ភ្នំពេញ៖លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាដល់ថ្នាក់ដឹកនាំ និងមន្ត្រីក្រោមឱវាទក្រសួងទេសចរណ៍ ព្រមទាំងមន្ទីរទេសចរណ៍ទាំង ២៥ រាជធានី-ខេត្ត ត្រូវបន្តយកចិត្តទុកដាក់ជាប្រចាំ ក្នុងការចុះពង្រឹង តាមដាន និងកែសម្រួលបែបបទនៃការអនុវត្តការងារតាមគន្លងថ្មី ខណៈដែលស្ថានភាពជំងឺកូវីដ១៩ នៅកម្ពុជាមិនទាន់មានភាពស្រាក់ស្រាននៅឡើយ។

សូមរំលឹកថា គិតត្រឹមខែវិច្ឆិកា ឆ្នាំ២០២០ លទ្ធផលការងារចុះវាយតម្លៃ និងផ្តល់ឡាប៊ែលបញ្ជាក់ ការអនុវត្តវិធានសុវត្ថិភាពទេសចរណ៍ទូទាំងប្រទេសសរុបចំនួន ១,៤១៦ ទីតាំង ក្នុងនោះរួមមាន សេវាកម្មសណ្ឋាគារអនុវត្តបានចំនួន ២៦៧ ទីតាំង សេវាកម្មផ្ទះភ្ញៀវអនុវត្តបានចំនួន ៤២៧ ទីតាំង សេវាកម្មភោជនីយដ្ឋាន និងអាហារដ្ឋានទេសចរណ៍អនុវត្តបានចំនួន ៥៨៩ ទីតាំង សេវាកម្មរមណីយដ្ឋានទេសចរណ៍អនុវត្តបានចំនួន ៤១ ទីតាំង សេវាកម្មសហគមន៍ទេសចរណ៍អនុវត្តបានចំនួន ១៨ ទីតាំង សេវាកម្មដឹកជញ្ជូនទេសចរណ៍ផ្លូវទឹក អនុវត្តបានចំនួន ៦០ ទីតាំង សេវាកម្មដឹកជញ្ជូនទេសចរណ៍ផ្លូវគោកអនុវត្តបានចំនួន ៣ ទីតាំង និងសេវាកម្មការីទេសចរណ៍ក្នុងស្រុកអនុវត្តបានចំនួន ១១ ទីតាំង។

តាមរយៈហ្វេសប៊ុកក្រសួងទេសចរណ៍ ឲ្យដឹងនៅថ្ងៃទី១៦ ខែធ្នូ ឆ្នាំ២០២០នេះថា ការកែសម្រួលបែបបទ នៃការអនុវត្តការងារតាមគន្លងថ្មីនេះ រួមមាន៖
១៖ បន្តពង្រឹងការអនុវត្តវិធានសុវត្ថិភាពទេសចរណ៍ នៅតាមគោលដៅ និងមូលដ្ឋានអាជីវកម្មទេសចរណ៍ នៅទូទាំងរាជធានី-ខេត្តទាំង ២៥ ដើម្បីចូលរួមបង្ការ-ទប់ស្កាត់ការរីករាលដាលនៃជំងឺកូវីដ១៩ ក្នុងឧស្សាហកម្មទេសចរណ៍។
២៖ ណែនាំឱ្យផ្នែកជំនាញសិក្សាបង្កើន និងពង្រឹងផលិតផលទេសចរណ៍ ពិសេសទេសចរណ៍ តាមបែបអេកូទេសចរណ៍ និងសហគមន៍ទេសចរណ៍ ដែលអាចនឹងក្លាយជាផលិតផលទេសចរណ៍ថ្មី នៅក្នុងដំណាក់កាលវិបត្តិជំងឺកូវីដ១៩។

