DAP Business

ជួបគ្នាឆាប់ៗនៅថ្ងៃអាទិត្យខាងមុខនេះ ជាមួយ BP Premium Coffee

event

bora.chhouk@gmail.com

-

October 22, 2022

ជួបគ្នាឆាប់ៗនៅថ្ងៃអាទិត្យខាងមុខនេះ ជាមួយ BP Premium Coffee

Happy Sunday ចង់ដឹងទេថា តើមានអ្វីប្លែកពី BP Premium Coffee ?

ពិតជាពិសេសសម្រាប់បងប្អូនមិត្តយុវវ័យសិស្សានុសិស្ស ដែលកំពុងតែត្រូវការទីកន្លែងជួបជុំមិត្តភ័ក្តនិងមកបន្ថែមថាមពលដើម្បីឲ្យជីវិតស្រស់ស្រាយ បងប្អូនអាចជ្រើសរើស BP Premium Coffee បាន។

បើនិយាយពីទេសភាពក៏ស្អាត ភេសជ្ជៈច្រើនមុខ មានទាំងម្ហូបឆ្ងាញ់ៗទៀត ដែលកាន់តែពិសេសនោះគឺទទួលបានការបញ្ចុះតម្លៃដល់ទៅ 20% នៅរងចាំអីទៀតអាចនាំមនុស្សជាទីស្រឡាញ់មកបានណា។

👉លោកអ្នកអាចអញ្ជើញមកហាងផ្ទាល់ ឬក៏អាចកម្ម៉ង់ភេសជ្ជៈ ឬអាហារបានតាមរយៈតេឡេក្រាម ឬទូរស័ព្ទលេខ
📲077322699
👉សូមចុចតណភ្ជាប់ដើម្បីចូលទៅកាន់តេឡេក្រាម
ហាងកាហ្វេប៊ីភីព្រីមៀម
https://t.me/+h2iFWB8BNAxjZWQ1
លេខទំនាក់ទំនង: 077 322 699
🕹️ទីតាំង : បឹងកេងកង ជាប់ក្រសួងផែនការ
https://goo.gl/maps/bgc2jnYKMwKJsJmP8

ក្រុមហ៊ុន SMART AXIATA បញ្ជាក់ជាថ្មីអំពីការប្តេជ្ញាចិត្តចំពោះនិរន្តរភាព តាមរយៈការឧបត្ថម្ភកិច្ចប្រជុំកំពូល ស្តីពីការប្រែប្រួលអាកាសធាតុ ឆ្នាំ២០២២ នៅកម្ពុជា

event

bora.chhouk@gmail.com

-

October 21, 2022

0

ក្រុមហ៊ុន SMART AXIATA បញ្ជាក់ជាថ្មីអំពីការប្តេជ្ញាចិត្តចំពោះនិរន្តរភាព តាមរយៈការឧបត្ថម្ភកិច្ចប្រជុំកំពូល ស្តីពីការប្រែប្រួលអាកាសធាតុ ឆ្នាំ២០២២ នៅកម្ពុជា

ភ្នំពេញ ថ្ងៃទី ខែ២១តុលា៖ ក្រុមហ៊ុន Smart Axiata ដែលជាប្រតិបត្តិករទូរស័ព្ទចល័តឈានមុខគេនៅកម្ពុជា កំពុងបញ្ជាក់សារជាថ្មីនូវការប្តេជ្ញាចិត្តរបស់ខ្លួនចំពោះនិរន្តរភាព និងការថែរក្សាបរិស្ថានតាមរយៈការឧបត្ថម្ភកិច្ចប្រជុំកំពូលស្តីពីការប្រែប្រួលអាកាសធាតុកម្ពុជាឆ្នាំ២០២២ (CCCS22)។

កិច្ចប្រជុំកំពូលស្តីពីការប្រែប្រួលអាកាសធាតុកម្ពុជាឆ្នាំ២០២២ (CCCS22) រយៈពេលបីថ្ងៃដែលរៀបចំឡើងដោយក្រសួងបរិស្ថាន (MOE) ក្រោមការសហការជាមួយអង្គការ Mekong Future Initiative មានការចូលរួមពីក្រុមអ្នកជំនាញ អ្នកបម្រើការងារក្នុងវិស័យប្រែប្រួលអាកាសធាតុ អង្គការសង្គមស៊ីវិល និងក្រុមហ៊ុនអាជីវកម្មជាច្រើន ដើម្បីបង្ហាញកិច្ចខិតខំប្រឹងប្រែងរបស់កម្ពុជាឆ្ពោះទៅរកនិរន្តរភាព និងការកាត់បន្ថយផលប៉ះពាល់នៃការប្រែប្រួលអាកាសធាតុ។ ក្រុមហ៊ុន Smart Axiata គឺជាអ្នកឧបត្ថម្ភធំមួយក្នុងព្រឹត្តិការណ៍នេះ។

បេសកកម្មនៃកិច្ចប្រជុំកំពូលនេះគឺដើម្បីជំរុញកិច្ចពិភាក្សាថ្នាក់ជាតិស្តីពីបញ្ហាទាក់ទងនឹងអាកាសធាតុនៅក្នុងព្រះរាជាណាចក្រកម្ពុជា និងផ្តល់ឱកាសសម្រាប់ការបង្កើនការសម្របសម្រួលក្នុងចំណោមអ្នកជំនាញខាងការប្រែប្រួលអាកាសធាតុ។

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានមានប្រសាសន៍ថា៖ «យើងត្រូវទទួលស្គាល់ការពិតដែលមិនអាចប្រកែកបានថា សន្តិភាពនិងស្ថិរភាពទូទាំងប្រទេស វិវឌ្ឍចេញពីមនសិការនៃការឯកភាព និងសមាហរណកម្មកម្ពុជាក្រោមក្របខណ្ឌនៃគោលនយោបាយ ឈ្នះ-ឈ្នះ គឺជាកាតាលីករសម្រាប់កំណើនសេដ្ឋកិច្ច ការអភិវឌ្ឍប្រទេស និងការលើកកម្ពស់ជីវភាពរស់នៅ។ ជាមួយនឹងការអភិវឌ្ឍនេះ បញ្ហាប្រឈមចំពោះបរិស្ថាន និងនិរន្តរភាពក៏កើតមានឡើងផងដែរ។ ក្នុងនាមរាជរដ្ឋាភិបាលកម្ពុជា ខ្ញុំរីករាយណាស់ដែលមានការគាំទ្រពីក្រុមហ៊ុននានា ដូចជាក្រុមហ៊ុនន Smart Axiata ដើម្បីជួយយើងក្នុងការលើកកម្ពស់និរន្តរភាព និងការធ្វើសកម្មភាពដោយការទទួលខុសត្រូវក្នុងកិច្ចខិតខំប្រឹងប្រែងប្រតិបត្តិការរបស់ពួកគេដើម្បីបរិស្ថានល្អ»។

