ក្រុមហ៊ុន Smart Axiata សហការជាមួយក្រុមហ៊ុន គ្រប់គ្រងយានជំនិះលំដាប់ពិភពលោក Cartrack ដើម្បីផ្តល់សេវាគ្រប់គ្រងយានជំនិះលំដាប់ពិភពលោក ដំបូងបំផុតនៅកម្ពុជា
ភ្នំពេញ៖ ក្រុមហ៊ុន Smart Axiata ដែលជាប្រតិបត្តិករទូរស័ព្ទចល័តឈានមុខគេនៅកម្ពុជា កំពុងសហការជាមួយក្រុមហ៊ុន Cartrack ដែលជាក្រុមហ៊ុនផ្តល់នូវប្រព័ន្ធគ្រប់គ្រង យានជំនិះឈានមុខគេនៅលើពិភពលោក ដើម្បីនាំយកប្រព័ន្ធគ្រប់គ្រងយានជំនិះ “លំដាប់ពិភពលោកដំបូងបំផុត” នៃសេវាគ្រប់គ្រងយានជំនិះ នៅក្នុងព្រះរាជាណាចក្រកម្ពុជា។
ក្រុមហ៊ុន Cartrack ដែលជាភ្លែតហ្វមផ្តល់សេវាកម្មសូហ្វវែរចល័ត ឈានមុខគេលើពិភពលោក ផ្តល់ជូននូវដំណោះស្រាយវិភាគទិន្នន័យភ្លាមៗ សម្រាប់ប្រព័ន្ទដឹកជញ្ជូន ឆ្លាតវៃដល់អតិថិជនជាង ១,៦លាននាក់ និងដៃគូអាជីវកម្ម ៩៣ ០០០ នៅ ២៣ប្រទេសទូទាំងពិភពលោក។
ប្រព័ន្ធគ្រប់គ្រងយានជំនិះរវាងក្រុមហ៊ុន Smart Axiata និងក្រុមហ៊ុន Cartrack (ស្ថិតក្រោមឈ្មោះពាណិជ្ជកម្ម “Smart Fleet Management”) នឹងមានវត្តមានជាលើកដំបូង នៅក្នុងប្រទេសកម្ពុជា ដើម្បីបំពេញតម្រូវការរបស់ម្ចាស់អាជីវកម្មគ្រប់ប្រភេទ ដែលត្រូវការដំណោះស្រាយ លើប្រព័ន្ធគ្រប់គ្រងយានជំនិះ ដើម្បីបង្កើនប្រសិទ្ធភាពការ ចំណាយលើប្រតិបត្តិការ និងការគ្រប់គ្រងយានជំនិះរបស់ខ្លួន។ សេវាកម្មប្រព័ន្ធគ្រប់គ្រងយានជំនិះ ដែលមានភាពច្នៃប្រឌិតទាំងនេះ មានតម្លៃសមរម្យ ដែលអតិថិជនជាម្ចាស់អាជីវកម្មគ្រប់ប្រភេទ អាចទទួលបាននូវទិន្នន័យផ្សេងៗ លើប្រព័ន្ធគ្រប់គ្រងយានជំនិះ ដែលជាជំនួយដល់ការធ្វើការសម្រេចចិត្តផ្សេងៗ។ លក្ខណៈពិសេសរបស់ប្រព័ន្ធគ្រប់គ្រង យានជំនិះនេះរួមមាន ការពិនិត្យតាមដានលើយានជំនិះយ៉ាងទូលំទូលាយនិងតាមពេលវេលាជាក់ស្តែង រួមទាំងព័ត៌មានស៊ីជម្រៅ លើប្រតិបត្តិការយានជំនិះ អាចសិក្សាពីអាកប្បកិរិយារបស់អ្នកបើកបរ បូករួមការបណ្តុះបណ្តាល អំពីសេវាកម្មពីអ្នកឯកទេស និងការគាំទ្រយ៉ាងពេញលេញក្រោយពេលលក់ ដោយផ្ដល់របាយការណ៍យ៉ាងលម្អិត តាមរយៈផ្ទាំងពត៌មាន ដែលមានភាពច្បាស់លាស់ និងងាយស្រួលយល់។
ប្រព័ន្ធគ្រប់គ្រងយានជំនិះនេះ អាចឱ្យម្ចាស់យានជំនិះ ធ្វើការគ្រប់គ្រងពេញលេញ ទៅលើយានជំនិះរបស់ខ្លួន ជាមួយនឹងការរៀបចំផែនការដឹកជញ្ជូនឆ្លាតវៃ ការពិនិត្យតាមដានទាំងអ្នកបើកបរ ទាំងយានជំនិះ (រួមទាំងការតាមដានតាមពេលវេលាជាក់ស្តែង) របាយការណ៍អំពីចម្ងាយបើកបរ ការជូនដំណឹងអំពីការបើកបរលើសល្បឿន របាយការណ៍ចតរថយន្ត របាយការណ៍ឧបករណ៍សិនស័រ (Sensor) លើប្រេងឥន្ធនៈ ការផ្តល់សញ្ញាលើសីតុណ្ហភាពរថយន្ត និងមុខងារឆ្លាតវៃជាច្រើនទៀត។
របាយការណ៍នឹងបញ្ជូន ទៅម្ចាស់អាជីវកម្មតាមរយៈ ការផ្ញើសារដោយផ្ទាល់ភ្លាមៗតាម កម្មវិធីទូរស័ព្ទ (អ៊ែប) និង វេបផតថល (web portal) ។ នេះជាលើកទីមួយហើយដែល ប្រព័ន្ធដំណោះស្រាយដ៏ទូលំទូលាយ បែបនេះត្រូវបានផ្តល់ជូនដល់ក្រុមហ៊ុនអាជីវកម្មគ្រប់ទំហំក្នុងប្រទេសកម្ពុជា ហើយនឹងជួយគ្រប់គ្រង ការចំណាយរបស់ពួកគេ បង្កើនផលិតភាព និងអនុញ្ញាតឱ្យម្ចាស់អជីវកម្មទទួលបានសេវាកម្មគ្រប់គ្រងយានជំនិះ ដែលមានគុណភាពកាន់តែប្រសើរ នៅក្នុងទីផ្សារកម្ពុជា។
លោក Feiruz Ikhwan នាយកប្រតិបត្តិស្តីទីរបស់ក្រុមហ៊ុន Smart Axiata មានប្រសាសន៍ថា៖ “ក្នុងនាមជាក្រុមហ៊ុននាំមុខគេខាងផ្នែកឌីជីថលនៅកម្ពុជា យើងសូមស្វាគមន៍បច្ចេកវិទ្យា AI ដ៏គួរឱ្យចាប់អារម្មណ៍ និងមានស្តង់ដារលក្ខណៈពិភពលោកដែលក្រុមហ៊ុន Cartrack ផ្តល់ជូនដល់អតិថិជនដែលជា ក្រុមហ៊ុនអាជីវកម្មទាំងអស់របស់យើង។ យើងមានទំនុកចិត្តថា តាមរយៈការផ្តល់សេវាប្រព័ន្ធគ្រប់គ្រង យានជំនិះរបស់ក្រុមហ៊ុន Cartrack ជូនដល់ក្រុមហ៊ុនអាជីវកម្មនៅទូទាំង ២៥ខេត្តក្រុង យើងនឹងផ្តល់លទ្ធភាពឱ្យក្រុមហ៊ុនទាំងអស់ អាចពង្រីកអាជីវកម្មរបស់ពួកគេ លើកកម្ពស់ប្រសិទ្ធភាពប្រើប្រាស់យានជំនិះ កាត់បន្ថយភាពគ្មានប្រសិទ្ធភាព និងធ្វើឱ្យប្រាក់ចំណេញកាន់តែកើនឡើង»។
Smart Fleet Management នឹងមានផ្ទាំងរបាយការណ៍លើការគ្រប់គ្រង ដែលងាយស្រួលយល់ផ្ដល់ជូន ម្ចាស់យានយន្ត។ តម្លៃនៃប្រព័ន្ធគ្រប់គ្រងយានជំនិះ មានច្រើនជម្រើស ដែលបំពេញតាមតម្រូវការ របស់អាជីវកម្មខ្នាតតូច មធ្យម និងខ្នាតធំ។
លោក Zak Calisto ស្ថាបនិកនិងជានាយកប្រតិបត្តិក្រុមហ៊ុន Cartrack បានមានប្រសាសន៍ថា៖ «ក្រុមហ៊ុន Cartrack កំណត់ទិន្នន័យដែលប្រមូលបានពីឧបករណ៍ IoT ទំនើបរបស់ក្រុមហ៊ុន ដោយប្រើប្រព័ន្ធសិក្សាដោយម៉ាស៊ីន Machine learning និងការវិភាគទិន្នន័យ ដើម្បីផ្តល់ជូនអតិថិជននូវព័ត៌មាន ស៊ីជម្រៅជាជំនួយដល់ការចាត់វិធានការ បានប្រកបដោយភាពវៃឆ្លាត និងជួយលើកកម្ពស់ដល់ ការប្រតិបត្តិការផ្ទាល់កន្លែង និងទទួលបានលទ្ធផលល្អដល់អាជីវកម្ម។ យើងមានក្តីរំភើបរីករាយក្នុងការចាប់ដៃគូជាមួយក្រុមហ៊ុន Smart Axiata ដើម្បីគាំទ្រដល់ម្ចាស់អាជីវកម្ម ក្នុងស្រុករបស់កម្ពុជាដែលជាផ្នែកសំខាន់ក្នុងការជួយជំរុញសេដ្ឋកិច្ចជាតិ»។
ដំណោះស្រាយថ្មីនេះគឺជាផ្នែកមួយ នៃការជំរុញរបស់ក្រុមហ៊ុន Smart Axiata ដើម្បីលើកទឹកចិត្តដល់ ការទទួលយកដំណោះស្រាយបែបឌីជីថលសម្រាប់អាជីវកម្ម ទាំងអស់នៅទូទាំងប្រទេស។ Smart Fleet Management ត្រូវបានរំពឹងថា នឹងមានតម្រូវការខ្ពស់ពីសំណាក់សហគ្រាសខ្នាតតូច មធ្យម និងខ្នាតធំនៅព្រះរាជាណាចក្រកម្ពុជា ខណៈដែលក្រុមហ៊ុនទាំងនោះសម្លឹងឆ្ពោះទៅរកការបង្កើន ប្រសិទ្ធភាពលើប្រតិបត្តិការ និងកាត់បន្ថយការចំណាយរបស់អាជីវកម្ម។
ក្រៅពីអត្ថប្រយោជន៍នៃមុខងារសំខាន់ៗ ដែលផ្តល់ជូនដោយក្រុមហ៊ុន Cartrack ក្រុមហ៊ុន Smart Axiata ក៏ផ្តល់ជម្រើសជាកញ្ចប់ផលិតផលជាច្រើនប្រភេទ និងគម្រោងទូទាត់ដែលមានភាពបត់បែន ដោយផ្អែកលើតម្រូវការរបស់អតិថិជន។
Smart Fleet Management នឹងចាប់ផ្ដើមផ្តល់សេវាចាប់ពីខែតុលា ឆ្នាំ២០២២ តទៅ។ សម្រាប់ព័ត៌មានលម្អិត សូមទាក់ទងតាមរយៈអ៊ីមែល sales.corporate@smart.com.kh៕
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេ ក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។
ក្រុមហ៊ុន Smart គឺជាប្រតិបត្តិករទូរគមនាគមន៍ចល័ត ដែលមានភាពឈានមុខគេបង្អស់ ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែល បានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញ ពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smartក៏មានផ្ដល់នូវបច្ចេកវិទ្យាទូរស័ព្ទចល័ត ដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្ម ទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូ ជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Appleនិង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smart សេវា Pi Pay និងសេវា SmartNas។ ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ ដែលទទួលបានកី្ដស្រលាញ់ពេញចិត្តបំផុត នៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់ លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេស ដែលកំពុងខិតខំប្រឹងប្រែងឆ្ពោះទៅ សម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smart ជីវិតរស់រវើក!
