនេះដែរ Smart ក៏បានពង្រឹងសេវា ចំនួន ២៥០០ Sectors នៅតាមបណ្តាស្ថានីយ៍អង់តែនដែលបានសាងសង់រួច ព្រមទាំងបំពាក់ឧបករណ៍ថ្មីៗសម្រាប់ស្ថានីយជាង ៨០០ ដើម្បីអាចផ្គត់ផ្គង់នូវកំណើននៃតម្រូវការបណ្ដាញសេវាទូរសព្ទក្នុងពេលបច្ចុប្បន្ន។ កិច្ចខិតខំប្រឹងប្រែងទាំងនេះ ជួយបង្កើនគុណភាពសេវាទូរសព្ទកាន់តែប្រសើរ សម្រាប់ជាង ២០០ ទីតាំងជាងបន្ថែមទៀតដែលនេះបានឆ្លុះបញ្ចាំងពីសក្ដានុពលរបស់ក្រុមហ៊ុន Smart ក្នុងការបន្តផ្គត់ផ្គង់ និងចូលរួមអភិវឌ្ឍន៍ហេដ្ឋារចនាសម្ព័ន្ធនៃវិស័យទូរគមនាគមន៍នៅពាសពេញផ្ទៃប្រទេស។ 

ជារៀងរាល់ឆ្នាំ ក្រុមហ៊ុន Smart Axiata បានវិនិយោគលើការពង្រីកបណ្ដាញសេវា ដោយចំណាយទុនប្រមាណជា ៥០ លានដុល្លារ។​ ការវិនិយោគនេះ បង្ហាញពីការប្ដេជ្ញារបស់ក្រុមហ៊ុន ក្នុងការពង្រីកការភ្ជាប់បណ្ដាញសេវាទៅកាន់គ្រប់តំបន់នៅទូទាំងប្រទេស។ សមិទ្ធផលនេះមិនត្រឹមតែសបញ្ជាក់ពីយុទ្ធសាស្រ្តក្នុងការផ្ដល់សេវាកាន់តែទូលំទំលាយប៉ុណ្ណោះទេ តែនេះក៏ជាកាតាលីករនៃការអភិវឌ្ឍន៍ដ៏សំខាន់ ដែលស្របទៅនឹងក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ របស់រដ្ឋាភិបាលកម្ពុជាផងដែរ។ 

សេវាទូរសព្ទកាន់តែទំលំទូលាយ ដែលជួយភ្ជាប់គម្លាតឌីជីថល

ក្រុមហ៊ុន Smart Axiata បាននិងកំពុងភ្ជាប់នូវគម្លាតឌីជីថលសម្រាប់ប្រជាពលរដ្ឋខ្មែរ តាមរយៈការពង្រីកសេវាទូរសព្ទក្នុងតំបន់ និងសហគមន៍នានា។សកម្មភាពទាំងនេះ បានចូលរួមជ្រោមជ្រែងជីវភាពរស់នៅរបស់ប្រជាពលរដ្ឋនៅក្នុងសហគមន៍ និងផ្ដល់នូវភាពងាយស្រួលក្នុងការស្វែងរកព័ត៌មាន ការប្រើប្រាស់សេវាកម្មធនាគារឌីជីថល ការអប់រំ និងការកម្សាន្តជាដើម។ 

លោក Ziad Shatara នាយកប្រតិបត្តិក្រុមហ៊ុន Smart Axiata បានលើកឡើងថា “ស្របពេលដែលបរិវត្តកម្មឌីជីថលបានប្រព្រឹត្តទៅកាន់តែឆាប់រហ័ស ប្រព័ន្ធអុីនធឺណិតដែលមានស្ថេរភាពកាន់តែមានសារៈសំខាន់។ បច្ចុប្បន្ននេះ ស្ទើរតែគ្រប់សកម្មភាពទាំងអស់គឺស្ថិតនៅលើប្រព័ន្ធឌីជីថល តាំងពីការប្រើប្រាស់ធនាគារ ការកម្សាន្ត និងការអប់រំ។ យើងក៏ឃើញដែរថា ប្រជាជនកម្ពុជាកំពុងត្រូវការទិន្នន័យសម្រាប់ប្រើប្រាស់អុីធឺណិតកាន់តែច្រើន។” លោកក៏សង្ឃឹមថាការពង្រីកវិសាលភាពនៃសេវាទូរសព្ទរបស់ក្រុមហ៊ុន នឹងជួយឱ្យប្រជាជន និងអាជីវកម្មក្នុងប្រទេសកម្ពុជាអាចទាញយកផលប្រយោជន៍ពីការរីកចម្រើននៃប្រព័ន្ធឌីជីថលផងដែរ។​

ការចូលរួមភ្ជាប់គម្លាតឌីជីថល សន្តិសុខសាយប័រ និងចីរភាព 

ស្របពេលដែល Smart Axiata បន្តពង្រីកវិសាលភាពនៃសេវាទូរសព្ទនេះក្រុមហ៊ុនក៏មានឆន្ទៈក្នុងការសហការជាមួយដៃគូរសំខាន់ៗផងដែរ ដែលរួមមានក្រសួងប្រៃសណីសយ៍និងទូរគមនាគមន៍ និយ័តករទូរគមនាគមន៍កម្ពុជា ក្រសួងអប់រំ យុវជន និងកីឡា ក៏ដូចជាអង្គការក្រៅរដ្ឋាភិបាលផ្សេងៗទៀត។ កិច្ចសហការទាំងនេះ ប្រព្រឹត្តឡើងក្នុងគោលបំណង ផ្សារភ្ជាប់គម្លាតឌីជីថលនៅក្នុងប្រទេសកម្ពុជា និងពង្រឹងអក្ខរកម្មឌីជីថល ក៏ដូចជាសាបព្រួសជំនាញឌីជីថលសំខាន់ៗដទៃទៀត ដែលជាជំនាញចាំបាច់សម្រាប់ពេលបច្ចុប្បន្ននេះ។ 

ជាមួយគ្នានេះដែរ Smart Axiata ក៏ចូលរួមលើកម្ពស់សុវត្ថិភាពលើប្រព័ន្ធអុីនធឺណិត សម្រាប់អ្នកប្រើប្រាស់ តាមរយៈការចែករំលែកគន្លឹះសំខាន់ៗដើម្បីការពារសុវត្ថិភាព រួមជាមួយការផ្សព្វផ្សាយពីវិធីសាស្រ្តក្នុងការរាយការណ៍ករណីដែលទាក់ទងនឹងការកេងប្រវ័ញ្ច ឬការរំលោភបំពានលើកុមារ ដើម្បីជំរុញឱ្យមាតិបិតានិងអាណាព្យាបាលកុមាររងគ្រោះ អាចចាត់វិធានការបានទាន់ពេលវេលា។ 