៣៖ ត្រៀមរៀបចំជាបណ្ដើរៗនូវចលនាទេសចរណ៍ ដែលអាចបន្ត និងត្រលប់មកវិញបាន បន្ទាប់ពីពិភពលោកទទួលស្គាល់វ៉ាក់សាំងប្រឆាំងជំងឺកូវីដ១៩ជាផ្លូវការ ខណៈអង្គការសុខភាពពិភពលោក បង្ហាញសុទិដ្ឋិនិយមថា អាចនឹងមានវ៉ាក់សាំងទទួលស្គាល់ជាផ្លូវការ នៅពាក់កណ្ដាលឆ្នាំ២០២១។
៤៖ ពង្រឹងការអនុវត្តកិច្ចការ រដ្ឋបាលគ្រប់គ្រងមន្ត្រីរាជការ ដោយបញ្ចូលបែបបទនៃការអនុវត្តគន្លងថ្មី ពោលគឺមន្ត្រីរាជការទាំងអស់ត្រូវ អនុវត្តឱ្យបានខ្ជាប់ខ្ជួននូវការពាក់ម៉ាស់ រៀងរាល់ម៉ោងធ្វើការ រក្សាគម្លាតសុវត្ថិភាព ចេញចូលត្រូវវាស់កម្ដៅ និងត្រូវបាញ់អាកុលជានិច្ច ហើយត្រូវតាមដានអាការៈខ្លួនឯង ប្រសិនបើមានជំងឺផ្ដាំសាយ ត្រូវនៅឱ្យឆ្ងាយពីអ្នកដទៃ ឬក៏មានសញ្ញាសង្ស័យថា មានជំងឺកូវីដ១៩ ត្រូវទៅធ្វើតេស្តយកសំណាក និងធ្វើចត្តាឡីស័ករយៈពេល ១៤ ថ្ងៃ ឬស្វែងរកការព្យាបាលជាដើម។

៥៖ ពង្រឹងការអនុវត្តវិធានសុវត្ថិភាពទេសចរណ៍ នៅតាមគោលដៅទេសចរណ៍ទូទាំង ២៥ រាជធានី-ខេត្ត ពិសេសមូលដ្ឋានអាជីវកម្មខ្នាតតូច ដែលបច្ចុប្បន្នសង្កេតឃើញថា ភាគច្រើនជាប្រភេទអាជីវកម្មភោជនីយដ្ឋាន និងអាហារដ្ឋានក្នុងស្រុកលក្ខណៈគ្រួសារ។ ត្រង់ចំណុចនេះ ឯកឧត្តមរដ្ឋមន្ត្រីបានណែនាំឱ្យបង្កើតក្រុមការងារថ្នាក់ក្រសួងបន្ថែម ដើម្បីចុះជួយជំរុញការអនុវត្តនេះ ដល់មូលដ្ឋានថ្នាក់ក្រុង-ស្រុក និងស្នើសុំកិច្ចសហការពីរដ្ឋបាលថ្នាក់ក្រុង-ស្រុកក្នុងការអនុវត្តកិច្ចការនេះ។ ការដាក់បទបញ្ជាយ៉ាងម៉ឺងម៉ាត់នេះ ត្រូវបានធ្វើឡើងក្នុងកិច្ចប្រជុំបូកសរុបការងារប្រចាំខែ ក្នុងការទប់ស្កាត់ការឆ្លងរីករាលដាលជំងឺកូវីដ១៩ នៅទីស្ដីការក្រសួងទេសចរណ៍ នាថ្ងៃទី១៦ ខែធ្នូ ឆ្នាំ២០២០៕

ភ្នំពេញ៖ តបតាមសំណើការចាំបាច់ និងបន្ទាន់ របស់កម្ពុជា ក្រសួងកសិកម្ម និងកិច្ចការជនបទចិន កាលពីថ្ងៃទី១៣ ខែធ្នូ ឆ្នាំ២០២០០ បានឯកភាពផ្តល់ថ្នាំការពារជំងឺឆ្លងអុតក្តាម គោ/ក្របី ចំនួន ២០០ ០០០ កម្រិត (Doses) ខណៈជំងឺឆ្លងអុតក្តាមសត្វគោ/ក្របីនេះ ប្រទេសកម្ពុជាកំពុងប្រឈម។

