ភ្នំពេញ៖លោក ថោង ខុន រដ្ឋមន្ត្រីក្រសួងទេសចរណ៍ ថ្លែងថា វេទិកាទេសចរណ៍អាស៊ាន ២០២២នាពេលខាងមុខនេះ នឹងទាក់ទាញទេសចរបរទេសមកខេត្តព្រះសីហនុបានច្រើន ពេលសភាពការណ៍កូវីដ-១៩ធូរស្រាល ហើយក្រុមហ៊ុនទេសចរណ៍កម្ពុជានឹងអាចពង្រីកដៃគូធុរកិច្ចរបស់ខ្លួន ។
សូមជម្រាបថា រាជរដ្ឋាភិបាលកម្ពុជា បានសម្រេចរៀបចំវេទិកាទេសចរណ៍អាស៊ាន ២០២២ (ASEAN Tourism Forum 2022) ចាប់ពីថ្ងៃទី១៦-២២ ខែមករា នៅក្រុងព្រះសីហនុ ខេត្តព្រះសីហនុ។
ក្នុងឳកាសជួបប្រជុំតាមប្រព័ន្ធអនឡាញជាមួយលោក គួច ចំរើន អភិបាលខេត្តព្រះសីហនុ ដើម្បីពិភាក្សា និងដោះដូរយោបល់លើការរៀបចំវេទិកាទេសចរណ៍អាស៊ានលើកទី៤០នេះ ឱ្យបានរលូនជោគជ័យ នាថ្ងៃទី១៦ ខែកក្កដា ឆ្នាំ២០២១ លោក ថោង ខុន រដ្ឋមន្ត្រីក្រសួងទេសចរណ៍ ថ្លែងថា ដោយមានការគាំទ្រពីប្រទេសសមាជិកអាស៊ាន វេទិកាទេសចរណ៍អាស៊ាន ត្រូវបានលើកពេកម្ដងរួចមកហើយកាលពីឆ្នាំ២០២១ ដោយសារវិបត្តិកូវីដ-១៩។
លោកបន្តថា ស្របតាមស្មារតី និងគោលបំណងរួម ថ្នាក់ដឹកនាំទេសចរណ៍អាស៊ានបានគាំទ្រឲ្យកម្ពុជារៀបចំព្រឹត្តិការណ៍ទិវាទេសចរណ៍អាស៊ាននេះដោយផ្ទាល់ ដើម្បីប្រកាសអំពីការបើកទេសចរណ៍អាស៊ានឡើងវិញ ប្រកបដោយការទទួលខុសត្រូវ និងសុវត្ថិភាព។ ក្នុងន័យនេះ រាជរដ្ឋាភិបាលបានឯកភាពតាមសំណើរបស់ក្រសួងទេសចរណ៍ ឲ្យរៀបចំវេទិកាទេសចរណ៍នេះឡើង ដែលរួមមានកិច្ចប្រជុំថ្នាក់មន្ត្រីជាន់ខ្ពស់ (NTOs) ថ្នាក់រដ្ឋមន្ត្រី កិច្ចប្រជុំអាស៊ានបូក (បូកបី ឥណ្ឌា រុស្ស៊ី) ជាមួយដៃគូអាស៊ាននានា ការតាំងពិព័ពរណ៍ក្នុងទំហំតូចល្មម និងកម្មវិធីផ្សេងៗទៀតដែលអាចគ្រប់គ្រងបាន។
ជាមួយគ្នានេះលោក គួច ចំរើន បានបង្ហាញថា រដ្ឋបាលខេត្តបានរីករាយគាំទ្រយ៉ាងពេញទំហឹង និងសហការរៀបចំព្រឹត្តិការណ៍ជាតិដ៏សំខាន់នេះ ដោយត្រូវនឹងត្រូវសហការគ្នាធានាថា គ្មានការនាំជំងឺកូវីដ-១៩ ចូល ហើយគ្មានការឆ្លងពីអ្នកក្នុងស្រុកដល់គណៈប្រតិភូ។
លោក ថោង ខុន បានអោយទៀតថា គណៈកម្មការរៀបចំទិវាទេសចរណ៍នឹងត្រូវបានបង្កើតឡើងនាពេលឆាប់ៗ ហើយក្រុមការងារអន្តរស្ថាប័ននឹងសិក្សាវាយតម្លៃរៀបចំព្រឹត្តិការណ៍នេះ ដោយផ្ដល់បដិសណ្ឋារកិច្ចដល់ភ្ញៀវ គ្រប់គ្រងហានិភ័យនៃការឆ្លង ការគ្រប់គ្រងព័ត៌មានស្ដីពីការធ្វើដំណើរ និងស្នាក់នៅរបស់គណៈប្រតិភូ ការត្រៀមរៀបចំបុគ្គលិកបម្រើការ និងមន្ត្រីរៀបចំឲ្យបានល្អ ធ្វើយ៉ាងណាធានាថាមានសុវត្ថិភាព គុណភាព អនាម័យ និងការទុកចិត្តពីគណៈប្រតិភូ ពីបុគ្គលិកបម្រើការងារ ព្រមទាំងប្រជាពលរដ្ឋ។ ក្នុងន័យនេះ លោករដ្ឋមន្ត្រីបានបញ្ជាក់ថា គណៈកម្មការនឹងរៀបចំស្តង់ដាប្រតិបត្តិសម្រាប់វេទិកាទេសចរណ៍អាស៊ាន ២០២២ (ATF2022 SOP) ដើម្បីជាក្រមអនុវត្តន៍។
