ភ្នំពេញ៖ ក្រុមហ៊ុនហ៊ិននីគែន ខេមបូឌា មានសេចក្ដីរីករាយក្នុងការប្រកាសតែងតាំងលោក Dat Pham ជាអគ្គនាយកថ្មីរបស់ខ្លួនជាផ្លូវការចាប់ពីថ្ងៃទី ១ ខែកញ្ញា ឆ្នាំ២០២៥តទៅ។ ការចាប់ផ្ដើមមួយនេះគឺជាពេលវេលាដ៏សំខាន់មួយសម្រាប់ ក្រុមហ៊ុនហ៊ិននីគែន ខេមបូឌា ដែលបានផលិត និងវិនិយោគនៅប្រទេសកម្ពុជាអស់រយៈពេលជាង ៣០ឆ្នាំ។ លោក Dat ធ្លាប់បម្រើការងារនៅប្រទេសកម្ពុជាក្នុងតួនាទីជានាយកផ្នែកហិរញ្ញវត្ថុនៃក្រុមហ៊ុនហ៊ិននីគែន ខេមបូឌា ពីឆ្នាំ ២០១៩ ដល់ឆ្នាំ២០២២ ដែលនៅពេលនោះលោកបានដើរតួនាទីដ៏សំខាន់ក្នុងការជួយក្រុមហ៊ុនអំឡុងពេលវិបត្តិកូវីដ១៩ និងធានាបាននូវកំណើន និងភាពរឹងមាំនៅផ្នែកហិរញ្ញវត្ថុ។

លោក Dat ឡើងកាន់ដំណែងជំនួសលោក Andy Hewson និងស្ថិតនៅក្រោមការគ្រប់គ្រងរបស់ លោក Uday Sinha ដែលជានាយកគ្រប់គ្រងប្រចាំតំបន់អាស៊ីប៉ាស៊ីហ្វិក (APAC) នៃក្រុមហ៊ុនហ៊ិននីគែន។ ក្នុងរយៈពេល ២ ឆ្នាំកន្លងមកនេះ លោក Andy បានពង្រឹងកេរ្តិ៍ឈ្មោះក្រុមហ៊ុនហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅប្រទេសកម្ពុជា  ដោយលោកបានផ្ដល់ការយកចិត្តទុកដាក់យ៉ាងខ្លាំងទៅលើផ្នែកនិរន្តរភាព និងការប្រកបអាជីវកម្មប្រកបដោយទំនួលខុសត្រូវ ក៏ដូចជាបានដាក់ចេញគំនិតផ្តួចផ្តើមជាច្រើនដើម្បីលើកកម្ពស់ផ្នែកចក្រាវិស័យបរិស្ថាន កាត់បន្ថយផលប៉ះពាល់បរិស្ថាន និងពង្រឹងសុវត្ថិភាពនៅកន្លែងធ្វើការ។

លោក Dat បានមានប្រសាសន៍ថា៖ “ខ្ញុំមានកិត្តិយសដែលបានចូលកាន់តួនាទីជាអគ្គនាយកនៃក្រុមហ៊ុនហ៊ិននីគែន ខេមបូឌា និងបន្តកសាងកេរ្តិ៍ដំណែលដ៏ឆ្នើមដែលបន្សល់ទុកដោយលោក Andy។ ទីផ្សារនៅប្រទេសកម្ពុជា ​គឺជាទីផ្សារដែលមានការរីកលូតលាស់ និងពោរពេញដោយសក្តានុពល។ ហើយខ្ញុំពិតជាមានសេចក្ដីរំភើបរីករាយ ក្នុងការធ្វើការជាមួយក្រុមការងារដែលមានទេពកោសល្យ និងពោរពេញទៅដោយការប្តេជ្ញាចិត្តមួយនេះ ក្នុងគោលបំណងនាំអាជីវកម្មរបស់យើងទៅកាន់ភាពរីកចម្រើនថ្មីមួយទៀត។ ក្រុមហ៊ុនហ៊ិននីគែន បានប្រតិបត្តិការនៅប្រទេសកម្ពុជាអស់រយៈពេលជាង ៣០ ឆ្នាំមកហើយ ហើយក្រុមហ៊ុន នឹងនៅតែបន្ដដើរតួនាទីជាអ្នកវិនិយោគអន្តរជាតិដែលមានការប្តេជ្ញាចិត្តខ្ពស់ និងជាដៃគូក្នុងការជួយជំរុញកំណើនសេដ្ឋកិច្ចនៅក្នុងប្រទេសកម្ពុជា។”

