ភ្នំពេញ៖ ក្រុមហ៊ុន Deum Ampil Advertising Co., Ltdនិង ក្រុមហ៊ុន Urban Village បានចុះអនុសារណៈយោគយល់ (MOU) ជាមួយគ្នា ក្នុងគោលបំណង ដើម្បីបង្កើនភាពងាយស្រួលដល់បណ្ដាអតិថិជន កាន់តែយល់ជ្រាប អំពីគម្រោង ខុនដូ Urban Village ដែលជាគម្រោងខុនដូស្តង់ដារហុងកុង ដ៏ធំបំផុតនៅប្រទេសកម្ពុជា។
ក្នុងពិធីចុះMOU កាលពីថ្ងៃទី៩ ខែកក្កដា ឆ្នាំ២០២២ លោក Ben Li ស្ថាបនិក និងជាប្រធាន Urban Village បានថ្លែងថា ការចុះអនុស្សរណៈនេះ គឺជាការរួមចំណែកដ៏សំខាន់មួយ ដែលលោកមានកិត្តិយស ក្នុងការធ្វើសហការជាមួយ ក្រុមហ៊ុន ដើមអម្ពិល អ៊ែតវើថាយស៊ីង ឯ.ក ដែលឈានមុខគេ នៅក្នុងវិស័យព័ត៌មាន នៅក្នុងព្រះរាជាណាចក្រកម្ពុជា។ លោកបានសម្ដែងនូវសេចក្ដីជឿជាក់យ៉ាងមុតមាំថា កិច្ចសហប្រតិបត្តិការនេះ និងផ្ដល់ផលប្រយោជន៍មិនត្រឹមតែភាគីទាំងពីរទេ គឺបានដល់ដៃម្ចាស់គម្រោង 𝐔𝐫𝐛𝐚𝐧 𝐕𝐢𝐥𝐥𝐚𝐠𝐞 ក៏ដូចជា អតិថិជននិងមិត្តអ្នកអាន របស់ស្ថាប័ន ដើមអម្ពិល ផងដែរ។
លោកឲ្យដឹងទៀតថា 𝐔𝐫𝐛𝐚𝐧 𝐕𝐢𝐥𝐥𝐚𝐠𝐞 គឺជាការរចនាបែបថ្មី ដែលមានការរួមបញ្ចូលជាមួយគ្នានូវអាគារសម្រាប់រស់នៅ និងអាគារការិយាល័យ ,ការរស់នៅបែបសហគមន៍មាន អាងហែលទឹក ក្លឹបហាត់ប្រាណ សួនកុមារ កន្លែងធ្វើការ បណ្ណាល័យ សាលសិល្បះ សាលជួបជុំ សាលារៀន សួនច្បារ ហាងលក់ទំនិញជាដើម។ លោកថា នៅក្នុងគម្រោង 𝐔𝐫𝐛𝐚𝐧 𝐕𝐢𝐥𝐥𝐚𝐠𝐞 នេះពោពេញទៅដោយអាជីវកម្ម startup ចម្រុះជាច្រើនផងដែរ។
ជាមួយគ្នានោះដែរ លោក សយ ឬទ្ធី តំណាងឱ្យក្រុមហ៊ុន Deum Ampil Advertising Co., Ltd បានថ្លែងថា លោកមានសេចក្តីសោមនស្សរីករាយ ក្នុងការស្វាគមន៍លោក Ben Li ស្ថាបនិក និងជាប្រធាន Urban Village ដែលជាគម្រោងខុនដូស្តង់ដារហុងកុងដ៏ធំបំផុតនៅប្រទេសកម្ពុជា និងUrban Village & Factory Phnom Penh ដែលជាមជ្ឈមណ្ឌលសិល្បៈច្នៃប្រឌិតដ៏ធំបំផុតនៅអាស៊ីអាគ្នេយ៍។
លោកបន្តថា តាមរយៈកិច្ចសហប្រតិបត្តិការនេះ មិត្តអ្នកអានព័ត៌មានដើមអម្ពិល និងទទួលបាននូវព័ត៌មានថ្មីៗ អំពី ខុនដូ Urban Village ដែលជាគម្រោងខុនដូស្តង់ដារហុងកុង ដ៏ធំបំផុតនៅប្រទេសកម្ពុជា។
លោកបន្ថែមថា ដើមអម្ពិល បានប្រឡូកក្នុងវិស័យសារព័ត៌មានអស់រយៈពេលជាង ១៦ឆ្នាំមកហើយ ខណៈបច្ចុប្បន្នយើងមាន DAP News, Lookingtoday, DAP Business, Hotline News, DAP Plus News, Youtube, Facebook, និង TikTok ដែលមានអ្នកចូលអាន លើសពី ១០លានដង ក្នុងមួយខែ។
គួរបញ្ជាក់ផងដែរថា Urban Village Phnom Penh ជាគម្រោងខុនដូស្ថិតនៅលើតំបន់កំពុងអភិវឌ្ឍន៍ និងអនាគតនៃតំបន់ពាណិជ្ជកម្ម លើមហាវិថីសម្តេចហ៊ុនសែន (ផ្លូវ៦០ម៉ែត្រ ច្បារអំពៅ ក្បាលថ្នល់) ,គម្រោងទី ២ របស់ 𝐔𝐫𝐛𝐚𝐧 𝐕𝐢𝐥𝐥𝐚𝐠𝐞 គឺជាការរចនាបែបថ្មី ដែលមានការរួមបញ្ចូលជាមួយគ្នានូវអាគារសម្រាប់រស់នៅ និងអាគារការិយាល័យ ,ការរស់នៅបែបសហគមន៍មាន អាងហែលទឹក ក្លឹបហាត់ប្រាណ សួនកុមារ កន្លែងធ្វើការ បណ្ណាល័យ សាលសិល្បះ សាលជួបជុំ សាលារៀន សួនច្បារ ហាងលក់ទំនិញជាដើម ,45%នៃផ្ទៃដីសរុបនឹងប្រែក្លាយជាសួនបៃតង ,នៅក្បែរសាលាអន្តរជាតិ ISPP, ផ្សារទំនើប AEON Mall 3, ព្រលានយន្តហោះថ្មី, ផ្សារទំនើបជីបម៉ុង Chip Mong Mega Mall, ផ្សារទំនើបប៉េងហ៊ួត PH Diamond Mall និងគម្រោងធំៗជាច្រើនទៀត៕
