ពិតជាមិនធម្មតា! ផលិតផលកូនខ្មែរបោះឆ្ពោះទៅឆាកអន្តរជាតិ! ភេសជ្ជៈប៉ូវកម្លាំង ផោវើរេមអាយស៍ បានបង្ហាញភាពលេចធ្លោនៅលើឆាកអន្តរជាតិដោយឈ្នះមេដាយមាសដ៏មានកិត្តិយសបំផុត ពីស្ថាប័នពិនិត្យគុណភាពលំដាប់ពិភពលោក Monde Selection ឆ្នាំ២០២៥ ដែលប្រារព្ធពិធីនៅទីក្រុងប្រាក សាធារណរដ្ឋឆេក។ ការឈ្នះមេដាយមាសនេះមិនមែនជារឿងចៃដន្យ តែបានបញ្ជាក់ឱ្យឃើញយ៉ាងច្បាស់ថា ផោវើរេមអាយស៍ ពិតជាមានគុណភាពខ្ពស់និងរសជាតិស្របតាមស្តង់ដារអន្តរជាតិយ៉ាងពិតប្រាកដមែន។

ភាពជោគជ័យដ៏មហោឡារិកនេះបានបង្ហាញពីភាពល្អដាច់គេរបស់ភេសជ្ជៈប៉ូវកម្លាំងផោវើរេមអាយស៍ ជាមួយក្លិនក្រអូបឈ្ងុយ បន្ថែមជាមួយម៉ុងតល់ (Menthol) ត្រជាក់ស្រស់ស្រាយ ទទួលអារម្មណ៍ដល់ច្រមុះភ្លាមៗក្រោយពិសារួច។ បើនិយាយពីរសជាតិវិញ ភេសជ្ជៈប៉ូវកម្លាំង ផោវើរេមអាយស៍ គឺជាជម្រើសទី ១ សម្រាប់អ្នកចូលចិត្តរសជាតិជូរអែម ឆ្ងាញ់ជាប់មាត់ បន្ថែមជាមួយម៉ុងតល់ត្រជាក់ប្រហើរជួយឱ្យអារម្មណ៍ស្រស់ស្រាយ និងរួមផ្សំជាមួយវីតាមីនច្រើនប្រភេទជំនួយដល់ថាមពល ស្មារតី មុខងារខួរក្បាល បង្កើនអានុភាពឆ្ពោះទៅភាពជោគជ័យ។ ភេសជ្ជៈប៉ូវកម្លាំង ផោវើរេមអាយស៍ ផលិតឡើង សម្រាប់ប្រជាជនខ្មែរ ស្របតាមបទដ្ឋាននៃសង្វាក់ផលិតផលដែលមានគុណភាពខ្ពស់ ដែលផ្តល់នូវរសជាតិ និង ទំនុកចិត្តដ៏មានសុវត្ថិភាពបំផុតសម្រាប់អតិថិជនទាំងអស់គ្នា។

ភេសជ្ជៈប៉ូវកម្លាំង ផោវើរេមអាយស៍ នឹងខិតខំពង្រឹងគុណភាព និង រសជាតិឱ្យកាន់តែប្រសើរឡើងដើម្បីបំរើដល់អតិថិជនទូទាំងប្រទេសរបស់យើង។ សូមអរគុណដល់អតិថិជនទាំងអស់ដែលបានគាំទ្រ ហើយអាចធ្វើឱ្យ ផោវើរេមអាយស៍មានឱកាសបង្ហាញខ្លួនលើឆាកអន្តរជាតិ និងនាំយកភាពជោគជ័យ ដ៏មានកិត្តិយសមកកាន់ប្រទេសជាតិ!