លោកបន្ថែមថា ការជ្រើសរើសយកក្រុងព្រះសីហនុជាទីកន្លែងរៀបចំព្រឹត្តិការណ៍ទេសចរណ៍អាស៊ាននេះ ដោយហេតុថា ខេត្តព្រះសីហនុមានការអភិវឌ្ឍហេដ្ឋារចនាសម្ពន្ធផ្លូវថ្នល់ និងសម្បទាទេសចរណ៍យ៉ាងល្អមានព្រលានយន្តហោះអន្តរជាតិ ដែលសម្រួលការធ្វើដំណើរដល់គណៈប្រតិភូ ដោយមិនចំាបាច់ប្ដូរជើងយន្តហោះ។ ម្យ៉ាងទៀត ការចាក់វ៉ាក់សាំងជូនប្រជាពលរដ្ឋ មន្ត្រីរាជការ បុគ្គលិកបម្រើការក្នុងសេវាកម្មទេចរណ៍នៅខេត្តព្រះសីហនុ អាចនឹងចប់មុនដំណាច់ឆ្នាំ២០២១»។
លោកបានបញ្ជាក់ថា “វេទិកាទេសចរណ៍អាស៊ាន ២០២២ នេះ នឹងទាក់ទាញទេសចរបរទេសមកខេត្តព្រះសីហនុបានច្រើន ពេលសភាពការណ៍កូវីដ-១៩ធូរស្រាល ហើយក្រុមហ៊ុនទេសចរណ៍កម្ពុជានឹងអាចពង្រីកដៃគូធុរកិច្ចរបស់ខ្លួន”។
ទន្ទឹមនឹងចូលរួមផ្សព្វផ្សាយគោលដៅទេសចរណ៍ឆ្នេរសមុទ្រ អេកូទេសចរណ៍ ទេសចរណ៍ធម្មជាតិ ទេសចរណ៍ជនបទនៅកម្ពុជា ដែលអង្កការទេសចរណ៍ពិភពលោកចាត់ទុកជានិន្នាការកើនឡើងបន្ទាប់ពីកូវីដ-១៩ កិច្ចប្រជុំថ្នាក់រដ្ឋមន្ត្រីទេសចរណ៍នាឱកាសទិវាទេសចរណ៍អាស៊ាននេះ នឹងដាក់ចេញនូវទិសដៅយុទ្ធសាស្ត្រអាស៊ានសម្រាប់ការស្ដារវិស័យទេសចរណ៍ឡើងវិញ ដែលជាការទន្ទឹងរង់ចាំពីប្រតិបត្តិករទេសចរណ៍ទាំងអស់ ក៏ដូចជាអ្នកបម្រើការងាររាប់សិបលាននាក់៕
Home›ព័ត៌មានចុងក្រោយ›រដ្ឋមន្រ្តីទេសចរណ៍៖ វេទិកាទេសចរណ៍អាស៊ាន ២០២២ នឹងទាក់ទាញទេសចរបរទេស មកខេត្តព្រះសីហនុបានច្រើន ភ្នំពេញ៖លោក ថោង ខុន រដ្ឋមន្ត្រីក្រសួងទេសចរណ៍ ថ្លែងថា វេទិកាទេសចរណ៍អាស៊ាន ២០២២នាពេលខាងមុខនេះ នឹងទាក់ទាញទេសចរបរទេសមកខេត្ត…
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ក្រុមហ៊ុនអាកាសចរណ៍ Vietjet សម្រេចបានកំណើនប្រាក់ចំណូល ៤១% ក្នុងរយៈពេល ៩ ខែដំបូងនៃឆ្នាំ ២០២៦ ព្រមទាំងពង្រីកបណ្តាញហោះហើរអន្តរជាតិ ជាមួយនឹងជើងហោះហើរថ្មីចំនួន ៣ ខ្សែNovember 3, 2026Unilever និង World Vision ប្រចាំកម្ពុជាប្រកាសភាពជាដៃគូរយៈពេល២ឆ្នាំក្នុងទំហំទឹកប្រាក់៧០០លានរៀលដើម្បីលើកកម្ពស់វិស័យអប់រំតាមរយៈកម្មវិធីសម្លៀកបំពាក់ស្អាតភ្លឺចែងចាំងអនាគតភ្លឺត្រចះត្រចង់November 2, 2026អ្នកឧកញ៉ា ទៀ វិចិត្រ បញ្ជូនអូប័រល្បឿនលឿនជួយយកស្រ្តីម្នាក់ ឈឺពោះសម្រាលកូន ពីកោះរ៉ុង មកសង្គ្រោះបន្ទាន់នៅមន្ទីរពេទ្យខេត្តOctober 27, 2026Vietjet ផ្តល់ជូនប្រូម៉ូសិនបញ្ចុះតម្លៃសំបុត្រ ០ ដុល្លារ រហូតដល់ថ្ងៃទី ១ ខែវិច្ឆិកា ស្របពេលពង្រីកជើងហោះហើរជុំវិញទ្វីបអាស៊ីOctober 27, 2026
