(ភ្នំពេញ) ថ្ងៃទី ០៧ ខែមេសា ឆ្នាំ២០២៣៖ តើអ្នកមានដឹងអត់ថាតើ Samsung Galaxy S23 Series មកដល់កម្ពុជាមានភាពល្បីល្បាញខ្លាំងជាងគេលើចំណុចអ្វី? ហើយធ្លាប់តែឮពាក្យ បន្ទះឈីប Snapdragon 8 Gen 2 for Galaxy តើបន្ទះឈីបដ៏កំពូលមួយនេះមានអានុភាពខ្លាំងប៉ុនណា? តោះ! មកដឹងពីភាពលម្អិតរបស់កំពូលបន្ទះឈីបនេះទាំងអស់គ្នា…!

យើងដឹងហើយថា កំពូលបន្ទះឈីប Snapdragon 8 Gen 2 គឺជាបន្ទះឈីបចុងក្រោយបង្អស់ដែលមាន សមត្ថភាពខ្លាំងហើយជាពិសេសបង្កើតឡើងសម្រាប់ Galaxy 23 series តែម្តងដែលប្រព័ន្ធដំណើរ CPU (Central Processing Units) ដែលត្រូវបានបង្កើនអានុភាពរហូតដល់ 34% ទោះបីជាទំហំកម្មវិធី ឬទំហំហ្គេមធំប៉ុនណា ក៏ប្រព័ន្ធដំណើរការនៅតែលឿនលូន នឹងធ្វើឱ្យអ្នកប្រើប្រាស់ កាន់តែជក់ចិត្ត…ដិតអារម្មណ៍…ជាមួយល្បឿនអេក្រង់រហូតដល់ 120Hz Refresh rate។

រីឯបច្ចេកវិទ្យាបង្ហាញក្រាហ្វិកវិញ គឺរឹតតែអស្ចារ្យ…កម្រិតរូបភាព ពន្លឺ និង ពណ៌ កាន់តែដឹតជ្រៅ…ដូចជាធម្មជាតិពិតៗជាមួយការ Upgraded លើប្រព័ន្ធដំណើរការ GPU (Graphics Unit) រហូតដល់ 41% បង្ហាញក្រាហ្វិកកាន់តែច្បាស់…លម្អិតឥតខ្ចោះ។

លើសពីនេះប្រព័ន្ធដំណើរការដ៏ឆ្លាតវៃ NPU ឬ Neural Processing Units ដែលមានដំណើរការប្រៀបដូចជាខួរក្បាលមនុស្ស (Human brain) អ៊ីចឹងដែរ។ NPU គឺជាប្រព័ន្ធ AI មួយដែលត្រូវបានបង្កើនភាពខ្លាំងរហូតដល់ 49%  ដែលធ្វើឱ្យការដំណើរផ្សេងៗត្រូវបានសន្សំសំចៃថ្មរហូតដល់ 22% អាយុកាលប្រើប្រាស់ថាមពលថ្មកាន់តែយូរជាងមុន នឹងធ្វើឱ្យអ្នកប្រើប្រាស់កាន់តែងាយស្រួល។

ក្រៅពីមានភាពខ្លាំងលើកំពូលបន្ទះឈីប Snapdragon 8 Gen 2 របស់ Galaxy ហើយ Samsung Galaxy S23 Series ក៏បានសមត្ថភាពខ្ពស់លើកំពូលកាមេរ៉ាផងដែរ ដែលអាចផ្ដិតយករូបភាព ឬវីដេអូ បានច្បាស់… ស្អាត…ឥតខ្ចោះ ទាំងមុខ…ទាំងក្រោយ…ទោះបីពង្រីកច្រើនដងក៏នៅតែច្បាស់ស្អាត…ពិសេសថតនៅពេល យប់ ឬ មានពន្លឺតិច ជាមួយមុខងារ Nightography ដែលចាប់យករូបភាព ឬវីដេអូ បានច្បាស់ល្អឥតខ្ចោះ ទោះបីជានៅទីងងឹតខ្លាំងក៏ដោយ។

តោះចាំអីទៀត! បើល្អឥតខ្ចោះម្លឹងៗ..!! ទាំងខ្ញុំ…និងអតិថិជនទាំងអស់ គឺពិតជារំជើបរំជួល ចង់យកមកប្រើប្រាស់…ចង់បានបទពិសោធន៍ដ៏សម្បូរបែបដែលមាននៅលើ Samsung Galaxy S23 Series នេះតែម្ដង!