បន្ថែមពីនេះទៀត ក្រុមហ៊ុន Smart Axiata ក៏បានរួមសហការជាមួយ SecurityGen ដែលជាក្រុមហ៊ុនសន្តិសុខទូរគមនាគមន៍ មានការទទួលស្គាល់លំដាប់ពិភពលោក ដើម្បីអនុវត្តវិធានការការពារដូចជា Next Generation Signaling Firewall និង Intrusion Detection System ដើម្បីការពារទិន្នន័យរបស់អតិថិជន និងសុវត្ថិភាពនៃ បណ្ដាញរបស់ក្រុមហ៊ុន។ 

ដោយឡែក ស្ថានីយអង់តែន 4G របស់ក្រុមហ៊ុន Smart ប្រមាណ ៤០% មានដាក់ប្រើប្រាស់ប្រព័ន្ធសូឡា ដើម្បីចូលរួមគាំទ្រយុទ្ធសាស្ត្រចក្រាវិស័យបរិស្ថានរបស់រដ្ឋាភិបាលកម្ពុជា។ 

ស្របពេលដែលប្រទេសកម្ពុជាកំពុងរីកលូតលាស់យ៉ាងឆាប់រហ័ស បរិវត្តកម្មីឌីជីថលក៏បាននិងកំពុងបន្តដើរតួយ៉ាងសំខាន់ក្នុងការអភិវឌ្ឍប្រទេសជាតិផងដែរ។ទន្ទឹមនឹងគ្នានេះដែរ ក្រុមហ៊ុន Smart ក៏កំពុងចូលរួមយ៉ាងសកម្មក្នុងការរួមចំណែកអភិវឌ្ឍន៍កម្ពុជា ដោយភ្ជាប់ទំនងទំនងដល់បុគ្គល គ្រួសារ និងអាជីវកម្មពេញផ្ទៃប្រទេស។ កត្តានេះ បានធ្វើឱ្យក្រុមហ៊ុនទទួលបានការទទួលស្គាល់នៅលើឆាកអន្តរជាតិ តាមរយៈការចុះផ្សាយនៅលើទំព័រព័ត៌មាន Los Angeles Times កាលពីខែធ្នូ ឆ្នាំ ២០២៤ កន្លងទៅនេះ។ 

នៅប៉ុន្មានឆ្នាំចុងក្រោយនេះ ក្រុមហ៊ុនបានធ្វើការយ៉ាងសកម្មក្នុងការផ្គត់ផ្គត់បណ្ដាញសេវាអុិនធឺណិតនៅតាមតំបន់សក្ដានុពលមួយចំនួននដូចជា ផ្លូវល្បឿនលឿន ភ្នំពេញ-ក្រុងព្រះសីហនុ តំបន់សេដ្ឋកិច្ចពិសេស តំបន់ទេសចរណ៍នៃប្រាសាទអង្គវត្ត ក៏ដូចជាការគ្របដណ្ដប់សេវាអុីនធឺណិតបន្ថែមទៀតទៅកាន់ភូមិស្រុក និងលំនៅដ្ឋានដែលដាច់ស្រយាលពីទីប្រជុំជន៕

ភ្នំពេញ៖ ថ្ងៃទី២៣ ខែមករា ឆ្នាំ២០២៥ ក្រុមហ៊ុន Vietjet កំពុងពង្រឹងបណ្តាញជើងហោះហើរអន្តរជាតិរបស់ខ្លួនបន្ថែមទៀត ជាមួយនឹងការបន្ថែមផ្លូវហោះហើរថ្មីចំនួន ២ ដែលតភ្ជាប់ទីក្រុងហូជីមិញ ដែលជាតំបន់សេដ្ឋកិច្ចដ៏ធំបំផុតរបស់ប្រទេសវៀតណាម ទៅកាន់ទីក្រុងធំៗចំនួន២ របស់ឥណ្ឌា គឺ ទីក្រុង Hyderabad និង Bangalore ។ គ្រោងនឹងចាប់ផ្តើមនៅថ្ងៃទី ១៨ និង ១៩ ខែមីនា តទៅ សេវាកម្មថ្មីទាំងនេះនឹងពង្រឹងជំហររបស់ក្រុមហ៊ុន Vietjet ក្នុងនាមជាស្ថាប័នដ៏សំខាន់ក្នុងទីផ្សារអាកាសចរណ៍វៀតណាម-ឥណ្ឌា ដែលកំពុងរីកចម្រើន ជំរុញការបង្កើនការតភ្ជាប់ និងលើកកម្ពស់ទំនាក់ទំនងសេដ្ឋកិច្ចនៅទូទាំងអាស៊ី។

ឥឡូវនេះ អ្នកដំណើរអាចរកក់សំបុត្រទុកជាមុនសម្រាប់ជើងហោះហើរថ្មីបាន។ ក្រុមហ៊ុន Vietjet កំពុងផ្តល់ជូននូវការផ្តល់ជូនការបញ្ចុះតម្លៃសំបុត្រពិសេស ដែលការផ្តល់ជូននេះមានការកំណត់ ជាមួយនឹងតម្លៃសំបុត្រចាប់ផ្តើមត្រឹមតែ USD​ 0 លើផ្លូវហោះហើរវៀតណាម-ឥណ្ឌាទាំងអស់។ ការផ្តល់ជូនពិសេសនេះ មានសុពលភាពរហូតដល់ថ្ងៃទី ៣០ខែមករា ឆ្នាំ ២០២៥ សម្រាប់ការធ្វើដំណើររវាងថ្ងៃទី ១០ ខែកុម្ភៈ ដល់ថ្ងៃទី ៣០ ខែកញ្ញា ឆ្នាំ ២០២៥ ។ អ្នកធ្វើដំណើរ អាចជាវសំបុត្រដែលមានការបញ្ចុះតម្លៃពិសេសនេះ តាមរយៈគេហទំព័រផ្លូវការរបស់ Vietjetនៅ www.vietjetair.com ឬកម្មវិធីទូរស័ព្ទ Vietjet Air ។

