DAP Business

ឡូយអស់ស្ទះ! ជាមួយម៉ាស៊ីនបោក និងសម្ងួតទ្វារចំហៀង AI ជំនាន់ថ្មីរបស់សាមសុង!

event

bora.chhouk@gmail.com

-

July 29, 2024

ឡូយអស់ស្ទះ! ជាមួយម៉ាស៊ីនបោក និងសម្ងួតទ្វារចំហៀង AI ជំនាន់ថ្មីរបស់សាមសុង!

លើកនេះ បើមិនថ្មី…មិនប្លែក…មិនអស្ចារ្យ…មិនមែនសាមសុង នោះទេ! ដូចនេះ ត្រូវតាមឱ្យទាន់សម័យបច្ចេកវិទ្យាឆ្លាតវៃ AI…! ហើយថ្មីៗនេះ ក្រុមហ៊ុន សាមសុង បាន ប្រកាសបញ្ចេញផលិតផលថ្មីៗជាច្រើន ដែលបំពាក់ជាមួយមុខងារ AI មានដូចជា៖ ម៉ាស៊ីនបោកសម្លៀកបំពាក់ ទូទឹកកក ទូរទស្សន៏ និងម៉ាស៊ីនត្រជាក់ផងដែរ។

ជាក់ស្ដែងសាមសុង បានរៀបចំពិធីសម្ពោធ “ការរស់នៅតាមបែបយុគសម័យថ្មី ជាមួយសាមសុង AI” និងពិធីស្វាគមន៍ កញ្ញា ស៊ីន យូប៊ីន ជាអ្នកតំណាងផលិតផលអេឡិកត្រូនិក របស់សាមសុង ផងដែរ។ ក្នុងនោះដែរ មានការអញ្ចើញចូលរូមយ៉ាងអធិកអធម ពីសំណាក់គណៈគ្រប់គ្រងរបស់ ក្រុមហ៊ុនសាមសុង អាជីវករបោះដុំ និងលក់រាយគ្រឿងបរិក្ខារអេឡិកត្រូនិកសាមសុង ទូទាំងប្រទេស និងអ្នកសារព័ត៌មានមកពីច្រើនស្ថាប័ន ក្រោមបរិយាកាសដ៏រំភើបរីករាយ និងក្តីសោមនស្សរីករាយ និងស្រស់ស្រាយបំផុតដែលមិនអាច បំភ្លេចបាននៅសណ្ឋាគារ សាន់ & មូន រីវើសាយ រាជធានីភ្នំពេញ។

ទន្ទឹមនឹងកម្មវិធីដ៏សប្បាយរីករាយនេះ ក្រុមហ៊ុន សាមសុង បានធ្វើការប្រកាសបញ្ចេញនូវម៉ាស៊ីនបោក និងសម្ងួតទ្វារចំហៀងជំនាន់ថ្មី ដែលបានបន្ថែមមុខងារ AI ឆ្លាតវៃ ដែលបង្កើនភាពងាយស្រួលដល់អ្នកប្រើប្រាស់ បោកសម្អាតបានស្អាត ក្លិនក្រអូបជាប់បានយូរ សន្សំសំចៃទឹកភ្លើងបានច្រើន និងចំណេញពេលវេលាថែមទៀតផង។

ហើយទាំងនេះ គឺជាមុខងារដ៏ល្អឥតខ្ចោះ ថ្មីសន្លាងមិនធ្លាប់មានដែលបំពាក់លើម៉ាស៊ីនបោក និងសម្ងួតទ្វារចំហៀង Samsung AI ជំនាន់ថ្មី៖

1.មុខងារ AI Wash & Dry:

+បំពាក់មុខងារ Sensor ពិសេសៗដូចជា:
-Sensor ថ្លឹងទម្ងន់សម្លៀកបំពាក់
-Sensor វាស់កម្រិតទឹក
-Sensor ឆែកមើលប្រភេទសាច់ក្រណាត់
-Sensor ចាប់យកចំណុចប្រឡាក់របស់ខោអាវ
-Sensor វាស់កម្រិតសាប៊ូទឹក
-Sensor គណនាភាពសើមរបស់សម្លៀកបំពាក់

2.មុខងារ AI EcoBubble:

-បំបែកពពុះសាប៊ូច្រើនជាងមុន និងកម្ចាត់ជាតិកខ្វក់បានស្អាតជាងមុនដល់ 24%
-សន្សំសំចៃភ្លើងដល់ទៅ 70% និងរក្សាសាច់ក្រណាត់បានល្អជាងមុនដល់ទៅ 45.5%

3.មុខងារ Auto Dispense:

-ប្រព័ន្ធគណនាធ្វើការកំណត់ទឹកសាប៊ូ និងទឹកក្រអូបដោយស័្វយប្រវត្តិប្រើប្រាស់ បានរហូតដល់រយ:ពេល 1ខែ

4.មុខងារ Quick Drive:

-បោកសម្លៀកបំពាក់បានលឿនជាងមុន និងកាត់បន្ថយពេលវេលាដល់ 50%
-ល្បឿនបង្វិលធុងលឿន កម្លាំងទឹកខ្លាំង
-បង្កើតពពុះសាប៊ូកាន់តែច្រើន និងបោកជ្រះស្អាតល្អ

5.មុខងារ Digital Inverter Technology

-ម៉ូទ័រ Digital Inverter មានភាពធន់ខ្ពស់
-សន្សំសំចៃភ្លើង សំឡេងស្ងាត់ និងធានារហូតដល់ 20ឆ្នាំ

អ្វីដែលកាន់តែពិសេស បំពាក់មកជាមួយមុខងារ SmartThings នៅលើស្មាតហ្វូន អាចត្រួតពិនិត្យ និងគ្រប់គ្រងម៉ាស៊ីនពីចម្ងាយបានគ្រប់ពេល គ្រប់ទីកន្លែង។

ឆ្លៀតក្នុងឱកាសនេះផងដែរ លោក Hyung Geun Lee អគ្គនាយកគ្រប់គ្រង សាខាក្រុមហ៊ុនថៃសាមសុងអេឡិកត្រូនិក ប្រចាំប្រទេសកម្ពុជា បានមានប្រសាសន៍បន្ថែមដែរថា “យើងជឿជាក់យ៉ាងមុតមាំថា តាមរយៈការបញ្ចេញម៉ាស៊ីនបោកសម្លៀកបំពាក់ Samsung AI ជំនាន់ថ្មីរបស់យើងនេះ នឹងជួយលើកកម្ពស់ការរស់នៅ និងផ្ដល់ភាពងាយស្រួល ធ្វើឱ្យអ្នកប្រើប្រាស់ទទួលបានបទពិសោធន៍ដ៏អស្ចារ្យមិនធ្លាប់មាន នៃការប្រើប្រាស់បច្ចេកវិទ្យា AI ថ្មីដ៏ឆ្លាតវៃ។ ឆ្លៀតក្នុងឱកាសនេះ ក៏សូមថ្លែងអំណរគុណចំពោះភាពស្មោះស្ម័គ្រ និងភាពជឿជាក់របស់បណ្ដាដៃគូពាណិកម្ម ម្ចាស់អាជីវកម្ម និងតំណាងចែកចាយ បោះដុំ និងលក់រាយទាំងអស់ ហើយភាពជោគជ័យនៅថ្ងៃនេះ គឺបានមកពីការគាំទ្ររបស់អស់លោកលោកស្រី ជាពិសេស អតិថិជនជាទីស្រលាញ់របស់សាមសុង”។

ជាចុងបញ្ចប់ ក្រុមហ៊ុនសាមសុង ប្ដេជ្ញាបន្តខិតខំដុសខាត់សមត្ថភាព ឱ្យកាន់តែខ្លាំងបន្ថែមទៀតលើការ ផលិតគ្រប់ផលិតផលរបស់ខ្លួន ធ្វើយ៉ាងណាឱ្យអតិថិជន ព្រមទាំងអាជីវករទាំងអស់ទទួលនូវបទពិសោធន៍ថ្មីៗ ភាពទាន់សម័យដែលមិនធ្លាប់មាន នៅក្នុងការប្រើប្រាស់ប្រចាំថ្ងៃដ៏សម្បូរបែប ពីផលិតផលរបស់សាមសុង។

សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្តដោយផ្ទាល់ដៃនៅតាមហាងទំនើប ចែកចាយផលិតផលសាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬ ក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

៣០ឆ្នាំនៃការធ្វើឲ្យប្រទេសកម្ពុជា កាន់តែប្រសើរ៖ ការប្តេជ្ញាចិត្តរបស់ក្រុមហ៊ុន HEINEKEN ចំពោះនិរន្តរភាព

ព័ត៌មានហាងឆេងមាស

bora.chhouk@gmail.com

-

July 29, 2024

0

៣០ឆ្នាំនៃការធ្វើឲ្យប្រទេសកម្ពុជា កាន់តែប្រសើរ៖ ការប្តេជ្ញាចិត្តរបស់ក្រុមហ៊ុន HEINEKEN ចំពោះនិរន្តរភាព

ភាគទី ៣៖ ការប្រើប្រាស់ប្រកបដោយការទទួលខុសត្រូវ

ក្រុមហ៊ុន ហ៊ិននីគែន ខេមបូឌា គឺលើសពីក្រុមហ៊ុនផលិតស្រាបៀរ។ ក្រុមហ៊ុននេះជាកម្លាំងសម្រាប់ការផ្លាស់ប្តូរជាវិជ្ជមាន ដែលជាកាតាលីករសម្រាប់វឌ្ឍនភាព និងជាក្រុមហ៊ុនដែលជំរុញយ៉ាងខ្លាំងដោយគុណតម្លៃរបស់ខ្លួន។ ជាមួយនឹងការប្តេជ្ញាចិត្តចំពោះនិរន្តរភាព ក្រុមហ៊ុន ហ៊ិននីគែន ខេមបូឌា ត្រូវបានដឹកនាំដោយគោលបំណងរបស់ខ្លួនក្នុងការបង្កើតភាពរីករាយនៃការរួមគ្នាពិតប្រាកដដើម្បីធ្វើឱ្យពិភពលោកឱ្យកាន់តែប្រសើរ។ សម្រាប់ក្រុមហ៊ុនស្រាបៀរអន្តរជាតិនេះ ដែលបានឈរជើងនៅក្នុងប្រទេសកម្ពុជាជាយូរមកហើយ និងបានកំពុងប្រារព្ធខួប ៣០ ឆ្នាំចំពោះការធ្វើប្រតិបត្តិការរបស់ខ្លួននៅក្នុងប្រទេសកម្ពុជាចាប់តាំងពីឆ្នាំ ១៩៩៤ មក ទំនួលខុសត្រូវសង្គមរបស់សាជីវកម្មនេះ គឺលើសពីពាក្យស្លោកដែលក្រុមហ៊ុនបានលើកឡើង ដោយក្រុមហ៊ុននេះប្រាកដថាសកម្មភាពនិរន្តរភាពត្រូវបានបង្កប់នៅគ្រប់ប្រតិបត្តិការរបស់ខ្លួន។ ក្នុងអត្ថបទជាបន្តបន្ទាប់ចំនួនបីភាគនេះ ក្រុមហ៊ុន ហ៊ិននីគែន ខេមបូឌា នឹងបង្ហាញប្រជាជនកម្ពុជាអំពីសកម្មភាពនៃនិរន្តរភាពរបស់ក្រុមហ៊ុន ចាប់តាំងពីថ្ងៃប្រតិបត្តិការដំបូងរហូតមកដល់ពេលបច្ចុប្បន្ននេះ។

