Home Blog Page 49

១៦ដុល្លាក្នុងមួយថ្ងៃ និងក្លាយជាម្ចាស់យូនីតណា មួយរបស់ខុនដូអ័រគីដេភ្លាមៗ

bora.chhouk@gmail.com
-
0
១៦ដុល្លាក្នុងមួយថ្ងៃ និងក្លាយជាម្ចាស់យូនីតណា មួយរបស់ខុនដូអ័រគីដេភ្លាមៗ

ភ្នំពេញ៖ ​​ដើមឆ្នាំថ្មី ខែថ្មី ឱកាសក្លាយជាម្ចាស់យូនីតនៃខុនដូ Orkide The Royal Condominium ដែល លោក លោកស្រីពេញចិត្ត​ក៏កាន់តែមានភាពងាយស្រួលមួយកំរិតទៀត ដោយការបង់ប្រាក់ត្រឹមតែ $16/ថ្ងៃ និងអាចកាន់សោរចូលរស់នៅបានភ្លាមៗបន្ទាប់ពីអតិថិជនបង់បាន10%។

លោក គ្រួច សុភត្រ្តា នាយកចាត់ការទូទៅ នៃក្រុមហ៊ុន អ័រគីដេ ឌីវែឡុបម៉ិន បានមានប្រសាសន៍ថា “ ការផ្តល់ជូនខាងលើនេះ គឺដើម្បីចូលរួមអបអរសាទរ ការបើកដំណើរការជាផ្លូវការនៃបន្ទប់គំរូ យូនីតស្ទូឌីយោ ជូនលោក លោកស្រីដែលមានបំណង ចង់ចូលទស្សនាផ្ទាល់ជាមួយនិងការដេគ័រជាក់ស្តែង ដើម្បីផ្តល់ជូនជាទំនុកចិត្តដល់ លោក លោកស្រី ក្នុងការសម្រេចចិត្តបន្ថែមទៀត។​

លោកក៏បានបន្ថែមផងដែរថាសម្រាប់ ក្រុមហ៊ុន អ័រគីដេ ឌីវែឡុបម៉ិន ដែលជាក្រុមហ៊ុនអចលនទ្រព្យមួយឈានមុខគេ គឺពួកយើងតែងតែព្យាយាមស្វែងរក អ្វីដែលជាភាពងាយស្រួលជូនអតិថិជនរបស់យើង មិនថាជាការបង់ប្រាក់ ប្រចាំខែ ការបង់ប្រាក់សំរាប់ការកាន់សោរចូលរស់នៅ ការទទួលបាននៅផាសុកភាពនៃការរស់នៅ ដែលអតិថិជនអាចរីករាយជាមួយភាពសំបូរបែបជាច្រើនដូចជា កន្លែងហាត់ប្រាណ ស្ទីម សាវណា អាងហែលទឹក រចនាបថបែបឆ្នេរសមុទ្រ សួនច្បារបៃតង និងមានជាចំណតរថយន្តក្រោមដីធំទូលាយ សន្តិសុខសុវត្តិភាព២៤ម៉ោង ត្រឹមតែមួយជំហ៊ានដល់ ផ្សារទំនើប និង កន្លែងផ្សេងៗជាច្រើនទៀត។

លោកក៏សូមគោរពអញ្ជើញ លោក លោកស្រី ដែលមានចំណាប់អារម្មណ៍ទៅលើ យូនីតខុនដូអ័រគីដេណាមួយ អាចមកសាកសួរព័ត៌មាន ជាមួយក្រុមការងារផ្នែកលក់ ក៏ដូចជាទស្សនាផ្ទាល់នៅបន្ទប់គំរូរបស់យើង បូករួមជាមួយបរិយាកាសនៃការរស់នៅជាក់ស្តែង ក្នុងបរិវេណខុនដូយើងដែលមានទីតាំងនៅតាមបណ្តោយផ្លូវ 2004 ទល់មុខសាលាអន្តរជាតិ CIA នៅថ្ងៃទី​ 27-28 ខែមករានេះចាប់ពីវេលាម៉ោង 9ព្រឹក រហូតដល់ 5:30ល្ងាច។ យើងក៏មានបម្រើជូនជាភេសជ្ជះ និងអាហារសម្រន់ផងដែរ។

 Facebook Page: http://Facebook Page: https://www.facebook.com/orkide.development

ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរទៅកាន់ប្រទេសចិន ក្នុង  រយៈពេលត្រឹមតែពីរខែប៉ុណ្ណោះ ដោយពង្រីកបណ្តាញ *តម្លៃសំបុត្រចាប់ពី USD0 ឡើងទៅ សម្រាប់ជើងហោះហើរ ទីក្រុងហូជីមិញ – ឆេងឌូ ដែលភ្ញៀវអាចកក់សំបុត្រឥឡូវនេះបានហើយជើងហោះហើរវៀតណាម-ចិន

bora.chhouk@gmail.com
-
0
ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរទៅកាន់ប្រទេសចិន ក្នុង  រយៈពេលត្រឹមតែពីរខែប៉ុណ្ណោះ ដោយពង្រីកបណ្តាញ *តម្លៃសំបុត្រចាប់ពី USD0 ឡើងទៅ សម្រាប់ជើងហោះហើរ ទីក្រុងហូជីមិញ – ឆេងឌូ ដែលភ្ញៀវអាចកក់សំបុត្រឥឡូវនេះបានហើយជើងហោះហើរវៀតណាម-ចិន

(ភ្នំពេញ ថ្ងៃទី 26 ខែមករា ឆ្នាំ 2024) – ក្រុមហ៊ុន Vietjet ពង្រីកបណ្តាញជើងហោះហើររបស់ខ្លួនបន្ថែមទៀតរវាងប្រទេសវៀតណាម និងប្រទេសចិន ជាមួយនឹងការបើកដំណើរការសេវាកម្មហោះហើយផ្ទាល់ពីទីក្រុង          ហូជីមិញ – ឆេងឌូ បន្ទាប់ពីការបើកដំណើរការនាពេលថ្មីៗនេះជាមួយនឹងជើងហោះហើរទីក្រុងហូជីមិញ – សៀងហៃ។ ការដាក់ឱ្យដំណើរការជើងហោះហើរទីក្រុងហូជីមិញ-ចេងទូ គឺជាសេវាកម្មទីពីរទៅកាន់ប្រទេសចិន ដែលត្រូវបានដាក់ឱ្យដំណើរការក្នុងរយៈពេលពីរខែចុងក្រោយនេះ ហើយផ្តល់ជូនអ្នកដំណើរពីប្រទេសកម្ពុជានូវឱកាសទៅទស្សនាទីក្រុងជាច្រើនទៀត នៅក្នុងប្រទេសចិនតាមរយៈប្រើប្រាស់សេវាកម្មជើងហោះហើរ Vietjet ។

ការបើកសេវាកម្មជើងហោះហើរទីក្រុងហូជីមិញ – ឆេងឌូ គ្រោងនឹងចាប់ផ្តើមដំណើរការនៅថ្ងៃទី1 នៃពិធីបុណ្យចូលឆ្នាំថ្មី ដែលជាថ្ងៃឈប់សម្រាកដ៏ធំបំផុតរបស់ប្រទេសទាំងពីរ ដែលនេះក៏បង្ហាញពីការជូនពរដ៏កក់ក្តៅបំផុតរបស់ក្រុមហ៊ុនអាកាសចរណ៍សម្រាប់ឆ្នាំថ្មីដ៏វិបុលភាព និងរីករាយនាពេលខាងមុខនេះ។ ការតភ្ជាប់ជើងហោះហើរដោយផ្ទាល់មិនត្រឹមតែពង្រឹងទំនាក់ទំនងដឹកជញ្ជូនប៉ុណ្ណោះទេ តែវាថែមទាំងដើរតួនាទីយ៉ាងសំខាន់ ក្នុងការជំរុញពាណិជ្ជកម្ម និងទេសចរណ៍រវាងទីក្រុងដ៏រស់រវើក និងប្រទេសទាំងពីរវៀតណាម និងចិន។

ផ្លូវហោះហើរទីក្រុងហូជីមិញ – ឆេងឌូ នឹងត្រូវសម្ពោធនៅថ្ងៃទី១០ ខែកុម្ភៈ ឆ្នាំ២០២៤ ដោយដំណើរការជើងហោះហើរទៅមកជារៀងរាល់ថ្ងៃ។ ជើងហោះហើរនេះ ចេញដំណើរពីអាកាសយានដ្ឋានអន្តរជាតិ Tan Son Nhat ទីក្រុងហូជីមិញនៅម៉ោង 19:10 (ម៉ោងក្នុងតំបន់) ហើយចុះចតនៅអាកាសយានដ្ឋានអន្តរជាតិ Chengdu Tianfu (TFU) នៅម៉ោង 00:15 ថ្ងៃបន្ទាប់ (ម៉ោងក្នុងស្រុក)។ ជើងហោះហើរពី Chengdu ចេញដំណើរនៅម៉ោង 00:50 (ម៉ោងក្នុងស្រុក) និងមកដល់ទីក្រុងហូជីមិញនៅម៉ោង 03:55 (ម៉ោងក្នុងស្រុក)។

ភ្ញៀវធ្វើដំណើរនឹងទទួលបានតម្លៃដ៏ពិសេសអស្ចារ្យត្រឹមតែ USD0 (*) សម្រាប់ផ្លូវហោះហើរថ្មីនេះ លោកអ្នកអាចកក់សំបុត្រឥឡូវនេះតាមគេហទំព័រ www.vietjetair.com ឬកម្មវិធីទូរស័ព្ទ Vietjet Air ជាមួយនឹងពេលវេលាធ្វើដំណើរចាប់ពីថ្ងៃទី10 ខែកុម្ភៈ ឆ្នាំ 2024 ដល់ថ្ងៃទី30 ខែមីនា ឆ្នាំ 2024។ ភ្ញៀវធ្វើដំណើររបស់ Vietjet នឹងទទួលបានការធានារ៉ាប់រងពីក្រុមហ៊ុន SkyCare ដោយឥតគិតថ្លៃ ដែលលោកអ្នកធ្វើដំណើរប្រកបដោយសុវត្ថិភាព។

ឥឡូវនេះ ភ្ញៀវធ្វើដំណើរក៏អាចរីករាយជាមួយនឹងការតភ្ជាប់ជើងហោះហើររវាងទីក្រុងហូជីមិញ ដែលជាមជ្ឈមណ្ឌលសេដ្ឋកិច្ចដ៏មមាញឹក និងជាច្រកទៅកាន់គោលដៅទាក់ទាញនៃប្រទេសវៀតណាម និងរដ្ឋធានី ឆេងឌូ នៃខេត្ត Sichuan ភាគនិរតីនៃប្រទេសចិន ដែលជាទីក្រុងដ៏ល្បីល្បាញខាងប្រវត្តិសាស្រ្តដ៏សម្បូរបែប និងវប្បធម៌រស់រវើក។ ផ្លូវហោះហើរថ្មីនេះ ត្រូវបានគេរំពឹងថានឹងឆ្លើយតបទៅនឹងតម្រូវការកើនឡើងនៃការធ្វើដំណើររវាងប្រទេសទាំងពីរ ដែលអនុញ្ញាតឱ្យអ្នកដំណើរអាចស្វែងរកការកម្សាន្តចច្រើនបែប រីករាយទទួលទានអារហារឆ្ងាញ់ៗ និងគយគន់សម្រស់ធម្មជាតិដ៏អស្ចារ្យនៅប្រទេសវៀតណាម និងចិន។

