ភ្នំពេញ៖ ធនាគារអភិវឌ្ឍន៍អាស៊ី (ADB) បានបម្រុងកម្ចីថវិកាចំនួន១៩០លានដុល្លារអាមេរិក សម្រាប់ការវិនិយោគក្នុងវិស័យអប់រំនៅកម្ពុជាឆ្នាំ ២០២១-២០២៣ ។ ការវិនិយោគនេះផ្តោតលើ ការពង្រឹងការអប់រំ STEM ,ធ្វើអោយប្រសើរឡើងនូវជំនាញរបស់សិស្សបញ្ចប់ការសិក្សា នៅអនុវិទ្យាល័យ លើផ្នែកគណិតវិទ្យានិងវិទ្យាសាស្ត្រ និងការពង្រីកឱកាសពង្រឹង និងកសាងជំនាញសម្រាប់កម្លាំងពលកម្មថ្មី និងកម្មករបច្ចុប្បន្ន។
ADB ឲ្យដឹងនៅក្នុងសិក្ខាសាលា ស្តីពី ការរៀនសូត្រដែលផ្អែកលើការសាកសួរនិងស្វ័យដឹកនាំនៅក្នុងប្រទេសកម្ពុជា កាលពីថ្ងៃទី ១១ ខែធ្នូ ឆ្នាំ២០២០ ដែលរៀបចំឡើងដោយក្រសួងអប់រំយុវជននិងកីឡា (MoEYS) សហការជាមួយធនាគារអភិវឌ្ឍន៍អាស៊ី សិក្ខាសាលាវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (#STEM) និងបច្ចេកវិទ្យាអប់រំ (#EdTech) មានការចូលរួមពីមន្រ្តីរដ្ឋាភិបាលជាន់ខ្ពស់ និងអ្នកជំនាញអប់រំជាង៥០០នាក់តាមអនឡាញ ថាសិក្ខាសាលានេះ គឺជាផ្នែកមួយនៃការគាំទ្រ របស់ធនាគារអភិវឌ្ឍន៍អាស៊ី ដល់រាជរដ្ឋាភិបាលកម្ពុជា ដើម្បីសម្រេចបានគោលដៅអប់រំរបស់ប្រទេស។
ធនាគារអភិវឌ្ឍន៍អាស៊ី ឲ្យដឹងទៀតថា លទ្ធផលនៃសិក្ខាសាលានឹងផ្តល់ទស្សនវិស័យបន្ថែមដល់ Cambodia’s Secondary Education Blueprint (#CAMSEB ២០៣០) ក៏ដូចជាយុទ្ធសាស្រ្តនិងកម្មវិធីអប់រំ STEM និងឌីជីថលរបស់ក្រសួងអប់រំយុវជននិងកីឡាដទៃទៀត។ ការពង្រឹងការបង្រៀននិងការរៀន STEM ឌីគឺជាអាទិភាពមួយសម្រាប់ប្រទេសកម្ពុជា៕
