ភ្នំពេញ៖ DELI-ZONE ជាក្រុមរាំច្រៀងដែលមានសមាជិកស្រី ៤នាក់ របស់ប្រទេសជប៉ុន បានសម្រេចចិត្តជ្រើសរើសប្រទេសកម្ពុជា ក្នុងចំណោមប្រទេសជាមាជិកអាស៊ាន ថតចម្រៀងកាយវិការ(MV)ថ្មី ពោលគឺបទ “WOMAN POWER” ជាលើកទីពីរ ដោយហេតុពួកគេយល់ឃើញកម្ពុជាប្រទេសមានភាពទាក់ទាញសម្បូរទៅដោយតំបន់ទេសចរណ៍ វប្បធម៌ប្រពៃណីល្អៗ។ តាមរយៈMVនេះពួកគេរំពឹងថានឹងធ្វើឲ្យទំនាក់ទំនង រវាងប្រទេសទាំងពីកាន់តែមានភាពល្អប្រសើរបន្ថែមទៀត។

បទ “WOMAN POWER” ជាប្រភេទបទចម្រៀងដែល​និយាយអំពីភាពរឹងមាំ ,សេរីភាព , សិទ្ធិ និងភាពឯករាជ្យរបស់ស្រ្តី ។ MVនេះនឹងចេញផ្សាយផ្លូវការនាពេលឆាប់ៗខាងមុខនេះ។ DELI-ZONE សង្ឃឹមថា តាមរយៈបទភ្លេងតន្រ្តីនេះនឹងផ្សារភ្ជាប់ជាស្ពានរវាងទំនាក់ទំនង និងសិល្បៈវប្បធម៌ប្រពៃណីប្រទេសទាំងពីរ កាន់តែល្អប្រសើរថែមទៀត។ ក្នុងឱកាសស្នាក់នៅប្រទេសកម្ពុជា នៅរាត្រីថ្ងៃទី១០​​ សីហា​នេះ ក្រុមពួកគេនឹងចូលរួមសម្ដែងចម្រៀងនៅ Back Street Bar។

កត្តាដែលជំរុញឱ្យ ក្រុមDELI-ZONE ជ្រើសរើសការប្រទេសកម្ពុជា ជាកន្លែងថតបទចម្រៀង MV លើកទី២នេះ ដោយសារតែពួកគាត់បានមកដល់ប្រទេសកម្ពុជាលើកទីដំបូង ពួកគាត់មានអារម្មណ៍រំភើបនៅពេលបានឃើញប្រជាជនកម្ពុជា មានភាពរួសរាយរាក់ទាក់និងចិត្តល្អ ធ្វើឲ្យក្រុមពួកគេចងចាំក្នុងចិត្តមិនភ្លេច និងដើម្បីបង្ហាញអំពីវប្បធម៌ ប្រពៃណី ក៏ដូចជាតំបន់ទេសចរណ៍ទៅដល់ប្រទេសជប៉ុនឱ្យបានស្គាល់អំពីវប្បធម៌ដ៏ផូរផង់របស់ខ្មែរ ក៏ដូចជាប្រទេសជាច្រើនលើពិភពលោកបានស្គាល់ពីប្រទេសកម្ពុជា តាមរយៈការថតបទចម្រៀង MV នេះ។

ក្រុម DELI-ZONE បានមកប្រទេសកម្ពុជា ជាលើកទី២ ហើយពួកគាត់ក៏បានដើរកម្សាន្តនៅតាមតំបន់ទេសចរណ៍ជាច្រើន។ តំបន់ទេសចរណ៍ដែលធ្វើឱ្យពួកគេទាក់អារម្មណ៍ខ្លាំងជាងនោះគឺនៅតំបន់ឆ្នេរកំពង់សោម ខេត្តព្រះសីហនុ ក្នុងកម្មវិធីបង្ហោះខ្លែងលេងនៅតាមឆ្នេរសមុទ្រ ដែលជាអនុស្សាវរីយ៍ចងចាំក្នុងចិត្តមិនអាចភ្លេច។

ពួកគេមកថតចម្រៀងកាយវិការ(MV) បទទីមួយនៅប្រទេសកម្ពុជា ប្រភេទបទមរតដើមលោកតា ស៊ីន ស៊ីសាមុត គឺបទ នោរអើយ ស្រីនោរ (Lady named “Yes or No” ) ជាមួយតារាចម្រៀងសម្ចាស់បទ “អូនអ៊ូក” គឺលោក កែវ សីហា ។ ពួកគេបានយកមក Remix ដើម្បីបង្កើតជាបទភ្លេងថ្មី។

