ភ្នំពេញ៖ ក្រុមហ៊ុន ប៊ីអេហ្វអិកស៍ ខាភីថល ឯ.ក (BFX Capital) បានរៀបចំសិក្ខាសាលាមួយក្រោមប្រធានបទ «ឱកាសការងារ និងការវិនិយោគក្នុងទីផ្សារឧបករណ៍និស្សន្ទនៅកម្ពុជា» ដោយមានការចូលរួមយ៉ាងកុះករពីសំណាក់លោកគ្រូ អ្នកគ្រូ និងនិស្សិតជាច្រើនរូប ដែលប្រារព្ធឡើងនាល្ងាច ថ្ងៃទី៦ ខែមិថុនា ឆ្នាំ២០២៦ នៅសាលកវិទ្យល័យភូមិន្ទភ្នំពេញ។
ព្រឹត្តិការណ៍នេះធ្វើឡើងក្នុងគោលបំណងពង្រីកចំណេះដឹងហិរញ្ញវត្ថុ និងបើកបង្ហាញពីសក្តានុពលនៃទីផ្សារឧបករណ៍និស្សន្ទ (Derivatives Market) នៅក្នុងប្រទេសកម្ពុជា។
ក្នុងឱកាសនេះដែរ លោកស្រី ប៊ុន សុវ៉ាត់ឌី តំណាងក្រុមហ៊ុន ប៊ីអេហ្វអិកស៍ ខាភីថល បានលើកឡើងផងដែរថា៖ ថ្ងៃនេះ ខ្ញុំមានកិត្តិយសយ៉ាងក្រៃលែង ដែលបានមកឈរនៅទីនេះ ក្នុងនាមជាប្រធានប្រតិបត្តិរបស់ BFX Capital និងជាប្រធានសមាគមឈ្មួញជើងសាឧបករណ៍និស្សន្ទ ដើម្បីចែករំលែកទស្សនវិស័យអំពីពិភពលោកដែលកំពុងវិវត្តយ៉ាងលឿននេះ។
លោកស្រីបន្ថែមទៀតថា ចក្ខុវិស័យនៃវិស័យឧបករណ៍និស្សន្ទ ជាវិស័យឧបករណ៍និស្សន្ទមិនមែនគ្រាន់តែជាការជួញដូរលេខ ឬរូបិយប័ណ្ណនោះទេ។ វាកគឺជា “សរសៃឈាម” នៃសេដ្ឋកិច្ចសកល ដែលផ្តល់នូវយន្តការគ្រប់គ្រងហានិភ័យ (Hedging) និងការបង្កើនសន្ទនីយភាពក្នុងទីផ្សារ។
ក្នុងនាមជាប្រធានសមាគម ខ្ញុំមើលឃើញថា ទីផ្សារនេះនៅកម្ពុជាមានសក្តានុពលខ្លាំងណាស់។ ការជួញដូរឧបករណ៍និស្សន្ទប្រកបដោយវិជ្ជាជីវៈ គឺជាការចូលរួមចំណែកធ្វើឱ្យទីផ្សារហិរញ្ញវត្ថុជាតិរបស់យើង កាន់តែមានភាពទុំពេញ និងមានការទទួលស្គាល់ពីអន្តរជាតិ។
ទន្ទឹមនឹងនេះ BFX Capital និងសមាគម នឹងបន្តបើកទ្វារស្វាគមន៍អ្នកដែលមានឆន្ទៈចង់រៀនសូត្រ និងមានមហិច្ឆតាចង់ក្លាយជាអ្នកជំនាញហិរញ្ញវត្ថុដែលមានស្តង់ដារខ្ពស់។
ជាចុងក្រោយ ខ្ញុំសូមថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំសាកលវិទ្យាល័យ ដែលបានផ្តល់ឱកាសឱ្យយើងខ្ញុំបានមកចែករំលែកចំណេះដឹង និងបណ្តុះបណ្តាលធនធានមនុស្សនៅទីនេះ។ យើងខ្ញុំជឿជាក់ថា តាមរយៈការសហការរវាងស្ថាប័នអប់រំ និងស្ថាប័នវិជ្ជាជីវៈ យើងនឹងអាចកសាងជំនាន់ថ្មីមួយ ដែលមានសមត្ថភាពខ្ពស់ និងអាចប្រកួតប្រជែងបាននៅលើឆាកអន្តរជាតិ៕