លើសពីនេះ Vietjet កំពុងផ្តល់ការបញ្ចុះសំបុត្រយន្តហោះជាពិសេសនៅទូទាំងបណ្តាញហោះហើររបស់ខ្លួន។ រៀងរាល់ថ្ងៃទី ២០ នៃខែ អ្នកដំណើរអាចរីករាយនឹងការបញ្ចុះតម្លៃរហូតដល់ ២០ ភាគរយ នៃសំបុត្រថ្នាក់ Business និង SkyBoss សម្រាប់ការធ្វើដំណើររវាងថ្ងៃទី ១ខែមីនា ដល់ថ្ងៃទី ២៩ ខែឧសភា ឆ្នាំ ២០២៥ ។  ហើយអ្នកដំណើរក៏ទទួលបានការបញ្ចុះតម្លៃសំបុត្រដែលអាចសន្សំសំចៃកាន់តែច្រើន ជាមួយប្រូម៉ូសិនថ្ងៃសុក្ររបស់ Vietjet ដែលផ្តល់ជូនការបញ្ចុះតម្លៃសំបុត្ររហូតដល់ ៥០ ភាគរយ លើសំបុត្រ Eco class រៀងរាល់ថ្ងៃសុក្រ រហូតដល់ថ្ងៃទី ៧ ខែកុម្ភៈ ឆ្នាំ ២០២៥ សម្រាប់ជើងហោះហើរអន្តរជាតិទៅកាន់ប្រទេសវៀតណាមចាប់ពីថ្ងៃទី ១០ ខែកុម្ភៈ ដល់ថ្ងៃទី ៣១ ខែមីនា ឆ្នាំ ២០២៥ ។

ការផ្តល់ជូនប្រូម៉ូសិនពិសេសទាំងនេះ នឹងទាក់ទាញអ្នកដំណើរនៅលើផ្លូវសៀមរាប-ហាណូយ ក៏ដូចជាអ្នកដំណើរឆ្លងកាត់តំបន់អាស៊ីប៉ាស៊ីហ្វិក។ បច្ចុប្បន្ន Vietjet ដំណើរការជើងហោះហើរទៅមកប្រចាំថ្ងៃពីសៀមរាបទៅហាណូយ ដោយផ្តល់ឱកាសឱ្យអ្នកធ្វើដំណើរស្វែងយល់ពីវប្បធម៌ និងបេតិកភណ្ឌដ៏សម្បូរបែបនៃរដ្ឋធានីរបស់ប្រទេសវៀតណាម។ ពីទីក្រុងហាណូយ អ្នកដំណើរអាចភ្ជាប់យ៉ាងងាយស្រួលទៅកាន់បណ្តាញជើងហោះហើរដ៏ធំទូលាយរបស់ Vietjet ដែលគ្របដណ្តប់លើប្រទេសវៀតណាម និងតំបន់ជាច្រើនទៀត។

ផ្លូវហោះហើរថ្មីពីរពីប្រទេសវៀតណាមទៅកាន់ប្រទេសឥណ្ឌាបំពេញបន្ថែមការពង្រីកប្រតិបត្តិការជាសកលរបស់ Vietjet ។ ជាមួយនឹងការបន្ថែមទាំងនេះ ក្រុមហ៊ុនអាកាសចរណ៍ Vietjetឥឡូវនេះ ដំណើរការផ្លូវចំនួន ១០ រវាងប្រទេសទាំងពីរ ដោយផ្តល់ជើងហោះហើរចំនួន ៧៨ ក្នុងមួយសប្តាហ៍។ បណ្តាញនេះ ភ្ជាប់ទីក្រុងធំជាងគេរបស់វៀតណាម ដូចជាទីក្រុងហូជីមិញ ហាណូយ និងទីក្រុងដាណាង – ទៅកាន់ទីក្រុងសំខាន់ៗក្នុងប្រទេសឥណ្ឌា រួមទាំងទីក្រុងញូវដេលី ទីក្រុងបុមបៃ Ahmedabad Kochi ក៏ដូចជា Bangalore និង Hyderabad ។

ក្រុមហ៊ុន Vietjet បន្តពង្រីកបណ្តាញហោះហើររបស់ខ្លួន ជាមួយនឹងការប្តេជ្ញាចិត្តយ៉ាងមុតមាំក្នុងការពង្រឹងកងនាវាអាកាសចរទំនើបរបស់ខ្លួន និងនាវិកអាជីព។ គួរកត់សម្គាល់ផងដែរថា Vietjet បានចាប់ដៃគូជាមួយ F AIR ដែលជាមជ្ឈមណ្ឌលបណ្តុះបណ្តាលការហោះហើរឈានមុខគេក្នុងសាធារណរដ្ឋឆេក ដើម្បីផ្តល់ការបណ្តុះបណ្តាលដល់សិក្ខាកាមអ្នកបើកយន្តហោះរបស់ Vietjet Aviation Academy ក្រោមកម្មវិធី Multi-Crew Pilot License (MPL)។ ភាពជាដៃគូនេះ គាំទ្រដល់យុទ្ធសាស្ត្រពង្រីកក្រុមហ៊ុនអាកាសចរណ៍ ដើម្បីផ្តល់ជម្រើសការធ្វើដំណើរប្រកបដោយសុវត្ថិភាព គួរឱ្យទុកចិត្ត និងសន្សំសំចៃកាន់តែច្រើនសម្រាប់អ្នកដំណើរ រួមទាំងអ្នកដំណើរដែលមកពីប្រទេសកម្ពុជាផងដែរ។

(*) មិនរាប់បញ្ចូលពន្ធ និងថ្លៃសេវាផ្សេងៗ

(**) មិន​រាប់​បញ្ចូល​ថ្ងៃ​ឈប់​សម្រាក​សាធារណៈ និង​រយៈពេលធ្វើដំណើរមមាញឹក

(***) លក្ខខណ្ឌផ្សេងៗត្រូវបានអនុវត្ត

ព័ត៌មានផ្លូវហោះហើរថ្មី វៀតណាម-ឥណ្ឌា

(ពេលវេលាហោះហើរទាំងអស់ គិតជាម៉ោងក្នុងស្រុក គឺ ២៤ ម៉ោង)

ផ្លូវហោះហើរទីក្រុងហូជីមិញ (SGN) – Bangalore (BLR)

ផ្លូវហោះហើរ ទីក្រុងហូជីមិញ (SGN) – Hyderabad (HYD)

ការធ្វើដំណើរតាមរយៈជើងហោះហើររបស់ Emirates ទៅកាន់​ទីក្រុងឌូបៃ អ្នកដំណើរនឹងទទួលបានការផ្តល់ជូនយ៉ាងពិសេស ជាមួយការស្នាក់នៅក្នុងសណ្ឋាគារ ដោយឥតគិតថ្លៃនិងអ្វីៗជាច្រើនទៀត