ជាមួយនឹងបទពិសោធន៍ការងារជាងមួយទស្សវត្សជាមួយក្រុមហ៊ុនហ៊ិននីគែន ទាំងនៅទ្វីបអឺរ៉ុប និងអាស៊ី និងរួម​បញ្ចូលបទពិសោធន៍ការងារនៅប្រទេសកម្ពុជាផងនោះ លោក Dat នឹងនាំមកជាមួយនូវទស្សនវិស័យជាសកល និងការ​យល់​ដឹង​យ៉ាងជ្រាលជ្រៅ​អំពីទីផ្សារនៅប្រទេសកម្ពុជាក្នុងតួនាទីថ្មីមួយនេះ។ លោក គឺជាអ្នកដឹកនាំជនជាតិអាស៊ីជំនាន់ក្រោយ ដែលត្រូវបានគាំទ្រជាផ្នែកមួយនៃកម្មវិធីភាពជាអ្នកដឹកនាំសកលរបស់ក្រុមហ៊ុនហ៊ិននីគែន។    

មុនពេលត្រឡប់មកបម្រើការនៅទីក្រុងភ្នំពេញជាថ្មីម្ដងទៀត លោក Dat បម្រើការជាអគ្គនាយក​ ក្រុមហ៊ុនហ៊ិននីគែន ឡាវ។ នៅក្នុងតួនាទីនោះ លោកបានដើរតួនាទីដ៏សំខាន់ក្នុងការធ្វើឱ្យមានការផ្លាស់ប្តូរផ្នែកពាណិជ្ជកម្ម និងប្រតិបត្តិការប្រកបដោយជោគជ័យ។ ក្រោមការដឹកនាំរបស់លោក Dat ក្រុមហ៊ុនហ៊ិននីគែន ឡាវ បានក្លាយជាក្រុមហ៊ុន ដែលរីកចម្រើនលឿនបំផុតនៅតំបន់អាស៊ីប៉ាស៊ីហ្វិកក្នុងឆ្នាំ ២០២៤ និង ២០២៥ និងបានក្លាយជាទីផ្សារធំជាងគេទីបួននៅក្នុងតំបន់។ ជាងនេះទៅទៀត លោកក៏បានជួយឱ្យក្រុមហ៊ុនហ៊ិននីគែន ឡាវ បង្កើនចំណែកទីផ្សាររបស់ខ្លួនទ្វេដង និងសម្រេចបានកំណត់ត្រាការលក់ថ្មីមួយ។    

ក្នុងនាមជាអគ្គនាយក ក្រុមហ៊ុនហ៊ិននីគែន ខេមបូឌា​​​  អាទិភាពរបស់លោក Dat គឺបន្ដជំរុញការរីកចម្រើនតាមរយៈការធ្វើឱ្យអ្នកប្រើប្រាស់នៅប្រទេសកម្ពុជា ទទួលបានតែភាពរីករាយជាមួយផលិតផលស្រាបៀរលំដាប់អន្តរជាតិរបស់ក្រុមហ៊ុនហ៊ិននីគែន។ លោកប្តេជ្ញាចិត្ដពង្រឹងកិច្ចសហប្រតិបត្តិការជាមួយអតិថិជន និងដៃគូអាជីវកម្ម ក៏ដូចជាចូលរួមចំណែកជាវិជ្ជមានដល់គោលដៅអភិវឌ្ឍន៍រយៈពេលវែងរបស់ប្រទេសកម្ពុជា។  ជាមួយនឹងការប្តេជ្ញាចិត្តអភិវឌ្ឍន៍អ្នកដឹកនាំជនជាតិអាស៊ី លោក Dat មានគោលបំណងបំផុសគំនិតអ្នកដឹកនាំជំនាន់ក្រោយដែលជាជនជាតិខ្មែរនៅក្រុមហ៊ុនហ៊ិននីគែន ខេមបូឌា  និង​នៅទីកន្លែងផ្សេងៗទៀត ដែលការធ្វើបែបនេះ បានចូលរួមពង្រឹងការប្តេជ្ញាចិត្តរបស់ក្រុមហ៊ុនហ៊ិននីគែន ក្នុងការជួយជំរុញភាពជាអ្នកដឹកនាំជនជាតិអាស៊ីនៅគ្រប់ទីតាំងប្រតិបត្តិការរបស់ខ្លួននៅទូទាំងពិភពលោក។