សូមបញ្ជាក់ថា DELI-ZONE ជាក្រុមរាំច្រៀងដែលមានសមាជិកស្រី ៤នាក់ បង្កើតឡើងបានរយៈពេល៤ឆ្មាំហើយ។ ​​ក្រុមនេះមាន​មូលដ្ឋាន​នៅ​ Kyushu ប្រទេស​ជប៉ុន។ ដោយមានបទពីសោធលើវិស័យនេះច្រើនឆ្នាំ ទើបក្រុមពួកគេសម្រេចជ្រើសរើសយកប្រទេសកម្ពុជា ថតបទចម្រៀង MV លើកទី២ និងដើម្បីពង្រីកឱ្យពិភពលោកស្គាល់ពីក្រុមចម្រៀង DELI-ZONE ផងដែរ៕

ភ្នំពេញ ថ្ងៃទី 09 ខែសីហា ឆ្នាំ 2024 – ស្របពេលទីផ្សារអាកាសចរណ៍ពិភពលោកកំពុងប្រឈមនឹងការកង្វះខាត និងតម្រូវការធ្វើដំណើរកើនឡើង ក្រុមហ៊ុន Vietjet ត្រូវបានគេរំពឹងថានឹងដាក់ដំណើរការយន្តហោះម៉ាកថ្មី ដើម្បីដឹកភ្ញៀវធ្វើដំណើររហូតដល់ 10 គ្រឿបន្ថែមទៀតនៅចុងឆ្នាំ 2024។ ការពង្រីកនេះ នឹងជំរុញឱ្យក្រុមហ៊ុនអាកាសចរណ៍ Vietjet ក្លាយជាក្រុមហ៊ុនឈានមុខគេបន្ថែមទៀត នៅក្នុងវិស័យអាកាសចរណ៍។ កងនាវាអាកាសចរណ៍ដ៏ទំនើប ត្រូវបានដាក់ឱ្យដំណើរការស្របតាមគោលដៅអភិវឌ្ឍន៍ដ៏ល្អឥតខ្ចោះ ដើម្បីបង្កើនបទពិសោធន៍អ្នកដំណើរនៅលើបណ្តាញដ៏ធំទូលាយរបស់ខ្លួនទាំងផ្លូវហោះហើរក្នុងស្រុក និងអន្តរជាតិ។

ភាគច្រើននៃយន្តហោះថ្មីដែលគ្រោងនឹងដាក់ឱ្យដំណើរការចាប់ពីខែសីហា ឆ្នាំ 2024 គឺជាម៉ូដែល A321neo ACF (Airbus Cabin Flex) ចុងក្រោយបង្អស់របស់ក្រុមហ៊ុន Airbus ។ ក្នុងឆ្នាំ 2019 Vietjet គឺជាក្រុមហ៊ុនអាកាសចរណ៍ដំបូងគេរបស់ពិភពលោក ដែលដំណើរការយន្តហោះម៉ូដែល ACF។

A321neo ACF បំពាក់នូវកាប៊ីនដែលបានរចនាឡើងដ៏ទំនើប ទំហំកៅអីស្តង់ដារ និងកន្លែងធំទូលាយ ដែលផ្តល់នូវបទពិសោធន៍ល្អបំផុតសម្រាប់អ្នកដំណើរក្នុងការធ្វើដំណើរតាមយន្តហោះនេះ។ យន្តហោះទាំងនេះ ក៏ផ្តល់នូវការសន្សំសំចៃប្រេងយ៉ាងហោចណាស់ 16% កាត់បន្ថយសំលេងរំខានរហូតដល់ 75% និងមានការបំភាយឧស្ម័នតិចជាង 50%។

ថ្មីៗនេះ ក្រុមហ៊ុន Vietjet បានបញ្ជាទិញយន្តហោះប្រភេទ A330neo (A330-900) ជំនាន់ថ្មីចំនួន 20 គ្រឿង ពីក្រុមហ៊ុន Airbus ដែលមានតម្លៃ 7.4 ពាន់លានដុល្លារ។ ឆាប់ៗនេះ អ្នកធ្វើដំណើរនឹងអាចធ្វើដំណើរតាមយន្តហោះទាំងនេះ ក្នុងការធ្វើដំណើរផ្លូវឆ្ងាយប្រកបដោយសុវត្ថិភាព ផាសុកភាព និងបរិក្ខារទំនើបបំផុត។

បច្ចុប្បន្នក្រុមហ៊ុន Vietjet ប្រតិបត្តិការយន្តហោះជាង 100 គ្រឿង រួមទាំងយន្តហោះជំនាន់ថ្មីទំនើប និងសុវត្ថិភាពបំផុតនៅលើពិភពលោក ដូចជា A320, A321ceo, A321neo និង A321neo ACF, និង A330 ។ ក្រុមហ៊ុនអាកាសចរណ៍ Vietjet ប្តេជ្ញាការពារបរិស្ថាន និងការប្រើប្រាស់ប្រេងឥន្ធនៈប្រកបដោយប្រសិទ្ធភាព ដែលមានគោលដៅសម្រេចបាននូវអព្យាក្រិតនៃការបំភាយឧស្ម័នកាបូនត្រឹមឆ្នាំ 2050។ ក្រុមហ៊ុន Vietjet បានដឹកជញ្ជូនអ្នកដំណើរជាង 200 លាននាក់ រួមទាំងអ្នកធ្វើដំណើររាប់លាននាក់ដែលបានធ្វើដំណើរជាលើកដំបូង។

