ភ្នំពេញ: រថយន្ត BYD គ្រឿងទី ២៥០០ ក្នុងឆ្នាំ ២០២៥ ត្រូវបានប្រគល់ជូនម្ចាស់រថយន្តជាផ្លូវការ។ តួលេខខ្លួនវាមិនស្មុគស្មាញទេ ប៉ុន្តែអត្ថន័យដែលវាបានតំណាងគឺសំខាន់ជាង ២៥០០ ទៅទៀត។ នេះគឺជាចម្លើយវិជ្ជមាន ២៥០០ ក្នុងឆ្នាំ ២០២៥, ជាការចាប់ផ្តើមនៃទំនុកចិត្ត២៥០០ ដង និងជាជំហានមួយឆ្ពោះទៅកាន់អនាគតសម្រាប់២៥០០គ្រួសារ នៅពេលដែលពួកគេប្រឈមមុខនឹងជម្រើសនៃការធ្វើដំណើរ។ លើសពីនេះទៅទៀត វាគឺជាការចាក់ឫស និងការប្តេជ្ញាចិត្តរយៈពេលវែងរបស់ក្រុមហ៊ុន BYD នៅលើទឹកដីកម្ពុជា។

ការប្រគល់រថយន្តនីមួយៗគឺជាការចាប់ផ្តើមនៃទំនាក់ទំនងមួយ

“Every Sale, A New Friendship” ដែលជាបាវចនាដែលបានបោះពុម្ពនៅលើជញ្ជាំងខាងក្រោយនៃព្រឹត្តិការណ៍នេះ មើលទៅសាមញ្ញជាពិសេសនៅក្រោមពន្លឺភ្លើង។ វាមិនមែនជាពាក្យស្លោកទីផ្សារទេ ប៉ុន្តែវាជាការសន្យាមួយ។

នៅក្នុងពិធីនេះ អតិថិជនចាស់ៗជាច្រើននាក់បានឡើងលើឆាក។ ពួកគេមិនបានប្រើពាក្យស្មុគស្មាញទេ ប៉ុន្តែបានចាប់ផ្តើមនិយាយពីរឿងតូចតាចក្នុងជីវិតប្រចាំថ្ងៃរបស់ពួកគេ – អ្នកខ្លះនិយាយថា BYD ធ្វើឱ្យការធ្វើដំណើររបស់គាត់កាន់តែងាយស្រួល។ អ្នកខ្លះទៀតនិយាយថា ស្ថានីយប្រេងឥន្ធនៈលែងជាកន្លែងដែលត្រូវទៅរៀងរាល់សប្តាហ៍ទៀតហើយ។ហើយអ្នកខ្លះទៀតនិយាយថា ភាពស្ងៀមស្ងាត់ និងស្ថិរភាពធ្វើឱ្យការធ្វើដំណើររបស់គ្រួសារមានភាពកក់ក្តៅ និងសុវត្ថិភាព។

ពួកគេបានចែករំលែកមិនមែនអំពីផលិតផលទេ ប៉ុន្តែជាបំណែកនៃជីវិតដែលពួកគេបានចំណាយជាមួយ BYD – ការធ្វើដំណើរទៅធ្វើការ ការធ្វើដំណើរកម្សាន្តនៅថ្ងៃបុណ្យ និងការទៅលេងមិត្តភក្តិ និងក្រុមគ្រួសារ។មានតែនៅពេលដែលម៉ាកយីហោមួយបានចាក់ឫសយ៉ាងជ្រៅនៅក្នុងជីវិតប្រចាំថ្ងៃរបស់អ្នកប្រើប្រាស់ប៉ុណ្ណោះ ទើបវាអាចប្រែក្លាយពី ‘ជម្រើស’ទៅជា ‘ការពឹងផ្អែក’ និងអាចប្រែក្លាយពី ‘ទង្វើនៃការទិញរថយន្ត’ ទៅជា‘ទំនាក់ទំនងទំនុកចិត្ត’ ដ៏ជ្រាលជ្រៅ។

ពីភ្នំពេញទៅទូទាំងប្រទេស ក្រុមហ៊ុន BYD កំពុងកសាងប្រព័ន្ធសេវាកម្មក្រោយពេលលក់ថ្មី ការប្រគល់រថយន្ត ២៥០០ គ្រឿងគឺជាការទទួលស្គាល់ផលិតផលប៉ុន្តែអ្វីដែលសំខាន់ជាងនេះទៅទៀតនោះ គឺការបន្តនៃសេវាកម្ម និងទំនុកចិត្ត។