អំពីក្រុមហ៊ុន ហ៊ិននីគែន ខេមបូឌា

ក្រុមហ៊ុន ហ៊ិននីគែន ដែលជាក្រុមហ៊ុនផលិតស្រាបៀរឈានមុខគេនៅលើពិភពលោក ដែលជាក្រុមហ៊ុនស្រាបៀរ និងក្រុមហ៊ុនវិនិយោគបរទេសដំបូងគេនៅកម្ពុជាតាំងពីឆ្នាំ១៩៩៤។ ជាមួយគោលបំណងបង្កើតការរួបរួមគ្នាជាធ្លុងមួយ ដើម្បីជម្រុញពិភពលោកមួយកាន់តែប្រសើររ  ក្រុមហ៊ុនហ៊ិននីគែន ហ៊ិននីគែន ខេមបូឌា មានម៉ាកយីហោស្រាបៀរចំនួន ៥ រួមមាន ស្រាបៀរ Heineken ® ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown។ ក្រុមហ៊ុនមាននិយោជិតប្រមាណ ៧០០នាក់ និងផ្តល់ការងារដោយប្រយោលជូនប្រជាជនកម្ពុជាចំនួន ៦៦,០០០នាក់នៅទូទាំងសង្វាក់ផលិតកម្មរបស់ខ្លួន។ តាមរយៈយុទ្ធសាស្ដ្រ «ធ្វើឱ្យប្រទេសកម្ពុជាកាន់តែប្រសើរ» ក្រុមហ៊ុន ហ៊ិននីគែន ខេមបូឌា ប្ដេជ្ញាចិត្ដចូលរួមនិរន្ដរភាពបរិស្ថាន និង ព្រមទាំងសង្គម និងការពិសាប្រកបដោយការទទួលខុសត្រូវ។ សម្រាប់ព័ត៌មានបន្ថែម សូមចូលទៅកាន់វេបសាយ heinekencambodia.com

ភ្នំពេញ៖ ថ្ងៃទី៨ ខែកញ្ញា ឆ្នាំ ២០២៥​ អ្នកធ្វើដំណើរមកពីប្រទេសកម្ពុជាត្រូវបានអញ្ជើញឱ្យប្រារព្ធទិវាថ្ងៃទី៩ ខែ៩ ជាមួយក្រុមហ៊ុន Vietjet ដើម្បីទទួលបានការបញ្ចុះតម្លៃសំបុត្ររាប់ពាន់សំបុត្រក្នុងតម្លៃផ្តល់ជូនពិសេសរហូតដល់ ៩៩% នៃតម្លៃដើមនៅគ្រប់ផ្លូវហោះហើរទាំងអស់ រួមទាំងផ្លូវហោះហើរសៀមរាប-ហាណូយផងដែរ។ លើសពីនេះ អ្នកដំណើរដែលកក់ជើងហោះហើរអន្តរជាតិក៏នឹងរីករាយជាមួយការដាក់ឥវ៉ាន់បានរហូតដល់ ២០ គីឡូក្រាមដោយឥតគិតថ្លៃ ដើម្បីសម្រួលដល់ការធ្វើដំណើររបស់ភ្ញៀវធ្វើដំណើរបានកាន់តែងាយស្រួល។

ចាប់ពីម៉ោង ០០:០០ ដល់ ២៣:០០ ថ្ងៃទី ៩ ខែកញ្ញា ឆ្នាំ ២០២៥(GMT+7) អ្នកដំណើរអាចបញ្ចូលលេខកូដប្រូម៉ូសិន SUPERSALE99 នៅពេលកក់សំបុត្រនៅលើគេហទំព័រwww.vietjetair.com ឬកម្មវិធីទូរសព្ទ Vietjet Air ដើម្បីមានឱកាសបានសំបុត្រ Eco ដែលមានការបញ្ចុះតម្លៃរហូតដល់ ៩៩% (មិនរាប់បញ្ចូលពន្ធ និងថ្លៃសេវាផ្សេងៗ)។ ការផ្តល់ជូនពិសេសនេះ អនុវត្តលើបណ្តាញជើងហោះហើរក្នុងស្រុក និងអន្តរជាតិរបស់ Vietjet ទាំងអស់សម្រាប់ការធ្វើដំណើររវាងថ្ងៃទី ១ ខែតុលា ឆ្នាំ ២០២៥ ដល់ថ្ងៃទី ២៧ខែឧសភា ឆ្នាំ ២០២៦។