លោក Feiruz Ikhwan នាយកប្រតិបត្តិស្តីទីនៃក្រុមហ៊ុន Smart Axiata បានមានប្រសាសន៍ថា៖ «នៅក្រុមហ៊ុន Smart Axiata និរន្តរភាពគឺជាអាទិភាពដ៏សំខាន់របស់យើង។ និរន្តរភាពគឺជាចំណុចស្នូលនៃគំរូអាជីវកម្មរបស់យើង ហើយតាមរយៈការធ្វើការរួមគ្នាជាមួយដៃគូពីសំណាក់គ្រប់វិស័យផ្សេងៗ យើងនឹងអាចសម្រេចបានតាមបេសកកម្មរបស់យើងដើម្បីភ្ជាប់ទំនាក់ទំនងគ្នា និងធ្វើឱ្យជីវិតកាន់តែប្រសើរឡើង ខណៈពេលដែលបង្កើតអនាគតប្រកបដោយនិរន្តរភាពផងដែរ»។

លោក Allen Dodgson Tan អគ្គនាយកអង្គការ Mekong Future Initiative មានប្រសាសន៍ថា៖ «នេះគឺជាឱកាសដំបូងចាប់តាំងពីកើតមានជំងឺកូវីដ-១៩ ក្នុងការប្រមូលផ្តុំក្រុមអ្នកជំនាញចម្រុះខាងផ្នែកបម្រែបម្រួល អាកាសធាតុ។ CCCS22 ក៏ជាព្រឹត្តិការណ៍ប្រែប្រួលអាកាសធាតុដ៏ធំបំផុតនៅក្នុងប្រទេសកម្ពុជាផងដែរ»។

ព្រឹត្តិការណ៍ឆ្នាំនេះបានបង្ហាញពីវឌ្ឍនភាពដែលព្រះរាជាណាចក្រកម្ពុជាសម្រេចបានឆ្ពោះទៅរកបញ្ហាទាក់ទងនឹងអាកាសធាតុ។ ក៏មានការចូលរួមចំណែកពីភាគីពាក់ព័ន្ធជាច្រើនទៀតផងដែរ រួមទាំងវិស័យឯកជន និងវិស័យសាធារណៈ។

ក្រុមហ៊ុនអាជីវកម្មនិងអង្គការនានាដែលបានចូលរួមក្នុង CCCS22 រួមមានអង្គការ USAID ក្រុមហ៊ុន Forte Insurance ក្រុមហ៊ុន Smart Axiata ក្រុមហ៊ុន HEINEKEN អង្គការ Oxfam Cambodia និងក្រុមហ៊ុនផ្សេងៗទៀត។

កិច្ចប្រជុំកំពូលនេះរួមមានវគ្គស្តីពីថាមពលកកើតឡើងវិញ ហិរញ្ញវត្ថុបៃតង/ហិរញ្ញវត្ថុអាកាសធាតុ គោលដៅអភិវឌ្ឍន៍ប្រកបដោយចីរភាព (SDGs) និងការច្នៃប្រឌិតបច្ចេកវិជ្ជាបរិស្ថាននៅទូទាំងឧស្សាហកម្មជាច្រើនដូចជា កសិកម្ម ការដឹកជញ្ជូន ទេសចរណ៍ និងពាណិជ្ជកម្ម។

កាលពីដើមឆ្នាំនេះ ក្រុមហ៊ុន Smart Axiata គឺជាអ្នកឧបត្ថម្ភធំមួយដល់ទិវាមួយម៉ោងសម្រាប់ភពផែនដី (Earth Hour) នៅកម្ពុជាដោយធ្វើការងាររួមគ្នាជាមួយក្រសួងនិងស្ថាប័ននានារបស់រាជរដ្ឋាភិបាលកម្ពុជា សហគមន៍មូលដ្ឋាន យុវជន ស្ថាប័នសាធារណៈនិងឯកជន អង្គការមិនមែនរដ្ឋាភិបាល ប្រព័ន្ធផ្សព្វផ្សាយ និងពលរដ្ឋកម្ពុជានៅទូទាំងប្រទេស ដើម្បីបង្ហាញសកម្មភាពរបស់ពួកគេឆ្ពោះទៅរកអនាគតដែលកាន់តែមាននិរន្តរភាព និងភាពប្រសើរសម្រាប់ទាំងអស់គ្នា។ លើសពីនេះ ក្រុមហ៊ុន Smart Axiata ក៏កំពុងធ្វើសកម្មភាពយ៉ាងសកម្មក្នុងការដោះស្រាយបញ្ហាអាកាសធាតុបន្ទាន់ តាមរយៈការពិនិត្យតាមដាន និងការគ្រប់គ្រងបរិមាណកាបូនឌីអុកស៊ីតរបស់ក្រុមហ៊ុនដែលជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនក្នុងការលើកកម្ពស់និរន្តរភាពផងដែរ។

ក្រុមហ៊ុន Smart Axiata ក៏មានភាពសកម្មផងដែរនៅកម្រិតមូលដ្ឋានដោយចាប់ផ្តើមការធ្វើដំណើរអប់រំអំពីបរិស្ថានជាមួយអង្គការជឿជាក់លើសិស្សជនបទកម្ពុជា (CRST) ដើម្បីលើកកម្ពស់ការយល់ដឹងអំពីសារៈសំខាន់នៃការបដិសេធប្រើប្រាស់ ការកាត់បន្ថយ ការប្រើប្រាស់ឡើងវិញ និងការកែច្នៃសំរាមប្លាស្ទិក។ កម្មវិធីចុងក្រោយបំផុតបានធ្វើឡើងនៅដើមឆ្នាំ២០២២ ដែលជាផ្នែកមួយនៃគំនិតផ្តួចផ្តើមគម្រោង “អ” (Project R) ដែលមានគោលបំណងកាត់បន្ថយការប្រើប្រាស់ប្លាស្ទិកដែលប្រើប្រាស់បានតែម្តងនៅក្នុងនិងជុំវិញខេត្តសៀមរាបតាមរយៈការអប់រំ ការធ្វើសកម្មភាព និងការបំផុសគំនិត។

សម្រាប់ព័ត៌មានបន្ថែមអំពីកិច្ចខិតខំប្រឹងប្រែងរបស់ក្រុមហ៊ុន Smart Axiata លើការងារបរិស្ថាន និងនិរន្តរភាព សូមតាមដានទំព័រហ្វេសប៊ុក Smart for Cambodia តាមរយៈ www.facebook.com/smartforcambodia។

អំពីក្រុមហ៊ុន Smart

ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។

ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smartក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។

ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Appleនិង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smart សេវា Pi Pay និងសេវា SmartNas។ ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។

ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smart ជីវិតរស់រវើក!