នៅក្នុងឆមាសទីមួយនៃឆ្នាំ 2024 ក្រុមហ៊ុន Vietjet បានផ្តល់សេវាដឹកអ្នកដំណើរចំនួន 13.1 លាននាក់ និងបានដំណើរការជើងហោះហើរប្រកបដោយសុវត្ថិភាពចំនួន 70,154។ ប្រាក់ចំណូលរួមរបស់ក្រុមហ៊ុនអាកាសចរណ៍ Vietjet មានចំនួនសរុប 34.016 ពាន់ពាន់លានដុង (ប្រហែល 1.35 ពាន់លានដុល្លារអាមេរិក) ជាមួយនឹងប្រាក់ចំណេញមុនការបង់ពន្ធរួមចំនួន 1.311 ពាន់ពាន់លានដុង (ប្រហែល 52 លានដុល្លារអាមេរិក) ដែលបានកើនឡើង 15% និង 433% ពីមួយឆ្នាំទៅមួយឆ្នាំ។ ប្រាក់ចំណេញបានលើសពីគោលដៅក្នុងឆមាសទីមួយនៃឆ្នាំ 2024 រហូតដល់ 21%។ ក្រុមហ៊ុន Vietjet បានបង់ពន្ធសរុបចំនួន 3.687 ពាន់ពាន់លានដុង (ប្រហែល 146.78 លានដុល្លារអាមេរិក) ទាំងថ្លៃសេវាផ្ទាល់ និងប្រយោល។

ជាមួយនឹងយន្តហោះថ្មីចំនួន 10 គ្រឿងនឹងមកដល់ក្នុងឆមាសទីពីរនៃឆ្នាំ 2024 ក្រុមហ៊ុន Vietjet នឹងបន្តពង្រីកបណ្តាញរបស់ខ្លួនទាំងនៅក្នុងប្រទេសវៀតណាម និងអន្តរជាតិ បន្ទាប់ពីបានបន្ថែមគោលដៅថ្មីនៅក្នុងប្រទេសអូស្ត្រាលី ឥណ្ឌា ចិន ជប៉ុន កូរ៉េខាងត្បូង ឥណ្ឌូនេស៊ី ថៃ សិង្ហបុរី ម៉ាឡេស៊ី ឡាវ កម្ពុជា និងប្រទេសជាច្រើនទៀត។ តាមរយៈការផ្តល់ជូននូវសេវាដោយបុគ្គលិកដែលមានជំនាញវិជ្ជាជីវៈ និងឧស្សាហ៍ព្យាយាមរបស់ក្រុមហ៊ុនអាកាសចរណ៍ ការបន្ថែមដាក់ដំណើរការបន្ថែមយន្តហោះថ្មីនេះ ត្រូវបានគេរំពឹងថានឹងអាចបំពេញតាមតម្រូវការធ្វើដំណើររបស់អ្នកដំណើរបានល្អប្រសើរឡើង និងផ្តល់ជូននូវបទពិសោធន៍ធ្វើដំណើរដ៏ល្អឥតខ្ចោះ។ ជើងហោះហើរប្រកបដោយសុវត្ថិភាពរបស់ក្រុមហ៊ុន Vietjet បាននិងកំពុងតភ្ជាប់ប្រទេស វប្បធម៌ និងទ្វីបនានា ជំរុញការអភិវឌ្ឍន៍សេដ្ឋកិច្ច ការផ្លាស់ប្តូរវប្បធម៌ និងទេសចរណ៍។

បច្ចុប្បន្ន Vietjet កំពុងដំណើរការជើងហោះហើរត្រង់រវាងខេត្តសៀមរាបនៃប្រទេសកម្ពុជា និងទីក្រុងហាណូយនៃប្រទេសវៀតណាម​ ឥឡូវនេះ អ្នកដំណើរពីប្រទេសកម្ពុជាអាចតភ្ជាប់ការធ្វើដំណើរបន្តទៅគោលដៅផ្សេងៗជាច្រើនទៀតជាមួយនឹងបណ្តាញជើងហោះហើរអន្តរជាតិដ៏ធំទូលាយរបស់ Vietjet។

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (ATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