ក្នុងរយៈពេលប៉ុន្មានខែចុងក្រោយនេះ នៅពេលដែលចំនួនអ្នកប្រើប្រាស់បន្តកើនឡើង សម្ពាធនៃសេវាកម្មក្រោយពេលលក់ក៏បានកើនឡើងផងដែរ។ ក្រុមហ៊ុន BYD Cambodia របស់ Harmony Auto មិនបានគេចវេសពីបញ្ហានេះទេ ប៉ុន្តែបានជ្រើសរើសប្រឈមមុខនឹងបញ្ហាប្រឈមនិងពន្លឿនការកសាងប្រព័ន្ធសេវាកម្មថ្មី។ បច្ចុប្បន្ន ក្រុមហ៊ុនកំពុងពង្រីកបណ្ដាញចែកចាយយ៉ាងសកម្ម ហើយគ្រោងនឹងបង្កើនចំនួនហាងសរុបដល់ ១៣ កន្លែងនៅត្រឹមចុងឆ្នាំនេះ ដើម្បីឱ្យការទិញរថយន្ត និងការប្រឹក្សាយោបល់កាន់តែងាយស្រួលសម្រាប់អតិថិជន។ នៅភ្នំពេញ ក្រុមហ៊ុនក៏នឹងបន្ថែមមណ្ឌលសេវាកម្មចំនួន ៣ទៀតនៅចុងឆ្នាំ ដែលនឹងធ្វើឱ្យចំនួនមណ្ឌលសេវាកម្មក្រោយពេលលក់នៅភ្នំពេញកើនដល់ ៤ កន្លែង។

បណ្ដាញសេវាកម្មក្រោយពេលលក់ក៏កំពុងត្រូវបានពង្រឹងផងដែរដែលរួមមានទាំងគម្រោងសាងសង់ថ្មីៗដូចជាហាងលក់រថយន្ត Flagship នៅតាមបណ្ដោយផ្លូវសម្ដេចតេជោ ហ៊ុន សែន មណ្ឌលសេវាកម្មនៅសៀមរាប និងមណ្ឌលសេវាកម្មនៅក្រុងព្រះសីហនុ។ គម្រោងទាំងនេះនឹងបើកដំណើរការនៅក្នុងត្រីមាសទី ៤។

បន្ថែមពីនេះ ក្រុមហ៊ុនក៏កំពុងពន្លឿនការរៀបចំបណ្ដាញសេវាកម្មនៅខេត្តបាត់ដំបងផងដែរ ដើម្បីធានាថាវាអាចដាក់ឱ្យដំណើរការផ្លូវការនៅចុងឆ្នាំនេះ ក្នុងគោលបំណងផ្ដល់សេវាកម្មគាំទ្របានទាន់ពេលវេលា និងនៅកៀកបំផុតសម្រាប់ម្ចាស់រថយន្តនៅក្នុងបណ្ដាខេត្តផ្សេងៗទៀត។

ទន្ទឹមនឹងនេះដែរ រោងចក្រផលិតរថយន្តរបស់ BYD ដែលពិតជាជាកម្មសិទ្ធិរបស់កម្ពុជាក៏កំពុងសាងសង់ផងដែរ ហើយវាត្រូវបានរំពឹងថានឹងចាប់ផ្តើមផលិតនៅក្នុងឆ្នាំនេះ។ នេះមិនត្រឹមតែធ្វើអោយប្រសើរឡើងនូវប្រសិទ្ធភាពនៃការប្រគល់រថយន្តក្នុងស្រុកប៉ុណ្ណោះទេ ប៉ុន្តែវាក៏នឹងជំរុញការងារក្នុងស្រុក និងការអភិវឌ្ឍខ្សែសង្វាក់ផ្គត់ផ្គង់ថាមពលថ្មីផងដែរ។ ក្រុមហ៊ុន BYD បានផ្លាស់ប្តូរពី ‘ការនាំចូលរថយន្ត’ ទៅជា ‘ការផលិតក្នុងស្រុក’ ដែលបានចាក់ឫសយ៉ាងជ្រៅនៅលើទឹកដីកម្ពុជា។ ចំនួននៃការប្រគល់កំពុងកើនឡើង ហើយការរំពឹងទុករបស់អតិថិជនក៏កំពុងកើនឡើងផងដែរ។ ក្រុមហ៊ុន BYD យល់ច្បាស់ថា៖ សមត្ថភាពនៃសេវាកម្មត្រូវតែផ្គូផ្គងនឹងទំនុកចិត្តរបស់ម៉ាកយីហោ។