ភ្នំពេញ៖ ថ្ងៃទី ២២ ខែមករា ឆ្នាំ ២០២៤ – ថ្មីៗនេះ ក្រុមហ៊ុន Emirates បានប្រកាសពីការផ្តល់ជូនកាដូពិសេសថ្មីសម្រាប់អ្នកធ្វើដំណើរដែលមានគម្រោងទៅទស្សនាទីក្រុងឌូបៃ ដែល​នឹងអាច​ទាក់ទាញអ្នកដំណើរពីប្រទេសកម្ពុជាតាម​រយៈ​ការផ្តល់នូវការស្នាក់នៅដោយមិនគិតថ្លៃផងដែរ។

ចាប់ពីថ្ងៃទី២០ ខែមករា ដល់ថ្ងៃទី ៩ ខែកុម្ភៈខាង​មុខ​នេះ​ អ្នកដំណើរដែលបាន​ទិញសំបុត្រទាំង​ទៅ​ និង​ត្រឡប់មកវិញជាមួយក្រុមហ៊ុន​ Emirates ចំពោះ​ប្រភេទកៅអី​ First Class ឬ Business Class ទៅកាន់ទីក្រុង​ឌូបៃ​  នឹងទទួលបានការស្នាក់នៅដ៏រីករាយនឹងដោយឥតគិតថ្លៃនៅសណ្ឋាគារ JW Marriott Marquis។ អតិថិជនដែលធ្វើដំណើរជាមួយ​សំបុត្រ Premium Economy Class ឬ Economy Class នឹងទទួលបាន​ការស្នាក់នៅមួយយប់ដោយឥតគិតថ្លៃនៅសណ្ឋាគារ Crowne Plaza Dubai Deira។

ការផ្តល់ជូនដ៏អស្ចារ្យនេះ មានសុពលភាពសម្រាប់សំបុត្រធ្វើដំណើរពីរ​ជើងទាំង​ទៅ និង​ត្រឡប់មកវិញ ទៅកាន់ទីក្រុងឌូបៃ សម្រាប់កាលបរិច្ឆេទនៃការ​ធ្វើដំណើររវាងថ្ងៃទី ២២ ខែកុម្ភៈ ដល់ថ្ងៃទី ២៩ ខែមីនា។ ការផ្តល់ជូននេះ មាននៅលើវេបសាយ​ emirates.com ឬមជ្ឈមណ្ឌលទំនាក់ទំនង Emirates ការិយាល័យលក់រាយ ឬភ្នាក់ងារទេសចរណ៍នានា។

សម្រាកនៅឌូបៃ

សូម​ទទួល​យក​នូវភាពរីករាយ​ និង​​បទពិសោធន៍មិនអាច​បំភ្លេច​បាន​ក្នុង​ឆាក​ជីវិត​ ដែល​គ្រប់​អ្នក​ដំណើរ​ប្រាថ្នា​ចង់បាន​។ ​មិនថាអ្នកកំពុងទៅទស្សនាតំបន់បេតិកភណ្ឌដ៏សម្បូរ​បែបក្នុងទីក្រុង ដើរលេងលើឆ្នេរខ្សាច់ដែលមានពន្លឺថ្ងៃ ភាពអស្ចារ្យនៃ​ទីប្រជុំជនឌូបៃ ឬចាប់ផ្តើមដំណើរផ្សងព្រេងនៅវាលខ្សាច់ដ៏ស្រស់ស្អាត​ទីក្រុងឌូបៃផ្តល់ជូននូវគ្រប់បរិយាកាសតាមតម្រូវការរបស់អ្នកដំណើរ។

នេះជាសកម្មភាពសំខាន់ៗមួយចំនួនជាមួយ​បទពិសោធន៍នៅទីក្រុងឌូបៃ រួមមាន:

• ដំណើរកម្សាន្តលើវាលខ្សាច់៖ ត្រឹមតែ ៤០ នាទីពីទីប្រជុំជនឌូបៃ The Fort – Lisaili គឺជាជម្រើសលម្ហែ​កាយបែប​គ្រួសារ​ ដែល​មាន​ទេសភាព​គួរ​ឱ្យគយគន់​អបដោយបរិយាកាសដ៏ស្រស់ស្រាយនៃវាលខ្សាច់ Bedouin។ ភ្ញៀវ​រីករាយ​ចំពោះការទស្សនា​ទិដ្ឋភាពវាលខ្សាច់ដ៏អស្ចារ្យ​តាមរយៈការជិះអូដ្ឋ ចូលរួម​សកម្មភាព​វប្បធម៌ប្រពៃណី​ ដូចជា ការគូរគំនូរ​ក្បាច់​លើដៃ​ រីករាយជាមួយអាហារពេលល្ងាចប៊ូហ្វេ BBQ ដ៏ឈ្ងុយឆ្ងាញ់ក្រោមផ្ទៃ​មេឃខៀវស្រងាត់ និងសកម្មភាពកម្សាន្តជាច្រើនទៀត។
• ទី​កម្សាន្តសម្រាប់​អ្នក​ស្វែង​រក​ភាព​រំជើប​រំជួល​៖ ​សម្រាប់អ្នកចូលចិត្តដំណើរកំសាន្តបែបផ្សងព្រេង ពួកគេ​ប្រាកដ​ជា​មិនភ្លេចសមុទ្រ​ខ្សាច់​ និងពំនូក​ភ្នំ​ខ្សាច់​ពណ៌​មាសដ៏​ទាក់ទាញ​របស់​ឌូបៃ​។ ម៉្យាងវិញទៀត ភ្ញៀវ​ទេសចរ​ក៏អាច​កម្សាន្ត​នៅសួនធម្មជាតិសិប្បនិម្មិត​ Aventura Parks ​​ឧទ្យានខ្សែរ៉ត​ដ៏ធំបំផុតរបស់ទីក្រុងឌូបៃ និងកន្លែងជិះខ្សែពួរដ៏ពេញនិយមបំផុតនៅឧទ្យាន Mushrif Park ក្នុងសង្កាត់ Mirdif ស្ថិតនៅកណ្តាលព្រៃនៃដើមឈើ Ghaf ដែលអ្នកចូល​ចិត្ដ​ផ្សង​ព្រេង​អាច​លេង​ឆ្លង​កាត់​ឧបសគ្គ​ចំនួន​ជាង ៨០​​ ប្រភេទ ទៅ​តាម​អាយុ និងកម្រិតលំបាកផ្សេងៗគ្នា។