លោកស្រី Anne de Graaf នាយកកិច្ចការសាជីវកម្មនៃ ក្រុមហ៊ុន ហ៊ិននីគែន ខេមបូឌា បានមានប្រសាសន៍ថា មហិច្ឆតាក្នុងការ «ធ្វើឱ្យពិភពលោកកាន់តែប្រសើរ» របស់ក្រុមហ៊ុន HEINEKEN គឺផ្អែកលើយុទ្ធសាស្រ្តនិរន្តរភាពដែលមានបំណងផ្តល់ផលវិជ្ជមានលើបរិស្ថាន និរន្តរភាពសង្គម និងការប្រើប្រាស់គ្រឿងស្រវឹងប្រកបដោយការទទួលខុសត្រូវ។

លោកស្រី Anne បានបន្តមានប្រសាសន៍ថា៖ «ក្នុងនាមជាក្រុមហ៊ុនស្រាបៀរអន្តរជាតិដែលមានទំនួលខុសត្រូវ និងឈានមុខមួយ យើងប្តេជ្ញាក្នុងការធ្វើអ្វីដែលត្រឹមត្រូវជាមួយនឹងគោលដៅក្នុងការធ្វើឲ្យប្រទេសកម្ពុជាកាន់តែប្រសើរ។ យើងធ្វើអាជីវកម្មដោយការគោរព និងយកចិត្តទុកដាក់ចំពោះប្រជាជនកម្ពុជា ដៃគូអាជីវកម្ម អ្នកប្រើប្រាស់របស់យើង និងអ្នកពាក់ព័ន្ធទាំងអស់នៅទូទាំងខ្សែសង្វាក់ផលិតកម្ម ដោយបង្កើតគុណតម្លៃឱ្យកាន់តែមាននិរន្តរភាព និងយូរអង្វែងសម្រាប់ប្រទេសកម្ពុជា ដែលក្រុមហ៊ុនយើងបានកសាងជាប្រវត្តិសាស្រ្តរយៈពេល ៣០ ឆ្នាំនៅទីនេះ»។

ការប្រើប្រាស់ប្រកបដោយការទទួលខុសត្រូវ

ក្រៅពីនិរន្តរភាពបរិស្ថាន និងនិរន្តភាពសង្គម ក្រុមហ៊ុន ហ៊ិននីគែន ខេមបូឌា ដឹកនាំកិច្ចខិតខំប្រឹងប្រែងក្នុងការចូលរួម និងជម្រាបអតិថិជន និងអ្នកប្រើប្រាស់អំពីការទទួលខុសត្រូវ។ ម៉ាកយីហោ Heineken® ទូទាំងពិភពលោកចំណាយយ៉ាងហោចណាស់ ១០% នៃការចំណាយលើប្រព័ន្ធផ្សព្វផ្សាយរបស់ខ្លួនជារៀងរាល់ឆ្នាំ ដើម្បីជម្រុញការប្រើប្រាស់ប្រកបដោយការទទួលខុសត្រូវដោយប្រើប្រាស់ភាពល្បីល្បាញរបស់ម៉ាកយីហោក្រុមហ៊ុននេះលើការពិសារប្រកបដោយកម្រិតសមស្រប។ ក្រុមហ៊ុន Heineken® គឺជាក្រុមហ៊ុនឈានមុខគេលើពិភពលោកក្នុងប្រភេទភេសជ្ជៈគ្មានជាតិអាល់កុល ជាមួយនឹងជម្រើសគ្មានជាតិអាល់កុលចំនួន ២៤៥ ផលិតផល នៅក្នុងម៉ាកផលិតផលរបស់ខ្លួន ដែលមានវត្តមាននៅជាង ១១៤ ប្រទេស។ នៅក្នុងប្រទេសកម្ពុជា ក្រុមហ៊ុនគ្រោងនឹងណែនាំស្រាបៀរ Heineken® 0.0 នៅឆ្នាំនេះដែលជាជម្រើសផលិតផលគ្មានជាតិអាល់កុលដែលផ្តល់ឱ្យអ្នកប្រើប្រាស់នូវជម្រើសក្នុងការទទួលទានគ្រឿងស្រវឹងកម្រិតសមស្រប ឬជ្រើសរើសផលិតផលមិនមានជាតិអាល់កុលក្នុងឱកាសជាក់លាក់ណាមួយ។

សាររបស់ម៉ាកយីហោ Heineken® បានសង្កត់ធ្ងន់លើ «បើពិសាគ្រឿងស្រវឹង សូមកុំបើកបរ» តាមរយៈភាពជាដៃគូជាសកលជាមួយកម្មវិធី F1 ដែលមានអ្នកទស្សនាដល់ទៅ ១ ពាន់លាននាក់នៅទូទាំងពិភពលោកជារៀងរាល់ឆ្នាំ។ នៅក្នុងស្រុក ម៉ាកយីហោ Anchor បានចាប់ផ្តើមយុទ្ធនាការ «ក្លើពិតដាច់ខាតមិនបណ្តោយអោយក្លើបើកបរនៅពេលស្រវឹង» ដែលនាំមកនូវសារការទទួលខុសត្រូវបន្ថែមទៀតដល់ប្រជាជនកម្ពុជារាប់លាននាក់។

ចំពោះការកសាងសម្ព័ន្ធភាពក្នុងតំបន់ដើម្បីតស៊ូមតិលើការប្រើប្រាស់ប្រកបដោយការទទួលខុសត្រូវ លោកស្រី Anne បានមានប្រសាសន៍ថា៖ «ឆ្នាំនេះ យើងបានបង្កើតភាពជាដៃគូជាមួយក្រុមហ៊ុន Grab ដើម្បីលើកកម្ពស់ជម្រើសនៃការធ្វើដំណើរប្រកបដោយសុវត្ថិភាព។ គំនិតផ្តួចផ្តើមនេះមិនត្រឹមតែជាការចែកលេខកូដបញ្ចុះតម្លៃជាច្រើនសម្រាប់ការធ្វើដំណើរដោយសុវត្ថិភាពប៉ុណ្ណោះទេ ប៉ុន្តែថែមទាំងចូលរួមជាមួយអ្នកបើកបរម៉ូតូកង់បីទៅលើការប្រើប្រាស់ប្រកបដោយការទទួលខុសត្រូវ និងអាកប្បកិរិយាប្រកបដោយសុវត្ថិភាពផងដែរ។ ទំនួលខុសត្រូវចាប់ផ្តើមពីខ្លួនយើង ដូច្នេះ ក្រុមហ៊ុន ហ៊ិននីគែន ខេមបូឌា រួមជាមួយក្រុមហ៊ុនចែកចាយផលិតផលមានជាតិអាល់កុលចំនួន ១៤ ផ្សេងទៀតដែលជាសម្ព័ន្ធឧស្សាហកម្មនាពេលថ្មីៗនេះ បានដាក់ចេញនូវក្រមប្រតិបត្តិនៃការធ្វើទីផ្សារ និងការផ្សព្វផ្សាយពាណិជ្ជកម្មផលិតផលគ្រឿងស្រវឹងដោយទំនួលខុសត្រូវដែលកំណត់គោលការណ៍ណែនាំ និងស្តង់ដារជាមូលដ្ឋានដែលយើងជាឧស្សាហកម្មសន្យាអនុវត្តតាមក្រមប្រតិបត្តិនេះ។ យើងជម្រុញឱ្យដៃគូផ្សេងទៀតនៅក្នុងឧស្សាហកម្មគ្រឿងស្រវឹងចូលរួមជាមួយយើងក្នុងកិច្ចខិតខំប្រឹងប្រែងនេះដោយមានការគាំទ្រ និងការយល់ព្រមពីរដ្ឋាភិបាល។ យើងបានធ្វើទីផ្សាររបស់យើងតែចំពោះអ្នកប្រើប្រាស់ដែលមានអាយុលើសពី ១៨ ឆ្នាំតែប៉ុណ្ណោះ ហើយបន្តចូលរួមជាមួយរដ្ឋាភិបាលលើការអនុម័តដូចគ្នាទៅនឹងការកំណត់អាយុទិញស្របច្បាប់»។

ចំពោះទំនួលខុសត្រូវក៏ទាក់ទងនឹងការជម្រុញអ្នកប្រើប្រាស់ឲ្យជ្រើសរើសយកជម្រើសដែលសាកសម ដូច្នេះរាល់ផលិតផលត្រូវបង្ហាញតម្លាភាពពេញលេញចំពោះធាតុផ្សំផលិតផល អាហារូបត្ថម្ភដែលមាននៅលើស្លាកផលិតផលទាំងអស់ និងនៅលើគេហទំព័ររបស់ក្រុមហ៊ុន។

ការជម្រុញក្នុងការធ្វើអោយប្រទេសកម្ពុជាឱ្យកាន់តែប្រសើរឡើង

សរុបសេចក្តីមក ក្រុមហ៊ុន HEINEKEN ពិតជាលើសពីក្រុមហ៊ុនស្រាបៀរទៅទៀត ព្រោះក្រុមហ៊ុននេះមានគោលបំណងបង្កើតផលវិជ្ជមាន និងចូលរួមចំណែកក្នុងការបង្កើតអនាគតនៃប្រទេសកម្ពុជាអោយកាន់តែប្រសើរ ដោយរួមគ្នាជាមួយភាគីពាក់ព័ន្ធទូទាំងខ្សែសង្វាក់ផលិតកម្មរបស់ខ្លួនរួមមាន រាជរដ្ឋាភិបាល អ្នកផ្គត់ផ្គង់ អ្នកចែកចាយ ភ្នាក់ងារ បុគ្គលិក អតិថិជន អ្នកប្រើប្រាស់ សហគមន៍ក្នុងតំបន់ និងប្រព័ន្ធផ្សព្វផ្សាយ។

ជាចុងបញ្ចប់ លោកស្រី Anne បានបញ្ជាក់ថា៖ «យើងពិតជាសប្បាយចិត្តចំពោះវត្តមាននៅក្នុងប្រទេសកម្ពុជារយៈពេល ៣០ ឆ្នាំកន្លងមកនេះ ហើយយើងមានបំណងចង់ចូលរួមចំណែកដល់ការរីកលូតលាស់ប្រកបដោយចីរភាពក្នុងរយៈពេល ៣០ ឆ្នាំខាងមុខ និងបន្តទៀត។ យើងរួមគ្នាធ្វើការឆ្ពោះទៅការធ្វើអោយប្រទេសកម្ពុជាកាន់តែប្រសើរឡើង»។

ការទទួលខុសត្រូវ

ការផ្តល់ជូននូវជម្រើសផលិតផល

ព័ត៌មានត្រូវបានបង្ហាញទៅអ្នកប្រើប្រាស់ច្បាស់លាស់ និងតម្លាភាពលើផលិតផល ១០០%

ជម្រើសផលិតផលគ្មានជាតិអាល់កុលនឹងមកដល់កម្ពុជាឆាប់ៗនេះក្នុងឆ្នាំ ២០២៤

ការលើកកម្ពស់ការពិសាគ្រឿងស្រវឹងដែលមិនបង្កគ្រោះថ្នាក់

ភាពជាដៃគូក្នុងស្រុកជាមួយក្រុមហ៊ុន Grab និងការផ្ញើសារប្រកបដោយការទទួលខុសត្រូវនៅលើរ៉ឺម៉ក

កិច្ចខិតខំប្រឹងប្រែងក្នុងឧស្សាហកម្មរួមគ្នាដោយបើកដំណើរការក្រមប្រតិបត្តិនៃការទីផ្សារ និងការផ្សព្វផ្សាយពាណិជ្ជកម្មផលិតផលគ្រឿងស្រវឹងដោយទំនួលខុសត្រូវ