FB Page: https://www.facebook.com/PowaramEnergyDrink

ភ្នំពេញ ៖ ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់ គម្រោងលំនៅឋានអារ៉ាខាវ៉ា ២ ជាផ្លូវការ នៅថ្ងៃទី០២ ខែមិថុនា ឆ្នាំ២០២៥ ក្រោមអធិបតីភាពរបស់ លោក កែវ ស៊ីវន រដ្ឋលេខាធិការ នៃរដ្ឋលេខាធិការដ្ឋាន អាកាសចរស៊ីវិល, លោក ប្រាក់ អង្គារ៉ា អគ្គនាយក នៃអគ្គនាយកដ្ឋាន លំនៅឋាន ក្រសួងរៀបចំដែនដី នគរូបនីយកម្ម និងសំណង់, លោក ញាណ ចន្ថាវេរ៉ា អភិបាលរង ខណ្ឌសែនសុខ, និងលោកបណ្ឌិត យ៉ាស៊ូម៉ូតូ ខេមមូរី ស្ថានិក និងប្រធានក្រុមប្រឹក្សាភិបាលក្រុមហ៊ុន អារ៉ាខាវ៉ា ខូ អិលធីឌី ព្រមជាមួយភ្ញៀវកិត្តិយសជាច្រើនរូប សរុបប្រមាណ ១០០ នាក់ ។

គម្រោងលំនៅឋានអារ៉ាខាវ៉ា ២ ជាអគារលំនៅឋានសហកម្មសិទ្ធិ ក្រោមការវិនិយោគ ១០០% របស់វិនិយោគិនជប៉ុន ដែលមានបទពិសោធជាង ៤០ ឆ្នាំក្នុងការអភិវឌ្ឍគម្រោងលំនៅឋាន គម្រោងពាណិជ្ជកម្ម និងសេវាគ្រប់គ្រងអចលនទ្រព្យ នៅប្រទេសជប៉ុន ហុងកុង អូស្រ្តាលី និងកម្ពុជា ។

លំនៅឋានអារ៉ាខាវ៉ា ២ មានទីតាំងនៅសង្កាត់រលួស ខណ្ឌដង្កោ ក្បែររង្វង់មូលកួរស្រូវ ចំងាយត្រឹមតែ ១៥ នាទីពីអាកាសយាន្តដ្ឋាន អន្តរជាតិតេជោ ផ្សារទំនើបអ៊ីអនមានជ័យ និងក្រុងតាខ្មៅ ។ គម្រោងនេះត្រូវបានសាងសង់ឡើងលើផ្ទៃដីសរុបជិត ០.៤ ហិកតា ដែលមានពីរប្លុក ត្រូវជា ៤ អគារ សរុប ២២ ជាន់ ។ លំនៅឋានអារ៉ាខាវ៉ា ២ មានយូនីតសរុបចំនួន ៩៦០ ដែលក្នុងនោះមានយូនីតប្រភេទស្ទូឌីយោ (ទំហំជាង ២២ ម៉ែត្រការ៉េ) និងយូនីតប្រភេទ បន្ទប់គេងមួយ (ទំហំជាង ៣០ ម៉ែត្រការ៉េ)។

សម្រាប់លំនៅឋានអារ៉ាខាវ៉ា ២ ការរចនាស្ថាបត្យកម្មសំណង់អគារ និងការបំពាក់បរិក្ខារគាំទ្រផ្សេងៗ ត្រូវបានធ្វើឡើងតាមលំនាំអគារលំនៅឋានអារ៉ាខាវ៉ា ក្នុងសង្កាត់ទឹកថ្លា ខណ្ឌសែនសុខ ដែលជាគម្រោងទី ១ និងឈានមុខគេ ដោយមានការលក់លើសពី ៩០% និងការប្រគល់យូនីតលើសពី ៨០% ជាមួយនឹងអ្នករស់នៅ ប្រមាណជាង ៥០០០ នាក់។ ការរចនាសំណង់អគារបានគិតគូរអំពីការរក្សាពន្លឺ និងលំហូរខ្យល់ធម្មជាតិ ដោយអគារនីមួយៗ សង់បែរមុខរកគ្នា ដើម្បីរក្សាលំហធំនៅចំកណ្តាល និងធ្វើឱ្យមានពន្លឺ និងខ្យល់គ្រប់គ្រាន់ ។ គ្រប់យូនីតទាំងអស់ ត្រូវបានបំពាក់ដោយទ្វារការពារអគ្គិភ័យ ប្រព័ន្ធចាប់សញ្ញាកំដៅ និងផ្សែង ដែលអាចផ្តល់សញ្ញាប្រកាសអាសន្នតាមជាន់ និងជូនដំណឹងដល់ក្រុមការងារគ្រប់គ្រងអគារ ។