ការបង្ហាញផលិតផលថ្មី នាំមកនូវជំពូកថ្មីនៃការធ្វើដំណើរបៃតង

នៅក្នុងព្រឹត្តិការណ៍ថ្លែងអំណរគុណអតិថិជននេះ ក្រុមហ៊ុន BYD បានណែនាំនូវម៉ូដែលថ្មីពីរគឺ BYD Sealion 7 និង BYD M9 ដែលបង្ហាញពីភាពខ្លាំងនៃនវានុវត្តន៍របស់ខ្លួននៅក្នុងវិស័យថាមពលថ្មី និងបំពេញតម្រូវការទីផ្សាររបស់កម្ពុជាសម្រាប់ការធ្វើដំណើរបៃតង។

BYD Sealion 7 គឺជាប្រភេទរថយន្ត SUV អគ្គិសនីសុទ្ធទំនើបថ្មីស្រឡាង ដែលអាចបើកបរបានចម្ងាយឆ្ងាយបំផុតដល់ទៅ ៥២០ គីឡូម៉ែត្រ។ រីឯ BYD M9 វិញ គឺជាប្រភេទរថយន្ត MPV ដែលរួមបញ្ចូលគ្នានូវបច្ចេកវិទ្យាទំនើប និងភាពប្រណីត ដោយបំពាក់បច្ចេកវិទ្យា Super Hybrid ដែលអាចជួយឱ្យរថយន្តបើកបរបានចម្ងាយកាន់តែឆ្ងាយនៅពេលចាក់ប្រេងពេញ និងសាកភ្លើងពេញ។

រថយន្តម៉ូដែលថ្មីទាំងពីរនេះ គ្រោងនឹងចេញលក់ជាបន្តបន្ទាប់នៅក្នុងខែតុលាខាងមុខ ដែលមិនត្រឹមតែជួយបំពេញបន្ថែមជម្រើសផលិតផលរបស់ BYD នៅក្នុងប្រទេសកម្ពុជាប៉ុណ្ណោះទេ ថែមទាំងផ្ដល់ជូននូវជម្រើសនៃការធ្វើដំណើរដ៏ប្រណីត ឆ្លាតវៃ និងបៃតងដល់អតិថិជនផងដែរ។ នេះសបញ្ជាក់ឱ្យឃើញពីភាពលេចធ្លោរបស់ BYD ក្នុងការដឹកនាំនិន្នាការថ្មីនៃការធ្វើដំណើរដ៏បៃតង និងឆ្លាតវៃនៅក្នុងប្រទេសកម្ពុជា។

កម្ពុជាកំពុងក្លាយជាទីផ្សារអាទិភាពរបស់ក្រុមហ៊ុន BYD

ក្រុមហ៊ុន BYD បានចាត់ទុកកម្ពុជាជាទីផ្សារយុទ្ធសាស្ត្រដែលតម្រូវឱ្យមានការអភិវឌ្ឍន៍គ្រប់ជ្រុងជ្រោយ។ វាគឺជាទីផ្សារអាទិភាពដែលក្រុមហ៊ុនពិតជាសង្ឃឹមថានឹងធ្វើការអភិវឌ្ឍន៍រយៈពេលវែង និងផ្តល់សេវាកម្មស៊ីជម្រៅ។ នៅក្នុងជម្រើសផលិតផល ក្រុមហ៊ុន BYD បានសម្រេចការគ្របដណ្តប់ពេញលេញចាប់ពីការធ្វើដំណើរប្រចាំថ្ងៃ រហូតដល់រថយន្តអាជីវកម្មខ្នាតមធ្យម និងធំ និងពីអគ្គិសនីសុទ្ធទៅ Super Hybrid ៖ ម៉ូដែលអគ្គិសនីសុទ្ធចំនួនបួនគឺ Seagull, ATTO2, ATTO3, HAN និងម៉ូដែល Super Hybrid បីគឺ Sealion 5, Sealion 6, Shark 6 ដែលបំពេញតម្រូវការផ្សេងៗដូចជា៖ ក្នុងក្រុង គ្រួសារ អាជីវកម្ម និងក្រៅផ្ទះ។ នាពេលអនាគត ក្រុមហ៊ុន BYD នឹងបន្តពង្រីកការណែនាំផលិតផលការវិនិយោគសេវាកម្ម និងកិច្ចសហប្រតិបត្តិការក្នុងស្រុក ដើម្បីធ្វើឱ្យ‘រថយន្តថាមពលថ្មី’ មិនត្រឹមតែជាជម្រើសមួយប៉ុណ្ណោះទេ ប៉ុន្តែក៏ក្លាយជា‘ផ្នែកមួយនៃជីវិតប្រចាំថ្ងៃ’ របស់ប្រជាជនកម្ពុជាកាន់តែច្រើនឡើងៗ។