ក្រុមហ៊ុន Smart Axiata Co., Ltd.

No. 464A,មហាវិថីព្រះមុនីវង្ស, ទន្លេបាសាក់, ខណ្ឌចំការមន, ភ្នំពេញ, កម្ពុជា

ទូរស័ព្ទ: +855 10 201 000

www.smart.com.kh

ដើម្បីអបអរពិធីបុណ្យអុំទូក ក្រុមហ៊ុន Smart ផ្តល់ជូនរង្វាន់ជាង ១លានរង្វាន់រួមទាំងទូរស័ព្ទ iPhone 14 Pro Max ដោយគ្រាន់តែលេងហ្គេមក្នុងកម្មវិធី SmartNas

event

bora.chhouk@gmail.com

-

October 21, 2022

0

ដើម្បីអបអរពិធីបុណ្យអុំទូក ក្រុមហ៊ុន Smart ផ្តល់ជូនរង្វាន់ជាង ១លានរង្វាន់រួមទាំងទូរស័ព្ទ iPhone 14 Pro Max ដោយគ្រាន់តែលេងហ្គេមក្នុងកម្មវិធី SmartNas

ភ្នំពេញ ថ្ងៃទី ២១ខែតុលា ឆ្នាំ២០២២៖ ដើម្បីអបអរសាទរពិធីបុណ្យអុំទូក បណ្តែតប្រទីប អកអំបុក និងសំពះព្រះខែនៅឆ្នាំនេះ ក្រុមហ៊ុន Smart Axiata ដែលជាប្រតិបត្តិករទូរស័ព្ទចល័តឈានមុខគេនៅកម្ពុជា កំពុងផ្តល់ជូនរង្វាន់ជាងមួយលានរង្វាន់ក្នុងហ្គេមថ្មីដ៏សប្បាយរីករាយមួយនៅក្នុងកម្មវិធី ស្មាតណាស់ (SmartNas) ដែលរង្វាន់ទាំងនោះរួមមានទាំងទូរស័ព្ទស្មាតហ្វូនស៊េរីថ្មី iPhone 14 Pro Max មួយចំនួនផងដែរ។

អតិថិជនបង់ប្រាក់ជាមុនអាចលេងហ្គេម ដាល់អំបុកជាមួយស្មាត (Dal Ambok with Smart) បាននៅក្នុងកម្មវិធី ស្មាតណាស់ (SmartNas App) ហើយអ្នកលេងនឹងឈ្នះរង្វាន់រាល់ពេលដែលពួកគេលេង។ អតិថិជនអាចមានសំណាងឈ្នះ កង់អគ្គិសនី (៤រង្វាន់) ស្មាតហ្វូន Smart Hero II (១ ៥០០រង្វាន់) កញ្ចប់សេវា Smart @Home Premium (១០០រង្វាន់) ម៉ាស៊ីនបំពងខ្យល់ (៥០រង្វាន់) មីក្រូវ៉េវ (៥០រង្វាន់) ឆ្នាំងអ៊ុត (៥០រង្វាន់) សាកាដូ អាវយឺត មួក ថង់ស្ពាយ សំបុត្រកុន ទឹកប្រាក់ចម្បងក្នុងគណនីទូរស័ព្ទ និងទិន្នន័យអ៊ីនធឺណិត។ អតិថិជនដែលលេងហ្គេមច្រើនដងជាងគេចំនួន១០០នាក់ នឹងមានឳកាសចូលរួមក្នុងកម្មវិធីចាប់រង្វាន់ធំយក iPhone 14 Pro Max ចំនួន៣ រង្វាន់ មុននឹងកម្មវិធីដាល់អំបុកជាមួយស្មាតត្រូវបានបញ្ចប់។

ហ្គេមនេះត្រូវបានរៀបចំឡើងដើម្បីអបអរថ្ងៃឈប់សម្រាក ហើយហ្គេមនេះនឹងមានឈុតឆាកប្រពៃណីខ្មែរ និងតួអង្គនានាជាច្រើន។ អតិថិជនដែលប្រើប្រាស់កម្មវិធីស្មាតណាស់ អាចលេងហ្គេមដាល់អំបុកជាមួស្មាតតាមរយៈតំណនេះ ។

លោក Feiruz Ikhwan នាយកប្រតិបត្តិស្តីទីរបស់ក្រុមហ៊ុន Smart Axiata មានប្រសាសន៍ថា៖ «ពិធីបុណ្យអុំទូក បណ្តែតប្រទីប អកអំបុក និងសំពះព្រះខែ គឺជាពេលវេលាដ៏ពិសេសសម្រាប់ប្រជាជនកម្ពុជាទាំងអស់។ នៅក្រុមហ៊ុន Smart Axiata យើងចង់ប្រារព្ធពិធីនេះជាមួយនឹងហ្គេមសប្បាយៗទាក់ទងនឹងប្រពៃណីខ្មែរ ដែលអតិថិជនរបស់យើងនិងមនុស្សជាទីស្រលាញ់របស់ពួកគេអាចរីករាយទាំងអស់គ្នាបាន។ យើងបានផ្តល់ជូននូវ រង្វាន់ជាច្រើនដើម្បីឲ្យប្រាកដថា អ្នកប្រើប្រាស់កម្មវិធី SmartNas 3.0 សកម្មទាំងអស់អាចលេងហ្គេមនេះនឹងមានឪកាសឈ្នះរង្វាន់»។

អតិថិជនបង់ប្រាក់ជាមុនរបស់ក្រុមហ៊ុន Smart អាចលេងហ្គេម Dal Ambok with Smart ក្នុងកម្មវិធី SmartNas បានម្តងក្នុងមួយថ្ងៃដោយឥតគិតថ្លៃរហូតដល់ថ្ងៃទី ១៨ ខែវិច្ឆិកា ឆ្នាំ ២០២២។ អ្នកប្រើប្រាស់កម្មវិធី SmartNas ក៏អាចបង្កើនឱកាសរបស់ពួកគេក្នុងការឈ្នះរង្វាន់ធំមួយក្នុងចំណោមរង្វាន់ធំជាច្រើនផ្សេងទៀតផងដែរតាមរយៈការបញ្ចូលទឹកប្រាក់តាមអេឡិចត្រូនិច ឬ E-top Up ចាប់ពី ៥ ០០០ រៀល (១,២៥ដុល្លារ) ឡើងទៅ ពួកគេនឹងទទួលបានការលេងហ្គេមចំនួនបីដងបន្ថែមទៀត។ អ្នកប្រើប្រាស់អាចទិញការលេងបន្ថែមទៀតបាននៅក្នុងហ្គេមដាល់អំបុកនេះផ្ទាល់ផងដែរ។ អ្នកដែលលេងហ្គេមរយៈពេល ៥ ថ្ងៃជាប់គ្នា នឹងទទួលបានការលេងហ្គេម ៥ ដងបន្ថែម ខណៈដែលអ្នកប្រើប្រាស់ដែលមិនបានចូលក្នុងកម្មវិធី SmartNas ចាប់តាំងពីថ្ងៃទី១ ខែឧសភា ឆ្នាំ២០២២ មក នឹងទទួលបានការលេងហ្គេមចំនួន ១០ដង នៅពេលពួកគេចូលទៅកាន់ទំព័រដើម ការផ្តល់ជូននេះសម្រាប់ជាអំណោយស្វាគមន៍នៃការវិលត្រឡប់ចូលមកប្រើប្រាស់កម្មវិធីស្មាតណាស់វិញ។