ក្រុមហ៊ុន Cartrack គឺជាក្រុមហ៊ុនផ្តល់សេវាឈានមុខគេ លើពិភពលោកខាងផ្នែកសូហ្វវែរចល័ត និងប្រតិបត្តិការឆ្លាតវៃដែលមានមូលដ្ឋានលើខ្លោដ (IoT SaaS cloud) ដែលបង្កើនគុណតម្លៃនៃការដឹកជញ្ជូន ការប្រតិបត្តិការ និងទិន្នន័យនៃលំហូរការងារតាមរយៈការផ្តល់ជូននូវការវិភាគទិន្នន័យ ក្នុងពេលជាក់ស្តែងដ៏ឆ្លាតវៃដល់យានយន្ត និង បានតភ្ជាប់ឧបករណ៍ជាង ១.៦០០.០០០គ្រឿង។ ក្រុមហ៊ុន Cartrack ជួយអតិថិជនជាសហគ្រាសរាប់ពាន់នាក់ ក្នុងការផ្លាស់ប្តូរការប្រតិបត្តិការនៅនឹងកន្លែងរបស់ពួកគេអោយទៅជា ការប្រតិបត្តការតាមបែបឌីជីថល។ ភ្លែតហ្វម Cartrack SaaS ផ្តល់ជូនអតិថិជននូវព័ត៌មានស៊ីជម្រៅ និងការវិភាគទិន្នន័យផ្សេងៗគ្នា ដើម្បីបង្កើនប្រសិទ្ធភាពប្រតិបត្តិការអាជីវកម្ម និងកាត់បន្ថយកម្លាំងពលកម្មរបស់ខ្លួន បង្កើនប្រសិទ្ធភាព កាត់បន្ថយការចំណាយ លើកកម្ពស់សុវត្ថិភាព តាមដានផលប៉ះពាល់ដល់បរិស្ថាន ជួយដល់ការអនុលោមតាមច្បាប់ និងគ្រប់គ្រងហានិភ័យ។
ក្រុមហ៊ុន Cartrack គឺជាអាជីវកម្មចម្រុះពេញលេញ (fully vertically integrated business) ដែលមានអាជីវកម្មជាច្រើនដូចជា ការរចនានិងការផលិតឧបករណ៍ IoT បច្ចេកវិទ្យា GPS 2.0 ឈានមុខគេ។ ក្រុមការងារដែលមានបទពិសោធរបស់ក្រុមហ៊ុនមានភាពរហ័សរហួន ហើយប្រតិបត្តិការក្នុងក្រុមហ៊ុនអនុញ្ញាត ឱ្យពួកគេនាំយកនូវគំនិតច្នៃប្រឌិត និងការផ្តួចផ្តើមគំនិតថ្មីៗជាបន្តបន្ទាប់ទៅកាន់ទីផ្សារ។ តាមរយៈការគ្រប់គ្រងប្រតិបត្តិការ ទាំងមូលរបស់ខ្លួន ក្រុមហ៊ុន Cartrack អាចធានាបាននូវកម្រិតដ៏ខ្ពស់ នៃសេវាកម្មអតិថិជន និងគុណភាពនៅគ្រប់ទិដ្ឋភាពទាំងអស់នៃដំណោះស្រាយរបស់ក្រុមហ៊ុន។ ដូច្នេះហើយបានជាក្រុមហ៊ុន Cartrack អាចធានាបាននូវភាពត្រឹមត្រូវ និងភាពជឿជាក់នៃទិន្នន័យ IoT របស់ខ្លួន ដែលជាគន្លឹះក្នុងការផ្តល់ឱ្យអតិថិជននូវព័ត៌មានស៊ីជម្រៅដែលអាចចាត់វិធានការ បានសំខាន់ៗដែលពួកគេត្រូវការដើម្បីដំណើរការ និងលើកកម្ពស់អាជីវកម្មរបស់ពួកគេ។
ក្រុមហ៊ុន Cartrack ផ្តោតលើភាពជាដៃគូជាមួយអតិថិជន និងគាំទ្រពួកគេតាមរយៈដំណាក់កាលនីមួយៗនៃដំណើរការឌីជីថលនីយកម្មរបស់ខ្លួន។ ដោយផ្តល់ជូនការបណ្តុះបណ្តាល អំពីភ្លែតហ្វមឥតគិតថ្លៃ និងមានអ្នកផ្តល់ជំនួយក្នុងស្រុកនៅក្នុងទីផ្សារ ក្រុមហ៊ុន Cartrack អាចធានាបាននូវការអនុវត្តប្រកបដោយ ជោគជ័យនៃការផ្ដល់សេវាកម្ម ជាដំណោះស្រាយរបស់ក្រុមហ៊ុនទៅកាន់ក្រុមហ៊ុនអាជីវកម្ម ស្របពេលដែលជួយអតិថិជនឱ្យក្លាយជា ដៃក្រុមហ៊ុនកាន់តែមានភាពប្រកួតប្រជែង និងក្លាយជាអ្នកនាំមុខគេនៅក្នុង ឧស្សាហកម្មរបស់ពួកគេ៕
ពិតជាមិនគួរជឿ! Galaxy A04s ស្មាតហ្វូនលំដាប់ថវិកាតែលក្ខណៈពិសេសអស្ចារ្យមិនធម្មតា ទាំងគុណភាព និងតម្លៃ!
(ភ្នំពេញ) ថ្ងៃទី១៤ ខែតុលា ឆ្នាំ២០២២៖ ថ្មីៗនេះអ្នកនិយមប្រើប្រាស់ស្មាតហ្វូនកំពុងតែស្វែងរកស្មាតហ្វូនកម្រិតថវិកាដែលមានគុណភាពខ្ពស់ អាចបំពេញរាល់តម្រូវការដែលចង់បានដូចជា ថតរូបបានច្បាស់ស្អាត ល្បឿនដំណើរការលឿន កម្លាំងថាមពលថ្មខ្លាំង ប្រើបានយូរ..!
និយាយពីចំណុចទាំងនេះត្រូវម៉ាច់តែម្ដង…Samsung Galaxy A04s ស៊េរីថ្មី មានសមត្ថភាពខ្ពស់ទាំងកាមេរ៉ាថតរូប អេក្រង់ធំ ដំណើរការលឿន ថាមពលថ្មកាន់បានយូរ និងតម្លៃសមរម្យបំផុតស្ទើរមិនគួរឱ្យជឿ…អាចឱ្យអតិថិជន មើលវីដេអូ លេងហ្គេម ហ្វេសប៊ុក លេង Tik Tok បានម៉ាឆ្ងាញ់…ដោយមិនបាច់ព្រួយ!
បន្ថែមពីនេះ Samsung Galaxy A04s ក៏មានលក្ខណៈសម្បត្តិពិសេសជាច្រើនទៀត ដែលអាចធ្វើឱ្យលោកអ្នកធ្វើការសម្រេចចិត្តតែម្តងគឺបានក្នុងការជ្រើសរើសស្មាតហ្វូនដែលបំពាក់បច្ចេកវិទ្យា…មានលក្ខណៈពិសេសល្អលើសពីតម្លៃខ្លាំង…!
