ភ្នំពេញ៖ បន្ទាប់ពីបញ្ចប់ការសាងសង់ គម្រោងអ័រគីដេ ដឹរ៉ូយ៉ាល់ ផ្លូវ២០០៤ ទល់មុខសាលាអន្តរជាតិ ស៊ី-អាយ-អេ និងមានអតិថិជន ចូលស្នាក់នៅយ៉ាងច្រើនកុះករ ពេលនេះគម្រោងអ័រគីដេ ដឹរ៉ូយ៉ាល់ ក៏បានបញ្ចប់ការសាងសង់ ក្លឹបហាត់ប្រាណ ដែលមាននៅក្នុងគម្រោងរបស់ខ្លួន សម្រាប់អតិថិជនប្រើប្រាស់ ក្នុងពេលឆាប់ៗនេះ ។
ក្លឹបហោស៍ របស់គម្រោងអ័រគីដេ ដឹរ៉ូយ៉ាល់ រួមមាន៖ អាងហែលទឹកដ៏ធំទូលាយ (សម្រាប់កូនក្មេង និងមនុស្សធំ) កន្លែងហាត់ប្រាណ ដែលមានឧបករណ៍ទំនើប និងសម្បូរបែប បន្ទប់ស្ទីម សោណា សួនច្បារដ៏ស្រស់បំព្រង កន្លែងក្មេងលេង និងផ្សារទំនើបឡាក់គី អ៊ីចប្រេស ដែលកាន់តែផ្តល់ភាពងាយស្រួល ដល់អតិថិជនដែលស្នាក់នៅ ក្នុងគម្រោងផងដែរ។
គម្រោងអ័រគីដេ ដឹរ៉ូយ៉ាល់ ស្ថិតនៅលើផ្ទៃដីជាង ៣៦ហិចតា ដែររួមមាន វីឡាទោលឃីង វីឡាទោលឃ្វីនវីឡាភ្លោះ វីឡាកូនកាត់ និង ផ្ទះប្រកបអាជីវកម្មហ្ស៊បហោសន៍ ដែលទទួលបានជោគជ័យ ពីការលក់ និងបញ្ចប់ការសង់សង់១០០% ហើយបច្ចុប្បន្នក៏មានអតិថិជន ចូលមកស្នាក់នៅ និងប្រកបរបរផងដែរ។
គ្រប់គម្រោងរបស់ក្រុមហ៊ុនអ័រគីដេ ឌីវែឡុបម៉ិន តែងតែគិតគូរទៅដល់សុខមាលភាព នៃការរស់នៅរបស់អតិថិជនគ្រប់រូប និងផ្តល់អោយអតិថិជននូវការរស់នៅ ដ៏មានសុភមង្គលនៃបែបផែនជីវិត ដ៏ស្រស់បំព្រង៕