សូមរំលឹកថា កាលពីថ្ងៃទី៤ ខែធ្នូ ឆ្នាំ២០២០ លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានធ្វើសំណើស្នើសុំទៅជូនឯកឧត្តមរដ្ឋមន្រ្តីក្រសួងកសិកម្ម និងកិច្ចការជនបទនៃសាធាររណរដ្ឋប្រជាមានិតចិន ជួយផ្តល់ថ្នាំការពារជំងឺឆ្លងអុតក្តាមសត្វគោ/ក្របី ដែលប្រទេសកម្ពុជាកំពុងប្រឈម។ តបតាមសំណើការចាំបាច់ និងបន្ទាន់ របស់កម្ពុជា ក្រសួងកសិកម្ម និងកិច្ចការជនបទចិន នៅថ្ងៃទី១៣ ខែធ្នូ បានឯកភាពផ្តល់ថ្នាំការពារជំងឺឆ្លងអុតក្តាម គោ/ក្របី ចំនួន ២០០ ០០០ កម្រិត (Doses) ហើយបានសម្របសម្រួល ជាមួយវិទ្យាស្ថាន ស្រាវជ្រាវបសុពេទ្យឡានចូវ (Lanzhou Veterinary Research Institute) សមាគមថ្នាំ ពេទ្យ និងបសុពេទ្យចិន (China Veterinary Drug Association) និងក្រុមការ ងារនៃសាកលវិទ្យាល័យកសិកម្មចិនសម្រាប់សម្ព័ន្ធភាពឧស្សាហកម្មឡានឆាង-មេគង្គបសុពេទ្យ និងថ្នាំការពារជំងឺ (China Agriculture University for Lancang-Mekong Veterinary Drug and Vaccine Industry Alliance) ដើម្បីផ្តល់ជូនភាគីកម្ពុជា ផ្នែកបច្ចេកទេស និងបង្កើនសមត្ថភាពក្នុងការឃ្លាំមើល ការបង្ការនិងការគ្រប់គ្រង ការរាលដាលជំងឺឆ្លងសត្វ។

តាមរយៈហ្វេសប៊ុកលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឲ្យដឹងនៅថ្ងៃទី១៦ ខែធ្នូ ឆ្នាំ២០២០នេះថា ចំណងមិត្តភាពនិងកិច្ចសហប្រតិបត្តិការដ៏រឹងមាំ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិនបាននាំមកនូវការអភិវឌ្ឍលើគ្រប់វិស័យ និងផ្តល់ផលប្រយោជន៍ ជាច្រើនជូនដល់ប្រជាជននៃប្រទេសទាំងពីរ។ ជាក់ស្ដែងសម្រាប់វិស័យកសិកម្ម ភាគីចិនបាននិងកំពុងបន្តផ្តល់ការគាំទ្រ និងជំនួយឧបត្ថម្ភជាច្រើន សម្រាប់ធ្វើការអភិវឌ្ឍន៍វិស័យកសិកម្ម រួមទាំងបានអនុញ្ញាតឲ្យ កម្ពុជានាំចូលកសិផលទៅកាន់ទីផ្សារចិនផងដែរ ជាក់ស្តែងថ្មីៗនេះបានចុះហត្ថលេខាលើពិធីសារស្តីពី “លក្ខខណ្ឌតម្រូវភូតគាមអនាម័យ សម្រាប់នាំចេញផ្លែស្វាយស្រស់ ទៅកាន់ប្រទេសចិន”។

លោកបានបញ្ជាក់ថា “ចំពោះការផលិតថ្នាំការពារជំងឺឆ្លងសត្វ នាយកដ្ឋានសហប្រតិបត្តិការអន្តរជាតិនៃក្រសួងទាំងពីរ បាននិងកំពុងធ្វើការសម្រប សម្រួលផ្នែកលិខិតបទដ្ឋានគតិយុត្តនានា ធ្វើយ៉ាងណាបង្កើតភាពងាយស្រួលជូនដល់ក្រុមហ៊ុនវិនិយោគិនចិន ដែលមានបំណងធ្វើការវិនិយោគ ដើម្បីសិក្សាស្រាវជ្រាវ និងផលិតនៅកម្ពុជា នាពេលខាងមុខ”។

