Home Blog Page 27

vivo V40 5G ដែលជាស្មាតហ្វូនដ៏ពេញនិយមនៅអាស៊ីបានមកដល់ទីផ្សារកម្ពុជាសម្រាប់ការថតរូបកម្រិតអាជីពក្រោមការសហការជាមួយ ZEISS ដ៏ល្បីល្បាញ

private
-
0
vivo V40 5G ដែលជាស្មាតហ្វូនដ៏ពេញនិយមនៅអាស៊ីបានមកដល់ទីផ្សារកម្ពុជាសម្រាប់ការថតរូបកម្រិតអាជីពក្រោមការសហការជាមួយ ZEISS ដ៏ល្បីល្បាញ

ភ្នំពេញ: vivo ដែលជាក្រុមហ៊ុនឈានមុខគេផ្នែកបច្ចេកវិទ្យាស្មាតហ្វូនដែលល្បីល្បាញ និងការលក់ដាច់ខ្លាំងនៅអាស៊ី មានសេចក្តីសោមនស្សរីករាយក្នុងការប្រកាសពីការមកដល់នូវម៉ូឌែលថ្មីនៃV40 Series នៅកម្ពុជា ដែលមានការបំពាក់កាមេរ៉ា ZEISS និង AI Aura Light Portrait ដែលជាការថតរូប Portrait ដ៏ល្អបំផុតក្នុងចំណោមស្មាតហ្វូនកម្រិតមធ្យម ហើយការមកដល់របស់ V40 Series នេះរួមមាន V40 5G និង V40 Lite។ លោក Jerry Thai និង  លោក  Sovanna Kem ដែលជា អ្នកជំនាញផ្នែកថតរូបនឹងបង្ហាញពី ការថតរូប Portrait កម្រិតអាជីព មុខងារ AI និង ភាពធន់របស់ផលិតផលនេះផងដែរ។

ប្រវត្តិនៃ ZEISS ហេតុអ្វីត្រូវជ្រើសរើស ZEISS ?  

ZEISS គឺជាឈ្មោះរបស់ Carl Zeiss ដែលជាសហគ្រិនផ្នែកចក្ខុវិស័យ ជាអ្នកជំនាញខាងអ៊ុបទិក ដែលមានកេរ្តិ៍ឈ្មោះជាងមួយសតវត្ស ដែលស្នាដៃរបស់គាត់ទទួលបានភាពជោគជ័យដ៏អស្ចារ្យ នៅក្នុងប្រវត្តិសាស្រ្ត។ កញ្ចក់លែន ZEISS ភាគច្រើនត្រូវបានប្រើប្រាស់ផ្តាច់មុខក្នុងការមេរ៉ាកំពូល ៗរបស់ក្រុមហ៊ុនផលិតភាពយន្តហូលីវូដធំៗ  បានផលិតម៉ាស៊ីនពិនិត្យភ្នែកម៉្ញូបដែលមានបច្ចេកវិទ្យាខ្ពង់ កញ្ចក់វែងតាដែលមានស្តង់ដារនឹងតម្លៃថ្លៃ  ដូចជាលែនការមេរ៉ា ZEISS បង្កើតឡើង យ៉ាងពិសេសសំរាប់ការថតរូបក្នុង លំហដំបូងគេ អំឡុងពេលចុះចតនៅឋានព្រះច័ន្ទ។ លោក  Carl Zeiss ក៏ជាអ្នកបង្កើតមីក្រូទស្សន៍ដំបូងគេក្នុងឆ្នាំ 1846/47 ផងដែរ។  vivo និង  ZEISS Global Imaging Partnership អស់រយៈពេលជាង 10 ឆ្នាំ។    

យុគសម័យថ្មីនៃការថតរូបស្មាតហ្វូនដ៏សំខាន់

នៅក្នុងយុគសម័យនៃប្រព័ន្ធផ្សព្វផ្សាយសង្គមសព្វថ្ងៃនេះ កាមេរ៉ាបានក្លាយជាឧបករណ៍ដ៏សំខាន់ក្នុងការទំនាក់ទំនង ក៏ដូចជាការចែករំលែក សម្រាប់អ្នកបង្កើតមាតិកា និង អ្នករកចំនូលតាម អ៊ីនធឺណិត។ ដោយយល់ពីតម្រូវការពិសេសរបស់អ្នកប្រើប្រាស់ក្នុងទីផ្សារកម្ពុជា  vivo V40 បានបំពាក់កាមេរ៉ាដែលសហការជាមួយក្រុមហ៊ុន ZEISS ។  ហើយ

ការសហការនេះធ្វើអោយរូបភាព នៃការថតរូប Portrait មានគុណខ្ពស់ មានភាពស្រស់ស្អាតល្អឥតខ្ចោះ ។ ការលាយបញ្ចូលគ្នានូវការថតរូប Portrait ដ៏មានឥទ្ធិពល ជាមួយថាមពលថ្មធំ 5500mAh និងការរចនាដ៏ស្តើងស្រាល ស្រួលកាន់ ជាមធ្យោបាយដើម្បីបង្កើនបទពិសោធន៍អ្នកប្រើប្រាស់ ដែលផ្តល់ភាពងាយស្រួលក្នុងការច្នៃប្រឌិត និងការបញ្ចេញមតិ។ 

ប្រតិបត្តិការដ៏មានឥទ្ធិពល និងការរចនាឆើតឆាយ

លក្ខណ:ពិសេសរបស់ V40 Series មិនមែនមានត្រឹមតែកាមេរ៉ាពិសេសប៉ុណ្ណោះទេ ប្រព័ន្ធប្រតិបត្តិការក៏មានសមត្ថភាពខ្លាំងផងដែរ ដែលធានាបាននូវដំណើរការដោយរលូន និងមានប្រសិទ្ធភាពខ្ពស់សម្រាប់ការប្រើប្រាស់ប្រចាំថ្ងៃ។ ការរចនាដ៏ប្រណិត និងទាន់សម័យ ដែលបង្ហាញពីខ្សែកោងឆើតឆាយ និងសិប្បកម្មដ៏ផ្ចិតផ្ចង់ បំលែងស្មាតហ្វូនទៅជាស្នាដៃសិល្បៈ។

មានការស្ងើចសសើរពីអ្នកបច្ចេកទេស ថតរូបជាច្រើនក្នុងស្រុកលោក Jerry Thai – Brab Chom Chom ដែលត្រូវបានគេស្គាល់ថាជា អ្នកថតរូបអាជីព និងអ្នក បណ្តុះបណ្តាលផ្នែកថតរូប វីដេអូ  នឹងបង្ហាត់បង្ហាញអំពីរបៀបប្រើប្រាស់ vivo V40 Series  ក្នុងការថតរូប Portrait កម្រិតអាជីព (professional-level portrait photography) លើសពីស្មាតហ្វូនដទៃទៀតប្រកប ដោយភាពច្នៃប្រឌិត ។  ក្នុងពេលជាមួយគ្នានេះក៏មានអ្នកជំនាញថតរូបជាច្រើនរូបដែលនឹងបង្ហាញពីសមិទ្ធិផលនៃការប្រើប្រាស់ V40 Series ក្នុង ការផ្តិចយករូបភាព និង វីដេអូដ៏ស្រស់ស្អាត។ ពួកគាត់នឹង បង្ហាញពីចំណាប់អារម្មណ៏  ការយល់ឃើញ និង បច្ចេកទេសក្នុងការថតរូប Portrait របស់ V40 Series និងការប្រើប្រាស់ Aura light ក្នុងកន្លែងដែលមានពន្លឺមិនសូវអំណោយផល និង បច្ចេកវិទ្យា AI ក៏ដូចជាមុខងារជាច្រើនទៀត ដែលជំនួយអោយការថតរូបមាន ភាព ច្បាស់ល្អនឹងគុណភាពខ្ពស់។ 

សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ vivo ឬតាមដាន vivo នៅលើប្រព័ន្ធផ្សព្វផ្សាយសង្គម ដើម្បីចូលរួមសន្ទនា និងទទួលបានព័ត៌មានថ្មីៗ អំពី Pre- order និង ការលក់ជាផ្លូវការ នៅ ពាក់កណ្តាលខែ តុលា នេះ ។ 

https://www.facebook.c om/vivoCambodia

ក្រុមហ៊ុន Vietjetនិង Castlelakeបានផ្លាស់ប្តូរអនុស្សរណៈនៃការយោគយល់សម្រាប់យន្តហោះ Airbus ចំនួន ៤គ្រឿងដែលមានតម្លៃ៥៦០ លានដុល្លារអាមេរិក

bora.chhouk@gmail.com
-
0
ក្រុមហ៊ុន Vietjetនិង Castlelakeបានផ្លាស់ប្តូរអនុស្សរណៈនៃការយោគយល់សម្រាប់យន្តហោះ Airbus ចំនួន ៤គ្រឿងដែលមានតម្លៃ៥៦០ លានដុល្លារអាមេរិក

ភ្នំពេញ៖ ថ្ងៃទី០៤ ខែតុលា ឆ្នាំ ២០២៤នេះ ក្រុមហ៊ុន Vietjet និង Castlelake ដែលជាអ្នកគ្រប់គ្រងការវិនិយោគជំនួសសកលដែលមានឯកទេសក្នុងការវិនិយោគលើទ្រព្យសកម្មដែលមានបទពិសោធន៍ជិត ២០ ឆ្នាំក្នុងការវិនិយោគ ជួល និងសេវាកម្មយន្តហោះបានផ្លាស់ប្តូរអនុស្សរណៈនៃការយោគយល់គ្នា (MOU) ដើម្បីផ្តល់ហិរញ្ញប្បទានយន្តហោះចំនួន ៤ គ្រឿងដែលមានតម្លៃ ៥៦០ លានដុល្លារអាមេរិក។ ពិធីអនុស្សរណៈនៃការយោគយល់គ្នា នេះបានប្រព្រឹត្តទៅក្រោមវត្តមានរបស់អគ្គលេខាបក្ស និងជាប្រធានរដ្ឋវៀតណាម លោក To Lam នៅវេទិកាធុរកិច្ចវៀតណាម-អៀរឡង់។