ការពិសានៅក្នុងកម្រិតសមស្រប

បុគ្គលិក បានទទួលការបណ្តុះបណ្តាលលើការពិសាដោយការទទួលខុសត្រូវ

ថវិកានៃប្រព័ន្ធផ្សព្វផ្សាយរបស់ម៉ាកយីហោ Heineken® ទូទាំងពិភពលោកចំនួន ១០% ត្រូវបាnចំណាយលើការផ្សព្វផ្សាយអំពីការប្រើប្រាស់ប្រកបដោយការទទួលខុសត្រូវដែលមានអ្នកប្រើប្រាស់មួយពាន់លាននាក់នៅទូទាំងពិភពលោកទស្សនា

យុទ្ធនាការក្រុមហ៊ុន Heineken® ជាសកល«បើពិសាគ្រឿងស្រវឹង សូមកុំបើកបរ»

យុទ្ធនាការស្រាបៀរអាន់ឆ័រ «ក្លើពិតដាច់ខាតមិនបណ្តោយអោយក្លើបើកបរនៅពេលស្រវឹង»

ក្រុមហ៊ុន Vietjet ពង្រីកភាពជាដៃគូយុទ្ធសាស្ត្រនៅក្នុងកម្មវិធីពិព័រណ៍ Farnborough International Airshow 2024

ព័ត៌មានហាងឆេងមាស

bora.chhouk@gmail.com

-

July 26, 2024

0

ក្រុមហ៊ុន Vietjet ពង្រីកភាពជាដៃគូយុទ្ធសាស្ត្រនៅក្នុងកម្មវិធីពិព័រណ៍ Farnborough International Airshow 2024

ភ្នំពេញ ថ្ងៃទី 25 ខែកក្កដា ឆ្នាំ 2024 – បន្ទាប់ពីការបញ្ជាទិញយន្តហោះ A330neo widebodies ចំនួន 20 គ្រឿងនៅឯពិព័រណ៍ Farnborough International Airshow ឆ្នាំ 2024 ក្រុមហ៊ុន Vietjet បានចុះហត្ថលេខាលើកិច្ចព្រមព្រៀងសំខាន់ៗជាមួយក្រុមហ៊ុន Rolls-Royce និង Lufthansa Technik ដែលជាក្រុមហ៊ុនជានមុខគេលើពិភពលោកក្នុងវិស័យអាកាសចរណ៍ និងវិស្វកម្ម។ ព្រឹត្តិការណ៍ដ៏គួរឱ្យគាត់សម្គាល់នេះ ជួយពង្រឹងការប្តេជ្ញាចិត្តរបស់ក្រុមហ៊ុនអាកាសចរណ៍ចំពោះការផ្តល់សេវាអាកាសចរណ៍ប្រកបដោយនិរន្តរភាព និងប្រតិបត្តិការល្អឥតខ្ចោះ តាមរយៈភាពជាដៃគូយុទ្ធសាស្ត្រ និងការពង្រីកកងនាវាអាកាសចរណ៍។

នៅក្នុងកិច្ចព្រមព្រៀងដ៏សំខាន់មួយ ក្រុមហ៊ុន Vietjet បានចុះហត្ថលេខាលើកិច្ចព្រមព្រៀងជាមួយក្រុមហ៊ុនផលិតថាមពលអវកាសអង់គ្លេស Rolls-Royce ទិញម៉ាស៊ីន 40 Trent 7000 រួមជាមួយនឹងសេវាកម្មម៉ាស៊ីន TotalCare ដើម្បីផ្តល់ថាមពលដល់យន្តហោះ A330neo 20 គ្រឿងដែលបានបញ្ជាទិញថ្មី។

ម៉ាស៊ីន Trent 7000 របស់ Rolls-Royce គឺជាម៉ាស៊ីនទំនើបដែលល្បីល្បាញសម្រាប់ការការកាត់បន្ថយការបំពុលបរិស្ថាន និងលក្ខណៈនិរន្តរភាព ដោយសន្យាថានឹងមានការកែលម្អ 14% ក្នុងការដុតប្រេងក្នុងមួយកៅអីសម្រាប់ A330neo ។ ការកាត់បន្ថយការបំភាយឧស្ម័ននេះ នឹងអនុញ្ញាតឱ្យក្រុមហ៊ុនអាកាសចរណ៍កាត់បន្ថយការបំភាយកាបូនឌីអុកស៊ីត ច្រើនជាងមួយសែនតោនក្នុងរយៈពេលពេញមួយជីវិតរបស់យន្តហោះនីមួយៗ។

តាមរយៈសេវាកម្ម TotalCare នឹងជួយជំរុញឱ្យប្រព័ន្ធត្រួតពិនិត្យសុខភាពម៉ាស៊ីនទំនើបរបស់ Rolls-Royce កាន់តែល្អប្រសើរឡើង ដែលក្រុមហ៊ុន Vietjet សង្ឃឹមថាជួយបង្កើនប្រសិទ្ធភាពប្រតិបត្តិការ ភាពជឿជាក់ និងលទ្ធភាពទទួលបានម៉ាស៊ីន Trent 7000 របស់ខ្លួននៅលើយន្តហោះ A330neo ។

លោក Dinh Viet Phuong នាយកប្រតិបត្តិក្រុមហ៊ុន Vietjet បានមានប្រសាសន៍ថា៖ “ការរួមបញ្ចូលគ្នានៃម៉ាស៊ីន Trent 7000 ទំនើបនៅលើយន្តហោះ Airbus A330neo ជំនាន់ថ្មីបំផុត ដែលគាំទ្រដោយសេវាកម្មដោយ Premium TotalCare នឹងជួយឱ្យ Vietjet Air ឈានដល់ចំណុចបច្ចេកវិទ្យាថ្មី ដែលជួយពង្រឹងគុណភាពជើងហោះហើររបស់យើងកាន់តែល្អប្រសើរ និងបង្កើនភាពជឿជាក់ និងប្រសិទ្ធភាពនៃប្រតិបត្តិការរបស់យើងផងដែរ។ ជាពិសេស ការបន្ថែមម៉ាស៊ីន Rolls-Royce ជំនាន់ថ្មី ដែលមានប្រសិទ្ធភាពខ្ពស់ ស្របតាមយុទ្ធសាស្ត្រអភិវឌ្ឍន៍ប្រកបដោយនិរន្តរភាពរបស់ Vietjet ជាមួយនឹងគោលដៅ ESG របស់ខ្លួន ដើម្បីសម្រេចបាននូវការបំភាយឧស្ម័នឱ្យបានអព្យាក្រិតកាបូនត្រឹមឆ្នាំ 2050។

ក្រុមហ៊ុន Vietjet ក៏បានបង្កើនភាពជាដៃគូជាសកលរបស់ខ្លួននៅឯពិព័រណ៍ Farnborough International Airshow 2024 ដោយទទួលបានកិច្ចព្រមព្រៀងផ្តាច់មុខពី Total Component Support (TCS) ជាមួយក្រុមហ៊ុន Lufthansa Technik ដែលជាអ្នកផ្តល់សេវា MRO ឈានមុខគេរបស់ពិភពលោក។ កិច្ចព្រមព្រៀងដ៏ទូលំទូលាយនេះ ចាប់ផ្តើមពីខែតុលា ឆ្នាំ 2024 កំណត់ជាគោលថ្មីមួយនៅក្នុងកិច្ចសហការដ៏យូរអង្វែងរវាងក្រុមហ៊ុនទាំងពីរ។

ក្រោមកិច្ចព្រមព្រៀង TCS ក្រុមហ៊ុន Lufthansa Technik នឹងផ្តល់សេវាកម្មសមាសភាគយ៉ាងទូលំទូលាយសម្រាប់កងយន្តហោះដែលកំពុងកើនឡើងរបស់ក្រុមហ៊ុន ដែលធានាបាននូវភាពល្អឥតខ្ចោះនៃប្រតិបត្តិការរបស់ក្រុមហ៊ុនអាកាសចរណ៍ និងស្តង់ដារថែទាំខ្ពស់បំផុត។ កិច្ចព្រមព្រៀងនេះ តំណាងឱ្យកិច្ចសន្យា TCS ដ៏ធំបំផុតដែល Lufthansa Technik បានធានានៅក្នុងតំបន់អាស៊ីអាគ្នេយ៍។

ថ្មីៗនេះ ក្រុមហ៊ុន Vietjet បានចុះហត្ថលេខាលើកិច្ចសន្យាតម្លៃ 7.4 ពាន់លានដុល្លារ ជាមួយក្រុមហ៊ុន Airbus ទិញយន្តហោះ A330neo ចំនួន 20 គ្រឿង ដើម្បីបង្កើនសេវាកម្មផ្លូវឆ្ងាយ និងផ្លូវហោះហើរក្នុងតំបន់របស់ខ្លួន។ យន្តហោះថ្មីទាំងនោះ នឹងជំនួសកងយន្តហោះ A330-300 ដែលគាំទ្រដល់គោលដៅរបស់ក្រុមហ៊ុន Vietjet ក្នុងការបំភាយឧស្ម័នឱ្យបានអព្យាក្រិតកាបូននៅឆ្នាំ 2050 ជាមួយនឹងលក្ខណៈពិសេសដូចជាកាប៊ីន Airspace និងម៉ាស៊ីន Rolls-Royce Trent 7000 ។ ជាមួយនឹងយន្តហោះជាង 105 គ្រឿង Vietjet កំពុងពង្រីកបណ្តាញអន្តរទ្វីបរបស់ខ្លួន និងដំណើរការជើងហោះហើរត្រង់រវាងខេត្តសៀមរាប ប្រទេសកម្ពុជា និងទីក្រុងហាណូយ ប្រទេសវៀតណាម ដោយផ្តល់ជូននូវការធ្វើដំណើរប្រកបដោយភាពរលូនទៅកាន់គោលដៅផ្លូវឆ្ងាយរបស់ខ្លួន។

មានប្រសាសន៍នៅក្នុងកិច្ចព្រមព្រៀងនេះ លោក Johanna Koch អនុប្រធានផ្នែកលក់សាជីវកម្មអាស៊ីអាគ្នេយ៍ និងអនុទ្វីបឥណ្ឌានៅ Lufthansa Technik បាននិយាយថា “យើងមានសេចក្តីរំភើបរីករាយក្នុងការពង្រីកកិច្ចសហប្រតិបត្តិការរបស់យើងជាមួយក្រុមហ៊ុន Vietjet តាមរយៈកិច្ចព្រមព្រៀង TCS ដ៏សំខាន់នេះ។ យើងសូមអរគុណជាថ្មីម្តងទៀត ដែលក្រុមហ៊ុន Vietjet បានជ្រើសរើសយើងជាដៃគូដ៏គួរឱ្យទុកចិត្តរបស់ខ្លួន ដើម្បីរួមដំណើរជាមួយក្រុមហ៊ុន Vietjet នៅលើផ្លូវរីកចម្រើននាពេលអនាគត។ ក្រុមហ៊ុន Lufthansa Technik ប្តេជ្ញាផ្តល់ជូន Vietjet នូវគុណភាពសេវាកម្ម និងការគាំទ្រខ្ពស់បំផុត ដើម្បីធានាបាននូវភាពជោគជ័យជាបន្តបន្ទាប់នៃប្រតិបត្តិការដល់ក្រុមហ៊ុន Vietjet។

ខណៈពេលដែលក្រុមហ៊ុន Rolls-Royce គឺជាក្រុមហ៊ុនអាកាសចរណ៍ និងសេវាការពារនិងថែទាំដ៏ល្បីល្បាញរបស់ចក្រភពអង់គ្លេស ដែលមានកេរ្តិ៍ដំណែលដ៏សម្បូរបែបដែលមានតាំងពីឆ្នាំ 1904 នោះ Lufthansa Technik គឺជាក្រុមហ៊ុនឈានមុខគេលើពិភពលោកក្នុងសេវាកម្មយន្តហោះបច្ចេកទេស ដែលជឿទុកចិត្តដោយក្រុមហ៊ុនអាកាសចរណ៍ ដែលស្វែងរកដំណោះស្រាយ MRO លំដាប់កំពូល។