អត្ថប្រយោជន៍ជាច្រើនកំពុងរង់ចាំអ្នក! ចាប់ពីថ្ងៃទី ១០ ដល់ថ្ងៃទី ២៣ខែកញ្ញា ឆ្នាំ ២០២៥ អ្នកដំណើរដែលកក់សំបុត្រ Eco សម្រាប់ជើងហោះហើរសៀមរាប-ហាណូយ ដែលចេញដំណើរចន្លោះពីថ្ងៃទី ១៥ ខែតុលា ដល់ថ្ងៃទី ១០ ខែវិច្ឆិកា ឆ្នាំ ២០២៥ នឹងអាចដាក់បានឥវ៉ាន់បានចំនួន ២០ គីឡូក្រាមដោយឥតគិតថ្លៃផងដែរ។ គ្រាន់តែជ្រើសរើសជម្រើស ២០ គីឡូក្រាម នៅពេលកក់សំបុត្រដោយមិនគិតថ្លៃបន្ថែម ហើយលោកអ្នកនឹងទទួលបានភាពសប្បាយរីករាយជាមួយការធ្វើដំណើរ។ ការផ្តល់ជូនពិសេសសម្រាប់ការដាក់ឥវ៉ាន់ដោយឥតគិតថ្លៃក៏ត្រូវបានអនុវត្តសម្រាប់ផ្លូវហោះហើរអន្តរជាតិផ្សេងៗទៀត ទៅនិងមកទៅវៀតណាម អាស្រ័យលើកាលបរិច្ឆេទធ្វើដំណើរខុសៗគ្នាតាមផ្លូវហោះហើរនីមួយៗ។

ប្រជាជនកម្ពុជាអាចទាញយកអត្ថប្រយោជន៍ពីការផ្តល់ជូនការបញ្ចុះតម្លៃសំបុត្រពិសេសនេះ ដើម្បីស្វែងយល់ពីវប្បធម៌ប្រពៃណីដ៏រស់រវើករបស់វៀតណាម។ ក្រុមហ៊ុន Vietjet ក៏ផ្តល់ជូននូវការតភ្ជាប់ជើងហោះហើរដោយផ្ទាល់ពីទីក្រុងហូជីមិញទៅកាន់គោលដៅក្នុងស្រុកជាច្រើនទៀតរបស់វៀតណាម និងមជ្ឈមណ្ឌលពាណិជ្ជកម្មដ៏ពេញនិយមជាច្រើននៅទូទាំងអាស៊ីប៉ាស៊ីហ្វិក។

ឆ្នាំនេះ ក្រុមហ៊ុន Vietjet អញ្ជើញប្រជាជនកម្ពុជា ឱ្យស្វែងយល់ពីពិធីបុណ្យ និងពិធីបុណ្យវប្បធម៌ប្រពៃណីដ៏រស់រវើកនៅក្នុងប្រទេសវៀតណាម និងជុំវិញពិភពលោក។ ចាប់ពីពិធីបុណ្យពាក់កណ្តាលសរទរដូវដ៏គួរឱ្យទាក់ទាញ ដែលតាមដងផ្លូវមានពន្លឺចម្រុះពណ៌ នំព្រះខែ និងការជួបជុំក្រុមគ្រួសារដ៏រីករាយ រហូតដល់ពិធីបុណ្យចុងឆ្នាំដ៏មមាញឹក ប្រទេសវៀតណាមបានផ្តល់នូវបទពិសោធន៍វប្បធម៌ប្រពៃណីដែលមិនអាចបំភ្លេចបានសម្រាប់អ្នកទស្សនាគ្រប់រូប។

នៅលើយន្តហោះ អ្នកដំណើរក៏អាចរីករាយជាមួយជើងហោះហើរក្នុងឱកាសពិធីបុណ្យពាក់កណ្តាលសរទរដូវពិសេសរបស់ Vietjet តាមកាលបរិច្ឆេទដែលបានជ្រើសរើស ដែលមានការតាំងចង្កៀងពិធីបុណ្យ ការសម្តែងសិល្បៈវប្បធម៌លើជើងហោះហើរ និងកាដូអនុស្សាវរីយ៍ជាច្រើនដើម្បីចែករំលែកជាមួយមនុស្សជាទីស្រលាញ់ តាមរយៈពិធីបុណ្យនិងប្រពៃណីដ៏រស់រវើករបស់វៀតណាម។

កក់សំបុត្រឥឡូវនេះ ដើម្បីទទួលបានភាពសប្បាយរីករាយធ្វើដំណើរជាមួយ Vietjet!

រយៈពេលធ្វើដំណើរជាក់លាក់អាចត្រូវបានអនុវត្តអាស្រ័យលើផ្លូវ។ កាលបរិច្ឆេទធ្វើដំណើរចំពេលពិធីបុណ្យនានាអាចត្រូវបានអនុវត្ត។

សម្រាប់ព័ត៌មានលម្អិត សូមពិនិត្យមើលក្នុងលក្ខខណ្ឌនេះ