ឧកញ៉ា ទៀ វិចិត្រ បញ្ជូនអូប័រពេទ្យ ល្បឿនលឿន ទៅទទួលអ្នកជំងឺ ត្រូវការសង្គ្រោះ​ ពីកោះរ៉ុង មុនពេលព្យុះមកដល់ តែជាង១០នាទី

ភ្នំពេញ៖​ លោកឧកញ៉ា ទៀ វិចិត្រ សមាជិកក្រុមការងារយុវជន គណបក្សប្រជាជនកម្ពុជា ខេត្តព្រះសីហនុ កាលពីវេលាម៉ោង១០:២០នាទីយប់ ថ្ងៃទី១១ ខែកញ្ញា ឆ្នាំ២០២១ បានបញ្ជូនក្រុមការងារសង្គ្រោះ និងអូប័រពេទ្យល្បឿនលឿន​ក្រុមហ៊ុន GTVC បន្ទាន់ ដើម្បីទៅទទួល លោកអនុសេនីយ៍ឯក ដួង ចន្រ្តា នាយផ្នែកអត្តសញ្ញាណកម្ម នៃអធិការដ្ឋាននគរបាល​ ក្រុងកោះរ៉ុង កំពុងមានអាការៈ ជំងឺចាស់រើឡើងវិញ ដោយចុកហើយក្អួត លើសឈាម ចាំបាច់ត្រូវបញ្ជូនមក មន្ទីរពេទ្យដើម្បីសង្គ្រោះ។

លោកឧកញ៉ា បានបញ្ជាក់ថា ប្រតិបត្តិការចេញអូប័រពេទ្យ ទៅទទួលអ្នកជំងឺ​ នៅកោះរ៉ុងពេលនេះ ក្រុមការងារលោកឧកញ៉ា បានធ្វើឡើងបានលឿនរហ័ស មុនពេលព្យុះមកដល់​ នៅម៉ោង១១:៣០យប់នេះ៕