ជាការពិតណាស់ មនុស្សម្នាក់ៗ សុទ្ធតែមានក្តីស្រមៃ ចង់បានលំនៅឋានសមល្មម សម្រាប់ក្រុមគ្រួសារ មិនថា អ្នកនៅលីវ ឬមានគ្រួសារហើយថ្មីថ្មោង តែងមានបំណងប្រាថ្នា ទិញផ្ទះសមល្មមមួយដើម្បីរស់នៅ សក្តិសមទៅនឹងជីវភាព ។

អាស្រ័យផលទាំងនេះ និងគោលគំនិត “មនុស្សចេះតែកើត ដីនៅមួយកន្លែងដដែល” បានធ្វើឲ្យអ្នកវិនិយោគ ក្នុងនិងក្រៅស្រុក វិនិយោគលើសំណង់លំនៅឋាន មានទាំងខុនដូ និងសំណង់ផ្ទះល្វែង តាមបុរីនានា ដែលកំពុងរីកស្គុះស្គាយ នៅទីក្រុងភ្នំពេញ និងបណ្តាខេត្តនានា ក្នុងព្រះរាជាណាចក្រកម្ពុជា ។

យើងបានដឹងហើយថា កម្ពុជា ជាប្រទេសកំពុងស្ថិតក្នុង  ការអភិវឌ្ឍលើគ្រប់វិស័យ ដោយឡែកវិស័យសំណង់លំនៅឋាន ត្រូវបានគេសង្កេតឃើញ មានការផុសផុលលើសលុប តាមរយៈអ្នកវិនិយោគ វិស័យអចលនទ្រព្យ ដីធ្លី ទៅលើស្ថានភាពជាក់ស្តែង និងទៅតាមទីតាំងផ្សេងៗគ្នា តួរយ៉ាងតំបន់កណ្តាលរាជធានី ឬហៅថាក្នុងក្រុង ត្រូវបានគេសាងសង់ ជាសំណងខុនដូ ដើម្បីបំបែកតម្លៃ លំនៅឋានមកកម្រិតទៀប សម្រាប់ទ្រទ្រង់ ដល់ជីវភាព  ដងស៊ីតេប្រជាពលរដ្ឋ ចំណែកឯ តំបន់តាមជាយៗក្រុង ត្រូវបានគេ ធ្វើជាផ្ទះល្វែង ឬពុះដីឡូតិ៍ ដើម្បីកំណត់តម្លៃ សមស្របទៅតាម លទ្ធភាពប្រជាពលរដ្ឋ នាពេលបច្ចុប្បន្ន ។

ទាំងខុនដូ និងផ្ទះល្វែង តាមជាយៗក្រុង សុទ្ធតែត្រូវបានគេសាងសង់ឡើង ដោយគិតគូរ រួចជាស្រេច ដើម្បីគាំទ្រ ដល់ប្រជាពលរដ្ឋ ដែលមានប្រាកចំណូលសមល្មម អាចមានលទ្ធភាព ទិញ មិនថាទិញដាច់ (អោយលុយទាំងអស់) ឬបង់រំលស់ ដើម្បីរស់នៅ និងមានចំណុចពិសេសរៀងៗខ្លួន ដែលធ្វើឲ្យ មនុស្សមួយចំនួន មានចិត្តស្ទាក់ស្ទើរ មិនច្បាស់ថា ចង់បានខុនដូ នៅក្នុងទីក្រុង ឬចង់រកផ្ទះល្វែង នៅតាមជាយៗក្រុង?

ឆ្លើយនឹងសំណួរថា “រៀបការហើយថ្មីថ្មោង ចង់បានផ្ទះសមល្មម តម្លៃសមរម្យ គួរជ្រើសរើសខុនដូ ឬមួយផ្ទះ នៅតាមជាយៗក្រុង?” ត្រូវបានអ្នកជំនាញ ផ្នែកវិស័យអចលនទ្រព្យ លើកជាទហ្វីករ និងណែនាំ នូវចំណុចមួយចំនួន ដល់ប្រិយមិត្តអ្នកអាន អាចស្វែងយល់ និងត្រិះរិះពិចារណា ដោយខ្លួនឯងបានថា រវាងផ្ទះល្វែង នៅតាមជាយក្រុង ឬនិងខុនដូ មួយណាល្អសម្រាប់អ្នក។