លោកវេង សាខុន ក៏បានថ្លែងអំណរគុណយ៉ាងជ្រាលជ្រៅចំពោះប្រជាជន និងរដ្ឋាភិបាលចិន ដែលបាននិងកំពុងបន្តផ្តល់កិច្ចសហប្រតិបត្តិការគ្រប់ជ្រុងជ្រោយជាមួយរដ្ឋាភិបាលកម្ពុជា។ លទ្ធផលនៃកិច្ចសហប្រតិបត្តិការនេះ បានចូលរួមជាចំណែកយ៉ាងមានប្រសិទ្ធភាពក្នុងការជួយរុញកំណើនសេដ្ឋកិច្ច តាមរយ:ការអភិវឌ្ឍលើគ្រប់វិស័យ រួមទាំងវិស័យកសិកម្មផងដែរ៕

ក្រុមហ៊ុន តិចណូ ដេគ័រ (TECHNO DECOR) មានទទួលសេវាកម្មជាច្រើនរួមមានៈ
+ទទួល ម៉ៅការ សាងសង់ សំណង់គ្រប់ប្រទេស
+ទទួល រចនាប្លង់ ស្ថាបត្យកម្ម
+ទទួល ជួសជុល និងកែលំអរ
+ទទួល រចនាប្លង់ដេគ័រ ខាងក្នុងនិងខាងក្រៅ
+ទទួល រៀបចំដេគ័រ សួនច្បារ
+ទទួល ធ្វើស្លាយីហោគ្រប់ប្រភេទ

ក្រុមហ៊ុនTechno Decor ក៏មានទទួលប្រឹក្សាយោបល់អំពីការរៀបចំប្លង់ជូនដល់អតិថិជនផងដែរ ។ ជាក់ស្ដែងនាពេលថ្មីៗនេះ Techno Decor បានបញ្ចប់គម្រោងរចនាម៉ូត ជាបន្តបន្ទាប់ ដែលបានរៀបចំដំឡើងដោយ ជាងដែលមានបទពិសោធន៍យូរឆ្នាំ។

អាសយដ្ឋានក្រុមហ៊ុន តិចណូដេគ័រ ស្ថិតនៅផ្ទះលេខ 65០ ផ្លូវ 271 សង្កាត់ ផ្សារដើមថ្កូវ ខណ្ឌចំការមន រាជធានីភ្នំពេញ។ សម្រាប់ព័ត៌មានលម្អិត សូមទំនាក់ទំនងតាមរយៈលេខទូរស័ព្ទ 089222207/089222209/069555507

មហាជនជាច្រើន ប្រហែលជាបានស្គាល់ រួចមកហើយពីយុវវជនខ្មែរមួយរូប គឺប្អូនប្រុស ទ្រី ច័ន្ទរាជ្យ ដែលប្អូនទើបតែបានសាងភាពភ្ញាក់ផ្អើលខ្លាំង ដល់គណៈកម្មការ និងទស្សនិកជនក្នុងកម្មវិធី តូច ខ្លឹម ខ្លាំង របស់ភីអិនអិន ដោយ បង្ហាញ សមត្ថភាពពិសេសរបស់ខ្លួនគឺការដឹងច្បាស់អំពី ថ្ងៃ ខែ និងឆ្នាំក្នុងប្រតិទិន តាំងពីឆ្នាំទីមួយនៃអតីតកាល រហូតដល់រាប់លានឆ្នាំនៃអនាគត។ 

សមត្ថភាពពិសេសរបស់ ច័ន្ទរាជ្យ បានធ្វើអោយគ្រប់គ្នាចង់ដឹងថា តើហេតុអ្វីទើបប្អូនអាចចងចាំ និងឆ្លើយត្រូវឥតចន្លោះរាល់ថ្ងៃ ខែនិង ឆ្នាំដែលគណៈកម្មការ បានសួរទៅកាន់ប្អូន។ 