២៥០០ គ្រឿង គឺជាតួលេខមួយ ក៏ជាចម្លើយផងដែរ វាតំណាងឱ្យមនុស្ស ២៥០០ នាក់ដែល “មានឆន្ទៈក្នុងការជឿ”; វាក៏ជាដំណើរការដែលក្រុមហ៊ុន BYD បានរីកចម្រើនពីមនុស្សមិនស្គាល់គ្នានៅក្នុងទីផ្សារមួយ ក្លាយទៅជាអ្នកចូលរួមក្នុងជីវិតរបស់ប្រជាជន។ វាថែមទាំងមានន័យថា លទ្ធភាពនៃការប្រគល់រហូតដល់ ៤០០០, ៥០០០, ឬ១០០០០ គ្រឿងនាពេលអនាគតបានត្រៀមរួចជាស្រេចដើម្បីកើតឡើង។ នៅក្នុងនិន្នាការដ៏ធំនៃការនាំចេញរថយន្តថាមពលថ្មីទៅកាន់បរទេសក្រុមហ៊ុន BYD មិនបានជ្រើសរើសផ្លូវកាត់ដើម្បី ‘ទទួលបានប្រាក់ចំណេញរហ័ស’ នោះទេ ប៉ុន្តែបានដើរលើផ្លូវដ៏វែងឆ្ងាយនៃការ‘កសាងទំនុកចិត្ត’។ នៅកម្ពុជា ផ្លូវនេះទើបតែចាប់ផ្តើមប៉ុណ្ណោះ។ យើងដឹងយ៉ាងច្បាស់ថា ភាពជោគជ័យរហ័សគឺងាយស្រួលសម្រេចបាន ប៉ុន្តែទំនុកចិត្តយូរអង្វែងគឺពិបាកនឹងទទួលបាន។ ហើយផ្លូវដែលយើងត្រូវដើរគឺជាផ្លូវដ៏វែងឆ្ងាយដែលត្រូវការការអត់ធ្មត់ និងភាពស្មោះត្រង់ – ដើម្បីសម្រេចបាននូវភាពយូរអង្វែងពិតប្រាកដនៅក្នុងផលិតផល សេវាកម្ម ការផលិត និងទំនាក់ទំនងអារម្មណ៍។

យើងតែងតែជឿថា រាល់ការប្រគល់រថយន្តនីមួយៗ គឺជាការចាប់ផ្តើមនៃសាច់រឿងមួយ។ Every Sale, A New Friendship. នេះគឺជាការប្តេជ្ញាចិត្តរបស់ក្រុមហ៊ុន BYD ចំពោះទីផ្សារ និងជាចម្លើយចំពោះអ

ភ្នំពេញ៖ ការប្រកួត LEC Summer Split ឆ្នាំ 2025 កំពុងកើនកម្តៅឡើង ហើយអ្នកគាំទ្រទូទាំងទ្វីបអឺរ៉ុប និងនៅក្រៅតំបន់កំពុងទស្សនាគ្រប់ការប្រកួតទាំងអស់ដោយភាពរំជើបរំជួល លាយឡំនឹងការរំពឹងទុកដែលភ័យអរៗ។ នៅពេលដែលពាក់កណ្តាលរដូវកាលបានកន្លងផុតទៅហើយ ការប្រកួតដើម្បីដណ្តើមកៅអីវគ្គជម្រុះ និងអាទិភាពទៅកាន់វគ្គ Worlds 2025 នៅប្រទេសចិនកាន់តែមានភាពតានតឹងជាងមុន។ អត្ថបទវិភាគនេះរៀបរៀងឡើងដោយអ្នកជំនាញមកពី 1xBet។