នេះជាការលើកឡើង របស់លោក ឃាង ពុទ្ធី ប្រធានក្រុមប្រឹក្សាភិបាល សមាគមអ្នកជំនាញ អចលនទ្រព្យកម្ពុជា (CREA) បានលើកឡើងថា ” បើនិយាយ យើងគួរនិយាយ ដោយក្រមសិល្បធម៌ វិជ្ជាជីវៈ កុំឲ្យប៉ះពាល់ ដល់អ្នកដទៃ ជាគំនិតរបស់ខ្ញុំ យល់ឃើញថា ការសម្រេចចិត្តទិញផ្ទះ តាមជាយក្រុង ឬខុនដូរកណ្តាលក្រុង សុទ្ធតែមានអត្ថប្រយោជន៍រៀងៗខ្លួន តួយ៉ាង បុគ្គលម្នាក់នោះ គួរថ្លឹងថ្លែង អោយច្បាស់លាស់ មុនសម្រេចចិត្ត ទិញលំនៅឋាន មិនថា ខុនដូឬលំនៅឋាន តាមជាយក្រុង” ។

លោក ឃាង ពុទ្ធី បានឲ្យដឹងថា “បើយើងនិយាយទៅ វាប៉ះពាល់ទីផ្សារ យើងនិយាយខាងនោះល្អ ខាងនេះខឹង បើនិយាយទៅ វាអាស្រ័យលើ តម្រូវការ ឧទាហរណ៍ថា យើងទិញខុនដូ ជិតកន្លែងធ្វើការ ជិតកន្លែងយើងរៀន ហើយទៅទិញជាយក្រុង ជិះមកពីរម៉ោង ។ យើងបានដឹងហើយថា ទិញផ្ទះជាយក្រុង វាអាចបានទីធ្លាផ្ទះធំ ហើយអាចមានឡើងថ្លៃ ប៉ុន្តែយើងនិយាយពីតម្រូវការ ជួនកាលយើងទិញជាយក្រុង តើយើងខាតពេលវេលា មួយថ្ងៃប៉ុន្មាន មួយថ្ងៃយើងខាត ប្រហែលពីរម៉ោង សាំងអស់ប៉ុន្មាន ពេលវេលាអស់ប៉ុន្មាន រយៈពេល១០ឆ្នាំ តើអស់ប៉ុន្មាន? ចុះបើយើងនៅកណ្តាលក្រុង នេះជាផ្នែកមួយគួរពិចារណ” ។

ប្រធានក្រុមប្រឹក្សាភិបាលរូបនេះ បានគូសបញ្ជាក់ថា “មុននឹងទិញ យើងត្រូវគិតជាមុនសិនថា យើងទិញដើម្បីទុកយកចំណេញ ឬទិញសម្រាប់រស់នៅ? ចំពោះគូរស្វាមី ភរិយាថ្មីថ្មោង ហើយអ្នកដែលធ្វើការ ទើបតែមានផ្ទះ ឬចង់ទិញផ្ទះ លើកដំបូងទេ គួរតែរស់នៅ  តំបន់ទីប្រជុំជន ជិតសាលារៀនរបស់កូន ឬនៅជិតកន្លែងធ្វើការខ្លួនឯង ។ ហើយពេលស្ថានភាពសេដ្ឋកិច្ចរឹងមាំ បានយើងមានលុយសន្សំ រៀន Invest (វិនិយោគ) Second Home (ផ្ទះទី២) ឬក៏ដីធ្លី ទុកយកចំណេញ” ។

លោក ឃាង ពុទ្ធី បានសង្កត់ធ្ងន់ថា “ប្រសិនបើផ្ទះលំនៅឋានយើងទី១ នៅឆ្ងាយពេក គ្រាន់តែធ្វើដំណើរ ចូលមកកណ្តាលក្រុង ប្រើពេល១ម៉ោង ទៅ១ម៉ោងកន្លះ ដូចជាក់ស្តែង ការធ្វើដំណើរ ក្នុងទីក្រុង មានការកកស្ទះបន្តិច ឧទាហរណ៍ថា ពីទួលគោក មកបឹងកេងកង ប្រើពេល១ម៉ោងទៅហើយ (ពេលវេលាមមាញឹក) ។ ដូច្នេះវាអាស្រ័យ ទៅលើថា អ្នកវិនិយោគទុន ប្រជាជននឹងជាក់ស្តែង យើងមិនឈនៅលើ​ គោលការណ៍អ្វីមួយ យើងមិននិយាយតាមដែលយើង មានដីជាយក្រុង យើងកំពុងលក់ផ្ទះ នៅជាយក្រុង ហើយយើងនិយាយថា ជាយក្រុងល្អ យើងកំពុងកុហុក អតិថិជនទៅវិញទេ ។ ឬបើយើងសង់ខុនដូកណ្តាលក្រុង ហើយថា ទិញខុនដូរកណ្តាលក្រុងល្អ ក៏វាមិនល្អដែរ វាអាស្រ័យលើតម្រូវការ ស្ថានភាព បច្ចុប្បន្នភាព របស់បុគ្គលម្នាក់ៗ ។ នេះជាអ្វីដែលយើងនិយាយ អោយមានក្រមសិល្បធម៌ វិជ្ជាជីវៈ អោយគេធ្វើទៅត្រូវ” ។