រីករាយជាមួយ​ពិធី​បុណ្យបួស​រ៉ាម៉ាដាន

រដូវ​បុណ្យបួស​រ៉ាម៉ាដាន ​បានបង្កើតបរិយាកាសដ៏ពិសេសនៃការប្រារឰពិធីដែលទាក់ទាញអ្នកទស្សនា​ក្នុង​ការ​កម្សាន្ដ​នៅ​​ទីក្រុងឌូបៃ។ សម្រាប់​អ្នក​ដែល​ចូលចិត្ដ​ការ​កម្សាន្ដ​បែប​​​វប្បធម៌ និង​ប្រពៃណី​ដ៏​សម្បូរ​បែប​​ ឌូបៃ នៅ​មាន​​សកម្មភាព​ដ៏​គួរ​ឱ្យ​​រំភើប​រីករាយជា​ច្រើន​ទៀត​ ដូចជា៖

• កម្ម​ពិធីអាហារ​ពេល​យប់ និង​ព្រឹក​មុន​ថ្ងៃរះ​​៖ សូម​ចូលរួម​ក្នុង​ពិធី​បុណ្យ​បួស​​រ៉ាម៉ាដាន ដោយ​ទទួល​យក​បទពិសោធន៍នៃការជួបជុំទទួលទាន​អាហារ​ពេល​ថ្ងៃ​លិច និង​មុន​ពេល​ថ្ងៃ​រះ​​បែបប្រពៃណីដ៏ល្អឯក។ បរិយាកាសទាំងនេះ ផ្តល់ឱ្យភ្ញៀវ​នូវឱកាសទទួលយកបទពិសោធន៍នៃពិធីបុណ្យវប្បធម៌ និងបុណ្យរ៉ាម៉ាដាន​ពិតប្រាកដដ៏ល្អឥតខ្ចោះ​។
• ការតុបតែង​ចង្កៀងគោម​៖ ពេញមួយខែនៃពិធីបុណ្យរ៉ាម៉ាដាន កន្លែងល្បីៗ ដូចជា Dubai Creek និង Downtown Dubai ត្រូវបានតុបតែងដោយចង្កៀងគោមស្រស់​ស្អាត​ ដែល​បង្កើតបាន​ជា​បរិយាកាសពិសេសសម្រាប់ភ្ញៀវទស្សនា និងប្រជាជនក្នុងស្រុកផងដែរ។ គយគន់ទេសភាពអគារ​ខ្ពស់ៗ​កប់​ពពក​នៃទីក្រុងក្រោម​ផ្ទៃមេឃជះ​ពន្លឺ​ប្រែពណ៌លឿងទុំ​ទៅជា​ស្បៃ​រាត្រី​បន្ដិចម្ដង​ៗ​ ធ្វើឱ្យពិសោធន៍នៃការចូលរួម​ពិធី​បុណ្យរ៉ាម៉ាដានរឹតតែមិនអាចបំភ្លេចបាន។
• ទីផ្សារក្នុងរដូវ​បុណ្យរ៉ាម៉ាដាន៖ ជាមួយ​សិប្បកម្ម​ និង​សកម្មភាពកម្សាន្ដ​តាម​ទំនៀមទម្លាប់ និងប្រពៃណីរបស់អារ៉ាប់រួម និងតំបន់ជុំវិញ បុណ្យ​រ៉ាម៉ាដាន​ទាក់ទាញអ្នកទេសចរ​ទាំងក្មេង​ និង​មនុស្ស​ធំ​ឱ្យ​ទៅកាន់​ប៉ម​ Jumeirah Emirates Towers។ ខណៈ​ Global Village ក៏ជាកន្លែងសម្រាប់ធ្វើពីធីបុណ្យរ៉ាម៉ាដាន​ផងដែរ ​ ផ្សារទើប​បង្កើត​ថ្មី Ramadan Wonders Souk មាន​លក់​កាដូ​ប្លែកៗ​មកពី​​ជុំវិញពិភពលោក។
• មជ្ឈមណ្ឌលស្វែង​យល់​ពី​វប្បធម៌របស់​លោក​នាយករដ្ឋមន្ដ្រី​​ Sheikh Mohammed bin Rashid Al Maktoum៖ បទពិសោធន៍ទទួលទាន​អាហាររបស់​ប្រជាជន​អេមីរ៉ាត អារ៉ាប់រួម​ ការទស្សនាវិហារអ៊ីស្លាម និងដំណើរទេសចរណ៍បេតិកភណ្ឌនៅចំកណ្តាល Old Dubai​។
• ការប្រារឰពិធីពេលយប់៖ ភ្ញៀវ​ទេសចរ​ត្រូវបានស្វាគមន៍ឱ្យ​ចូលរួម​កម្មវិធី​កណ្ដាល​អាធ្រាត្រ​ ដែល​​បង្កប់នូវស្មារតីនៃការរួបរួមគ្នានៃ Holy Month។ ចាប់ពីការដើរទិញអីវ៉ាន់កណ្ដាល​យប់និងសកម្មភាពសប្បាយៗសម្រាប់កុមារ កម្មពិធីបុណ្យរ៉ាម៉ាដាននៅពេលយប់ផ្តល់នូវការចងចាំដ៏រីករាយដែលមិនអាចបំភ្លេចបានសម្រាប់ក្រុមគ្រួសារទាំងអស់។

ទទួលបានកាន់តែច្រើនពីការធ្វើដំណើរ​ជាមួយ Emirates

Emirates បន្តផ្តល់ជូនអ្នកដំណើររបស់ខ្លួននូវឱកាសកាន់តែច្រើន ដើម្បីចំណាយពេលវេលារបស់ពួកគេឱ្យមាន​ប្រសិទ្ធភាព​បំផុតនៅក្នុងទីក្រុងឌូបៃ រួមទាំង៖