ក្រុមហ៊ុន Vietjet កំពុងពង្រីកវត្តមានរបស់ខ្លួនយ៉ាងខ្លាំងក្លានៅក្នុងប្រទេសចិន ក្នុងយុទ្ធសាស្រ្តនាំតំបន់អាស៊ីអាគ្នេយ៍ឱ្យកាន់តែខិតទៅជិតប្រទេសចិន។ ថ្មីៗនេះ ក្រុមហ៊ុន Vietjet នៅប្រទេសថៃបានចាប់ផ្តើមសេវាកម្មជើងហោះហើរ ដោយផ្ទាល់តភ្ជាប់ទីក្រុងសៀងហៃ ហាំងចូវ និងក្វាងចូវ ទៅកាន់រាជធានីបាងកករបស់ប្រទេសថៃ ហើយគ្រោងនឹងតភ្ជាប់ទីក្រុងធំៗរបស់ប្រទេសចិនបន្ថែមទៀតនាពេលខាងមុខនេះ។ សេវាកម្មហោះហើរផ្ទាល់ទាំងនេះ មិនត្រឹមតែផ្តល់ឱ្យអ្នកធ្វើដំណើរនូវជម្រើសនៃការធ្វើដំណើរដ៏ទូលំទូលាយ និងតម្លៃសមរម្យប៉ុណ្ណោះទេ ប៉ុន្តែថែមទាំងជួយជំរុញសេដ្ឋកិច្ចទេសចរណ៍រវាងប្រទេស និងតំបន់ទៅតំបន់ថែមទៀតផង។

ជាមួយនឹងយន្តហោះដ៏ទំនើបរបស់ខ្លួន ការប្តេជ្ញាចិត្តចំពោះសុវត្ថិភាពធ្វើដំណើរ និងសេវាកម្មអតិថិជនដ៏ពិសេស Vietjet ត្រៀមផ្តល់ជូនអ្នកដំណើរនូវការធ្វើដំណើរប្រកបដោយផាសុកភាព និងរីករាយក្នុងឆ្នាំថ្មីខាងមុខនេះ។ មិនថាការធ្វើដំណើរសម្រាប់ធុរកិច្ច ឬការកម្សាន្តនោះទេ អ្នកដំណើរអាចទទួលបានបទពិសោធន៍ដ៏ល្អឥតខ្ចោះ និងមិនអាចបំភ្លេចបាន ដែលផ្តល់សេវាជូនដោយបុគ្គលិកប្រកបដោយការយកចិត្តទុកដាក់ រស់រាយរាក់ទាក់ និងមានវិជ្ជាជីវៈខ្ពស់។

(*) មិនរាប់បញ្ចូលពន្ធ និងថ្លៃសេវា

អំពីក្រុមហ៊ុន Vietjet

ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេស វៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ដែលតភ្ជាប់ជើងហោះហើរទូទាំងតំបន់ និងជុំវិញ ពិភពលោកផងដែរ។ ក្រុមហ៊ុន Vietjet ផ្តោតលើសមត្ថភាពគ្រប់គ្រងថ្លៃដើម ប្រតិបត្តិការប្រកបដោយ ប្រសិទ្ធភាព និងការប្រើប្រាស់កច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ។ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃថ្លៃដើម និងតម្លៃដែលអាចបត់បែនបាន ព្រមទាំងសេវាកម្ម ចម្រុះដើម្បីបំពេញតម្រូវការរបស់អតិថិជនផងដែរ។

ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹង វិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់ សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភព លោកគឺ airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុន អាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អ ដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបាន គេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗ ដូចជា Skytrax, CAPA, Airline Ratings និងស្ថាប័នជាច្រើនទៀត។

សម្រាប់ព័ត៌មានបន្ថែម សូមចូលទៅកាន់៖ www.vietjetair.com

ទំនាក់ទំនងប្រព័ន្ធផ្សព្វផ្សាយ៖

លោក មី សុវណ្ណ

អ៊ីម៉ែល: media@qed.agency

លេខទូរសព្ទ: +855(0)88 6000 321

កញ្ញា Kieu Duong (Amy)

អ៊ីម៉ែល: kieuduong@vietjetair.com
លេខទូរសព្ទ: +84 932 775 066

លោក ឆាយ ប្ញទ្ធិសែន ជួបសំណេះសំណាល និងសាកសួរសុខទុក្ខ ថ្នាក់ដឹកនាំ មន្ត្រីរាជការ និងមន្ដ្រីជាប់កិច្ចសន្យា នៃមន្ទីរអភិវឌ្ឍន៍ជនបទ រាជធានីភ្នំពេញ

TR110
-
0
លោក ឆាយ ប្ញទ្ធិសែន ជួបសំណេះសំណាល និងសាកសួរសុខទុក្ខ ថ្នាក់ដឹកនាំ មន្ត្រីរាជការ និងមន្ដ្រីជាប់កិច្ចសន្យា នៃមន្ទីរអភិវឌ្ឍន៍ជនបទ រាជធានីភ្នំពេញ

ភ្នំពេញ៖ លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នារសៀលថ្ងៃទី២៦ ខែមករា ឆ្នាំ២០២៤នេះ បានអញ្ជើញជួបសំណេះសំណាល និងសាកសួរសុខទុក្ខជាមួយថ្នាក់ដឹកនាំ មន្ត្រីរាជការ និងមន្ដ្រីជាប់កិច្ចសន្យានៃមន្ទីរអភិវឌ្ឍន៍ជនបទរាជធានីភ្នំពេញ សរុបចំនួន ៣៣នាក់ ស្រី ១៤នាក់។

ការជួបសំណេះសំណាលនេះ ដោយមានការចូលរួមពី រដ្ឋលេខាធិការប្រចាំការ រដ្ឋលេខាធិការ អនុរដ្ឋលេខាធិការ​ ថ្នាក់ដឹកនាំក្រសួងអភិវឌ្ឍន៍ជនបទ​ ព្រមទាំងមានការអញ្ជើញចូលរួម ពីសំណាក់លោក អ៊ីមរ៉ន ហាស្សាន់ អភិបាលរង នៃគណៈអភិបាលរាជធានីភ្នំពេញ បានអញ្ជើញជួបសំណេះសំណាល និងសាកសួរសុខទុក្ខជាមួយថ្នាក់ដឹកនាំ មន្ត្រីរាជការ និងមន្ដ្រីជាប់កិច្ចសន្យានៃមន្ទីរអភិវឌ្ឍន៍ជនបទរាជធានីភ្នំពេញ សរុបចំនួន ៣៣នាក់ ស្រី ១៤នាក់។

បន្ទាប់ពីបានស្ដាប់របាយការណ៍ បូកសរុបលទ្ធផលការងារ ឆ្នាំ២០២៣ របស់មន្ទីរអភិវឌ្ឍន៍ជនបទរាជធានីភ្នំពេញ ដោយលោក គឹម វិបុល ប្រធានមន្ទីររួចមក លោក ឆាយ ប្ញទ្ធិសែន បានពាំនាំនូវការផ្ដាំផ្ញើសាកសួរសុខទុក្ខ ប្រកបដោយក្ដីនឹករលឹក និងពរសព្វសាធុការពីសំណាក់សម្តេចអគ្គមហាសេនាបតីតេជោ ហ៊ុន សែន សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា ព្រមទាំងបានសម្ដែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងក្នុងការបំពេញភារកិច្ចយ៉ាងសកម្មរបស់ថ្នាក់ដឹកនាំ និងមន្ត្រីទាំងអស់នាពេលកន្លងមក។

លោក ឆាយ ឫទ្ធិសែន បានមានប្រសាសន៍ថា ក្នុងអាណត្តិទី៦ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន អតីតនាយករដ្ឋមន្ដ្រី នាពេលកន្លងមក ក្រសួងអភិវឌ្ឍន៍ជនបទ បានខិតខំអនុវត្តកម្មវិធីអាទិភាព របស់ក្រសួងក្នុងអាណត្តិកន្លងមក រួមមាន ការអភិវឌ្ឍហេដ្ឋារចនាសម្ព័ន្ធរូបវន្ត និងគមនាគមន៍ ប្រទាក់ក្រឡា ដើម្បីធានាបាននូវតំបន់ជនបទសមាហរណកម្ម, ការកែលម្អលក្ខខណ្ឌ នៃការរស់នៅ របស់សហគមន៍ជនបទ, ពិពិធកម្មសកម្មភាពសេដ្ឋកិច្ចជនបទ តាមរយៈការបណ្តុះបណ្ដាលជំនាញមូលដ្ឋាន ដើម្បីបង្កើតការងារ និងមុខរបរ និង ពង្រឹងសេវាគាំទ្ររដ្ឋបាល និងកិច្ចការទូទៅ ក្នុងគោលដៅធ្វើឱ្យសម្រេចនូវចក្ខុវិស័យរបស់ខ្លួន គឺ “លើកកម្ពស់គុណភាព និងគុណតម្លៃរបស់ប្រជាជននៅជនបទប្រកបដោយចីរភាព និងបរិយាបន្ន ទាំងផ្នែកសេដ្ឋកិច្ច សង្គម និងវប្បធម៌”។

ជាមួយគ្នានេះ សម្រាប់នីតិកាលថ្មីនេះ ក្រសួងអភិវឌ្ឍន៍ជនបទ បានកំណត់ចក្ខុវិស័យដ៏មានសារៈសំខាន់គឺ “កសាងតំបន់ជនបទកម្ពុជាប្រកបដោយវិបុលភាព, បរិយាបន្ន, នវានុវត្តន៍, ឌីជីថល, និងភាពធន់ ទាំងផ្នែកសេដ្ឋកិច្ច សង្គម និងវប្បធម៌” ដើម្បីធានាបាននូវកំណើនប្រាក់ចំណូលគ្រួសារ នៅជនបទប្រកបដោយចីរភាព និងមានសុខុមាលភាពកាន់តែល្អប្រសើរឡើង តាមរយៈ ការដាក់ចេញនូវផែនការយុទ្ធសាស្រ្ដអភិវឌ្ឍន៍ជាតិឆ្នាំ២០២៤-២០២៨ ដែលប្រែកម្មវិធីអាទិភាពចំនួន ៥។ កម្មវិធីអាទិភាពនេះ នឹងចូលរួមអនុវត្តនូវយុទ្ធសាស្រ្ដបញ្ចកោណ ដំណាក់កាលទី១ របស់រាជរដ្ឋាភិបាលក្នុងនីតិកាលទី ៧ ក្រោមការដឹកនាំប្រកបដោយភាពឈ្លាសវៃ និងប៉ិនប្រសព្វរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី ដែល មានបាវចនា ៥ ដើម្បីកំណើន ការងារ សមធម៌ ប្រសិទ្ធភាព និងចីរភាព ដោយផ្អែកលើអាទិភាពគន្លឹះចំនួន ៥ គឺ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្នុងគោលដៅកាត់បន្ថយភាពក្រីក្រ និងជំរុញកំណើនសេដ្ឋកិច្ចកម្ពុជា ឈានឆ្ពោះទៅសម្រេចចក្ខុវិស័យកម្ពុជាជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលកម្រិតខ្ពស់នៅឆ្នាំ២០៥០។

មានប្រសាសន៍ក្នុងពីធីសំណេះសំណាលនោះ លោករដ្ឋមន្រ្ដី បានផ្ដាំផ្ញើ ដល់ថ្នាក់ដឹកនាំ និងមន្ត្រីរាជការនៃមន្ទីរអភិវឌ្ឍន៍ជនបទរាជធានីភ្នំពេញ ដែលមានខ្លឹមសារដូចខាងក្រោម៖