វគ្គ Summer Split តែងតែជាផ្នែកមួយដ៏សំខាន់ក្នុងកាលវិភាគការប្រកួត League of Legends EMEA Championship ប៉ុន្តែឆ្នាំនេះវាកាន់តែមានទម្ងន់ជាងមុនទៅទៀត។ ដោយពុំមានវគ្គ Season Finals ក្នុងឆ្នាំ2025 វគ្គ Summer Split តែមួយនេះនឹងសម្រេចថានរណាដែលអាចតំណាងឱ្យតំបន់ទាំងមូលនៅលើឆាកដែលធំជាងគេបំផុតនៅលើពិភពលោក។ ក្រុមកំពូលទាំងបីនៅចុងបញ្ចប់នៃវគ្គនេះនឹងធានាបាននូវកៅអីសម្រាប់វគ្គ Worlds ដោយផ្ទាល់ដែលនឹងធ្វើឱ្យគ្រប់ការប្រកួតទាំងអស់គឺជាជំហានដ៏សំខាន់សម្រាប់ក្រុម និងកីឡាករ។

តារាងបច្ចុប្បន្ន និងភាពភ្ញាក់ផ្អើល
ខណៈពេលនេះនៃរដូវកាល ទម្រង់ក្រុមទៅកាន់វគ្គបន្ទាប់បាននឹងកំពុងលេចរូបរាងឡើង។ ក្រុម Movistar KOI ដែលជាម្ចាស់ជើងឯកនៃវគ្គ Spring Split និងជាតំណាងនៃក្រុមហ៊ុន MSI កំពុងបន្តបង្ហាញទម្រង់លេងដ៏ខ្លាំងខ្លា និងរក្សាបាននូវការបញ្ចប់នៅចំណាត់ថ្នាក់កំពូល។ ពួកគេរក្សាបាននូវស្មារតីដ៏ល្អរបស់ពួកគេ និងកំពុងបង្ហាញនូវការធ្វើការជាក្រុមដ៏រឹងមាំ និងយុទ្ធសាស្រ្តដ៏មុះមុត។ក្រុម G2 Esports ដែលតែងតែជាក្រុមដែលមានអ្នកគាំទ្រច្រើន និងជាកម្លាំងមហិមានៅទ្វីបអឺរ៉ុបកំពុងប្រឈមមុខនឹងសភាពការណ៍ថ្មីមួយដែលខុសប្លែក។ បន្ទាប់ពីមានការផ្លាស់ប្តូរសមាជិកក្រុមមួយចំនួន ពួកគេកំពុងតែឋិតក្នុងដំណើរការនៃការកសាងក្រុមឡើងវិញ និងពង្រឹងកម្លាំងសាមគ្គីជាមួយសមាជិកថ្មីរបស់ពួកគេ។

