ភ្នំពេញ៖ ក្រុមការងារប្រណាំងរថយន្ត Off-road កម្ពុជាKH ជាពិសេសក្រុមបច្ចេកទេសបានបំពេញការងាររៀងៗខ្លួន រួចរាល់នៅយប់ពាក់កណ្តាលអាធ្រាត ថ្ងៃទី២៣ ខែមិថុនា ឆ្នាំ២០២៤ សម្រាប់ការចេញដំណើរ ទៅចូលរួមប្រកួតនៅប្រទេសថៃ ក្នុងកម្មវិធីThe Magnificent Ten 2024 ដែលជាកម្មវិធីប្រណាំងOffroadធំបំផុត ប្រចាំឆ្នាំនៅ Grandprix Motor park Thailand ។
កីឡាករនៃក្រុមប្រណាំរថយន្ត Off-Road កម្ពុជាKH បានចេញដំណើរទៅកាន់ប្រទេសថៃ នៅវេលាម៉ោង៦ព្រឹកថ្ងៃទី២៤ ខែមិថុនា ឆ្នាំ២០២៤នេះតែម្តង ។
ឆ្លៀតក្នុងឱកាសនេះដែរ ក្រុមការងារប្រណាំងរថយន្ត Off-road កម្ពុជាKH សូមថ្លែងអំណរគុណ ដល់ក្រុមហ៊ុនទាំងអស់ដែលបានជួយ ឧបត្ថមក្រុមកីឡាករប្រណាំង រួមមាន៖ ប្រទេសម៉ាស៊ីន Top 1 Oil Cambodia, ក្រុមហ៊ុនដឹកជញ្ជូនផ្លូវសមុទ្រ GTVC , Liberty Carz, Mattrid Beer និងភេសជ្ជៈ Champion និង Siam Prototype Cambodia ។
យោងតាម សហព័ន្ធកីឡាយានយន្តកម្ពុជា បានបញ្ជាក់ថា កីឡាករ ដែលត្រូវចូលរួមប្រកួត ដែលមានលក្ខណៈប្រណាំងជាក្រុម 3ឡាន/ក្រុម មាន៖១. កីឡាករ វង្ស គឹមហួត Co Driver ហេង បញ្ញា, ២. កីឡាករ ព្រំ កែវពិភពរស្មី Co Driver ហ៊ាប លាភហេង និង៣. កីឡាករ ញឹម សុវណ្ណារ៉ូ Co Driver មុំ ណី (ម៉ៅ) ។ ក្នុងនោះមានក្រុមការងារសរុបចំនួន ២២នាក់ ទាំងរថយន្តប្រណាំង និងរថយន្តService សរុបជាង១០គ្រឿង ដឹកនាំដោយប្រធានក្រុម លោក ឈិន សីហា ។ ក្រុមរថយន្តoffroadកម្ពុជា នឹងត្រូវឆ្លងតាមច្រកចាំយាម ខេត្តកោះកុង ឆ្ពោះទៅខេត្តកាចនៈបូរី ប្រទេសថៃដែលមានចម្ងាយផ្លូវប្រម៉ាណ ជាង700km៕