* គុណភាពល្អជាងតម្លៃ និងមានរាងស្អាតទាក់ទាញទាន់សម័យ
* អេក្រង់ធំ៖ 6.5 អ៊ីង Infinity-V ពេញតួខ្លួនអេក្រង់ (ភ្លឺ…ច្បាស់ត្រជាក់ភ្នែក)
* កាមេរ៉ាថតរូបរហូតដល់ 50 MP៖ ថតរូបបានច្បាស់ស្អាត…ម៉ដ្ឋល្អគ្រប់ស្ទាយតែម្ដង
* កម្លាំងថាមពលថ្មធំ៖ 5,000mAh កាន់ថ្មបានយូរ (ប្រើមិនឆ្លងថ្ងៃ) និងមានកម្លាំងសាកលឿន 15W
* ប្រព័ន្ធដំណើរការលឿន៖ Exyons 850 (8nm) មិនឆាប់ឡើងកម្តៅ មិនទាក់ មិនគាំង
* អង្គផ្ទុក / Storage ៖ 32 GB (អាចបន្ថែមមេម៉ូរីកាត Micro SD រហូតដល់ 1TB)
* មានការធានាត្រឹមត្រូវ
* ធន់ប្រើបានយូរ
* មានគ្រឿងបន្លាស់គ្រប់គ្រាន់
ជាមួយនឹងលក្ខណៈពិសេសខាងលើទាំងអស់នេះជាអ្វីដែលអតិថិជនទាំងអស់ប្រាថ្នាចង់បាន…និងជាអ្វីដែលក្រុមហ៊ុន សាមសុង ពេញចិត្តនឹងផ្តល់ជូនដល់អតិថិជនទាំងអស់ផងដែរ…! អ៊ីចឹងនៅចាំអីទៀត… ស្រូត…ស្រូតទៅ…អាល័យតែអែអុញច្រើន…ប្រយ័ត្នអស់ស្តុកទៀតទៅ…!
*សូមបញ្ចាក់៖ ប្រម៉ូសិនពីការជាវស្មាតហ្វូន Samsung Galaxy A04s នៅតែបន្តផ្ដល់ជូនចាប់ពីថ្ងៃនេះរហូតដល់ថ្ងៃទី 31 ខែតុលា ឆ្នាំ2022 លោកអ្នកនឹងទទួលការថែមជូនកាបូបស្ពាយដ៏ស្រស់ស្អាត១ ភ្លាមៗពីក្រុមហ៊ុនសាមសុង! សាមសុង ពិតជាផ្តល់ជូនជម្រើសស្មាតហ្វូនច្រើនដែលមានគុណភាពល្អសម្រាប់លោកអ្នកជានិច្ច! មិនថាលោកអ្នកជានរណា ហើយមានថវិកា ចំនួនប៉ុណ្ណានោះទេ…ក៏នៅតែអាចទទួលបាននូវបទពិសោធន៍ស្មាតហ្វូនអស្ចារ្យពីក្រុមហ៊ុន សាមសុង បានដែរ…! សាមសុង ជាទីទុកចិត្តបំផុត…!
សម្រាប់ព័ត៌មានលម្អិតបន្ថែមសូមអញ្ជើញមកសាកសួរនៅតាមហាងទំនើបចែកចាយផលិតផល សាមសុង ដោយផ្ទាល់ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាម រយៈទូរស័ព្ទលេខ៖ 1800-20 32 32!
ក្រុមហ៊ុន META ជួយបង្កើនសុវត្ថិភាព អនឡាញសម្រាប់ស្ត្រីកម្ពុជាតាមរយៈ យុទ្ធនាការសុវត្ថិភាពថ្មី
តើអ្នកធ្លាប់ឆ្ងល់ដែរឬទេថាតើអ្នកអាចគ្រប់គ្រងមាតិកាដែលអ្នកបង្ហោះបានកាន់តែប្រសើរដោយរបៀបណា និងរបៀបធ្វើឱ្យប្រាកដថា មាតិការបស់អ្នកត្រូវបានការពារតាមរបៀបដែលអ្នកចង់បាន? តើអ្នកចង់ដឹងពីរបៀបបង្កើតបទពិសោធអនឡាញដែលអ្នកសាកសមនឹងទទួលបានដែរឬទេ? តើអ្នកចង់មានលទ្ធភាពអាចជ្រើសរើសបានថា តើអ្នកណាអាចមើលឃើញអ្វីដែលអ្នកបានបង្ហោះដែរឬទេ? បើដូច្នេះមែន អ្នកប្រហែលជាចង់តាមដានយុទ្ធនាការសុវត្ថិភាពថ្មីរបស់ Meta Cambodia ហើយ ដែលយុទ្ធនាការនេះធ្វើឡើងក្នុងគោលបំណងជួយស្ត្រីកម្ពុជាឱ្យបង្កើនសុវត្ថិភាពអនឡាញ និងគ្រប់គ្រងមាតិការបស់ពួកគេ។
យុទ្ធនាការដែលចាប់ផ្តើមនៅខែតុលារហូតដល់ខែវិច្ឆិកានេះ ធ្វើឡើងក្រោមប្រធានបទ #ThisGirlCan។ យុទ្ធនាការ #ThisGirlCan មានគោលបំណងជួយស្ត្រីកម្ពុជាឱ្យបង្កើតបរិយាកាសសុវត្ថិភាពដែលពួកគេមានអារម្មណ៍ជឿជាក់លើការចែករំលែកមាតិការបស់ពួកគេ និងអាចភ្ជាប់ទំនាក់ទំនងជាមួយអ្នកដទៃ។ Meta Cambodia កំពុងធ្វើយុទ្ធនាការនេះដោយសហការជាមួយអ្នកបង្កើតមាតិកាក្នុងស្រុក និងអង្គការនានាដែលនឹងជួយបង្កើត និងបញ្ជូនសារអំពីសុវត្ថិភាពរបស់ស្ត្រី។
អ្នកបង្កើតមាតិកាក្នុងស្រុកល្បីឈ្មោះម្នាក់គឺកញ្ញា នារី ជាម្ចាស់ហ្វេសប៊ុកផេកឈ្មោះ Switching ដែលមានអ្នកតាមដានជាង ២សែននាក់ កំពុងចាប់ផ្តើមយុទ្ធនាការនេះជាមួយនឹងវីដេអូជាស៊េរីចំនួន៤។ ប្រធានបទដែលកញ្ញា នារី លើកយកមកនិយាយនៅក្នុងវីដេអូរបស់នាងរួមមានរបៀបរាយការណ៍និង/ឬរាំងខ្ទប់ (ប្លុក) អ្នកស្អប់ របៀបអនុវត្តការត្រងពាក្យប្រមាថ (សម្រាប់តែទំព័រហ្វេសប៊ុក) របៀបគ្រប់គ្រងការកំណត់ឯកជនភាពនិងសុវត្ថិភាព និងដំបូន្មានអំពីអ្វីដែលត្រូវចែករំលែកនិងអ្វីដែលមិនត្រូវចែករំលែកនៅលើហ្វេសប៊ុក។
កញ្ញា នារី បានថ្លែងថា៖ «ក្នុងនាមជាស្ត្រីម្នាក់ដែលមានអ្នកតាមដានទំព័រហ្វេសប៊ុកច្រើន ខ្ញុំត្រូវតែខ្វល់ខ្វាយអំពីវត្តមានក្នុងបណ្តាញសង្គមផ្ទាល់របស់ខ្ញុំ ដូច្នេះខ្ញុំរីករាយដែលក្រុមហ៊ុន Meta ប្រឹងប្រែងអប់រំខ្លួនខ្ញុំ និងអ្នកផ្សេងទៀតអំពីប្រធានបទនេះ។ ខ្ញុំក៏រីករាយផងដែរ ដែលអាចប្រើកេរ្តិ៍ឈ្មោះនៅលើបណ្តាញសង្គមរបស់ខ្ញុំផ្ទាល់ដើម្បីអាចមានលទ្ធភាពផ្តល់ការណែនាំ និងអប់រំអ្នកផ្សេងទៀតអំពីប្រធានបទនេះ»។
ក្រៅពីវីដេអូ ក៏មានរូបមានចលនា (Animation) ជាស៊េរីផងដែរ ដែលនឹងបង្ហាញនៅលើទំព័រហ្វេសប៊ុក Meta Cambodia។ ប្រធានបទដែលមាននៅក្នុងរូបមានចលនាទាំងនោះ នឹងមានរាប់ចាប់ពីការទទួលបានការជូនដំណឹងនៅពេលមានឡុកអ៊ីន (Login) ដែលគួរឱ្យសង្ស័យ រហូតដល់ការកំណត់ថាតើអ្នកណាអាចបញ្ចេញមតិលើសារបង្ហោះរបស់អ្នកបាន។ រូបមានចលនាផ្សេងទៀតផ្តល់ដំបូន្មានអំពីរបៀបកំណត់អ្វីដែលអ្នកមើលឃើញនៅលើ Newsfeed ផ្ទាល់របស់អ្នក និងរបៀបគ្រប់គ្រងថាតើអ្នកចង់ឱ្យអ្នកណាម្នាក់មើលឃើញព័ត៌មានលម្អិតអំពីទំនាក់ទំនង និងសារបង្ហោះនាពេលអនាគតរបស់អ្នក។
លោក ហេង ភក្តី នាយកគ្រប់គ្រងគោលនយោបាយសាធារណៈរបស់ក្រុមហ៊ុន Meta ប្រចាំកម្ពុជាបានមានប្រសាសន៍ថា៖ «នៅក្រុមហ៊ុន Meta យើងតែងតែជឿជាក់ថា អ៊ីនធឺណិតគួរតែជាកន្លែងសុវត្ថិភាពសម្រាប់មនុស្សគ្រប់គ្នា ហើយសុវត្ថិភាពនិងឯកជនភាពរបស់អ្នកប្រើប្រាស់គឺជាអាទិភាពមួយក្នុងចំណោមអាទិភាពចម្បងៗរបស់យើង។ យើងអនុវត្តវិធីសាស្រ្តដ៏ទូលំទូលាយក្នុងការធ្វើឱ្យភ្លែតហ្វមរបស់យើងក្លាយជាកន្លែងកាន់តែមានសុវត្ថិភាពសម្រាប់អ្នកប្រើប្រាស់របស់យើង រួមទាំងការសរសេរគោលនយោបាយច្បាស់លាស់ ការចូលរួមជាមួយអ្នកជំនាញ និងការអភិវឌ្ឍបច្ចេកវិទ្យាទំនើបដើម្បីជួយទប់ស្កាត់ការរំលោភបំពានមិនឱ្យកើតឡើងតាំងពីដំបូង។ កិច្ចខិតខំប្រឹងប្រែងបែបនេះគឺអាចអនុវត្តបានចំពោះប្រទេសកម្ពុជា ដូចដែលអនុវត្តចំពោះប្រទេសផ្សេងទៀតក្នុងពិភពលោកដូច្នេះដែរ»។
