ភ្នំពេញ៖ ក្រុមហ៊ុន ទ្រូម៉ាន់នី (ខេមបូឌា) ដែលជាក្រុមហ៊ុនបច្ចេកវិទ្យាហិរញ្ញវត្ថុ ដ៏ល្បីឈ្មោះមួយនៅកម្ពុជា បានប្រកាសភាពជាដៃគូ ជាមួយគ្រឹះស្ថានមីក្រូហិរញ្ញវត្ថុ ហ្វូណន ភីអិលស៊ី ដែលជាគ្រឹះស្ថានមីក្រូហិរញ្ញវត្ថុ ល្បីឈ្មោះមួយនៅកម្ពុជា ដើម្បីផ្សព្វផ្សាយបរិយាបន្នហិរញ្ញវត្ថុបន្ថែមទៀត នៅទូទាំងព្រះរាជាណាចក្រកម្ពុជា ។
ភាពជាដៃគូដែលចាប់ផ្តើមនៅថ្ងៃទី១ ខែកញ្ញា ឆ្នាំ២០២២ នេះ នឹងអាចឱ្យអតិថិជនរបស់ គ្រឹះស្ថានមីក្រូហិរញ្ញវត្ថុ ហ្វូណន មកទទួលយកប្រាក់កម្ចីពីភ្នាក់ងារទ្រូម៉ាន់នីនៅទូទាំងប្រទេស។ តាមរយៈការអនុញ្ញាតឱ្យអតិថិជន របស់គ្រឹះស្ថានមីក្រូហិរញ្ញវត្ថុ ហ្វូណន ប្រើប្រាស់របស់ភ្នាក់ងារទ្រូម៉ាន់នី ក្រុមហ៊ុន ទ្រូម៉ាន់នី បាននិងកំពុងជួយលើកកម្ពស់ បរិយាបន្នហិរញ្ញវត្ថុតាមរយៈការផ្តល់ សេវាធនាគារដល់អ្នកដែល មិនប្រើសេវាធនាគារ ឬមិនទាន់មានសេវា ធនាគារប្រើប្រាស់នៅកម្ពុជា។
គំនិតផ្តួចផ្តើមនេះគឺជាការ ខិតខំប្រឹងប្រែងរួមគ្នារវាង គ្រឹះស្ថានមីក្រូហិរញ្ញវត្ថុ ហ្វូណន និងក្រុមហ៊ុន ទ្រូម៉ាន់នី ដើម្បីធ្វើយ៉ាងណាឱ្យការបង់ សងប្រាក់កម្ចីកាន់តែមាន ភាពងាយស្រួលសម្រាប់អតិថិជន ដែលជួយឱ្យចំណេញពេលវេលា ក្នុងការធ្វើដំណើរទៅកាន់សាខា របស់គ្រឹះស្ថានមីក្រូហិរញ្ញវត្ថុ ហ្វូណន។ គ្រឹះស្ថានមីក្រូហិរញ្ញវត្ថុ ហ្វូណន និងក្រុមហ៊ុន ទ្រូម៉ាន់នី ក៏បានចុះកិច្ចព្រមព្រៀងប្រហាក់ប្រហែល គ្នានេះផងដែរកាលពីឆ្នាំមុន។
លោកស្រី ឃួន ហ្រ្វង់ដារា អគ្គនាយិកាគ្រប់គ្រង ផ្នែកយុទ្ឋសាស្រ្តនៃក្រុមហ៊ុន ទ្រូម៉ាន់នី (ខេមបូឌា) មានប្រសាសន៍ថា៖ «ដោយទទួលបានជំនួយ ពីគ្រឹះស្ថានមីក្រូហិរញ្ញវត្ថុ ហ្វូណន ក្រុមហ៊ុន ទ្រូម៉ាន់នី សង្ឃឹមថា នឹងអាចចូលរួមលើកកម្ពស់ បរិយាបន្នហិរញ្ញវត្ថុ និងចំណេះដឹងឌីជីថលបន្ថែមទៀតនៅទូទាំង ប្រទេសកម្ពុជាយើង។ ក្រុមហ៊ុន ទ្រូម៉ាន់នី មានមោទនភាពក្នុងការផ្តល់ បណ្តាញភ្នាក់ងារទ្រូម៉ាន់នី ដែលមានជាងមួយម៉ឺនកន្លែង របស់យើងឱ្យអតិថិជនរបស់ ហ្វូណន ប្រើប្រាស់។ ឥឡូវនេះអ្នកដែលខ្ចីប្រាក់ក៏អាចមក បើកប្រាក់កម្ចីរបស់ពួកគេ ពីភ្នាក់ងារទ្រូម៉ាន់នីណាមួយរបស់យើង នៅទូទាំងប្រទេសបានផងដែរ»។
ធនាគារប្រៃសណីយ៍កម្ពុជា ដែលជាក្រុមហ៊ុនមេ របស់គ្រឹះស្ថានមីក្រូហិរញ្ញវត្ថុ ហ្វូណន ផ្តោតលើទីផ្សារចម្រុះនៃ កម្រិតចំណូលអតិថិជន (Mass Market) នៅកម្ពុជា ខណៈពេលដែលគ្រឹះស្ថានមីក្រូហិរញ្ញវត្ថុ ហ្វូណន ចាប់យកទីផ្សារផ្តល់កម្ចីខ្នាតតូច ដល់អ្នកមានប្រាក់ចំណូលទាប និងអ្នកដែលរស់នៅទីជនបទ ដែលហេដ្ឋារចនាសម្ព័ន្ធធនាគារ អាចមានការពិបាកក្នុងការចាប់យក។
