ព្រះសីហនុ ៖ លោកឧត្តមនាវីឯក ទៀ សុខា មេបញ្ជា ការរងកងទ័ពជើងទឹក និងជាមេបញ្ជាការទីបញ្ជាការជួរមុខអគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ នៅថ្ងៃអង្គារ ទី៧ ខែកក្កដា ឆ្នាំ២០២០នេះ បានដឹកនាំសមាជិក សមាជិកា ចលនាយុវជនកម្ពុជា (ក្រុម១៥៧) សាខាខេត្តព្រះសីហនុ យកទៀនព្រះវស្សា និងទេយ្យទានវេប្រគេន ព្រះសង្ឃគង់ចាំព្រះវស្សា ចំនួន៤វត្ត ។
រួមមាន៖ វត្តឧត្តមវិញ្ញាណរាម, វត្តរតនគិរីសារគរម៉ាអ៊ូ, វត្តព្រីងច័ន្ទបារមី និងវត្តព្រហ្មកេរ្តិ៍ ស្ថិតក្នុងឃុំវាលរេញ ស្រុកព្រៃនប់ ខេត្តព្រះសីហនុ។
ក្នុងនោះ មួយវត្តៗទទួលបាន ទៀនវស្សា ១គូ , អង្ករ ១០០kg , ទឹកបរិសុទ្ធ ២កេះ , មីថៃ ២កេះ , តែ ៥កញ្ចប់ , ទឹកដោះគោ ១កេះ , ស្បែកជើងផ្ទាត់ ៥គូ , ប្រេងឆា ២កេះ , ត្រីខ ២កេះ , ទឹកត្រី ២យួរ , ស្ករស ៥kg , ប៊ីចេង ៥kg , ធូប ២ដុំ , ទៀនតូច ២ដុំ , ទឹកស៊ីអ៊ីវ ២យួរ , ទឹកក្រូច ២កេះ និងថវិកា ២លានរៀល ៕