ជាផ្នែកមួយនៃ MOU នេះ Castlelake មានបំណងផ្តល់ហិរញ្ញប្បទានសម្រាប់យន្តហោះ Airbus A321neo ទំនើបថ្មីចំនួន ៤ ក្រោមការបញ្ជាទិញដែលមានស្រាប់របស់ក្រុមហ៊ុន Vietjet ជាមួយក្រុមហ៊ុន Airbus ។ យន្តហោះទាំងនេះនឹងត្រូវបានដឹកជញ្ជូនទៅនៅឆ្នាំ ២០២៤។ ប្រតិបត្តិការដែលបានរំពឹងទុកនេះធ្វើឡើងតាមកិច្ចព្រមព្រៀងហិរញ្ញប្បទានដែលត្រូវបានបញ្ចប់ក្នុងឆ្នាំ ២០២៣ សម្រាប់យន្តហោះ Airbus A321neo ចំនួន ៣ គ្រឿង និងជាមូលដ្ឋានគ្រឹះសម្រាប់កិច្ចសហប្រតិបត្តិការនាពេលអនាគតលើកិច្ចព្រមព្រៀងហិរញ្ញប្បទានទាក់ទងនឹងកងនាវាដែលកំពុងរីកចម្រើនយ៉ាងឆាប់រហ័សរបស់ក្រុមហ៊ុន Vietjet ។

លោក Chris Buckley ជាប្រធានផ្នែកដៃគូនិងពាណិជ្ជកម្មអាកាសចរណ៍នៅ Castlelake បានមានប្រសាសន៍ថា៖ «Castlelakeរីករាយបន្តការកសាងទំនាក់ទំនងរបស់ខ្លួនជាមួយក្រុមហ៊ុន Vietjet និងគាំទ្រដល់បេសកកម្មរបស់ Vietjet ក្នុងការផ្តល់សេវាកម្មអាកាសចរណ៍ពិសេសតាមសេវា​ភតិសន្យា​ហិរញ្ញវត្ថុរបស់យើង។ យើងទន្ទឹងរង់ចាំក្នុងការបន្តប្រតិបត្តិការនេះ និងស្វែងរកឱកាសបន្ថែមទៀតដើម្បីពង្រីកអាជីវកម្មជាមួយ Vietjet នាពេលអនាគត»។

លោក Dinh Viet Phuong នាយកប្រតិបត្តិក្រុមហ៊ុន Vietjet បានមានប្រសាសន៍ថា៖ «កិច្ចព្រមព្រៀងដែលបានចុះហត្ថលេខានេះស្របតាមយុទ្ធសាស្ត្ររបស់ក្រុមហ៊ុន Vietjet ដើម្បីពង្រីកកងនាវា និងបណ្តាញហោះហើរជាសកល។ គាំទ្រដោយការផ្តល់ហិរញ្ញប្បទានអន្តរជាតិ ក្រុមហ៊ុន Vietjet បន្តផ្តល់នូវការហោះហើរប្រកបដោយសុវត្ថិភាព ផាសុកភាព និងសន្សំសំចៃលើយន្តហោះថ្មីទំនើបដោយភ្ជាប់អ្នកធ្វើដំណើរទៅកាន់គោលដៅពិភពលោកដ៏គួរឱ្យរំភើប។ សេវាកម្មរបស់យើងមិនត្រឹមតែលើកកម្ពស់វិស័យទេសចរណ៍ប៉ុណ្ណោះទេ ប៉ុន្តែថែមទាំងជម្រុញកំណើនសេដ្ឋកិច្ច និងជម្រុញការផ្លាស់ប្តូរវប្បធម៌រវាងប្រទេស និងទ្វីបនានា»។

បច្ចុប្បន្នក្រុមហ៊ុន Vietjet ប្រតិបត្តិការយន្តហោះជាង ១០០ គ្រឿង រួមទាំងយន្តហោះជំនាន់ទំនើប សន្សំសំចៃប្រេង និងសុវត្ថិភាពបំផុតនៅលើពិភពលោក ដូចជា A320, A321ceo, A321neo – A321neo ACF, និង A330។ ក្រុមហ៊ុនអាកាសចរណ៍នេះប្តេជ្ញាការពារបរិស្ថាន និងប្រសិទ្ធភាពប្រេងឥន្ធនៈដោយមានគោលដៅសម្រេចបាននូវការបំភាយឧស្ម័នផ្ទះកញ្ចក់សូន្យត្រឹមឆ្នាំ ២០៥០។ ក្រុមហ៊ុន Vietjet បានដឹកជញ្ជូនអ្នកដំណើរជាង ២០០លាននាក់ដែកក្នុងនោះមានរួមមានអ្នកធ្វើដំណើរតាមយន្តហោះលើកដំបូងរាប់លាននាក់។

ជាមួយនឹងយន្តហោះថ្មី ក្រុមហ៊ុន Vietjet នឹងពង្រីកបណ្តាញហោះហើររបស់ខ្លួនបន្ថែមទៀតទាំងក្នុងប្រទេសវៀតណាម និងអន្តរជាតិ។ បច្ចុប្បន្នក្រុមហ៊ុន Vietjet ដំណើរការជើងហោះហើរត្រង់រវាងខេត្តសៀមរាប និងទីក្រុងហាណូយដែលជាទីក្រុងសម្បូរវប្បធម៍របស់ប្រទេសវៀតណាមដែលមានប្រវត្តិជាង ១០០០ ឆ្នាំ។ អ្នកធ្វើដំណើរមកពីប្រទេសកម្ពុជាក៏អាចទទួលបានអត្ថប្រយោជន៍ពីការតភ្ជាប់យ៉ាងទូលំទូលាយរបស់ក្រុមហ៊ុនអាកាសចរណ៍ទៅកាន់គោលដៅជាច្រើននៅអាស៊ី និងអូស្ត្រាលី។

Castlelake ត្រូវបានបង្កើតឡើងក្នុងឆ្នាំ ២០០៥ បានវិនិយោគដោយផ្ទាល់ ឬដោយប្រយោលទៅលើយន្តហោះជាង ៦៥០ ប្រភេទផ្សេងៗគ្នា ហើយបានបង្កើតទំនាក់ទំនងជាមួយក្រុមហ៊ុនអាកាសចរណ៍ប្រមាណ ២០០ ដែលលាតសន្ធឹងជាង ៦០ ប្រទេសជុំវិញពិភពលោក។

អំពី ក្រុមហ៊ុន Vietjet៖

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។ព័ត៌មានបន្ថែមនៅ www.vietjetair.com

ព្រឹត្តិការណ៍ Gumball 3000 Rally In Cambodia

pheaktra1168@gmail.com
-
0
ព្រឹត្តិការណ៍ Gumball 3000 Rally In Cambodia

ខេត្តសៀមរាប ៖ នៅព្រឹកថ្ងៃទី១៧ ខែកញ្ញា ឆ្នាំ២០២៤ ដែលជាថ្ងៃចុងក្រោយនៃ ព្រឹត្តិការណ៍ Gumball 3000 Rally In Cambodia បាននាំមកនូវការបំបែកកំណត់ត្រាពិភពលោក GUINNESS WORLD RECORD ជាផ្លូវការ តាមរយៈការដាក់តាំងបង្ហាញរថយន្តទំនើបច្រើនជាងគេ នៅមុខប្រាសាទអង្គរវត្ត។

ការបំបែកកំណត់ត្រាពិភពលោកនេះ គឺជាសារមួយពាំនាំ និងបង្ហាញឱ្យពិភពលោកបានស្គាល់ និងយល់ដឹងពីវប្បធម៌ អរិយធម៌ សង្គមខ្មែរដ៏រុងរឿង និងបង្ហាញថា កម្ពុជាគឺជាគោលដៅទេសចរណ៍ប្រកបដោយគុណភាព មានការអភិវឌ្ឍ ធានាបាននូវសន្តិសុខ សុវត្ថិភាព ចីរភាព និងភាពកក់ក្តៅជូនទេសចរគ្រប់រូបដែលអញ្ជើញមកទស្សនា។

កំណត់ត្រាប្រវត្តិសាស្ត្រនេះ គឺជាឱកាសមាសដើម្បីបង្ហាញពីកិត្យានុភាព និងកេរ្តិ៍ឈ្មោះកម្ពុជា ឱ្យល្បីសុះសាយពាសពេញសកលលោក តាមរយៈការផ្សព្វផ្សាយពីសំណាក់កំពូលតារាអន្តរជាតិល្បីៗ អតីតកីឡាករ កីឡាករ YouTubers និងជនមានឥទ្ធិពលលជាច្រើនរូប មកពីជាង ៤០ប្រទេស ដែលចូលរួមក្នុងព្រឹត្តិការណ៍ Gumball 3000 Rally In Cambodia នេះ ដោយមានអ្នកចូលទស្សនារាប់ពាន់លានដងទៅលើ រូបភាព និងវីដេអូនៃសកម្មភាពរបស់ពួកគេ ដែលបានផ្សព្វផ្សាយនៅលើបណ្ដាញសង្គមនានា។