ដោយសហការជាមួយក្រុមហ៊ុន Rolls-Royce, ក្រុមហ៊ុន Lufthansa Technik Group និងដៃគូអាកាសចរណ៍ឈានមុខគេនៅលើពិភពលោក Vietjet បន្តវិនិយោគលើដំណោះស្រាយ និងសេវាកម្មបច្ចេកវិទ្យាអាកាសចរណ៍កម្រិតខ្ពស់ ដើម្បីរក្សាស្តង់ដារសុវត្ថិភាព និងគុណភាពខ្ពស់បំផុត។ ក្រុមហ៊ុនអាកាសចរណ៍នេះ បន្តពង្រីកកងនាវាអាកាសចរណ៍របស់ខ្លួនជាមួយនឹងយន្តហោះថ្មីដែលសន្សំសំចៃប្រេង ដោយមានអត្រាភាពជឿជាក់ផ្នែកបច្ចេកទេសដល់ទៅ 99.6% ដែលដាក់ឱ្យវាស្ថិតនៅក្នុងចំណោមក្រុមហ៊ុនអាកាសចរណ៍កំពូលទាំងក្នុងតំបន់ និងសកលលោក។ ក្រុមហ៊ុន Vietjet ទទួលបានចំណាត់ថ្នាក់សុវត្ថិភាពផ្កាយ 7/7 ដោយក្រុមហ៊ុន AirlineRatings ហើយត្រូវបានទទួលស្គាល់ជាប់លាប់ថា ជាក្រុមហ៊ុនអាកាសចរណ៍តម្លៃសំបុត្រទាប ដែលមានសុវត្ថិភាពបំផុតមួយរបស់ពិភពលោកចាប់តាំងពីឆ្នាំ 2018 មក។

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

នៅចាំអីទៀតរួសរាន់ឡើង! កម្មវិធីកម្មសិក្សាកុមារកម្ពុជា Cambodia Kids Academy ពន្យារពេលទិញសំបុត្រដំបូងក្នុងតម្លៃដដែរ រហូតដល់ថ្ងៃ៤ សីហា

ព័ត៌មានហាងឆេងមាស

bora.chhouk@gmail.com

-

July 24, 2024

0

នៅចាំអីទៀតរួសរាន់ឡើង! កម្មវិធីកម្មសិក្សាកុមារកម្ពុជា Cambodia Kids Academy ពន្យារពេលទិញសំបុត្រដំបូងក្នុងតម្លៃដដែរ រហូតដល់ថ្ងៃ៤ សីហា

ភ្នំពេញ៖ ខកខាន ក្នុងការទិញសំបុត្រចុះឈ្មោះដំបូងមែនទេ? កុំបារម្មណ៍អី ពីព្រោះឥឡូវនេះ JCI Cambodia នឹងធ្វើការ ពន្យារពេលទិញសំបុត្រដំបូងក្នុងតម្លៃដដែរ រហូតដល់ថ្ងៃទី4 ខែ សីហា ឆ្នាំ២០២៤ ។

ចំពោះកាលបរិចេ្ឆទនៃកម្មវិធី៖ ចាប់ពីថ្ងៃទី៨ ដល់ 11 ១១ ខែសីហា 🫶🏻ឆ្នាំ២០២៤ ។

សូមបញ្ជាក់ថា សម្រាប់ការចុះឈ្មោះដំបូងជាមួយនឹងតំលៃពិសេស:
+សម្រាប់កុមារជនជាតិកម្ពុជា: 290$
+សម្រាប់កុមារជនជាតិបរទេស: 350$

[English Below]
📣 Missed your chance to buy an early bird ticket for Cambodia Kids Academy ?🤔🎟️

💡Don’t Worry 😉 Now we’re extending our early bird tickets until 04 August 🫶🏻✨

📅 Event Date: 8 – 11 August
💡 Early Bird Registration:

For Cambodian students: 290$
For International students: 350$

Register Now
📲 Link for registration: https://docs.google.com/forms/d/1CsuDaS-FmBUTvyHL5fDMu-83fzJVQrSNXJkRiS-jRdA
For registration or contact for more information: +855 12 565 426
( Mr. Pichsovann Ou ) (Telegram)

Vietjet បានចុះកិច្ចព្រមព្រៀង ជាមួយក្រុមហ៊ុន Airbus ទិញយន្តហោះ A330neo ចំនួន 20 គ្រឿង ដែលមានតម្លៃ 7.4 ពាន់លានដុល្លារអាមេរិក នៅក្នុងកម្មវិធី Farnborough Airshow

ព័ត៌មានហាងឆេងមាស

bora.chhouk@gmail.com

-

July 23, 2024

0

Vietjet បានចុះកិច្ចព្រមព្រៀង ជាមួយក្រុមហ៊ុន Airbus ទិញយន្តហោះ A330neo ចំនួន 20 គ្រឿង ដែលមានតម្លៃ 7.4 ពាន់លានដុល្លារអាមេរិក នៅក្នុងកម្មវិធី Farnborough Airshow

ភ្នំពេញ ថ្ងៃទី ២៣ ខែកក្កដា ឆ្នាំ ២០២៤ – ក្រុមហ៊ុន Vietjet និងក្រុមហ៊ុន Airbus បានចុះហត្ថលេខាជាផ្លូវការលើកិច្ចសន្យាទិញយន្តហោះប្រភេទ A330neo (A330-900) ជំនាន់ថ្មីចំនួន ២០ គ្រឿង ដែលមានតម្លៃសរុបចំនួន ៧,៤ ពាន់លានដុល្លារអាមេរិក តាមតម្លៃបញ្ជីក្រុមហ៊ុនផលិតនៅក្នុងកម្មវិធី Farnborough International Airshow 2024។ ពិធីចុះហត្ថលេខាលើកិច្ចសន្យានេះ ត្រូវបានធ្វើឡើងក្រោមវត្តមានប្រធានក្រុមហ៊ុន Vietjet បណ្ឌិត Nguyen Thi Phuong Thao និងនាយកប្រតិបត្តិក្រុមហ៊ុន លោក Christian Scherer ក្រុមហ៊ុនអាកាសចរណ៍Airbus នៃ Commercial Aircraft Business។

នេះជាកិច្ចព្រមព្រៀងដ៏ធំបំផុតមួយនៅក្នុងកម្មវិធី Airshow ក្នុងឆ្នាំនេះ។ យន្តហោះដែលបានបញ្ជាទិញថ្មីៗនេះ នឹងត្រូវដាក់ឱ្យដំំណើរការផ្តល់សេវាដឹកអ្នកដំណើរផ្លូវឆ្ងាយ ដែលកំពុងតែរីកចម្រើនរបស់ក្រុមហ៊ុន Vietjet ក៏ដូចជានៅលើផ្លូវហោះហើរដែលមានតម្រូវការខ្ពស់នៅក្នុងតំបន់។ យន្តហោះទាំងនោះ នឹងត្រូវបានដាក់ជំនួសយន្តហោះ A330-300 បច្ចុប្បន្នរបស់ក្រុមហ៊ុន Vietjet និងគាំទ្រផែនការយុទ្ធសាស្រ្តរបស់ក្រុមហ៊ុនអាកាសចរណ៍ក្នុងការពង្រីកបណ្តាញហោះហើរអន្តរទ្វីបរបស់ខ្លួន។

ប្រធានក្រុមហ៊ុន Vietjet លោកស្រី Dr. Nguyen Thi Phuong Thao បានកត់សម្គាល់នៅក្នុងពិធីចុះហត្ថលេខាថា៖ “យន្តហោះ A330neo ថ្មីនេះ នឹងត្រូវបានប្រើក្នុងយុទ្ធសាស្ត្រពង្រឹងការអភិវឌ្ឍន៍កងនាវាអាកាសចរណ៍របស់ Vietjet ជំរុញសមត្ថភាពប្រតិបត្តិការដឹកជញ្ជូនរបស់ក្រុមហ៊ុនអាកាសចរណ៍ ដែលវាក៏គាំទ្រដល់ការពង្រីកជាសកលរបស់ខ្លួនផងដែរ។ ការដាក់ឱ្យប្រើប្រាស់យន្តហោះ A330neo ទំនើប និងសន្សំសំចៃប្រេងទៅក្នុងកងនាវាអាកាសចរណ៍របស់ Vietjet គឺជាផ្នែកមួយនៃយុទ្ធសាស្ត្រអភិវឌ្ឍន៍ប្រកបដោយនិរន្តរភាព និងគោលដៅ ESG របស់យើង ដើម្បីកាត់បន្ថយការបំភាយឧស្ម័នឱ្យបានអព្យាក្រឹតកាបូននៅឆ្នាំ 2050។ អ្នកដំណើរនឹងរីករាយជាមួយការហោះហើរផ្លូវឆ្ងាយប្រកបដោយសុវត្ថិភាព និងទំនើបជាងមុន។ Airbus នឹងបានអនុញ្ញាតឱ្យក្រុមហ៊ុន Vietjet នាំមកនូវឱកាសហោះហើរប្រកបដោយប្រសិទ្ធភាពដល់អ្នកដំណើរជាង 200 លាននាក់ រួមទាំងការហោះហើរលើកដំបូងជាច្រើន ការតភ្ជាប់អ្នកដំណើរគ្រប់ជាតិសាសន៍ និងទ្វីបនានា ជំរុញការអភិវឌ្ឍន៍សេដ្ឋកិច្ច និងការផ្លាស់ប្តូរវប្បធម៌ទំវិញទៅមក។

លោក Benoît de Saint-Exupéry អនុប្រធានប្រតិបត្តិផ្នែកលក់ ក្រុមហ៊ុន Airbus Commercial Aircraft មានប្រសាសន៍ថា “យើងពិតជារីករាយណាស់ ដែលបានចុះកិច្ចសន្យាបញ្ជាទិញយន្តហោះ ជាមួយនឹងក្រុមហ៊ុនដឹកជញ្ជូនដែលរីកចម្រើនលឿនបំផុតមួយរបស់អាស៊ី។ “នេះ សបញ្ចាក់ពីសម្លេងគាំទ្រមួយដែលពោរពេញដោយទំនុកចិត្តលើខ្សែបណ្តាយយន្តហោះតួវែង Airbus ជំនាន់ចុងក្រោយរបស់យើងផងដែរ។ វាបង្ហាញពីភាពបត់បែន A330neo ដ៏អស្ចារ្យសម្រាប់អាជីវកម្មគំរូគ្រប់ប្រភេទ និងបណ្តាញទាំងក្នុងស្រុក និងក្នុងតំបន់រហូតដល់ផ្លូវឆ្ងាយៗផងដែរ។ កាប៊ីន Airspace ដ៏ល្អប្រណិតដែលទទួលបានពានរង្វាន់នេះ ធ្វើឱ្យក្រុមហ៊ុនអាកាសចរណ៍ផ្តល់បទពិសោធន៍ហោះហើរដ៏ល្អបំផុតសម្រាប់អ្នកដំណើរ ដែលជំរុញភាពបត់បែនយ៉ាងពេញលេញទៅនឹងគំរូអាជីវកម្មនីមួយៗ។ នេះ ជាទម្រង់អាជីវកម្មដ៏ល្អឥតខ្ចោះសម្រាប់ក្រុមហ៊ុនអាកាសចរណ៍ Vietjet Air ដើម្បីដឹកជញ្ជូនអ្នកដំណើរបានកាន់តែច្រើន កាន់តែឆ្ងាយ និងក្នុងតម្លៃទាបសមរម្យ ខណៈពេលដែលកាត់បន្ថយការប្រើប្រាស់ប្រេងឥន្ធនៈ និងការបំភាយកាបូនផងដែរ។