ដូចបានលើកឡើងខាងលើ លោកបានបន្ថែមថា “ផ្ទះយើងឆ្ងាយ ហើយកន្លែងការងារ នៅកណ្តាលក្រុង ធ្វើដំណើរម្តង១ម៉ោងកន្លះ មានផលប៉ះពាល់ ដូចជាខូចសុខភាព ចំណាយលើប្រេងឥន្ធនៈច្រើន ពេលវេលាក៏ច្រើន គិតទៅធ្វើអោយយើង ខាតស្ទើរាល់ថ្ងៃ ។ ពិតមែនថា ចំណាយការចាប់ផ្តើម តិចតួច ប៉ុន្តែយើងខាតជារៀងរាល់ថ្ងៃ បើគិតទៅដល់១០ឆ្នាំក្រោយ យើងខាតប៉ុណ្ណា? ប្រសិនបើយើងមានខុនដូ តូចសមល្មមមួយ នៅកណ្តាលទីក្រុង នៅក្បែរកន្លែងធ្វើការរបស់យើង ធ្វើអោយយើងចំណេញពេល អាចជួបប្រាស្រ័យជាមួយដៃគូរជំនួញ ក៏អាចអោយយើង ប្រសើរឡើង សម្រាប់អនាគតផងដែរ” ។

អ្នកជំនាញរូបនេះ បានសង្គត់ធ្ងន់ថា “យោងទៅតាមតថភាពជាក់ស្តែង អចលនទ្រព្យ បើនិយាយទៅ មិនប្រាកដទៅលើកន្លែងណាល្អ ជាងកន្លែងណានោះទេ វាអាស្រ័យទៅលើ តម្រូវការ ហើយនិងស្ថានភាពជាក់ស្តែង របស់បុគ្គលម្នាក់ៗ”៕ ដោយ៖ ដារាត់

ភ្នំពេញ៖ ថ្វីបើជាផ្លូវចាស់ តែត្រូវបានរាជរដ្ឋាភិបាល ធ្វើការកែលម្អរួចរាល់ តាមរយៈក្រុមហ៊ុនចិន ផ្លូវក្រវ៉ាត់ក្រុង ដ៏មានសក្តានុពល លេខ៥១ កំពុងទាញយក ការវិនិយោគ ពីវិនិយោគិន ក្នុងនិងក្រៅស្រុក អាស្រ័យផលឧស្សាហកម្ម បានធ្វើឲ្យតំបន់នេះ ក្លាយជាតំបន់ ពាណិជ្ជកម្ម អំណោយផល លើការដឹកជញ្ជូន ដែលបានផ្តល់នូវ កំណើនសេដ្ឋកិច្ច ជូនប្រជាពលរដ្ឋ រស់នៅតំបន់នេះ ថែមមួយកម្រិត តាមរយៈការកកើតរោងចក្រ ឧស្សាហកម្ម ដែលតម្រូវការកម្លាំងពលកម្ម កាន់តែខ្លាំងឡើងៗ ។

ផ្លួវលេខ៥១ ក៏បានផ្លាស់ប្តូរមុខមាត់ថ្មីផងដែរ ទៅក្នុងវិស័យអចលនទ្រព្យ ជាពិសេសគឺវិស័យដីធ្លី តាមរយៈកំណើន នៃវិស័យអចលនទ្រព្យ នៅក្នុងតំបន់នេះ ដោយសារផ្លូវនេះ បានក្លាយជាផ្លូវក្រវ៉ាត់ក្រុងមួយ ដ៏មានសក្តានុពលសេដ្ឋកិច្ចខ្លាំង ព្រោះជាចរន្តដឹកជញ្ជូនទំនិញ ចេញចូល និងភ្ជាប់ជាទិសដៅប៉ូលសេដ្ឋកិច្ច ដល់ទៅ៣ ។ ផ្លូវជាតិលេខ៥១ មានសក្តានុពលសេដ្ឋកិច្ច ដោយសារតំបន់នេះ សំបូររោងចក្រឧស្សាហកម្ម សិប្បកម្ម និងគម្រោងលំនៅដ្ឋាន និងការអភិវឌ្ឍន៍ដីឡូតិ៍ ជាច្រើនកន្លែង។ បើគិតពីរោងចក្រ មានជាង៥០កន្លែង កំពុងដំណើរការ និងមានផ្សារ សាលារៀន និងស្ថាប័នហិរញ្ញវត្ថុ ធនាគារ គ្រឹះស្ថានមីក្រូហិរញ្ញវត្ថុ និងកន្លែងសេវាកម្មផ្សេងៗទៀត ដែលជាតំបន់សេដ្ឋកិច្ចពិសេស ទទួលបានការ ចាប់អារម្មណ៍យ៉ាងខ្លាំង ពីសំណាក់អ្នកវិនិយោគ ក្នុងស្រុក និងក្រៅស្រុក។