លោក ឃូ ប៊ុនទ្រី ប្រធាននាយកប្រតិបត្តិរបស់ ហ្វូណន បានមានប្រសាសន៍ថា៖ «កិច្ចព្រមព្រៀងនេះធ្វើឡើង ក្នុងគោលបំណងផ្ដល់អត្ថប្រយោជន៍ ដល់អតិថិជនរបស់ភាគីទាំងសងខាង គឺអតិថិជនរបស់ ហ្វូណន និងអតិថិជនរបស់ ទ្រូម៉ាន់នី។ ជាថ្មីម្តងទៀត តាមរយៈការបើប្រាស់ បណ្តាញភ្នាក់ងារទ្រូម៉ាន់នី យើងកំពុងផ្តល់អត្ថប្រយោជន៍ និងភាពងាយស្រួលយ៉ាងច្រើន ដល់អតិថិជនរបស់ ហ្វូណន»។
អំពីក្រុមហ៊ុន ទ្រូម៉ាន់នី
ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុអន្តរជាតិឈានមុខគេ និងជាផ្នែកមួយនៃក្រុមហ៊ុន Ascend Money ដែលជាក្រុមហ៊ុនផ្ដល់សេវាហិរញ្ញវត្ថុឌីជីថលបុត្រសម្ព័ន្ធរបស់ក្រុមហ៊ុនCharoen Pokphand Group (CP Group) និងក្រុមហ៊ុន Ant Financial (Alibaba) ដែលជាក្រុមហ៊ុនពីរធំជាងគេបំផុតនៅតំបន់អាស៊ី។ TrueMoney Group គឺជាភ្លែតហ្វមហិរញ្ញវត្ថុដ៏ពេញនិយមបំផុតមួយ នៅអាស៊ីអាគ្នេយ៍នាពេលបច្ចុប្បន្ន។ ក្រុមហ៊ុន ទ្រូម៉ាន់នី បានពង្រីកវត្តមានក្នុងទីផ្សាររបស់ខ្លួនពី ១ប្រទេស ទៅជា ៦ប្រទេសក្នុងរយៈពេលដ៏ខ្លីបំផុត។ បច្ចុប្បន្ន ទ្រូម៉ាន់នី មានប្រតិបត្តិការយ៉ាងរឹងមាំ នៅក្នុងប្រទេសថៃ កម្ពុជា មីយ៉ាន់ម៉ា ឥណ្ឌូនេស៊ី វៀតណាម និងហ្វីលីពីន។ បច្ចុប្បន្ន ទ្រូម៉ាន់នី មានបណ្ដាញភ្នាក់ងារធំជាងគេបង្អស់ ក្នុងតំបន់អាស៊ីអាគ្នេយ៍ ដោយមាន ៦៥.០០០ ភ្នាក់ងារ និងមានបរិមាណទូទាត់ប្រាក់ច្រើនជាងគេបង្អស់ ពោលគឺចំនួន ៨ពាន់លានដុល្លាអាមេរិក ក្នុងឆ្នាំ២០១៩។ លើសពីនេះ កម្មវិធីទូរស័ព្ទ TrueMoney Wallet ឈរនៅលំដាប់ទី១ នៃកម្មវិធី E-wallet ទាំងអស់ក្នុងប្រទេសថៃ ។
អំពីគ្រឹះស្ថានមីក្រូហិរញ្ញវត្ថុ ហ្វូណន
គ្រឹះស្ថានមីក្រូហិរញ្ញវត្ថុ ហ្វូណន គឺជាបុត្រសម្ព័ន្ធរបស់ធនាគារ ប្រៃសណីយ៍កម្ពុជា ក.អ ធ្វើប្រតិបត្តិការអាជីវកម្មផ្តល់ប្រាក់កម្ចី តាមរយៈបណ្តាញការិយាល័យប្រតិបត្តិការចំនួន ៥១សាខាដែលគ្របដណ្តប់រាល់ តំបន់សក្តានុពលនានាទាំងកម្រិតខេត្ត និងស្រុកទូទាំងប្រទេសកម្ពុជា។ ភាគទុនិកនៃធនាគារប្រៃសណីយ៍កម្ពុជា ក.អ គឺជាការវិនិយោគរួមគ្នារវាងក្រុមហ៊ុនវិនិយោគ កាណាឌីយ៉ា ហូលឌីង ក្រុមហ៊ុនវិនិយោគ ហ្វូឡឺតុន ហ្វាយណាន់ស្យល់ ហូលឌីង ដែលត្រូវបានស្គាល់ថា ជាក្រុមហ៊ុនដ៏ល្បីឈ្មោះ នៃប្រទេសសីង្ហបុរី និង ក្រុមហ៊ុនស្វយ័តរបស់រដ្ឋគឺ ប្រៃសណីយ៍កម្ពុជា។
ដោយធនាគារប្រៃសណីយ៍កម្ពុជា ជាក្រុមហ៊ុនវិនិយោគលើក្រុមហ៊ុនហ្វូណន ធ្វើការផ្តោតលើទីផ្សារចម្រុះ នៃកម្រិតចំណូលអតិថិជន(Mass Market) ហើយជំហរទីផ្សារគោលដៅ របស់ហ្វូណនគឺបំពេញឱ្យទីផ្សារចម្រុះនេះ (Mass Market) ដោយផ្តោតលើអតិថិជន ដែលមានកម្រិតចំណូលទាប និងកសិករនៅតាមទីជនបទ ដែលធនាគារពិបាកក្នុងការចាប់យក ៕