យន្តហោះ A330neo បំពាក់នូវកាប៊ីន Airspace ដែលទទួលបានពានរង្វាន់ ដោយកំណត់ស្តង់ដារថ្មីងាយស្រួលជិះ ធំទូលាយ និងការរចនាប្លែកទំនើប ដែលវាផ្តល់ឱ្យអ្នកដំណើរនូវបទពិសោធន៍នៃការហោះហើរដ៏ពិសេសមួយ។ នេះរួមបញ្ចូលទាំងប្រព័ន្ធភ្លើងថ្មី ធ្នើដាក់អីវ៉ាន់ធំជាងមុន និងការប្រើប្រាស់ប្រព័ន្ធកម្សាន្ត និងការតភ្ជាប់បណ្តាញនានាចុងក្រោយបំផុតនៅក្នុងយន្តហោះ។ បំពាក់ដោយម៉ាស៊ីន Rolls-Royce Trent 7000 ជំនាន់ចុងក្រោយ A330-900 មានសមត្ថភាពហោះហើរបាន 7,200 nm / 13,300 គីឡូម៉ែត្រដោយមិនចាំបាច់ឈប់ចាក់សាំង។

ជាមួយនឹងកងយន្តហោះជាង 105 គ្រឿង និងបរិមាណអ្នកដំណើរដែលកំពុងកើនឡើងឥតឈប់ឈរ Vietjet កំពុងពង្រីកបណ្តាញហោះហើរអន្តរទ្វីបរបស់ខ្លួនយ៉ាងសកម្ម បង្កើតកងយន្តហោះថ្មី និងទំនើប ដោយសហការជាមួយដៃគូយុទ្ធសាស្ត្រពិភពលោកដូចជា Airbus ជាដើម។

បច្ចុប្បន្ន Vietjet ដំណើរការជើងហោះហើរទៅមករវាងខេត្តសៀមរាបនៃប្រទេសកម្ពុជា និងរដ្ឋធានីហាណូយនៃប្រទេសវៀតណាម ដោយចំណាយពេលហោះហើរត្រឹមតែ 1 ម៉ោង និង 40 នាទីក្នុងមួយជើង។ អ្នកដំណើរពីសៀមរាបទៅហាណូយ អាចបន្តដំណើរទៅកាន់គោលដៅធ្វើដំណើរឆ្ងាយៗជាច្រើនទៀតរបស់ Vietjet បានផងដែរ។

អំពី Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុង ប្រទេស វៀតណាម ប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរ ទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំង អស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុន អាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផល តែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយ ក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយ ស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានលម្អិត សូមចូលទៅកាន់៖ www.vietjetair.com

កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!

event

bora.chhouk@gmail.com

-

July 22, 2024

0

កំពូលរថយន្ត Ford Ranger Raptor បានទទួលជ័យជំនះសារជាថ្មីម្តងទៀតហើយ!

កាលពីថ្ងៃទី10 ខែមិថុនា ឆ្នាំ2024 នៅឯប្រទេសអូស្រ្តាលី, កំពូលរថយន្ត Ford Ranger Raptor លេខរៀង 773 ដែលធ្លាប់បានទទួលជ័យជំនះក្នុងកម្មវិធី 2023 Finke Desert Race និងកម្មវិធី 2022 SCORE-International Baja 1000 បានវិលត្រឡប់មកវិញម្តងទៀតហើយ ដោយមានការរចនា និង រៀបចំថ្មីសម្រាប់ការប្រកួតក្នុងកម្មវិធី 2024 Finke Desert Race ក្នុងវិញ្ញាសាររក្សារថយន្តក្នុងសភាពដើមបំផុត និងគ្មានការកែឆ្នៃច្រើន ដើម្បីការពារពានរង្វាន់រថយន្ត 4WD ល្អឥតខ្ចោះប្រចាំឆ្នាំ 2024។

គួរបញ្ជាក់ផងដែរថា កំពូលរថយន្ត Ford Ranger Raptor គឺមាន DNA ជាកំពូលរថយន្ត Off-Road Performance ដែលមានសមត្ថភាពខ្ពស់ក្នុងការបើកបរគ្រប់កាលៈទេសៈ និងគ្មានឧបសគ្គអ្វីដែលជាកង្វល់សម្រាប់រថយន្ត Ford Ranger Raptor នោះទេ ដោយក្រោមការធ្វើតេស្តជាច្រើនពីក្រុមអ្នកជំនាញ Ford Performance គឺយើងទទួលបាននូវរថយន្តមួយដែលមានសមត្ថភាពយ៉ាងអស្ចារ្យនៅលើដងផ្លូវ រួមទាំងបំពាក់នូវយ៉ាន់កង់អាលុយមីញ៉ូម 17អ៊ីញបូករួមសំបកកង់ក្រាស់ប្រភេទ Off-Road ដែលអាចពុះពារគ្រប់ឧបសគ្គទាំងអស់ ដែលមាននៅចំពោះមុខ។ កំពូលរថយន្ត Ford Ranger Raptor ត្រូវបានទទួលស្គាល់ពីអតិថិជនហ្វដជាច្រើន អំពីសមត្ថភាពរបស់រថយន្ត បច្ចេកវិទ្យាទំនើបៗដែលមានបំពាក់ក្នុងរថយន្ត និងកម្លាំងនៃម៉ាស៊ីនសាំង 3.0L Twin-Turbo V6 Ecoboost ភ្ជាប់ជាមួយប្រព័ន្ធចូលលេខដោយ ស្វ័យប្រវត្តនៃប្រអប់លេខអេឡិចត្រូនិច 10វគ្គអូតូ (E-Shifter) ដែលមានសមត្ថភាពជើងក្រោមដ៏ធន់រឹងមាំ ហាប់ណែន និងផាសុកភាពរបស់រថយន្ត ដោយមានការបំពាក់នូវបូម FOX 2.5អ៊ីញ Live-Valve Internal Bypass ដែលអាចកំណត់ការប្រើប្រាស់ ទៅតាមស្ថានភាពផ្លូវនីមួយៗទាំងអស់។

ដោយសារតែសមត្ថភាពដ៏អស្ចារ្យរបស់រថយន្ត Ford Ranger Raptor និងក្រុមអ្នកជំនាញ Ford Performance ក្នុងការរៀបចំរថយន្តលេខរៀង 773 និងសិក្សាយ៉ាងម៉ត់ចត់សម្រាប់ការ បើកបរលើទីលានប្រណាំងនេះ ទើបនាំអោយទទួលបានជ័យជំនះសារជាថ្មីម្តងទៀត ក្នុងកម្មវិធី 2024 Finke Desert Race ប្រទេសអូស្រ្តាលី ដែលបានរក្សាដំណែងដដែលជារថយន្ត 4WD ល្អឥតខ្ចោះប្រចាំឆ្នាំ 2024 និងអាចបញ្ចប់បេសកកម្មរបស់ខ្លួនល្អជាឆ្នាំមុនទៅទៀត ដោយការបើកបរក្នុងល្បឿនលឿន ពី 130km/h ទៅ 160km/h សម្រាប់ទីលានប្រណាំងផ្លូវឧបសគ្គ ដែលមានរយៈចម្ងាយរហូតដល់ 460km ដោយមានការចូលរួមពីគូប្រជែង មកពីគ្រប់ក្រុមហ៊ុនរថយន្តផ្សេងៗ ដែលបង្កភាពប្រកួតប្រជែងរវាងគ្នាទៅវិញទៅមកជាខ្លាំង ប៉ុន្តែសម្រាប់រថយន្ត Ford Ranger Raptor លេខរៀង 773 គឺអាចឆ្លងកាត់គ្រប់ឧបសគ្គទាំងអស់ រហូតដល់ទទួលបានជ័យជំនះ។

សម្រាប់មានអតិថិជនដែលចំណាប់អារម្មណ៍ក្នុងការបើកបរសាកល្បងទៅលើកំពូលរថយន្ត Ford Ranger Raptor សូមទំនាក់ទំនងផ្នែកលក់តាមសាខានីមួយៗ៖
-សាខាព្រះមុនីវង្ស 078 999 773
-សាខាទឹកថ្លា 095 939 939
-សាខាទូលសង្កែ 078 935 935
-សាខាជ្រោយចង្វារ 017 999 027
-សាខាភ្នំពេញថ្មី 011 255 229 ឬ 077 722 999
-សាខាបឹងបៃតង 099 999 747
-សាខាខេត្តសៀមរាប 077 666 357 ឬ 088 9 666 357
-សាខាខេត្តកំពង់ចាម 078 999 883 ឬ 088 3 999 883

៣០ឆ្នាំនៃការធ្វើឲ្យប្រទេសកម្ពុជាកាន់តែប្រសើរ៖ ការប្តេជ្ញាចិត្តរបស់ក្រុមហ៊ុន HEINEKEN ចំពោះនិរន្តរភាព

event

bora.chhouk@gmail.com

-

July 22, 2024

0

ក្រុមហ៊ុន ហ៊ិននីគែន ខេមបូឌា គឺលើសពីក្រុមហ៊ុនផលិតស្រាបៀរ។ ក្រុមហ៊ុននេះជាកម្លាំងសម្រាប់ការផ្លាស់ប្តូរជាវិជ្ជមាន ដែលជាកាតាលីករសម្រាប់វឌ្ឍនភាព និងជាក្រុមហ៊ុនដែលជំរុញយ៉ាងខ្លាំងដោយគុណតម្លៃរបស់ខ្លួន។ ជាមួយនឹងការប្តេជ្ញាចិត្តចំពោះនិរន្តរភាព ក្រុមហ៊ុន ហ៊ិននីគែន ខេមបូឌា ត្រូវបានដឹកនាំដោយគោលបំណងរបស់ខ្លួនក្នុងការបង្កើតភាពរីករាយនៃការរួមគ្នាពិតប្រាកដដើម្បីធ្វើឱ្យពិភពលោកឱ្យកាន់តែប្រសើរ។ សម្រាប់ក្រុមហ៊ុនស្រាបៀរអន្តរជាតិនេះ ដែលបានឈរជើងនៅក្នុងប្រទេសកម្ពុជាជាយូរមកហើយ និងបានកំពុងប្រារព្ធខួប ៣០ ឆ្នាំចំពោះការធ្វើប្រតិបត្តិការរបស់ខ្លួននៅក្នុងប្រទេសកម្ពុជាចាប់តាំងពីឆ្នាំ ១៩៩៤ មក ទំនួលខុសត្រូវសង្គមរបស់សាជីវកម្មនេះ គឺលើសពីពាក្យស្លោកដែលក្រុមហ៊ុនបានលើកឡើង ដោយក្រុមហ៊ុននេះប្រាកដថាសកម្មភាពនិរន្តរភាពត្រូវបានបង្កប់នៅគ្រប់ប្រតិបត្តិការរបស់ខ្លួន។ ក្នុងអត្ថបទជាបន្តបន្ទាប់ចំនួនបីភាគនេះ ក្រុមហ៊ុន ហ៊ិននីគែន ខេមបូឌា នឹងបង្ហាញប្រជាជនកម្ពុជាអំពីសកម្មភាពនៃនិរន្តរភាពរបស់ក្រុមហ៊ុន ចាប់តាំងពីថ្ងៃប្រតិបត្តិការដំបូងរហូតមកដល់ពេលបច្ចុប្បន្ននេះ។