លោក ម៉ឹង យូឡេង ប្រធានមន្ទីរសាធារណការ និងដឹកជញ្ជូនខេត្តកណ្តាល បានឲ្យដឹងថា ផ្លូវលេខ៥១ ជាផ្លូវបង្រួញកាត់ក្រុង ងាយស្រួលដល់ការធ្វើចរាចរណ៍ របស់បងប្អូនប្រជាពលរដ្ឋ ដែលចង់បង្វៀងទីក្រុងភ្នំពេញ អាចធ្វើដំណើរតាមផ្លូវ៥១ ពីផ្លូវជាតិលេខ៤ មកផ្លូវលេខជាតិលេខ៥ ឬផ្លូវជាតិលេខ៥ មកផ្លូវជាតិលេខ៤វិញ ។

លោកបានឲ្យដឹងថា ផ្លូវលេខ៥១នេះ វាជាផ្លូវមួយ ដែលជាប់នឹងព្រំប្រទល់ខេត្តកណ្តាល និងកំពង់ស្ពឺ ត្រូវបានសាងសង់ឡើងវិញ ដោយក្រុមហ៊ុនចិន ដែលបានធ្វើឲ្យអ្នកខាងកំពង់ស្ពឺ ចង់កាត់ទៅខេត្តបាត់ដំបង ឬបណ្តាលខេត្តផ្សេងៗ លើផ្លូវជាតិលេខ៥ អាចធ្វើដំណើរកាត់តាមផ្លូវ៥១ អាចជាផ្លូវកាត់មួយ ជួយអោយការធ្វើដំណើរ ឆាប់រហ័សជាងមុន មិនបាច់កាត់ក្រុង ឬជួបបង្វៀងការកកស្ទះច្រើន ចំណេញពេលវេលា និងកាត់បន្ថយចំណាយ លើប្រេងឥន្ទៈ ។ មិនត្រឹមតែប៉ុណ្ណោះ ផ្លូវលេខ៥១ ត្រូវបានជួយសម្រួល ដល់ការដឹកជញ្ជូន និងធ្វើអោយកំណើនសេដ្ឋកិច្ច មានការកើនឡើង តាមរយៈជួយអោយប្រជាពលរដ្ឋ ធ្វើដំណើរ បានឆាប់រហ័សជាងមុន មិនកក់ស្ទះ ចំណេញពេលវេលា និងផ្តល់អត្ថប្រយោជន ដល់ប្រជាពលរដ្ឋ ដែលរស់នៅតាមបណ្តោយផ្លូវនេះ ជាពិសេស មានផលចំណេញច្រើន និងបានធ្វើឲ្យរីកចម្រើនខ្លាំង ទាំងសេដ្ឋជាតិ និងប្រជាពលរដ្ឋ ។

ជាមួយគ្នានោះ ប្រធានក្រុមប្រឹក្សាភិបាល សមាគមអ្នកជំនាញ អចលនទ្រព្យកម្ពុជា (CREA) លោក ឃាង ពុទ្ធី កាលពីពេលថ្មីៗនេះ ក្នុងបទសម្ពាសន៍ផ្ទាល់ ជាមួយមជ្ឈមណ្ឌព័ត៌មាន ដើមអម្ពិល បានលើកឡើងថា ផ្លូវ៥១ ជាផ្លូវតំបន់ឧស្សាហកម្ម ដោយសារហេដ្ឋារចនាសម្ព័ន្ធផ្លូវ៥១ ជាផ្លូវក្រវ៉ាត់ក្រុង ដែលមានទំនាក់ទំនង ជាមួយផ្លូវជាតិ៥ តទៅផ្លូវជាតិលេខ៤ ធ្លុះទៅដល់ផ្លូវជាតិលេខ៣ ដែលនៅជិតកំពង់ផែរ ប្រសិនបើយើងដាក់ទីតាំងធ្វើរោងចក្រ និងកន្លែងផលិតអ្វីផ្សេងៗ ងាយស្រួលចេញចូល និងដឹកទំនិញ ទៅផែរអន្តរជាតិ ដែលមាននៅកំពត់ ក្រុងព្រះសីហនុ និងខេត្តកោះកុង បានន័យថា តំបន់ភាគខាងនឹង(ផ្លូវ៥១) កៀកនឹងក្រុងផង ហើយងាយស្រួល ក្នុងការដឹកជញ្ជូនវត្ថុធាតុដើម ហើយនិងផលិតផលសម្រេច ចេញទៅផែរអន្តរជាតិផងដែរ ។

