ឧកញ៉ា ទៀ វិចិត្រ បញ្ជូនអូប័រល្បឿនលឿន ដឹកសង្គ្រោះ លោកគ្រូម្នាក់ ដួលប្រកាច់ ដោយសារលើសឈាម នៅកោះរ៉ុង មកមន្ទីរពេទ្យ

ភ្នំពេញ៖ លោកឧកញ៉ា ទៀ វិចិត្រ អគ្គនាយកក្រុមហ៊ុន GTVC Speed Boat បានបញ្ជូនអូប័រល្បឿនលឿន ១គ្រឿង ដឹកយកលោកគ្រូបង្រឿនម្នាក់ ដែលបានដួលប្រកាច់ ដោយសារលើសឈាម នៅកោះរ៉ុង មកមន្ទីរពេទ្យបង្អែកខេត្ត ដើម្បីជួយសង្គ្រោះភ្លាមៗ ។

លោកគ្រូបង្រៀន ដែលត្រូវបានដឹកយក មកសង្គ្រោះភ្លាមៗ តាមរយៈអូប័រល្បឿនលឿន របស់លោកឧកញ៉ា ទៀ វិចិត្រ មានឈ្មោះ ងែត រ៉ុង ភេទប្រុស អាយុ ៣៥ឆ្នាំ ជាគ្រូបង្រៀន នៅសាលាបឋមព្រែកស្វាយ ក្នុងសង្កាត់កោះរ៉ុង ក្រុងកោះរ៉ុង ខេត្តព្រះសីហនុ មានជំងឺលើសឈាម បានដួលប្រកាច់ ត្រូវការសង្គ្រោះបន្ទាន់ ភ្លាមៗក្រោយទទួលដំណឹងនេះ លោកឧកញ៉ា បានចាត់អោយក្រុមការងារ បញ្ជូនអូប័រល្បឿនលឿនមួយគ្រឿង ទៅទទួលយកគ្រូបង្រៀន រូបនោះ ដឹកយកមកមន្ទីរពេទ្យ បង្អែកខេត្តព្រះសីហនុ ។

គួររំលឹកថា បច្ចុប្បន្ន គ្រូបង្រៀនរូបនោះ បានដឹកមកដល់មន្ទីរពេទ្យបង្អែកខេត្ត ដោយសុវត្ថិភាពហើយ៕