ព្រឹត្តិការណ៍ Gumball 3000 Rally In Cambodia ទទួលបានការគាំទ្រយ៉ាងច្រើនលើសលប់ពីប្រជាជនកម្ពុជា ម្ចាស់រថយន្ត និងក្រុមអ្នកស្រលាញ់រថយន្ត Supercars និងថ្នាក់ដឹកនាំជាច្រើន ហើយក៏មានការចូលរួមពីម្ចាស់រថយន្ត Sport Cars, Supercars និង Luxury Cars ក្នុងស្រុកសរុបប្រហែល ៣០០គ្រឿង និងការចូលរួមពី Gumball 3000 Rally ចំនួន ១៥០គ្រឿង។ ព្រឹត្តិការណ៍នេះរៀបចំឡើងក្រោមគោលបំណងធំៗចំនួន៤ រួមមាន៖ ១). ការជំរុញវិស័យទេសចរណ៍នៅកម្ពុជា និងកេរ្តិ៍ឈ្មោះរបស់ប្រទេសទៅកាន់ពិភពលោក ២). ការចូលរួមចំណែកក្នុងសប្បុរសធម៌ដ៏ធំទៅមន្ទីរពេទ្យកុមារអង្គរ ខេត្តសៀមរាប ៣). ការបើកឱកាសរវាងវិនិយោគគិនឯកជនបរទេស និងនៅក្នុងស្រុកបានជួបគ្នា និងទី ៤). ការបង្កើតកំណត់ត្រាពិភពលោក GUINNESS WORLD RECORD ”ការចូលរួមចតឡានច្រើនជាងគេនៅមុខប្រាសាទអង្គរវត្ត”។

សូមរំលឹកថា ព្រឹត្តិការណ៍ Gumball 3000 Rally In Cambodia នេះ ផ្ដួចផ្ដើមរៀបចំឡើងដោយក្រសួងទេសចរណ៍ សហការជាមួយ ក្រុមហ៊ុន ជីប ម៉ុង ក្រោមការដឹកនាំរបស់ ឯកឧត្តម គុជ បញ្ញាសា រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ឯកឧត្តម សុខ​ សូកេន អតីតរដ្ឋមន្ត្រីក្រសួងទេសចរណ៍, ឧកញ៉ា លាង ពៅ (ភីធើរ) អគ្គនាយកពហុពាណិជ្ជកម្ម ក្រុមហ៊ុន ជីប ម៉ុង, ស្ថាប័ន និងភាគីពាក់ព័ន្ធនានា ក្រោមការអនុញ្ញាតជាគោលការណ៍ពីរាជរដ្ឋាភិបាលកម្ពុជា ក្នុងការរៀបចំព្រឹត្តិការណ៍ជាប្រវត្តិសាស្រ្តនេះ

រយៈពេល៣ថ្ងៃ គឺចាប់ពីថ្ងៃទី១៥ ដល់ថ្ងៃទី១៧ ខែកញ្ញា ឆ្នាំ២០២៤ នៅទីក្រុងភ្នំពេញ និងខេត្ត សៀមរាប៕

កាន់តែងាយស្រួល​ ជាមួយម៉ោងធ្វើដំណើរច្រើនជម្រើស​ នៅ 𝐆𝐓𝐕𝐂 𝐒𝐩𝐞𝐞𝐝𝐛𝐨𝐚𝐭 𝐂𝐚𝐦𝐛𝐨𝐝𝐢𝐚​ តាមកោះនានា​ ក្នុងខេត្តព្រះសីហនុ

private
-
0
កាន់តែងាយស្រួល​ ជាមួយម៉ោងធ្វើដំណើរច្រើនជម្រើស​ នៅ 𝐆𝐓𝐕𝐂 𝐒𝐩𝐞𝐞𝐝𝐛𝐨𝐚𝐭 𝐂𝐚𝐦𝐛𝐨𝐝𝐢𝐚​ តាមកោះនានា​ ក្នុងខេត្តព្រះសីហនុ

ភ្នំពេញ៖​ កាន់តែងាយស្រួលជាមួយ​ម៉ោងធ្វើដំណើរជាច្រើនជម្រើសនៅ 𝐆𝐓𝐕𝐂 𝐒𝐩𝐞𝐞𝐝𝐛𝐨𝐚𝐭 𝐂𝐚𝐦𝐛𝐨𝐝𝐢𝐚​ សម្រាប់បងប្អូន​ ដែលមានបំណង​ធ្វើដំណើរ​ ទៅតាមបណ្ដារកោះនានា​ ក្នុងខេត្តព្រះសីហនុ​ ។

សម្រាប់​ ទីតាំងទទួលយកសំបុត្ររបស់​ 𝐆𝐓𝐕𝐂 𝐒𝐩𝐞𝐞𝐝𝐛𝐨𝐚𝐭 𝐂𝐚𝐦𝐛𝐨𝐝𝐢𝐚​ អាច​ចុចចូលតាមដំណរភ្ជាប់នេះ​៖​ https://goo.gl/maps/rtW3D2CGAU593CjLA​ ។

សម្រាប់ការទាញយកកម្មវិធី GTVC លើ App Store និង Google Play Store ឬចុចតាមតំណនេះ https://bmb.page.link/gtvc

លេខទំនាក់ទំនង
+(855) 070 221 234
+(855) 017 338 821
​ +(855) 071 912 0888
+(855) 015 661 456
+(855) 010 271 234

សារៈសំខាន់នៃកម្មវិធី បរិច្ចាគឈាមមនុស្សធម៌ របស់មិត្តហ្វូន “ដំណក់ឈាមមួយលានបេះដូង”

bora.chhouk@gmail.com
-
0
សារៈសំខាន់នៃកម្មវិធី បរិច្ចាគឈាមមនុស្សធម៌ របស់មិត្តហ្វូន “ដំណក់ឈាមមួយលានបេះដូង”

នៅព្រឹកថ្ងៃទី២៨ ខែកញ្ញា នៅទីក្រុងភ្នំពេញ ប្រទេសកម្ពុជា ក្រុមហ៊ុនមិត្តហ្វូន សហការជាមួយមជ្ឈមណ្ឌលជាតិផ្តល់ឈាម បានរៀបចំកម្មវិធីបរិច្ចាគឈាមមនុស្សធម៌ ឆ្នាំ២០២៤ ជាមួយនឹងសារ «ដំណក់ឈាមមួយដំណក់ មួយលានបេះដូង»។

ក្នុងព្រឹត្តិការណ៍នេះ បុគ្គលិក ដៃគូ និងអតិថិជនរបស់មិត្តហ្វូនរាប់រយនាក់ បានចូលរួមបរិច្ចាគឈាម។ អ្នកស្ម័គ្រចិត្ដត្រូវបានបែងចែក ទៅជាក្រុមដាច់ដោយឡែក និងបានកំណត់ពេលវេលាផ្សេងៗគ្នា ដើម្បីធានាថាដំណើរការ បរិច្ចាគឈាមត្រូវបានរៀបចំយ៉ាងល្អ។ កន្លែងបរិច្ចាគត្រូវបាន បែងចែកទៅជាផ្នែកជាច្រើន៖ តំបន់ផ្តល់តែស្ករ ដើម្បីបំពេញថាមពលដល់អ្នកបរិច្ចាគ កន្លែងពិនិត្យសុខភាពមុនពេលបរិច្ចាគឈាម តំបន់បរិច្ចាគឈាម និងផ្នែកត្រួតពិនិត្យសុខភាពក្រោយបរិច្ចាគ។

ថ្លែងនៅក្នុងសុន្ទរកថានៅក្នុងព្រឹត្តិការណ៍នេះ លោក ញ៉ុង ឌិនថន អគ្គនាយករងក្រុមហ៊ុនមិត្តហ្វូន បានសង្កត់ធ្ងន់ថា៖ ការបរិច្ចាគឈាមដោយស្ម័គ្រចិត្តគឺជា ទង្វើដ៏ថ្លៃថ្នូរដែលឆ្លុះបញ្ចាំងពីការ ទទួលខុសត្រូវរបស់បុគ្គលម្នាក់ៗ ចំពោះសហគមន៍។ លោកបានលើកទឹកចិត្តដល់បុគ្គលិក មិត្តហ្វូន ដោយស្មារតីមនុស្សធម៌ខ្ពស់ បន្តចូលរួមបរិច្ចាគឈាមដោយស្ម័គ្រចិត្ដ គ្រប់ពេលដែលអាចធ្វើទៅបាន ដោយរួមចំណែកដល់ការបម្រុងឈាម ក្នុងគោលបំណងសង្គ្រោះបន្ទាន់ និងការព្យាបាល។ លោកក៏បានសម្តែងក្តីសង្ឃឹមថា កម្មវិធី “បរិច្ចាគឈាមមនុស្សធម៌” ក្រោមសារ “ដំណក់ឈាមមួយដំណក់ មួយលានបេះដូង” នឹងរីករាលដាលបន្ថែមទៀត។

ឈាមដែលបានបរិច្ចាគនឹងត្រូវរក្សាទុក និងប្រើប្រាស់ប្រកបដោយប្រសិទ្ធភាព ដោយមជ្ឈមណ្ឌលជាតិផ្តល់ឈាម ដើម្បីជួយបំពេញតម្រូវការឈាម សម្រាប់ការថែទាំសង្គ្រោះបន្ទាន់ និងការព្យាបាលអ្នកជំងឺ។