តាមរយៈទស្សនវិស័យ របស់លោក នួន ឬទ្ធី ប្រធានក្រុមហ៊ុន KFA ដែលជាអ្នកវិនិយោគលើវិស័យអចនលទ្រព្យ ក៏បានលើកឡើង កាលពីពេលថ្មីៗនេះ ក្នុងបទសម្ពាសន៍ ជាមួយភ្នាក់ងារ ដើមអម្ពិល បានឲ្យដឹងដែរថា ផ្លូវ៥១ ល្អសម្រាប់ឧស្សាហកម្ម ទាំងបច្ចុប្បន្ន ទាំងថ្ងៃអនាគត ។ យើងបានដឹងហើយថា និនាការ ឧស្សាហកម្ម ធំបំផុត គឺកម្លាំងពលកម្ម ដីទីនោះសក្តិសមហើយ យើងអាចកែឆ្នៃបាន ពីដី កសិកម្ម ដីវាលរហោដ្ឋាន អាចធ្វើជាឧស្សាហកម្ម គឺមានតម្លៃធូរ តម្លៃដីនៅផ្លូវ ៥១ នៅមានតម្លៃទាប នៅឡើយ ខ្ពស់បំផុត ត្រឹមប្រហាក់ប្រហែល ២០ដុល្លារ ក្នុង១ម៉ែត្រការ៉េ ដូច្នេះសក្តិសម នឹងសួនឧស្សាហកម្មខ្លាំងណាស់ ។

ដោយមើលឃើញ នូវសក្តានុពល នៃផ្លូវក្រវ៉ាត់ក្រុងលេខ៥១ ក្រុមហ៊ុនសាងសង់លំនៅឋាន គម្រោង បុរី អូរ៉ូរ៉ា ស៊ីធី ផ្លូវជាតិលេខ៥១ (ឧដុង្គ) ក៏បានគិតគូរយ៉ាងឥតខ្ចោះ ទៅលើប្រព័ន្ធធារាសាស្ត្រ ផ្លូវថ្នល់ ខ្វែងខ្វាត់ធំទូលាយ ប្រព័ន្ធលូបង្ហូរទឹកស្អុយ បង្កប់ទៅដោយទំហំធំ មិនកក់ស្ទះ គ្រប់ដណ្តប់ទៅដោយ អំពូលភ្លើងអគ្គិសនី អមពេញដងផ្លូវ ដែលជាកត្តាមួយ ជួយជម្រុយអោយតំបន់ ដែលពេលពេញ ទៅដោយសក្តានុពល សេដ្ឋកិច្ចមួយនេះ ទាក់ទាញកាន់តែខ្លាំង ។ ទាំងនេះជាកត្តាសំខាន់ៗ សម្រាប់អតិថិជន ចង់ស្វែងរកលំនៅឋាន រស់នៅសមប្រកប ដោយគម្រោង បុរី អូរ៉ូរ៉ា ស៊ីធី ឧដុង្គ ជាតំបន់ល្អបំផុត ដែលមានប្រព័ន្ធទឹក ប្រឡាយ បង្គោលភ្លើង ផ្លូវបេតុងខ្វែងខ្វាត់ និងសំណង់សហគ្រាសតូចធំនានា ក្បែលគម្រោងនេះ កំពុងដុះឡើង ដូចផ្សិត ជាពិសេសសាកសម នឹងការប្រកបអាជីវកម្ម ដែលអាចផ្តល់ នូវប្រាក់ចំណេញខ្ពស់ ចំពោះការទិញ-លក់ ឬដាក់ជួល ជាអគារការិយាល័យផ្សេងៗ ខណៈដែលតំបន់នេះ ជាតំបន់គោលដៅ ក្នុងការអភិវឌ្ឃន៍បន្ថែម ឱ្យក្លាយជាតំបន់រណប ដែលទាក់ទាញបំផុត ។

