ភ្នំពេញ៖ ក្រុមហ៊ុន ខ្មែរ ប៊ែវើរីជីស នៅរសៀលថ្ងៃទី៣ ខែធ្នូ ឆ្នាំ២០១៩នេះ តាមរយៈសន្និសីទព័ត៌មាន ក្រោមវត្តមានចូលរួម ពីដៃគូចែកចាយ និងដៃគូពាណិជ្ជកម្ម មកពីបណ្តាលខេត្តក្រុង ទូទាំងប្រទេស បានធ្វើការប្រកាស រូបរាងថ្មី បង្ហាញពីភាពទាន់សម័យ របស់កំប៉ុងស្រាបៀរកម្ពុជា សក្តិសមបំផុត សម្រាប់ការជួបជុំ និងកម្មវិធីជប់លៀងផ្សេងៗ របស់ពលរដ្ឋកម្ពុជា នាពេលបច្ចុប្បន្ននេះ និងឆ្លើយតបតម្រូវការ ចាប់ផ្តើមទាមទារអ្វីថ្មីបន្ថែម ពីលើគុណភាពស្រាបៀរ ដែលធ្លាប់ពិសា និងរង្វាន់ដែលធ្លាប់ទទួលបាន ។
ក្នុងសន្និសីទសារព័ត៌មាននេះ លោកឧកញ៉ា លាង ពៅ អគ្គនាយកក្រុមហ៊ុន ខ្មែរ ប៊ែវើរីជីស បានបកស្រាយលម្អិត ពីរចនាបថរូបរាងថ្មី ស្រាបៀរកម្ពុជា ជាការរចនាឡើង ដោយផ្សំផ្គុំ ពីរូបគំនូរចនាបែបខ្មែរស៊ីវីល័យ ដោយលាយបញ្ចូលរូបស្រូវសាលី និងផ្កាហប ដើម្បីបង្ហាញពីទំនុកចិត្ត ទំនើប និងភាពទាន់សម័យ របស់ស្រាបៀរកម្ពុជា ហើយរក្សា នូវអត្តសញ្ញាណផលិតផល ដែលមានគុណភាព តំណាងផលិតផល ប្រទេសកម្ពុជា តាមរយៈរូបគំនូរផ្កាចន្ទន៍ និងឈ្មោះប្រទេសកម្ពុជា ជាភាសារអង់គ្លេស ។
លោកបន្ថែមទៀតថា “ទម្រង់ចតុកោណកែង ទោលឆ្ពោះទៅមុខ ដែលមានផ្ទៃពណ៌ក្រហម និង ឈ្មោះប្រទេសកម្ពុជា ជាភាសារអង់គ្លេស នៅកណ្តាលនោះ គឺយើងចង់បង្ហាញថា ស្រាបៀរកម្ពុជា នឹងរួមដំណើរជាមួយ ពលរដ្ឋកម្ពុជាជានិច្ច ដើម្បីឆ្ពោះទៅរកភាពរីកចម្រើន ទាំងការរស់នៅប្រចាំថ្ងៃនិង អនាគត។
រូបសញ្ញាសំខាន់ចុងក្រោយនោះ គឺអក្សរ “C” ក្នុងរង្វង់នៅពីខាងលើនោះ គឺឆ្លុះបញ្ចាំង អំពីឧត្តមភាព និង គុណតម្លៃ នៃម៉ាកសញ្ញា នៃផលិតផលស្រាបៀរកម្ពុជា។
លោកឧកញ៉ា លាង ពៅ ក៏បានបកស្រាយពីរង្វាន់ ដែលអតិថិជន នឹងមានឱកាសឈ្នះ ពីក្រវិលកំប៉ុងរូបរាងថ្មី នៃស្រាបៀរកម្ពុជានេះ រួមមានឡានទំនើបម៉ាក Porsche Cayenne 2020 រហូតទៅដល់ចំនួន១២ គ្រឿង ឈ្នះរង្វាន់ ដំណើរកម្សាន្ត ទៅប្រទេសអង់គ្លេស ទឹកប្រាក់សុទ្ធ ៥០ លានរៀល ៥ លានរៀន ១០ម៉ឺនរៀល ៥ម៉ឺនរៀល និង រង្វាន់ជាច្រើនផ្សេងទៀត។
ថ្នាក់ដឹកនាំ ក្រុមហ៊ុនផលិតស្រាបៀរកម្ពុជា ក៏បានថ្លែងអំណរគុណ ដល់ដៃគូចែកចាយ និង អ្នកលក់បន្ត ស្រាបៀរកម្ពុជា ដែលបានខិតខំប្រឹងប្រែង ជំរុញផលិតផលនេះ អោយដល់ដៃអ្នកប្រើប្រាស់ផ្ទាល់ និងចំពោះការគាំទ្រ ពីពលរដ្ឋកម្ពុជា ដែលបានផ្តល់ទំនុកចិត្ត លើគុណភាព និងរសជាតិស្រាបៀរកម្ពុជា កន្លងមកផងដែរ ទើបស្រាបៀរ កម្ពុជាបានក្លាយជាផលិតផល ដែលនាំមុខគេ ក្នុងវិស័យស្រាបៀរ នាពេលបច្ចុប្បន្ន។
ក្រុមហ៊ុន ខ្មែរ ប៊ែវើរីជីស ក៏បានសំណូមពរ អោយពលរដ្ឋកម្ពុជាបន្តគាំទ្រ ជ្រើសរើសស្រាបៀរកម្ពុជា រូបរាងថ្មីនេះ សម្រាប់ការជួបជុំ និង ជប់លៀងផ្សេងៗផងដែរ៕
Home›ព័ត៌មានចុងក្រោយ›ខ្មែរ ប៊ែវើរីជីស បង្ហាញរូបរាងថ្មី របស់កំប៉ុងស្រាបៀរកម្ពុជា ជាមួយរង្វាន់ កាន់តែច្រើនជាងមុន ភ្នំពេញ៖ ក្រុមហ៊ុន ខ្មែរ ប៊ែវើរីជីស នៅរសៀលថ្ងៃទី៣ ខែធ្នូ ឆ្នាំ២០១៩នេះ តាមរយៈសន្និសីទព័ត៌មាន ក្រោមវត្តមានចូលរួម ពីដៃគូចែកចាយ និងដៃគូពាណិជ្ជកម្ម មកពីបណ្តាលខេត្តក្រុង ទូ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
Unilever និង World Vision ប្រចាំកម្ពុជាប្រកាសភាពជាដៃគូរយៈពេល២ឆ្នាំក្នុងទំហំទឹកប្រាក់៧០០លានរៀលដើម្បីលើកកម្ពស់វិស័យអប់រំតាមរយៈកម្មវិធីសម្លៀកបំពាក់ស្អាតភ្លឺចែងចាំងអនាគតភ្លឺត្រចះត្រចង់November 2, 2026អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026
