ពោធិសាត់៖ ជនសង្ស័យម្នាក់ត្រូវបាន កម្លាំងផែនការងារនគរបាល ព្រហ្មទណ្ឌនៃស្នងការដ្ឋាននគរបាល ខេត្តពោធិសាត់ សហការណ៍ជាមួយកម្លាំង អធិការដ្ឋាននគរបាលស្រុកកំរៀងនៃស្នងការដ្ឋាននគរបាល ខេត្តបាត់ដំបង ធ្វើការចាប់ខ្លួនបាន តាមដីការបង្គាប់អោយចាប់ខ្លួន របស់តុលាការខេត្តពោធិសាត់ ចុះថ្ងៃទី១៤ ខែធ្នូឆ្នាំ២០១០ ពីបទមនុស្សឃាត់ដោយចេនា ហើយជនសង្ស័យបានគេចខ្លួនអស់រយះពេលជិត ១០ ឆ្នាំរហូតដល់ថ្ងៃទី ៣១ ខែ សីហា ឆ្នាំ ២០២០ទើបកម្លាំងនគរបាល ស្រុកកំរៀងខេត្តបាត់ដំបងសហការណ៍នឹង កម្លាំងនគរបាលផែនព្រហ្មទណ្ឌ នៃស្នងការដ្ឋាននគរបាល ខេត្តពោធិសាត់ចាប់ខ្លួនបាននៅ ចំនុចភូមិកំពង់ចម្លងលើ ឃុំតាក្រី ស្រុកកំរៀង ខេត្តបាត់ដំបង។
ស្នងការរងទទួលផែនការងារ នគរបាលព្រហ្មទណ្ឌខេត្តពោធិសាត់ លោកឧត្តមសេនីយ៍ត្រីម៉ូ លីដា បានអោយដឹងថា ជនសង្ស័យដែលកម្លាំងសមត្ថកិច្ចនគរបាលចាប់ខ្លួនតាដីការរបស់តុលាការខេត្តពោធិសាត់ពីបទមនុស្សឃាតដោយនានោះមាន ឈ្មោះណាត ដា ភេទប្រុសអាយុ ២០ ឆ្នាំជនជាតិខ្មែររស់នៅក្នុងភូមិកំរ៉ែង ឃុំស្វាយស ស្រុកក្រគរ ខេត្តពោធិសាត់។
លោកស្នងការរងដដែលក៍បានបន្តអោយដឹងទៀតថា ជនសង្ស័យដែលសមត្ថកិច្ចចាប់ខ្លួនតាមដីកាពីបទមនុស្សឃាតដោយ ចេតនាប្រព្រឹត្តឡើងកាលពីថ្ងៃទី ៣១ ខែ មករា ឆ្នាំ ២០១០ស្ថិតនៅភូមិកំរ៉ែង ឃុំស្វាយស ស្រុកក្រគរ ខេត្តពោធិសាត់ហើយបានរត់គេចខ្លួនពីមូលដ្ឋាន។
រហូតមកទល់ពេលនេះ ជនសង្ស័យត្រូវបាននាំខ្លួនមក កាន់ស្នងការដ្ឋាននគរបាលខេត្តពោធិសាត់ដើម្បីបន្តនិវិធីបញ្ជូនទៅកាន់តុលាការចាត់ការទៅតាមផ្លូវច្បាប់៕