លោកស្រី Anne de Graaf នាយកកិច្ចការសាជីវកម្មនៃ ក្រុមហ៊ុន ហ៊ិននីគែន ខេមបូឌា បានមានប្រសាសន៍ថា មហិច្ឆតាក្នុងការ «ធ្វើឱ្យពិភពលោកកាន់តែប្រសើរ» របស់ក្រុមហ៊ុន HEINEKEN គឺផ្អែកលើយុទ្ធសាស្រ្តនិរន្តរភាពដែលមានបំណងផ្តល់ផលវិជ្ជមានលើបរិស្ថាន និរន្តរភាពសង្គម និងការប្រើប្រាស់គ្រឿងស្រវឹងប្រកបដោយការទទួលខុសត្រូវ។

លោកស្រី Anne បានបន្តមានប្រសាសន៍ថា៖ «ក្នុងនាមជាក្រុមហ៊ុនស្រាបៀរអន្តរជាតិដែលមានទំនួលខុសត្រូវ និងឈានមុខមួយ យើងប្តេជ្ញាក្នុងការធ្វើអ្វីដែលត្រឹមត្រូវជាមួយនឹងគោលដៅក្នុងការធ្វើឲ្យប្រទេសកម្ពុជាកាន់តែប្រសើរ។ យើងធ្វើអាជីវកម្មដោយការគោរព និងយកចិត្តទុកដាក់ចំពោះប្រជាជនកម្ពុជា ដៃគូអាជីវកម្ម អ្នកប្រើប្រាស់របស់យើង និងអ្នកពាក់ព័ន្ធទាំងអស់នៅទូទាំងខ្សែសង្វាក់ផលិតកម្ម ដោយបង្កើតគុណតម្លៃឱ្យកាន់តែមាននិរន្តរភាព និងយូរអង្វែងសម្រាប់ប្រទេសកម្ពុជា ដែលក្រុមហ៊ុនយើងបានកសាងជាប្រវត្តិសាស្រ្តរយៈពេល ៣០ ឆ្នាំនៅទីនេះ»។

និរន្តរភាពសង្គម

សសរស្តម្ភនៃនិរន្តរភាពសង្គមរបស់ក្រុមហ៊ុនផ្តោតលើផ្នែកសំខាន់ៗចំនួនបីមានដូចជា ទី ១ ការទទួលយកភាពចម្រុះ សមធម៌ និងការរួមបញ្ចូល (DEI) ទី ២ ការបង្កើតកន្លែងធ្វើការដែលមានតម្លាភាព និងសុវត្ថិភាព និងទី ៣ ការធ្វើអោយសហគមន៍រីកចម្រើន ។

ជាមួយនឹងសមតុល្យភាពនៃភាពចម្រុះប្រកបដោយសុខមាលភាព ក្រុមហ៊ុននេះបានកើនឡើងចំនួននៃក្រុមគណៈគ្រប់គ្រងដែលមកពីតំបន់អាស៊ីប៉ាស៊ីហ្វិក។ ដោយផ្តោតលើការអភិវឌ្ឍន៍ធនធានមនុស្ស ក្រុមហ៊ុន ហ៊ិននីគែន ខេមបូឌា បានជម្រុញការបណ្តុះបណ្តាលជំនាញ និងចំណេះដឹងជាបន្តបន្ទាប់ ដើម្បីកសាងក្រុមហ៊ុនមួយដែលត្រៀមរួចជាស្រេចនាពេលអនាគត ក្នុងការជំរុញកំណើនអាជីវកម្មប្រកបដោយចីរភាព។ គិតត្រឹមឆ្នាំ ២០២៣ ថ្នាក់គ្រប់គ្រង ត្រូវបានបណ្តុះបណ្តាលលើភាពជាអ្នកដឹកនាំ ដើម្បីលើកកម្ពស់ការយល់ដឹងអំពីតួនាទីរបស់ពួកគេក្នុងការជំរុញបរិយាកាសរួមបញ្ចូល និងការកសាងវប្បធម៌នៃការរួបរួមគ្នាជាធ្លុងមួយសម្រាប់បុគ្គលិកទាំងអស់គ្នា។

កម្មវិធីរបស់ ក្រុមហ៊ុន ហ៊ិននីគែន ខេមបូឌា ចំពោះការធ្វើអោយប្រសើរឡើងនូវទំនាកទំនងរបស់បុគ្គលិក និងសុខុមាលភាពរបស់និយោជិត បានធ្វើឲ្យក្រុមហ៊ុនទទួលបានវិញ្ញាបនបត្រ Great Place to Work® កាលពីឆ្នាំ ២០២៣ ដែលធ្វើឲ្យក្រុមហ៊ុននេះបានក្លាយជាឧស្សាហកម្មផលិតស្រាបៀរដំបូងគេរបស់ប្រទេសកម្ពុជាដែលសម្រេចបាននូវការទទួលស្គាល់ជាសកល។ ការទទួលស្គាល់នេះចេញពីការខិតខំប្រឹងប្រែង និងការប្តេជ្ញាចិត្តដែលមានតាំងពីដើមរបស់និយោជិតរបស់ក្រុមហ៊ុន ក្នុងការរៀបចំក្រុមហ៊ុនដែលផ្តល់អាទិភាពដល់បុគ្គលិកមុនគេ និងយន្តការរបស់ក្រុមហ៊ុនដែលជម្រុញអោយបុគ្គលិកគ្រប់គ្នាអាចឈានដល់សក្តានុពលពេញលេញរបស់ពួកគេ និងគូសបញ្ជាក់អំពីភាពខ្លាំងរបស់ក្រុមហ៊ុនផលិតស្រាបៀរក្នុងការបណ្តុះវប្បធម៌ដែលផ្តល់អាទិភាពដល់ការជឿទុកចិត្ត ភាពចម្រុះ និងវឌ្ឍនភាព។ គំនិតផ្តួចផ្តើមមួយដែលគួរឱ្យកត់សម្គាល់នោះគឺកម្មវិធីមជ្ឈមណ្ឌលថែទាំកុមារដែលបានចាប់ផ្តើមកាលពីខែកុម្ភៈ ឆ្នាំ ២០២៣ ដោយសហការជាមួយមជ្ឍមណ្ឌលថែទាំ និងមត្តេយ្យសិក្សា ខែរីងហាតអន្តរជាតិ។ កម្មវិធីនេះផ្តល់ការគាំទ្រត្រឹមត្រូវមួយដើម្បីជួយអាណាព្យាបាលដែលធ្វើការពេញម៉ោងរបស់យើងអោយមានអារម្មណ៍ជឿជាក់ ផ្តោតអារម្មណ៍ និងទទួលបានគាំទ្រនៅកន្លែងធ្វើការ។

លោកស្រី Anne បាននិយាយបន្ថែមពីលើទំនួលខុសត្រូវសង្គមរបស់ក្រុមហ៊ុន ដែលបន្ថែមពីលើប្រតិបត្តិការ និងនិយោជិតរបស់ខ្លួនថា៖ «យើងអាចរីកចម្រើនបានលុះត្រាតែអ្នកដែលនៅជុំវិញយើងរីកចម្រើនដែរ។ យើងធ្វើការយ៉ាងសកម្មដើម្បីបង្កើតផលវិជ្ជមានសម្រាប់សហគមន៍ក្នុងតំបន់របស់យើង។ ក្រៅពីការស្វែងរកប្រភពអង្ករក្នុងស្រុកក្នុងការធ្វើជាវត្ថុធាតុផ្សំសម្រាប់ស្រាបៀររបស់យើង យើងក៏គាំទ្រអង្គការដៃគូដើម្បីចីរភាពវិស័យកសិកម្មកម្ពុជា (CPSA) ដើម្បីផ្តល់ឱ្យកសិករខ្នាតតូចនូវការបណ្តុះបណ្តាលស្តីពីការអនុវត្តកសិកម្ម និងអាជីវកម្មប្រកបដោយចីរភាពផងដែរ»។

លោកស្រីបានបន្តថា៖ «យើងចូលរួមជាមួយមនុស្សជំនាន់ក្រោយនៃប្រទេសកម្ពុជាតាមរយៈគម្រោង HEINEKEN Sustainathon ដែលជាកម្មវិធីផ្តួចផ្តើមគំនិត និងការប្រកួតប្រជែងស្តីពីនិរន្តរភាព និងការបង្កើនការប្រើប្រាស់ឡើងវិញក្នុងកម្រិតអតិបរមាសម្រាប់និស្សិតសាកលវិទ្យាល័យ។ ដោយមានការចូលរួមជាមួយក្រសួងបរិស្ថាន សហភាពសហព័ន្ធយុវជនកម្ពុជា និងអង្គការ WWF កម្ពុជា យើងបានដាំដើមឈើចំនួន ១០.០០០ ដើមនៅក្នុងសហគមន៍ក្នុងតំបន់ចំនួនប្រាំ។ បន្ថែមពីនេះ យើងបានបរិច្ចាគនិងដំឡើងអំពូលភ្លើងតាមដងផ្លូវដែលប្រើប្រាស់ថាមពលពន្លឺព្រះអាទិត្យចំនួន ៧៩០ ដើម ដើម្បីបង្កើនសុវត្ថិភាពចរាចរណ៍សម្រាប់សហគមន៍ក្នុងតំបន់ចំនួនប្រាំនោះផងដែរ»។

សង្គម

ការទទួលយកភាពចម្រុះ សមធម៌ និងការរួមបញ្ចូល

-មហិច្ឆតារួមជាសកលសម្រេចបាននូវការផ្ដល់ប្រាក់បៀរវត្តន៍ស្មើគ្នាសម្រាប់ការងារស្មើគ្នា

–ការបណ្តុះបណ្តាលភាពជាអ្នកដឹកនាំនៃភាពរួមបញ្ចូលសម្រាប់ថ្នាក់គ្រប់គ្រង

–ការកសាងវប្បធម៌ប្រកបដោយសុវត្ថិភាពដោយមិនមានគ្រោះថ្នាក់ដល់ជីវិត

កន្លែងធ្វើការប្រកបដោយតម្លាភាព និងសុវត្ថិភាព

–វិញ្ញានបនប័ត្រ Great Place to Work®

-១០០% នៃនិយោជិតទទួលបានប្រាក់ឈ្នួលសមរម្យ

-បុគ្គលិកបានទទួលការបណ្តុះបណ្តាលនៅក្នុងកម្មវិធីHEINEKEN Life Saving Commitments

ការធ្វើអោយសហគមន៍រីកចម្រើន

–កសិករចំនួន ១.៥០០ នាក់បានទទួលការបណ្តុះបណ្តាលស្តីពីការអនុវត្តកសិកម្មប្រកបដោយនិរន្តរភាព

–ដើមឈើចំនួន ១០.០០០ ដើមត្រូវបានដាំដោយការចូលរួមសហការជាមួយអង្គការក្នុងស្រុក

–អំពូលបំភ្លឺផ្លូវដោយប្រើពន្លឺព្រះអាទិត្យចំនួន ៧៩០ ត្រូវបានបរិច្ចាគ និងដំឡើងនៅក្នុងសហគមន៍ចំនួនប្រាំ

–កម្មវិធី HEINEKEN Sustainathon ដែលជាកម្មវិធីសម្រាប់និស្សិតសាកលវិទ្យាល័យប្រកួតប្រជែងដើម្បីបំផុសគំនិតលើប្រធានបទនិរន្តរភាព