នៅក្នុងខែវិច្ឆិកាខាងមុខនេះ យុទ្ធនាការ #ThisGirlCan របស់ Meta Cambodia នឹងប្រមូលផ្តុំអ្នកបង្កើតមាតិកាជាស្ត្រី ឥស្សរជនសាធារណៈជាស្ត្រីដែលមានឥទ្ធិពល និងតារាល្បីៗជាស្ត្រី ដើម្បីអប់រំស្ត្រីខ្មែរអំពីរបៀបដែលពួកគេអាចបង្កើនសុវត្ថិភាពរបស់ពួកគេតាមអ៊ីនធឺណិត។ យុទ្ធនាការ #ThisGirlCan ក៏នឹងរួមមានទាំងការបណ្តុះបណ្តាលសម្រាប់អ្នកបង្កើតមាតិកាក្នុងស្រុក ក៏ដូចជាការពិភាក្សាជាក្រុមជាមួយស្ត្រីដែលមានឥទ្ធិពលបំផុតមួយចំនួននៅកម្ពុជាផងដែរ។
ដើម្បីស្វែងយល់បន្ថែមអំពីយុទ្ធនាការ #ThisGirlCan របស់ Meta Cambodia សូមចូលទៅកាន់ https://www.facebook.com/MetaCambodia/
គិតដល់អតិថិជនជាចម្បង ក្រុមហ៊ុន Smart Axiata ណែនាំអតិថិជនក្រុមហ៊ុនឱ្យប្រើប្រាស់ តែបណ្តាញទំនាក់ទំនងផ្លូវការរបស់ក្រុមហ៊ុនប៉ុណ្ណោះ ដើម្បីកាត់បន្ថយហានិភ័យឆបោក
គិតដល់អតិថិជនជាចម្បង ក្រុមហ៊ុន Smart Axiata ណែនាំអតិថិជនក្រុមហ៊ុនឱ្យប្រើប្រាស់តែបណ្តាញទំនាក់ទំនងផ្លូវការរបស់ក្រុមហ៊ុនប៉ុណ្ណោះ ដើម្បីកាត់បន្ថយហានិភ័យឆបោក
រាជធានីភ្នំពេញ ថ្ងៃទី១៤ ខែតុលា ឆ្នាំ២០២២៖ ខណៈព័ត៌មានអំពីការបោកប្រាស់តាមប្រព័ន្ធអ៊ីនធឺណិតនិងបណ្តាញទូរស័ព្ទផ្សេងៗកាន់តែរីករាលដាល ក្រុមហ៊ុន Smart Axiata ដែលជាប្រតិបត្តិករទូរស័ព្ទចល័តឈាន មុខគេនៅកម្ពុជា កំពុងយកចិត្តទុកដាក់ជាចម្បងលើសុខុមាលភាពរបស់អតិថិជនតាមរយៈការផ្តល់ការណែនាំអំពីរបៀបការពារកុំឱ្យក្លាយជាជនរងគ្រោះក្នុងករណីឆបោក ជាពិសេសនៅពេលឈ្នះរង្វាន់ផ្សេងៗ។
វិធីមួយដែលអ្នកឈ្នះរង្វាន់ពីក្រុមហ៊ុន Smart Axiata អាចចៀសវាងពីការបោកប្រាស់នោះគឺការផ្ទៀងផ្ទាត់ការឈ្នះរបស់ពួកគេគួរតែធ្វើឡើងតាមរយៈភ្លែតហ្វមផ្លូវការដែលគួរឱ្យទុកចិត្តរបស់ក្រុមហ៊ុនប៉ុណ្ណោះ ពោលគឺមានដូចជា កម្មវិធីទូរស័ព្ទ ស្មាតណាស់ (SmartNas) បណ្តាញសង្គមផ្លូវការរបស់ក្រុមហ៊ុនដែលមានសញ្ញាធីកពណ៌ខៀវ និងបណ្តាញទូរស័ព្ទជំនួយ (Helplines)។
ក្រុមហ៊ុនក៏កំពុងក្រើនរំលឹកទៅដល់អតិថិជនផងដែរថា ក្រុមហ៊ុនមិនដែលស្នើសុំថ្លៃសេវាណាមួយសម្រាប់ការប្រគល់រង្វាន់ ឬការចែកចាយរង្វាន់ឡើយ ហើយលើសពីនេះទៅទៀត ក្រុមហ៊ុនក៏សូមណែនាំអតិថិជនឱ្យប្រុងប្រយ័ត្នផងដែរចំពោះការបង្ហាញព័ត៌មានផ្ទាល់ខ្លួនណាមួយទៅដល់ជនឆបោក។
លោក Feiruz Ikhwan នាយកប្រតិបត្តិស្តីទីនៃក្រុមហ៊ុន Smart Axiata បានមានប្រសាសន៍ថា៖ «តាមរយៈការផ្តល់ដំបូន្មានបែបនេះ កើតឡើងដោយការយកចិត្តទុកដាក់ខ្ពស់លើសុខុមាលភាពអតិថិជនរបស់យើង ។ ខណៈពេលដែលយើងមានប្រូម៉ូសិន និងរង្វាន់ជាច្រើន យើងបានដឹងហើយថាមានអ្នកកំពុងព្យាយាមទាញយកប្រយោជន៍ពីទំនាក់ទំនងរវាងក្រុមហ៊ុន Smart Axiata ជាមួយអតិថិជនរបស់យើង។ នៅក្រុមហ៊ុន Smart Axiata យើងតម្កល់តម្លៃស្នូលនៃសុចរិតភាពរបស់យើងក្នុងគ្រប់សកម្មភាពទាំងអស់ និងចៀសវាងឥរិយាបថក្លែងបន្លំបែបនេះជាដាច់ខាត»។
ក្រុមហ៊ុន Smart Axiata ដែលជារឿយៗផ្តល់នូវរង្វាន់និងប្រាក់បន្ថែម (bonuses) សម្រាប់ការបញ្ចូលទឹកប្រាក់ និងផ្តល់ជូនប្រូមូ៉សិនផ្សេងៗជាប្រចាំនោះ កំពុងផ្តល់ការណែនាំនេះបន្ទាប់ពីក្រុមហ៊ុនបានដឹងអំពីគណនីក្លែងក្លាយដែលអះអាងថាដំណើរការដោយក្រុមហ៊ុន Smart Axiata។ យោងតាមក្រុមហ៊ុន អ្នកគ្រប់គ្រងគណនីក្លែងក្លាយទាំងនោះទាក់ទងទៅកាន់អតិថិជនដើម្បីទារថ្លៃសេវាជាថ្នូរនឹងការប្រគល់រង្វាន់។ ក្រុមហ៊ុនបានឱ្យដឹងថាការអនុវត្តបែបនេះនិងគណនីទាំងនេះគឺជាការក្លែងបន្លំទេ។
លោក Feiruz Ikhwan បានថ្លែងទៀតថា៖ «វាជារឿងអកុសលណាស់ដែលយើងត្រូវចេញការណែនាំ និងការព្រមាននេះ ប៉ុន្តែដោយសារការបោកបញ្ចោតកំពុងរីករាលដាលកាន់តែខ្លាំងក្នុងចំណោមអ្នកប្រើប្រាស់ប្រព័ន្ធទូរគមនាគមន៍ យើងយល់ថា ជាការចាំបាច់ត្រូវជូនដំណឹងដល់អតិថិជនរបស់យើង។ ទោះបីជាមានបញ្ហានេះក៏ដោយ ក៏ក្រុមហ៊ុន Smart Axiata នឹងចាត់វិធានការបង្ការទុកជាមុនបន្ថែមទៀតដើម្បីការពារអតិថិជនរបស់យើង និងបន្តផ្តល់រង្វាន់ដល់អតិថិជនដែលបន្តប្រើប្រាស់សេវារបស់យើង»។
ក្រុមហ៊ុន Smart Axiata ធានាអះអាជាថ្មីចំពោះអតិថិជនថា ក្រុមហ៊ុនប្រើប្រាស់តែបណ្តាញទំនាក់ទំនងសង្គម Facebook, Instagram, TikTok និង Telegram ផ្លូវការរបស់ខ្លួន ក៏ដូចជាគេហទំព័ររបស់ក្រុមហ៊ុនប៉ុណ្ណោះ ដើម្បីចេញផ្សាយព័ត៌មាន និងធ្វើសេចក្តីប្រកាសនានាទាក់ទងនឹងប្រូម៉ូសិន និងការផ្សាយពាណិជ្ជកម្មនានា។ ប្រតិបត្តិករទូរស័ព្ទចល័តឈានមុខគេមួយនេះផ្តល់ដំបូន្មានដល់អតិថិជនដែលមានចម្ងល់អំពីរង្វាន់ឱ្យទាក់ទងទៅកាន់ទូរស័ព្ទជំនួយរបស់ក្រុមហ៊ុនតាមរយៈលេខ ១២០៤ ឬទូរស័ព្ទលេខ ០១០ ២០០ ៨៨៨។
ក្រុមហ៊ុន Smart Axiata សូមណែនាំអតិថិជនឱ្យចូលទៅកាន់កម្មវិធីស្មានណាស់ (SmartNas) គេហទំព័រ www.smart.com.kh និង https://getmynumber.smart.com.kh/ ដើម្បីស្វែងរកព័ត៌មានអំពីរង្វាន់។ ដើម្បីទទួលយករង្វាន់ដោយផ្ទាល់ ក្រុមហ៊ុន Smart Axiata តម្រូវឱ្យអ្នកឈ្នះរង្វាន់នាំយកស៊ីមកាតដែលបានឈ្នះរង្វាន់ទៅកាន់ហាង Smart Shop។
សម្រាប់ព័ត៌មានបន្ថែម អតិថិជនអាចទាក់ទងទៅកាន់ក្រុមហ៊ុន Smart Axiata តាមរយៈលេខ ១២០៤៕
អំពីក្រុមហ៊ុន Smart
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។
ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smartក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Appleនិង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smart សេវា Pi Pay និងសេវា SmartNas។ ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smart ជីវិតរស់រវើក!