ថ្មីៗនេះ ក្រុមហ៊ុន សាមសុង បានធ្វើការបញ្ចេញផលិតផលអេឡិកត្រូនិករបស់ខ្លួនជាច្រើន ក្នុងនោះសុទ្ធសឹងតែជាផលិតផលដែលបំពាក់ដោយកំពូលមុខងារ AI ដ៏ទំនើបឆ្លាតវៃ។

ហើយស្របពេលសន្ទុះនៃការគាំទ្រពីអតិថិជនមានការកើនឡើងខ្លាំង ក្រុមហ៊ុន សាមសុង ក៏សម្រេចចិត្តបើកទីតាំង Showroom ជាថ្មី ដែលត្រូវបានដាក់សម្ពោធជាផ្លូវការនៅថ្ងៃទី៨ សីហា ឆ្នាំ២០២៤ ដែលមានទីតាំងនៅតាមបណ្ដោយមហាវិថីព្រះមុនីវង្ស ជាប់នឹងគល់ស្ពានអាកាសបឹងត្របែក ដោយមានការចូលរួមយ៉ាងច្រើនកុះករពីសំណាក់ភ្ញៀវកិត្តិយស ព្រមទាំងអ្នកជំនាញ Review ផលិតផលអេឡិកត្រូនិកជាច្រើនរូបទៀតផង។

មិនតែប៉ុណ្ណោះ អតិថិជនយ៉ាងច្រើនកុះករបានចូលរួមទស្សនា ក៏ដូចជាធ្វើការតេស្តផ្ទាល់នូវបច្ចេកវិទ្យា AI ជំនាន់ថ្មីចុងក្រោយដែលបំពាក់លើផលិតផលអេឡិកត្រូនិករបស់ សាមសុង។

ទីតាំង Showroom ថ្មីនេះ មានការដាក់តាំងគ្រប់ផលិតផលអេឡិកត្រូនិកទាំងអស់របស់ សាមសុង ដែលមានដូចជា ទូរទស្សន៍ ទូទឹកកក ម៉ាស៊ីនបោកសម្លៀកបំពាក់ស៊េរីថ្មី ម៉ាស៊ីនត្រជាក់ ម៉ូនីទ័រ ជាពិសេស ក៏មានជាប្រភេទគ្រឿងបរិក្ខារទំនើបៗជាច្រើន សម្រាប់បំពាក់ក្នុងអគារពាណិជ្ជកម្ម ដូចជា ម៉ាស៊ីនត្រជាក់គ្រប់ប្រភេទ (Aircon System Solution), ទូរទស្សន៍សម្រាប់បំពាក់ក្នុងសណ្ឋាគារ (Hotel TV Solution), ស្លាកសញ្ញាឌីជីថល (Digital Signage Solution) ។ល។

គួរបញ្ជាក់ផងដែរថា ទីតាំង ហាងទំនើបសាមសុង (Samsung Multi Store) ក៏មានវត្តមាននៅលើទឹកដី ខេត្តសៀមរាប ផងដែរ ដូច្នេះអតិថិជនក៏អាចទៅធ្វើការតេស្តសាកល្បងផលិតផលគ្រប់ប្រភេទរបស់ សាមសុង បានផងដែរ។

បើយោងតាមលោក Hyung Geun Lee អគ្គនាយកគ្រប់គ្រង សាខាក្រុមហ៊ុន ថៃសាមសុងអេឡិកត្រូនិក ប្រចាំប្រទេសកម្ពុជា បានមានប្រសាសន៍បន្ថែមដែរថា “ការគាំទ្ររបស់អតិថិជនជាទីស្រលាញ់ទាំងអស់បានធ្វើឱ្យក្រុមហ៊ុនសាមសុង រីកចម្រើនខ្លាំងឈានមកដល់ចំណុចនេះ ហើយតំណាងឱ្យក្រុមហ៊ុន សាមសុង សូមថ្លែងអំណរគុណយ៉ាងជ្រាលជ្រៅបំផុត ជាពិសេស ដល់ដៃគូសហការ តំណាងចែកចាយតូចធំ នៅទូទាំងប្រទេសកម្ពុជា ដែលតែងតែជឿជាក់ និងគាំទ្រឥតងាករេ។ ហើយគោលបំណងនៃការបើកសម្ពោធទីតាំង Showroom ថ្មី នេះ គឺដើម្បីផ្ដល់ភាពងាយស្រួលដល់អតិថិជនក្នុងការស្វែងរកផលិតផលរបស់ សាមសុង ក៏ដូចជាមកទស្សនា និងធ្វើការតេស្តផ្ទាល់បានគ្រប់ផលិតផលអេឡិកត្រូនិកសាមសុង AI ដ៏ឆ្លាតវៃផងដែរ។”

ក្រុមហ៊ុន សាមសុង ធ្វើឱ្យការរស់នៅរបស់លោកអ្នកឱ្យកាន់តែប្រសើរឡើង និងរីករាយជាមួយផលិតផលរបស់ សាមសុង ដែលបំពាក់មកជាមួយនូវកំពូលបច្ចេកវិទ្យា AI ដ៏ទំនើប ទាន់សម័យបំផុត។

សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្តដោយផ្ទាល់ដៃនៅតាមហាងទំនើបសាមសុងដែលមានទីតាំងដូចខាងក្រោម:

-អគារលេខ 839C មហាវិថីព្រះមុនីវង្ស (ផ្លូវ93) សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ
-ផ្ទះលេខ503 ផ្លូវស៊ីវុត្ថា សង្កាត់ស្វាយដង្គំ ក្រុងសៀមរាប ខេត្តសៀមរាប

ឬ ក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

បេសកកម្មរបស់ក្រុមហ៊ុន TikTok ក្នុងការបំផុសគំនិតច្នៃប្រឌិត និងនាំមកនូវភាពរីករាយជាមួយនឹងមុខងារសុវត្ថិភាពដែលបន្តកើនឡើងឥតឈប់ឈរគឺកំពុងដំណើរការយ៉ាងល្អនៅក្នុងប្រទេសកម្ពុជា ខណៈដែលភ្លេតហ្វមនេះកំពុងបន្តរីកចម្រើន។

ភ្លេតហ្វម TikTok ជាគោលដៅឈានមុខគេសម្រាប់វីដេអូទម្រង់ខ្លីដែលប្រភេទវីដេអូនេះកំពុងបន្តមានការប្រើប្រាស់ និងក្រុមអ្នកប្រើប្រាស់ជាច្រើនក្រុមនៅប្រទេសកម្ពុជា។ អ្នកប្រើប្រាស់ក្នុងប្រទេសកម្ពុជាត្រូវបានទាក់ទាញកាន់តែខ្លាំងឡើងចំពោះមាតិការប្រកបដោយភាពច្នៃប្រឌិត និងប្លែកពីគេរបស់ TikTok និងមុខងារសុវត្ថិភាពដែលផលិតឡើងតាមតម្រូវការរបស់ភ្លេតហ្វមដែលលើកកម្ពស់បទពិសោធន៍សុវត្ថិភាពគួរឱ្យទុកចិត្ត និងរស់រវើកសម្រាប់អ្នកប្រើប្រាស់ទាំងអស់។

ភ្លេតហ្វមនេះផ្តោតសំខាន់ទៅលើសុវត្ថិភាពរបស់អ្នកប្រើប្រាស់ ដូច្នេះថ្មីៗនេះ ភ្លេតហ្វម TikTok បានធ្វើបច្ចុប្បន្នភាពបទប្បញ្ញត្តិព័ត៌មាននៅលើគេហទំព័រគោលការណ៍ណែនាំសហគមន៍របស់ខ្លួន។ ការធ្វើបច្ចុប្បន្នភាពទាំងនេះត្រូវបានរៀបចំឡើងដើម្បីបង្កើនភាពច្បាស់លាស់ ហើយគោលការណ៍ណែនាំដែលបានកែសម្រួលបានដោះស្រាយទិដ្ឋភាពផ្សេងៗនៃការផ្សព្វផ្សាយព័ត៌មាន រួមទាំងការហាមឃាត់ព័ត៌មានមិនពិត និងការការពារភាពឯកជនរបស់អ្នកប្រើប្រាស់។

កាលពីមុន អ្នកប្រើប្រាស់ភ្លេតហ្វមនេះមានក្រុមយុវជន និងយុវវ័យអាយុប្រមាណជាង ២០ ឆ្នាំ ប៉ុន្តែភ្លេតហ្វមមួយនេះបានពង្រីកប្រជាសាស្រ្តអ្នកប្រើប្រាស់របស់ខ្លួនដើម្បីរួមបញ្ចូលក្រុម Millenials ដែលមានអាយុ ២៨ ដល់ ៤៣ ឆ្នាំ និងក្រុម Gen X ដែលមានអាយុ ៤៤ ដល់ ៥៩។ ឥឡូវនេះ អាណាព្យាបាលនៅប្រទេសកម្ពុជាបានដឹងថា ពួកគេក៏ត្រូវយល់អំពីរឿងរ៉ាវដែលកំពុងកើតឡើងនៅលើភ្លេតហ្វម TikTok ដើម្បីមានទំនាក់ទំនងជាមួយកូនៗរបស់ពួកគេដែលមានអាយុពី ១៣ ឆ្នាំឡើងទៅ (អ្នកប្រើប្រាស់ TikTok ទាំងអស់ត្រូវមានអាយុលើសពី ១៣ ឆ្នាំ)។