ការជម្រុញក្នុងការធ្វើអោយប្រទេសកម្ពុជាឱ្យកាន់តែប្រសើរឡើង

សរុបសេចក្តីមក ក្រុមហ៊ុន HEINEKEN ពិតជាលើសពីក្រុមហ៊ុនស្រាបៀរទៅទៀត ព្រោះក្រុមហ៊ុននេះមានគោលបំណងបង្កើតផលវិជ្ជមាន និងចូលរួមចំណែកក្នុងការបង្កើតអនាគតនៃប្រទេសកម្ពុជាអោយកាន់តែប្រសើរ ដោយរួមគ្នាជាមួយភាគីពាក់ព័ន្ធទូទាំងខ្សែសង្វាក់ផលិតកម្មរបស់ខ្លួនរួមមាន រាជរដ្ឋាភិបាល អ្នកផ្គត់ផ្គង់ អ្នកចែកចាយ ភ្នាក់ងារ បុគ្គលិក អតិថិជន អ្នកប្រើប្រាស់ សហគមន៍ក្នុងតំបន់ និងប្រព័ន្ធផ្សព្វផ្សាយ។

ជាចុងបញ្ចប់ លោកស្រី Anne បានបញ្ជាក់ថា៖ «យើងពិតជាសប្បាយចិត្តចំពោះវត្តមាននៅក្នុងប្រទេសកម្ពុជារយៈពេល ៣០ ឆ្នាំកន្លងមកនេះ ហើយយើងមានបំណងចង់ចូលរួមចំណែកដល់ការរីកលូតលាស់ប្រកបដោយចីរភាពក្នុងរយៈពេល ៣០ ឆ្នាំខាងមុខ និងបន្តទៀត។ យើងរួមគ្នាធ្វើការឆ្ពោះទៅការធ្វើអោយប្រទេសកម្ពុជាកាន់តែប្រសើរឡើង»។

សប្តាហ៍ក្រោយ ភាគទី ៣ – ៣០ ឆ្នាំនៃការធ្វើឲ្យប្រទេសកម្ពុជាកាន់តែប្រសើរ៖ ការប្តេជ្ញាចិត្តរបស់ក្រុមហ៊ុន HEINEKEN ចំពោះការប្រើប្រាស់ប្រកបដោយការទទួលខុសត្រូវ

គម្រោងបុរីអឹមអិល បើកលក់ជាផ្លូវការ នឹងចូលរួមប្រែក្លាយមុខមាត់ ខេត្តព្រះសីហនុ កាន់តែមានភាពទាក់ទាញ

event

bora.chhouk@gmail.com

-

July 20, 2024

0

គម្រោងបុរីអឹមអិល បើកលក់ជាផ្លូវការ នឹងចូលរួមប្រែក្លាយមុខមាត់ ខេត្តព្រះសីហនុ កាន់តែមានភាពទាក់ទាញ

ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានលើកឡើងថ្លែងនូវការអបអរសាទរ និងកោតសសើរចំពោះក្រុមហ៊ុន អឹមអិល មង្គលរៀលធី ឯ.កនិងក្រុមហ៊ុន អ៊ីសធើនហៅស៍ រៀលអ៊ីស្ទេត ឯ.កបានរួមគ្នាបណ្ដាក់ទុនវិនិយោគ ធ្វើអាជីវកម្មលើលំនៅដ្ឋានដ៏ប្រណិតនៅក្នុងខេត្តព្រះសីហនុ។

សម្តេចបានចាត់ទុកការអភិវឌ្ឍបុរីនេះ ជាការរួមចំណែកក្នុងការជម្រុញកំណើនសេដ្ឋកិច្ចកម្ពុជា តាមរយៈការផ្ដល់ចំណូល ផ្តល់ឱកាសការងារដល់ប្រជាពលរដ្ឋ ដែលជាកត្ដាចាំបាច់ក្នុងការកាត់បន្ថយភាពក្រីក្រ និងការចូលរួមចំណែកប្រែក្លាយមុខមាត់ ខេត្តព្រះសីហនុ ឱ្យទៅជាខេត្តប៉ូលសេដ្ឋកិច្ចចម្បង និងគំរូមួយរបស់កម្ពុជា ក៏ដូចជាការប្រើប្រាស់នូវសក្តានុពល និងធនធានអំណោយផលដែលមាន ស្រាប់ក្នុងខេត្តជាប់តំបន់មាត់សមុទ្រមួយនេះ ប្រកបដោយប្រសិទ្ធភាព។

សម្តេចកិត្តិសង្គហបណ្ឌិតមានប្រសាសន៍ដូចនេះ នៅក្នុងពិធីសម្ពោធដាក់ឲ្យដំណើរការ បុរី អឹមអិល ក្រុងព្រះសីហនុ ដែលមានទីតាំងស្ថិត នៅភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហុន កាលពីថ្ងៃទី១៩ ខែកក្កដា ឆ្នាំ២០២៤។

នាឱកាសនោះផងដែរ លោកម៉ាង ស៊ីណេត អភិបាលខេត្តព្រះសីហនុ ក៏បានលើកឡើងអំពីវឌ្ឍន:ភាព និងការអភិវឌ្ឍន៍ ខេត្តព្រះសីនុ ស្របពេល ដែលកាលពីពេលថ្មីៗនេះ រាជរដ្ឋាភិបាលបាន ដាក់ចេញនូវកម្មវិធីពិសេស ជម្រុញការវិនិយោគខេត្តព្រះសីហនុ ឆ្នាំ២០២៤ ក្នុងការជួយជម្រុញ លើកទឹកចិត្ត និងការផ្តល់លក្ខណ្ឌងាយស្រួលមួយចំនួន ដល់អ្នកវិនិយោគដែលមាន បំណងបណ្តាក់ទុនវិនិយោគ នៅខេត្តព្រះសីហនុ ដើម្បីជួយរួមចំណែកដល់ ខេត្តព្រះសីហនុមានការអភិវឌ្ឍន៍កាន់តែខ្លាំងឡើងបន្ថែមទៀត។

លោកបញ្ជាក់ថា “ក្នុងនាមរដ្ឋបាលខេត្ត គាំទ្រចំពោះអ្នកវិនិយោគគ្រប់ប្រភេទ ដែលស្របច្បាប់ទាំងក្នុងស្រុកក្រៅស្រុកដោយរក្សានៅសន្តិសុខ សុវត្ថិភាពជូនពួកគេ ដើម្បីឲ្យការវិនិយោគ ប្រកបទៅដោយសុខសុវត្ថិភាព និងការអភិវឌ្ឍនក្នុងខេត្ត”។

ជាមួយគ្នានេះដែរ លោក យ៉ែន សុខលីន អគ្គនាយកក្រុមហ៊ុន អឹមអិលមង្គលរៀលធី ឯ.ក បានលើកឡើងថា នេះជាគម្រោងទី១ ដែលបានរួមសហការគ្នារវាងក្រុមហ៊ុន អឹមអិល មង្គលរៀលធី ឯ.កនិងក្រុមហ៊ុន អ៊ីសធើនហៅស៍ រៀលអ៊ីស្ទេត ឯ.ក ដែលបានវិយោគលើគម្រោងលំនៅដ្ឋាន ដែលរួមមាន ប្រភទ ហ្សបហៅស៍ អឹមវីឡា និងអិលវីឡា ជាប្រទេភផ្ទះមូយថ្មីស្រឡាង ដោយផ្តោតចំបងលើ គុណភាព ភាពរឹងមាំ ប្រណិតភាព សោភណ្ឌភាព ផាសុកខភាព និងទំនើបស៊ីវិល័យ។

លោកបញ្ជាក់ថា “ភាពជោគជ័យទាំងអស់នេះ ដោយសារតែក្រុមហ៊ុនមានទស្សនៈវិស័យ និងគោលការណ៍ម៉ឺងម៉ាត់ ច្បាស់លាស់ និងមានផែនការអនុវត្តន៍រួមគ្នា ដោយឈរលើគោលការណ៍៤ យ៉ាង គឺ លក់ សង់ ប្លង់ ថែរ”។

សម្តេចកិត្តិសង្គហបណ្ឌិតបានបន្តទៀតថា វត្តមាន និងទំហំនៃការវិនិយោគរបស់ក្រុមហ៊ុនទាំងពីរ បានបង្ហាញពីសក្តានុពលរបស់ខេត្តព្រះសីហនុ និងជំនឿទុកចិត្តយ៉ាងមុតមាំរបស់វិនិយោគិនមកលើរាជរដ្ឋាភិបាលកម្ពុជា ក្រោមការដឹកនាំប្រកបដោយចក្ខុវិស័យវែងឆ្ងាយ របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលបានចាត់ទុក វិស័យឯកជនជាក្បាលម៉ាស៊ីននៃកំណើន សេដ្ឋកិច្ច រួមជាមួយនឹងការ លើកទឹកចិត្ត និងជួយ សម្របសម្រួលគ្រប់បែបយ៉ាងដល់វិនិយោគិន ដែលមានបំណង មកបណ្តាក់ទុនវិនិយោគនៅ កម្ពុជាប្រកបដោយភាពជឿជាក់និងមានទំនុកចិត្តខ្ពស់។

សម្តេចកិត្តិសង្គហបណ្ឌិត បានស្នើឲ្យក្រុមហ៊ុនត្រូវផ្តល់សេវាកម្មដល់អតិថិជន ប្រកបដោយការទទួលខុសត្រូវ ធានាសោភ័ណភាព គុណភាព និងប្រណិតភាព និងត្រូវ គោរពទៅតាមលិខិតបទដ្ឋាននានា ដូចជា ៖ ច្បាប់សំណង់ និងច្បាប់វិនិយោគរបស់ ព្រះរាជាណាចក្រកម្ពុជា និងមានកាតព្វកិច្ចបង់ពន្ធឲ្យបានត្រឹមត្រូវ។

សម្តេចកិត្តិសង្គហបណ្ឌិត បានអំពាវនាវប្រជាពលរដ្ននៅគ្រប់ទីកន្លែង គ្រប់ស្ថាប័ន ថ្នាក់ជាតិ ថ្នាក់ក្រោមជាតិត្រូវចូលរួមគ្រប់ រូបភាព ក្នុងការគោះជួង ទូងស្គរព្រមៗ គ្នានៅថ្ងៃទី៥ ខែសីហា ឆ្នាំ២០២៤ សម្រាប់ថ្ងៃបើក ការដ្ឋាន គម្រោង ព្រែកជីកហ្វូណន តេជោ ខាងមុខនេះ តបតាមការអំពាវនាវរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្រោមគំនិតផ្តួចផ្តើម របស់គំនិតផ្តួចផ្តើម ប្រកបដោយចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានព្រឹទ្ធសភា និងជា ប្រធានក្រុមឧត្តមប្រឹក្សាផ្ទាល់ព្រះមហាក្សត្រ៕

ភ្ញាក់ផ្អើលខ្លាំង! ទើបប្រកាសធ្វើសន្និសីទសារព័ត៌មាន ស្ថានីយទូរទស្សន៍ភិអិនអិន បេក្ខជនជិត ១០០នាក់សម្រុកដាក់ពាក្យ ទឹកប្រាក់រង្វាន់សម្រាប់ម្ចាស់ជ័យលាភី រហូតដល់ ៦០លានរៀល

event

bora.chhouk@gmail.com

-

July 19, 2024

0

ភ្ញាក់ផ្អើលខ្លាំង! ទើបប្រកាសធ្វើសន្និសីទសារព័ត៌មាន ស្ថានីយទូរទស្សន៍ភិអិនអិន បេក្ខជនជិត ១០០នាក់សម្រុកដាក់ពាក្យ ទឹកប្រាក់រង្វាន់សម្រាប់ម្ចាស់ជ័យលាភី រហូតដល់ ៦០លានរៀល