១/ មន្ទីរអភិវឌ្ឍន៍ជនបទរាជធានីត្រូវសហការជាមួយអាជ្ញាធរមូលដ្ឋាន ដើម្បីកំណត់ភូមិគំរូនៅក្នុងខណ្ឌជាយរាជធានី ដោយផ្អែកលើសក្ដានុពលសំខាន់ៗ ទៅតាមលក្ខណៈវិនិច្ឆ័យនៃភូមិគំរូ។
២/ ត្រូវបន្ដថែរក្សាសមិទ្ធផលនិងស្នាដៃដែលមានកន្លងមកជាមូលដ្ឋាន និងខិតខំបង្កើនសមិទ្ធផល និងស្នាដៃថ្មីបន្ថែមទៀតដើម្បីចូលរួមសម្រេចឱ្យបានចក្ខុវិស័យកម្ពុជាឆ្នាំ២០៣០ និង ឆ្នាំ២០៥០។
៣/ ត្រូវខិតខំបំពេញតួនាទី ភារកិច្ចរបស់ខ្លួន ប្រកបដោយការទទួលខុសត្រូវនិងប្រកាន់ខ្ជាប់នូវសីលធម៌វិជ្ជាជីវៈ ព្រមទាំងចាត់ទុកខ្លួនឯងជាមន្ដ្រីបម្រើឱ្យប្រជាពលរដ្ឋ ប្រកបដោយសុចរិតភាព។
៤/ មន្ទីរត្រូវខិតខំបំពេញតួនាទីជាសេនាធិការឱ្យបានល្អ និងសុចរិតដល់រដ្ឋបាលរាជធានី, មានកិច្ចសហការល្អអាជ្ញាធរគ្រប់លំដាប់ថ្នាក់, មន្ទីរពាក់ព័ន្ធនានា ព្រមទាំង, អង្គការក្រៅរដ្ឋាភិបាល ដៃគូអភិវឌ្ឍន៍ ដែលមានបទពិសោធន៍ និងធនធាន ដើម្បីជំរុញការងារអភិវឌ្ឍជនបទឱ្យកាន់តែល្អប្រសើរឡើង។
៥/ មន្ទីរ ត្រូវបង្កើតឱ្យមានក្រុមអ្នកនាំពាក្យរបស់ខ្លួន ដើម្បីផ្ដល់ព័ត៌មាន ក្នុងគោលដៅចូលរួមផ្សព្វផ្សាយសមិទ្ធផលរបស់រាជរដ្ឋាភិបាលក៏ដូចជាក្រសួងអភិវឌ្ឍន៍ជនបទ ឱ្យបានទូលំទូលាយដល់មហាជន។
៦/ ត្រូវមានឯកភាព សាមគ្គីភាពផ្ទៃក្នុងឱ្យបានល្អ, យកចិត្តទុកដាក់លើសុខទុក្ខរបស់មន្រ្ដីរាជការ និងត្រូវមានការលើកទឹកចិត្តតាមរយៈ ការដំឡើងតួនាទី ឋានន្ដរស័ក្ដិ គ្រឿងឥស្សរិយយស ឬមធ្យោបាយផ្សេងៗ ជាពិសេសមន្ដ្រីរាជការជាស្រ្ដីមានផ្ទៃពោះ ឬមានកូនតូចជាដើម។

ពិធីសំណេះសំណាលជាមួយថ្នាក់ដឹកនាំ មន្ត្រីរាជការ និងមន្ដ្រីជាប់កិច្ចសន្យា នៃមន្ទីរអភិវឌ្ឍន៍ជនបទរាជធានីភ្នំពេញ បានបញ្ចប់ទៅក្រោមបរិយាកាសសប្បាយរីករាយ និងមានភាពស្និទ្ធស្នាលបំផុត៕

មិត្តហ្វូន រៀបចំព្រឹត្តិការណ៍ជួបជុំ អ្នកចែកចាយទូទាំងប្រទេស ចាប់ផ្តើមដំណើរអភិវឌ្ឍន៍ថ្មី

bora.chhouk@gmail.com
-
0
មិត្តហ្វូន រៀបចំព្រឹត្តិការណ៍ជួបជុំ អ្នកចែកចាយទូទាំងប្រទេស ចាប់ផ្តើមដំណើរអភិវឌ្ឍន៍ថ្មី

ភ្នំពេញ៖ នាថ្ងៃទី២០ ខែមករា នៅសណ្ឋាគារ Sun and Moon Riverside ក្រុមហ៊ុន វៀតធេល ខេមបូឌា (មិត្តហ្វូន) បានរៀបចំពិធីជួបជុំមួយដើម្បីគោរព និងទទួលស្គាល់ស្នាដៃ របស់ភ្នាក់ងារឆ្នើមក្នុងឆ្នាំ២០២៣ ដោយទន្ទឹងរង់ចាំជោគជ័យថ្មីៗ ជាច្រើនទៀតនៅឆ្នាំ២០២៤។

ពិធីជួបសំណេះសំណាល ជាមួយអ្នកចែកចាយទូទាំងប្រទេសនេះ គឺជាព្រឹត្តិការណ៍ប្រចាំឆ្នាំរបស់ក្រុមហ៊ុនមិត្តហ្វូន។ ព្រឹត្តិការណ៍នេះមិនត្រឹមតែជា ការបង្ហាញពីការដឹងគុណយ៉ាងជ្រាលជ្រៅប៉ុណ្ណោះទេ ប៉ុន្តែវាក៏ជាឱកាសសម្រាប់ភ្នាក់ងារ និងដៃគូយុទ្ធសាស្ត្ររបស់មិត្តហ្វូន ទូទាំងប្រទេសក្នុងការជួបជុំ ចែករំលែក និងភ្ជាប់ព័ត៌មានផងដែរ។

នៅឆ្នាំ២០២៣ មិត្តហ្វូនបានជួបប្រទះថា ជាឆ្នាំដ៏ជោគជ័យនៃការរីកចម្រើនលើគ្រប់វិស័យ ទាំងក្នុងវិស័យទូរគមនាគមន៍ និងសកម្មភាពផ្លាស់ប្តូរឌីជីថល។ ផលិតផលបច្ចេកវិទ្យាព័ត៌មាន របស់មិត្តហ្វូនក៏កំពុងពន្លឿន ការផ្លាស់ប្តូរឌីជីថលរបស់កម្ពុជាផងដែរ។ ផ្នែកសំខាន់នៃសមិទ្ធិផលនេះ ត្រូវបានសន្មតថាបានមកពីការរួមចំណែក ដ៏សំខាន់ពីភ្នាក់ងារទូទាំងប្រទេស និងដៃគូយុទ្ធសាស្ត្រផងដែរ។

ថ្លែងក្នុងពិធីនេះ លោក ញ៉ុង ឌិនថន អគ្គនាយករងក្រុមហ៊ុនមិត្តហ្វូន បានសង្កត់ធ្ងន់ថា «ឆ្នាំ២០២៣ គឺជាឆ្នាំដ៏អស្ចារ្យមិនគួរឱ្យជឿ ដែលជាការកត់សម្គាល់ពី ដំណើរអភិវឌ្ឍន៍រយៈពេល ១៥ឆ្នាំរបស់មិត្តហ្វូន។ យើងពិតជាមានសេចក្តីសោមនស្សរីករាយ និងមោទនភាពជាខ្លាំងចំពោះលទ្ធផល ដែលយើងសម្រេចបានរួមគ្នា។ ក្នុង​ឆ្នាំ​ថ្មី​នេះ យើង​សង្ឃឹម​ថា​នឹង​បន្ត​ដំណើរ​របស់​យើង​ជាមួយ​គ្នា រួម​ចំណែក​ក្នុង​ការ​បង្កើត​តម្លៃ​ ដ៏​ល្អ​បំផុត​សម្រាប់​ប្រជាជន និង​ប្រទេស​កម្ពុជា»។

ការកំណត់អត្តសញ្ញាណអ្នកចែកចាយ និងដៃគូយុទ្ធសាស្រ្តជាដៃគូដ៏សំខាន់ កត្តាកំណត់សំខាន់នៃភាពជោគជ័យនៃផលិតផល និងគម្រោងនាពេលអនាគត មិត្តហ្វូននៅតែបន្តការប្តេជ្ញាចិត្តរបស់ខ្លួន ចំពោះគោលនយោបាយកិច្ចសហប្រតិបត្តិការ ប្រកបដោយតម្លាភាព និងទាក់ទាញ ក្នុងគោលបំណងផ្តល់នូវអត្ថប្រយោជន៍ ដ៏ល្អប្រសើរសម្រាប់ដៃគូរបស់ខ្លួន។ ដោយទទួលបានមរតកពីប្រព័ន្ធ ផលិតផលចម្រុះដែលមានស្រាប់ មិត្តហ្វូនកំពុងជំរុញការអភិវឌ្ឍន៍យ៉ាងសកម្ម ដោយណែនាំគម្រោងថ្មីៗ ជាច្រើននៅឆ្នាំខាងមុខ ២០២៤ និងឆ្នាំបន្តបន្ទាប់ទៀត។

ជាមួយគ្នានេះដែរ ក្នុងក្របខ័ណ្ឌនៃព្រឹត្តិការណ៍នេះ មិត្តហ្វូនក៏បានផ្តល់កិត្តិយស និងផ្តល់កាដូលើកទឹកចិត្ត ដល់អ្នកចែកចាយឆ្នើមផងដែរ។ កាដូទាំងនេះជាសញ្ញាសម្គាល់ ដ៏មានតម្លៃនៃការដឹងគុណដែលមិត្តហ្វូន ពង្រីកទៅកាន់អ្នកចែកចាយទាំងអស់ ដែលបានឈរទន្ទឹមគ្នា អមជាមួយគ្នាពេញមួយរយៈពេលកន្លងមក។ សន្យាឆ្នាំថ្មីភ្លឺស្វាង និងជោគជ័យជាបន្តនៅឆ្នាំ ២០២៤ ៕

ពិតជាពិសេសមែន Xiaomi បានបង្ហាញត្រកូល Redmi Note 13 ដ៏ថ្មីសន្លាងមានរូបរាង និង មុខងារដ៏អស្ចារ្យ

TR110
-
0
ពិតជាពិសេសមែន Xiaomi បានបង្ហាញត្រកូល Redmi Note 13 ដ៏ថ្មីសន្លាងមានរូបរាង និង មុខងារដ៏អស្ចារ្យ

កាលពីថ្ងៃទី ២១ ខែមករា ឆ្នាំ ២០២៤កន្លងទៅនេះ ក្រុមហ៊ុនទូរសព្ទដ៏ពេញនិយម Xiaomi បានណែនាំ និងបញ្ចេញទូរសព្ទត្រកូល Redmi Note 13 Series ដែលធ្វើឡើងនៅសណ្ធាគារ Sun & Moon Riverside ក្រោមការចូលរួយ៉ាងច្រើនកុះករពីសំណាក់ថ្នាក់ដឹកនាំនៃក្រុមហ៊ុន Xiaomi អ្នកសារព័ត៍មាន និងហ្វេនៗត្រកូល Redmiផងដែរ។ សម្រាប់គ្រួសារត្រកូល Redmi Note លើកនេះមានចំនួនបីម៉ូដែលដូចជា៖ Redmi Note 13 Pro+ 5G, Redmi Note 13 Pro និង Redmi Note13 ។

