ភ្នំពេញ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ស្នើភាគីជប៉ុនមេត្តាជួយពិនិត្យ ពិចារណាលើគម្រោងដែលទាក់ទង ការកែច្នៃផលិតផលកសិកម្ម ដើម្បីជួយបង្កើនតម្លៃបន្ថែម ប្រើប្រាស់វត្ថុធាតុ ដើមក្នុងស្រុកឲ្យអស់លទ្ធភាព បង្កើតការងារ បង្កើនចំណូលគ្រួសារ និងជំរុញកំណើនសេដ្ឋកិច្ចជាតិ។

ក្នុងឱកាសទទួលជួបលោកស្រី KAMEI Haruko ប្រធានថ្មីរបស់អង្គការ JICA ប្រចាំនៅព្រះរាជា ណាចក្រកម្ពុជា និងសហការីដើម្បីសម្តែងការគួរសម និងពិភាក្សាការងារ នៅថ្ងៃទី២៨ ខែធ្នូ ឆ្នាំ២០២០ នាទីស្តីការក្រសួងកសិកម្ម លោក វេង សាខុន បានថ្លែងអំណរគុណជូន ចំពោះរដ្ឋាភិបាល និងប្រជាជនជប៉ុន តាមរយៈអង្គការ JICA ដែលបានជួយកសាង និងអភិវឌ្ឍកម្ពុជារហូតមកទល់បច្ចុប្បន្ន ក្នុងនោះមានហេដ្ឋារចនាសម្ព័ន្ធសំខាន់ៗដែលជួយដល់ការទ្រទ្រង់ខឿនសេដ្ឋកិច្ចជាតិ ហើយជាពិសេសនោះគឺវិស័យកសិកម្មផងដែរមានជាអាទិ៍៖ ការជួយរៀបចំប្រព័ន្ធព័ត៌មាន និងយុទ្ធសាស្រ្តទីផ្សារ ការបង្កើនការងារផ្សព្វផ្សាយបច្ចេកទេសដល់អ្នកផលិត ឬសហគមន៍ បច្ចេកទេសក្រោយពេលប្រមូលផល ការគ្រប់គ្រងគុណភាពលើប្រព័ន្ធខ្សែច្រវាក់តម្លៃបន្ថែម ប្រព័ន្ធទីផ្សារបោះ ឬលក់ដុំ និងជាពិសេសសមត្ថភាពមន្ទីរពិសោធន៍ មន្ទីរពិសោធន៍គុណភាព និងសុវត្ថិភាពបន្លែនៅខេត្តកណ្តាល ការជួយបណ្តុះបណ្តាលបច្ចេកទេសដល់មន្រ្តីកសិកម្មសម្រាប់រយៈពេលវែង និងខ្លីមានចំនួន ២៩០នាក់ គម្រោងធំៗចំនួន១០ ដែលបានជួយដល់ក្រសួង។

លោកបានបញ្ជាក់ថា “រាល់គម្រោង ឬកម្មវិធីដែលឧបត្ថម្ភដោយ JICA បាននឹងកំពុងចូលរួមចំណែកយ៉ាងសកម្មក្នុងការអភិវឌ្ឍវិស័យកសិកម្មកម្ពុជាឲ្យមានការរីកចម្រើន ធានាបាននូវសន្តិសុខស្បៀង លើកកម្ពស់កម្រិតជីវភាព បង្កើនបរិមាណផលិត ធានាបានទាំងបរិមាណ គុណភាព សុវត្ថិភាព ឆ្លើយតបតាមតម្រូវការទីផ្សារក្នុង និងក្រៅប្រទេស។ ឆ្លៀតយកឱកាសនេះ លោកបានស្នើទៅភាគីជប៉ុនមេត្តាជួយពិនិត្យ ពិចារណាលើគម្រោងដែលទាក់ទងការកែច្នៃផលិតផលកសិកម្ម ដើម្បីជួយបង្កើនតម្លៃបន្ថែម ប្រើប្រាស់វត្ថុធាតុ ដើមក្នុងស្រុកឲ្យអស់លទ្ធភាព បង្កើតការងារ បង្កើនចំណូលគ្រួសារ និងជំរុញកំណើនសេដ្ឋកិច្ចជាតិ”។

នាឱកាសនេះ ក្នុងនាមឲ្យអង្គការ JICA លោកស្រីបានថ្លែងអំណរគុណចំពោះពេលវេលា របស់លោក វេង សាខុន ដែលបានអនុញ្ញាតឱ្យក្រុមការងារចូលជួប និងពិភាក្សាការងារដែលត្រូវអនុវត្តបន្ត និងគម្រោងថ្មីៗ បន្តបន្ទាប់ដើម្បីចូលរួមអភិវឌ្ឍន៍វិស័យកសិកម្មកម្ពុជា និងជាពិសេសអភិវឌ្ឍសេដ្ឋកិច្ចកម្ពុជា ក្នុងបរិបទនៃការរាលដាលជាសកលនៃជំងឺឆ្លងកូវីដ-១៩។ មួយវិញទៀត ដើម្បីចូលរួមលើកកម្ពស់សន្តិសុខស្បៀង ការគ្រប់គ្រង និងការប្រើប្រាស់ធនធានធម្មជាតិប្រកបដោយចីរភាព និងនិរន្តរភាព ការបង្កើនផលិតភាពផលិតកម្មកសិកម្មតាមរយៈវិស័យឯកជន សហគមន៍កសិកម្ម និងដៃគូអភិវឌ្ឍ។ល។

នាឱកាសនេះផងដែរ លោកស្រីក៏បានណែនាំមន្ត្រីជំនាញរបស់អង្គការ JICA ដែលនឹងមកបម្រើការទាក់ទងវិស័យកសិកម្មកម្ពុជា។ ទាក់ទងនឹងសំណើរបស់លោក វេង សាខុន លោកស្រីថា នឹងយកសំណើនេះទៅពិភាក្សាជាមួយឯកអគ្គរាជទូតជប៉ុន ហើយសង្ឃឹមថានឹងជម្រាបជូនលោករដ្ឋមន្រ្តីនៅពេលអនាគត។

ជាថ្មីម្តងទៀតលោក វេង សាខុន បានថ្លៃងអំណរគុណយ៉ាងជ្រាលជ្រៅជូនក្រុមការងារ JICA ដែលបានខិតខំបំពេញការងារទទួលបាន ជោគជ័យ ហើយក្រសួងនឹងរង់ចាំផ្តល់កិច្ចសហការ យ៉ាងពេញលេញធ្វើយ៉ាងណាឲ្យការអនុវត្ត គម្រោងប្រព្រឹត្តទៅដោយរលូន និងទទួលបានជោគជ័យ។

សូមជម្រាបជូនថា ថ្មីៗនេះក្រសួងបានស្នើទៅឯកអគ្គរាជទូត តាមរយៈអង្គការ JICA នូវគម្រោងចំនួន១៩ ទៀត ដើម្បីពិនិត្យលទ្ធភាពជួយអភិវឌ្ឍលើអនុវិស័យផ្សេងៗទៀត ហើយភាគីទាំងពីរថា នឹងជួបពិភាក្សាគ្នាលម្អិតនាពេលដ៏ខ្លីខាងមុខ៕

ភ្នំពេញ៖ រាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម បាននិងកំពុងរៀបចំយុទ្ធសាស្រ្តពាណិជ្ជកម្ម ដើម្បីទាញយកប្រយោជន៍ជា អតិបរមាពីកិច្ចព្រមព្រៀងពាណិជ្ជកម្មសេរី (FTA) និងពិនិត្យមើលវឌ្ឍនភាពការងារ ទទួលធាតុចូល និងកំណត់ទិសដៅសកម្មភាពសម្រាប់ធើ្វការសិក្សាស្រាវជ្រាវបន្ថែមទៀត ។

ក្នុងកិច្ចប្រជុំ ស្តីពី ការរៀបចំយុទ្ធសាស្រ្តពាណិជ្ជកម្ម ដើម្បីទាញយកប្រយោជន៍ជា អតិបរមាពីកិច្ចព្រមព្រៀងពាណិជ្ជកម្មសេរី (FTA) ដែលមានការចូលរួមពី ភាគីពាក់ព័ន្ធ លោក ស៊ាង ថៃ រដ្ឋលេខាធិការក្រសួងពាណិជ្ជកម្ម នៅនៅថ្ងៃទី២៥ ខែធ្នូឆ្នាំ ២០២០ លើកឡើងថា ដោយអនុវត្តតាមការចង្អុលបង្ហាញដ៏ខ្ពង់ខ្ពស់របស់ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានណែនាំឱ្យក្រុមការងាររៀបចំយុទ្ធសាស្ត្រទាញយកផលប្រយោជន៍ ជាអតិបរមាពីការអនុវត្តកិច្ចព្រមព្រៀងពាណិជ្ជកម្មសេរី ដែលកម្ពុជាជាហត្ថលេខី ។

លោកបញ្ជាក់ថា “ហេតុនេះក្រុមការងារសិក្សាស្រាវជ្រាវ ត្រូវបានបង្កើតឡើង ដើម្បីសិក្សាស្រាវជ្រាវ និងរៀបចំយុទ្ធសាស្រ្តជម្រុញការនាំចេញតាមសេចក្តីប្រកាស លេខ ២៩១ ព.ណ.អប.ប្រក ស្តីពីការកែសម្រួលក្រុមការងាររៀបចំគោលនយោបាយ និងយុទ្ធសាស្រ្តចរចាបង្កើតកិច្ចព្រមព្រៀងពាណិជ្ជកម្មសេរី”។

ជាមួយគ្នានេះដែរ ក្រុមការងារបានជម្រាបជូនអង្គប្រជុំពីលទ្ធផលនៃការសិក្សាស្រាវជ្រាវកន្លងមក លើទំនិញចំនួន ៩មុខ មានដូចជា៖ វិស័យសម្លៀកបំពាក់ វិស័យស្បែកជើង តំបន់សេដ្ឋកិច្ចពិសេស វិស័យដំឡើងកម្មន្តសាលធុនស្រាល វិស័យចំណីអាហារកែច្នៃ វិស័យជលផល វិស័យអង្ករវិស័យដំឡូងមី និងកៅស៊ូធម្មជាតិ ដើម្បីជម្រុញការនាំចេញទៅកាន់ប្រទេសចិន និងលក្ខខណ្ឌច្រកចូលទីផ្សារប្រទេសចិន ហើយបានធ្វើការសិក្សាអំពីទំហំពាណិជ្ជកម្មក្នុងពិភពលោក ការនាំចេញរបស់កម្ពុជាទៅកាន់ទីផ្សារពិភពលោក និងទៅកាន់ទីផ្សារប្រទេសនាំចូលធំៗ ដែលជាដៃគូពាណិជ្ជកម្ម ជាពិសេសគឺការសិក្សា និងវិភាគអំពីចំនុចខ្លាំង ចំនុចខ្សោយ ឱកាស ការគំរាមកំហែង (SWOT Analysis) ដើម្បីកំណត់ថាទំនិញណាជាផលិតផលថ្មី ផលិតផលកំពុងលូតលាស់ ផលិតផលមានភាពចាស់ទុំ ដើម្បីមានភាពងាយស្រួយធ្វើការជម្រុញការនាំចេញបន្ថែមទៀត។

លើសពីនេះ ក្រុមការងារ ក៏បានសិក្សាអំពីរបបពន្ធ (ពន្ធគយនាំចូល) ទៅតាមប្រភេទនៃកិច្ចព្រមព្រៀងពាណិជ្ជកម្មពហុភាគី (MFN) តាមកិច្ចព្រមព្រៀងពាណិជ្ជកម្មសេរីអាស៊ានចិន (ACFTA) តាមភាពអនុគ្រោះពិសេសម្រាប់កម្ពុជា Preferential tariff for Cambodia (China’s Special preferential duty) និងតាមឋានៈប្រទេស ដែលមាន ការអភិវឌ្ឍន៍តិចតួច (LDC) ដើម្បីពិនិត្យមើលការនាំចេញតាមកិច្ចព្រមព្រៀងមួយណា ដើម្បីទទួលភាពអនុគ្រោះបំផុត និងបានសិក្សាផងដែរចំពោះរបាំងបច្ចេកទេសរបស់ប្រទេសចិនក្នុងការនាំចូលចំពោះទំនិញនីមួយៗ៕

(ភ្នំពេញ) ថ្ងៃទី ២៥ ខែធ្នូ ឆ្នាំ ២០២០៖ ឥឡូវនេះគឺគេនិយមភាពទាន់សម័យ លេចធ្លោ ការបំពេញការងារដោយឆ្លាតវៃ (Work Smart) និងការកម្សាន្តដ៏រីករាយបំផុត (Play Smart) …! មិនថាលោកអ្នកជាតារា…អ្នកជំនួញ…ជាអ្នកសិក្សា… ជាអ្នកបង្ហាញម៉ូត ឬជាអ្នកធ្វើការ នោះទេក៏នៅតែទទួលបានអារម្មណ៍ និងបទពិសោធន៍ដ៏អស្ចារ្យនេះជាមួយនឹង Galaxy Note 20 | Note 20 Ultra ផងដែរ!

និយាយទៅមានអធិរាជស្មាតហ្វូន Samsung Galaxy Note 20 | Note 20 Ultra ក្នុងដៃគឺដឹងតែស្កប់ស្កល់ និងកក់ក្តៅក្នុងចិត្តតែម្តង! ព្រោះចង់បំពេញការងារក៏ត្រូវ…ចង់យកមកកម្សាន្តក៏កាន់តែអស្ចារ្យទៀតដោយសារតែ អាយដល (Idol) ទាំង 2 ដួងនេះបំពាក់បច្ចេកវិទ្យាទំនើបឆ្លាតវៃកប់ស៊េរី និងមានលក្ខណៈពិសេសបំផុតផ្តាច់គេនៃពិភពស្មាតហ្វូនក្នុងលោក!

ជាមួយនឹង Samsung Galaxy Note 20 | Note 20 Ultra នឹងផ្តល់នូវប្រសិទ្ធភាពការងារជាទីគាប់ចិត្ត (Work Easy) និងការកម្សាន្តដ៏រំភើបរីករាយ (Play Easy)! ហ៊ាននិយាយបែបនេះក៏ព្រោះតែ Galaxy Note 20 | Note 20 Ultra មានសមត្ថភាពអស្ចារ្យខ្លាំងដូចជា៖

– ភ្ជាប់ទៅកុំព្យូទ័រ ឬទូរទស្សន៍វៃឆ្លាតបានយ៉ាងងាយបំផុតសម្រាប់ធ្វើបទបង្ហាញ និងការកម្សាន្តក៏បាន (Samsung Dex)

– ផ្ញើឯកសារ…បើកឯកសារ…បំប្លែងឯកសារ (Convert) បានដោយងាយ! (Samsung Note)

– ធ្វើការកត់ត្រាបានលឿន ងាយស្រួល ជាមួយប៊ិកដ៏វៃឆ្លាតបំផុត(S-Pen)

– ថតវីដេអូកម្រិត 8K (120fps)បានយ៉ាងច្បាស់…លម្អិតត្រជាក់ភ្នែក…ប្លែក…ឡូយផងដែរ(PRO-GRADE CAMERA) និងអាចយករូបភាពចេញពី វីដេអូ 8K ក្នុងទំហំ 33 MP(Snap)…!

– ទំហំផ្ទុកធំ…មិនបារម្ភពីការអស់កន្លែងដាក់រូបភាព វីដេអូ ឬឯកសារឡើយ!

– ថាមពលថ្មធំ អាចប្រើបានពេញ 1 ថ្ងៃ!

ម៉េចដែរប៉ុណ្ណឹង…!! ចង់បានអីទៀត…? មាន Samsung Galaxy Note 20 | Note 20 Ultra ដូចមានអ្វីៗគ្រប់យ៉ាងក្នុងដៃហើយហ្នឹង! សាមសុង…ផ្លាស់ប្តូរនៃការអភិវឌ្ឍន៍បច្ចេកវិទ្យាពិភពលោកពុំធ្លាប់មានសម្រាប់អនាគត (Change the shape of the future) ! សាមសុង…ជាទីទុកចិត្ត…!!អូហ្អ៎…ឈប់សិន…!ភ្លេចប្រាប់…ជាវឥឡូវទាន់មានប្រូម៉ូសិនណា៎…!!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនដោយឥតគិតថ្លៃតាមរយៈទូរស័ព្ទលេខ៖ 1800-20 32 32 !

កម្មវិធីប្រូម៉ូសសិនមហារង្វាន់ នៅតែបន្តចែករង្វាន់ជារៀងរាល់ខែ ជាច្រើនសម្រាប់លោកអ្នក រង្វាន់ធំមានដូចជា រថយន្ត Ford Eco sports 2020 ម៉ូតូ ទូរទស្សន៍ ម៉ាស៊ីនបោក ទូទឹកកក ម៉ាស៊ីនត្រជាក់ និងរង្វាន់ផ្សេងៗជាច្រើនទៀត។

រាល់ការចំណាយទឹកប្រាក់150$ លោកអ្នកនឹងទទួល បានឆ្នោតមួយសន្លឹកភ្លាមៗ ដែលមានឱកាសឈ្នះដល់ទៅ៥ដងជារៀងរាល់ខែ អតិថិជនដែល ទិញកាន់តែច្រើន នឹងទទួលបានសន្លឹកឆ្នោតកាន់តែច្រើន និងមាន​ឱកាសឈ្នះកាន់តែច្រើន។

ការចាប់រង្វាន់នឹងធ្វើឡើងជារៀងរាល់ខែចាប់ពីខែតុលា 2020 ដល់ ខែកុម្ភៈ 2021

* លើកទី​1 : ថ្ងៃទី06 ខែវិច្ឆិកា ឆ្នាំ2020

* លើកទី​2 : ថ្ងៃទី04 ខែធ្នូ ​ ឆ្នាំ2020

* លើកទី​3 : ថ្ងៃទី07 ខែមករា ឆ្នាំ2021

* លើកទី​4 : ថ្ងៃទី05 ខែកុម្ភៈ ឆ្នាំ2021

* លើកទី​5 : ថ្ងៃទី05 ខែមីបា ឆ្នាំ2021

កុំអោយឱកាសដ៏ល្អនេះកន្លងផុតទៅ​ សូមអញ្ជើញរួសរាន់មកកាន់ សាខាក្រុមហ៊ុនស៊ុនស៊ីម៉ិចកូ ដែលនៅជិតលោកអ្នកបំផុត។

អាចស្វែងរកផលិតផលផ្សេងៗ ដែលបងប្អូនចង់បានតាមវេបសាយខាងក្រោម

WWW.SUNSIMEXCO.COM

016 35 36 60 / 061 35 36 60

ចុចទីនេះ https://bit.ly/2B3M2K9 ដើម្បី subscribe!

ភ្នំពេញ​៖ លោកឧកញ៉ា ទៀ វិចិត្រ កាលពីថ្ងៃទី២៣ ខែធ្នូ ឆ្នាំ២០២០នេះ បានចាត់ឲ្យតំណាង នាំយកឈុតសម្លៀកបំពាក់ ចំនួន៨០ឈុត នឹង មួកសុវត្ថិភាពចំនួន​ ៨០មួក ឧបត្ថម្ភ​ដល់ប្រជាការពារ ក្នុងសង្កាត់លេខ១ ក្រុងព្រះសីហនុ ដើម្បីប្រើប្រាស់ក្នុងការ បំពេញភារកិច្ច​ ជួយរក្សាសន្តិសុខ សណ្តាប់ធ្នាប់ទូទៅ ក្នុងមូលដ្ឋាន ដែលត្រូវបានធ្វើឡើង​ នៅសាលាសង្កាត់លេខ១ ។

លោក ឈិត សូផាត ចៅសង្កាត់លេខ១ បានថ្លែងអំណរគុណនិង ជូនពរគ្រប់ប្រការ ចំពោះលោកឧកញ៉ា ទៀ វិចិត្រ និងគ្រួសារ ដែលបានឧបត្ថម្ភ ជាឈុតសម្លៀកបំពាក់ សម្ភារៈនិងមួកសុវត្ថិភាព ដល់កម្លាំងប្រជាការពារ ក្នុងសង្កាត់លេខ១ ជាការលើកទឹកចិត្ត បងប្អូនប្រជាការពារ យើងនៅមូលដ្ឋាន៕