វើតៗឡើង…!! ជាមួយការថែមជូនដ៏ពិសេស Speaker JBL Flip5 ដ៏ស្រស់ស្អាតភ្លាមៗ, 

បង់រំលស់ជាមួយធនាគារ AEON +(0$ Down Payment) + ដោយគ្មានការប្រាក់ (0%) រយៈពេល 12 ខែ (គិតចាប់ពីថ្ងៃទិញ)។

បញ្ជាក់៖សូមអតិថិជនធ្វើការបញ្ជាទិញទូរស័ព្ទដៃដែលមានប័ណ្ណធានាត្រឹមត្រូវពីខាងក្រុមហ៊ុន!!!

សូមបញ្ជាក់ ក្រុមហ៊ុន សាមសុង ក៏នៅតែបន្តសកម្មភាពផ្សេងៗ ដើម្បីធ្វើយ៉ាងណាឱ្យទីក្រុង ប៊ូសាន នៃ ប្រទេសកូរ៉េ ក្លាយជាម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាងមុខផងដែរ។

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់ ឬតេស្តដោយផ្ទាល់ដៃនៅតាម ហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាច ចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើ អតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

* លក្ខខណ្ឌផ្សេងៗត្រូវបានអនុវត្ត…!!

(ភ្នំពេញ) ថ្ងៃទី ០៥ ខែមេសា ឆ្នាំ ២០២៣៖ ក្នុងឱកាសបុណ្យចូលឆ្នាំថ្មីខាងមុខនេះ ក្រុមហ៊ុន សាមសុង បានរៀបចំកម្មវិធីជួបជុំដ៏រីករាយរវាងគណៈគ្រប់គ្រងរបស់សាមសុង ជាមួយនឹងអាជីវករលក់ដុំ លក់រាយនូវគ្រឿងបរិក្ខារអេឡិចត្រូនិកសាមសុងទូទាំងប្រទេស និងស្ថាប័នអ្នកសារព័ត៌មានជាច្រើន ក្រោមបរិយាកាសដ៏ស្រស់ស្រាយ និងភាពសប្បាយរីករាយដ៏អស្ចារ្យ។

កម្មវិធីនេះប្រព្រឹត្តិឡើងនៅសណ្ឋាគារណាហ្គាវើលដ៍១ ដោយមានការលេងល្បែងកម្សាន្តប្រជាប្រិយសប្បាយៗ ដូចជា ល្បែងបោះអង្គុញ ចាក់ប៉េងប៉ោង និងរបាំគោះអង្រែជាដើម។ ជាពិសេសជាមួយការស្រស់ស្រូបអាហារដ៏ឈ្ងុញ…ឆ្ងាញ់ជាច្រើនមុខ និងទស្សនាការតាំងបង្ហាញនូវផលិតផលជាច្រើនពីក្រុមហ៊ុន សាមសុង ថែមទៀតផង។ 

ស្របពេលគ្នានោះដែរ ក្រុមហ៊ុន សាមសុង ក៏បានដាក់សម្ពោធនូវផលិតផលថ្មីចុងក្រោយបង្អស់ផងដែរ គឺកំពូលទូរទស្សន៍សាមសុង Neo QLED ដ៏ថ្មីស្រឡាងដែលត្រូវបានរចនាឡើងជាមួយរូបរាងដ៏ស្រស់ស្អាត…ទាក់ទាញ…អេក្រង់ធំបំផុត និងមានសមត្ថភាពមុខងារជាច្រើនដូចជា៖ 

 1. កម្រិតរូបភាពច្បាស់ល្អឥតខ្ចោះ 

– Quantum mini LED៖ បញ្ចេញកម្រិតពណ៌ និងពន្លឺ ច្បាស់លម្អិតឥតខ្ចោះដូចពិតៗ

– ជម្រើសនៃកម្រិតរូបភាព Neo QLED 4K or 8K៖ ជាមួយបច្ចេកវិទ្យា 8K AI upscaling អាចធ្វើឱ្យកម្រិតរូបភាពឡើងដល់ 8K