ជាមួយនឹងការធ្វើឱ្យប្រសើរឡើងយ៉ាងសំខាន់ទៅលើប្រព័ន្ធកាមេរ៉ា ការរចនា ការបង្ហាញ និងដំណើរការ Redmi Note 13 Series បានបន្តកាន់តែខិតទៅជិតស្មាតហ្វូនថ្នាក់កណ្តាល និងស្មាតហ្វូន ផ្តល់នូវភាពធន់ បទពិសោធន៍ដ៏អស្ចារ្យ និងសមត្ថភាពថតរូបដ៏គួរឱ្យចាប់អារម្មណ៍ ជាមួយនឹងតម្លៃសមរម្យសាកសមនឹងការរស់នៅនាពេលបច្ចុប្បន្ន។ ទាំងនេះជាចំណុចពិសេសនៃទូរសព្ទត្រកូល Redmi Note 13 Series៖

*ធ្វើឱ្យរាល់លេចធ្លោរាល់ការថតរូបជាមួយនឹងប្រព័ន្ធកាមេរ៉ាដែលបានធ្វើឱ្យប្រសើរឡើងរបស់ Redmi Note 13 Series
រចនាឡើងដើម្បីបំពេញតម្រូវការថតរូបចម្រុះ Redmi Note 13 Series មានប្រព័ន្ធកាមេរ៉ាដែលមានលក្ខណៈចម្រុះ និងធ្វើឱ្យប្រសើរឡើង។ ម៉ូឌែលដែលគាំទ្រគឺ Redmi Note 13 Pro+ 5G និង Redmi Note 13 Pro សុទ្ធតែមានកាមេរ៉ាទំហំ 200MP ដែលមានកម្រិតគុណភាពខ្ពស់ជាមួយនឹងមុខងារទប់លំនឹងរូបភាព(OIS)
ដើម្បីចាប់យករូបភាពជាមួយនឹងកម្រិតលម្អិតដែលមិនធ្លាប់មានពីមុនមក និងនាំមកនូវបទពិសោធន៍ថតរូបកម្រិតច្បាស់ដល់អ្នកប្រើប្រាស់។
ជាងនេះទៅទៀតការពង្រីកដោយរក្សានូវគុណភាពដ៏ច្បាស់ត្រជាក់ភ្នែក2x/4x ផ្តល់នូវការថតជិតលម្អិតពីចម្ងាយនិងនាំមកនូវលទ្ធភាពនៃការផ្តោតទៅលើបុគ្គលនៅក្នុងហ្វូងមនុស្ស ឬពង្រីកសកម្មភាព។ប្រព័ន្ធកាមេរ៉ាកម្រិតខ្ពស់ទាំងនេះត្រូវបានគាំទ្រដោយ ឧបករណ៍ចាប់សញ្ញាទំហំដ៏ធំ 1/1.4″ សនិងដំណើរការរូបភាពប្រសើរឡើង ដែលធានាបាននូវគុណភាពរូបភាពដែលនឹកស្មានមិនដល់ ទោះបីជាស្ថិតក្នុងស្ថានភាពស្មុគ្រស្មាញ និងពន្លឺតិចក៏ដោយ។ ការរួមបញ្ចូលគ្នានៃឧបករណ៏នេះ កម្រិត Aperture f/1.65 និង Tetra pixel (បច្ចេកវិទ្យាកម្រិតខ្ពស់នៃ pixel-binning) ផ្តល់នូវរូបភាពច្បាស់ និងភ្លឺ ទោះបីជាក្នុងស្ថានភាពពន្លឺខ្សោយក៏ដោយ ខណៈពេលដែលកែវលេន 7P

*ភាពច្បាស់ល្អ អេក្រង់ AMOLED និងអត្រា Refresh Rate រហូតដល់ 120Hz
ការរចនាឡើងដើម្បីបំពេញតម្រូវការថតរូបបានច្បាស់ល្អ និងត្រជាក់ភ្នែក Redmi Note 13 Pro+ 5G និង Redmi Note 13 Pro សុទ្ធតែមានកាមេរ៉ាទំហំ 200MP ដែលមានកម្រិតគុណភាពខ្ពស់ជាមួយនឹងមុខងារទប់លំនឹងរូបភាព(OIS)ដើម្បីចាប់យករូបភាពជាមួយនឹងកម្រិតលម្អិតដែលមិនធ្លាប់
មានពីមុនមក និងនាំមកនូវបទពិសោធន៍ថតរូបកម្រិតច្បាស់ដល់អ្នកប្រើប្រាស់។
ជាងនេះទៅទៀតការពង្រីកដោយរក្សានូវគុណភាពដ៏ច្បាស់ត្រជាក់ភ្នែក2x/4ផ្តល់នូវការថតជិតលម្អិតពីចម្ងាយ និងនាំមកនូវលទ្ធភាពនៃការផ្តោតទៅលើបុគ្គលនៅក្នុងហ្វូងមនុស្ស ឬពង្រីកសកម្មភាពបានយ៉ាងពិសេស។ ប្រព័ន្ធកាមេរ៉ាកម្រិតខ្ពស់ទាំងនេះត្រូវបានគាំទ្រដោយឧបករណ៍ចាប់សញ្ញាទំហំដ៏ធំ1/1.4″ ដែលធានាបាននូវគុណភាពរូបភាពល្អនឹកស្មានមិនដល់ទោះបីជាស្ថិតក្នុងស្ថានភាពស្មុគស្មាញ និងពន្លឺតិចក៏ដោយ។ ការរួមបញ្ចូលគ្នានៃឧបករណ៏នេះ កម្រិត Aperture f/1.65 និង Tetra pixel (បច្ចេកវិទ្យាកម្រិតខ្ពស់នៃpixel-binning)ផ្តល់នូវរូបភាពច្បាស់និងភ្លឺ ទោះបីជាក្នុងស្ថានភាពពន្លឺខ្សោយក៏ដោយ ខណៈពេលដែលកែវលេន 7P ជាមួយ Atomic Layer Deposition (ALD) កាត់បន្ថយពន្លឺដែលចែងចាំង។
ទន្ទឹមនឹងនេះដែរ ម៉ូឌែលមូលដ្ឋាន Redmi Note 13 ត្រូវបានបំពាក់ដោយកាមេរ៉ាមេទំហំ 108MP ជាមួយនឹងការពង្រីកដោយរក្សានូវគុណភាពដ៏ច្បាស់ 3x ដើម្បីផ្តល់រូបភាពមិនគួរឱ្យជឿជាមួយនឹងព័ត៌មានដ៏លម្អិត។ ស្មាតហ្វូនទាំងពីរក៏ភ្ជាប់មកជាមួយនូវជម្រើសយ៉ាងច្រើននៃ filmCamera filters កាមេរ៉ាសម្រាប់អ្នកប្រើប្រាស់ក្នុងការកែប្រែរូបថតរបស់អ្នកប្រើប្រាស់។
*ភាពធន់ដ៏ពិសេស ដើម្បីធ្វើឲ្យអ្នកកាន់តែងាយស្រួលប្រើ ជាមួយនឹងការធ្វើUpdate ផ្នែកវិស្វកម្ម និងការរចនា Redmi Note 13 Series ផ្តល់នូវភាពធន់ និងភាពរឹងមាំសម្រាប់ការធានាបន្ថែមនៅក្នុងលក្ខខណ្ឌលំបាក។ នេះចាប់ផ្តើមពីការបង្ហាញ ដែលណែនាំ Corning ® Gorilla ® Glass Victus ® ទៅ Redmi Note 13 Pro+ 5G ដែលជាស៊េរីមួយទៀតមុនគេ សម្រាប់ភាពធន់នឹងការធ្លាក់ និងកោសដោយចៃដន្យ។
ជាមួយនឹងរចនាសម្ព័ន្ធដែលបានធ្វើឱ្យប្រសើរឡើងរួមបញ្ចូលគ្នាជាមួយនឹងវិញ្ញាបនប័ត្រការពារធូលី និងទឹក IP68 នោះ Redmi Note 13 Pro+ 5G ធានាបាននូវតំណែងរបស់ខ្លួនជាតារាម៉ូឌែលនៃស៊េរីនេះ ខណៈដែលម៉ូឌែលផ្សេងទៀតក៏ត្រូវបានលើកកំពស់ដើម្បីផ្តល់នូវ IP54 ធូលី និងធន់នឹងទឹកផងដែរ។
*ពេលវេលាដ៏អស្ចារ្យនៃថាមពលជាមួយនឹងប្រព័ន្ធដំណើរការកម្រិតខ្ពស់សម្រាប់ដំណើរការដែលបានធ្វើឱ្យប្រសើរឡើង Redmi Note 13 Series ដែលដំណើរការបានខ្ពស់បានបំពាក់នូវប្រព័ន្ធដំណើរការដ៏មានឥទ្ធិពលបំផុតមួយចំនួនដែលអាចប្រើបាន រួមជាមួយនឹងថ្មដែលប្រើប្រាស់បានយូរធានាថាអ្នកប្រើប្រាស់អាចរីករាយជាមួយទូរសព្ទ័ របស់ពួកគេពេញមួយថ្ងៃ។គ្រប់ម៉ូឌែលទាំងអស់មកជាមួយឆ្នាំងសាកក្នុងប្រអប់ សម្រាប់ភាពងាយស្រួលបន្ថែម។
សម្រាប់ការប្រើប្រាស់ ដំណើរការ 4nm ត្រូវបានណែនាំជាលើកដំបូងទៅកាន់ស្មាតហ្វូន Redmi Note ។ កំពូលស្មាតហ្វូនស៊េរី Redmi Note 13 Pro+ 5G ត្រូវបានបំពាក់ដោយបន្ទះឈីប MediaTek Dimensity 7200-Ultra ដែលជាថាមពលថ្មដ៏ធំ 5,000mAh ដើម្បីផ្តល់ថាមពលពេញមួយថ្ងៃដែលមមាញឹក និងផ្តល់នូវថាមពល 120W HyperCharge ឈានមុខគេក្នុងឧស្សាហកម្ម ដោយបង្កើនល្បឿននៃការសាកថ្មរបស់ Redmi Note បានពេញ 100% ត្រឹមតែ ១៩ នាទី។
ទន្ទឹមនឹងនេះដែរ Redmi Note 13 Pro ត្រូវបានបំពាក់ដោយបន្ទះឈីប MediaTek Helio G99-Ultra និងថាមពលថ្ម 5,000mAh ។ ផ្តល់ជូននូវការសាកថ្មកម្រិត 67W turbo ដោយចំណាយពេលត្រឹម 45 នាទីដើម្បីសាកដល់ 100%។
ម៉ូដែល Classic Redmi Note 13 ក៏ភ្ជាប់មកជាមួយនូវដំណើរការដែលគួរឱ្យចាប់អារម្មណ៍ជាមួយនឹងថាមពលថ្ម 5,000mAh និងបន្ទះឈីបដែលមានថាមពលខ្លាំង។
ជាមួយនឹងការUpdate និងការពង្រឹងលើបន្ទះឈីប Redmi Note 13 Series នាំសេរ៊ី Redmi Note ជាទីស្រឡាញ់ទៅកាន់កម្រិតមួយដែលកាន់តែអស្ចារ្យ ដើម្បីឱ្យអ្នកប្រើប្រាស់ស្មាតហ្វូននៅជុំវិញពិភពលោកចាប់អារម្មណ៍លើមុខងារស្មាតហ្វូនក្នុងតម្លៃសមរម្យ។


នៅក្នុងព្រឹត្តិការណ៍សម្ពោធនេះ ក្រុមហ៊ុន Xiaomi ក៏បាននាំមកជាមួយនូវផលិតផលប្រើប្រាស់ថ្មីដ៏គួរឱ្យរំភើបចំនួន 2ផ្សេងទៀត គឺ៖ Redmi Watch 4 និង Redmi Buds 5 Pro។