ក្នុងប៉ុន្មានឆ្នាំថ្មីៗនេះ ទន្ទឹមនឹងសកម្មភាពអាជីវកម្មរបស់ខ្លួន មិត្តហ្វូនតែងតែជាអ្នកត្រួសត្រាយ ក្នុងការអនុវត្តគំនិតផ្តួចផ្តើម សង្គមសម្រាប់សហគមន៍។ គេរំពឹងថា នាពេលខាងមុខនេះ មិត្តហ្វូននឹងបន្តជំរុញចលនា បរិច្ចាគឈាមដោយស្ម័គ្រចិត្ត និងរៀបចំសកម្មភាពសប្បុរសធម៌ផ្សេងៗ ដើម្បីពង្រឹងសាមគ្គីភាព ការចែករំលែក និងការទទួលខុសត្រូវចំពោះសហគមន៍ និងសង្គមកម្ពុជា៕

ក្រសួងពាណិជ្ជកម្ម ទទួលស្គាល់សិទ្ធនាំចូល និងចែកចាយផ្ដាច់មុខរថយន្ដ JETOUR របស់ក្រុមហ៊ុន KNN Cambodia

bora.chhouk@gmail.com
-
0
ក្រសួងពាណិជ្ជកម្ម ទទួលស្គាល់សិទ្ធនាំចូល និងចែកចាយផ្ដាច់មុខរថយន្ដ JETOUR របស់ក្រុមហ៊ុន KNN Cambodia

ភ្នំពេញ៖ ក្រុមហ៊ុន ខេ អិន អិន ខេមបូឌា (KNN Cambodia) បានរៀបចំនូវសន្និសីទសារព័ត៌មាន ស្តីពីការទទួលស្គាល់សិទ្ធិនាំចូល និងចែកចាយផ្តាច់មុខរថយន្ត JETOUR ពីក្រសួងពាណិជ្ជកម្ម ក្នុងគោលបំណងផ្សព្វផ្សាយ និងប្រកាសជាសាធារណៈ អំពីការទទួលស្គាល់សិទ្ធិចែកចាយផ្តាច់មុខ រថយន្ត និងគ្រឿងបន្លាស់គ្រប់ម៉ូដែល របស់ម៉ាក JETOUR របស់ ក្រុមហ៊ុន ខេ អិន អិន ខេមបូឌា នៅប្រទេសកម្ពុជា ។

សន្និសីទសារព័ត៌មាននៅទីស្នាក់ការក្រុមហ៊ុន នាល្ងាចថ្ងៃទី២៧ ខែកញ្ញា ឆ្នាំ២០២៤ នេះ ធ្វើឡើងក្រោមវត្តមានលោក អ៉ឹង ម៉ុយហ្គិច នាយកប្រតិបត្តិនៃក្រុមហ៊ុន JETOUR Cambodia, លោកស្រី នុត រ័ត្នចិត្រា ជំនួយការប្រធានក្រុមប្រឹក្សាភិបាលនៃក្រុមហ៊ុន KNN Cambodia និងលោក Zhang Ming (Gary) អ្នកគ្រប់គ្រងប្រចាំប្រទេសនៃក្រុមហ៊ុន Jetour Auto ព្រមទាំងគណៈគ្រប់គ្រងក្រុមហ៊ុន និងអ្នកសារព័ត៌មានជាច្រើនផងដែរ ។

យោងតាមលិខិតកត់ត្រាទទួលស្គាល់ សិទ្ធិនាំចូលនិងចែកចាយផ្តាច់មុខលេខ ៣១៤៩ ចុះថ្ងៃទី១៩ ខែកញ្ញា ឆ្នាំ២០២៤ របស់ក្រសួងពាណិជ្ជកម្មកម្ពុជា បានទទួលស្គាល់ ក្រុមហ៊ុន KNN Cambodia គឺជាក្រុមហ៊ុនតែមួយគត់ ដែលមានសិទ្ធិ នាំចូលចែកចាយនូវរថយន្ត គ្រឿងបន្លាស់ និងសេវាកម្មម៉ាក JETOUR គ្រប់ម៉ូដែលទូទាំងប្រទេសកម្ពុជា ហើយក៏ជាក្រុមហ៊ុនតែមួយគត់ ដែលមានសិទ្ធិ ក្នុងការប្រើប្រាស់ ឬចាត់ចែងផ្តល់សិទ្ធិប្រើប្រាស់ ផ្សព្វផ្សាយ និងការលើកស្លាកសញ្ញា JETOUR នៅប្រទេសកម្ពុជា ។

លោក អ៉ឹង មុយហ្គេច បានគូសបញ្ជាក់ថា “ក្រុមហ៊ុន KNN Cambodia គឺជាក្រុមហ៊ុននាំចូល និងចែកចាយផ្តាច់មុខរថយន្ត JETOUR តែមួយគត់នៅកម្ពុជា ។ ដូចនេះសម្រាប់អ្នកនាំចូល និងចែកចាយរថយន្ត JETOUR ខុសច្បាប់ ក្រុមហ៊ុន KNN Cambodia នឹងសហការជាមួយអាជ្ញាធរ និងក្រសួងមានសមត្ថកិច្ច អនុវត្តន៍នីតិវិធីផ្លូវច្បាប់ ដើម្បីទប់ស្កាត់សកម្មភាពទាំងឡាយដែលរំលោភបំពានលើសិទ្ធិចែកចាយផ្តាច់មុខរបស់ក្រុមហ៊ុន KNN Cambodia» ។

លោកបន្ថែមទៀតថា JETOUR គឺជាបុត្រសម្ព័ន្ធនៃក្រុមហ៊ុន Chery Holding ដែលបានបង្កើតដំបូងកាលពីឆ្នាំ១៩៩៧ ហើយត្រូវបានគេស្គាល់ថា ជាក្រុមហ៊ុនយក្សទាំង ៥ របស់ចិន ដែលមានប៉ាតង់បច្ចេកវិទ្យាដល់ទៅ ២៥,០០០មុខ ជំនាញខាងផលិតរថយន្ដ និងម៉ាស៊ីន ពិសេសឆ្នាំ២០១២ Chery Holding បាន Join Venture ជាមួយម៉ាកយីហោរថយន្ដប្រណីតដ៏ល្បីល្បាញរបស់ប្រទេសអាល្លឺម៉ង់ ក្រោមភាគហ៊ុន ៥០% ម្នាក់ ក្នុងការផលិត និងដំឡើងរថយន្ដសម្រាប់ចែកចាយទូទាំងពិភពលោក ។

ដូច្នេះម៉ាកសញ្ញា JETOUR នេះ គឺផលិតឡើងដោយបច្ចេកវិទ្យាអាល្លឺម៉ង់ គុណភាពអាល្លឺម៉ង់ ហើយក៏កំពុងតែឆ្លើយតបនឹងនិន្នាការនៃការប្រើប្រាស់របស់អតិថិជន JETOUR គឺជាម៉ាកសញ្ញា តំណាងឲ្យភាពស៊ីវិល័យ បច្ចេកវិទ្យាវ័យឆ្លាត និងតម្លៃសមរម្យ សម្រាប់ទីផ្សារថយន្ដកម្ពុជា ។ បច្ចុប្បន្នក្រុមហ៊ុន KNN បាននាំចូលផ្ដាច់មុខរថយន្ដ JETOUR ជាច្រើនម៉ូដែលមានដូចជា Dashing, T2, X50, X70, X70 Pluses, X90, X95 និងម៉ូដែលថ្មីៗជាច្រើនទៀត នាពេលខាងមុខ ។ លោក អ៉ឹង ម៉ុយហ្គិច បន្ថែម ។

ឆ្លៀតឱកាសនោះ លោក Zhang Ming បានបញ្ជាក់ថា ក្រុមហ៊ុនផលិតរថយន្ត JETOUR ស្ថិតក្រោមក្រុមហ៊ុន Chery Holding Group គឺជាសម្ព័ន្ធក្រុមហ៊ុនដែលនាំចេញរថយន្តច្រើនជាងគេ Top 2 ទូទាំងពិភពលោក ដែលទទួលបានការគាំទ្រយ៉ាងខ្លាំងក្លាជាពិសេសទីផ្សារអារ៉ាប់រួម និងអាហ្វ្រិក បានចាប់ផ្តើមបោះជំហ៊ានចូលទីផ្សារកម្ពុជាជាផ្លូវការនាចុងឆ្នាំ២០២៣ នេះ តាមរយៈការផ្តល់សិទ្ធិនាំចូល និងចែកចាយផ្តាច់មុខទៅក្រុមហ៊ុន KNN Cambodia ។

លោកបន្ថែមថា ការជ្រើសរើសក្រុមហ៊ុន KNN Cambodia ជាក្រុមហ៊ុនផ្តាច់មុខនេះ JETOUR AUTO គឺបានសិក្សាយ៉ាងល្អិតល្អន់ និងតឹងរឹងបំផុតទៅលើគុណសម្បត្តិរបស់ក្រុមហ៊ុនដែលជាដៃគូសហការ ក្នុងនោះដែរ KNN គឺជាក្រុមហ៊ុនដែលមានកិត្យានុភាព និងបទពិសោធន៍ច្រើនជាង២០ឆ្នាំលើការចែកចាយគ្រឿងចក្រធុនធ្ងន់នៃកម្ពុជា ក៏ជាក្រុមហ៊ុនដែលពោលពេញដោយទំនួលខុសត្រូវទៅលើការផ្តល់សេវាធានា គ្រឿងបន្លាស់ ការបំពេញចិត្ត និងរក្សាគុណភាពខ្ពស់ទៅអតិថិជន ។