2. ការរចនាម៉ូតដ៏ប្រណិត:

– Infinity one design and Infinity screen: ការរចនាដ៏ប្រណិតជាមួយរូបរាងស្ដើងស្អាតបំផុត 

– Infinity screen: ការរចនាអេក្រង់ស្អាតបំផុតស្ទើរតែគ្មានស្នាមគែម ដែលមានតែលើអេក្រង់ Neo QLED 8K តែមួយគត់

3. មុខងារពិសេសៗនៃការបញ្ចេញសំឡេង:

– Doby Atmos៖ ប្រព័ន្ធបញ្ចេញសំឡេងកាន់តែដូចពិតៗ ដូចយើងនៅក្នុងព្រឹត្តិការណ៍ផ្ទាល់

– OTS Pro៖ ធ្វើឱ្យសំឡេងតួអង្គក្នុងកញ្ចក់ទូរទស្សន៍មានសំឡេងកាន់តែដូចពិតៗ

– Adaptive sound pro៖ ជាមួយបច្ចេកវិទ្យា AI ធ្វើឱ្យការចាប់យក និងវិភាគសំឡេងរបស់ឈុតឆាក, ទីតាំង ស្របតាមសកម្មភាពជាក់ស្ដែងក្នុងកម្រិតសំឡេងយ៉ាងលម្អិតបំផុត

–Q-symphony៖ ជាប្រព័ន្ធជំនួយសំឡេង ធ្វើឱ្យការបញ្ចេញសំឡេងកាន់តែមានភាពល្អឥតខ្ចោះ

ឆ្លៀតក្នុងឱកាសនេះ លោក Hyung Geun Lee អគ្គនាយកគ្រប់គ្រងក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានមានប្រសាសន៍ថា “ការបង្កើតកម្មវិធីជួបជុំនេះឡើង គឺដើម្បីអបអរសាទរក្នុងឱកាសបុណ្យចូលឆ្នាំខ្មែរខាងមុខនេះ និងដើម្បីថ្លែងអំណរគុណដល់ដៃគូពាណិជ្ជកម្ម ម្ចាស់អាជីវករ និង តំណាងចែកចាយលក់ដុំ លក់រាយ ទាំងអស់ដែលតែងតែគាំទ្រ និងជឿទុកចិត្តលើគ្រប់ផលិតផលគ្រឿងបរិក្ខារអេឡិចត្រូនិករបស់សាមសុង ហើយយើងនឹងបន្តនូវភាពជោគជ័យរបស់យើងជាបន្តបន្ទាប់ទៀត។” 

តំណាងចែកចាយម្នាក់ក្នុងចំណោមតំណាងចែកចាយទាំងអស់ដែលចូលរួមក្នុងកម្មវិធីនោះ បានមានប្រសាសន៍ដែរថា “ខ្ញុំពិតជាមានក្ដីរំភើបរីករាយខ្លាំងមែនទែនសម្រាប់កម្មវិធីជួបជុំនៅក្នុងថ្ងៃនេះ។ ហើយខ្ញុំក៏សូមជូនពរដល់ក្រុមហ៊ុន សាមសុង ក្នុងឱកាសបុណ្យចូលឆ្នាំខ្មែរខាងមុខនេះឱ្យជួបតែភាពជោគជ័យ និងរីកចម្រើនជាលំដាប់ ពីព្រោះក្រុមហ៊ុន សាមសុង ជោគជ័យ គ្រប់អាជីករទាំងអស់ក៏ទទួលបាននូវភាពជោគជ័យដូចគ្នាផងដែរ។” 

ជាចុងក្រោយក្រុមហ៊ុន សាមសុង ក៏ប្ដេជ្ញាចិត្តថានឹងខិតខំធ្វើយ៉ាងណាដើម្បីបង្កើនគុណភាពផលិតផលឱ្យ កាន់តែរឹងមាំ…លេចធ្លោ…និងទានសម័យជាងមុនទៅទៀត និងផ្ដល់នូវភាពងាយស្រួលគ្រប់តម្រូវការទាំង អស់របស់អតិថិជន និងអ្នកប្រើប្រាស់ទូទាំងពិភពលោក។ 