ក្រុមហ៊ុន Smart Axiata Co., Ltd.
No. 464A,មហាវិថីព្រះមុនីវង្ស, ទន្លេបាសាក់, ខណ្ឌចំការមន, ភ្នំពេញ, កម្ពុជា
ទូរស័ព្ទ: +855 10 201 000
សម្រាប់ព័ត៌មានបន្ថែម សូមទាក់ទង
លោក ឈុន ងីច័ន្ទរស្មី
ទូរស័ព្ទ៖ +855 10 202 282
អ៊ីម៉ែល៖ chhun.ngychanraksmey@smart.com.kh
TikTok ប្តេជ្ញាចិត្តបណ្ដុះទំហំឌីជីថល វិជ្ជមានថែមទៀត ដោយធ្វើបច្ចុប្បន្នភាពមុខងារ សុវត្ថិភាព
ក្នុងឱកាសទិវាសុខភាពផ្លូវចិត្ត ពិភពលោកនេះ TikTok បង្ហាញការធ្វើបច្ចុប្បន្នភាពមជ្ឈមណ្ឌលសុខុមាលភាព ឌីជីថល (Digital Wellness Hub) របស់ខ្លួន និងចេញផ្សាយវីដេអូសុវត្ថិភាព ដែលផ្តល់គន្លឹះដើម្បីរក្សាសុវត្ថិភាព នៅលើវេទិការបស់ខ្លួន។
នៅថ្ងៃនេះ TikTok បានប្រកាសថា ខ្លួនកំពុងពង្រឹងការប្តេជ្ញាចិត្តរបស់ខ្លួនក្នុងការជំរុញឱ្យ មានកន្លែងសុវត្ថិភាព ជាងមុនសម្រាប់ការសន្ទនា អំពីសុខភាពផ្លូវចិត្ត ក្នុងទិវាសុខភាពផ្លូវចិត្ត ពិភពលោកនេះ ជាមួយនឹងយុទ្ធនាការ ក្នុងកម្មវិធីចុងក្រោយបង្អស់របស់ខ្លួន «គិតគូរជាចម្បងអំពីសុខុមាលភាព ផ្លូវចិត្ត (Mental Well-Being Comes First)» និងការធ្វើបច្ចុប្បន្នភាពថ្មីចំពោះ មជ្ឈមណ្ឌលសុខុមាលភាព ឌីជីថល (Digital Wellness Hub) ។ ការសម្រេចបែបនេះ គឺដើម្បីសង្កត់ធ្ងន់អំពីភាពចាំបាច់សម្រាប់ប្រព័ន្ធអេកូឡូស៊ី គាំទ្រសុខុមាលភាពផ្លូវចិត្ត កាន់តែប្រសើរ ក្នុងចំណោមមនុស្ស ពេញវ័យចាប់ពី ១៨ឆ្នាំឡើងទៅ។
Kyu Kyu Thein អ្នកគ្រប់គ្រងគោលនយោបាយ សាធារណៈ [កម្ពុជា] របស់ TikTok បាននិយាយថា៖ «ខណៈ ការបោះជំហានយ៉ាងសំខាន់ ត្រូវបានធ្វើឡើងដើម្បីបណ្តុះប្រព័ន្ធគាំទ្រសុខភាពផ្លូវចិត្តឱ្យកាន់តែរឹងមាំ វាច្បាស់ណាស់ថា យើងត្រូវតែធ្វើបន្ថែមទៀតដើម្បីធ្វើឱ្យការនិយាយ និងដោះស្រាយបញ្ហានេះជារឿងធម្មតា» ។ អ្នកគ្រប់គ្រងគោលនយោបាយសាធារណៈរូបនេះ លើកឡើងបន្តទៀតថា៖ «មនុស្សគ្រប់គ្នាមានរឿងផ្ទាល់ខ្លួនរបស់ពួកគេ ដើម្បីនិទានប្រាប់ នៅពេលនិយាយដល់ដំណើរសុខភាពផ្លូវចិត្តរបស់ពួកគេ ហើយ TikTok ខិតខំធ្វើជាកន្លែងមួយដែលបន្តជំរុញបណ្តាញទាក់ទង និងធនធានសម្រាប់ទាំងអស់គ្នា ដែលអនុញ្ញាតឱ្យមានការសន្ទនាសំខាន់ៗអំពីសុខុមាលភាពដើម្បីធ្វើឲ្យលូតលាស់ លួងលោម និងបំផុសគំនិតអ្នកប្រើប្រាស់យ៉ាងពិតប្រាកដ។”
យុទ្ធនាការ «គិតគូរជាចម្បងអំពីសុខុមាលភាពផ្លូវចិត្ត (Mental Well-Being Comes First) » ដែលផ្តោតលើការលើកកម្ពស់ការយល់ដឹងអំពីសុខុមាលភាពផ្លូវចិត្តក្នុងចំណោមសហគមន៍ TikTok និងការពង្រឹងប្រព័ន្ធគាំទ្រដែលមានស្រាប់។ គាំទ្របណ្តាញជំនួយដល់អង្គការមិនរកប្រាក់ចំណេញក្នុងស្រុក និងធនធាន ដូចជាការណែនាំអំពីសុខុមាលភាពរបស់ TikTok សម្រង់មតិ និងមុខងារគ្រប់គ្រងពេលវេលាអេក្រង់ នឹងត្រូវបានបង្កើតឡើងដើម្បីផ្តល់សិទ្ធិអំណាចដល់អ្នកប្រើប្រាស់ក្នុងការបង្កើតបទពិសោធឌីជីថលវិជ្ជមានសម្រាប់ខ្លួនពួកគេ។
Hashtags ដូចជា #សុខភាពផ្លូវចិត្ត ក៏នឹងត្រូវបានណែនាំផងដែរ ដើម្បីបង្កើនការយល់ដឹងជុំវិញការសន្ទនាអំពីសុខុមាលភាពផ្លូវចិត្ត និងលើកទឹកចិត្តសហគមន៍ឱ្យចែករំលែករឿងរ៉ាវ និងបទពិសោធរបស់ពួកគេទាក់ទងនឹងសុខុមាលភាពផ្លូវចិត្តរបស់ពួកគេ។
បន្ថែមពីលើធនធានទាំងនេះ TikTok ក៏នឹងផ្តល់ការធ្វើបច្ចុប្បន្នភាពមជ្ឈមណ្ឌលសុខុមាលភាពឌីជីថលរបស់ខ្លួន ដែលជាវិបផតថលចំណតតែមួយ ដែលមានស្រាប់ ដែលគាំទ្រគំនិតផ្តួចផ្តើមអប់រំ ទាំងអស់របស់ខ្លួនជុំវិញ សុខុមាលភាពផ្លូវចិត្ត និងសុខភាពតាមអ៊ីនធឺណិត ដើម្បីបង្កើនការផ្តល់ជូនរបស់ខ្លួនដល់សហគមន៍មូលដ្ឋាន។
ទាំងនេះរួមបញ្ចូលការចូលប្រើប្រាស់ កាន់តែច្រើនទៅកាន់បណ្តាញជំនួយគាំទ្រ ក្នុងស្រុក និងវីដេអូថ្មីៗ ធ្វើឡើងដោយសហការជាមួយ បណ្តាញទូរស័ព្ទជំនួយកុមារកម្ពុជា, ស្ថានីយអារម្មណ៍, មជ្ឈមណ្ឌលកម្ពុជា ៤.០ ហើយនឹង អង្គការចិត្តសាស្ត្រសង្គមអន្តរវប្បធម៌ (TPO) – ដើម្បីផ្តល់នូវគន្លឹះមានប្រយោជន៍ដែលលើកកម្ពស់សុខុមាលភាពផ្លូវចិត្ត។
គំនិតផ្តួចផ្តើមទាំងនេះនឹងជំរុញការការពារ ដែលមានស្រាប់របស់ TikTok ដែលត្រូវបានកែសម្រួលដើម្បីគាំទ្រ ដល់សុខភាពផ្លូវចិត្តរបស់អ្នកប្រើប្រាស់ រួមទាំងគោលការណ៍ណែនាំ អំពីសុខុមាលភាព ក្នុងកម្មវិធីដែលត្រូវបាន អភិវឌ្ឍឡើង នៅក្នុងការពិគ្រោះយោបល់ ជាមួយអ្នកជំនាញ។
វេទិកានេះក៏នឹងបន្តអនុវត្តវិធីសាស្រ្តពីរយ៉ាង ដើម្បីដោះស្រាយមាតិកា ដែលអាចបង្កគ្រោះថ្នាក់នៅលើវេទិកានេះ រួមទាំងវិធានការដើម្បីលុបវីដេអូ ដែលផ្ទុយនឹងគោលការណ៍ណែនាំ សហគមន៍របស់វេទិកា ព្រមទាំងឧបករណ៍ ក្នុងកម្មវិធី ដែលផ្តល់សិទ្ធិអំណាចដល់អ្នកប្រើប្រាស់ទាំងអស់ ក្នុងការទប់ស្កាត់ និងរាយការណ៍អំពីមាតិកាមិនសមរម្យ។
រាជរដ្ឋាភិបាលកម្ពុជា បានអនុម័តដាក់ឱ្យប្រើប្រាស់ ជាផ្លូវការ នូវឯកសារគោលនយោបាយ អភិវឌ្ឍន៍វិស័យប្រៃសណីយ៍ ២០២២-២០៣០
ភ្នំពេញ៖ រាជរដ្ឋាភិបាលកម្ពុជា នៅថ្ងៃទី៩ ខែកញ្ញា ឆ្នាំ២០២២ នេះ បានអនុម័តដាក់ឱ្យប្រើប្រាស់ជាផ្លូវការនូវឯកសារគោលនយោបាយអភិវឌ្ឍន៍វិស័យប្រៃសណីយ៍ ២០២២-២០៣០ ក្នុងគោលដៅពង្រឹងនិងពង្រីកការផ្តល់សេវាប្រៃសណីយ៍ឱ្យបានទូលំទូលាយ ប្រកបដោយគុណភាព ប្រសិទ្ធភាព ប្រសិទ្ធផល សុវត្ថិភាព និងភាពជឿទុកចិត្ត ព្រមទាំងគាំទ្រការធ្វើពិពិធកម្ម សេវាប្រៃសណីយ៍ និងការធ្វើអាជីវកម្មផ្តល់សេវាក្នុងវិស័យប្រៃសណីយ៍ ជាមួយនឹងការជំរុញការធ្វើទំនើបកម្ម និងប្រើប្រាស់បច្ចេកវិទ្យាឌីជីថល ដើម្បីរួមចំណែកទ្រទ្រង់ការអភិវឌ្ឍពាណិជ្ជកម្ម តាមប្រព័ន្ធអេឡិចត្រូនិក និងគាំទ្រដល់ពិពិធកម្មសេដ្ឋកិច្ចកម្ពុជា។
គោលនយោបាយអភិវឌ្ឍន៍វិស័យប្រៃសណីយ៍ ២០២២-២០៣០ មានចក្ខុវិស័យអភិវឌ្ឍវិស័យប្រៃសណីយ៍ និងទីផ្សារសេវាប្រៃសណីយ៍ ដើម្បីបម្រើធុរកិច្ចសហគ្រាស និងប្រជាជន ប្រកបដោយប្រសិទ្ធភាព និរន្តរភាព និងនវានុវត្តន៍ សំដៅចូលរួមការអភិវឌ្ឍសង្គម-សេដ្ឋកិច្ចជាតិ។
ដើម្បីសម្រេចបានចក្ខុវិស័យ និងគោលបំណងខាងលើ គោលនយោបាយនេះបានកំណត់នូវគោលដៅចំនួន ៤ដូចខាងក្រោម៖
(១).ធ្វើឱ្យប្រសើរឡើងនូវការគ្រប់គ្រងវិស័យប្រៃសណីយ៍ ដើម្បីធានាការលើកកម្ពស់គុណភាពសេវា និងការពារផលប្រយោជន៍របស់អ្នកប្រើប្រាស់ តាមរយៈការកសាងក្របខណ្ឌគោលនយោបាយ ច្បាប់ និងលិខិតបទដ្ឋានគតិយុត្ត។
(២).ធ្វើទំនើបកម្មសេវាប្រៃសណីយ៍ អភិវឌ្ឍហេដ្ឋារចនាសម្ព័ន្ធ ពង្រីកបណ្តាញប្រៃសណីយ៍ឱ្យមានវិសាលភាពទូលំទូលាយ ខិតទៅដល់ប្រជាជន និងប្រើប្រាស់បច្ចេកវិទ្យាឌីជីថលសំដៅគាំទ្រការផ្តល់សេវាប្រៃសណីយ៍ ប្រកបដោយប្រសិទ្ធភាពខ្ពស់ និងឆ្លើយតបទៅនឹងតម្រូវការរបស់អ្នកប្រើប្រាស់ និងចូលរួមគាំទ្រដល់សេវាពាណិជ្ជកម្មតាមប្រព័ន្ធអេឡិចត្រូនិក និងសេវាសាធារណៈរបស់រដ្ឋាភិបាលឌីជីថល។
(៣).បង្កលក្ខណៈងាយស្រួលដល់វិស័យឯកជន ក្នុងការធ្វើអាជីវកម្មក្នុងវិស័យប្រៃសណីយ៍ដឹកជញ្ជូន និងចែកបញ្ញើប្រៃសណីយ៍ ដោយជំរុញការប្រកួតប្រជែងដោយសុចរិត ក្នុងក្របខណ្ឌគតិយុត្តច្បាស់លាស់ និងការចូលរួមអភិវឌ្ឍឧស្សាហកម្មប្រៃសណីយ៍ ក្រោមរូបភាពនៃការវិនិយោគ របស់វិនិយោគិនក្នុងស្រុក និងក្រៅប្រទេស និងភាពជាដៃគូរវាងរដ្ឋ និងឯកជន។