គួរបញ្ជាក់ថា គម្រោង បុរី អ៊ូរ៉ូរ៉ា ស៊ីធី ស្ថិតនៅលើផ្លូវជាតិលេខ៥១ ភូមិក្បាលអូរ ឃុំព្រះស្រែ ស្រុកឧដុង្គ ខេត្តកំពង់ស្ពឺ គឺជាគម្រោងទី២ ដើម្បីទទួលបានព័ត៌មានលម្អិត អាចធ្វើការទំនាក់ទំនង មកកាន់លេខទូរស័ព្ទ៖ ០១៧ ២២២ ០៩៩ / ០៨៦ ៦៦៦ ៣៧៥៕

ភ្នំពេញ៖ ព្រឹត្តិការណ៍រ៉ូដសូ ឬហៅថាកម្មវិធី បង្ហាញព័ត៌មាន​លំអិ​ត របស់ធនាគារ អេស៊ីលីដា ទៅកាន់ដៃគូរវិនិយោគ កាលពីរសៀលថ្ងៃទី៣ មីនា ឆ្នាំ២០២០ នៅការិយាល័យកណ្ដាល ធនាគារអេស៊ីលីដា មានអ្នកចាប់អារម្មណ៍ច្រើន និងបានចូលរួមលើសពីអ្វី​ ដែលបានគ្រោងទុក គឺមានរហូត ដល់ជាង៥០០នាក់ ខណៈធនាគាររំពឹងថា មានត្រឹមតែ ៣០០នាក់ប៉ុណ្ណោះ ដែលបានធ្វើឡើង ដោយមានការចូលរួម ពីតំណាងធនាគារជាតិ និងគណៈកម្មការ មូលបត្រកម្ពុជាផងដែរ ។

លោកបណ្ឌិត អ៊ិន ចាន់នី​​ ប្រធាននាយកប្រតិបត្តិ ធនាគារអេស៊ីលីដា ភីអិលស៊ី បានមានប្រសាសន៍ថា លោកមិននឹកស្មានថា កម្មវិធីបង្ហាញព័ត៌មានលម្អិត របស់ធនាគារអេស៊ីលីដា ដែលធ្វើលើកទី១នេះ មានអ្នកចាប់អារម្មណ៍ នឹងចូលរួមច្រើនដូច្នេះទេ ។ ដំបូងឡើយ ខាងធនាគារគិតថា ប្រហែលជាមានអ្នកចូលរួម ប្រមាណត្រឹម ៣០០នាក់ប៉ុណ្ណោះ តែនៅពេលជិតដល់ថ្ងៃ រៀបចំកម្មវិធី មានអ្នកចុះឈ្មោះ មកចូលរួមរហូត ដល់៥០០នាក់ ឯណោះ ។

លោកបន្តថា ធនាគារអេស៊ីលីដា ធ្វើអ្វីទៅតាមលំដាប់លំដោយ និងមិនបង្ខំ ក្នុងការលក់មូលបត្រ ទៅអតិថិជនឆាប់ៗនោះទេ តែយើងចង់អោយសាធារណជន ដែលគ្រោងទិញ មូលបត្រកម្មសិទ្ធិសាធារណៈ របស់ធនាគារអេស៊ីលីដា បានយល់ច្បាស់ និងមិនអោយចេះតែទិញ ដោយមិនបានយល់ពីអ្វី ទៅជាការទិញលក់ ភាគហ៊ុននោះទេ ដូច្នេះហើយទើបអេស៊ីលីដា បានបង្កើតនូវសិក្ខាសាលា ផ្សព្វផ្សាយជាច្រើនលើក និងបន្តបន្ទាប់មកទៀត ក៏ធ្វើកម្មវិធីបន្តបន្ទាប់ ជាក់ស្ដែងដូចជាកម្មវិធីរ៉ូដសូ ដែលគ្រោងធ្វើពីរលើក និងកម្មវិធីបុកបៀលឌីង ជាច្រើនថ្ងៃផងដែរ ។

លោកថា «អេស៊ីលីដា គឺមិនប្រញ៉ាប់ ក្នុងការលក់ ទៅសាធារណជននោះទេ គឺធ្វើអ្វី ទៅតាមផែនការ ព្រោះអេស៊ីលីដា មានហិរញ្ញវត្ថុរឹងមាំ ដោយមិនចាំបាច់ ត្រូវការទុនពីសាធារណជន មកពង្រីកអាជីវកម្មទេ តែយើងចង់ចែករំលែក អោយសាធារណជន ក្លាយជាម្ចាស់ភាគទុនិក របស់ធនាគារអេស៊ីលីដាវិញ» ។

