បរទេស៖ វាស្ទើតែមិនគួរឲ្យជឿ ដែលវាបានកើតឡើង កាលពី១២ឆ្នាំមុន នៅពេលដែល ក្រុមចម្រៀងក្មេងៗមួយក្រុម បានបង្កើតឡើង ក្រោមឈ្មោះថា SHINee ហើយតែងតែប្រារព្ធពិធី អបអររៀងរាល់ឆ្នាំ ប៉ុន្តែសម្រាប់ឆ្នាំនេះ Key សមាជិកមួយរូប ក្នុងក្រុម SHINee បានធ្វើការបង្ហោះវីដេអូ ពិសេសមួយ ទាក់ទិនទៅនឹង មិត្តរួមក្រុមរបស់គេ គឺ Jonghyun ដែលបានធ្វើអត្តឃាត សម្លាប់ខ្លួនបាត់ទៅ ។
យោងតាមគេហទំព័រ Koreaboo បានចុះផ្សាយកាលពីពេលថ្មីៗនេះ បានឲ្យដឹងថា វីដេអូ ដែល Key បានបង្ហោះនោះ គឺពិតជាមិនធ្លាប់បានឃើញ ទាល់តែសោះ ជាមួយសកម្មភាព សមាជិក នៃក្រុម SHINee បានជួបជុំញាំអាហារពេលល្ងាចរួមគ្នា ខណៈដែល Jongyun និង Minho បានលេងល្បែង ប៉ាវស៊ិងស៊ុម យ៉ាងសប្បាយរីករាយ ។
ក្នុងវីដេអូ ដែលបង្ហោះនៅលើ Instagram របស់ Key (Bumkeyk Instagram) បានភ្ជាប់ជាមួយសំណេរ សម្រាប់ផ្ញើជូនដល់អ្នកគាំទ្រ របស់ពួកគេ ឲ្យត្រឡប់ទៅពេលវេលា កាលពី១២ឆ្នាំមុនវិញជាមួយគ្នា ។ រូបគេ ថែមទាំងសង្ឃឹមថា នៅថ្ងៃមុខ នឹងនាំមកនូវភាពសប្បាយរីករាយ ដូចអ្វីដែលធ្លាប់បាន កើតឡើងកន្លងទៅ ជាមួយអ្នកគាំទ្រ ។
Key បានរៀបរាប់ថា “១២ឆ្នាំ នៃ SHINee ខ្ញុំដឹងថា វាមានអត្ថន័យច្រើនណាស់ សម្រាប់អ្នក និងពួកយើង ។ វាបានកើតឡើង ១២ឆ្នាំមកហើយ ចាំតាំងពីយើងបានចាប់ផ្តើម ក្នុងដំណើរនេះ ក្រោមឈ្មោះនេះ វាបានធ្វើឲ្យចង្វាក់បេះដូងរបស់ខ្ញុំ លោតមកដល់សព្វថ្ងៃ ។ អរគុណ អ្នកទាំងអស់គ្នា ចំពោះសេចក្តីស្រលាញ់ និងគាំទ្ររហូតមក” ។
រូបគេបានបន្តថា “ខ្ញុំបន្តរស់នៅ ដែលគ្មានការសោកស្តាយ ហើយនឹងការរំភើបរីករាយ ជាមួយការទន្ទឹងរងចាំជារៀងរាល់ថ្ងៃ ហើយខ្ញុំជឿជាក់ថា ខ្ញុំនឹបន្តរស់នៅបែបនេះ ទៅថ្ងៃមុខទៀត” ។
ពាក្យពេជន៍ចុងក្រោយ គេបាននិយាយថា “សម្រាប់ថ្ងៃនេះ ពួកយើងត្រឡប់ទៅ ពេលវេលាអតីតកាល ដ៏មានតម្លៃ ខ្ញុំពិតជាស្រលាញ់អ្នក” ។