អគារលំនៅឋានអារ៉ាខាវ៉ា មានប្រព័ន្ធបង្ការនិងពន្លត់អគ្គិភ័យស្រប តាមស្តង់ដារបច្ចេកទេស ដោយរួមមាន អាងស្តុកទឹកក្រោមដី សម្រាប់បញ្ជូនទឹកទៅ តាមទុយោពន្លត់អគ្គិភ័យតាមជាន់នីមួយៗ ព្រមជាមួយការបណ្តុះបណ្តាល និងហាត់សមជាប្រចាំ អំពីវិធីសាស្រ្តបង្ការនិងពន្លត់អគ្គិភ័យ។ លើសពីនេះ ទីតាំងសំខាន់ៗក្នុងអគារត្រូវបានដាក់ក្រោមការត្រួតពិនិត្យរបស់ប្រព័ន្ធកាមេរ៉ាសុវត្ថិភាព និងមានប្រព័ន្ធបច្ចេកវិទ្យាគ្រប់គ្រងការចេញចូលអគារ និងចំណត។
លំនៅឋានអារ៉ាខាវ៉ា ក៏មានអភិវឌ្ឍជាគម្រោងផ្សារ ហាង ភោជនីយដ្ឋាន និងអាជីវកម្មផ្សេងៗ សម្រាប់គាំទ្រ និងបង្កលក្ខណៈងាយស្រួល ដល់អ្នករស់នៅផងដែរ ។

អគារលំនៅឋានអារ៉ាខាវ៉ាទាំងមូលត្រូវ បានគ្រប់គ្រង ថែទាំ និងរក្សាអនាម័យ សន្តិសុខ សណ្តាប់ធ្នាប់ និងសុវត្ថិភាពប្រកប ដោយគុណភាពខ្ពស់ ដើម្បីរក្សាតម្លៃអគារ និងទ្រព្យសម្បត្តិសហកម្មសិទ្ធិរបស់ម្ចាស់យូនីត និងអ្នករស់នៅ ក្នុងចក្ខុវិស័យយូរអង្វែងទៅអនាគត ។
កាន់តែពិសេស គម្រោងលំនៅឋានអារ៉ាខាវ៉ា ២ មានលក្ខខណ្ឌបង់រំលស់ ៤២ ខែដោយគ្មានប្រាក់កក់ និងការប្រាក់ និងផ្តល់ជូនកម្មសិទ្ធិប្លង់រឹង ដោយឥតគិតថ្លៃទៀតផង។
សម្រាប់ព័ត៌មានបន្ថែម សូមទំនាក់ទំនងទូរសព្ទលេខ៖ 012 582 999 / 098 999 589 ៕

បងប្អូនជនជាតិខ្មែរចំនួនជាង ១,៣ លាននាក់ ដែលកំពុងរស់នៅលើទឹកដីវៀតណាម ជាផ្នែកមួយ ដែលមិនអាចកាត់ផ្តាច់បាន ពីចំណងមហាសាមគ្គីភាព រវាងសហគមន៍ជនជាតិទាំង ៥៤ ជាតិសាសន៍របស់វៀតណាម ។