កម្មវិធី Rapper FIGHTER ដែលជាកម្មវិធីប្រឡងចម្រៀងរ៉េដ៏ធំប្រចាំឆ្នាំ ២០២៤ របស់ស្ថានីយទូរទស្សន៍ភិអិនអិន គឺជា ទំរង់នៃការប្រឡងចម្រៀងរ៉េប រៀបចំឡើងយ៉ាងសម្រិតសម្រាំង ដែលមានលក្ខណៈពិសេសជាច្រើន ទាំងការរៀបចំ ស្វាយបែប Khmer Hip-Hop នៃវគ្គនីមួយៗ ព្រមទាំងបំពាក់បច្ចេកវិទ្យាចុះឈ្មោះ ដោយប្រើ QR កូដ និងតំណរភ្ជាប់ Link ងាយ ស្រួលក្នុង ការទិញពាក្យពីគ្រប់ទីកន្លែងទូទាំងប្រទេស។

គួរឱ្យកត់សំគាល់ឃើញថា ស្ថានីយទូរទស្សន៍ភីអិនអិន តែងតែនាំយកនូវ កម្មវិធីថ្មីៗ ទំនើបសម្រាប់កម្ពុជាឆ្ពោះទៅមុខ។

ងាយមែនទែន ដើម្បីដាក់ពាក្យចូលរួមប្រឡងចម្រៀងរ៉េប Rapper FIGHTER គ្រាន់តែចុច Link ផ្លូវការ https://www.addmii.com/e/RAPPERFIGHTER ឬស្កេន QR កូដលើ ផ្ទាំងផ្សព្វផ្សាយនានារបស់កម្មវិធី រួចបំពេញព័ត៌មាន និងវីដេអូបង្ហាញទេពកោសល្យនៃការរ៉េប ជាមួយការចុះឈ្មោះទិញពាក្យត្រឹមតែ ១ម៉ឺនរៀលប៉ុណ្ណោះ។

តាមរយៈបទបង្ហាញដោយផលិតករដឹកនាំកម្មវិធី Rapper FIGHTER នេះ គឺលោក រ៉ូមីអូ បាន ឱ្យដឹងថា យើងគ្រាន់តែបើក ដំណើ រការប្រព័ន្ធចុះឈ្មោះភ្លាម និងផ្សាយផ្សព្វផ្សាយសន្និសីត សារព័ត៌មានថ្ងៃនេះ យើងទទួលបានបេក្ខជនរហូតដល់ទៅ ជិត ១០០ នាក់។ ហើយការដាក់ ពាក្យទទួលបេក្ខជននៅតែបន្តរហូតដល់មាន ការជូនដំណឹងនៅចុងខែសីហាមុខ។

ជាមួយគ្នានេះផងដែរ ថ្នាក់ដឹកនាំកម្មវិធី និង Coach ទាំង ៥ រូប មានក្រុមក្មេងខ្មែរ លោក SOCHEAT និង លោក PUNLEUR មានកំពូលរ៉េប លោក RUTHKO ជើងខ្លាំងវោហារ៉េប លោក VUTHEA កំពូលស្វាយសម្លេងរ៉េប លោក KINGCHI គឺសុទ្ធតែតារា រ៉េបខ្មែរល្បីៗ បានបង្ហាញឆន្ទៈរួមគ្នា ដើម្បីបណ្តុះបេក្ខជន បេក្ខនារីក្នុងវិស័យចម្រៀងរ៉េប ដោយសុក្រិត និង យុត្តិធម៌ ជាមួយវគ្គជម្រុះចំនួន ៧ វគ្គធំៗ គឺ ONLINE AUDICTION ជម្រុះមកវត្ត PRE- AUDICTION បន្តជម្រុះមកវគ្គ JUDGE AUDICTION បន្តជម្រុះមកវគ្គ SCREENING STAGE បន្តជម្រុះមកវគ្គ FIGHTING STAGE បន្តជម្រុះមកវគ្គ KILLING STAGE នឹងវគ្គធំចុងក្រោយ SEMI-FINAL រួមជាមួយ FINAL ។ និយាយជារួមទៅ វគ្គនីមួយៗមានវិញ្ញាសារដែលពិសេសៗ ជាច្រើននឹងធ្វើឱ្យ បេក្ខជន និងទស្សនិកជន រំភើបរីករាយពេញចិត្តជាមួយកម្មវិធីថ្មី Rapper FIGHTER នៃស្ថានីយ ទូរទស្សន៍ភិអិនអិន ។

កាន់តែពិសេសចំពោះ ទឹកប្រាក់រង្វាន់សម្រាប់ម្ចាស់ជ័យលាភី រហូតដល់ ៦០លានរៀល រួម ជាមួយកុងត្រាការងារពីភីអិនអិន រួមជាមួយការងារ Concert ជាច្រើនពីដៃគូររបស់យើងមាន ស្រាបៀរ GANZBERG ភេសជ្ជៈ IDOL ភេសជ្ជៈ BOOSTRONG រួមទាំង ទឹកផ្លែឈើ Freshy ផងដែរ។ កម្មវិធី Rapper FIGHTER ជាកម្មវិធីស្នាដៃរបស់ផលិតករខ្មែរ ដែលមានទំរង់ប្រឌិតផ្ទាល់ខ្លួន មិនចាញ់កម្មវិធីទិញទំរង់ពី បរទេសឡើយ។

កម្មវិធីថ្មី Rapper FIGHTER ផ្ទុះការគាំទ្រខ្លាំងពីបេក្ខជន និងសិល្បករសិល្បការនីជាច្រើនរូប!
សិល្បករ សិល្បការនីជាច្រើនរូប បានចូលរួមសន្និសីតសារព័ត៌មានជាផ្លូវការរបស់កម្មវិធី Rapper FIGHTER ដែលជាកម្មវិធី ប្រឡងចម្រៀងរ៉េដ៏ធំប្រចាំឆ្នាំ ២០២៤ របស់ស្ថានីយ ទូរទស្សន៍ភិអិនអិន ។ ពួកគាត់បានសរសើអំពី Rapper FIGHTER ថាមានទំរង់ថ្មី និងរៀបចំ ឡើងយ៉ាងសម្រិតសម្រាំង ដែលមានលក្ខណៈពិសេសជាច្រើន ទាំងការរៀបចំស្វាយបែប Khmer Hip-Hop នៃវគ្គនីមួយៗ ទាំព្រមងបំពាក់បច្ចេកវិទ្យាចុះឈ្មោះ ដោយប្រើ QR កូដ និង តំណរភ្ជាប់ Link ងាយស្រួលក្នុងការងារ ទិញពាក្យពីគ្រប់ទីកន្លែងទូទាំងប្រទេស។ គួរឱ្យកត់ សំគាល់ឃើញថា ស្ថានីយទូរទស្សន៍ភីអិនអិន តែងតែនាំយកនូវកម្មវិធីថ្មីៗ ទំនើបសម្រាប់កម្ពុ ជាឆ្ពោះទៅមុខ។

ងាយមែនទែន ដើម្បីដាក់ពាក្យចូលរួមប្រឡងចម្រៀងរ៉េប Rapper FIGHTER គ្រាន់តែចុច Link ផ្លូវការ https://www.addmii.com/e/RAPPERFIGHTER ឬស្កេន QR កូដលើ ផ្ទាំងផ្សព្វផ្សាយនានារបស់កម្មវិធី រួចបំពេញព័ត៌មាន និងវីដេអូបង្ហាញទេពកោសល្យនៃការរ៉េប ជាមួយការចុះឈ្មោះទិញពាក្យត្រឹមតែ ១ម៉ឺនរៀលប៉ុណ្ណោះ។

តាមរយៈបទបង្ហាញដោយផលិតករដឹកនាំកម្មវិធី Rapper FIGHTER នេះ គឺលោក រ៉ូមីអូ បាន ឱ្យដឹងថា យើងគ្រាន់តែ បើកដំណើរការប្រព័ន្ធចុះឈ្មោះភ្លាម និងផ្សាយផ្សព្វផ្សាយសន្និសីត សារព័ត៌មានថ្ងៃនេះ យើងទទួលបានបេក្ខជនរហូតដល់ទៅ ជិត ១០០ នាក់។ ភាគច្រើនពួក កាត់សរសើរ ថាមើលទៅកម្មវិធី Rapper FIGHTER មានលក្ខណៈពិសេសច្រើន និងគួរឱ្យ ទុកចិត្តចំពោះការដាក់ពាក្យចូលរួមប្រឡងដោយយុត្តិធម៌។

ម្ចាស់ជ័យលាភី នឹងគ្រង់ខ្សែកដ៏ធំ RAPPER FIGHTER ជាមួយប្រាក់រង្វាន់ ៦០ ០០០ ០០០ រៀល (60លានរៀល) ចំណែកបេក្ខជនកំពូល ៤រូបទៀត ទទួលបានប្រាក់រង្វាន់ ៥ ០០០ ០០០ រៀល (៥លានរៀល) ក្នុង ១នាក់ លើសពីនេះ មានកុងត្រា Concert ចំនួន ១០លើក និងឱកាសការងារជាច្រើនពី ស្រាបៀរ GANZBERG និងពីស្ថានីយទូរទស្សន៍ភីអិនអិន សម្រាប់បេក្ខជនកំពូល ៥រូបចុងក្រោយ៕

បុរសនេសាទ២នាក់ ត្រូវបានក្រុមការងារអូបរ័ល្បឿនលឿន អ្នកឧកញ៉ា ទៀ វិចិត្រ ជួយសង្គ្រោះរួចផុតពីគ្រោះថ្នាក់ បន្ទាប់ពីជួបឧបទ្ទវហេតុលិចទូកកណ្តាលសមុទ្រ

សិល្បៈ កម្សាន្ត កីឡា

private

-

July 19, 2024

0

បុរសនេសាទ២នាក់ ត្រូវបានក្រុមការងារអូបរ័ល្បឿនលឿន អ្នកឧកញ៉ា ទៀ វិចិត្រ ជួយសង្គ្រោះរួចផុតពីគ្រោះថ្នាក់ បន្ទាប់ពីជួបឧបទ្ទវហេតុលិចទូកកណ្តាលសមុទ្រ

ភ្នំពេញ៖ ពិតជាសំណាងនៅក្នុងគ្រោះថ្នាក់ បុរសអ្នកនេសាទជនជាតិខ្មែរ២នាក់ ដែលលិចទូកកណ្តាលសមុទ្រ ម្តុំខាងជើងកោះថាស វេលាម៉ោងជាង៨យប់ ថ្ងៃទី ១៨ ខែកក្កដា ឆ្នាំ២០២៤ បន្ទាប់មកត្រូវបានក្រុមការងារអូបរ័ល្បឿនលឿន អ្នកឧកញ៉ា ទៀ វិចិត្រ ចេញទៅស្វែងរក និងបានជួយសង្គ្រោះ ស្រង់រួចផុតពីគ្រោះថ្នាក់។

តាមការបញ្ជាក់ពីជនរងគ្រោះឲ្យដឹងថា ទូកបានលិចពេលមានភ្លៀង ខ្យល់និងរលកខ្លាំង និងថាក្រោយទូកលិច ជនរងគ្រោះទាំង២នាក់តោងប៊ីដុង ហែលបណ្តែតទឹកសមុទ្រ ប្រហែលជិតមួយម៉ោង ហើយជាសំណាងល្អ បុណ្យល្អ ក៍បានក្រុមការងារសង្គ្រោះរបស់ អ្នកឧកញ៉ា ទៀ វិចិត្រ ចេញមកជួយសង្គ្រោះ ក្នុងពេលដែលនៅលើសមុទ្រកំពុងមានភ្លៀងផង ខ្យល់និងរលកធំៗផង៕