អ្វីដែលពិសេសក្រុមហ៊ុន Xiaomi ក៏បានបញ្ចេញនូវ Versatile Redmi Watch 4 និង Redmi Buds 5 Pro ផងដែរ ដោយ នាឡិកា Redmi Watch 4 ថ្មីត្រូវបានបំពាក់ដោយអេក្រង់ AMOLED ទំហំ 1.97” ដែលមានទំហំធំបំផុតសម្រាប់បទពិសោធន៍នាឡិកាឆ្លាតវៃដែលនឹងធ្វើឲ្យអ្នកកាន់តែពេញចិត្ត។ ការរចនាដ៏ប្រណិតរបស់ Redmi Watch 4 រួមបញ្ចូលនូវស៊ុមពាក់កណ្តាលអាលុយមីញ៉ូម និងជានាឡិកាឆ្លាតវៃ Redmi ដំបូងបង្អស់ដែលមានភាពងាយស្រួលក្នុងការដំណើរការបង្វិល OTS ដែលជាដែកអ៊ីណុក។
Redmi Watch 4 ត្រូវបានបំពាក់ដោយឧបករណ៍ចាប់សញ្ញា 4-channel PPG ដែលបានធ្វើការUpdateសម្រាប់ភាពជាក់លាក់នៃចង្វាក់បេះដូង និងការត្រួតពិនិត្យអុកស៊ីសែនឈាមរបស់អ្នកអ្នកប្រើប្រាស់។ ហើយមានជម្រើសពណ៍ចំនួមពីរ Silver Grey ឬ Obsidian Black Bezel

ចំណែកឯRedmi Buds 5 Pro ផ្តល់នូវបទពិសោធន៍នៃការស្តាប់ដែលទាក់ទាញជាងមុន ជាមួយនឹងសំឡេងដែលបង្កប់នៅខាងក្នុងស្រាប់និងមុខងារថ្មីសម្រាប់សំឡេងពិតៗ។ កាសនេះក៏គាំទ្រ LDAC ដែលជា Bluetooth®codecឈានមុខគេសម្រាប់ការភ្ជាប់កាសស្តាប់ត្រចៀកឥតខ្សែ។ ជាមួយនឹងការលុបចោលសំឡេងរំខានសកម្មរហូតដល់ 52dB (ANC) Redmi Buds 5 Pro ផ្តល់នូវជម្រើសនៃមុខងារ ANC ចំនួនបីគឺ មុខងារ AI adaptive និងមុខងារតម្លាភាពបន្ថែមចំនួនបីសម្រាប់ការផ្លាស់ប្តូររវាងមុខងារឆ្លាតវៃ ដែលធ្វើឲ្យបទពិសោធន៍នៃការស្តាប់កាន់តែងាយស្រួលគ្រប់កាលៈទេសៈទាំងអស់។ អ្នកប្រើប្រាស់ក៏អាចកំណត់បទពិសោធន៍សំឡេងរបស់ពួកគេផ្ទាល់ជាមួយនឹងទម្រង់ EQ ចំនួនប្រាំផ្សេងគ្នាផងដែរ។ Redmi Buds 5 Pro គាំទ្រដល់ទៅ 10 ម៉ោងនៃការស្តាប់ជាបន្តបន្ទាប់ និងរហូតដល់ 38 ម៉ោងនៃការប្រើប្រាស់ថេរនៅពេលភ្ជាប់ជាមួយស្រោម ergonomic របស់វា។ Redmi Buds 5 Pro មានជម្រើសពណ៌ចំនួនបី Midnight Black, Moonlight White និង Aurora Purple។
តម្លៃ និងការដែលអាចរកបាន

Redmi Note 13 Pro+ 5G មានពណ៌ Midnight Black, Moonlight White, និង Aurora Purple ជាមួយនឹងទំហំផ្ទុក 2 តម្លៃចាប់ពី 399 ដុល្លារ ឡើងទៅ។
Redmi Note 13 Pro មានពណ៌ Midnight Black, Lavender Purple, និង Forest Green ជាមួយនឹងជម្រើសទំហំផ្ទុក 2 ដែលមានតម្លៃចាប់ពី 249$ និងសម្រាប់ 12+512 តម្លៃគឺ 299$។
Redmi Note 13 មានពណ៌ Midnight Black, Mint Green, Ice Blue, និង Ocean Sunset, ជាមួយនឹងទំហំផ្ទុក 3 ប្រភេទ ចាប់ពី 199$ ឡើងទៅ ។
Redmi Watch 4 មានពណ៌ Silver Grey និង Obsidian Black ជាមួយនឹងខ្សែដែលមានតម្លៃចាប់ពី 99 ដុល្លារ ។
Redmi Buds 5 Pro មានពណ៌ Midnight Black, Moonlight White, និង Aurora Purple តម្លៃចាប់ពី 69$ ឡើងទៅ ។

ម៉ាស៊ីនត្រជាក់ស៊េរីថ្មី Samsung WindFree បានដាក់សម្ពោធ ជាផ្លូវការក្នុងកម្មវិធី ជួបជុំអាជីវករទូទាំងប្រទេស

bora.chhouk@gmail.com
-
0
ម៉ាស៊ីនត្រជាក់ស៊េរីថ្មី Samsung WindFree បានដាក់សម្ពោធ ជាផ្លូវការក្នុងកម្មវិធី ជួបជុំអាជីវករទូទាំងប្រទេស

នៅដើមឆ្នាំ 2024 នេះ ក្រុមហ៊ុន សាមសុង បានរៀបចំព្រឹត្តិការណ៍ធំៗជាច្រើន ក្នុងនោះក៏ មានការរៀបចំកម្មវិធីជួបជុំជាមួយអាជីវករលក់ដុំ លក់រាយគ្រឿងបរិក្ខាអេឡិចត្រូនិក សាមសុងនៅទូទាំងប្រទេស ក្រោមកម្មវិធី “រាត្រីសេអ៊ូល” នៅសណ្ឋាគារ ហ្គាឌិន ស៊ីធី ភ្នំពេញ។

ក្នុងកម្មវិធី “រាត្រីសេអ៊ូល” នេះ បានដាក់តាំងបង្ហាញនូវផលិតផល, ការភ្លក់អាហារសម្រន់ បែបកូរ៉េ, ការលេងហ្គេមកម្សាន្តផ្សេងៗដើម្បីទទួលបានរង្វាន់ជាច្រើនពីសាមសុង និងការ ផ្ដិតយករូបភាពភ្លាមៗ ជាមួយសម្លៀកបំពាក់បែបប្រពៃណីកូរ៉េដ៏ស្រស់ស្អាត។

ស្របពេលនៃកម្មវិធីជួបជុំដ៏សប្បាយរីករាយនេះ ក៏មានការដាក់សម្ពោធនូវផលិតផលថ្មី របស់ សាមសុង គឺ ម៉ាស៊ីនត្រជាក់ស៊េរីថ្មីម៉ូដែល WindFree  ដែលជាជម្រើសម៉ាស៊ីន ត្រជាក់ដ៏វៃឆ្លាតបំផុត។ ក្នុងនោះក៏មានការបង្ហាញនូវ ម៉ូនីទ័រ ស៊េរីចុងក្រោយបង្អស់ Samsung Odyssey OLED ផងដែរ។

សម្រាប់ម៉ាស៊ីនត្រជាក់ Samsung WindFree  បានបំពាក់នូវបច្ចេកវិទ្យាដ៏ទំនើប និងថ្មី បំផុត ដែលមានតែមួយគត់ក្នុងការផ្ដល់នូវខ្យល់ត្រជាក់ស្រទន់មិនធ្វើឱ្យរងា។ ហើយទាំង នេះ គឺជាមុខងារដ៏ពិសេសរបស់ម៉ាស៊ីនត្រជាក់ Samsung WindFree   ដែលផ្ដល់ឱ្យអ្នក ប្រើប្រាស់នូវភាពងាយស្រួល ចំណេញពេលវេលា និងចំណេញថវិកា។

* Samsung WindFree

1. WindFree Cooling

– ផ្ដល់ខ្យល់ត្រជាក់បែបធម្មជាតិ មានផាសុកភាព គ្មានអារម្មណ៍រងា មិនប៉ះពាល់ដល់ស្បែក

– បញ្ចេញចំហាយខ្យល់ស្រទន់តាមរន្ធតូចៗ 23,000 រន្ធ

– ប្រើប្រាស់ថាមពលតិច និងជួយសន្សំសំចៃភ្លើងរហូតដល់ 77% បើធៀបជាមួយនឹងមុខងារ Fast Cooling

– សំឡេងស្ងាត់ល្អ

 2. SmartThings

– គ្រប់គ្រងដោយ AI និងបញ្ជាម៉ាស៊ីនត្រជាក់ពីចម្ងាយតាមទូរស័ព្ទដៃ

– កំណត់សីតុណ្ហភាព និងគ្រប់គ្រងការប្រើប្រាស់ម៉ាស៊ីនត្រជាក់បានគ្រប់ពេលវេលា គ្រប់ទីកន្លែងជាមួយកម្មវិធី SmartThings ព្រមជាមួយ AI Energy Saving Mode ជួយសន្សំសំចៃបានបន្ថែម 20%

 3.  4-in-1 Filter

– តម្រងចាប់ធូលីដែលជួយកម្ចាត់ មេរោគ បាក់តេរី អាលែកហ្សី និងលម្អងធូលី PM2.5 រហូតដល់ 99% ដោយត្រូវបានធ្វើតេស្ត និងអង្កេតដោយស្ថាប័ន Intertek។ 

– ជួយឱ្យម៉ាស៊ីនត្រជាក់របស់អ្នកដំណើរការបានស្រួលផ្ដល់នូវខ្យល់បរិសុទ្ធ 

ជាពិសេស ម៉ាស៊ីនត្រជាក់ Samsung WindFree ក៏មានភាពធន់រឹងមាំដោយកន្ទុយ ម៉ាស៊ីនត្រជាក់បំពាក់នូវបច្ចេកវិទ្យា DuraFin ដែលការពារភាពច្រែះ ប្រើប្រាស់បានយូរធន់ នឹងអាកាសធាតុគ្រប់កាលៈទេសៈ ទោះនៅតំបន់សមុទ្រក៏ដោយ ហើយបានឆ្លងកាត់ការធ្វើ តេសសាកល្បងជាមួយនឹងទឹកអាស៊ីតលើសពី 100 ថ្ងៃ។

ឆ្លៀតក្នុងឱកាសដ៏ពិសេសនេះដែរ ក្រុមហ៊ុន សាមសុង ក៏សូមថ្លែងអំណរគុណដល់គ្រប់ អាជីវករ លក់ដុំ លក់រាយគ្រឿងបរិក្ខារអេឡិចត្រូនិកសាមសុងទូទាំងប្រទេសកម្ពុជា ដែល តែងតែបន្តគាំទ្រ និងជឿជាក់លើគ្រប់ផលិតផលរបស់សាមសុង។

ជាចុងក្រោយក្រុមហ៊ុន សាមសុង សង្ឃឹមយ៉ាងមុតមាំថាអតិថិជន ព្រមទាំងអាជីវករទាំង អស់នឹងនៅតែជឿជាក់ គាំទ្រគ្រប់ផលិតផល និងសេវាកម្មដ៏ល្អឥតខ្ចោះរបស់ សាមសុង បន្តទៀត ដើម្បីភាពរីកចម្រើន និងភាពសុខដុមរមនាទាំងអស់គ្នាជានិរន្តរ៍។