អនុវត្តគោលនយោបាយ “ស្មើភាព សាមគ្គីភាព គោរពនិងជួយគ្នាទៅវិញទៅមក ដើម្បីភាពរីកចម្រើនរបស់ប្រជាជន” បក្សនិងរដ្ឋវៀតណាម បានដាក់ចេញគោលការណ៍ គោលនយោបាយជាច្រើន ដែលបានផ្តល់អាទិភាព ការវិនិយោគការបែងចែកធនធាន សម្រាប់ការអភិវឌ្ឍសេដ្ឋកិច្ចសង្គម ទៅតំបន់ជនជាតិភាគតិច និយាយរួម និងតំបន់ជនជាតិខ្មែរនិយាយដោយឡែក ។ អាស្រ័យហេតុនេះ ក្រោយរយពេល ៥០ ឆ្នាំ នៃការរំដោះភាគខាងត្បូង និងបង្រួបបង្រួមប្រទេសជាតិ (ថ្ងៃទី ៣០ ខែ មេសា ឆ្នាំ ១៩៧៥ – ថ្ងៃទី ៣០ ខែ មេសា ឆ្នាំ ២០២៥) ប្រព័ន្ធហេដ្ឋារចនាសម្ព័ន្ធ និងជីវភាពរស់នៅ របស់បងប្អូន ជនជាតិខ្មែរនៅប្រទេសវៀតណាម មានការវិវត្តយ៉ាងខ្លាំង ដោយមានរូបរាងថ្មី ស្រស់ស្អាត និងរស់រវើក ចូលរួមជាមួយប្រទេសជាតិទាំងមូល ឈានចូលយុគសម័យថ្មី គឺយុគសម័យនៃការឈានឡើងរបស់ប្រទេសជាតិវៀតណាម ។

ខេត្តត្រាវិញ (Tra Vinh) ជាខេត្តមួយក្នុងចំណោមខេត្ត ដែលមានបងប្អូនជនជាតិខ្មែររស់នៅ នៅប្រទេសវៀតណាម ដោយមានប្រជាជនជាង ៣៩ ម៉ឺននាក់ ស្មើនឹងប្រមាណ ៣១% នៃចំនួនប្រជាជននៅទូទាំងខេត្ត ។ អនុវត្តកម្មវិធីគោលដៅជាតិ ស្តីពីការអភិវឌ្ឍសេដ្ឋកិច្ចសង្គម នៅតំបន់ជនជាតិភាគតិច និងតំបន់ភ្នំដំណាក់កាលឆ្នាំ ២០២១-២០២៥ និងបើគិតមកដល់ ដំណាច់ឆ្នាំ ២០២៤ ខេត្ត ត្រាវិញ កសាងផ្លូវគមនាគមន៍ជនបទបានចំនួនជាង ២០០ ខ្សែសម្រាប់បម្រើដល់ផលិតកម្ម អាជីវកម្ម និងជីវភាពរស់នៅរបស់ប្រជាជន។ ឃុំចំនួន ១00% ចាកចេញផុតពីតំបន់មានលក្ខណៈលំបាកខ្លាំង មានបងប្អូនជនជាតិ ភាគតិច ជាង ១,១00គ្រួសារ ត្រូវបានផ្ដល់លំនៅឋាន និងដីសម្រាប់តាំងទីលំនៅ ប្រជាជនជិត ១,៧00គ្រួសារ ត្រូវបានបណ្តុះបណ្តាល ជំនាញវិជ្ជាជីវៈនិង ជួយផ្លាស់ប្ដូរមុខរបរ ប្រព័ន្ធ ផ្លូវតភ្ជាប់ភូមិជាមួយភូមិ ឃុំជាមួយឃុំត្រូវបានចាក់បេតុង និងកៅស៊ូយ៉ាងរឹងមាំ ដែលអំណោយផល សម្រាប់ប្រជាពលរដ្ឋ ក្នុងការធ្វើដំណើរ ប្រកបអាជីវកម្ម ធ្វើពាណិជ្ជកម្ម ។ ល ។ បងប្អូនកូនក្មួយជនជាតិខ្មែរ ទទួលបានលក្ខខណ្ឌល្អ ប្រសើរជាងដើម្បីចូលរៀន ។