​ខណៈពួកគេនៅតែជាក្រុមដែលគួរឱ្យព្រួយបារម្មណ៍ ចំណាត់ថ្នាក់របស់ពួកគេនៅពេលបច្ចុប្បន្ន គឺមិនដូចអ្វីដែលអ្នកគាំទ្ររំពឹងទុកនោះទេ។
ក្រុម Fnatic ដែលជាក្រុមដ៏ល្បីមួយទៀត គឺកំពុងតែប្រឈមនឹងភាពលំបាកក្នុងការរក្សាភាពនឹងនរ។ បន្ទាប់ពីការចាប់ផ្តើមល្អក្នុងវគ្គ Spring កន្លងមក ឥឡូវនេះពួកគេកំពុងឋិតនៅក្នុងចំណាត់ថ្នាក់ពាក់កណ្តាលតារាងដ៏គ្រោះថ្នាក់ ជាមួយនឹងភាគរយក្នុងការខកខានកៅអីវគ្គជម្រុះប្រសិនបើពួកគេមិនវិវត្តខ្លួនបានឆាប់រហ័សទេនោះ។ ក្រុម Vitality និងក្រុម Heretics ក៏កំពុងឋិតនៅក្នុងសភាពនេះផងដែរ ដែលតម្រូវឱ្យពុះពារក្នុងការរក្សាភាពខ្លាំង និងរួចផុតពីការជម្រុះឆាប់ៗ។
ទន្ទឹមនឹងនេះដែរ ក្រុមដូចជា GIANTX និង SK Gaming កំពុងទទួលបានផលប្រយោជន៍ពីភាពចលាចលមួយនេះ។ ក្រុមទាំងនេះបានបង្ហាញនូវភាពវៃឆ្លាត និងអាចជម្រុះភាពខកចិត្តធំៗនានានៅប៉ុន្មានសប្តាហ៍ខាងមុខ។ ជានិច្ចកាលនៅក្នុងការប្រកួត LEC ភាពភ្ញាក់ផ្អើលគឺតែងតែនឹងអាចកើតឡើងជានិច្ច ហើយក្រុមនីមួយៗមិនអាចប្រហែសបាននោះទេ។
​
វគ្គ Summer ផ្តោតទៅលើទម្រង់ប្រកួតបីប្រកួតល្អបំផុតនៅទូទាំងវគ្គចែកពូល។ គ្រប់វគ្គទាំងអស់គឺពិតជាសំខាន់ ហើយពុំមានការទទួលបានពិន្ទុដោយងាយៗនោះទេ។ មិនដូចកាលពីវគ្គ Spring ដែលក្រុមនីមួយៗមានពេលច្រើនដើម្បីសម្រប វគ្គ Summer ទាមទារលទ្ធផលភ្លាមៗ។ ​នរណាកំពុងប្រឈមហានិភ័យ?
ពាក់កណ្តាលរដូវកាលកន្លងផុតទៅ យើងមើលឃើញកាន់តែច្បាស់ថាក្រុមធំៗមួយចំនួនកំពុងប្រឈមគ្រោះថ្នាក់។ ក្រុម Fnatic និងក្រុម Vitality ដែលជាក្រុមដែលមានប្រវត្តិដ៏ល្អ និងមានអ្នកគាំទ្រដ៏មុះមុត កំពុងប្រឈមនឹងការជម្រុះចេញប្រសិនបើពួកគេមិនអាចស្រោចស្រង់ស្ថានការណ៍ឡើងវិញបាន។
ក្រុម GIANTX និងក្រុម Heretics ត្រួវតែធានាការឈ្នះជាចាំបាច់នៅសប្តាហ៍បន្ទាប់ដើម្បីរក្សាក្តីសង្ឃឹមរបស់ពួកគេទៅកាន់វគ្គជម្រុះ។ ជាមួយកាលវិភាគដ៏មមាញឹក និងមិនអាចភ្លាត់ស្នៀតបាន ក្រុមទាំងនេះកំពុងស្ថិតក្នុងស្ងានភាពទៅឬនៅ។
ផ្ទុយទៅវិញ ក្រុម KOI កំពុងស្ថិតនៅក្នុងតំណែងដ៏រឹងមាំដែលធានាបាននូវកៅអីទៅកាន់វគ្គបន្ទាប់មុនគេ ខណៈក្រុម G2 បើទោះជាមានបញ្ហាក៏នៅតែជាក្រុមគួរឱ្យកត់សម្គាល់ ប៉ុន្តែនៅតែអាចរក្សាបេក្ខភាពបានក៏ដោយសារតែបទពិសោធន៍ និងកីឡាករដែលមានទេពកោសល្យ។
តើអ្វីនឹងកើតឡើងបន្ត?
បន្តទៅមុខទៀត សប្តាហ៍ចុងក្រោយនៃវគ្គចែកពូលនឹងពិតជាសំខាន់។ ការប្រកួតវគ្គជម្រុះនឹងត្រូវបានសម្រេច ហើយអ្នកគាំទ្រអាចរំពឹងថានឹងមានហ្គេមដ៏រំភើបដែលពោរពេញទៅដោយការខកចិត្ត ការលេងដ៏ស្វិតស្វាញ និងពេលវេលាដ៏រំជួលចិត្ត។ វគ្គជម្រុះនឹងធ្វើឡើងនៅទីក្រុងប៊ែរឡាំង ដែលនឹងឈានទៅកាន់វគ្គផ្តាច់ព្រ័ត្រដ៏ធំនៅទីក្រុងម៉ាទ្រីតនាចុងខែកញ្ញា។
សម្រាប់ក្រុមកំពូល គោលដៅគឺច្បាស់ណាស់ថានឹងធានាបាននូវកៅអីមួយក្នុងចំណោមបីកៅអីទៅកាន់វគ្គWorlds និងសបញ្ជាក់ឱ្យឃើញថាពួកគេជាក្រុមដែលល្អដាច់គេក្នុងតំបន់អឺរ៉ុប។ សម្រាប់ក្រុមដ៏ទៃ វាជាការប្រយុទ្ធដើម្បីក្តីសង្ឃឹមបន្ត កេរ្តិ៍ឈ្មោះ និងឪកាសក្នុងការស្តារប្រវត្តិសាស្រ្តក្រុមរបស់ពួកគេមុនដែលវាយឺតពេល៕