ភ្នំពេញ៖ លោកឧកញ៉ា ទៀ វិចិត្រ សមាជិកក្រុមការងារ យុវជនគណបក្សប្រជាជនកម្ពុជា ខេត្តព្រះសីហនុ បានឲ្យដឹងថា នៅយប់វេលាម៉ោង២:៣០នាទីរំលងអាធ្រាត ឈានចូលថ្ងៃទី០៨ ខែសីហា ឆ្នាំ២០២១ បានបញ្ជូនក្រុមការងារ សង្គ្រោះក្រុមហ៊ុនGTVCនិងអូប័រពេទ្យល្បឿនលឿន ទៅទទួលយកជងរងគ្រោះ រលាកភ្លើងពេញខ្លួនប្រាណធ្ងន់ធ្ងរ ដោយសារអគ្គីភ័យ ចំនួន៣នាក់ ក្នុងនោះមានទាំងកូនក្មេងផងដែរ នៅភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ដើម្បីបញ្ជូនយកមកជួយសង្គ្រោះនៅមន្ទីរពេទ្យបង្អែក ខេត្តព្រះសីហនុ។
លោកឧកញ៉ា ទៀ វិចិត្រ មានប្រសាសន៍ថា រថយន្តសង្គ្រោះក្រុមហ៊ុនGTVC ផ្ទាល់ កំពុងត្រៀមរង់ចាំ នៅកំពង់ផែ ដើម្បីទទួលយកជនរងគ្រោះ ពីអូប័រពេទ្យ បន្ដដឹកយកទៅសង្រ្គោះ នៅមន្ទីពេទ្យបង្អែកខេត្តព្រះសីហនុ ។
គួរឲ្យដឹងថា បច្ចុប្បន្ននេះ លោកឧកញ៉ា ទៀ វិចិត្រ មិនត្រឹមតែមានអូប័រល្បឿនលឿន ក្នុងការដឹងសង្គ្រោះ ជនរងគ្រោះពីបណ្តាកោះមកផែនោះទេ សូម្បីតែការដឹកតាមរថយន្ត ទៅកាន់មន្ទីរពេទ្យ ក៏ត្រូវបានលោកឧកញ៉ា ត្រៀមរថយន្តថែមរួចជាស្រេចផងដែរ៕