(៤).លើកកម្ពស់តួនាទីរបស់ប្រៃសណីយ៍កម្ពុជាក្នុងការផ្តល់សេវាប្រៃសណីយ៍ ជាមួយនឹងការជំរុញការធ្វើពិពិធកម្មសេវាកម្ម និងផលិតផលប្រៃសណីយ៍ នវានុវត្តន៍ និងការប្រើប្រាស់បច្ចេកវិទ្យាឌីជីថល។
ទាញយក៖ https://mptc.gov.kh/news/29756/
Investing in Urban area vs Investing in the suburb
It is usual that most people will tend to change their home address very often especially for adult people. And if you are living in a developed country, it will become a normal thing to do that. The pattern of changing their preferred home address could be changing between urban areas and suburb areas since they are the most popular and common places for investing. Most people will expect to get a higher return when investing their money on the properties. As investing between urban areas and suburbs becomes very common, that is why there is a debate about investing in urban areas and suburbs. Is investing in urban areas better or investing in suburb areas is better?
What is an urban area?
Urban area is the place located in the city that usually has a lot of people living nearby. Most people who are living in urban cities tend to have jobs that are not related to agriculture. Moreover, urban areas tend to be a very developed area and they usually consist of human power which is human resource too. There are also a lot of human structures as well such as houses, commercial skyscrapers, roads, railroads, bridges and many more. What people usually understand about the urban area is that it is a metropolitan area that consists of everything.
What is suburb area?
Suburb area also has some parts that overlap with the city or urban area as well. But the different thing is that the suburb area is more of outskirt places that are not located in the city at all. Moreover, suburb areas tend to have a lower density population and it is also a place that separates between the residential and commercial areas as well.
Why should you invest in Urban area?
- More social diversity: In urban areas, they have many different types of people who are living in this area. If you choose to invest in an urban area you will get to know various classes of people as part of your living life. Moreover, you will also experience the diversity of people who come from different places which give you different types of living environments.
- Variety accesses to public transportation: You probably know that in urban areas you will get to use any kind of transportation and especially you will have a chance to access different types of public transportation which is very easy for your daily life.
- Larger population density: It is a pretty good idea if you want to receive a good return with your investment in an urban area. You will be able to receive all of those high returns since there are more people living in the area which might have very potential for your properties here. As more people live in that means it is a very potential place for a commercial area.
- Have more demands in the market: Since there is a higher population density in the urban area that also means there is a higher demand for your properties which makes your property price will be increasing.
Why should you invest in Suburb area?
- Cost efficient: If you are buying a house in the suburb area, you will save more money in the long run as you started with a lower price to buy a house. Moreover, as time goes by, you may probably have the opportunity to get a higher return as well. As the population grows, many people cannot afford to buy in urban areas, so more demand for suburban areas will increase.
- Bigger space: As we all know, with the same price you can get a different amount of square of house and land. Most properties in the suburb tend to have a bigger size and other available outdoor spaces which is pretty convenient for people to live in. As you might experience though, during the covid-19 pandemic people really need a large space to live and communicate and especially for quarantine period as well; so it is pretty important and a plus benefit if you are buying the properties in the suburb area you will get the chance to experience living the big outdoor spaces house.
- Lower crime rates: In most countries in the world, urban areas are the most dangerous places because usually it is a place where many crimes happen. Therefore, it means that the suburb area is a safer place for people to situate in without needing to worry about some crimes that might happen.
- Attracting more long-term renters: According to most of the property companies, they mentioned that most renter clients like to look for the properties that are located in the suburb area and mostly they tend to do a long period of contract. That is because mostly the suburb renting clients have a long period of commitment in renting your properties. It is pretty potential for you if you want to rent your properties to this type of renter.
In short, investing in urban areas and suburban areas will give you different benefits. In order to make a better decision in investing you should know yourself clearly so that you can choose the one that can maximize your benefits. Since people are different, investing in urban areas might be good for you but not good for some other people. It is true that you need to do some research first, like reading this type of article will give you some insights since the more information you get, the wiser decision you can make.