ព្រះឧបជ្ឈាយ៍ ថាច់ សុខសាន្ត (Thạch Sok Xane) អនុប្រធានគណៈអភិបាល ពុទ្ធសាសនាវៀតណាម ប្រធានសមាគមព្រះសង្ឃសាមគ្គី ស្នេហាជាតិខេត្តត្រាវិញ មានព្រះទ័យត្រេកអរ ដែលឃើញជីវភាពរស់នៅ របស់បងប្អូន ជនជាតិខ្មែរ កាន់តែរីកចម្រើននិងសប្បាយរីករាយ ដោយទទួលបានការយកចិត្តទុកដាក់ពីសំណាក់បក្សនិងរដ្ឋ ។ គោលនយោបាយជនជាតិ ជាច្រើនត្រូវបានអនុវត្តន៍ប្រកបដោយបរិយបន្ន ផ្សារភ្ជាប់ជាមួយទិដ្ឋភាពជាក់ស្ដែង ដែលបានចូលរួមចំណែក ជួយផ្លាស់ប្តូរមុខមាត់ថ្មី នៅតំបន់ជនបទ កែលម្អនិងលើកកំពស់ជីវភាពរស់នៅ របស់បងប្អូនជនរួមជាតិខ្មែរ ទាំងលើផ្នែកសម្ភារៈនិងស្មារតី ។
មានព្រំប្រទល់ជាប់នឹងខេត្ត ត្រាវិញ នៅត្រើយម្ខាងនៃទន្លេ ហូវ ឬ ទន្លេបាសាក់ ខេត្ត សុកត្រាំង (Soc Trang) មានប្រជាជនជាង ៣0% ជាបងប្អូនជនជាតិខ្មែរ ដោយមានចំនួនប្រហែល ៤0 ម៉ឺននាក់ ដែលច្រើនជាងគេបំផុត បើប្រៀបធៀបទៅក្នុងតំបន់ ដែលមានប្រជាជនខ្មែរ រស់នៅតាមបណ្តាខេត្ត ក្រុង នានាក្នុងតំបន់ដីសណ្តទន្លេមេគង្គភាគខាងត្បូង នៃប្រទេសវៀតណាម ។

យោងតាមលោក ឡឹម ហ្វាងម៉ូវ (Lam Hoang Mau) ប្រធានមន្ទីរជនជាតិនិងសាសនាខេត្ត សុកត្រាំង ក្នុងដំណាក់កាលពីឆ្នាំ ២០២០ ដល់ឆ្នាំ ២០២៥ ប្រព័ន្ធហេដ្ឋារចនាសម្ព័ន្ធសេដ្ឋកិច្ច និងសង្គមនៅតំបន់បងប្អូនជនជាតិខ្មែរ ត្រូវបានគណៈកម្មាធិការបក្សខេត្ត និងគណៈកម្មាធិការប្រជាជនខេត្ត ផ្តោតការវិនិយោគយ៉ាងខ្លាំង ដើម្បីបំពេញតម្រូវការផលិតកម្មនិងការរស់ នៅរបស់ប្រជាជន ។ ខេត្តបានវិនិយោគ ទឹកប្រាក់ជាង ៣២៧ ពាន់លានដុង (ស្មើប្រមាណ១២,៥ លានដុល្លារអាម៉េរិក) សម្រាប់សាងសង់សំណង់ជាង ៤00 កន្លែងក្នុងតំបន់បងប្អូន ជនជាតិខ្មែរ ផ្ដោតលើសំណង់ធារាសាស្ត្រ ផ្លូវគមនាគមន៍ជនបទ ផ្ទះសហគមន៍ ក៏ដូចជាការថែទាំ និងជួសជុលសំណង់សុខុមាលភាពសង្គមផ្សេងៗ ។ ដោយមានការយកចិត្តទុកដាក់ និងគាំទ្ររបស់បក្សនិងរដ្ឋ ខេត្តសុកត្រាំង សម្រេចបាននូវការផ្លាស់ប្តូរជាវិជ្ជមានជាច្រើនក្នុង ជីវភាពរស់នៅរបស់ប្រជាជនខ្មែរ ទាំងផ្នែកសេដ្ឋកិច្ចនិងសង្គម ចំនួនគ្រួសារក្រីក្រមានការថយចុះ ហើយប្រព័ន្ធហេដ្ឋារចនាសម្ព័ន្ធត្រូវបានវិនិយោគយ៉ាងពេញលេញ ។