នៅក្នុងយុទ្ធនាការថ្មីៗនេះរបស់ក្រុមហ៊ុនក្នុងស្រុកដ៏ធំមួយ អ្នកបង្កើតមាតិកា TikTok បានបង្ហាញឱ្យឃើញពីទំនាក់ទំនងរបស់ពួកគេជាមួយឪពុកម្តាយរបស់ពួកគេ។ ការសន្ទនាជាមួយឪពុកម្តាយរបស់ពួកគេបានបញ្ជាក់យ៉ាងច្បាស់ថាអាណាព្យាបាលក៏កំពុងប្រើភ្លេតហ្វម TikTok ដើម្បីយល់ពីសកម្មភាពនិងចំណាប់អារម្មណ៍របស់កូនៗរបស់ពួកគេដែរ។

អ្នកនាំពាក្យរបស់ក្រុមហ៊ុន TikTok បាននិយាយថា៖ «អ្នកបង្កើតមាតិកាមានតួនាទីជាមូលដ្ឋានក្នុងការជួយរក្សាបរិយាកាសសុវត្ថិភាព និងការកម្សាន្តសម្រាប់មនុស្សគ្រប់គ្នានៅលើភ្លេតហ្វម TikTok ។ យើងផ្តោតលើការផ្តល់សិទ្ធិអំណាចដល់អ្នកប្រើប្រាស់ជាមួយនឹងព័ត៌មានអំពីគោលការណ៍ និងមុខងាររបស់យើង។ ដូច្នេះពួកគេអាចបង្ហាញពីខ្លួនឯងដោយសុវត្ថិភាព ហើយភ្ជាប់ទំនាក់ទំនងជាមួយអ្នកដទៃនៅលើភ្លេតហ្វមនេះ។ យើងជឿថាការរួមចំណែកជាផ្នែកមួយនៃកម្មវិធីទាំងនេះគឺជាឱកាសដែលភ្ជាប់មកជាមួយនូវទំនួលខុសត្រូវបន្ថែម ហើយនេះក៏នឹងជួយផ្តល់ឱ្យអ្នកបង្កើតមាតិកានូវការធានាបន្ថែមថា អ្នកចូលរួមផ្សេងទៀតកំពុងប្រើប្រាស់ភ្លេតហ្វមតាមស្តង់ដារទាំងនេះផងដែរ។ យើងនឹងបន្តផ្តោតទៅល់ការជួយសហគមន៍របស់យើង និងជាពិសេសអ្នកបង្កើតមាតិការបស់យើងឲ្យយល់កាន់តែច្បាស់អំពីគោលការណ៍របស់យើងដើម្បីផ្តល់នូវបទពិសោធន៍សុវត្ថិភាពសម្រាប់មនុស្សជាងមួយពាន់លាននាក់នៅលើភ្លេតហ្វម TikTok»។

ក្រុមហ៊ុនល្បីៗជាច្រើនរបស់ប្រទេសកម្ពុជាឥឡូវនេះកំពុងប្រើប្រាស់អ្នកផលិតមាតិកា TikTok ដើម្បីផ្សព្វផ្សាយផលិតផលរបស់ពួកគេតាមរយៈយុទ្ធនាការអនឡាញ។ ក្រុមហ៊ុនទាំងនេះកំពុងយល់ថា ទីផ្សារនៅលើ TikTok គឺខុសពីការផ្សាយពាណិជ្ជកម្មបែបប្រពៃណីគឺត្រូវតែមានភាពច្នៃប្រឌិត និងទាក់ទាញបន្ថែមទៀតដើម្បីទាក់ទាញអ្នកប្រើប្រាស់ TikTok ។

ការកើនឡើងនៃការប្រើប្រាស់ភ្លេតហ្វមនេះគឺក្រោយពីក្រុមហ៊ុននេះចូលរួមឧបត្ថម្ភព្រឹត្តការណ៍ SEA GAMES លើកទី ៣២ ក្នុងឆ្នាំ២០២៣។

កាលពីឆ្នាំ ២០២៣ អ្នកគាំទ្រកីឡាក្នុងតំបន់រាប់លាននាក់បានពឹងផ្អែកលើភ្លេតហ្វម TikTok ដើម្បីបន្តទំនាក់ទំនងជាមួយកម្ពុជាធ្វើជាម្ចាស់ផ្ទះនៃព្រឹត្តិការណ៍ SEA GAMES លើកទី ៣២ និង ASEAN PARA GAMES លើកទី ១២ ដែលពង្រីកវិសាលភាពនៃទស្សនីយភាពកីឡានៅទូទាំងពិភពលោក។

យោងតាមទិន្នន័យដែលផ្តល់ដោយ TikTok hashtag ផ្លូវការ #SEAGames2023 ទទួលបានការចូលមើលជាង ២៧ ពាន់លានដង។ ប្រកាសសរុបក្រោម hashtag #SEAGames2023 មានចំនួនជាង ២ លាន។