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់ ឬតេស្តដោយផ្ទាល់ដៃនៅតាមហាងទំនើបចែកចាយផលិតផលសាមសុងទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

មិត្តហ្វូន ឈ្នះពានរង្វាន់ អ្នកផ្តល់សេវាអ៊ីនធឺណិតល្អបំផុតនៅ GBO Awards 2023

bora.chhouk@gmail.com
-
0
មិត្តហ្វូន ឈ្នះពានរង្វាន់ អ្នកផ្តល់សេវាអ៊ីនធឺណិតល្អបំផុតនៅ GBO Awards 2023

ភ្នំពេញ៖ មិត្តហ្វូន ដែលជាក្រុមហ៊ុនផ្តល់សេវា អ៊ីនធឺណិតឈានមុខគេ បានទទួលពានរង្វាន់ជាក្រុមហ៊ុន ផ្តល់សេវាអ៊ីនធឺណិតល្អបំផុត នៅក្នុងកម្មវិធី Global Business Outlook (GBO) Awards ដ៏ល្បីល្បាញឆ្នាំ 2023។

ការ​ទទួល​ស្គាល់​នេះ​ជា​ឆ្នាំ​ទី​ពីរ​ជាប់​គ្នា​ ដែល​មិត្តហ្វូន​បាន​ក្លាយ​ជា ​អ្នក​ឈ្នះពាននៅ​ក្នុងវិស័យ​នេះ បន្ទាប់​ពី​ឈ្នះពានរង្វាន់លើកដំបូងក្នុង​ឆ្នាំ 2022។​ សមិទ្ធិផលដ៏ពិសេសរបស់មិត្តហ្វូននេះ គឺជាសក្ខីភាពមួយចំពោះការប្តេជ្ញាចិត្ត យ៉ាងមុតមាំរបស់ខ្លួនក្នុងការផ្តល់នូវ សេវាអ៊ីនធឺណិតកម្រិតខ្ពស់ដល់អតិថិជន ទូទាំងប្រទេសក្នុងការប្រើប្រាស់។ ជាពិសេសហេដ្ឋារចនាសម្ព័ន្ធខ្សែកាបអុបទិក ដ៏ទំនើបរបស់ក្រុមហ៊ុនបានកំណត់ស្តង់ដារថ្មីមួយ នៅក្នុងឧស្សាហកម្មនេះ ដោយអនុញ្ញាតឱ្យមានការតភ្ជាប់ដោយរលូន និងការចូលប្រើអ៊ីនធឺណិត ល្បឿនលឿនសម្រាប់បុគ្គល និងអាជីវកម្មដូចគ្នា។

លោក ញ៉ុង ឌិនថន អគ្គនាយករងនៃក្រុមហ៊ុនមិត្តហ្វូន បានមានប្រសាសន៍ថា «យើងមានមោទនភាពយ៉ាងខ្លាំង ដែលត្រូវបានទទួលស្គាល់ថា ជាអ្នកផ្តល់សេវាអ៊ិនធឺណិតល្អបំផុតនៅឯពានរង្វាន់ Global Business Outlook (GBO) ប្រចាំឆ្នាំ 2023»។

លោកបញ្ជាក់ថា «សមិទ្ធិផលនេះបានឆ្លុះបញ្ចាំង ពីការខិតខំប្រឹងប្រែងមិនចេះនឿយហត់ របស់ក្រុមការងារក្នុងការផ្តល់ជូន នូវសេវាកម្មអ៊ីនធឺណិតដ៏ពិសេសដល់អតិថិជន។ យើង​នៅតែ​ប្តេជ្ញាចិត្ត​ក្នុងការ​ជំរុញឥត​ព្រំដែន និង​បង្កើន​បទពិសោធន៍​ឌីជីថល​ សម្រាប់​ទាំងអស់គ្នា» ។

ពានរង្វាន់អ្នកផ្តល់សេវាអ៊ិនធឺណិតល្អបំផុត មិនត្រឹមតែទទួលស្គាល់ពីដំណើរការល្អ របស់មិត្តហ្វូនប៉ុណ្ណោះទេ ប៉ុន្តែថែមទាំងពង្រឹងជំហររបស់ខ្លួន ក្នុងនាមជាអ្នកនាំមុខគេក្នុងឧស្សាហកម្ម ទូរគមនាគមន៍ផងដែរ។ ពានរង្វាន់ដ៏មានកិត្យានុភាពនេះ បម្រើជាសក្ខីភាពមួយចំពោះការលះបង់ របស់ក្រុមហ៊ុនចំពោះការពេញចិត្តរបស់អតិថិជន ការច្នៃប្រឌិតបច្ចេកវិទ្យា និងឧត្តមភាពនៃប្រតិបត្តិការ។ ដោយឡែក​ ពានរង្វាន់ GBO ដែលរៀបចំដោយ Global Business Outlook គឺជាវេទិកាដ៏ល្បីល្បាញដែលទទួលស្គាល់ និងអបអរសាទរសមិទ្ធិផលពិសេស និងការអនុវត្តល្អបំផុត នៅទូទាំងវិស័យផ្សេងៗជុំវិញពិភពលោក។

ពានរង្វាន់ត្រូវបានវាយតម្លៃ ដោយផ្អែកលើលក្ខណៈវិនិច្ឆ័យយ៉ាងម៉ត់ចត់ រួមទាំងជំនាញឧស្សាហកម្ម ការច្នៃប្រឌិត សេវាកម្មអតិថិជន និងដំណើរការអាជីវកម្មទាំងមូលផងដែរ។​ ជ័យលាភីដ៏គួរឱ្យកត់សម្គាល់ របស់មិត្តហ្វូននៅពានរង្វាន់ Global Business Outlook Awards 2023 នឹងពង្រឹងការប្តេជ្ញាចិត្តបន្ថែមទៀត របស់ក្រុមហ៊ុនក្នុងការផ្តល់ជូន នូវសេវាកម្មអ៊ីនធឺណិតដែលល្អ និងពង្រឹងជំហររបស់ខ្លួនជាដៃគូ ដែលអាចទុកចិត្តបានក្នុងដំណើរ ផ្លាស់ប្តូរវិស័យឌីជីថលដល់អតិថិជន។​

លើសពីនេះ ថ្មីៗនេះមិត្តហ្វូនក៏ទទួលបានពានរង្វាន់ ធុរកិច្ចអន្តរជាតិដ៏មានកិត្យានុភាពផ្ទួនៗចំនួន ៤ បន្ថែម ដែលជាអ្នកផ្តល់បច្ចេកវិទ្យាទូរគមនាគមន៍ ឈានមុខគេនៅកម្ពុជា។ ពានរង្វាន់ទាំងនេះរួមមាន ពានរង្វាន់ Globee Awards ចំនួនបី និងពានរង្វាន់ Stevie Awards មួយផងដែរ។​ ជំហររបស់មិត្តហ្វូនគឺកត្តាជំរុញដ៏សំខាន់ នៃការផ្លាស់ប្តូរឌីជីថលនៅកម្ពុជា៕

យុគសម័យនៃបច្ចេកវិទ្យា AI ដំបូងគេបង្អស់បានមកដល់ ប្រទេសកម្ពុជាយើងហើយ នៅលើ Samsung Galaxy S24 Series! បើកឱ្យ Pre-Order និងមានកាដូថែមជូនដ៏រំភើប!

bora.chhouk@gmail.com
-
0
យុគសម័យនៃបច្ចេកវិទ្យា AI ដំបូងគេបង្អស់បានមកដល់ ប្រទេសកម្ពុជាយើងហើយ នៅលើ Samsung Galaxy S24 Series! បើកឱ្យ Pre-Order និងមានកាដូថែមជូនដ៏រំភើប!

(ភ្នំពេញ) ថ្ងៃទី ១៨ ខែមករា ឆ្នាំ ២០២៤៖ នៅទីបំផុត! ភាពអស្ចារ្យ…ភាពនឹកស្មានមិនដល់…ត្រូវបាន លាតត្រដាងជាផ្លូវការនៅទូទាំងពិភពលោកជាមួយនឹងពិភពនៃបច្ចេកវិទ្យា AI ដ៏ឆ្លាតវៃបំផុត ដែលបានបំពាក់នៅលើ កំពូលស្មាតហ្វូន Samsung Galaxy S24 Series។

Samsung Galaxy S24 Series នឹងនាំអ្នកប្រើប្រាស់ទៅរកយុគសម័យថ្មីនៃការច្នៃប្រឌិតខ្ពស់ជាមួយ កំពូលបទពិសោធន៍ AI ដែលមិនធ្លាប់មាននៅលើស្មាតហ្វូនពីមុនមក ដែលមានលក្ខណៈដ៏ពិសេស ដូចជា៖

1. New way to connect

 – Circle to search with Google (គូសរង្វង់ដើម្បីស្វែងរកព័ត៌មានបានយ៉ាងរហ័ស និងលំអិតជាមួយ Google Search មុនគេបង្អស់)

 – Live translate (បកប្រែភាសាតាមរយៈការនិយាយតាមទូរស័ព្ទ ទាំងការហៅចេញ និងទទួលទូរស័ព្ទដែលមានរហូតដល់ ២០ភាសារនៅពេលនេះ ជាច្រើនទៀតពេលអនាគត)

 – Chat assist (បកប្រែភាសានៅលើ Samsung Keyboard តាមរយៈការផ្ញើសារ Whatapp, IG, Android message, Tango, Line message ព្រមទាំងការកែសម្រួលទៅលើ Chat Style តាមទំរង់រវយ្យាករណ៍ ឬបែបជជែកកម្សាន្ត)

 – Note/Writing assist (ងាយស្រួលក្នុងការកែសម្រួលអក្សរសរសេរដៃទៅជាពុម្ពអក្សរ និងអាចកែសម្រួល នៅលើអត្ថបទ)

 – Recording Assist (អាចថតសំឡេងហើយយកមកមើលជាអក្សរបានដោយគ្រាន់តែប្រើមុខងារ transcript assist)

2. New way to create

 – Space Zoom (ការថត Zoom ជាមួយនឹង Tele Len 50MP កម្រិតភាពច្បាស់ជាងមុន)

 – Hight Resolution (ថតដោយកាមេរ៉ាគោល 200MP នឹងផ្តល់គុណភាពល្អឥតខ្ចោះ)

 – Intelligent Gallery (ភាពឆ្លាតវៃនៃការកែទម្រង់ថ្មីនៃ Gallery ដែលអាចអោយយើងកែរូបភាពយ៉ាងច្រើនបែបដូចជា Background Fill, Magical Transform, Edit Suggestion, Remove Reflection….)