Explore more service related to Residential Sales & Leasing and many more at CBRE Cambodia
ក្រសួងពាណិជ្ជកម្ម ចុះMoU ជាមួយ GMAC និងតំណាងអង្គការអន្តរជាតិខាងការងារ ស្តីពី គម្រោងរោងចក្រកាន់តែប្រសើរនៅកម្ពុជា (ILO-BFC)
ភ្នំពេញ៖លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានចូលរួមជាមួយ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ តំណាងភាគីរាជ រដ្ឋាភិបាល អញ្ជើញចុះហត្ថលេខាលើអនុស្សរណៈនៃការយោគយល់គ្នា ស្តីពី «គម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ២០២៣-២០២៧» ជាមួយតំណាងសមាគមន៍រោងចក្រកាត់ដេរនៅកម្ពុជា (GMAC) និងតំណាងអង្គការអន្តរជាតិខាងការងារស្តីពីគម្រោងរោងចក្រកាន់តែប្រសើរនៅកម្ពុជា (ILO-BFC) នារសៀលថ្ងៃទី១០ ខែតុលា ឆ្នាំ២០២២ នៅសណ្ឋាគារភ្នំពេញ។
ថ្លែងក្នុងឱកាសនោះលោក ប៉ាន សូរស័ក្តិ បានគូសបញ្ជាក់ថា តាមរយៈការអនុវត្តគោលនយោបាយផ្សារភ្ជាប់ពាណិជ្ជកម្មជាមួយនឹងបទដ្ឋានការងារ កម្ពុជាបានបង្កើនទំនុកចិត្តដល់អ្នកបញ្ជាទិញម៉ាកយីហោល្បីៗ ក្នុងការដាក់បន្ថែមការបញ្ជាទិញផលិតផលសំខាន់ៗ រួមមាន សម្លៀកបំពាក់ វាយនភ័ណ្ឌ ស្បែកជើង និងកាបូបនៅកម្ពុជាពីមួយឆ្នាំ ទៅមួយឆ្នាំកាន់តែច្រើនឡើងៗ។
លោកបន្តថា ក្រសួងពាណិជ្ជកម្ម ក្នុងនាមជាសេនាធិការមួយរបស់រាជរដ្ឋាភិបាលកម្ពុជា បានខិតខំប្រឹងប្រែង ដោយស្មារតីបុរេសកម្ម និងទទួលខុសត្រូវខ្ពស់ និងបានបន្តធ្វើសមាហរណកម្មសេដ្ឋកិច្ចទៅក្នុងតំបន់ និងពិភពលោក និងស្វែងរកទីផ្សារនាំចេញថ្មីៗ ជាពិសេសតាមរយៈការចរចាកិច្ចព្រមព្រៀងពាណិជ្ជកម្មសេរីទ្វេភាគី តំបន់ និងពហុភាគី ដោយចុងក្រោយនេះ ក្រសួងពាណិជ្ជកម្មសម្រេចបាននូវកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (អាសិប) កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន និងកិច្ចព្រមព្រៀងពាណិជ្ជកម្មសេរីទ្វេភាគី កម្ពុជា-កូរ៉េ។
លោករដ្ឋមន្រ្តីបញ្ជាក់ថា បេសកកម្មនេះ គឺដើរស្របតាមផែនការជាយុទ្ធសាស្រ្តនិងផែនការសកម្មភាព កំណត់ក្រោម «យុទ្ធសាស្រ្តអភិវឌ្បន៍វិស័យកាត់ដេរ ផលិតស្បែកជើង និងកាបូបកម្ពុជា ២០២២-២០២៧»។ ឆ្លៀតក្នុងឱកាសនោះលោករដ្ឋមន្ត្រី បានថ្លែងកោតសរសើ និងវាយតម្លៃខ្ពស់ចំពោះគ្រប់ភាគីពាក់ព័ន្ធ ជាពិសេសក្រុមការងារក្រសួងពាណិជ្ជកម្ម ក្រសួងការងារ និងបណ្តុះបណ្តាលវិជ្ជាជីវៈ សមាគមរោងចក្រកាត់ដេរនៅកម្ពុជា អង្គការអន្តរជាតិខាងការងារស្តីពីគម្រោងរោងចក្រកាន់តែប្រសើរនៅកម្ពុជា ដែលបានខិតខំប្រឹងប្រែងរហូតសម្រេចបាន នូវអនុស្សរណៈនៃការយោគយល់គ្នានេះ។
សូមជម្រាបជូនថា អនុស្សរណៈនៃការយោគយល់គ្នា ស្តីពី «គម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ២០២៣-២០២៧» គឺជាសមិទ្ធិផលថ្មីមួយទៀតរបស់រាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម និងក្រសួងការងារ និងបណ្តុះបណ្តាលវិជ្ជាជីវៈ។ អនុស្សរណៈនៃការយោគយល់គ្នានេះ មានគោលបំណងស្នូលក្នុងបន្តការសហការគ្នាសំដៅធ្វើឱ្យលក្ខខណ្ឌការងារកាន់តែប្រសើរសម្រាប់កម្មករ នយោជិក ក្នុងវិស័យសម្លៀកបំពាក់ វាយនភ័ណ្ឌ សម្ភារៈធ្វើដំណើរ និងកាបូប តាមរយៈការអនុវត្តតាមច្បាប់ការងារនិងច្បាប់ពាក់ព័ន្ធរបស់កម្ពុជាក៏ដូចជាបទដ្ឋានការងារស្នូលដែលទទួលស្គាល់ជាអន្តរជាតិ ជាពិសេសលើសុវត្ថិភាព និងសុខាមាលភាពការងារ៕
ក្រុមហ៊ុន ហ៊ិននីគែន ខេមបូឌា ដំណើរការសាកល្បងកម្មវិធី “ជំរុញឱកាសសម្រាប់ស្រ្តីនៅផ្នែកលក់ (WiSE)” ថ្មី ដែលផ្តល់ការគាំទ្រដល់ស្ត្រី ក្នុងអាជីពផ្នែកលក់
ភ្នំពេញ ថ្ងៃទី១១ ខែតុលា ឆ្នាំ២០២២៖ ស្រ្តីកម្ពុជាដែលមានទេពកោសល្យចំនួន ៩នាក់ កំពុងចាប់ផ្តើមអាជីពដ៏គួរឱ្យរំភើប ខណៈដែលក្រុមហ៊ុន ហ៊ិននីគែន ខេមបូឌា ចាប់ផ្តើមកម្មវិធីកម្មសិក្សាសម្រាប់ស្ត្រី។ សិក្ខាកាមត្រូវបានជ្រើសរើសតាមរយៈកម្មវិធីជំរុញឱកាសសម្រាប់ស្រ្តីនៅផ្នែកលក់ (Women in Sales Empowerment ឬ WiSE) ដែលជាកម្មវិធីថ្មីមួយត្រូវបានបង្កើតឡើងដើម្បីជួយស្ត្រីឱ្យពង្រីកអាជីពផ្នែកលក់របស់ពួកគេដោយទទួលបានការបណ្តុះបណ្តាលនិងការគាំទ្រផ្សេងៗ។
កម្មវិធី WiSE ត្រូវបានបង្កើតឡើងកាលពីខែសីហា ឆ្នាំ២០២២ ដោយក្រុមហ៊ុន ហ៊ិននីគែន ខេមបូឌា ក្រោមកិច្ចសហការជាមួយអង្គការ Digital Divide Data-Cambodia (DDD Cambodia) ដែលជាអង្គការមិនស្វែងរកប្រាក់ចំណេញផ្តោតលើការអភិវឌ្ឍយុវជន។ កម្មវិធី WiSE បានអញ្ជើញស្ត្រីកម្ពុជាមកពីគ្រប់មជ្ឈដ្ឋានឱ្យដាក់ពាក្យចូលរួមការបណ្តុះបណ្តាលនេះ។ កម្មវិធីនេះក៏បានរួមបញ្ចូលដំណើរការជ្រើសរើសដែលមានលក្ខណៈបរិយាបន្ន (រួមបញ្ចូល) ផងដែរ ដើម្បីបង្កើតឱ្យមានភាពស្មើភាពសម្រាប់សិក្ខាកាមទាំងអស់ និងផ្តល់ឱ្យអ្នកដែលមានទេពកោសល្យនូវឱកាសដ៏សាកសមមួយដោយមិនគិតពីសាវតា។
បន្ទាប់ពីជ្រើសរើសរួច សិក្ខាកាមក្នុងកម្មវិធី WiSE បានចាប់ផ្តើមវគ្គបណ្តុះបណ្តាលក្នុងថ្នាក់រៀនរយៈពេលមួយខែគឺក្នុងខែកញ្ញា ដែលផ្តោតលើការផ្តល់ជូនពួកគេនូវសមត្ថភាពផ្នែកលក់ឌីជីថល និងការបណ្តុះបណ្តាលជំនាញផ្នែកលក់ ដើម្បីទទួលបានសមត្ថភាពកាន់តែប្រសើរឡើង ព្រមជាមួយទំនាក់ទំនងល្អមួយក្នុងការចាប់ផ្តើមអាជីពផ្នែកលក់។
ក្នុងវគ្គបន្ទាប់នៃកម្មវិធីនេះគឺការចុះកម្មសិក្សាដែលចាប់ផ្តើមនៅសប្តាហ៍នេះ សិក្ខាកាមនឹងទទួលបានបទពិសោធក្នុងអំឡុងពេលអនុវត្តការងាររយៈពេល ៣ខែជាមួយនឹងការងារផ្នែកលក់របស់ក្រុមហ៊ុន ហ៊ិននីគែន ខេមបូឌា។ នៅចុងបញ្ចប់នៃកម្មវិធី សិក្ខាកាមដែលធ្វើការងារបានល្អអាចទទួលបានឱកាសចូលរួមជាមួយក្រុមហ៊ុន ហ៊ិននីគែន ខេមបូឌា ក្នុងនាមជាបុគ្គលិកពេញម៉ោង។