គួរដឹងថា រាល់ការជាវរថយន្ត JETOUR ចេញពី JETOUR Cambodia អតិថិជននឹងទទួលបាននូវទំនុកចិត្តពីប្រភពនៃរថយន្តគឺព្រោះថា ក្រុមហ៊ុន KNN Cambodia មានការសិក្សាស៊ីជម្រៅ និងជ្រើសយក Spec រថយន្តដែលតម្រូវនឹងស្ថានភាពផ្លូវ និងអាកាសធាតុប្រទេសកម្ពុជា ព្រមទាំងផ្តល់នូវការធានាស្តង់ដារខ្ពស់ពីរោងចក្រ JETOUR ដល់ទៅ ៥ឆ្នាំ ឬ ១៥ម៉ឺនគីឡូ។ ជាពិសេសអតិថិជន និងទទួលបាននូវការធានាសេវាកម្មក្រោយការលក់យ៉ាងត្រឹមត្រូវបំផុតពី Jetour Cambodia ជាមួយនូវប្រព័ន្ធឆែកលេខ VIN រថយន្ត និងប្រព័ន្ធស្កេនជួសជុលដោយបច្ចេកវិទ្យាខ្ពស់បំផុត (High Tech) ការប្រើប្រាស់គ្រឿងបន្លាស់សុទ្ធ ក្រុមជាងបច្ចេកទេសជំនាញដែលបណ្តុះបណ្តាល និងទទួលស្គាល់ដោយ JETOUR ទាំងនេះគឺដើម្បីធានាអោយបាននូវគុណភាពនៃការប្រើប្រាស់ ការធានា និងទំនុកចិត្តនៃការបើកបររបស់អ្នកប្រើប្រាស់ ។

ដើម្បីជួយសម្រួលដល់អតិថិជន ក្នុងការទិញរថយន្ត JETOUR គ្រប់ម៉ូដែល អតិថិជនអាចជ្រើសរើសសេវាកម្មបង់រំលស់របស់ក្រុមហ៊ុន ឬធនាគារដៃគូ ដោយទទួលបាននូវលក្ខខណ្ឌបង់រំលស់ងាយៗ និងឆាប់រហ័សនៅទីតាំងផ្ទាល់ ជាពិសេសដើម្បីបអបអរសាទរក្នុងឱកាសពិធីបុណ្យកាន់បិណ្ឌ និងបុណ្យភ្ជុំបិណ្ឌនេះ ក្រុមហ៊ុនក៏នឹងមានប្រូម៉ូសិនបញ្ជុះតម្លៃ ២០០០ដុល្លា ព្រមទាំងកាតសាំងបន្ថែមចំនួន ៥០០ដុល្លារទៀត ។ សម្រាប់ព័ត៌មានបន្ថែម សូមទំនាក់ទំនងលេខ៖ 𝟎17 713 713 ៕

ក្រុមហ៊ុន ហ៊ិននីគែន ខេមបូឌា បានចំណាយ ៧៥% នៃលទ្ធកម្មសរុបរបស់ខ្លួនជាមួយអ្នកផ្គត់ផ្គង់ក្នុងស្រុកកាលពីឆ្នាំ ២០២៣

bora.chhouk@gmail.com
-
0
ក្រុមហ៊ុន ហ៊ិននីគែន ខេមបូឌា បានចំណាយ ៧៥% នៃលទ្ធកម្មសរុបរបស់ខ្លួនជាមួយអ្នកផ្គត់ផ្គង់ក្នុងស្រុកកាលពីឆ្នាំ ២០២៣

ភ្នំពេញ៖ ប្រទេសកម្ពុជា ថ្ងៃទី ២៧ ខែកញ្ញា ឆ្នាំ ២០២៤ – ក្រុមហ៊ុន ហ៊ិននីគែន ខេមបូឌា​ បានចូលរួមចំណែកដល់សេដ្ឋកិច្ចក្នុងប្រទេសកម្ពុជារហូតដល់ ៤៣៨ លានដុល្លារ នេះបើយោងតាមរបាយការណ៍ផលវិជ្ជមាននៃសេដ្ឋកិច្ចសង្គមដែលត្រូវបានធ្វើឡើងស្របជាមួយនឹងការគម្រប់ខួបលើកទី ៣០ របស់ក្រុមហ៊ុននេះ។

របាយការណ៍ «ការរួមចំណែកសេដ្ឋកិច្ចសង្គមឆ្នាំ ២០២៣នៅក្នុងព្រះរាជាណាចក្រកម្ពុជា របស់ក្រុមហ៊ុន ហ៊ិននីគែន» ត្រូវបានប្រគល់ជូន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាកំឡុងជំនួបសម្តែងការគួរសមថ្មីៗនេះពីគណៈប្រតិភូក្រុមហ៊ុន ហ៊ិននីគែន ដែលដឹកនាំដោយលោក Jacco van der Linden ក្រោមប្រធានបទ «អរគុណសម្រាប់ ៣០ ឆ្នាំ»។ របាយការណ៍នេះបានបង្ហាញថា ក្រុមហ៊ុន ហ៊ិននីគែន ខេមបូឌា បានចំណាយ ៧៥ ភាគរយនៃលទ្ធកម្មសរុបរបស់ខ្លួនដែលមានតម្លៃ ១៤២ លានដុល្លារសហអាមេរិក ទៅលើអ្នកផ្គត់ផ្គង់ក្នុងស្រុកដែលជាផ្នែកមួយនៃការជម្រុញសេដ្ឋកិច្ចក្នុងស្រុកយ៉ាងសំខាន់ក្នុងវិស័យ ការវេចខ្ចប់ ដឹកជញ្ជូន កសិកម្ម ថាមពល ទីផ្សារ និងការវិនិយោគក្នុងស្រុក។

អ្នកផ្គត់ផ្គង់ក្នុងស្រុកមួយដែលទទួលបានអត្ថប្រយោជន៍ពីការចំណាយក្នុងស្រុករបស់ក្រុមហ៊ុន ហ៊ិននីគែន កម្ពុជា គឺក្រុមហ៊ុន OJI Packaging។ លោក Dinith Naveen នាយកផ្នែកទីផ្សារនៃ ក្រុមហ៊ុន OJI Packagingបានមានប្រសាសន៍ថា៖ «តាមរយៈកិច្ចសហប្រតិបត្តិការដ៏យូរអង្វែងរបស់យើង ក្រុមហ៊ុន ហ៊ិននីគែន បានស្វែងយល់ និងបង្កើតដំណើរការអាជីវកម្មរបស់យើងយ៉ាងរលូន ដើម្បីធានាបាននូវលទ្ធផលការងារដែលមានប្រសិទ្ធភាព និងគុណភាពខ្ពស់។ ការរៀបចំអាជីវកម្មដោយរលូនរបស់ពួកគេ និងបុគ្គលិកដែលមានចំណេះដឹងបានធ្វើឱ្យយើងកាន់តែងាយស្រួលក្នុងការសហការជាមួយគ្នា»។

ក្រុមហ៊ុន Geolink Group ដែលជាក្រុមហ៊ុនឈានមុខគេក្នុងការផ្តល់ដំណោះស្រាយដឹកជញ្ជូន និងភស្តុភារនៅប្រទេសកម្ពុជា ហើយក៏ ជាអ្នកផ្គត់ផ្គង់ដ៏សំខាន់មួយទៀតដែលបានធ្វើការជាដៃគូដ៏សំខាន់របស់ក្រុមហ៊ុន ហ៊ិននីគែន ខេមបូឌា ក្នុងការផលិតដបដែលអាចប្រមូលត្រឡប់យកមកប្រើប្រាស់វិញបាន។ លោក ឡេង ចំណាន នាយកគ្រប់គ្រងក្រុមហ៊ុន Geolink Group បានមានប្រសាសន៍ថា៖«ក្រុមហ៊ុន ហ៊ិននីគែនបង្ហាញពីការគោរព និងការបើកចំហរនៅក្នុងភាពជាដៃគូដ៏យូរអង្វែងរបស់យើង ហើយបានយកចិត្តទុកដាក់លើកិច្ចសហការយ៉ាងម៉ត់ចត់ ។ឧទាហរណ៍ ពួកគាត់ធានាថា បុគ្គលិក និងអ្នកបើកបររបស់យើងតែងតែមានការិយាល័យ និងកន្លែងសម្រាកនៅក្នុងរោងចក្រ»។

សម្រាប់របាយការណ៍នេះបង្ហាញពីទំនាក់ទំនងដ៏រឹងមាំរវាងវិស័យផលិតភេសជ្ជៈ និងវិស័យលក់រាយរបស់កម្ពុជាដែលផ្តល់អត្ថប្រយោជន៍ដល់អ្នកលក់ដូវនៅតាមហាងលក់ភេសជ្ជៈ និងអ្នកលក់ផ្ទាល់នៅវិស័យបដិសណ្ឋារកិច្ច។ ផលិតផលរបស់ក្រុមហ៊ុន ហ៊ិននីគែន មាននៅក្នុងហាងជាងប្រមាណ ១១០.០០០ ទូទាំងប្រទេសដែលមាន ៩៦ ភាគរយជាហាងលក់ភេសជ្ជៈ។

អ្នកស្រី ចន្ទ្រា ម្ចាស់ហាងលក់ភេសជ្ជៈនៅភ្នំពេញបានមានប្រសាសន៍ថា៖«ក្រុមហ៊ុន ហ៊ិននីគែន ជាដៃគូពិតប្រាកដមួយដែលជួយជម្រុញឱ្យហាងខ្ញុំលក់កាន់តែដាច់។ ផលិតផលរបស់ក្រុមហ៊ុននៅតែមានតម្រូវការខ្ពស់ហើយការធ្វើការជាមួយពួកគេកន្លងមកគឺមានភាពងាយស្រួល។ ក្រុមហ៊ុន ហ៊ិននីគែន មិនត្រឹមតែជាអ្នកផ្គត់ផ្គង់ប៉ុណ្ណោះទេ តែជាក្រុមហ៊ុនមួយដែលជួយគាំទ្រអាជីវកម្មរបស់ខ្ញុំបានកាន់តែរីកច្រើន។ ចាប់តាំងពីខ្ញុំចាប់ផ្តើមលក់ផលិតផល ហ៊ិននីគែន មក ខ្ញុំបានឃើញអតិថិជនកាន់តែច្រើនជាវទំនិញពីហាងខ្ញុំ។ ខ្ញុំសង្កេតឃើញថា ក្រុមហ៊ុនមួយនេះពិតជាបានយកចិត្តទុកដាក់យ៉ាងខ្លាំងក្នុងការជួយអាជីវកម្មនានាដូចជាអាជីវកម្មរបស់ខ្ញុំឱ្យរីកចម្រើនហើយខ្ញុំពេញចិត្តចំពោះការជួយជ្រុំជ្រែងពីសំណាក់ ក្រុមហ៊ុន ហ៊ិននីគែនណាស់»។

វិស័យមួយទៀតដែលទទួលបានអត្ថប្រយោជន៍ពីការចូលរួមរបស់ក្រុមហ៊ុន ហ៊ិននីគែន ខេមបូឌា គឺវិស័យកសិកម្ម។ ថ្មីៗនេះ ក្រុមហ៊ុន ហ៊ិននីគែន កម្ពុជា បានបន្តកិច្ចសហការជាមួយអង្គការភាពជាដៃគូរដើម្បីចីរភាពវិស័យកសិកម្មកម្ពុជា (CPSA) នៅខេត្តបាត់ដំបង និងខេត្តបន្ទាយមានជ័យ។ ការបន្តធ្វើការសហការ និងភាពជាដៃគូនេះនឹងដំណើរការរហូតដល់ខែធ្នូ ឆ្នាំ ២០២៥។ ភាពជាដៃគូនេះមានគោលបំណងធ្វើឱ្យប្រសើរឡើងនូវជីវភាពរស់នៅរបស់កសិករដែលជាសមាជិកនៃសហករណ៍កសិកម្ម (ACs) ដែលចូលរួមក្នុងខ្សែសង្វាក់ផលិតកម្មដំណាំស្រូវ។ សហករណ៍ចំនួន ១០ ក្នុងខេត្តបាត់ដំបង និង ៥ ទៀតក្នុងខេត្តបន្ទាយមានជ័យនឹងទទួលបានអត្ថប្រយោជន៍ពីភាពជាដៃគូនេះទៅដល់កសិករចំនួន ៨៥០ នាក់ដែលក្នុងនោះចំនួន ៥០ ភាគរយជាកសិករ ស្រ្តី និងផ្តល់អត្ថប្រយោជន៍ដោយប្រយោលដល់កសិករចំនួន ១.២៥០ បន្ថែមទៀតក្នុងរយៈពេល ១៧ ខែ។

លោកស្រី លាវ គីមណា នាយកប្រចាំប្រទេសនៃអង្គការ​ដៃគូ​ដើម្បី​ចីរភាព​វិស័យ​កសិកម្ម​កម្ពុជា (CPSA) បានមានប្រសាសន៍ថា៖ «ភាពជាដៃគូដ៏មានឥទ្ធិពលនេះបង្ហាញពីការប្តេជ្ញាចិត្តរបស់យើងក្នុងការដោះស្រាយបញ្ហាប្រឈមដែលកសិករជួបប្រទះនៅក្នុងខ្សែសង្វាក់ផលិតកម្មស្រូវ។ តាមរយៈភាពជោគជ័យកន្លងមករបស់យើង យើងមានបំណងធ្វើឱ្យប្រសើរឡើងនូវផលិតភាព និងភាពធន់តាមរយៈការបណ្តុះបណ្តាលក្នុងការអនុវត្តអាកាសធាតុប្រកបដោយភាពវៃឆ្លាត និងចំណេះដឹងផ្នែកហិរញ្ញវត្ថុ។ ជាមួយនឹង ក្រុមហ៊ុន ហ៊ិននីគែន ខេមបូឌាយើងកំពុងជួយកសិករក្នុងការលើកកម្ពស់ជីវភាពរបស់ពួកគេ និងពង្រឹងសហករណ៍កសិកម្មផងដែរ»។

ភាពជាដៃគូថ្មីរបស់ ក្រុមហ៊ុន ហ៊ិននីគែន ខេមបូឌា បង្កើតឡើងនៅលើកិច្ចសហការដំបូងនៅខែធ្នូ ឆ្នាំ ២០២២ ជាមួយអង្គការ CPSA ។ ដំណាក់កាលទីពីរនេះ នឹងផ្តោតលើការជម្រុញការអនុវត្តកសិកម្មប្រកបដោយនិរន្តរភាព និងគាំទ្រសហគមន៍កសិកម្មក្នុងស្រុក។ គោលដៅចុងក្រោយគឺបង្កើតខ្សែសង្វាក់ផ្គត់ផ្គង់ស្រូវដែលធន់ ល្អ និងមានតម្លៃខ្ពស់នៅកម្ពុជាដោយផ្តល់អាទិភាពដល់វិធីសាស្រ្តដាំដុះឆ្លាតវៃដោយផ្អែកតាមអាកាសធាតុ និងបរិយាប័ន្នកសិកម្ម។

អំពីក្រុមហ៊ុន ហ៊ិននីគែន ខេមបូឌា
ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជា ដែលបង្កើតឡើងក្នុងឆ្នាំ១៩៩៤។ ជំរុញដោយគោលបំណងបង្កើតភាពសប្បាយរីករាយរួមគ្នា ក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសារ និងអតិថិជន ដែលត្រូវការស្រាបៀរម៉ាកយីហោអន្តរជាតិគុណភាពខ្ពស់ ដូចជាស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown។ ជាមួយនឹងការគ្របដណ្តប់នៅទូទាំងប្រទេស និងដោយមានរោងចក្របច្ចេកវិទ្យាទំនើបស្ថិតនៅរាជធានីភ្នំពេញ ក្រុមហ៊ុនមានបុគ្គលិក ៧០០ នាក់ និងផ្ដល់ការងារដោយប្រយោលជូនប្រជាជនកម្ពុជាចំនួន ៦៦.០០០ នាក់នៅទូទាំងចង្វាក់ផលិតកម្មរបស់ខ្លួន។ ប្តេជ្ញាចំពោះការអភិវឌ្ឍប្រកបដោយនិរន្តរភាពរបស់កម្ពុជា ក្រុមហ៊ុន ហ៊ិននីគែន ខេមបូឌា មានបំណង «ធ្វើឱ្យប្រទេសកម្ពុជាកាន់តែប្រសើរ» ជាមួយនឹងការផ្តោតលើបរិស្ថាន និរន្តរភាពសង្គម និងការពិសាដោយការទទួលខុសត្រូវដែលស្ថិតនៅលើដំណើរឆ្ពោះទៅកាន់ពិភពលោកដែលមានអព្យាក្រិតកាបូន កាន់តែស្មើភាព និងកាន់តែមានសុខភាពល្អ។ ក្រុមហ៊ុន ហ៊ិននីគែន ខេមបូឌា គឺជាផ្នែកមួយនៃក្រុមហ៊ុន ហ៊ិននីគែន ដែលជាក្រុមហ៊ុនផលិតស្រាបៀរលំដាប់ថ្នាក់ពិភពលោក៕

សាមសុង បន្តយុទ្ធនាការសប្បុរសធម៌ ដោយនាំយកសម្ភារៈសិក្សា និង ទូរទស្សន៍ ប្រគល់ជូនដល់សាលាបឋមសិក្សា វត្តហារ ក្រោមកម្មវិធី “Samsung Love&Care”

pheaktra1168@gmail.com
-
0
សាមសុង បន្តយុទ្ធនាការសប្បុរសធម៌ ដោយនាំយកសម្ភារៈសិក្សា និង ទូរទស្សន៍ ប្រគល់ជូនដល់សាលាបឋមសិក្សា វត្តហារ ក្រោមកម្មវិធី “Samsung Love&Care”

ភ្នំពេញ៖ ឆ្នាំនេះក៏មិនខុសពីឆ្នាំរាល់ដងនោះដែរ គឺក្រុមហ៊ុនសាមសុង នៅតែបន្តយុទ្ធនាការសប្បុរសធម៌របស់ខ្លួនដូចភ្លៀងរលឹម ដើម្បីចូលរួមចំណែកក្នុងការអភិវឌ្ឍសង្គមជាតិ ក៏ដូចជាការជំរុញលើកទឹកចិត្តដល់សិស្សានុសិស្សតាមរយៈការផ្ដល់នូវសម្ភារៈសិក្សា ការអប់រំ និងបណ្តុះបណ្តាលជំនាញផ្សេងៗជាដើម។

ជាក់ស្ដែង នៅថ្ងៃទី 25 ខែកញ្ញា ឆ្នាំ 2024 ក្រោមយុទ្ធនាការសប្បុរសធម៌ចែករំលែកក្ដីស្រលាញ់របស់ក្រុមហ៊ុនសាមសុង “Samsung Love & Care” បាននាំយកនូវសម្ភារៈសិក្សាប្រមាណ 267 ឈុត ប្រគល់ជូនដល់សិស្សានុសិស្សនៅសាលាបឋមសិក្សា វត្តហារ។

ទន្ទឹមនឹងនេះ ក្រុមហ៊ុន សាមសុង ក៏បានធ្វើការប្រគល់នូវទូរទស្សន៍សាមសុង ចំនួន 11 គ្រឿង ជូនដល់ អង្គការ ហ្គូដណេប៊ឺសកម្ពុជា ផងដែរ ក្នុងគោលបំណងជួយសម្រាល និងផ្ដល់នូវភាពងាយស្រួលដល់សិស្សានុសិស្សដើម្បីសិក្សារៀនសូត្រ។ ទូរទស្សន៍សាមសុង មិនត្រឹមតែផ្ដល់នូវការទស្សនាបែបកម្សាន្តប៉ុណ្ណោះទេ ប៉ុន្តែសិស្សានុសិស្សក៏អាចធ្វើការសិក្សាស្រាវជ្រាវ និងស្វែងយល់បន្ថែមពីបច្ចេកវិទ្យាថ្មីៗនាពេលបច្ចុប្បន្ននេះ ជាពិសេសសិស្សានុសិស្សអាចស្វែងរកទិន្នន័យបន្ថែមសម្រាប់ជំនួយដល់ការសិក្សារបស់ពួកគេបានផងដែរ។

សកម្មភាពយុទ្ធនាការសប្បុរសធម៌នេះបានប្រព្រឹត្តទៅយ៉ាងរលូន ដោយមានការអញ្ជើញចូលរួមយ៉ាងច្រើនកុះករពីសំណាក់លោកគ្រូ អ្នកគ្រូ សិស្សានុសិស្សប្រកបដោយភាពស្និទ្ធស្នាលពោរពេញដោយស្នាមញញឹម។ គោលបំណងដ៏សំខាន់នៃសកម្មភាពសប្បុរសធម៌នេះ គឺដើម្បីជួយបំពេញនូវការខ្វះខាត និងជួយសម្រួលដល់ការសិក្សាដោយការផ្សារភ្ជាប់បច្ចេកវិទ្យាក្នុងការអប់រំដល់សិស្សានុសិស្សនៅកម្ពុជា។

លោកនាយកសាលាបឋមសិក្សា វត្ដហារ បានថ្លែងចំណាប់អារម្មណ៍ដូច្នេះថា “តាងនាមឱ្យលោកគ្រូ អ្នកគ្រូ និងសិស្សានុសិស្សទាំងអស់ សូមថ្លែងអំណរគុណយ៉ាងក្រៃលែងចំពោះក្រុមហ៊ុនសាមសុងកម្ពុជា ដែលតែងតែយកចិត្តទុកដាក់ និងជួយជំរុញលើកទឹកចិត្តដល់កុមារនៅកម្ពុជាយើង។ តាមរយៈការផ្ដល់នូវសម្ភារៈសិក្សាដល់សិស្សានុសិស្សដែលកំពុងតែជួបនូវការខ្វះខាត នេះគឺជាចំណែកមួយដែលធ្វើឱ្យពួកគាត់មានកម្លាំងចិត្តក្នុងការសិក្សារៀនសូត្របន្ត។ ហើយនេះជាក្តីរំភើបរីករាយខ្លាំងបំផុត ដែលក្រុមហ៊ុន សាមសុង បានជ្រើសយកសាលាបឋមសិក្សា វត្តហារ សម្រាប់កម្មវិធីសប្បុរសធម៌របស់ខ្លួននាពេលនេះ” ។

តំណាងក្រុមហ៊ុនសាមសុង លោក លី គោវិទ្ធ ប្រធានគ្រប់គ្រងទីផ្សារគ្រឿងអេឡិកត្រូនិកប្រចាំប្រទេសកម្ពុជា និងឡាវ មានប្រសាសន៍បន្ថែមផងដែរថា “មិនថាឆ្នាំនេះ ឬ ឆ្នាំតទៅមុខទៀត ក្រុមហ៊ុន សាមសុង ក៏នៅតែបន្តយុទ្ធនាការសប្បុរសធម៌ចែករំលែកក្ដីស្រលាញ់នេះទៅកាន់កុមារកម្ពុជា បន្តទៀត។ ក្រុមហ៊ុន សាមសុង ពិតជារីករាយដែលបានក្លាយជាចំណែកមួយក្នុងការជួយជំរុញ និងលើកទឹកចិត្តដល់កុមារនៅកម្ពុជា ជាពិសេសការជួយពង្រឹងលើសម្ថភាព ដើម្បីភាពរីកចម្រើនរបស់កុមារនាពេលអនាគត។ ហើយសាមសុង សង្ឃឹមយ៉ាងមុតមាំថា ក្មួយៗសិស្សានុសិស្សទាំងអស់នឹងខិតខំប្រឹងប្រែងសិក្សារៀនសូត្រ ដើម្បីយកចំណេះដឹងទៅអភិវឌ្ឍខ្លួន ក៏ដូចជាអភិវឌ្ឍប្រទេសជាតិទាំងមូលផងដែរ” ។

ជាចុងក្រោយ ក្រុមហ៊ុន សាមសុង បានប្ដេជ្ញាចិត្តយ៉ាងមុតមាំថា នឹងបន្តរិះរកអ្វីដែលថ្មីៗដើម្បីជួយឱ្យកុមារកម្ពុជា ទទួលបានចំណេះជំនាញច្បាស់លាស់ប្រកបដោយភាពវៃឆ្លាត ដើម្បីត្រៀមខ្លួនជាស្រេចសម្រាប់ចូលប្រឡូកក្នុងទីផ្សារការងារប្រកបដោយទំនុកចិត្តនៅពេលអនាគត៕

Vietjet និង Honeywell ចុះកិច្ចព្រមព្រៀងសហប្រតិបត្តិការ ដែលនេះបានបង្កើតព្រឹត្តិការណ៍សំខាន់មួយ ដើម្បីជំរុញវិស័យអាកាសចរណ៍ឱ្យកាន់តែមានភាពបៃតង និងស្អាតជាងមុន

bora.chhouk@gmail.com
-
0
Vietjet និង Honeywell ចុះកិច្ចព្រមព្រៀងសហប្រតិបត្តិការ ដែលនេះបានបង្កើតព្រឹត្តិការណ៍សំខាន់មួយ ដើម្បីជំរុញវិស័យអាកាសចរណ៍ឱ្យកាន់តែមានភាពបៃតង និងស្អាតជាងមុន

ភ្នំពេញ៖ ថ្ងៃទី 25 ខែកញ្ញា ឆ្នាំ 2024 – ក្រុមហ៊ុន Vietjet និងក្រុមហ៊ុន Honeywell Aerospace Technologies ដែលមានមូលដ្ឋាននៅសហរដ្ឋអាមេរិក បានចុះកិច្ចព្រមព្រៀងសហប្រតិបត្តិការ ដើម្បីផ្តល់សេវាបច្ចេកទេសអាកាសចរណ៍ និងយន្តហោះទំនើបនិងសន្សំសំចៃប្រេងដល់ Vietjet ។ ពិធីនេះ បានប្រព្រឹត្តទៅក្រោមវត្តមានរបស់អគ្គលេខាបក្ស និងជាប្រធានរដ្ឋវៀតណាម លោក To Lam ក្នុងដំណើរបំពេញទស្សនកិច្ចការងារនៅសហរដ្ឋអាមេរិក។

កិច្ចព្រមព្រៀងដែលត្រូវបានធ្វើឡើងរវាងនាយកប្រតិបត្តិក្រុមហ៊ុន Vietjet លោក Dinh Viet Phuong និងលោក Joseph Vitulli តំណាងក្រុមហ៊ុន Honeywell Aerospace Technologies គឺជាជំហានដ៏សំខាន់មួយនៅក្នុងកិច្ចខិតខំប្រឹងប្រែងដែលកំពុងបន្តរបស់ Vietjet ដើម្បីធ្វើទំនើបកម្មកងនាវាអាកាសចររបស់ខ្លួន។ ក្រុមហ៊ុនអាកាសចរណ៍ Vietjet នឹងអនុវត្តកម្មវិធីថែទាំអាកាសចរណ៍របស់ Honeywell និង APU (Auxiliary Power Unit) នៅលើយន្តហោះ A330neo ជំនាន់ថ្មីរបស់ខ្លួន និងយន្តហោះថ្មីដែលមានតួតូចជាច្រើនទៀត។ កិច្ចព្រមព្រៀងនេះ ក៏រួមបញ្ចូល​ Honeywell Flight Efficiency ដែលជាដំណោះស្រាយផ្តល់នូវការកាត់បន្ថយការបំភាយឧស្ម័ន និងការត្រួតពិនិត្យប្រសិទ្ធភាពប្រេងឥន្ធនៈនៅទូទាំងកងនាវាអាកាសចររបស់ Vietjet ទាំងមូល។

លោក Dinh Viet Phuong នាយកប្រតិបត្តិក្រុមហ៊ុន Vietjet មានប្រសាសន៍ថា “កិច្ចព្រមព្រៀងថ្ងៃនេះ តំណាងឱ្យព្រឹត្តិការណ៍ដ៏សំខាន់ថ្មីមួយនៅក្នុងភាពជាដៃគូដ៏យូរអង្វែងរបស់យើងជាមួយក្រុមហ៊ុន Honeywell ។ ក្រុមហ៊ុន Vietjet ប្តេជ្ញាជំរុញកំណើនប្រកបដោយនិរន្តរភាព និងជំរុញឱ្យកាន់តែមានភាពបៃតង ជាមួយនឹងគោលដៅនៃការកាត់បន្ថយការបំភាយឧស្ម័ន និងការពង្រីកបណ្តាញហោះហើរអន្តរទ្វីប។ បច្ចេកវិជ្ជាទំនើបរបស់ Honeywell នឹងដើរតួយ៉ាងសំខាន់ក្នុងការជួយយើងឱ្យកាន់តែប្រសើរឡើង ក្នុងការបម្រើអ្នកដំណើរដ៏មានតម្លៃរបស់យើងជាមួយនឹងជើងហោះហើរដ៏ទំលំទូលាយ គុណភាពខ្ពស់ សុវត្ថិភាព និងមិនប៉ះពាល់ដល់បរិស្ថាន ខណៈពេលដែលជំរុញឱ្យមាននិរន្តរភាពស្របតាមគោលដៅ ESG របស់យើង។

លោក Joseph Vitulli តំណាងក្រុមហ៊ុន Honeywell Aerospace Technologies មានប្រសាសន៍ថា “យើងមានសេចក្តីរំភើបរីករាយក្នុងការពង្រីកកិច្ចសហការរបស់យើងជាមួយក្រុមហ៊ុន Vietjet តាមរយៈកិច្ចព្រមព្រៀងដ៏សំខាន់នេះ” ។ “Honeywell បានចាប់ដៃគូជាមួយក្រុមហ៊ុន Vietjet អស់រយៈពេលជិតមួយទសវត្សរ៍ ហើយនឹងបន្តគាំទ្រក្រុមហ៊ុនអាកាសចរណ៍ក្នុងការសម្រេចបាននូវគោលដៅរយៈពេលវែងរបស់ខ្លួន ខណៈពេលដែលបង្កើនបទពិសោធន៍ហោះហើររបស់អ្នកដំណើរ។ យើងបានទទួលជោគជ័យជាបន្តបន្ទាប់ក្នុងការអភិវឌ្ឍ និងអនុវត្តដំណោះស្រាយដើម្បីកាត់បន្ថយកាបូនឌីអុកស៊ីត ដែលអនុញ្ញាតឱ្យក្រុមហ៊ុនអាកាសចរណ៍បង្កើនប្រសិទ្ធភាពការប្រើប្រាស់ប្រេងឥន្ធនៈដោយការវិភាគលើដំណើរការយន្តហោះ និងការចែករំលែកការអនុវត្តល្អបំផុតនៅទូទាំងប្រតិបត្តិការរបស់ពួកគេ។

Vietjet ទទួលបានចំណាត់ថ្នាក់សុវត្ថិភាពលំដាប់ផ្កាយ 7/7 ពីក្រុមហ៊ុន AirlineRatings ហើយត្រូវបានទទួលស្គាល់ជាក្រុមហ៊ុនអាកាសចរណ៍ផ្តល់ជូនអតិថិជននូវតម្លៃសំបុត្រទាប ដែលមានសុវត្ថិភាពបំផុតមួយរបស់ពិភពលោកចាប់តាំងពីឆ្នាំ 2018 មក។ ក្រុមហ៊ុនអាកាសចរណ៍នៅតែបន្តពង្រីកកងនាវាអាកាសចររបស់ខ្លួនជាមួយនឹងយន្តហោះថ្មីៗដែលសន្សំសំចៃប្រេង ដោយសម្រេចបាននូវភាពជឿជាក់ផ្នែកបច្ចេកទេស ដែលមានអត្រារហូតដល់ 99.6% ដែលវាត្រូវបានគេដាក់បញ្ចូលក្នុងចំណោមក្រុមហ៊ុនអាកាសចរណ៍កំពូលៗ ទូទាំងពិភពលោក។ តាមរយៈកិច្ចសហប្រតិបត្តិការជាមួយក្រុមហ៊ុន Honeywell និងអ្នកដឹកនាំអាកាសចរណ៍ពិភពលោកផ្សេងទៀត Vietjet នៅតែប្តេជ្ញាចិត្តក្នុងការវិនិយោគលើបច្ចេកវិទ្យាអាកាសចរណ៍កម្រិតខ្ពស់ ដើម្បីធានាបាននូវបទពិសោធន៍ហោះហើរដ៏ល្អបំផុតសម្រាប់អ្នកដំណើររបស់ខ្លួននៅទូទាំងពិភពលោក។

បច្ចុប្បន្ន Vietjet ដំណើរការជើងហោះហើរត្រង់ប្រចាំថ្ងៃ រវាងខេត្តសៀមរាប និងទីក្រុងហាណូយ រដ្ឋធានីនៃប្រទេសវៀតណាម។ អ្នកធ្វើដំណើរមកពីប្រទេសកម្ពុជាក៏អាចទទួលបានអត្ថប្រយោជន៍ពីការតភ្ជាប់បណ្តាញហោះហើរយ៉ាងទូលំទូលាយរបស់ក្រុមហ៊ុនអាកាសចរណ៍ទៅកាន់គោលដៅជាច្រើននៅទូទាំងអាស៊ី និងអូស្ត្រាលីនេះផងដែរ។

អំពី Honeywell

Honeywell គឺជាក្រុមហ៊ុនបច្ចេកវិទ្យាឈានមុខគេមួយរបស់ពិភពលោកក្នុងវិស័យអវកាសជាមួយ Honeywell Aerospace Technologies ដែលផលិតម៉ាស៊ីនយន្តហោះ កាប៊ីន និងអេឡិចត្រូនិច ប្រព័ន្ធតភ្ជាប់ឥតខ្សែ សមាសធាតុមេកានិច និងឧបករណ៍ជាច្រើនទៀត។ ដំណោះស្រាយផ្នែក​ Hardware និង Software របស់ក្រុមហ៊ុននឹងធ្វើឱ្យយន្តហោះសន្សំសំចៃប្រេងកាន់តែច្រើន ជើងហោះហើរត្រង់ និងទាន់ពេល និងផ្លូវអាកាសកាន់តែមានសុវត្ថិភាពជាងមុន។

Honeywell Flight Efficiency គឺជាដំណោះស្រាយគ្រប់គ្រងប្រតិបត្តិការសហគ្រាសទំនើបបំផុតរបស់ឧស្សាហកម្មដែលត្រូវបានរចនាឡើង ដើម្បីជួយក្រុមហ៊ុនអាកាសចរណ៍បង្កើនប្រសិទ្ធភាពប្រតិបត្តិការហោះហើរ និងកាត់បន្ថយការបញ្ចេញឧស្ម័នកាបូន។ លើសពីនេះ ក្រុមហ៊ុនអាកាសចរណ៍ទូទាំងពិភពលោក រួមទាំងក្រុមហ៊ុន British Airways ក្រុមហ៊ុន Japan Airlines និងក្រុមហ៊ុនអាកាសចរណ៍ទួរគី បានអនុវត្តដំណោះស្រាយនេះ ដើម្បីសន្សំសំចៃប្រេង បង្កើនប្រសិទ្ធភាពជើងហោះហើរ និងបង្កើនលទ្ធភាពទទួលយន្តហោះសម្រាប់កងនាអាកាសចរបន្តែមទៀត។

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

អ្នកឧកញ៉ា ទៀ វិចិត្រ ចូលបច្ច័យ ៤លានរៀល សម្រាប់វេនកាន់បិណ្ឌ នៅវត្តគិរីជលសាកោះរ៉ុង ក្រុងកោះរ៉ុង ក្នុងរដូវភ្ជុំបិណ្ឌ

private
-
0
អ្នកឧកញ៉ា ទៀ វិចិត្រ ចូលបច្ច័យ ៤លានរៀល សម្រាប់វេនកាន់បិណ្ឌ នៅវត្តគិរីជលសាកោះរ៉ុង ក្រុងកោះរ៉ុង ក្នុងរដូវភ្ជុំបិណ្ឌ

ភ្នំពេញ៖ អ្នកឧកញ៉ា ទៀ វិចិត្រ និងលោកស្រី ហេង គីមជី បានចូលបច្ច័យ ចំនួន ៤លានរៀល សម្រាប់វេនកាន់បិណ្ឌ នៅវត្តគិរីជលសាកោះរ៉ុង ស្ថិតនៅភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ក្នុងរដូវបុណ្យកាន់បិណ្ឌ និងភ្ជុំបិណ្ឌឆ្នាំ២០២៤នេះ ដែលបច្ចុប្បន្នវត្តគិរីជលសាកោះរ៉ុង បានប្រារព្ធពិធីបុណ្យកាន់បិណ្ឌ និងភ្ជុំបិណ្ឌទៅតាមព្រះពុទ្ធសាសនា។

បច្ចយ័របស់អ្នកឧកញ៉ា ទៀ វិចិត្រ និងលោកស្រី ហេង គីមជី បានប្រគេនព្រះសង្ឃវត្តគិរីជលសាកោះរ៉ុង តាមរយៈ កងការពារកោះរ៉ុងលេខ១ នៅព្រឹកថ្ងៃទី២០ ខែកញ្ញា ឆ្នាំ២០២៤ ក្នុងនោះព្រះតេជគុណ ព្រះគ្រូចៅអធិការវត្តគិរីជលសាកោះរ៉ុង ព្រះនាម ព្រះទេពសោភ័ណ ភារ រ៉ាវី បានស្វាធ្យាយជូនពរជយ័ លោកឧកញ៉ា និងលោកស្រី ព្រមទាំងបុត្រាបុត្រី និងក្រុមគ្រួសារ ជួបតែពុទ្ធពរបួនប្រការ គឺ អាយុ វណ្ណៈ សុខៈ ពលៈ កុំបីឃ្លាតឃ្លាឡើយ៕

1...262728...224Page 27 of 224

About us

Each template in our ever growing studio library can be added and moved around within any page effortlessly with one click.

© 2025 DAP-BUSINESS. All Rights Reserved.