ក្រោយពីបានឃើញ សំណេរនេះហើយ អ្នកគាំទ្រជាច្រើន បានយល់ឃើញថា នេះជាសារដ៏ក្តុកក្តួរមួយ ផ្ញើជូនដល់ Jonghyun ដែលបានចែកឋាន លាពិភពសិល្បៈ ពីក្រុមSHINee ក៏ដូចជាពិភពលោកតែម្តង ក្រោយរូបគេបានធ្វើអត្តឃាត ស្លាប់បាត់បង់ជីវិត គួរឲ្យស្រណោះស្រណោកជាទីបំផុត ។
សូមរំលឹកថា វាមានរឿងរ៉ាវច្រើនណាស់ សម្រាប់រយៈពេល១២ឆ្នាំមកនេះ មានទាំងហក់លោតខ្លាំង និងធ្លាក់ចុះជាដើម ប៉ុន្តែសម្រាប់ សមាជិក ដែលសេសសល់ នៃក្រុម SHINee មិនដែលឈប់នោះឡើយ ហើយនៅតែបន្តទៅមុខ យ៉ាងល្អប្រសើរ សម្រាប់ទៅថ្ងៃអនាគត ។
ក្រោយបានឃើញ វីដេអូនិងសំណេររបស់ Key អ្នកគាំទ្រ យល់ឃើញថា “នាពេលនេះ Jonghyun ក៏ប្រហែលជាកំពុងញញឹមចុះមក មិត្តរួមក្រុម របស់គេផងដែរ ក្នុងឱកាសអបអរសាទរ ខួប១២ឆ្នាំ នៃការបង្កើតក្រុម SHINee” ។
គួរបញ្ជាក់ផងដែរថា តារាងចម្រៀង Jonghyun សមាជិក SHINee អាយុ២៨ឆ្នាំ បានធ្វើអត្តឃាត ក្នុងបន្ទប់ស្នាក់នៅរបស់គេ កាលថ្ងៃទី១៨ ខែធ្នូ ឆ្នាំ២០១៧ នាវេលាម៉ោងជាង៦ល្ងាច (ម៉ោងនៅប្រទេសកូរ៉េ)៕
ប្រភព៖ Koreaboo / សម្រួលអត្ថបទដោយ៖ ម៉ៅ ដារាត់
Home›ព័ត៌មានចុងក្រោយ›Key សមាជិក SHINee បង្ហោះវីដេអូ កម្ររមួយ ជាមួយ Jonghyun ដែលបានស្លាប់បាត់ទៅ សម្រាប់អបអរខួប ១២ឆ្នាំ របស់ពួកគេ បរទេស៖ វាស្ទើតែមិនគួរឲ្យជឿ ដែលវាបានកើតឡើង កាលពី១២ឆ្នាំមុន នៅពេលដែល ក្រុមចម្រៀងក្មេងៗមួយក្រុម បានបង្កើតឡើង ក្រោមឈ្មោះថា SHINee ហើយតែងតែប្រារព្ធពិធី អបអ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
Unilever និង World Vision ប្រចាំកម្ពុជាប្រកាសភាពជាដៃគូរយៈពេល២ឆ្នាំក្នុងទំហំទឹកប្រាក់៧០០លានរៀលដើម្បីលើកកម្ពស់វិស័យអប់រំតាមរយៈកម្មវិធីសម្លៀកបំពាក់ស្អាតភ្លឺចែងចាំងអនាគតភ្លឺត្រចះត្រចង់November 2, 2026អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026អ្នកឧកញ៉ា ទៀ វិចិត្រ ជួយបញ្ជូនកុមារម្នាក់ក្តៅខ្លួនខ្លាំង ពីកោះរ៉ុង ទៅសង្គ្រោះបន្ទាន់នៅមន្ទីរពេទ្យខេត្ត តបតាមស្នើសុំពីឳពុកម្តាយOctober 26, 2026