លោក Sergio Avalos Aldana នាយកផ្នែកលក់នៃក្រុមហ៊ុន ហ៊ិននីគែន ខេមបូឌា មានប្រសាសន៍ថា៖ «ការងារផ្នែកលក់របស់យើងគឺជាចង្វាក់បេះដូងរបស់ក្រុមហ៊ុន ដែលបង្កើតបទពិសោធដ៏អស្ចារ្យសម្រាប់អតិថិជន និងអ្នកប្រើប្រាស់ផលិតផលម៉ាកយីហោអន្តរជាតិនិងក្នុងស្រុករបស់យើង។ បុគ្គលិកផ្នែកលក់ចម្រុះប្រឹងប្រែងយ៉ាងខ្លាំងសម្រាប់អ្វីដែលយើងធ្វើ តាមរបៀបមួយដែលនឹងឆ្លើយតបទៅកាន់អតិថិជន និងអ្នកប្រើប្រាស់របស់យើង។ នេះជាមូលហេតុដែលយើងត្រៀមខ្លួនក្នុងការកសាងអ្នកដែលមានទេព្យកោសល្យខ្លាំងនិងមានភាពចម្រុះខាងផ្នែកលក់។ យើងមានក្តីសោមនស្សរីករាយសូមស្វាគមន៍សិក្ខាកាមរបស់កម្មវិធី WiSE ថ្មីរបស់យើងមកកាន់ក្រុមការងាររបស់យើង។ វាជាពេលវេលាដ៏គួរឱ្យរំភើបមួយក្នុងការចូលរួមក្នុងក្រុមការងារផ្នែកលក់របស់យើង ជាទីដែលយើងខិតខំប្រឹងប្រែងដើម្បីក្លាយជាក្រុមហ៊ុនផលិតស្រាបៀរដែលលើកកម្ពស់ទំនាក់ទំនងល្អជាងគេ និងដើម្បីផ្តល់សេវាកម្មដល់អតិថិជនដែលមិនអាចប្រៀបផ្ទឹមបាន តាមរយៈការប្រើប្រាស់បច្ចេកវិទ្យាទំនើបចុងក្រោយបង្អស់»។
កញ្ញា ព្រើង សុគន្ធឧសភា គ្រូបង្វឹកក្នុងកម្មវិធី WiSE ដែលក៏ជាប្រធានផ្នែកពាណិជ្ជកម្មទំនើបឌីជីថលនៃក្រុមហ៊ុន ហ៊ិននីគែន ខេមបូឌា ផងដែរនោះបានថ្លែងថា៖ “វាជាកិត្តិយសដែលខ្ញុំបានមកធ្វើការងារជាមួយសិក្ខាកាម ដើម្បីស្តាប់រឿងរ៉ាវរបស់ពួកគាត់ និងការប្តេជ្ញាចិត្តនានាដែលជាផ្នែកមួយនៃកម្មវិធី WiSE។ ស្ត្រីក្នុងការងារផ្នែកលក់សព្វថ្ងៃនេះបន្តប្រឈមមុខនឹងបញ្ហាផ្សេងៗដោយសារការលំអៀងដោយមិនដឹងខ្លួន។ ជាមួយនឹងកម្មវិធីថ្មីនេះ យើងមានបំណងបង្កើតប្រព័ន្ធគាំទ្រមួយសម្រាប់ស្ត្រីក្នុងការងារផ្នែកលក់ ដូច្នេះពួកគាត់អាចឈានដល់សក្តានុពលពេញលេញបំផុតរបស់ពួកគាត់»។
លោកស្រី អ៊ឹម សុភាព នាយកប្រតិបត្តិអង្គការ DDD Cambodia បានមានប្រសាសន៍ថា៖ «យើងសូមអរគុណដល់ក្រុមហ៊ុន ហ៊ិននីគែន ដែលជាក្រុមហ៊ុនផលិតស្រាបៀរឈានមុខគេលំដាប់អន្តរជាតិ និងមានការទទួលខុសត្រូវមួយ កំពុងសហការធ្វើការងារជាមួយយើងលើគំនិតផ្តួចផ្តើមនេះ។ កម្មវិធី WiSE ក៏ជាបទពិសោធនៃភាពជាដៃគូដ៏ល្អមួយសម្រាប់យើងផងដែរ មិនត្រឹមតែជាដំណើរសិក្សាដ៏អស្ចារ្យសម្រាប់តែសិក្ខាកាមប៉ុណ្ណោះទេ។ ថាមពល និងចំណង់ចំណូលចិត្តរបស់សិក្ខាកាមបានបំផុសគំនិតយើង ហើយយើងសូមជូនពរឱ្យពួកគេទទួលបានជោគជ័យក្នុងដំណើរការបន្ទាប់នៃអាជីពរបស់ពួកគេ»។
ការប្តេជ្ញាចិត្តនូវការធ្វើឱ្យពិភពលោកកាន់តែប្រសើររបស់ក្រុមហ៊ុន ហ៊ិននីគែន គ្រុប និងការប្តេជ្ញាចិត្តរបស់ក្រុមហ៊ុន ហ៊ិននីគែន ខេមបូឌា ក្នុងការធ្វើឱ្យប្រទេសកម្ពុជាកាន់តែប្រសើរឡើង បន្តផ្តោតលើនិរន្តរភាពសង្គម បន្ថែមពីលើនិរន្តរភាពបរិស្ថាន និងការពិសាដោយការទទួលខុសត្រូវ។ ក្រុមហ៊ុន ហ៊ិននីគែន គ្រុប មានកំណត់ត្រាដ៏រឹងមាំក្នុងនាមជាក្រុមហ៊ុនឈានមុខគេមួយខាងផ្នែកភាពចម្រុះ សមធម៌ និងបរិយាប័ន្ន (DEI) ពីការឧបត្ថម្ភជាប្រចាំដល់សម្ភារនិងឧបករណ៍កីឡាសម្រាប់ស្រ្តី ដូចជាកីឡាបាល់ទាត់ជាដើម ដើម្បីអនុវត្តគំនិតផ្តួចផ្តើមផ្តល់អំណាចដល់ស្ត្រីនៅទូទាំងពិភពលោក។
ជាផ្នែកមួយនៃអាទិភាពផ្ទៃក្នុងរបស់ក្រុមហ៊ុនផលិតស្រាបៀរ ហ៊ិននីគែន ក្នុងការលើកកម្ពស់កន្លែងធ្វើការប្រកបដោយសុវត្ថិភាពស្របតាមការប្តេជ្ញាចិត្ត «ធ្វើឱ្យពិភពលោកកាន់តែប្រសើរ» សិក្ខាកាមរបស់កម្មវិធី WiSE ក៏នឹងបញ្ចប់វគ្គបណ្តុះបណ្តាលនានាផងដែរសំដៅលើការបណ្តុះបុគ្គលិកឱ្យក្លាយជាទូតសុឆន្ទៈទៅលើការពិសាដោយការទទួលខុសត្រូវ និងអភិវឌ្ឍវប្បធម៌សុវត្ថិភាពជាចម្បងរបស់ក្រុមហ៊ុន។
លោក Fernando de Castro Pastor នាយកផ្នែកធនធានមនុស្សនៃក្រុមហ៊ុន ហ៊ិននីគែន ខេមបូឌា មានប្រសាសន៍ថា៖ «ដើម្បីឆ្លើយតបទៅនឹងគោលបំណងរបស់យើងក្នុងការបង្កើតភាពរីករាយនៃការរួបរួមគ្នាពិតប្រាកដ ដើម្បីជំរុញពិភពលោកឱ្យកាន់តែប្រសើរនៅក្រុមហ៊ុន ហ៊ិននីគែន យើងដឹងថា យើងមិនអាចធ្វើបែបនេះបានដោយគ្មានការឱបក្រសោប DEI ទាំងស្រុងនោះទេ។ ជាមួយនឹងតម្លៃស្នូលរបស់យើងពោលគឺ “ការយកចិត្តទុកដាក់ចំពោះធនធានមនុស្ស” យើងព្យាយាមភ្ជាប់ទំនាក់ទំនងកាន់តែស៊ីជម្រៅជាមួយបុគ្គលិក អតិថិជន និងអ្នកប្រើប្រាស់ដែលកាន់តែសម្បូរបែបរបស់យើង។ ក្នុងកម្មវិធី WiSE សាកល្បងនេះ យើងសង្ឃឹមថានឹងទទួលយកការរៀនសូត្រទាំងនេះដើម្បីកែលម្អបន្ថែមទៀតចំពោះកម្មវិធី DEI របស់យើង ដូច្នេះយើងអាចធ្វើការងារបន្ថែមទៀតដើម្បីបង្កើតកន្លែងធ្វើការប្រកបដោយបរិយាបន្នមួយដែលមនុស្សគ្រប់គ្នាអាចរីកចម្រើនទាំងអស់គ្នាបានដោយមិនគិតពីសាវតា»៕
អំពីក្រុមហ៊ុន ហ៊ិននីគែន ខេមបូឌា
ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជា ដែលបង្កើតឡើងក្នុងឆ្នាំ១៩៩៤។ ជំរុញដោយគោលបំណងបង្កើតភាពសប្បាយរីករាយរួមគ្នា ក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសារ និងអតិថិជន ដែលត្រូវការស្រាបៀរម៉ាកយីហោអន្តរជាតិគុណភាពខ្ពស់ដូចជាស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown។ ជាមួយនឹងការគ្របដណ្តប់នៅទូទាំងប្រទេស និងដោយមានរោងចក្របច្ចេកវិទ្យាទំនើបស្ថិតនៅរាជធានីភ្នំពេញ ក្រុមហ៊ុនមានបុគ្គលិក ៧០០នាក់ និងផ្ដល់ការងារដោយប្រយោលជូនប្រជាជនកម្ពុជាចំនួន ១២០,០០០នាក់នៅទូទាំងចង្វាក់ផលិតកម្មរបស់ខ្លួន។ ប្តេជ្ញាចំពោះការអភិវឌ្ឍប្រកបដោយនិរន្តរភាពរបស់កម្ពុជា ក្រុមហ៊ុន ហ៊ិននីគែន ខេមបូឌា មានបំណង “ធ្វើឱ្យប្រទេសកម្ពុជាកាន់តែប្រសើរ” ជាមួយនឹងការផ្តោតលើបរិស្ថាន និរន្តរភាពសង្គម និងការពិសារដោយការទទួលខុសត្រូវដែលស្ថិតនៅលើមាគ៌ាឆ្ពោះទៅកាន់ពិភពលោកដែលមានកាបូនសូន្យ កាន់តែស្មើភាព និងកាន់តែមានសុខភាពល្អ។ ក្រុមហ៊ុន ហ៊ិននីគែន ខេមបូឌា គឺជាផ្នែកមួយនៃក្រុមហ៊ុន HEINEKEN Company ដែលជាក្រុមហ៊ុនផលិតស្រាបៀរលំដាប់ថ្នាក់ពិភពលោក៕