• My Emirates Pass – បង្ហាញសំបុត្រយន្តហោះ Emirates របស់អ្នក ដើម្បីរីករាយជាមួយការបញ្ចុះតម្លៃពិសេស​នៅទូទាំងទីក្រុងឌូបៃ និងអេមីរ៉ាត អារ៉ាប់រួម រហូតដល់ថ្ងៃទី ៣១ ខែមីនា ឆ្នាំ ២០២៥។ រក្សាសំបុត្រទុកសម្រាប់ដើរលេងកម្សាន្តបែប​គ្រួសារ​ទៅកាន់កន្លែងទាក់ទាញដទៃ​ទៀត​​ រួមទាំង​ ប៉ម​អគារ​ខ្ពស់​កប់ពពក The Top Burj Khalifa ទីក្រុង​កោះ​រាង​ដើម​ដូង​ The Palm Monorail, The View នៅ The Palm ឬ City Sightseeing។ គេង​សំដិល​ហាលថ្ងៃ​នៅសួនទឹក Aquaventure នៅ Atlantis The Palm ហើយរីករាយជាមួយសកម្មភាព​រំជើប​រំជួល​នៅសួនកម្សាន្តក្នុងអគារ​ IMG Worlds of Adventure ឬ Dubai Parks & Resorts។ ក្រៅពីការផ្តល់ជូនកាដូពិសេសជាង ៦០០ មុខ អ្នកដំណើរអាច​ចូល​ទៅ​កាន់ Vision Pavilion នៅ Expo City ក្នុងរដូវកាលនេះដោយ​ឥត​គិតថ្លៃ​។
• ដៃគូ Skywards – សមាជិកនៃកម្មវិធី SkyWard ដែលឈ្នះពានរង្វាន់ Emirates Skywards អាចសន្សំជាពិន្ទុ​ «Miles» សម្រាប់​ប្រើប្រាស់​ជាមួយដៃគូទូទាំងពិភពលោករបស់យើង​ ដូចជា សណ្ឋាគារ ក្រុមហ៊ុនអាកាសចរណ៍ ការជួលរថយន្ត ហាង​លក់រាយ និងធនាគារ។ សមាជិកអាចប្រើ​ពិន្ទុ​ «Miles» ទាំងនេះពី​សំបុត្ររង្វាន់ ការធ្វើបច្ចុប្បន្នភាព ឬសូម្បីតែសំបុត្រ​ចូលរួមក្នុងកម្មវិធីប្រគំតន្ត្រី និងព្រឹត្តិការណ៍កីឡានានា។ ស្វែងយល់បន្ថែមអំពី Emirates Skywards នៅទីនេះ៖ https://www.emirates.com/english/skywards/។ ពេលសម្រាក​នៅទីក្រុងឌូបៃ អ្នកអាចទទួលបានរង្វាន់ពិន្ទុ​ «Miles» (ម៉ាយល៍) ជាមួយដៃគូរបស់យើងនៅទូទាំងទីក្រុង ដូចជា Dubai Duty Free, Skywards Everyday, Dubai Mall, Arabian Adventures, Emirates Holidays និងច្រើនទៀត។

ភ្នំពេញ៖​ ​Xiaomi នៅថ្ងៃទី១៩ ខែមករា ឆ្នាំ២០២៥ ប្រកាសចេញលក់ ម៉ូឌែល Redmi Note 14 Series ស៊េរីចុងក្រោយមានសមាជិកចំនួន 4 ដែលនាំត្រកូល Redmi Note ទៅកាន់កម្រិតមួយដ៏អស្ចារ្យរួមមាន៖ Redmi Note 14 Pro+ 5G, Redmi Note 14 Pro 5G, Redmi Note 14 Pro និង កូនពៅ Redmi Note 14។ ចំណុចដែលមិនគួរមើលរំលងនោះគឺ កាមេរ៉ា AI រហូតដល់ 200 មេហ្កាភិចសែលកម្រិតខ្ពស់ គ្រឿងបរិក្ខារកម្រិតធន់មាំលំដាប់កំពូល និងបទពិសោធន៍ដ៏គួរឱ្យចាប់អារម្មណ៍របស់ Redmi Note 14 Series បានភ្ជាប់មកជាមួយការអាប់ដេតគ្រប់ជ្រុងជ្រោយ ដើម្បីនាំយកលក្ខណៈពិសេសកម្រិត Flagship ទៅកាន់អតិថិជនគ្រប់ៗរូបក្នុងតម្លៃប្រកួតប្រជែង។

ចាប់យកពេលវេលាដ៏មានន័យយ៉ាងលម្អិតជាមួយនឹងប្រព័ន្ធកាមេរ៉ា AI ដ៏មានឥទ្ធិពល
ប្រព័ន្ធកាមេរ៉ាជាចំណុចពិសេសបំផុតនៃ Redmi Note 14 Series គឺ ត្រូវបានបង្កើតឡើងសម្រាប់ការថតរូបដ៏អស្ចារ្យ មុខងារសុទ្ធតែ Pro ប្លែកៗបំពាក់នូវប្រព័ន្ធកាមេរ៉ា AI 200MP ដែលមានអនុភាពជាមួយនឹងមុខងារទប់លំនឹងរូបភាពអុបទិក (OIS) អនុញ្ញាតឱ្យអ្នកប្រើប្រាស់ចាប់យកមាតិកាលម្អិតមិនគួរឱ្យជឿ។ លើសពីនេះ ជម្រើសពង្រីករូបភាពកម្រិតខ្ពស់ ផ្តល់នូវភាពបត់បែនដ៏ពិសេស – ពីការចាប់យកនូវភាពលម្អិតតូចបំផុតជាមួយនឹងការបង្រួម 2x និង 4x កម្រិតអុបទិកទៅវត្ថុឆ្ងាយៗជាមួយនឹងការពង្រីកបែបឌីជីថលរហូតដល់ 30x នៅលើ Redmi Note 14 Pro+ 5G និង Redmi Note 14 Pro 5G ព្រមទាំងបង្កើតនូវភាពច្នៃប្រឌិតថ្មីជាមួយនឹងការពង្រីកបែបឌីជីថល 20x នៅលើ Redmi Note 14 Pro ។

ទន្ទឹមនឹងនេះដែរ Redmi Note 14 ត្រូវបានបំពាក់ដោយប្រព័ន្ធកាមេរ៉ា AI 108MP ដែលផ្តល់នូវពណ៌រស់រវើក លម្អិតច្បាស់ ដែលធ្វើឲ្យគ្រប់ម៉ូឌែលនៅក្នុងស៊េរីនេះ អាចចាប់យកនូវរូបភាពដ៏មានគុណភាពខ្ពស់។

ដើម្បីបង្កើនបទពិសោធន៍នៃការថតរូប កាមេរ៉ាខាងមុខរបស់ Redmi Note 14 Series ត្រូវបានដំឡើងកម្រិតយ៉ាងតិច 20MP។ ជាពិសេស Redmi Note 14 Pro មានភាពលេចធ្លោជាមួយនឹងកាមេរ៉ាខាងមុខទំហំ 32MP រចនាឡើងយ៉ាងម៉ត់ចត់ជាមួយនឹង 0.8x wide-angle zoom គ្រប់ស៊េរី។ កាមេរ៉ាខាងមុខ បង្កើននូវភាពងាយស្រួលជាងមុនក្នុងការថតរូប Selfie ជាក្រុមដោយចាប់យក និងរក្សាទុកពេលវេលាដ៏មានន័យសម្រាប់អ្នកគ្រប់គ្នា។