អតិថិជនអាចលេងហ្គេម ដាល់អំបុកជាមួយស្មាត (Dal Ambok with Smart) ហើយក៏អាចលេងជាមួយនឹងកម្មវិធីថ្មីៗដូចជា ការអាប់ឡូតមុខខ្លួនដាក់ចូលក្នុងតួរបស់ហ្គេម និងសរសេរនូវបំណងប្រាថ្នាផ្សេងៗលើប្រទីប ហើយអាចស៊ែររូបភាព និងបំណងប្រាថ្នានៅលើទំព័រហ្វេសប៊ុក ចាប់ពីថ្ងៃនេះរហូតដល់ថ្ងៃទី១៨ ខែវិច្ឆិកា ឆ្នាំ២០២២។ សម្រាប់ព័ត៌មានបន្ថែមអំពីហ្គេម សូមតាមដានទំព័រហ្វេសប៊ុករបស់ក្រុមហ៊ុន Smart Axiata តាមរយៈ www.facebook.com/SmartAxiata ឬចូលទៅកាន់គេហទំព័រ www.smart.com.kh៕

អំពីក្រុមហ៊ុន Smart

ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។

ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smartក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។

ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Appleនិង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smart សេវា Pi Pay និងសេវា SmartNas។ ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។

ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smart ជីវិតរស់រវើក!

ក្រុមហ៊ុន Smart Axiata Co., Ltd.

No. 464A,មហាវិថីព្រះមុនីវង្ស, ទន្លេបាសាក់, ខណ្ឌចំការមន, ភ្នំពេញ, កម្ពុជា

ទូរស័ព្ទ: +855 10 201 000

www.smart.com.kh

ឧកញ៉ា ទៀ វិចិត្រ នាំយកសត្វអណ្តើកសមុទ្រមួយក្បាល ទៅព្រលែងក្នុងសមុទ្រវិញ ក្រោយទទួលបានពីប្រជាពលរដ្ឋ

សិល្បៈ កម្សាន្ត កីឡា

private

-

October 21, 2022

0

ឧកញ៉ា ទៀ វិចិត្រ នាំយកសត្វអណ្តើកសមុទ្រមួយក្បាល ទៅព្រលែងក្នុងសមុទ្រវិញ ក្រោយទទួលបានពីប្រជាពលរដ្ឋ

ភ្នំពេញ៖ លោកឧកញ៉ា ទៀ វិចិត្រ ប្រធានសាខាគណបក្សប្រជាជនកម្ពុជា ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ នៅថ្ងៃទី២០ ខែតុលា ឆ្នាំ២០២២ បានទទួលសត្វអណ្តើកសមុទ្រ(ក្រាស់)មួយក្បាល ពីប្រជាពលរដ្ឋ ដើម្បីយកទៅព្រលែង ក្នុងសមុទ្រធម្មជាតិវិញ ខណៈដែលជាការព្រលែងលើកទី១៣៤។

គួរឲ្យដឹងថា គ្រប់ពេលដែលនាំយក ទៅព្រលែងម្តងៗ លោកឧកញ៉ា ទៀ វិចិត្រ តែងតែមានកឹបសៀល តាមបច្ចេកទេសសម្គាល់សត្វអណ្តើកសមុទ្រ ប្រភេទ ល្មិចឬក្រាស់ ដែលត្រូវបានលែងក្នុងសមុទ្រឡើងវិញ ដែលជាសញ្ញាសម្គាល់ ក្នុងគោលការណ៍អភិរក្សសត្វសមុទ្រកម្រជាអន្តរជាតិ ហើយសៀលដែលកឹប លើសត្វអណ្តើកសមុទ្រ(ក្រាស់)មួយនេះ គឺ KH 0801។

លោកឧកញ៉ា ទៀ វិចិត្រ មានប្រសាសន៍ថា សត្វអណ្តើកសមុទ្រ ប្រភេទ ល្មិចឬក្រាស់ ដែលលោកឧកញ៉ា ទទួលពីអ្នកនេសាទភាគច្រើន គឺមិនទាន់មានកឹបសៀលនោះទេ ទើបលោកឧកញ៉ា បានរៀបចំធ្វើការកឹបសៀលរាល់ពេល មុនព្រលែងចូលក្នុងសមុទ្រ រឺ ព្រែកទឹកប្រៃ ហើយការកឹបសៀលសម្គាល់បែបនេះមមានសារៈសំខាន់ណាស់ ក្នុងការអភិរក្សសត្វសមុទ្រកម្រជាអន្តរជាតិ ដោយសារថាប្រសិនបើមានការនេសាទបានសត្វសត្វអណ្តើកសមុទ្រ ប្រភេទ ល្មិចឬក្រាស់ ដែលឃើញមានកឹបសៀលសម្គាល់ អ្នកនេសាទនៅក្នុងប្រទេសយើង ឬអ្នកនេសាទតាមបណ្តាប្រទេសនានា នឹងព្រលែងចូលក្នុងសមុទ្រវិញ មិនសម្លាប់ឬលក់ដូរធ្វើអាជីវកម្មឡើយ។

សូមបញ្ជាក់ផងដែរថា មានអ្នកនេសាទភាគច្រើន ពេលនេសាទបានសត្វអណ្តើកសមុទ្រ ប្រភេទ ល្មិចឬក្រាស់ បាននាំយកមកប្រគល់ជូនលោកឧកញ៉ា ទៀ វិចិត្រ ជាបន្តបន្ទាប់ ដើម្បីព្រលែងក្នុងសមុទ្រវិញ ក្នុងនោះលោកឧកញ៉ា ទៀ វិចិត្រ ក៍បានថ្លែងអំណរគុណ ដល់ស្មារតីសហការរបស់បងប្អូនអ្នកនេសាទ ដែលចូលរួមជួយការពារអភិរក្ស សត្វសមុទ្រកម្រជាសកល ៕