នៅពេលដែល TikTok បន្តវិវឌ្ឍ និងសម្របខ្លួនទៅនឹងទិដ្ឋភាពឌីជីថលដែលផ្លាស់ប្តូរជានិច្ច ការយកចិត្តទុកដាក់របស់ខ្លួនចំពោះសុវត្ថិភាព និងសុខុមាលភាពនឹងនៅតែមានស្ថិរភាពដោយធានាថាអ្នកប្រើប្រាស់នៅក្នុងប្រទេសកម្ពុជា និងជុំវិញពិភពលោកអាចទទួលបានបទពិសោធន៍វិជ្ជមាន និងសម្បូរបែបនៅលើភ្លេតហ្វមនេះ។

សម្រាប់ការសាកសួរព័ត៌មាន និងព័ត៌មានបន្ថែម សូមទាក់ទងការិយាល័យសារព័ត៌មានរបស់ TikTok ។

ភ្នំពេញ ថ្ងៃទី 8 ខែសីហា ឆ្នាំ 2024 – ក្រុមហ៊ុន Vietjet ផ្តល់ជូននូវប្រូម៉ូសិនពិសេសសម្រាប់ភ្ញៀវធ្វើដំណើរក្សម្រាប់ការធ្វើដំណើរដែលមានការបញ្ចុះតម្លៃសំបុត្ររហូតដល់ 30% សម្រាប់ការកក់សំបុត្រសម្រាប់ដំណើរធុរកិច្ច (Business) និង SkyBoss (*)។

ការផ្តល់ជូនពិសេសនេះ ត្រូវបានអនុវត្តសម្រាប់បណ្តាញជើងហោះហើរទាំងអស់របស់ Vietjet ដែលកក់សំបុត្រតាម www.vietjetair.com, កម្មវិធីទូរស័ព្ទ Vietjet Air, ការិយាល័យកក់សំបុត្រ និងភ្នាក់ងារលក់សំបុត្រផ្លូវការទូទាំងពិភពលោក។ សំបុត្រត្រូវតែទិញមុនថ្ងៃទី 11 ខែសីហា ឆ្នាំ 2024 សម្រាប់ការធ្វើដំណើរចន្លោះពីថ្ងៃទី 19 ខែសីហា ដល់ថ្ងៃទី 30 ខែវិច្ឆិកា ឆ្នាំ 2024។

សម្រាប់ភ្ញៀវវដែលចូលចិត្តធ្វើដំណើរច្រើន ហើយចង់សន្សំប្រាក់បានកាន់តែច្រើននោះ ការលក់សំបុត្រ Double Day របស់ក្រុមហ៊ុន Vietjet កំពុងផ្តល់ជូនការបញ្ចុះតម្លៃសំបុត្រពិសេសរហូតដល់ 88% នៃតម្លៃសំបុត្រអេកូ (economic) (*)។ ការលក់សំបុត្របញ្ចុះតម្លៃនេះ អាចប្រើបានតែ 24 ម៉ោងប៉ុណ្ណោះ ចាប់ពីម៉ោង 00:00 ថ្ងៃទី 8 ខែសីហា ឆ្នាំ 2024 (GMT+7)។ ភ្ញៀវអាចប្រើលេខកូដប្រូម៉ូសិន “VJ88” សម្រាប់ការកក់សំបុត្រនៅលើគេហទំព័រ និងកម្មវិធីទូរស័ព្ទ Vietjet Air សម្រាប់ការធ្វើដំណើរចាប់ពីថ្ងៃទី 4 ខែកញ្ញា ឆ្នាំ 2024 រហូតដល់ថ្ងៃទី 22 ខែឧសភា ឆ្នាំ 2025 (**)។

ភ្ញៀវធ្វើដំណើរបែបធុរកិច្ច (Business) និង SkyBoss ពីសៀមរាបទៅហាណូយ អាចទាញយកអត្ថប្រយោជន៍ពីប្រូម៉ូសិនពិសេសក្នុងអំឡុងពេលនេះបាន។

ក្រុមហ៊ុន Vietjet បានបន្ថែមផ្លូវហោះហើរ សៀមរាប-ហាណូយ កាលពីឆ្នាំមុន ដែលផ្តល់នូវភាពងាយស្រួលក្នុងការធ្វើដំណើរទៅកាន់គោលដៅទេសចរណ៍សំខាន់ៗរបស់អាស៊ី ដូចជា ខេត្តសៀមរាបរបស់ប្រទេសកម្ពុជា និងរដ្ឋធានីហាណូយរបស់វៀតណាម។