លើសពីនេះ Redmi Note 14 Series ត្រូវបានរចនាឡើង ដើម្បីផ្តល់នូវបទពិសោធន៍នៃការថតរូបដ៏ល្អឥតខ្ចោះ ជាមួយនឹងដំណើរការដ៏ទំនើបនៃភាពវៃឆ្លាតសម្រាប់ការប្រើប្រាស់។ ដល់ទីបញ្ចប់នេះ មុខងារច្នៃប្រឌិតជាច្រើនដូចជា Dynamic shots ដែលអាចបង្កើតរូបភាពនីមួយៗឱ្យមានជីវិតជាមួយនឹងចលនាដ៏ស្រទន់ និងវីដេអូ Dual ដែលអនុញ្ញាតឱ្យអ្នកប្រើប្រាស់ថតក្នុងពេលដំណាលគ្នាពីកាមេរ៉ាខាងមុខ និងខាងក្រោយ ដើម្បីចាប់យកទិដ្ឋភាពជាច្រើន។

ការកែសម្រួលក៏ត្រូវបានផ្លាស់ប្តូរនៅលើម៉ូឌែល Pro ជាមួយនឹងមុខងារ AI កម្រិតខ្ពស់ដូចជា AI Image Expansion ដែលពង្រីកផ្ទៃខាងក្រោយសម្រាប់ការថតរូបកាន់តែលេចធ្លោ និង AI Erase Pro ដែលជំនួយដល់ភាពងាយស្រួលក្នុងការលុបនូវវត្ថុដែលមិនចង់បានដោយមិនប្រើកម្មវិធីជំនួយ។ បន្ថែមពីលើ AI Erase ម៉ូឌែលមូលដ្ឋានក៏មានមុខងារ AI Sky ដើម្បីផ្លាស់ប្តូរផ្ទៃខាងក្រោយយ៉ាងងាយស្រួលផងដែរ។ ការរួមបញ្ចូលយ៉ាងរលូននៃឧបករណ៍ AI នេះជួយបង្កើនគុណភាពនៃរូបថត និងសម្រួលដំណើរការកែសម្រួលរូបភាពជាមួយនឹងលទ្ធផលដូចអ្នកអាជីព។

រឹងមាំ និងធន់ រចនាឡើងសម្រាប់ជីវិតប្រចាំថ្ងៃ
Redmi Note 14 Series ត្រូវបានបង្កើតឡើង ដើម្បីបំពេញតាមតម្រូវការនៃជីវិតប្រចាំថ្ងៃ ជាមួយនឹងការធន់នឹងការធ្លាក់មិនឆ្កូត និង មិនជ្រាបទឹក។ ការចាប់ផ្តើមជាមួយនឹងរចនាសម្ព័ន្ធ All-Star Armor ដែលជាការបន្ថែមដ៏ល្អឯកដូចជាស៊ុមផ្សំពីសមាសធាតុអាលុយមីញ៉ូមគុណភាពខ្ពស់, energy-absorbing foam និង polymer buffering ដែលមានវត្តមាននៅលើ Redmi Note 14 Pro+ 5G និង Redmi Note 14 Pro 5G សម្រាប់ពង្រឹងភាពធន់នឹងការធ្លាក់។ ទន្ទឹមនឹងនេះ អេក្រង់ Corning ® Gorilla ® Glass Victus ® 2 ផ្តល់ឲ្យម៉ូឌែល Pro នូវការការពារបន្ថែមសម្រាប់ការឆ្កូត។ ស៊េរីនេះត្រូវបានភ្ជាប់ជាមួយ Corning ® Gorilla ® Glass 7i និង គម្របស្បែកបែប vegan
នៅលើ Redmi Note 14 Pro+ 5G សម្រាប់ការការពារគ្រប់ជ្រុងជ្រោយ។ សម្រាប់ស៊េរីផ្សេងទៀត Corning ® Gorilla ® Glass 5 ផ្តល់នូវការការពារដ៏រឹងមាំដល់អេក្រង់ ដែលរួមចំណែកដល់ការរចនាដ៏រឹងមាំ និងធន់នៅទូទាំងស៊េរីទាំងមូល។

Visal, [Jan 22, 2025 at 18:16]
លើសពីភាពធន់នឹងការធ្លាក់ និងឆ្កូត Redmi Note 14 Series ក៏ត្រូវបានរចនាឡើង ដើម្បីទប់ទល់នឹងអង្គធាតុរាវផងដែរ។ ជាមួយនឹងកម្រិត IP68 Redmi Note 14 Pro+ 5G និង Redmi Note 14 Pro 5G ផ្តល់នូវការការពារពិសេសប្រឆាំងនឹងធូលី និងទឹក ដែលល្អបំផុតសម្រាប់ការប្រើប្រាស់ប្រចាំថ្ងៃ – មិនថាមេឃភ្លៀងខ្លាំង ឬដំណើរផ្សងព្រេងដ៏លំបាកនោះទេ។ ទន្ទឹមនឹងនេះ Redmi Note 14 Pro មាននូវការពារប្រឆាំងនឹងធូលី និងការជ្រាបទឹកកម្រិត IP64 rating និងកម្រិត IP54 សម្រាប់ Redmi Note 14 ។ ពិសេសជាងនេះទៅទៀត ត្រកូល Redmi Note 14 Series បាននាំយកមកនូវអេក្រង់ដ៏អស្ចារ្យ ដើម្បីធានាបាននូវការឆ្លើយតប និងភាពត្រឹមត្រូវនៃការប៉ះ ទោះបីជាស្ថិតនៅក្នុងស្ថានភាពសើម ឬប្រឡាក់នឹងប្រេងក៏ដោយ។ គួបផ្សំជាមួយនឹងមុខងារធន់មាំលំដាប់កំពូលទាំងអស់នេះ Redmi Note 14 Series ត្រៀមខ្លួនរួចជាស្រេច ដើម្បីទទួលយកនូវការប៉ះពាល់សម្រាប់ការរស់នៅប្រចាំថ្ងៃរបស់អ្នក។

