វ៉ាស៊ីនតោន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៦ ខែវិច្ឆិកា ឆ្នាំ២០១៩ថា ស្ថិតិរបស់ប្រទេសណូវែលសេឡង់ បានឲ្យដឹងកាលពីថ្ងៃពុធថា អត្រាគ្មានការងារ ធ្វើបានកើនឡើងដល់៤,២ ភាគរយ នៅក្នុងត្រីមាស ខែកញ្ញាឆ្នាំ២០១៩ ដែលបានកើនឡើង ពី៣,៩ ភាគរយកាលពីត្រីមាសមុន ។
ការកើនឡើង នៃអត្រាគ្មានការងារធ្វើ បានកើតឡើងបន្ទាប់ពីការធ្លាក់ចុះ ដល់កម្រិតទាបរយៈពេល១១ឆ្នាំ នៅក្នុងត្រីមាស ខែមិថុនាឆ្នាំ២០១៩ ខណៈដែលអត្រាគ្មានការងារ ត្រូវបានកែតម្រូវតាមរដូវកាល បានធ្លាក់ចុះដល់១០,៤ ភាគរយ។
លោក Paul Pascoe អ្នកចាត់ការជាន់ខ្ពស់ របស់ការិយាល័យ ស្ថិតិណូវែល សេឡង់ បានមានលើកឡើងថា“ ទិន្នន័យទីផ្សារការងារ គឺមានប្រយោជន៍បំផុត នៅពេលដាក់ក្នុងបរិបទ នៃពេលវេលា ។
ទោះបីជាអត្រាគ្មានការងារធ្វើ បានវិលត្រឡប់មករក កម្រិតដែលត្រូវបានគេមើលឃើញ នៅក្នុងត្រីមាស ខែមីនាឆ្នាំ ២០១៩ ក៏ដោយ ក៏វានៅតែមានការថយចុះយ៉ាងខ្លាំង ចាប់តាំងពីចុងឆ្នាំ ២០១២ ៕ ប្រែសម្រួលដោយ៖ ម៉ៅ បុប្ផាមករា