សេវាកម្មធុរកិច្ចរបស់ Vietjet គឺជាជម្រើសចម្បងសម្រាប់អ្នកធ្វើដំណើរតាមជើងហោះហើរឆ្ងាយទៅមកពីប្រទេសឥណ្ឌា អូស្ត្រាលី និងផ្លូវហោះហើរជាច្រើនផ្សេងទៀត ដែលផ្តល់សេវាដឹកអ្នកដំណើរតាមយន្តហោះទំនើប A330 មានតួធំទូលាយ បំពាក់ដោយកាប៊ីន និងកៅអីរាបស្មើល្អ។ អ្នកដំណើរអាចភ្លក់រសជាតិអាហារឆ្ងាញ់ៗជាច្រើនមុខ រួមមាន ហ្វឺ បុងបរវេរ  បាញ់មីវៀតណាម មាន់ដុតទឹកជ្រលក់ ប្រហិតបាសា បាយមាន់ បាយត្រី និងនំបុ័ងប៉ារ៉ាតា ហើយថែមទាំងមានស្រា តែ កាហ្វេ និងស្រាក្រឡុកជាច្រើ​នមុខទៀតផង។

ភ្ញៀវធ្វើដំណើរ ក៏អាចរីករាយជាមួយនឹងអត្ថប្រយោជន៍នៃសេវាកម្ម SkyBoss របស់ Vietjet ដែលមាននៅគ្រប់ជើងហោះហើរទាំងអស់របស់ Vietjet ទៀតផង។ កញ្ចប់សេវា SkyBoss ផ្តល់ជូននូវសេវាកម្មលំដាប់ខ្ពស់ជាមួយនឹងកញ្ចប់សេវារួមបញ្ចូលទាំងអស់ដែលអាចបត់បែនបាន កន្លែងសម្រាកដ៏ប្រណិត ដាក់ឥវ៉ាន់បានរហូតដល់ 50 គីឡូក្រាម ទទួលទានអាហារក្នុងយន្តហោះប្រកបដោយផាសុកភាព និងមានសេវាអាទិភាពផ្សេងជាច្រើនទៀត។ កញ្ចប់សេវា SkyBoss របស់ Vietjet ផ្តល់ជូននូវភាពងាយស្រួល និងផាសុខភាព ដែលធ្វើឱ្យវាក្លាយជាជម្រើសដំល្អបំផុតសម្រាប់អ្នកធ្វើដំណើរ។

ខ្សែទូរស័ព្ទអាទិភាព (+84) 1900 6896 និងអ៊ីមែល 19006896@vietjetair.com សម្រាប់ទាក់ទងបន្ទាន់ ជួយសម្រួលដល់ភ្ញៀវធ្វើដំណើរបែបធុរកិច្ច (Business) និង SkyBoss ដោយធានាបាននូវការធ្វើដំណើរប្រកបដោយសុវត្ថិភាព និងរលូនតាមផ្លូវហោះហើរជាង 168+ របស់ Vietjet។

ការផ្តល់ជូនប្រូម៉ូសិនទាំងនេះ ផ្តល់ឱកាសដ៏ល្អសម្រាប់ភ្ញៀវធ្វើដំណើរ ដើម្បីទទួលបានភាពរីករាយជាមួយបទពិសោធន៍ធ្វើដំណើរដោយមិនមានការរំខានជាមួយនឹងតម្លៃសំបុត្រសមរម្យ ដែលអាចធ្វើដំណើរទៅដល់គោលដៅសំខាន់ៗក្នុងប្រទេសវៀតណាមជាច្រើន ដូចជា ទីក្រុងហូជីមិញ ហាណូយ ហ៊ូ ដាណាង ញ៉ាត្រាង និងកោះភូកុក (មិនត្រូវឱ្យមានទិដ្ឋាការ) ជាដើម។ ការតភ្ជាប់ផ្លូវហោះហើរទៅកាន់បណ្តាប្រទេសអាស៊ីអាគ្នេយ៍ និងផ្លូវហោះហើរផ្សេងទៀតត្រូវបានដំណើរការ ដោយសារការពង្រីកបណ្តាញជើងហោះហើរអន្តរជាតិនានារបស់ក្រុមហ៊ុន Vietjet។

Vietjet ផ្តល់ជូននូវបទពិសោធន៍ធ្វើដំណើរដ៏ពិសេសជាមួយនឹងយន្តហោះទំនើប ដែលមិនប៉ះពាល់ដល់បរិស្ថាន ហើយមានបុគ្គលិកចាំផ្តល់សេវាប្រកបដោយវិជ្ជាជីវៈ។ ភ្ញៀវធំដំណើរទាំងអស់ ក៏អាចទទួលបានអត្ថប្រយោជន៍ពីការធានារ៉ាប់រងពី Sky Care ដោយឥតគិតថ្លៃ និងអាចមានឱកាសទទួលបានរង្វាន់ជាច្រើន តាមរយៈកម្មវិធីភក្ដីភាពរបស់ Vietjet SkyJoy ផងដែរ។

(*) មិនរាប់បញ្ចូលពន្ធ និងថ្លៃសេវា។ លក្ខខណ្ឌតម្រូវ

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (ATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com