បន្ថែមពីនេះ ក្រុមហ៊ុន សាមសុង ក៏នៅតែបន្តធ្វើគ្រប់សកម្មភាពក្នុងគោលបំណង ដើម្បីគាំទ្រឲ្យក្រុង ប៊ូសាន នៃប្រទេសកូរ៉េ ក្លាយជាម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាងមុខនេះ៕

(ភ្នំពេញ) ថ្ងៃទី ៣១ ខែមីនា ឆ្នាំ២០២៣៖ ក្រោយពីការដាក់សម្ពោធឲ្យដំណើរការជាផ្លូវការនូវកម្មវិធី “Samsung Innovation Campus” របស់ក្រុមហ៊ុន  សាមសុង កាលពីឆ្នាំ 2022 រួចមក ថ្ងៃនេះក្រុមហ៊ុន សាមសុង និងសាកលវិទ្យាល័យភូមិន្ទភ្នំពេញបានរៀបចំពីធីចែកវិញ្ញាបនបត្រជូនដល់និស្សិតដែលបញ្ចប់វគ្គសិក្សា  “Cording & Programming” ឆ្នាំ 2022 និងប្រកាសបើកវគ្គសិក្សាថ្មី Big Data ផងដែរ ។ កម្មវិធីនេះត្រូវបានប្រព្រឹត្តឡើងក្នុងបរិវេណសាកលវិទ្យាល័យភូមិន្ទភ្នំពេញ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ក្រោមអធិបតីភាព ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និងលោក Hyun Geun Lee អគ្គនាយកសាខាក្រុមហ៊ុនថៃសាមសុងអេឡិកត្រូនិកប្រចាំប្រទេសកម្ពុជា ។

កម្មវិធីចែកវិញ្ញាបនបត្រនេះធ្វើឡើងជូនដល់សិស្សនិស្សិតចំនួន 60 នាក់ ដែលបានចូលរួមក្នុងវគ្គសិក្សាតាំងពីខែ សីហា 2022 រហូតដល់ចុងខែ មករា 2023 និងប្រលងបញ្ចប់វគ្គដោយជោគជ័យក្នុងខែកុម្ភៈកន្លងមកនេះ ។ ស្របក្នុងពេលជាមួយគ្នាផងដែរក្រុមហ៊ុន សាមសុងក៏បានប្រកាសបើកវគ្គសិក្សាថ្មីកម្រិតខ្ពស់គឺវគ្គសិក្សា “Big Data” ដែលនឹងចាប់ផ្តើមពីថ្ងៃទី 20  ឧសភា រហូតដល់ដំណាច់ឆ្នាំ 2023 ។ 

លោក Hyun Geun Lee  អគ្គនាយកគ្រប់គ្រងក្រុមហ៊ុនសាមសុងប្រចាំប្រទេសកម្ពុជាបានមានប្រសាសន៍ថា “ខ្ញុំពិតជារំភើបរីករាយ និងសូមអបអរសាទរដល់សិស្សនិសិ្សតទាំងអស់ដែលបានបញ្ចប់ការសិក្សាលើមុខវិជ្ជា “Cording & Programming” នាពេលនេះហើយសូមកោតសរសើរដល់សិស្សនិសិ្សតទាំងអស់ដែលខិតខំប្រឹងប្រែងសិក្សារៀនសូត្ររហូតទទួលបានជោគជ័យ ។ ជាមួយនឹងលទ្ធផលដ៏ប្រសើរនេះ ក្រុមហ៊ុនសាមសុងបានបន្តធ្វើការយ៉ាងជិតស្និទ្ធជាមួយសាកលវិទ្យាល័យភូមិន្ទភ្នំពេញ ហើយសម្រចបង្កើតវគ្គសិក្សាកម្រិតខ្ពស់ Big Data Course ។ ខ្ញុំជឿជាក់ថា វគ្គសិក្សា Coding & Program និង Big Data នឹងផ្តល់ដល់និស្សិតកម្ពុជានូវចំណេះដឹងយ៉ាងល្អលើផ្នែក ទំនាក់ទំនងព័ត៌មានវិទ្យា ដែលនិសិ្សតទាំងអស់នឹងអាចយកជំនាញនេះទៅអភិវឌ្ឍន៍ប្រទេសជាតិឲ្យកាន់តែរីកចម្រើនឈានទៅមុខ។”

ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ ក៏បានមានមតិផ្តាំផ្ញើដល់និស្សិតទាំងអស់ផងដែរថា  “ជាដំបូងខ្ញុំក៏សូមអបអរសាទរដល់និស្សិតដែលបានបញ្ចប់វគ្គ coding and programing ទាំង 60 នាក់។ សូមអរគុណដល់ក្រុមហ៊ុន សាមសុង ដែលបានជ្រើសរើសយកសាកលវិទ្យាល័យភូមិន្ទភ្នំពេញជាដៃគូសហការក្នុងការបើកវគ្គបណ្តុះបណ្ដាលមួយនេះឡើង។ ខ្ញុំសូមបញ្ជាក់ផងដែរថា ក្រុមហ៊ុន សាមសុង បានបង្កើតវគ្គសិក្សានេះឡើងគឺពិតជាល្អមែនទែន ព្រោះនេះជាតម្រូវការរបស់សាកលវិទ្យាល័យ ហើយខ្ញុំជឿជាក់ថាក្រុមហ៊ុន សាមសុង នឹងនៅតែបន្តជួយគាំទ្រគម្រោងនេះបន្តទៀត ដើម្បីជាប្រយោជន៍ដល់យុវជនកម្ពុជាយើងនាពេលអនាគត។ ជាចុងក្រោយខ្ញុំសុំកើនរំលឹកសិស្សនិស្សិតទាំងអស់ត្រូវតែខិតខំប្រឹងប្រែងរៀនជំនាញនេះ ព្រោះតទៅមុខទៀតការងារជាច្រើនគឺទាមទារឱ្យមានជំនាញបច្ចេកវិទ្យាជាចាំបាច់។”

ស្របពេលនេះដែរ ក្រុមហ៊ុន សាមសុង ក៏បានធ្វើការប្រគល់ជូននូវរង្វាន់លើកទឹកចិត្តជូនដល់និសិ្សតឆ្នើមចំនួន  3  រូប  ដែលទទួលបានចំណាត់ថ្នាក់ពិសេស៖ 

– និស្សិតដែលជាប់ចំណាត់ថ្នាក់លេខ 1 គឺទទួលបាននាឡិកាដៃ Samsung Watch 5 pro 

– និសិ្សតដែលជាប់ចំណាត់ថ្នាក់លេខ 2 និង លេខ 3 គឺទទួលបាននាឡិកាដៃ Samsung Watch 5ម្នាក់ 1រង្វាន់ ផងដែរ។

សូមបញ្ជាក់ផងដែរថា កម្មវិធី “Samsung Innovation Campus” គឺជាផ្នែកមួយនៃកម្មវិធីជំនួយសង្គមរបស់ក្រុមហ៊ុន  សាមសុង  សម្រាប់និស្សិតកម្ពុជា  ក្នុងការពង្រឹងសមត្ថភាពលើផ្នែកវិទ្យាសាស្រ្ត បច្ចេកវិទ្យា និង ទំនាក់ទំនងព័ត៌មានវិទ្យា ដើម្បីចូលរួមអភិវឌ្ឍន៍សង្គមជាតិស្របតាមគោលនយោបាយរាជរដ្ឋាភិបាលកម្ពុជាក្នុងការឈានទៅរកឧស្សាហកម្ម4.0 ។ ក្រុមហ៊ុនសាមសុងនៅតែបន្តជួយដល់សង្គមក្នុងការផ្តល់ផលវិជ្ជមាន និងប្រយោជន៍ក្នុងការពង្រឹងចំណេះដឹងយុវជនសម័យថ្មីតាមរយៈកម្មវិធីនានា, រួមទាំងកម្មវិធី Samsung Innovation Campus ដើម្បីពង្រីកជំនាញ និងពង្រឹងសមត្ថភាពរបស់ពួកគេឲ្យកាន់តែរឹងមាំជាងមុនទៀត។

សូមរំលឹកថា ក្រុមហ៊ុន សាមសុង គឺជាសមាជិកសកម្មក្នុងវិស័យឯកជនដែលធ្វើសកម្មភាពគាំទ្រដល់ទីក្រុង ប៊ូសាន នៃប្រទេសកូរ៉េ ក្លាយជាម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាងមុខផងដែរ។