ភ្នំពេញ៖ ក្រុមហ៊ុន អ អិម អេ ខេមបូឌា (​RMA Cambodia) ដែលជាក្រុមហ៊ុនាំចូល​ផ្តាច់មុខ រថយន្ត Jaguar Land Rover កាលពីពេលថ្មីៗនេះ បានរៀបចំ​ចំណាត់តាំង​នាយកគ្រប់គ្រងថ្មី ។

ក្នុងកម្មវិធីសន្និសីទ ត្រូវបានធ្វើឡើងក្រោមការចូលរួម ពីលោក ងន សាំង​ ដែលជាអគ្គនាយកគ្រប់គ្រង នៃក្រុមហ៊ុន អ អិម អេ ខេមបូឌា (​RMA Cambodia) លោក សុខ សុន្ទរ៉ា នាយកគ្រប់គ្រងថ្មី នៃក្រុមហ៊ុន Jaguar Land Rover Cambodia គណៈគ្រប់គ្រង គ្រប់ជាន់ថ្នាក់ និងបណ្តារអ្នកសារព័ត៌មានជាច្រើនរូប ។

ក្រោមការដឹកនាំថ្មី របស់លោក សុខ សុន្ទរ៉ា លោកទើបតែធ្វើការសម្ពោធ ជាផ្លូវការនូវរថយន្ត Off-road ស៊េរីទំនើប ចុងក្រោយបំផុត គឺរថយន្ត Land Rover Defender 2020 ហើយ ក្នុងនោះផងដែរ លោក ក៏មានគម្រោង ក្នុងការសម្ពោធជាផ្លូវការ នូវរថយន្ត Jaguar I-PACE 2020 ក្នុងពេលឆាប់ៗនេះ ។

គួរបញ្ជាក់ផងដែរថា លោក ងន សាំង បានថ្លែងយ៉ាងច្បាស់ៗ អំពីមូលហេតុ ដែលអតិថិជន ងាកពីការទិញរថយន្តនៅខាងក្រៅ មកទិញរថយន្តផ្ទាល់ពីក្រុមហ៊ុន Jaguar Land Rover Cambodia ដែលតែងតែផ្តល់ទំនុកចិត្ត និងការធានា​យ៉ាងត្រឹមត្រូវ ដោយលោកបានលើកឡើងថា “រាល់រថយន្តទាំងអស់ គឺនាំចូលដោយផ្តាល់ពីរោងចក្រ និងផលិតឡើងសម្រាប់ប្រើប្រាស់ ក្នុងតំបន់ អាស៊ី មិនត្រឹមតែប៉ុណ្ណោះ ក៏មានត្រួតពិនិត្យ និងជួលជុល យ៉ាងច្បាស់លាស់ មុននឹងធ្វើការដាក់លក់ ដោយមានការធានា លក្ខណៈ យូរអង្វែង រហូតដល់៥ឆ្នាំ ពីជាងមានជំនាញច្បាស់លាស់ និងទទួលបានការបណ្តុះបណ្តាល ពីរោងចក្រផ្ទាល់” ។

បើតាមប្រសាសន៍លោក សុខ សុន្ទរ៉ា បានអោយដឹងថា ដើម្បីឆ្លើយតប ទៅនឹងតម្រូវការ​របស់អតិថិជន ចំពោះរថយន្តមួយទឹក ក្រុមហ៊ុនមានការផ្តល់ជូន នូវការលក់ រថយន្តមួយទឹក ដែលមានគុណភាពខ្ពស់ និងផ្តល់ការធានា រហូតដល់រយៈពេល ២ឆ្នាំ ។

ជាកិច្ចបញ្ចប់ សន្និសីទសារព័ត៌មាន លោក សុខ សុន្ទរ៉ា បានបន្ថែមអំពី ការពេញនិយម​របស់រថយន្ត Jaguar និង Land Rover ក្នុងទីផ្សារ នៃប្រទេសកម្ពុជា ថា ដោយសារតែ​ផ្តោតសំខាន់បំផុតទៅ​លើ ឧត្តមភាព គុណភាព សុវត្ថិភាព ប្រព័ន្ធតិចណូឡូជី ដ៏ទំនើប ដែលសាកសមបំផុត សម្រាប់ការធ្វើដំណើរ គ្រប់ស្ថានភាពផ្លូវ ។

ក្រុមហ៊ុន Jaguar Land Rover Cambodia តែងតែផ្តល់នូវទំនុកចិត្ត និងការថែទាំយ៉ាង យកចិត្តទុកដាក់បំផុត ជាមួយអតិថិជន ដែលភ្ជាប់ជាមួយនឹងផលិតផល ដែលមិនធ្វើអោយអតិថិជន ខកបំណងបន្ទាប់ពីបាន​ ជាវរថយន្តពីក្រុមហ៊ុនផ្ទាល់៕

គួរបញ្ជាក់ថា រថយន្ត Jaguar និង Land Rover គឺជាម៉ាក់រថយន្តដ៏ល្បីពីចក្រភពអង់គ្លេស ហើយបាននាំចូល និងចែកចាយផ្តាច់មុខ ដោយក្រុមហ៊ុន អ អិម អេ ខេមបូឌា (RMA Cambodia) ។ សម្រាប់ អគារតាំងលក់ និងថែទាំជួសជុល រថយន្ត Jaguar និង Land Rover គឺស្ថិតនៅតាមបណ្តោយមហាវិថី សហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬអាចទំនាក់ទំនងលេខ៖ 023 888-811/ 070 999-111 ។

Galaxy A51 កាមេរ៉ាថតស្អាត… ថាមពលថ្មធំ… អេក្រង់ភ្លឺច្បាស់… តម្លៃសមរម្យមធ្យមទេ… អ្វីដែលងំបំផុតនោះគឺថែមជូន ដងថតទប់លំនឹងតម្លៃ 59 ដុល្លារទៀត…! ពិតជាឡូយហួសថ្លែង…!!
(ភ្នំពេញ) ថ្ងៃទី ១៤ ខែកញ្ញា ឆ្នាំ ២០២០៖ អីយ៉ាស់ងាកៗជិតដល់ថ្ងៃភ្ជុំបិណ្ឌធំល្មម…ហើយដំណើរកម្សាន្ត និងការជួបជុំក្រុមគ្រួសារ ឬមនុស្សជាទីស្រឡាញ់ក៏ត្រៀមរួចរាល់ហើយដែរ…! ត្រូវអត់…? អ៊ីចឹងត្រូវគ្នាម៉ាច់តែម្តង…! រាល់ការទិញស្មាតហ្វូនជំនាន់ចុងក្រោយម៉ូឌែល Samsung Galaxy A51 ចាប់ពីថ្ងៃទីនេះ រហូតដល់ថ្ងៃទី ១៦ ខែតុលា ឆ្នាំ ២០២០ អតិថិជនទាំងអស់នឹងទទួលបានការ ថែមជូនដងថតទប់លំនឹង Smooth X តម្លៃ $59 មួយគ្រឿងភ្លាមៗ!

សូមបញ្ជាក់ថា Galaxy A51 មានរាងស្អាត ទាក់ទាញ ទាន់សម័យ…មានកាមេរ៉ាមុខថត Selfie ច្បាស់ល្អឥតខ្ចោះទំហំ 32 MP និងកាមេរ៉ាក្រោយចំនួន 4 គ្រាប់ជាមួយកាមេរ៉ាគោលទំហំដល់ទៅ 48 MP ដែលមានសមត្ថភាពអាចថត និងចាប់ប្លង់ច្បាស់ល្អខ្លាំងជាមួយនឹងកម្លាំងថាមពលថ្មធំទៀតផង…! និយាយទៅ Galaxy A51 នឹងអាចកំដរអ្នកបានពេញ 1 ថ្ងៃលើសដោយរីករាយបំផុត!

នៅចាំអីទៀត…? រួសរាន់ទិញប្រើឱ្យទាន់រដូវកាលឈប់សម្រាក និងមានប្រូម៉ូសិនភ្លាមទៅ…!!

បញ្ជាក់៖ កម្មវិធីប្រូម៉ូសិនថែមជូនដងថតទប់លំនឹង Smooth X តម្លៃ $59 នេះគឺសម្រាប់តែការទិញ Samsung Galaxy A51 ចាប់ពីថ្ងៃនេះរហូតដល់ ថ្ងៃទី ១៦ ខែតុលា ឆ្នាំ២០២០ តែប៉ុណ្ណោះ…! រាល់ការទិញទូរស័ព្ទ Samsung Galaxy A51 នឹងមានប័ណ្ណធានារយៈពេល 1 ឆ្នាំជាផ្លូវការពីក្រុមហ៊ុន សាមសុង …!!

តោះចង់ដឹងថាតើ SmoothX មានមុខងារអ្វីខ្លះសូមទស្សនា Link នេះ៖
https://m.facebook.com/story.php?story_fbid=1477034435837712&id=160268270847675&sfnsn=mo&extid=E2MEjCGRnRYv9qdR

សម្រាប់ព័ត៌មានលម្អិតសូមអញ្ចើញមកទស្សនា ផលិតផលដោយផ្ទាល់នៅតាមបណ្តាហាងទំនើប សាមសុង និងដេប៉ូចែកចាយដែលនៅជិតលោកអ្នកបំផុត ឬទំនាក់ទំនងមកកាន់សេវាបម្រើអតិថិជនតាមរយៈលេខទូរស័ព្ទឥតគិតថ្លៃ៖ 1800 203 232 !
លក្ខខណ្ឌផ្សេងៗត្រូវបានអនុវត្ត…!!

ភ្នំពេញ ៖ ក្រុមហ៊ុន ផាលីតា ត្រេឌីង ឯ.ក (Phalita Skin Care) ដែលជាក្រុមហ៊ុននាំចូល និងចែកចាយផលិតផលថែរក្សា និងព្យាបាលសម្រស់ ដ៏ល្បីឈ្មោះនៅកម្ពុជា បានធ្វើការពង្រីកទីផ្សារ តំណាងចែកចាយរបស់ខ្លួន កាន់តែធំទូលាយ មកដល់ខេត្តកណ្តាល ក្រោយពីទទួលបាន ការគាំទ្រពីអតិថិជន ជាបន្តបន្ទាប់។

ស្របពេល ដែលតម្រូវការទីផ្សារ កាន់តែមានការកើនឡើង ក្រោមការទទួលបាន នូវទំនុកចិត្តពីសំណាក់ អតិថិជនកាន់តែច្រើន នៅព្រឹកថ្ងៃទី១២ ខែកញ្ញា ឆ្នាំ ២០២០ ក្រុមហ៊ុន Phalita Skin Carea បានសម្រេចផ្តល់សិទ្ធិ និងសម្ពោធទីតាំង តំណាងចែកចាយ ផលិតផលថែរក្សា និងព្យាបាលសម្រស់របស់ខ្លួន ចំនួនមួយបន្ថែមទៀត ស្ថិតនៅភូមិគគី ឃុំគគី ស្រុកកៀនស្វាយ ខេត្តកណ្តាល ក្រោមការចូលរួម ពីសំណាក់អគ្គនាយិកាក្រុមហ៊ុន និងបណ្តាភ្ញៀវកិត្តិយស ជាច្រើននាក់ទៀត។

លោកស្រី កែវ ផាលីតា អគ្គនាយិកា ក្រុមហ៊ុន ផាលីតា ត្រេឌីង ឯ.ក (Phalita Skin Care) បានបង្ហាញពីក្ដីរីករាយ សប្បាយចិត្តជាខ្លាំង នៅពេលបានឃើញ និងដឹងច្បាស់ពីសន្ទុះ នៃការទទួលបានកិច្ចគាំទ្រ ជឿទុកចិត្ត ពីសំណាក់បណ្តាអតិថិជន រហូតបានពង្រីក និងបង្កើតទីតាំង តំណាងចែកចាយ ផលិតផលជាច្រើន កន្លែងក្នុងពេលដ៏ខ្លី។

លោកស្រីបន្តថា “ការបើកដំណើរការ ទីតាំងតំណាងចែកចាយថ្មី ស្ថិតនៅអាសយដ្ឋាន ខាងលើនេះ គឺក្នុងគោលបំណង ជួយដល់អ្នកដែលមានបញ្ហា ស្បែកមុខទាំងបុរស និងស្រ្តី ឱ្យមានសម្រស់ស្រស់ស្អាត និងដោះស្រាយ រាល់បញ្ហាទាំងឡាយ ដូចជា មុខមុន មុខជាំ មុខមានអាចម៍រុយ ស្បែកមុខប្រតិកម្ម នឹងផលិតផល ក៏ដូចជាអាកាសធាតុ រួមជាមួយនឹងបញ្ហាស្បែកមុខ ជាច្រើនប្រភេទទៀត”។

នៅចំពោះមុខ បណ្តាភ្ញៀវកិត្តិយស ដែលបានចូលរួម លោកស្រីអគ្គនាយិកាក្រុមហ៊ុន ផាលីតា បានមានប្រសាសន៍ បន្តទៀតថា “ក្រុមហ៊ុននាង ខ្ញុំមានទស្សនៈវិស័យ ចង់ឃើញបុរស និងស្រ្តីគ្រប់រូប មានសម្រស់ស្រស់ស្អាត និងរីករាយក្នុងជីវិត។ កន្លងមកនេះ នាងខ្ញុំបានជួយឱ្យបងប្អូនស្រ្តី ជាច្រើននាក់ឱ្យរួចផុត ពីផ្ទៃមុខដ៏អាក្រក់ ប្រែជាមានសម្រស់ ស្រស់ស្អាត តាមបែបធម្មជាតិ ដោយមានការជឿជាក់ ពីនាងខ្ញុំផ្ទាល់ និងបើកឱកាសដល់ តំណាងចែកចាយនៅទូទាំង ២៥ ខេត្តក្រុងផងដែរ”។

បច្ចុប្បន្ននេះ ដោយមើលឃើញ ពីសន្ទុះនៃការគាំទ្រ និងចង់ចាប់ដៃគូសហការ ធ្វើជាតំណាងចែកចាយ ផលិតផល ក្រុមហ៊ុន ផាលីតា បានសម្រេចបន្ថែម ទីតាំងតំណាងចែកចាយជាបន្តបន្ទាប់ ដើម្បីឱ្យអតិថិជន ងាយស្រួលក្នុងការ ប្រើប្រាស់សេវា ទទួលបានការប្រឹក្សា ដោយឥតគិតថ្លៃ អំពីស្បែកមុខ ក៏ដូចជាការបម្រើសេវា ព្យាបាលមុខកើតមុន ក៏ដូចជាផ្តល់ភាព ងាយស្រួលក្នុងការ ទិញផលិផលផងដែរ។

លោកស្រី អគ្គនាយិកា បានបញ្ជាក់ថា “បច្ចុប្បន្ននេះ មានបុរសស្រ្តីជាច្រើននាក់ បានមកទទួលយក ការប្រឹក្សាយោបល់ពីក្រុមហ៊ុន ផាលីតា ស្គីនឃែរ អំពីបញ្ហាស្បែកមុខ របស់ពួកគាត់ ធ្វើយ៉ាងណា ដើម្បីឱ្យមានសម្រស់ ស្រស់ស្អាត ខ្លាំងជាងមុន។ តាមរយៈការព្យាបាល តាមការកំណត់ របស់ក្រុមហ៊ុនយើងខ្ញុំ អតិថិជនទទួលបាន នូវភាពកក់ក្តៅ និងមានទំនុកចិត្តយ៉ាងខ្លាំង ពីការផ្លាស់ប្តូរផ្ទៃមុខ របស់គាត់ឱ្យមាន សម្រស់ស្រស់ស្អាតយ៉ាងពិតប្រាកដ”។

កន្លងមកអតិថិជន ដែលបានមកទទួលសេវាកម្ម ព្យាបាលពីក្រុមហ៊ុន ផាលីតា ត្រេឌីង ឯ.ក – Phalita Skin Care តែងតែលើកសរសើរថា បន្ទាប់ពីទទួលការព្យាបាល និងថែទាំផ្ទៃមុខរួចមក ពិតជាមានភាពផ្លាស់ប្តូរ និងជឿជាក់លើខ្លួនឯងពិតប្រាកដមែន។ ជាមួយគ្នានេះ មានអ្នកខ្លះបានណែនាំមិត្តភ័ក្តិរបស់ពួកគេ ដែលមានបញ្ហាផ្ទៃមុខ ឱ្យមកទទួលការពិភាក្សាជាមួយ ផាលីតា ស្គីនឃែរ និងទទួលការព្យាបាលឱ្យជាសះស្បើយ តាមបែបធម្មជាតិ ១០០ភាគរយ។

នៅក្នុង​ឱកាស​នេះ​ផងដែរ លោកស្រី ទី​ម ចំប៉ា តំណាង​ចែកចាយ​ប្រចាំ​តំបន់ ខេត្តកណ្តាល បាន​មានប្រសាសន៍​ផងដែរ​ថា “ខ្ញុំ​ពិតជា​មាន​អារម្មណ៍​រីករាយ ​និង​រំភើប​ដែល​បានទទួល​សិទ្ធិផ្តាច់មុខ ​ពី​ក្រុមហ៊ុន ​ក្នុងការ​ចែកចាយ​ ផលិតផល​ដែលមាន​គុណភាព និង​ល្បីឈ្មោះ​ប្រចាំខេត្ត​កណ្តាល។ ខ្ញុំ​ជឿជាក់ថា តាមរយៈ​កេរ្តិ៍ឈ្មោះ​ដ៏​ល្បី​របស់​ក្រុមហ៊ុន និង​ប្រសិទ្ធភាព​ នៃ​ផលិតផល ពិតជា​អាច​ពង្រីក​ទីផ្សារ​កាន់តែ​ទូលំទូលាយ​បន្ថែម​ជាក់​ជាមិនខាន។ ដោយឡែក សម្រាប់​អ្នក​ដែល​ចង់​ជាវ​ ផលិតផល​ថែរក្សា និង​ព្យាបាល​សម្ផស្ស ​របស់​ក្រុមហ៊ុន ផា​លី​តា ស្គី​ន​ឃែ​រ អាចមក​កាន់​ទី​ស្នាក់​ផ្ទាល់​ដែល​ស្ថិតនៅ​ ជិត​ផ្សារ​គគី ស្រុក​កៀនស្វាយ ខេត្តកណ្តាល​ដោយផ្ទាល់ ឬ​តាមរយៈ​ទូរស័ព្ទ​លេខ ៖ 0965174447

ជាកាដូពិសេស សម្រាប់ឱកាស នៃពិធីបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំ២០២០ នេះ ក្រុមហ៊ុនបានបើកឱកាស ឱ្យអ្នកលក់ជាច្រើន ដោយការពង្រីកទីតាំង តំណាងចែកចាយ ផលិតផលបន្តទៅតាម បណ្តាខេត្ត និងក្រុងនានាផងដែរ។ សម្រាប់ដែលចង់បាន ទីតាំងលក់ស្អាត ផលិតផលល្អ និងចំណាយដើមទុនតិច សូមទំនាក់ទំនង មកកាន់ក្រុមហ៊ុនផ្ទាល់ ដើម្បីពិភាក្សា ក្នុងការបើកទីតាំងថ្មី។ ព័ត៌មានបន្ថែម សូមទាក់ទងតាមទូរស័ព្ទលេខ ០១២ ៩៩ ៥៦ ៣៨៕

ភ្នំពេញ៖ ផ្សារ 247 Store Cambodia ត្រូវបានបង្កើតឡើងក្នុងខែមីនា ឆ្នាំ២០២០ និងត្រូវបានប្រកាស បើកដំណើរការជាផ្លូវការហើយ ចាប់ពីថ្ងៃនេះតទៅ ក្នុងគោលដៅផ្តល់ភាពងាយស្រួល ទំនុកចិត្ត សេវាកម្មល្អ សម្រាប់អតិថិជន ក្នុងការជាវទំនិញ តាមប្រព័ន្ធអនឡាញ ។

ផ្សារ 247 Store Cambodia ជាផ្សារលក់រាយ គ្រប់មុខទំនិញ តាមរយៈផ្សារ 247 Store Cambodia អតិថិជនទាំងអស់ អាចជាវទំនិញជាច្រើនមុខ ជាមួយតម្លៃសមរម្យ ទំនិញ មានគុណភាពខ្ពស់ សេវាកម្មរហ័សទាន់ចិត្ត ជាពិសេសក្នុងឱកាស បើកដំណើរការជាផ្លូវការនេះ 247 Store Cambodia ក៏មានកម្មវិធី បញ្ចុះតម្លៃ ជាមួយមុខទំនិញជាច្រើនមុខ រហូតដល់៣០% ចាប់ពីថ្ងៃនេះ ដល់ថ្ងៃទី១៤ ខែតុលា ឆ្នាំ២០២០ ។ 

សម្រាប់ការបញ្ជាទិញ ទំនិញពីផ្សារ 247 Store Cambodia អតិថិជនទាំងអស់ អាចធ្វើការបញ្ជាទិញ តាមរយៈ គេហទំព័រ (www.247storecambodia.com) បណ្តាញសង្គមហ្វេសបុក (247storecambodia) និងតាមរយៈទូរស័ព្ទ (085 / 086 994 599)។ ផ្សារ 247 Store Cambodia និងដំណើរការ 24ម៉ោង 7ថ្ងៃ ក្នុងមួយ សប្តាហ៍ ដើម្បីបង្កើនភាពងាយស្រួល ដល់អតិថិជន អាចបញ្ជាទិញ បានគ្រប់ពេលវេលា ។

សូមរំលឹកថា 247 Store Cambbodia ត្រូវបានបង្កើតឡើង ក្រោមគំនិតផ្គួចផ្តើម ដោយកូនខ្មែរសុទ្ធសាទ ពីក្រុមហ៊ុន Ten Synergy Investment ក្នុងការនាំយក នូវរបបគំហើញថ្មី ក្នុងយុគសម័យ ឧស្សាហកម្ម 4.0 ជាមួយការ រីកលូតលាស់ យ៉ាងឆាប់រហ័ស លើប្រពន្ធឌីជីថល៕

(ភ្នំពេញ) ថ្ងៃទី ១១ ខែកញ្ញា ឆ្នាំ ២០២០៖ យើងសង្កេតឃើញថាតាំងពីដីវាល…សំណង់តូចៗរហូតក្លាយជាតំបន់ និងទីក្រុងពាណិជ្ជកម្មដែលពោរពេញដោយអាគារខ្ពស់ៗធំស្កឹមស្កៃ …ហាងអាហារ…ហាងកាហ្វេ…និងផ្សារទំនើបលំដាប់អន្តរជាតិជាច្រើនកំពុងបង្ហាញខ្លួនបន្តបន្ទាប់ដូចផ្សិត…!

ទាំងអស់នេះហើយបានធ្វើឱ្យតម្រូវការនៃម៉ាស៊ីនត្រជាក់ម៉ូឌែល Samsung 360 Cassette មានការគាំទ្រខ្លាំងព្រោះ Samsung 360 Cassette អាចធ្វើឱ្យបរិយាកាស និងផ្នែកខាងក្នុងនៃអាគាររបស់លោកអ្នកទាំងអស់កាន់តែមានភាពស្រស់ស្រាយ…ស្រស់ស្អាត…មានផាសុកភាព និងមើលទៅកាន់តែល្អឥតខ្ចោះ (កាន់តែព្រីមៀម) ជាមួយនឹងចំណុចពិសេស និងបច្ចេកវិទ្យាទំនើបអស្ចារ្យដូចជា៖

* សោភ័ណភាព៖

លោកអ្នកអាចជ្រើសរើស Samsung 360 Cassette តាមតម្រូវការដែលអ្នកចង់បានមិនថាពណ៌ខ្មៅ ឬពណ៌ស! បន្ទះ Panels មានរាងមូល និងជ្រុងដែលសមស្របទៅតាមទីកន្លែងរបស់លោកអ្នកទោះបីជា ពិដាន…ឈើ…បេតុង…ផ្ទាំងរូបភាព…ថ្នាំពណ៌ប្រភេទផ្សេងៗដែលធ្វើឱ្យបន្ទប់ទាំងមូលមានភាពកាន់តែទាន់សម័យ និងទាក់ទាញបំផុត…!!

* ប្រសិទ្ធភាព៖

– បញ្ចេញខ្យល់ត្រជាក់ល្អឥតខ្ចោះ…ត្រជាក់លឿន…មានផាសុកភាពដោយកាត់បន្ថយខ្យល់ស្ងួតមកប៉ះដោយផ្ទាល់!

– សន្សំសំចៃថាមពល

– គ្មានសំឡេងរំខាន

–  បរិមាណខ្យល់ត្រជាក់បញ្ចេញបាន 100% អាចបាញ់ខ្យល់ត្រជាក់សាយភាយបានសព្វគ្រប់ទីកន្លែងបានល្អ!

– អាចបើកប្រើជាប់បានពេញមួយថ្ងៃដោយគ្មានបញ្ហា

* ការច្នៃប្រឌិត

– ការបង្ហាញភ្លើង LED ដែលធ្វើឱ្យលោកអ្នកដឹងពីការកំណត់នូវលំហូរខ្យល់យ៉ាងងាយស្រួលដែលមានការកំណត់បីរួមបញ្ចូលទាំងខ្យល់ផ្តេក និងខ្យល់ត្រង់

ម៉ាស៊ីនត្រជាក់ម៉ាក Samsung 360 Cassette ជាជម្រើសដ៏ល្អបំផុតសម្រាប់អាជីវកម្មដ៏ជោគជ័យរបស់លោកអ្នក! បើទិញម៉ាស៊ីនត្រជាក់ 360 Cassette ត្រូវទិញផលិតផល សាមសុង ដែលនាំចូលផ្លូវការ! ព្រោះលោកអ្នកនឹងទទួលបានការជួសជុលរយៈពេល ១ឆ្នាំឥតគិតថ្លៃ (គ្រឿងបន្លាស់ និងសេវាកម្ម) និងទទួលបានផលិតផលដែលមានគុណភាពល្អស្របតាមស្តង់ដារអន្តរជាតិជាមួយនឹងប្រូម៉ូសិនពិសេសៗផងដែរ!!

សម្រាប់ព័ត៌មានបន្ថែមលោកអ្នកអាចអញ្ជើញមកកាន់ហាងទំនើប សាមសុង ដែលនៅជិតបំផុតដោយផ្ទាល់ ឬក៏អាចធ្វើការទំនាក់ទំនងមកកាន់សេវាបម្រើអតិថិជនដោយឥតគិតថ្លៃតាមរយៈលេខទូរស័ព្ទ៖ 1800 203 232 !

ភ្នំពេញ៖ បងៗសុភាពនារីស្ត្រីមេផ្ទះ ដ៏ឆ្លាតវៃទាំងអស់ តែងតែស្រមៃចង់បាន ការរស់នៅ ដែលពោរពេញដោយ ភាពងាយស្រួល និងមានពេលវេលា សម្រាកពីការងារ ដ៏មមាញឹកពេញមួយថ្ងៃ ដោយមិនចាំបាច់ត្រូវខ្វាយខ្វល់ ក្នុងចិត្ត និងធុញថប់ ត្រូវមកចំណាយពេល រាប់ម៉ោង ឬក៏អាចអូសដល់កន្លះថ្ងៃ ទើបបោករួចរាល់ទៀតទេ! ជាមួយនឹងម៉ាស៊ីនបោកគក់ សាមសុង Add-Wash ម៉ូឌែល WW90K54E0UW/ST បញ្ហាទាំងអស់ហ្នឹង គឺគ្រាន់តែជារឿងព្រេង ឬរឿងអតីតតែប៉ុណ្ណោះ…!

កាលពីវគ្គមុនក្រុមហ៊ុន បានធ្វើការបង្ហាញពី៖

• មុខងារបោកលឿនរហ័ស សម្រាប់ខោអាវតិច
• មុខងារបោកសន្សំសំចៃភ្លើង
• មុខងារបោកសម្អាត ដោយចំហាយទឹកក្តៅ សម្លាប់មេរោគ…បាក់តេរី…អាឡែកហ្ស៊ីផ្សេងៗបាន 99.90%
• មុខងារសម្រាប់ បោកសម្លៀកបំពាក់ក្មេង ឬកូនតូច
• មុខងារបោកសម្អាត សម្ភារៈបន្ទប់គេង កម្រាលពូក ស្រោមខ្នើយ ។ល។
• មុខងារបោកសន្សំសំចៃទឹក-ភ្លើង និងមុខងារបោកខោអាវ ធ្វើការជាដើម…

ប៉ុន្តែថ្ងៃនេះក្រុមហ៊ុន នឹងបង្ហាញជូន នូវជម្រើសមុខងារ ដ៏វៃឆ្លាតផ្សេងទៀត ដែលល្អស័ក្តិសមបំផុត សម្រាប់តម្រូវការ លោកអ្នកដូចខាងក្រោមនេះ៖

• Daily Wash
  នេះគឺជាមុខងារ បោកសម្លៀកបំពាក់ប្រចាំថ្ងៃ ដែលផ្តល់នូវភាពងាយស្រួល ដល់លោកអ្នក ក្នុងការបោកសម្លៀកបំពាក់ ដោយមិនចាំបាច់ ត្រូវចុចប៊ូតុងច្រើន ព្រោះម៉ាស៊ីនបោកនឹងធ្វើការចងចាំ នូវមុខងារដែលលោកអ្នក ធ្លាប់ជ្រើសរើសបោករាល់ថ្ងៃ និងញឹកញាប់ជាប់ជានិច្ច!
• Dark Garment
  មុខងារនេះ គឺសម្រាប់បោកសម្លៀកបំពាក់ណា ដែលមានពណ៌ដិត ឬក្រម៉ៅ។ម៉ាស៊ីន នឹងធ្វើការបោកជម្រះច្រើនទឹក លើសមុខងារបោកធម្មតា ដើម្បីអោយសម្លៀកបំពាក់ស្អាតល្អ។
• Wool
  មុខងារនេះគឺល្អស័ក្តិសមបំផុត សម្រាប់ប្រភេទសម្លៀកបំពាក់ សាច់ក្រណាត់ចាក់ ឬសាច់អំបោះ ដែលធ្វើការបោកសម្អាត ដោយយកចិត្តទុកដាក់ និងថ្នមបំផុត! ដូច្នេះលោកអ្នកនឹងលែងបារម្ភថា សម្លៀកបំពាក់សាច់ក្រណាត់ ចាក់រសាត់សរសៃអំបោះ…រួចដាច់សាច់ក្រណាត់ទៀតឡើយ…!!

យ៉ាងម៉េចដែរ? យើងនឹងមិនសួរ លោកអ្នកថាមុខងារមួយណា ជាជម្រើសនៃការបោកគក់ របស់លោកអ្នកឡើយ…ប៉ុន្តែយើងជឿជាក់ និងប្រាកដចិត្តថាលោកអ្នកពិតជា ត្រូវការនូវជម្រើសទាំងអស់នេះ ជាក់ជាពុំខានឡើយ…! ត្រូវអត់? និយាយដូចដឹងចិត្ត…មិនត្រឹមតែដឹងចិត្តទេ…ថែមទាំងធ្វើឱ្យសប្បាយចិត្ត ទៀតផង!!

សម្រាប់ព័ត៌មានលម្អិតបន្ថែម សូមអញ្ជើញមកទស្សនា ផលិតផលដោយផ្ទាល់ តាមហាងទំនើបចែកចាយ ផលិតផល សាមសុង ទាំងអស់ដែលនៅជិត លោកអ្នកបំផុតទូទាំងប្រទេស ឬក៏អាចធ្វើការទំនាក់ទំនង ទៅកាន់ផ្នែកសេវាបម្រើអតិថិជន តាមរយៈទូរស័ព្ទឥតគិតថ្លៃលេខ៖ 1800-20 32 32 !

• បញ្ជាក់៖ រាល់ការជាវម៉ាស៊ីន បោកសម្លៀកបំពាក់ សាមសុង Add-Wash ម៉ូឌែល ww90K54E0UW/ST តាមបណ្តាដេប៉ូចែកចាយ ផលិតផល សាមសុង ទាំងអស់កុំភ្លេចសួររក ប័ណ្ណធានាផងណា៎…!