ក្រុមហ៊ុនស្មាត ច្នៃប្រឌិតបន្ថែមមុខងារ វីដេអូតន្ត្រី និង ផតខាសត៍ (PODCAST) ថ្មីក្នុងចំណោមមុខងារថ្មីជាច្រើនទៀតក្នុងកម្មវិធី Pleng និងធ្វើការប្រគុំតន្រ្តីអបអរ #iGoPleng2.0 ជាមួយតារាល្បីៗជាច្រើន

event

bora.chhouk@gmail.com

-

October 19, 2022

0

ក្រុមហ៊ុនស្មាត ច្នៃប្រឌិតបន្ថែមមុខងារ វីដេអូតន្ត្រី និង ផតខាសត៍ (PODCAST) ថ្មីក្នុងចំណោមមុខងារថ្មីជាច្រើនទៀតក្នុងកម្មវិធី Pleng និងធ្វើការប្រគុំតន្រ្តីអបអរ #iGoPleng2.0 ជាមួយតារាល្បីៗជាច្រើន

អ្នកនាង ឱក សុគន្ធកញ្ញា លោក G-Devith និងលោក Suly Pheng ស្ថិតក្នុងចំណោមតារាល្បីៗជាច្រើននាក់ទៀតដែលនឹងចូលរួមសម្តែងក្នុងកម្មវិធីប្រគុំតន្ត្រី #iGoPleng2.0 នាពេលខាងមុខនេះ ដើម្បីអបអរសាទរការរចនាជាថ្មីនៃកម្មវិធីស្តាប់តន្ត្រី Pleng របស់ក្រុមហ៊ុន Smart Axiata។

តារាផ្សេងទៀតដែលនឹងចូលរួមក្នុងការប្រគុំតន្ត្រី #iGoPleng2.0 នេះរួមមាន 4T5, Picherith, Tey, HENG និង La Cima Cartel។ ឌីជេ 22Bullets ដែលមានឈ្មោះបោះសំឡេងជាលក្ខណៈអន្តរជាតិ ក៏នឹងចូលរួមសម្តែងនៅក្នុងព្រឹត្តិការណ៍នេះផងដែរ ដែលនឹងប្រព្រឹត្តទៅនៅថ្ងៃទី២២ ខែតុលា នៅមជ្ឈមណ្ឌលសន្និបាត និងពិព័រណ៍អន្តរជាតិ (OCIC) នៅជ្រោយចង្វា ចាប់ពីម៉ោង ៤រសៀលតទៅ។ ក្រៅពីការសម្តែងសិល្បៈ តារាល្បីៗ អ្នកបង្កើតមាតិកា និងតារាតាមបណ្តាញសង្គមជាច្រើនទៀត ក៏នឹងចូលរួមជាភ្ញៀវកិត្តិយសពិសេសផងដែរដើម្បីអបអរការរចនាជាថ្មីនៃកម្មវិធី Pleng នេះ។

សំបុត្រសម្រាប់ចូលរួមទស្សនាការប្រគុំតន្ត្រីនេះ អាចរកបានតែនៅក្នុងកម្មវិធី Pleng ប៉ុណ្ណោះរហូតដល់ថ្ងៃទី២២ ខែតុលា។ អ្នកប្រើប្រាស់កម្មវិធី Pleng អាចប្តូរយកសំបុត្រដោយប្រើ Pleng Points របស់ពួកគេនៅក្នុងកម្មវិធី Pleng តាមរយៈ https://bit.ly/PlengPointspage។

ជាផ្នែកមួយនៃការផ្តល់ជូនពិសេស (Early Bird) របស់កម្មវិធី Pleng ចាប់ពីថ្ងៃទី៨ រហូតដល់ថ្ងៃទី១០ ខែតុលា អ្នកប្រើប្រាស់កម្មវិធី Pleng អាចប្តូរយកប័ណ្ណ VIP មួយសន្លឹកពីការប្តូរជាមួយនឹង Pleng Points ចំនួន ១០ ០០០ ពិន្ទុ ឬសំបុត្រធម្មតាមួយសន្លឹកពីការប្តូរជាមួយនឹង Pleng Points ចំនួន ២ ០០០ពិន្ទុ។ ក្នុងអំឡុងពេលនៃការលក់សំបុត្រធម្មតាចាប់ពីថ្ងៃទី១១ ដល់ថ្ងៃទី២២ ខែតុលា ដែលមិនមែនជាការផ្តល់ជូនពិសេស អ្នកប្រើប្រាស់កម្មវិធី Pleng អាចទទួលបានសំបុត្រ VIP មួយសន្លឹកពីការប្តូរជាមួយនឹង Pleng Points ចំនួន ២៥ ០០០ពិន្ទុ ឬសំបុត្រធម្មតាមួយសន្លឹកពីការប្តូរជាមួយនឹង Pleng Points ចំនួន ៥ ០០០ពិន្ទុ។

ក្រុមហ៊ុន Smart Axiata នឹងរៀបចំការប្រគុំតន្ត្រីដើម្បីដាក់ដំណើរការកម្មវិធី Pleng ដែលត្រូវបានរចនាជាថ្មីនេះ។ កម្មវិធី Pleng នឹងផ្តល់ជូនលក្ខណៈពិសេសថ្មីៗគួរឱ្យរំភើប ដែលរួមមានវីដេអូតន្ត្រី ផតខាសត៍ ការស្វែងរកតាមប្រភេទ និងរឿងក្នុងកម្មវិធី (in-app stories) ជាដើម ហើយក៏មានការបង្កើតនូវការរចនាដំណើរការអេប (user interface) ថ្មីដើម្បីបង្កើនបទពិសោធរបស់អ្នកប្រើប្រាស់ផងដែរ។

កម្មវិធី Pleng គឺជាកម្មវិធីស្តាប់តន្ត្រីតាមអ៊ីនធឺណិត ដែលត្រូវបានទាញយកច្រើនបំផុតក្នុងប្រទេសកម្ពុជា ដោយមានអ្នកប្រើប្រាស់សកម្មប្រចាំខែជាង ៧សែននាក់ និងផ្តល់ជូនអ្នកស្តាប់នូវបទចម្រៀងជាង ១លានបទពីសិល្បករសិល្បការីក្នុងស្រុកនិងអន្តរជាតិជាង ១ម៉ឺននាក់។ កម្មវិធីស្តាប់តន្ត្រីនេះភ្ជាប់សិល្បករសិល្បការនីខ្មែរជាមួយនឹងអ្នកគាំទ្រដែលកើនឡើងឥតឈប់ឈរ ដែលជួយឱ្យមានការកោតសរសើរកាន់តែជ្រាលជ្រៅចំពោះតន្ត្រីក្នុងស្រុក និងអ្នកដែលមានទេពកោសល្យនានា។