លោកស៊ូ សុជាតិ អគ្គនាយកគណៈកម្មការ មូលបត្រកម្ពុជា ការវិនិយោគ លើភាគហ៊ុន មិនលើកទឹកចិត្ត ដល់អ្នកដែលខ្វីលុយធនាគារ ទៅវិនិយោគនោះទេ ។ ការវិនិយោគ គួរតែចេញពីថវិកាផ្ទាល់ខ្លួន ដែលនៅសល់ ទើបមិនបង្កអោយមានហានិភ័យ ។

លោកថា« ការវិនិយោគភាគហ៊ុន គឺរំពឹងដើម្បីបានផលចំណេញ ហើយបើផលចំណេញនោះ មិនគ្រប់នឹងថ្លៃសងការប្រាក់ ទៅធនាគារវិញផងនោះ តើគួរយកសាច់ប្រាក់ ពីធនាគារមកវិនិយោគឬយ៉ាងណា » ។

លោកបន្តថា ការវិនិយោគ លើផ្សារភាគហ៊ុននៅកម្ពុជា នាពេលបច្ចុប្បន្ននេះ កំពុងត្រូវមានការចាប់អារម្មណ៍ ពីសាធារណជនកម្ពុជាជាច្រើន ដែលធ្វើអោយសកម្មភាព នៃការទិញលក់មូលបត្រ នៅក្នុងផ្សារមូលបត្រ មានការកើនឡើង គួរអោយកត់សម្គាល់ ។ តាមរយៈការចូល ក្នុងផ្សារមូលបត្រ របស់ធនាគារអេស៊ីលីដា លោកជឿថា នឹងជំរុញអោយសកម្មភាព នៃការជួញដូរភាគហ៊ុន នៅក្នុងទីផ្សារ នឹងកាន់តែកើនឡើង មួយកម្រិត ។

លោកម៉ែន ភក្ដី ប្រធាននាយកដ្ឋាន អាជ្ញាប័ណ្ណនៃធនាគារជាតិ នៃកម្ពុជា បានមានប្រសាសន៍ថា ធនាគារអេស៊ីលីដា មានការរីកលូតលាស់ ជាបន្តបន្ទាប់ គួរអោយកត់សម្គាល់ ជាក់ស្ដែងធនាគារនេះ បានពង្រីកសេវាកម្មរបស់ខ្លួន នៅទូទាំងប្រទេស ព្រមទាំងបង្កើតបាន នូវក្រុមហ៊ុនបុត្រសម័្ពន្ធ ជាច្រើនផងដែរ ដូចជាធនាគារអេស៊ីលីដាឡាវ មីក្រូហិរញ្ញវត្ថុ មីយ៉ាន់ម៉ា វិទ្យាស្ថានពាណិជ្ជសាស្ត្រ អេស៊ីលីដា និង Acleda Security ជាដើម ។ ជាមួយនឹងការរីកចម្រើន ជាបន្តបន្ទាប់នេះ ធនាគារក៏ត្រូវការ ប្រភពទុនបន្ថែម ដើម្បីវិនិយោគ និងការរីកចម្រើនបន្តទៀត ។

ស្របជាមួយនឹងជំនឿទុកចិត្ត ពីសាធារណជន មកលើវិស័យធនាគារ ការបោះផ្សាយមូលបត្រ កម្មសិទ្ធិជាសាធារណៈនេះ ក៏ជាផ្នែកមួយ នៃការផ្ដល់ជំនឿទុកចិត្ត ដល់សាធារណជន លើវិស័យធនាគារផងដែរ៕

បច្ចុប្បន្ននេះ អ្វីដែលអតិថិជនគ្រប់រូប កំពុងស្វែងរកលំនៅឋានស្អាត សម្រាប់រស់នៅ តែងតែព្រួយបារម្ភ ទៅលើគុណភាពសំណង់ ខណៈដែលចូលស្នាក់នៅ មិនទាន់បានប៉ុន្មានផង ត្រូវឈឺក្បាល ទៅលើបញ្ហាជ្រាបទឹក ក៏ដូចជាស្ទះលូ និងបញ្ហាប្រេះជញ្ជាំងជាដើម ។