ដើម្បីអោយអស់ចម្ងល់ ស្ថានីយទូរទស្សន៍ភីអិនអិន ក៏បានអញ្ជើញប្អូនប្រុស មកសម្ភាសន៍ម្តងទៀត ក្នុងកម្មវិធី ជីវិតកម្សាន្ត។

បើតាមការរៀបរាប់អោយដឹង របស់ប្អូនប្រុស ក្នុងកិច្ចសម្ភាសន៍ពិសេសក្នុងកម្មវិធីខាងលើ ហេតុផលដែលធ្វើអោយប្អូនអាចដឹង ពីថ្ងៃខែ និងឆ្នាំបានយ៉ាងច្បាស់ បែបនេះ ដោយសារតែ ប្អូនមានក្បួន ដែលបង្កើតឡើង ដោយខ្លួនឯងផ្ទាល់។

ច័ន្ទរាជ្យបញ្ជាក់ថា ថ្ងៃដំបូងដែលប្អូនប្រុស អាចរកក្បួននេះឃើញគឺនៅថ្ងៃអង្គារ ទី១ ខែកញ្ញា ឆ្នាំ២០២០ ពោលគឺត្រឹមតែជាងបីខែមុនប៉ុណ្ណោះ។ 

ដោយឡែកបើក្រឡេក មកកាន់បំណងប្រាថ្នា របស់ប្អូនទៅថ្ងៃអនាគត គឺប្អូនចង់រៀនផ្នែក ស្ថាបត្យកម្ម ដោយសារតែជំនាញមួយនេះ មានការទាក់ទងជាមួយមុខវិជ្ជា គណិតវិទ្យា បូករួមទាំងការ ស្រឡាញ់ចូលចិត្ត ហើយប្អូនជឿជាក់ថា ប្អូនអាចមានសមត្ថភាពចាប់យកមុខវិជ្ជាមួយនេះ បានយ៉ាងល្អ។ 

កុំភ្លេចរង់ចាំទស្សនា កិច្ចសម្ភាសន៍ពិសេសនេះ ក្នុងកម្មវិធី ជីវិតនិងកម្សាន្ត ចាក់ផ្សាយនៅថ្ងៃអង្គារ ទី១៥ ខែធ្នូ ឆ្នាំ២០២០ វេលាម៉ោង៥:៤០នាទីល្ងាច និងកម្មវិធី សិល្បៈកម្សាន្ត ចាក់ផ្សាយនៅថ្ងៃសៅរ៍ ទី១៩ ខែធ្នូ ឆ្នាំ២០២០ វេលាម៉ោង ១១:០០ព្រឹកតទៅ នៅលើកញ្ចក់ទូរទស្សន៍ភីអិនអិន៕

ភ្នំពេញ៖ កាលពីថ្ងៃទី១៤ ខែធ្នូ ឆ្នាំ២០២០ “ម្រេចកំពត” ទទួលបានការចុះបញ្ជីការពារជាលក្ខណៈអន្តរជាតិ នៅបណ្តាប្រទេសចំនួន៣២ ក្រោមច្បាប់ទីក្រុងហ្សឺណែវ ស្តីពីកិច្ចព្រមព្រៀងទីក្រុងលីស្បោនអំពីឈ្មោះប្រភពដើមទំនិញ និងម៉ាកសម្គាល់ភូមិសាស្ត្រទំនិញ ក្រោមគំនិតផ្តួចផ្តើមរបស់ លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដែលបានដឹកនាំក្រសួងពាណិជ្ជកម្ម ដាក់ពាក្យស្នើសុំចុះបញ្ជីការពារម៉ាកសម្គាល់ភូមិសាស្ត្រទំនិញ “ម្រេចកំពត” ជាលក្ខណៈអន្តរជាតិ តាំងពីថ្ងៃទី២១ ខែតុលា ឆ្នាំ២០២០ មកម្លេះ។