លោក Feiruz Ikhwan នាយកប្រតិបត្តិស្តីទីរបស់ក្រុមហ៊ុន Smart Axiata មានប្រសាសន៍ថា៖ «ដោយផ្តោតលើបទពិសោធអតិថិជនរបស់យើងជាចម្បង យើងបានបណ្តាក់ទុនយ៉ាងច្រើនទៅលើកម្មវិធី Pleng ដើម្បីកែលម្អរចនាដំណើរការ user interface ទូទៅ និងបទពិសោធអ្នកប្រើប្រាស់។ ជាមួយនឹងការអាប់ហ្គ្រេដចុងក្រោយបំផុតទាំងនេះ យើងពិតជាមានទំនុកចិត្តថា យើងមានកម្មវិធីដែលងាយស្រួលប្រើនិងមានប្រសិទ្ធភាពបំផុតនៅប្រទេសកម្ពុជា ជាមួយនឹងមាតិកាតន្ត្រីដ៏ល្អបំផុតក្នុងប្រទេស»។

អ្នកស្តាប់អាចរីករាយនឹងបណ្ណាល័យតន្ត្រីទាំងមូលរបស់កម្មវិធី Pleng នៃបញ្ជីចម្រៀងដែលបានជ្រើសរើសយ៉ាងពិសេសដោយឥតគិតថ្លៃ ឬអ្នកប្រើប្រាស់អាចជាវសេវា Pleng Pro ដោយចំណាយត្រឹមតែ ៩៩សេនប៉ុុណ្ណោះក្នុងមួយខែ ហើយអាចរីករាយនឹងការស្តាប់ចម្រៀងដោយគ្មានការផ្សាយពាណិជ្ជកម្ម រួមជាមួយនឹងសំឡេងច្បាស់ល្អ និងការទាញយកបទចម្រៀងទុកដោយគ្មានដែនកំណត់សម្រាប់ការស្តាប់អុហ្វឡាញ។

សម្រាប់ព័ត៌មានបន្ថែមអំពីការប្រគុំតន្ត្រី #iGoPleng2.0 សូមចូលទៅកាន់ https://www.facebook.com/PlengBySmart/photos/a.236830577201413/1082136336004162/ ឬទស្សនាវីដេអូផ្លូវការតាមរយៈ https://www.facebook.com/PlengBySmart/videos/502415555227693.

តាមដានទំព័រហ្វេសប៊ុករបស់កម្មវិធី Pleng តាមរយៈ https://www.facebook.com/PlengBySmart ឬចូលទៅកាន់ www.smart.com.kh សម្រាប់ព័ត៌មានបន្ថែមអំពី Pleng៕

ធនាគារជាតិ ស្នើឲ្យគ្រឹះស្ថានធនាគារនិងហិរញ្ញវត្ថុ បន្តអនុគ្រោះ ចំពោះអ្នកខ្ចីប្រាក់ដែលរងផលប៉ះពាល់ ដោយទឹកជំនន់

Uncategorized

bora.chhouk@gmail.com

-

October 19, 2022

0

ធនាគារជាតិ ស្នើឲ្យគ្រឹះស្ថានធនាគារនិងហិរញ្ញវត្ថុ បន្តអនុគ្រោះ ចំពោះអ្នកខ្ចីប្រាក់ដែលរងផលប៉ះពាល់ ដោយទឹកជំនន់

ភ្នំពេញ៖តាមរយៈសេចក្ដីប្រកាសរបស់ធនាគារនៃ កម្ពុជា បានស្នើឲ្យគ្រឹះស្ថានធនាគារនិងហិរញ្ញវត្ថុទាំងអស់បន្តការអនុគ្រោះចំពោះអ្នកខ្ចីប្រាក់ដែលបានរងផលប៉ះពាល់ជាក់ស្តែងដោយសារទឹកជំនន់ធ្ងន់ធ្ងរ តាមរយៈការរៀបចំឥណទានឡើងវិញ។

លំម្អិតមានដូចខាងក្រោម៖

ក្រសួងពាណិជ្ជកម្ម ត្រៀមបញ្ចេញស្បៀងបម្រុងយុទ្ធសាស្ត្ររបស់រាជរដ្ឋាភិបាល ក្នុងការដោះស្រាយជាបន្ទាន់នូវបញ្ហារ និងផលប៉ះពាល់ដោយសារទឹកជំនន់

Uncategorized

bora.chhouk@gmail.com

-

October 19, 2022

0

ក្រសួងពាណិជ្ជកម្ម ត្រៀមបញ្ចេញស្បៀងបម្រុងយុទ្ធសាស្ត្ររបស់រាជរដ្ឋាភិបាល ក្នុងការដោះស្រាយជាបន្ទាន់នូវបញ្ហារ និងផលប៉ះពាល់ដោយសារទឹកជំនន់

ភ្នំពេញ៖ លោកប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានថ្លែងថា ក្រសួងពាណិជ្ជកម្ម ដែលមានក្រុមហ៊ុនហ្គ្រីនត្រេដជាសេនាធិការ បានត្រៀមរួចជាស្រេចក្នុងការរៀបចំ សន្និធិស្បៀងត្រៀមបម្រុងយុទ្ធសាស្ត្ររបស់រាជរដ្ឋាភិបាល ក្នុងការចូលរួមដោះស្រាយជាបន្ទាន់នូវរាល់បញ្ហារ និងផលប៉ះពាល់នានា ដែលបង្កឡើងដោយសារទឹកជំនន់។

ការលើកឡើងនេះ បានធ្វើឡើងនាឱកាសដែលលោករដ្ឋមន្ត្រី អញ្ជើញចូលរួមក្នុងកិច្ចប្រជុំ នាព្រឹកថ្ងៃទី១៨ ខែតុលា ឆ្នាំ២០២២ ដើម្បីពិនិត្យ និងពិភាក្សាបូកសរុបការវាយតម្លៃផលប៉ះពាល់ ការខូចខាតដំណាំស្រូវ និងដំណាំរួមផ្សំ ដោយសារទឹកជំនន់ និងដាក់ចេញវិធានការដោះស្រាយបន្ទាន់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ។

កិច្ចប្រជុំនេះ បានធ្វើឡើងតាមរយៈប្រព័ន្ធវីដេអូ និងមានការអញ្ជើញចូលរួមពី លោក ឆាយ ថន ទេសរដ្ឋមន្រ្តី រដ្ឋមន្ត្រីក្រសួងផែនការ, លោក នាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ, លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ, លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម,លោក ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ។