ថាមពលពេញមួយថ្ងៃជាមួយនឹងដំណើរការរលូនឥតខ្ចោះ
Redmi Note 14 Series ផ្តល់នូវដំណើរការដ៏ខ្លាំងក្លា និងថាមពលថ្មប្រើប្រាស់បានយូរ។ សូមអរគុណដល់បន្ទះឈីបកម្រិតខ្ពស់នៅខាងក្នុង ឧបករណ៍ទាំងនេះអាចដំណើរការកិច្ចការច្រើនយ៉ាងងាយស្រួល ចាប់ពីការហៅជាវីដេអូ រហូតដល់ការលេងហ្គេម និងសកម្មភាពជាច្រើនទៀត។ ម៉ូឌែលលំដាប់ខ្ពស់បំផុត Redmi Note 14 Pro+ 5G ត្រូវបានបំពាក់ដោយប្រព័ន្ធដំណើរការ 4nm Snapdragon ® 7s Gen 3 កម្រិតខ្ពស់ ដែលនាំមកនូវល្បឿនខ្ពស់ និងការឆ្លើយតបយ៉ាងរហ័ស។ ទន្ទឹមនឹងនេះ ថាមពលថ្ម 5110mAh ជាមួយនឹង កម្លាំងសាកលឿន 120W HyperCharge ផ្តល់នូវថាមពលយូរអង្វែងពីការចាប់ផ្តើមដល់ចុងបញ្ចប់នៃការប្រើប្រាស់។ រចនាឡើង ដើម្បីគ្រប់គ្រងស្ថានភាពដ៏លំបាក ថ្មដង់ស៊ីតេខ្ពស់របស់ Redmi Note 14 Pro+ 5G ក៏ដំណើរការក្នុងសីតុណ្ហភាពទាបរហូតដល់ -20°C ដោយផ្តល់នូវបទពិសោធន៍ដែលអាចទុកចិត្តបាន សូម្បីតែនៅក្នុងបរិយាកាសដែលមានសីតុណ្ហភាពក្រោមសូន្យអង់ស្សាសេ — ល្អឥតខ្ចោះសម្រាប់អ្នកប្រើប្រាស់ ទោះជាអាកាសធាតុបែបណាក៏ដោយ។

ទន្ទឹមនឹងនេះ Redmi Note 14 Pro 5G និងម៉ូឌែលផ្សេងទៀតមានបំពាក់នូវបន្ទះឈីប MediaTek Dimensity 7300-Ultra និង MediaTek Helio G100-Ultra ដែលផ្តល់នូវបទពិសោធន៍យ៉ាងរលូនសម្រាប់ការលេងហ្គេម ការឡាយស្ទ្រីម និងការប្តូរកម្មវិធីរហ័ស។ ភ្ជាប់ជាមួយថ្មធំចាប់ពី 5110mAh ដល់ 5500mAh ឧបករណ៍ទាំងនេះ អាចបំពេញតម្រូវរបស់អ្នកបាន ពេញមួយថ្ងៃដោយមិនមានការរំខាន មិនថាអ្នកកំពុងបញ្ចប់គម្រោងការងារ ឬកម្សាន្តជាមួយកម្មវិធីដែលអ្នកចូលចិត្តនោះទេ។

លើសពីភាពខ្លាំងនៃសមត្ថភាពថ្ម ម៉ូឌែលទាំងអស់មានលក្ខណៈពិសេស ដែលប្រើបានយូរដែលត្រូវបានរចនាឡើងសម្រាប់ភាពប្រើប្រាស់រយៈពេលវែង ដោយរក្សាបានរហូតដល់ 80% នៃសមត្ថភាពរបស់ទូរស័ព្ទ បន្ទាប់ពីសាកបាន 1,600 ដង។ ដើម្បីបង្កើនអាយុកាលថ្មកាន់តែយូរ បច្ចេកវិទ្យាសាកថ្មឆ្លាតវៃ Smart Charging និង big-data-based aging prediction ដំណើរការជាមួយគ្នា ធ្វើឱ្យដំណើរការសាកថ្មកាន់តែប្រសើរ និងរក្សាសុខភាពថ្មយ៉ាងសកម្មសម្រាប់ដំណើរការជាប់លាប់។ លើសពីនេះ ម៉ូឌែល Pro ទាំងអស់រួមបញ្ចូលមុខងារបើករហ័ស ដែលផ្តល់នូវភាពងាយស្រួលនៃការបើកថាមពលក្នុងរយៈពេលត្រឹមប៉ុន្មានវិនាទីបន្ទាប់ពីអស់ថ្ម។

Google Gemini បានបំពាក់គ្រប់ស៊េរី ដើម្បីបង្កើតដំណើរការទៅកាន់កម្រិតមួយដ៏ងាយស្រួល ដោយបង្កើនបទពិសោធន៍ជាមួយនឹងសកម្មភាពរបស់អ្នក។ លើសពីនេះ Circle to Search ដែលមានលក្ខណៈពិសេសនៅលើ Redmi Note 14 Pro+ 5G និង Redmi Note 14 Pro 5G អនុញ្ញាតឱ្យអ្នកប្រើប្រាស់ស្វែងរកព័ត៌មានជុំវិញពួកគេកាន់តែលឿន ធ្វើឱ្យកិច្ចការប្រចាំថ្ងៃកាន់តែងាយស្រួល និងលឿនជាងមុន។

នៅក្នុងពិភពលោក ការបន្តភ្ជាប់ទំនាក់ទំនងគឺមានសារៈសំខាន់ជាងពេលណាទាំងអស់ Redmi Note 14 Series ត្រូវបានរចនាឡើង ដើម្បីធ្វើឱ្យមានតុល្យភាពរវាងដំណើរការ និងប្រសិទ្ធភាព ដោយផ្តល់ជូននូវការប្រើប្រាស់ពេញមួយថ្ងៃជាមួយនឹងភាពងាយស្រួលនៃការសាកថ្មលឿននៅពេលចាំបាច់បំផុត។

ទស្សនីយ៍ភាពដ៏អស្ចារ្យជាមួយនឹងអេក្រង់ការពារភ្នែកកម្រិតខ្ពស់
ជាមួយនឹងអេក្រង់ការពារភ្នែក 120Hz ដ៏រស់រវើក Redmi Note 14 Series ផ្តល់នូវបទពិសោធន៍ដ៏អស្ចារ្យតាមរយៈការផ្លាស់ប្តូរយ៉ាងរលូន ដែលនាំមកនូវខ្លឹមសារនៃជីវិត មិនថាការរមើលតាមប្រព័ន្ធផ្សព្វផ្សាយសង្គម ការមើលវីដេអូ ឬការលេងហ្គេមនោះទេ Redmi Note 14 Pro+ 5G និង Redmi Note 14 Pro 5G បង្កើនបទពិសោធន៍បន្ថែមទៀត ដោយផ្តល់នូវគុណភាពបង្ហាញច្បាស់ 1.5K ដែលធ្វើឲ្យរាល់ព័ត៌មានលម្អិតកាន់លេចធ្លោ៕