ដោយមើលឃើញ ពីកង្វល់របស់ប្រជាជនកម្ពុជា បានធ្វើឲ្យ បុរី អូរ៉ូរ៉ា ស៊ីធី ដែលបាននឹងកំពុងសាងសង់ លំនៅឋានប្រណិត ក្នុងតំបន់អភិវឌ្ឍ បានគិតគូរ និងយកចិត្តទុកដាក់ខ្ពស់ ទៅលើការងារសាងសង់ ដើម្បីសម្រេចឲ្យបាន គុណភាព សំណង់រឹងមាំ ដែលត្រូវបានសាងសង់ ដោយវិស្វករសំណង់ល្បីៗ មានបទពិសោធន៍ និងស្នាដៃជាច្រើន លើវិស័យនេះ ។

បុរី អូរ៉ូរ៉ា ស៊ីធី បានគិតគូរយ៉ាងយកចិត្តទុកដាក់ ទៅលើមូលដ្ឋានគ្រឹះ នៃសំណង់អាគារ និងបានសិក្សា លើការសាងសង់ តាមបទដ្ឋានស្តង់ដា បែបអូស្ត្រាលី ដែលបានបូករួមទាំង ការសិក្សាគ្រប់ជ្រុងជ្រោយ ជាមួយលក្ខណៈពិសេសជាច្រើន ដែលអាចធ្វើឲ្យអតិថិជន អស់ក្តីបារម្ភ និងជឿជាក់ក្នុងការរស់នៅ ប្រកបដោយសុភមង្គល ជាមួយក្រុមគ្រួសារ យ៉ាងរីករាយ ។

បុរីអូរ៉ូរ៉ា ស៊ីធី គឺជាសំណង់លំនៅឋានប្រណិត ប្រកបដោយផាសុភាព និងស៊ីវីល័យ សម្រាប់ពលរដ្ឋកម្ពុជា ជាពិសេស បុរីអូរ៉ូរ៉ា ស៊ីធី ផុសឡើង ស្ថិតក្នុងតំបន់អភិវឌ្ឍន៍ ស្ទើគ្រប់វិស័យ ដូចជា៖
-ស្ថិតនៅលើផ្លូវធំភ្លោះ (40ម) ភ្ជាប់ពីផ្លូវ 1962 កាត់ផ្លូវសម្តេចជាស៊ីម (40ម) និងឆ្ពោះទៅផ្លូវទំនប់កប់ស្រូវ ផ្សារដើមគរថ្មី
-ស្ថិតក្នុងតំបន់កំពង់រីកចម្រើនខ្លាំង ក្នុងខណ្ឌសែនសុខ ហ៊ុព័ទ្ធដោយ មណ្ឌលពាណិជ្ជកម្ម អន្តរជាតិធំៗ ដូចជា: ផ្សារម៉ាក្រូ ផ្សារអ៊ីអន2 ផ្សារហ្លូបល…
-ជាផ្ទះប្រភេទអាជីវកម្ម ការចនាម៉ូតទំនើប ទាន់សម័យ
-ទទឹងផ្ទះធំទូលាយទំហំ 4.50ម
-ផ្ទះកំពស់ 3ជាន់កន្លះ ប្លង់សេមានកំរាស់រហូតដល់ 1.20 តឹក និងចាក់ប្លង់សេបេតុង រហូតដល់ដំបូល
-មានបន្ទប់គេង 4 បន្ទប់ដាក់សម្ភារះ 1 បន្ទប់ ជាន់ដំបូល 1 និងបន្ទប់ទឹក 5
-សល់ដីមុខផ្ទះចាប់ពី 7មឡើងទៅ
-សល់ដីក្រោយ 2ម ។

ដោយឡែក លោកអ្នកដែលធ្វើការទិញ សំណង់លំនៅឋាន អូរ៉ូរ៉ាស៊ីធី នឹងទទួលបានការបំពាក់សម្ភារៈ រួចជាស្រេចជាច្រើន ដូជា៖
-ទូតាំងនៅជាន់ផ្ទាល់ដី
-ទូចង្រ្កានបាយ1ឈុត
-ឧបករណ៏បឺតផ្សែង
-ទ្វាររមូ
-ស៊ីទែនទឹកចំណុះ 1000លីត្រ
-ភ្ជាប់ចរន្តអគ្គសនី 32A
ពិសេសជាងនេះទៅទៀតនោះ មានប្លង់រឹងនៃក្បាលដីគ្រប់ផ្ទះរួចជាស្រេច ។

ទំនាក់ទំនងទិញ៖ 093 553 855 / 017 222 072 / 017 222 071/ 017 222 069 ។ អាសយដ្ឋានគម្រោង៖ ផ្លូវ 1962, ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (ជិតសួនចំការព្រីង និងសាលាមុំ)៕