 – Advanced Camera Experience (បទពិសោធន៍កាមេរ៉ាកម្រិតខ្ពស់ ដោយបំពាក់មុខងារបែបអាជីពរួមមាន HDR Photo & Video, Nightography, Video Stabilizer, Motion Photo …)

3. New way to play

 – Gaming performance (បទពិសោធន៍លេងហ្គេមកាន់តែអស្ចារ្យដោយមិនឡើងកំដៅ X2 Larger Vapor Chamber)

 – Immersive Display (អេក្រង់ធំច្បាស់ជាងមុនដែលមានពន្លឺ 2600nits, Vision Booster, Adaptive Color Tone)

 – Longer battery life (ថាមពលថ្មខ្លាំង ព្រមទាំងការសាកថ្មល្បឿនលឿន 45W)

រឹតតែពិសេសជាងនេះ បន្ទាប់ពីបង្ហាញខ្លួនជាផ្លូវការនៅក្នុងព្រឹត្តិការណ៍ Galaxy Unpacked 2024 ក្រុមហ៊ុន

សាមសុង ក៏ផ្ដល់នូវប្រម៉ូសិនដ៏រំភើបសម្រាប់អតិថិជនដែលធ្វើការដាក់ Pre-Order Galaxy S24 Series ចាប់ពីថ្ងៃនេះរហូតដល់ថ្ងៃទី 6 ខែកុម្ភ: ឆ្នាំ2024 នឹងទទួលបានការថែមជូនដូចជា៖

*សម្រាប់ Galaxy S24 Ultra

– ទទួលបានការ Update ទំហំផ្ទុក x2 (ឧ៖ Pre-order 256GB ទទួលបាន 512GB)

– ថែមជូន Galaxy Tab A9 Wi-Fi 1គ្រឿងភ្លាមៗ

– ស្រោមទូរស័ព្ទថ្លាដ៏ស្រស់ស្អាត

– ការធានាលើអេក្រង់ពេញមួយឆ្នាំ2024 (ប្តូរអេងក្រង់មិនគិតថ្លៃ១ដង ទោះការបែក ឬខូចក្នុងស្ថានភាពណាក៏ដោយ)

– ស៊ីមស្មាត Bronze ភ្ជាប់ជាមួយ Data 4GB ក្នុងមួយខែ (រយៈពេល 12 ខែ)

*រីឯ Galaxy S24 | S24 Plus

– ទទួលបានការ Update ទំហំផ្ទុក x2 (ឧ៖ Pre-order 256GB ទទួលបាន 512GB)

– ថែមជូន Galaxy Bud FE

– ស្រោមទូរស័ព្ទថ្លាដ៏ស្រស់ស្អាត

– ការធានាលើអេក្រង់ពេញមួយឆ្នាំ2024 (ប្តូរអេងក្រង់មិនគិតថ្លៃ១ដង ទោះការបែក ឬខូចក្នុងស្ថានភាពណាក៏ដោយ)

– ស៊ីមស្មាត Bronze ភ្ជាប់ជាមួយ Data 4GB ក្នុងមួយខែ (រយៈពេល 12 ខែ)

ក្រៅពីប្រូម៉ូសិនដ៏អស្ចារ្យនេះហើយ អ្វីដែលជាចំណុចដ៏ទាក់ទាញខ្លាំងរបស់កំពូលស្មាតហ្វូន Samsung Galaxy S24 Series៖

*Galaxy S24 Ultra

– អេក្រង់លាតធំជាងមុន៖ ទំហំ 6.8 អ៊ីញ QHD+ Refresh Rat 120Hz

– ការពារដោយកញ្ចក់ដ៏រឹងមាំ Dynamic AMOLED 2X Display

– ដំណើរការល្បឿនលឿន៖ ដោយកំពូលបន្ទះឈីប Snapdragon 8 Gen 3 for Galaxy (បន្ទះ Chip សំរាប់តែ Samsung Galaxy)

– កាមេរ៉ាច្បាស់លម្អិត៖ 

1. កាមេរ៉ាក្រោយ 3 គ្រាប់ ទំហំ 200MP Wide, 12MP Ultra-Wide, 10MP telephoto (3x optical zoom), 50MP telephoto (5x optical zoom)

2. កាមេរ៉ាមុខ 12MP Dual Pixel AF ធ្វើឱ្យរាល់ការចាប់យករូបភាពបានច្បាស់…ម៉ដ្ឋស្អាតគ្រប់ស្ថាន ភាពពន្លឺ

– ទំហំផ្ទុកធំ៖ RAM 12GB (ROM 256GB, 512GB)

– ថាមពលថ្មធំ៖ រហូតដល់ 5000mAh ប្រើប្រាស់បានម៉ាអស់ចិត្ត

ជាពិសេស ការបំពាក់មកជាមួយនឹងប៊ិក S Pen ដែលមានព័ណ៌ស្រស់ស្អាតដូចនឹងព័ណ៌ទូរស័ព្ទតែម្តងហើយអាចជួយសម្រួលដល់ការប្រើប្រាស់ជាច្រើនមុខងារឱ្យកាន់តែ រលូន…និងរហ័ស!

*Galaxy S24 Plus

– អេក្រង់ធំជាងមុន៖ ទំហំ 6.7 អ៊ីញ QHD+ Refresh Rat 120Hz

– បំពាក់ដោយកញ្ចក់ប្រភេទ Dynamic AMOLED 2X Display

– ប្រព័ន្ធដំណើរការខ្លាំង៖ បំពាក់ដោយបន្ទះឈីប Exynos 2400

– បំពាក់កាមេរ៉ា៖ ក្រោយ 3 គ្រាប់ ទំហំ 50MP Wide, 12MP Ultra-Wide, 10MP telephoto (3x optical zoom) និងកាមេរ៉ាមុខ 12MP

– ថាមពលថ្មខ្លាំង៖ 4900mAh ប្រើប្រាស់បានយូរថ្ងៃ

អង្គផ្ទុក៖ RAM 12GB (ROM 256GB, 512GB)

*Galaxy S24

– អេក្រង់ធំជាងមុន៖ ទំហំ 6.2 អ៊ីញ FHD+ Refresh Rat 120Hz

– កញ្ចក់ការពារអេក្រង់ប្រភេទ Dynamic AMOLED 2X Display

– ដំណើរការលឿន៖ ដោយបន្ទះឈីប Exynos 2400

– បំពាក់កាមេរ៉ា៖ ក្រោយ 3 គ្រាប់ ទំហំ 50MP Wide, 12MP Ultra-Wide, 10MP telephoto (3x optical zoom) និងកាមេរ៉ាមុខ 12MP

– ទំហំផ្ទុក៖ RAM 8GB (ROM 128GB, 256GB, 512GB)

– ថាមពលថ្មធំ៖ 4000mAh ការកម្សាន្តម៉ាពេញចិត្តតែម្តង

ឡូយហួស! ជាមួយនឹងមុខងារដ៏អស្ចារ្យ បូករួមទាំងកំពូលបច្ចេកវិទ្យា AI ដ៏ឆ្លាតវៃ ដែលបំពាក់នៅ លើ Samsung Galaxy S24 Series ធានាបាននូវការប្រើប្រាស់ លេងកម្សាន្ត និងបំពេញការងារ ប្រកបដោយភាពរលូន!

បញ្ជាក់: សូមអតិថិជនធ្វើការបញ្ជាទិញទូរស័ព្ទដៃដែលមានប័ណ្ណធានាត្រឹមត្រូវពីខាងក្រុមហ៊ុន!!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់ ឬតេស្តដោយផ្ទាល់ ដៃនៅតាមហាងទំនើបចែកចាយផលិតផលសាមសុងទាំងអស់ដែលនៅជិតលោកអ្នកបំផុតទូទាំង ប្រទេស ឬក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃ តាមរយៈទូរស័ព្ទលេខ៖ 1800-20 32 32! 

*លក្ខខណ្ឌផ្សេងៗត្រូវបានអនុវត្ត…!

https://youtu.be/O7qxgFIiIgI?si=jL6V_AlqZML-rI7Q

មិនធ្លាប់មានផ្សារទំនើបណាមានពីមុន! ផ្សារទំនើប ជីប ម៉ុង ២៧១ មេហ្គា ម៉ល ប្រកាសបន្តដាក់រង្វាន់ឡានទំនើប ជូនអតិថិជនក្នុងប្រូម៉ូសិន Mega Celebration

bora.chhouk@gmail.com
-
0
មិនធ្លាប់មានផ្សារទំនើបណាមានពីមុន! ផ្សារទំនើប ជីប ម៉ុង ២៧១ មេហ្គា ម៉ល ប្រកាសបន្តដាក់រង្វាន់ឡានទំនើប ជូនអតិថិជនក្នុងប្រូម៉ូសិន Mega Celebration

ភ្នំពេញ៖ ប្រូម៉ូសិន Mega 1 Year Anniversary ទើបតែបញ្ចប់ ឯម្ចាស់រង្វាន់រថយន្ត Mitsubishi Expander ដ៏ថ្មីស្រឡាងក៏បានរកឃើញ តែមិនទាន់ចប់នោះទេ កាលពីវេលាថ្ងៃទី១៤ ខែមករា ឆ្នាំ២០២៤ នេះ ផ្សារទំនើប ជីប ម៉ុង ២៧១ មេហ្គា ម៉ល បានប្រកាសពីប្រូម៉ូសិនថ្មី Mega Celebration ដោយនៅតែបន្តដាក់រង្វាន់ឡានជូនអតិថិជនជាលើកទី២ និងមិនធ្លាប់មានផ្សារទំនើបណាមានពីមុនមក។

ពីមួយឆ្នាំទៅមួយឆ្នាំ ផ្សារទំនើបបង្កើតឡើងដោយកូនខ្មែរមួយនេះតែងតែនាំអ្វីថ្មីជូនអតិថិជនជានិច្ច មានដូចជាប្រូម៉ូសិនខ្នាតធំដែលមានតែមួយគត់នៅប្រទេសកម្ពុជា ពីផ្សារទំនើប ជីប ម៉ុង ២៧១ មេហ្គា ម៉ល ដែលរួមមាន “កម្មវិធីមេហ្គាអស្ចារ្យ” និង “Mega Anniversary“ដែលបានចំណាយទឹកប្រាក់រហូតដល់ជាង ២លាន ដុល្លារ។

ដោយកាលពីទី១៤ ខែមករា ឆ្នាំ២០២៤ គ្រាន់តែចូលឆ្នាំថ្មីភ្លាម លោកស្រីលី សុខឆេង ឆ្លៀតក្នុងឱកាសដ៏ពិសេសនេះ ក្នុងនាមគណៈគ្រប់គ្រងនៃផ្សារទំនើប ជីប ម៉ុង ២៧១ មេហ្គា ម៉ល បានប្រកាសអំពីកម្មវិធីប្រូម៉ូសិនថ្មីដែលកាន់តែអស្ចារ្យ និងកាន់តែពិសេស ជាងមុនទៅទៀតគឺ “Mega Celebration”។

ដោយអតិថិជនទាំងអស់ដែលបានធ្វើការចំណាយចាប់ពី ១៥ដុល្លារ ឡើងទៅក្នុង១វិក័យបត្រ នឹងមានឱកាសចូលរួមក្នុងការចាប់រង្វាន់ផ្សងសំណាង ដើម្បីមានឱកាសឈ្នះរង្វាន់រថយន្ត Mitsubishi All-New Triton GLS 2024 ១គ្រឿងដ៏ថ្មីស្រឡាង, iPad, ប័ណ្ណបញ្ចុះតម្លៃ និងរង្វាន់ផ្សេងៗទៀតជាច្រើន។ ដែលនឹងប្រព្រឹត្តឡើងចាប់ពីខែមករានេះតទៅ រហូតដល់ថ្ងៃទី៣០ ខែមេសា ឆ្នាំ២០២៤។