ក្នុងឱកាសនោះ លោករដ្ឋមន្រ្តី លើកឡើងថា ស្ថានភាពសន្និធិស្បៀងត្រៀមបម្រុងជារូបវ័ន្តរបស់រាជរដ្ឋាភិបាល ដែលក្រុមហ៊ុនហ្គ្រីនត្រេដ នៃក្រសួងពាណិជ្ជកម្ម បានទទួលគ្រប់គ្រងផ្ទាល់លើស្តុកសន្និធិស្បៀងត្រៀមបម្រុងនេះ គឺបានអនុវត្តដោយយកចិត្តទុកដាក់ផ្អែកតាមអនុក្រឹត្យលេខ ១២៤ អនក្រ.បក ស្តីពីការបង្កើតប្រព័ន្ធស្បៀងបម្រុងកម្ពុជា ចុះថ្ងៃទី៣០ ខែកក្កដា ឆ្នាំ២០២២។

លោករដ្ឋមន្រ្តី បន្តថា ក្នុងកំឡុងពេលមានគ្រោះមហន្តរាយ ដែលបង្កឡើងដោយសារទឹកជំនន់នៅតាមបណ្តាខេត្តមួយចំនួនកន្លងទៅ ដោយផ្អែកតាមលិខិតរបស់លេខាធិការដ្ឋាន នៃគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា ក៏ដូចជា តាមការណែនាំផ្ទាល់ពី ឯកឧត្តមបណ្ឌិត វង់ សណ្តាប់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានលេខាធិការដ្ឋាននៃគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា ក្រុមហ៊ុនហ្គ្រីនត្រេដ នៃក្រសួងពាណិជ្ជកម្ម បានចាត់ចែងបញ្ចេញស្តុកស្បៀង រួមមាន ៖ អង្ករ មី ទឹកសុទ្ធ ទឹកត្រី ទឹកស៊ីអ៊ីវ និងត្រីខកំប៉ុង ជូនខេត្តគោលដៅ ដើម្បីចែកជូនប្រជាពលរដ្ឋដែលរងគ្រោះដោយសារទឹកជំនន់ បានទាន់ពេលវេលា ក្នុងនោះរួមមាន ៖
១- ខេត្តកំពង់ធំ ចំនួន ៧.៨២៥គ្រួសារ
២- ខេត្តបន្ទាយមានជ័យ ចំនួន ២.៧៥០គ្រួសារ
៣- ខេត្តបាត់ដំបង ចំនួន ១.០០០ គ្រួសារ
៤- ខេត្តព្រះវិហារ ចំនួន ២៤៧គ្រួសារ
៥- ខេត្តឧត្តរមានជ័យ ចំនួន ២៥០គ្រួសារ
៦- ខេត្តសៀមរាប ចំនួន ៥.៩១៤គ្រួសារ (បញ្ចេញ ២ លើក ក្នុងបរិមាណសរុប ១០.០៥០ គ្រួសារ)

សរុបរួម គិតត្រឹមថ្ងៃទី១៤ ខែតុលា ឆ្នាំ២០២២ ក្រុមហ៊ុនហ្គ្រីនត្រេដ នៃក្រសួងពាណិជ្ជកម្ម បានបញ្ចេញស្បៀងជូនប្រជាពលរដ្ឋចំនួន ១៧.៩៨៦គ្រួសារ ស្មើនឹង ១៧.៩៨៦ កញ្ចប់ ដែលក្នុងមួយកញ្ចប់ មានអង្ករចំនួន ២៥ គ.ក្រ, មី ០១ កេស (២៤កញ្ចប់), ទឹកត្រី ០១ យួរ (០៦ ដប), ទឹកស៊ីអ៊ីវ ០១យួរ (០៦ ដប), ទឹកសុទ្ធ ១ កេស (១២ ដប ១ ដបចំណុះ ១,៥ លីត្រ) និងត្រីខកំប៉ុង ០១ យួរ (១០ កំប៉ុង)។

លោករដ្ឋមន្រ្តី បន្ថែមថា តាមកិច្ចប្រជុំថ្នាក់បច្ចេកទេសនាថ្ងៃទី១៤ ខែតុលា ឆ្នាំ២០២២ ក្រុមហ៊ុនហ្គ្រីនត្រេដ នៃក្រសួងពាណិជ្ជកម្ម នឹងបញ្ចេញសន្និធិស្បៀងត្រៀមបម្រុងនេះ ចែកជូនប្រជាពលរដ្ឋជាបន្តទៀត ក្នុងនោះគ្រោងនឹងបញ្ចេញជូនទៅខេត្តសៀមរាប ចំនួន ១០.០៥០ គ្រួសារ និងត្រៀមជាស្រេច ដើម្បីបញ្ចេញទៅបណ្តាខេត្តផ្សេងទៀត ដែលទទួលរងគ្រោះដោយសារទឹកជំនន់ធ្ងន់ធ្ងរ។

លោករដ្ឋមន្រ្តី បញ្ជាក់ជូនថា ដើម្បីចូលរួមប្រយុទ្ធប្រឆាំងនឹងគ្រោះមហន្តរាយធម្មជាតិនេះ ក្រសួងពាណិជ្ជកម្មបាន និងកំពុងធ្វើសកម្មភាពឆ្លើយតប ដោយប្រើប្រាស់ស្បៀងបម្រុងរដ្ឋចែកជូនប្រជាពលរដ្ឋបានទាន់ពេលវេលា និងត្រៀមខ្លួនចូលរួមដោះស្រាយ និងវាយតម្លៃលើផលប៉ះពាល់ដោយសារទឹកជំនន់នេះ៕

CDC អនុម័យគម្រោងវិនិយោគថ្មី២ទៀត ក្នុងទំហំទុនប្រមាណ១១លានដុល្លារ

Uncategorized

bora.chhouk@gmail.com

-

October 19, 2022

0

CDC អនុម័យគម្រោងវិនិយោគថ្មី២ទៀត ក្នុងទំហំទុនប្រមាណ១១លានដុល្លារ

ភ្នំពេញ៖តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖
១-“J-STAR GARMENT (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិអង្គរោង ឃុំមហាឫស្សី ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ ៥,៨លានដុល្លារអាម៉េរិក និងអាចបង្កើតការងារបានចំនួន ២.៣៣៦កន្លែង។
២-“K5 INDUSTRIAL CO., LTD” គម្រោងបង្កើតរោងចក្រផលិតខ្សែក្រវាត់ និងកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ក្នុងទុនវិនិយោគប្រមាណ ៥,៥លានដុល្លារអាម៉េរិក និងអាចបង្កើតការងារបានចំនួន ១.៧១៨កន្លែង។ប្រភព៖ក្រុមប្រឹក្សាអភិវឌ្ឍន៍កម្ពុជា The Council for the Development of Cambodia