តាមរយៈក្រសួងពាណិជ្ជកម្ម ឲ្យដឹងនៅថ្ងៃទី១៥ ខែធ្នូ ឆ្នាំ២០២០នេះ ថា ចាប់ពីពេលនេះតទៅ “ម្រេចកំពត” នឹងទទួលបានកិច្ចការពារស្របច្បាប់ មិនឱ្យភាគីទីបី ប្រើប្រាស់ដោយគ្មានការអនុញ្ញាត និងរំលោភបំពាននានា ចំពោះម៉ាកសម្គាល់ភូមិសាស្រ្តទំនិញក្នុងបណ្តាប្រទេសជាភាគីហត្ថលេខី។

មុននឹងឈានដល់ការចុះបញ្ជីនេះ កាលពីថ្ងៃទី០៩ ខែមីនា ឆ្នាំ២០១៨លោក ប៉ាន សូរស័ក្តិ បានដឹកនាំគណៈប្រតិភូកម្ពុជា ទៅកាន់ទីក្រុងហ្សឺណែវ ប្រទេសស្វីស ដើម្បីតម្កល់លិខិតុបករណ៍នៃការចូលជាសមាជិកនៃច្បាប់ទីក្រុងហ្សឺណែវ ស្តីពីកិច្ចព្រមព្រៀងទីក្រុងលីស្បោនអំពីឈ្មោះប្រភពដើមទំនិញ និងម៉ាកសម្គាល់ភូមិសាស្ត្រទំនិញ នៅអង្គការកម្មសិទ្ធិបញ្ញាពិភពលោក (WIPO) ដោយច្បាប់នេះបានចូលជាធរមាន នៅថ្ងៃទី២៦ ខែកុម្ភៈ ឆ្នាំ២០២០ ហើយការចូលជាសមាជិករបស់ប្រទេសកម្ពុជានេះ គឺជាការវិវឌ្ឍមួយក្នុងការធ្វើសមាហរណកម្មកម្ពុជាបន្ថែមទៀត ចូលទៅកាន់ប្រព័ន្ធអន្តរជាតិ ដែលអនុញ្ញាតឱ្យកម្ពុជាធ្វើការចុះបញ្ជីការពារឈ្មោះប្រភពដើមទំនិញ និងម៉ាកសម្គាល់ភូមិសាស្រ្តទំនិញរបស់ខ្លួនជាលក្ខណៈអន្តរជាតិ តាមរយៈពាក្យស្នើសុំតែមួយនៅអង្គការកម្មសិទ្ធិបញ្ញាពិភពលោក ហើយទទួលបាននូវកិច្ចការពារជាលក្ខណៈអន្តរជាតិ នៅបណ្តាប្រទេសចំនួន ៣២ ដែលជាភាគីហត្ថលេខី។

សូមបញ្ជាក់ថា ក្នុងចំណោមម៉ាកសម្គាល់ភូមិសាស្រ្តទំនិញដទៃទៀត ក្រសួងពាណិជ្ជកម្មបានជ្រើសរើសយក “ម្រេចកំពត” ជាម៉ាកសម្គាល់ភូមិសាស្រ្តទំនិញទី១ យកមកចុះបញ្ជីនៅក្រសួងពាណិជ្ជកម្ម កាលពីថ្ងៃទី០២ ខែមេសា ឆ្នាំ២០១០ ក្នុងគោលបំណងកសាងកេរ្តិ៍ឈ្មោះ ការធ្វើពិពិធកម្មទីផ្សារ និងទប់ស្កាត់ការក្លែងបន្លំទំនិញសម្គាល់ភូមិសាស្រ្ត “ម្រេចកំពត” នៅក្នុងតំបន់ និងអន្តរជាតិ ហើយក្រសួងពាណិជ្ជកម្មក៏បានធ្វើការចុះបញ្ជីការពារម៉ាកសម្គាល់ភូមិសាស្រ្តទំនិញ “ម្រេចកំពត” នៅប្រទេស ថៃ វៀតណាម និងនៅសហភាពអឺរ៉ុបផងដែរ៕