ភ្នំពេញ ៖ ធនាគារ អេស៊ីលីដា ភីអិលស៊ី គិតរហូតមកដល់បច្ចុប្បន្ននេះ មានអាយុកាល៣០ឆ្នាំហើយ ក្រោមការដឹកនាំរបស់បណ្ឌិត អ៊ិន ចាន់នីដែលជាប្រធាននាយកប្រតិបត្តិ ។ ក្នុងរយៈពេល៣០ឆ្នាំនេះ បានធ្វើឲ្យសម្រេចសមិទ្ធផលយ៉ាងច្រើន ។ កាលពីទើបចាប់កំណើតដំបូង គឺធនាគារនេះ បានកើតចេញពីអគារជួលគេតូចមួយប៉ុណ្ណោះ តែបច្ចុប្បន្នបានវិវឌ្ឍន៍ខ្លួនទៅជាធនាគារនាំមុខគេមួយនៅកម្ពុជា ដោយមានស្ទើរតែពាសពេញផ្ទៃប្រទេស ហើយក៏មានបុត្រសម្ព័ន្ធ៤ផងដែរ ។ អ្វីកាន់តែជាពិសេសទៀតនោះ គឺបានពង្រីកខ្លួនទៅកាន់បណ្តាប្រទេសមួយចំនួន ក្នុងតំបន់អាស៊ានផងដែរ ។
បច្ចុប្បន្នទោះបីជាស្ថិតក្នុងអន្តរកាល នៃផលប៉ះពាល់ជាសកលពីការរាតត្បាតជំងឺកូវីដ-១៩ ក៏ដោយក៏ធនាគារបានខិតខំវិវឌ្ឍន៍ខ្លួន ព្រមទាំងអាចរក្សាបាននូវគុណភាពទ្រព្យសកម្មបានយ៉ាងល្អ ។
លោកបណ្ឌិត អ៊ិន ចាន់នី បានរៀបរាប់យ៉ាងលំអិតថា “យើងបានកងសាងអង្គការពីការជួលការិយាល័យ ទៅជាធនាគារធំជាងគេ ដែលមានអគារទីចាត់ការធំផ្ទាល់ខ្លួន ,មានអគារសម្រាប់រក្សាទិន្នន័យ ។ យើងបានវិនិយោគទៅក្រុមហ៊ុនបុត្រសម្ព័ន្ធចំនួន៤ ។ យើងមានអគារថ្មី វិទ្យាស្ថានពាណិជ្ជសាស្ត្រ អេស៊ីលីដា និងក្រុមហ៊ុន ACS ដែលជាក្រុមហ៊ុនមូលប័ត្រ អេស៊ីលីដា។ ចំពោះហេដ្ឋារចនាសម្ព័ន្ធដ៏មានសារៈសំខាន់ដែលយើងសម្រេចបានគឺហេដ្ឋារចនាសម្ព័ន្ធឌីជីថលដែលមានអ្នកប្រើប្រាស់ជាង២លាន២សែននាក់ ដែលមានដៃគូសម្រាប់ធ្វើការទូទាត់មានជាង១០ម៉ឺន និងមានការប្រើប្រាស់យ៉ាងសកម្ម មានជា៦៥ភាគរយ”។
លោកបន្តថា “ហេដ្ឋារចនាសម្ព័ន្ធបច្ចេកវិទ្យារបស់អេស៊ីលីដានេះ ដោយសារយើងមានមជ្ឈមណ្ឌលទិន្នន័យផង មានមជ្ឈមណ្ឌលនៅទីចាត់ការធំផង ធានាបាននូវមិនមានការដាច់ បើកាលណាមានការដាច់ចន្លោះក្នុងមួយវិនាទី វាតភ្ជាប់គ្នាបានវិញដែលជាគោលដៅការងារសំខាន់ បម្រើដល់អតិថិជននិងរក្សាទ្រព្យរបស់អតិថិជន ព្រមទាំងការពាររាល់ទ្រព្យអតិថិជន មាននៅធនាគារអេស៊ីលីដានោះហើយដែលជាសមិទ្ធផល ទាក់ទងជាមួយស្ថាប័ន”។
សូមបញ្ជាក់ថា មកដល់បច្ចុប្បន្នធនាគារអេស៊ីលីដា បានផ្ដល់ការងារឲ្យនិស្សិតមកពីបណ្ដាសកលវិទ្យាល័យទូទាំងប្រទេសចូលបម្រើការជាង១ម៉ឺននាក់៕
អតិថិជនរីកចម្រើន ធនាគាររីចម្រើន យើងរីកចម្រើនទាំងអស់គ្នា!
Home›អត្ថបទពាណិជ្ជកម្ម›៣០ឆ្នាំនៃការបង្កើតធនាគារ អេស៊ីលីដា ក្រោមការដឹកនាំរបស់លោកបណ្ឌិត អ៊ិន ចាន់នី សម្រេចបានសមិទ្ធផលធំៗជាច្រើន ភ្នំពេញ ៖ ធនាគារ អេស៊ីលីដា ភីអិលស៊ី គិតរហូតមកដល់បច្ចុប្បន្ននេះ មានអាយុកាល៣០ឆ្នាំហើយ ក្រោមការដឹកនាំរបស់បណ្ឌិត អ៊ិន ចាន់នីដែលជាប្រធាននាយកប្រតិបត្តិ ។ ក្នុងរ…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