លោក ឡឹម វ៉ាន់ម៉ឹន (Lam Van Man) លេខាគណៈកម្មាធិការបក្សខេត្ត សុកត្រាំង បានបញ្ជាក់ថា នាពេលខាងមុខ ខេត្តនឹងបន្តយកចិត្តទុកដាក់ ជាពិសេសដល់ការ អភិវឌ្ឍ ហេដ្ឋារចនាសម្ព័ន្ធ និងបណ្ឌលវប្បធម៌ នៅតំបន់បងប្អូនជនជាតិភាគតិច ដោយផ្តោតប្រភពធនធាន ទៅលើការអភិវឌ្ឍ សេដ្ឋកិច្ចសង្គម សំដៅប្រយុទ្ធប្រឆាំងនិងកាត់បន្ថយភាពក្រីក្រប្រកបដោយប្រសិទ្ធភាព។ តាមការគ្រោងទុក ដល់ចុងខែ មិថុនា ឆ្នាំ ២០២៥ នឹងបញ្ចប់ជាស្ថាពរ ការ ងារលុប បំបាត់ លំនៅឋានទ្រុឌទ្រោមបណ្ដោះអាសន្ន ក្នុង ចំណោមនោះជាង ៥០% ជាលំនៅឋាន របស់បងប្អូនជនជាតិ ខ្មែរ។ ក្រៅពីនោះ ខេត្ត សុកត្រាំង ក៏បន្តផ្ដោតការយកចិត្តទុកដាក់ លើការងារអភិរក្សនិងអភិវឌ្ឍន៍តម្លៃវប្បធម៌ប្រពៃណីល្អៗ ដែលជាកេរិ៍្តដំណែលវប្បធម៌ របស់ជនជាតិ លើកកំពស់គុណភាពអប់រំនិងបណ្តុះបណ្តាល និងកសាងមហាសាមគ្គីជាតិ ។
ដោយមានព្រំប្រទល់ជាប់នឹងខេត្ត សុកត្រាំង ខេត្ត បាកលៀវ (Bac Lieu) ក៏ជាខេត្តមួយដែលមានបងប្អូនជនជាតិភាគតិចច្រើន ដោយមានជនជាតិជាង ២០ ជាតិសាសន៏ដែលរស់នៅលាយឡំជាមួយគ្នា ស្មើនឹង ៩,២% នៃចំនួនប្រជាជនសរុបក្នុងខេត្ត ។ ក្នុងចំណោម នោះ ជនជាតិ ខ្មែរ មាន ចំនួន ច្រើន ជាង គេ ដែល មាន ជាង ១៧.០០០ គ្រួសារ ស្មើ នឹង ៧,៦% នៃចំនួនប្រជាជនក្នុងខេត្ត ។