លោកជំទាវបានបន្តទៀតថា នាងខ្ញុំសង្ឃឹមយ៉ាងមុតមាំថាផ្សារទំនើប ជីប ម៉ុង ២៧១ មេហ្គា ម៉ល នឹងនៅតែបន្តទទួលបាននូវការគាំទ្រ ជឿទុកចិត្តពីសំណាក់អតិថិជនជាតិ និងអន្តរជាតិនៅក្នុងប្រទេសកម្ពុជា ហើយពួកយើងនឹងនៅតែបន្តខិតខំនាំយកនូវបទពិសោធន៍នៃការទិញទំនិញ ការទទួលទានអាហារ និងការកំសាន្តកម្រិតអន្តរជាតិដែលអាចប្រកួតប្រជែងបានមិនចាញ់បរទេសឡើយ។ គ្រប់អាជីវកម្មដែលក្រុមហ៊ុន ជីប ម៉ុង បានកសាងឡើង គឺមិនមែនដើម្បីតែប្រាក់ចំណេញតែមួយមុខនោះទេ គឺយើងធ្វើវាដោយអស់ពីបេះដូង យើងធ្វើវាក្នុងនាមជាកូនខ្មែរ ដើម្បីមោទនភាពជាតិខ្មែរ ហើយយើងជឿជាក់ថាខ្មែរធ្វើបាន។

គួរបញ្ជាក់ផងដែរថានៅក្នុងថ្ងៃនេះផងដែរ, ផ្សារទំនើប ជីប ម៉ុង ២៧១ មេហ្គា ម៉ល បានធ្វើការប្រគល់រង្វាន់ដែលជារថយន្តទំនើប Mitsubishi Xpander ស៊េរីថ្មី ១គ្រឿង និងរង្វាន់ជាច្រើនជូនដល់អតិថិជនដែលមានសំណាងប្រចាំឆ្នាំ២០២៣ នៃកម្មវិធី “មេហ្គា Anniversary”ផងដែរ។ ទិញពិតឈ្នះពិតឃើញអត់! ដូចនេះកុំភ្លេចមកហ្សបភីងជាមួយគ្រួសារ គ្រាន់តែចំណាយ១៥ដុល្លារសោះក៏បានរង្វាន់ដែរបងប្អូន៕ អត្ថបទពាណិជ្ជកម្ម

Talentnet – របាយការណ៍​ស្ទង់មតិធនធានមនុស្ស​បង្ហាញថា ជំនាញវិស្វកម្ម វិទ្យាសាស្ត្រ និង​ច្បាប់​ទទួលបានប្រាក់បៀវត្សខ្ពស់ជាងគេ

bora.chhouk@gmail.com
-
0
Talentnet – របាយការណ៍​ស្ទង់មតិធនធានមនុស្ស​បង្ហាញថា ជំនាញវិស្វកម្ម វិទ្យាសាស្ត្រ និង​ច្បាប់​ទទួលបានប្រាក់បៀវត្សខ្ពស់ជាងគេ

តើអ្នកចង់បានប្រាក់បៀវត្សច្រើនមែនទេ? បើមែន ចូរចាប់​យកជំនាញ​វិស្វកម្ម​មេកានិក វិស្វកម្មអេឡិច​ត្រូនិក ច្បាប់ ឬជំនាញផ្នែកវិទ្យាសាស្ត្រទៅ ។ នេះជា​សារ​ណែនាំពី Talentnet ដែលជាក្រុមហ៊ុនពិគ្រោះ យោបល់ផ្នែក​ធនធានមនុស្សឈានមុខគេ​នៅក្នុងតំបន់ដែលបច្ចុប្បន្នកំពុង​ចាប់ផ្ដើម​ដំណើរការនៅក្នុង​ប្រទេស​កម្ពុជា។​ការដាក់ដំណើរការនៅក្នុងប្រទេសកម្ពុជាគឺដើម្បីផ្ដល់សេវា​ធនធានមនុស្សតាម​តម្រូវការ​​ និង​វិធីសាស្ត្រដែលមានវិញ្ញាបនបត្រ​ពីអន្តរជាតិសម្រាប់​សេវា​​គ្រប់គ្រងធនធានមនុស្ស​ដល់​​បណ្ដាក្រុមហ៊ុន​ក្នុង​ស្រុក ។

ការពង្រីក​វត្តមានរបស់ក្រុមហ៊ុនមកដល់ទីផ្សារ​កម្ពុជា​ជាការគាំទ្រ​ចំពោះការ​បន្តអភិវឌ្ឍន៍សេដ្ឋកិច្ចរបស់​កម្ពុជា ។

យោងតាមការស្ទង់មតិ​ប្រាក់ឈ្នួលសរុបរបស់ Talentnet Mercer ដែលបានធ្វើឡើងកាលពីឆ្នាំ ២០២៣ ទិន្នន័យប្រមូលនៅក្នុងទីផ្សារ​កម្ពុជា​បង្ហាញថា អាជីពការងារ​ក្នុងជំនាញវិស្វកម្ម​អេឡិចត្រូនិក​ ច្បាប់​ វិស្វកម្ម​មេកានិក​ និងវិទ្យាសាស្ត្រ​ ទាមទារ​ប្រាក់បៀវត្សខ្ពស់ជាង​ជំនាញផ្សេងទៀត ។ ប្រាក់បៀវត្ស​សម្រាប់​ជំនាញវិស្វកម្ម​អេឡិចត្រូនិក​ ច្បាប់​ វិស្វកម្ម​មេកានិក​ និងវិទ្យាសាស្ត្រ ឈរ​ក្នុងលេខរៀង​ខ្ពស់ជាង​ជំនាញ​គ្រប់គ្រងពាណិជ្ជកម្ម គណនេយ្យ វិស្វកម្មគីមី និង​វិទ្យាសាស្ត្រ​កុំព្យូទ័រទៅទៀត ។

បន្ថែមពីនេះទៅទៀត ការងារ​ទាក់ទង​នឹង​ជំនាញវិស្វកម្ម​អេឡិចត្រូនិក​ ច្បាប់​ វិស្វកម្ម​មេកានិក​ និង វិទ្យាសាស្ត្រ​ក្នុង​ប្រទេស​កម្ពុជា​ក៏​មានការ​កើនឡើង​ផងដែរ​នៅឆ្នាំ ២០២៣ ធៀបនឹង​មួយឆ្នាំមុន​ដោយ​ក្នុងនោះ ជំនាញ​វិស្វកម្មអេឡិចត្រូនិកមានកំណើនប្រាក់បៀវត្ស​ ១៤% ជំនាញច្បាប់កើនប្រាក់ បៀវត្ស ១២% ហើយ​វិស្វកម្មមេកានិក និង​វិទ្យាសាស្ត្រ​កើនប្រាក់បៀវត្ស ១០% ។

របាយការណ៍ស្ទង់មតិ​នេះ ត្រូវ​បានបង្ហាញដល់​ប្រធាន​ផ្នែកធនធានមនុស្ស និង​មេដឹកនាំអាជីវកម្ម​ជាង ១៥០ រូបនៅក្នុង​កម្មវិធីដែលរៀប​ចំ​កាលពីពេលថ្មីៗនៅទីក្រុងភ្នំពេញ ។ របាយការណ៍នេះក៏បានបង្ហាញ ផងដែរថា ​ប្រាកបៀវត្សរបស់និស្សិត​ទើបបញ្ចប់ការ​សិក្សា​នៅកម្ពុជាក៏មានការ​កើនឡើងផងដែរក្នុងឆ្នាំ ២០២៣ ក្នុង​កម្រិត ១០% បើធៀបនឹង​ឆ្នាំ ២០២២ ដែលជាកម្រិតមួយខ្ពស់ជាង​កម្រិត​អតិផរណាប្រចាំ ឆ្នាំ ។

ការស្ទង់មតិប្រាក់ឈ្នួលសរុប Talentnet Mercer ក៏មានរៀបរាប់​អំពី​និន្នាការ​ការងារដែលទទួលបាន ទិន្នន័យពី​ស្ថាប័នចំនួន ១០៦ ក្នុងវិស័យ​ចំនួន ១១ ផ្សេងគ្នា ដែលគ្របដណ្ដប់​លើ​ការងារ​ចំនួន ៣០៣៤ ​និង​សាកសួរ​​អ្នកកាន់ការងារ​ចំនួន ៥៦៨៤៨ នាក់ ។ ការអង្កេត​ប្រាក់ឈ្នួល​ប្រចាំឆ្នាំ​នេះ គឺជា​សេវា​មួយ​ក្នុងចំណោមសេវាគោលដៅជា​ច្រើនដែលក្រុមហ៊ុន​នឹង​ផ្ដល់ទៅឲ្យអតិថិជនរបស់ខ្លួន ព្រមជាមួយនឹង សេវា​ស្វែងរក​បុគ្គលិក ​ សេវា​គ្រប់គ្រងធនធានមនុស្ស សេវា​ពិគ្រោះយោបល់ធនធានមនុស្ស និង​រៀបចំ បញ្ជី​បៀវត្សជាដើម។

លោក​ស្រី ផលឡា នីកូឡាស នាយកប្រចាំប្រទេសរបស់ក្រុមហ៊ុន Talentnet មានប្រសាសន៍ថា៖ «កម្ពុជា​ជាប្រទេសដែលមានកំណើនសេដ្ឋកិច្ច​គួរ​ឲ្យស្ញប់ស្ញែង​ដែលធ្វើឲ្យ Talentnet មានបំណង ចង់ក្លាយជាចំណែកមួយនៃ​កំណើននេះ។ គោលបំណង​របស់យើង​គឺ​ក្លាយជា​ក្រុមហ៊ុនមួយ​ដែល​ផ្ដល់ដំណោះស្រាយគ្រប់ជ្រុងជ្រោយ​ផ្នែកធនធានមនុស្ស​ដល់ទីផ្សារ​ការងារនៅទីនេះដើម្បីឲ្យអតិថិជន​អាចពង្រឹង​ដំណើរការ​ផ្នែកធនធានមនុស្ស​ប្រចាំថ្ងៃផង និង​ការ​ត្រៀមកម្លាំងពលកម្ម​សម្រាប់ការ​រីក ចម្រើនលូតលាស់របស់ខ្លួនផងដែលការងារទាំងអស់នេះ​យើងបាន​​ធ្វើរួចមកហើយនៅ​ក្នុងប្រទេស​ផ្សេងក្នុងតំបន់»។​

អំពី Talentnet

ក្រុមហ៊ុន Talentnet មាន​ការិយាល័យចំនួន ៦ នៅ​ទូទាំងតំបន់អាស៊ីអាគ្នេយ៍ ហើយ​មានបទពិសោធន៍ ជិត ២០ ឆ្នាំ​​នៅ​ក្នុងទីផ្សារ​ការងារ​របស់វៀតណាម គួបផ្សំនឹង​ការ​ប្រើប្រាស់​​វិធីសាស្ត្រ​អន្តរជាតិគាំទ្រ​​ពីដៃគូលំដាប់ពិភពលោក​ចំនួនពីរ​ (Mercer និង ADP Streamline) ។ Talentnet ផ្ដល់វិធីសាស្ត្រ​ដែលអាច​តម្រូវតាមគោលដៅ និងលក្ខខណ្ឌ​ផ្សេងៗរបស់​​អាជីវកម្ម ។ ដំណោះស្រាយពី Talentnet រួមមាន សេវា​ក្រុមហ៊ុន សេវា​ស្វែងរកនិងជ្រើស​រើស​​បុគ្គលិកជាន់ខ្ពស់ សេវាពិគ្រោះយោបល់ផ្នែកធនធានមនុស្ស សេវា​គ្រប់គ្រងធនធានមនុស្ស​ វគ្គបណ្ដុះបណ្ដាលធនធានមនុស្ស សេវា​រៀបចំបញ្ជីប្រាក់បៀវត្ស និង​ការ​ស្ទង់មតិ​ប្រាក់បៀវត្ស Talentnet Mercer ។

1...484950...226Page 49 of 226

About us

Each template in our ever growing studio library can be added and moved around within any page effortlessly with one click.

© 2025 DAP-BUSINESS. All Rights Reserved.