(ភ្នំពេញ) ថ្ងៃទី ០៨ ខែកញ្ញា ឆ្នាំ ២០២០ ៖ ការប្តេជ្ញាចិត្តយ៉ាងមុតមាំ ក្នុងការផ្តល់ជូននូវផលិតផលដែលមានគុណភាពខ្ពស់…តម្លៃសមរម្យ… និងសេវាកម្មដ៏ល្អឥតខ្ចោះជូនដល់អតិថិជនគ្រប់លំដាប់ថ្នាក់ ក៏ដូចជាការអភិវឌ្ឍន៍ឥតឈប់ឈរ ប្រកបដោយចីរភាព… តម្លាភាព…សមភាព… និងគុណភាពដល់សហគមន៍ដែលខ្លួន កំពុងធ្វើប្រតិបត្តិការគឺជាចក្ខុវិស័យស្នូលរបស់ក្រុមហ៊ុន សាមសុង!

នេះជាលើកទី 2 ហើយដែលក្រុមហ៊ុន សាមសុង បានយកចិត្តទុកដាក់ដោយបង្កើតនូវវគ្គសិក្សាដែលមានឈ្មោះថា Samsung Tech Institute ជូនដល់សិក្ខាកាមដែលកំពុងសិក្សានៅវិទ្យាស្ថានជាតិបណ្តុះបណ្តាលបច្ចេកទេសហៅកាត់ថា (NTTI) សម្រាប់ឆ្នាំ2020 នេះ។

សូមបញ្ជាក់ថាវគ្គសិក្សាថ្មីនេះ គឺមានរយៈពេលចំនួន 9 សប្តាហ៍ ដែលចាប់ផ្តើមពីថ្ងៃទី 05 ខែកញ្ញា ឆ្នាំ2020 នេះតទៅដោយផ្តោតសំខាន់លើមុខជំនាញសំខាន់ៗ និងពិសេសដូចជា៖

• ជំនាញជួសជុលផ្នែកបរិក្ខារអេឡិចត្រូនិច (CE)៖ ម៉ាស៊ីនត្រជាក់…ម៉ាស៊ីនបោកខោអាវ…ទូទឹកកក…និងទូរទស្សន៍។
• ជំនាញស្មាតហ្វូន (IM)៖ ទូរស័ព្ទវៃឆ្លាត

សូមរំឮកផងដែរថាសម្រាប់វគ្គសិក្សានេះ ទាំងគ្រូបង្គោល និងសាស្ត្រាចារ្យទាំងអស់ គឺសុទ្ធសឹងតែត្រូវបានបំពាក់បំប៉នយ៉ាងល្អ និងយកចិត្តទុកដាក់បំផុត ពីអ្នកជំនាញរបស់ក្រុមហ៊ុន សាមសុង។

អ្វីដែលពិសេស និងអស្ចារ្យបំផុតក្រោយពី ការបញ្ចប់វគ្គសិក្សា វិទ្យាស្ថានក៏មានរៀបចំការប្រឡងដោយតឹងរ៉ឹងបំផុតដើម្បីជ្រើសរើសសិក្ខាកាម ឆ្នើម…មានពិន្ទុខ្ពស់ជាងគេ…និងលេចធ្លោជាងគេឱ្យមានឱកាសទៅបន្តហាត់ការបន្ថែមទៀត នៅឯមជ្ឈមណ្ឌលសេវាកម្មជួសជុលផលិតផល សាមសុង ផងដែរ!

ក្នុងនាមជាក្រុមហ៊ុនបច្ចេកវិទ្យាឈានមុខគេ និងធំជាងគេក្នុងពិភពលោក ទោះជាស្ថិតក្នុងកាលៈទេសៈណាក៏ដោយក៏ សាមសុង នៅតែព្យាយាមប្រឹងប្រែងបំផុតធ្វើយ៉ាងណាផ្តល់ជូននូវការសិក្សា និងបណ្តុះបណ្តាលបន្តបន្ទាប់ទៀត ដើម្បីបង្កើននូវជំនាញ ចំណេះដឹង ដល់សហគមន៍ទូទាំងពិភពលោកទាំងមូលក៏ដូចជា ប្រទេសកម្ពុជា ផងដែរ។

ជាចុងក្រោយ ក្រុមហ៊ុន សាមសុង សូមលើកទឹកចិត្ត និងជម្រុញឱ្យសិក្ខាកាម ទាំងអស់ថែទាំសុខភាពឱ្យបានល្អ…តស៊ូព្យាយាម អត់ធ្មត់ខិតខំប្រឹងប្រែងរៀនសូត្រក្រេបយកចំណេះដឹង…ជំនាញដើម្បីក្លាយខ្លួនជាកម្លាំងស្នូល និងធនធានមនុស្ស ដ៏មានសក្តានុពលសម្រាប់ភាពរីកចម្រើនដល់ខ្លួនឯង…ក្រុមគ្រួសារ…សហគមន៍…សង្គម…និងប្រទេសជាតិទាំងមូល៕