ក្នុងដំណាក់កាលពីឆ្នាំ ២០២១ ដល់ឆ្នាំ ២០២៤ ខេត្ត បាកលៀវ បានបែងចែកថវិកាចំនួន ១៦០ ពាន់លានដុង (ស្មើប្រមាណ ៦,១ លានដុល្លារអាម៉េរិក) សម្រាប់កម្មវិធីគោលដៅជាតិ ស្តីពីការកាត់បន្ថយភាពក្រីក្រប្រកបដោយចិរភាព។ ទទួលផលពីកម្មវិធីគាំទ្រ ការធ្វើពិពិធកម្មមុខរបរចិញ្ចឹមជីវិត គួបផ្សំនឹងការលើកកម្ពស់ការយល់ដឹងអំពីការផលិតទំនិញ ប្រាក់ចំណូលជាមធ្យមសម្រាប់មនុស្សម្នាក់ នៃគ្រួសារខ្មែរជាប្រជាកសិករ ដាំដំណាំស្រូវនៅខេត្ត បាកលៀវ បានកើនឡើង ២០% បើប្រៀបធៀបនឹងឆ្នាំ ២០២១។ ផ្ដើមពីនោះ អត្រាគ្រួសារជនជាតិភាគតិចក្រីក្រ បានថយចុះយ៉ាងខ្លាំង ជាមធ្យម ២,៥% ក្នុងមួយឆ្នាំៗ ។ មកទល់ពេលនេះ អត្រាគ្រួសារខ្មែរក្រីក្រនៅខេត្ត បាកលៀវ មានការថយចុះគួរឱ្យកត់សម្គាល់ ស្មើនឹងប្រមាណ ១% នៃចំនួនគ្រួសារជនជាតិ ភាគតិចសរុបក្នុងខេត្ត ។

ទិដ្ឋភាពជាក់ស្តែងឱ្យឃើញថា ការអនុវត្តប្រកបដោយប្រសិទ្ធភាព នូវគោលការរណ៍ គោលនយោបាយជនជាតិ ភាគតិចក្នុងអំឡុងពេលកន្លងមក បានសបញ្ជាក់ពីការគិតគូ យកចិត្តទុកដាក់ របស់បក្សនិងរដ្ឋ វៀតណាម ចំពោះការអភិវឌ្ឍរបស់បងប្អូន ជនរួមជាតិខ្មែរនៅតាមខេត្តនានា នៅលើដែនដីសណ្ដទន្លេមេគង្គ ។ ជីវិតថ្មីប្រកបដោយភាពសម្បូរ សប្បាយ និងសុភមង្គល គឺជាកម្លាំងចលករជំរុញ ឱ្យបងប្អូនប្រជាជនបន្តលើកកម្ពស់ឆន្ទៈ ខ្លួនទីពឹងខ្លួន ភាពធន់ ស្វាហាប់ និងច្នៃប្រឌិតក្នុងការងារបង្កបង្កើនផល ផលិតកម្ម ខិតខំប្រឹងប្រែងជាមួយអាជ្ញាធម៌មូលដ្ឋានគ្រប់ជាន់ថ្នាក់និងគ្រប់វិស័យ ដើម្បីអនុវត្តឱ្យបានជោគជ័យនូវគោលដៅអភិវឌ្ឍន៍សេដ្ឋកិច្ចសង្គម នៅតាមមូលដ្ឋាននីមួយៗ ។

ក្រោយ ៥០ ឆ្នាំ នៃការបង្រួបបង្រួម និងឯកភាពទឹកដីវៀតណាម ការផ្លាស់ប្តូរថ្មីលើភូមិឋាននិងការអភិវឌ្ឍមាតុភូមិ បានលើកទឹកចិត្តឱ្យប្រជាជនខ្មែរ កាន់តែមានកម្លាំងចិត្តបន្ថែមទៀតលើអនាគតដ៏រុងរឿងរបស់ខ្លួន ផ្តល់ឱ្យពួកគេនូវកម្លាំងសាមគ្គីបន្ថែមទៀត ពួតដៃជាមួយបងប្អូនជនជាតិដទៃទៀត ដើម្បីកសាងមាតុភូមិ ក្រោមការដឹកនាំរបស់បក្ស សំដៅឈានចូលយុគសម័យថ្មី ដែលជាយុគសម័យ នៃការអភិ