២សប្ដាហ៍ខែតុលា កម្ពុជាទទួលបានភ្ញៀវទេសចរជិត១លាននាក់

សិល្បៈ កម្សាន្ត កីឡា

bora.chhouk@gmail.com

-

October 18, 2022

0

២សប្ដាហ៍ខែតុលា កម្ពុជាទទួលបានភ្ញៀវទេសចរជិត១លាននាក់

ភ្នំពេញ៖ តួលេខភ្ញៀវទេសចរទូទៅក្នុងសប្តាហ៍ទី២ (ចាប់ពីថ្ងៃទី១០-១៦ ខែតុលា ២០២២) ឡើងដល់ចំនួន៩៣៨,៩២៨នាក់ ក្នុងនោះភ្ញៀវជាតិ៩១៤,៥៤៣នាក់ និងភ្ញៀវបរទេសផ្ទៃក្នុង២៤,៣៨៥នាក់។

តាមរយៈក្រសួងទេសចរណ៍ Ministry of Tourism, Cambodia ឲ្យដឹងថា គោលដៅទេសចរណ៍សំខាន់ៗ រួមមាន៖ ខេត្តកំពង់ចាម ៤០១,៩២៩នាក់ ,ខេត្តព្រះសីហនុ ១៣៩,៥៩១នាក់ ,ខេត្តបាត់ដំបង ១៣៥,៨៩៩នាក់ ,ខេត្តព្រៃវែង ៦៨,៥២៥នាក់ ,ខេត្តពោធិ៍សាត់ ៥៩,៨៤៥នាក់, ខេត្តសៀមរាប ២៧,៨២២នាក់ ,ខេត្តកំពត ២៣,២៤៦នាក់។

តួលេខខាងលើ មានការកើនឡើងប្រមាណ១៥០.៤៥% ធៀបនឹងសប្តាហ៍កន្លងមក។ កំណើនភ្ញៀវផ្ទៃក្នុងច្រើនក្នុងសប្តាហ៍កន្លងមក ដោយសាររដ្ឋបាលខេត្តកំពង់ចាម ព្រៃវែង និងពោធិ៍សាត់បានរៀបចំពិធីប្រណាំងទូក បណ្តែតប្រទីប អុជកាំជ្រួច និងតាំងពិព័រណ៍ ដែលបានទាក់ទាញភ្ញៀវទេសចរ និងប្រជាពលរដ្ឋជាច្រើនកុះកុរ។ ទន្ទឹមនឹងនេះ ខេត្តព្រះសីហនុបន្តទទួលបានភ្ញៀវទេសចរមកកម្សាន្តជាច្រើន ក្នុងរយៈពេល២សប្តាហ៍ជាប់គ្នា បន្ទាប់ពីមានការដាក់ឱ្យដំណើរការសាកល្បងផ្លូវល្បឿនលឿនភ្នំពេញ-ព្រះសីហនុ រយៈពេល១ខែ ចាប់ពីថ្ងៃទី១-៣១ ខែតុលា ឆ្នាំ២០២២។ បណ្តាខេត្តផ្សេងទៀតដែលនៅជាប់បណ្តោយដងទន្លេ បានកំពុងត្រៀមរៀបចំព្រឹត្តិការណ៍ប្រណាំងទូក ទៅតាមពេលវេលាសមស្រប និងស្ថានភាពជាក់ស្តែងក្នុងមូលដ្ឋានរបស់ខ្លួន៕

ឧកញ៉ា ទៀ វិចិត្រ បញ្ជូនអូប័រពេទ្យជួយសង្គ្រោះ ជនរងគ្រោះ ២ករណីផ្សេងគ្នា បញ្ជូនយកមកខេត្តព្រះសីហនុ

សិល្បៈ កម្សាន្ត កីឡា

private

-

October 18, 2022

0

ឧកញ៉ា ទៀ វិចិត្រ បញ្ជូនអូប័រពេទ្យជួយសង្គ្រោះ ជនរងគ្រោះ ២ករណីផ្សេងគ្នា បញ្ជូនយកមកខេត្តព្រះសីហនុ

ភ្នំពេញ៖ លោកឧកញ៉ា ទៀ វិចិត្រ ប្រធានសាខា គណបក្សប្រជាជនកម្ពុជា ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានបញ្ជូនអូប័រពេទ្យ របស់ក្រុមហ៊ុន ដើម្បីជួយសង្គ្រោះ ជនរងគ្រោះ ចំនួន២ករណីផ្សេងគ្នា កាលពីយប់ថ្ងៃទី១៧ ខែតុលា និងព្រឹកថ្ងៃទី១៨ ខែតុលា ឆ្នាំ២០២២ បញ្ជូនយកមកខេត្តព្រះសីហនុ ដើម្បីសង្គ្រោះនៅមន្ទីរពេទ្យជាបន្ទាន់ ។

លោកឧកញ៉ា ទៀ វិចិត្រ មានប្រសាសន៍បញ្ជាក់ថា ករណីទាំង២ផ្សេងគ្នានោះរួមមាន៖
– ករណីទី១ នៅភូមិព្រែកស្វាយ សង្កាត់កោះរ៉ុង ទទួលយកស្រ្តីមួយរូប មានជំងឺពោះវៀនដុះខ្នែង មានឈ្មោះ សំ ដាវី អាយុ ៥២ ឆ្នាំ ជនជាតិ ខ្មែរ ។
– ករណីទី២ នៅភូមិកោះរ៉ុងសន្លឹម សង្កាត់កោះរ៉ុងសន្លឹម ទទួលយកប្អូនប្រុសមួយរូប មានឈ្មោះ ណាង ទក អាយុ ៣០ឆ្នាំ ជនជាតិខ្មែរ មានជំងឺបេះដូង និងមួយទៀត មានភ្ញៀវទេសចរណ៍ ជាជនជាតិបរទេស មកពីភូមិកោះតូច សង្កាត់កោះរ៉ុងសន្លឹម មិនស្រួលខ្លួន ក៏បានស្នើសុំទៅពេទ្យ ដើម្បីព្យាបាលជាមួយគ្នាផងដែរ ។

ជនរងគ្រោះទាំងអស់ ត្រូវបានបញ្ជូនតាមអូប័រពេទ្យ របស់ក្រុមហ៊ុន យកមកខេត្តព្រះសីហនុ ដោយសុវត្ថិភាព និងបានបញ្ជូនតាមរថយន្តសង្គ្រោះ របស់ក្រុមហ៊ុនផ្ទាល់ យកមកសង្គ្រោះនៅមន្ទីរពេទ្យហើយ៕