ភ្នំពេញ៖រដ្ឋាភិបាលជប៉ុន នឹងអញ្ជើញកម្ពុជាចូលរួមពិព័រណ៍ពិភពលោក “Expo 2025 Osaka, Kansai” ដែលនឹងប្រព្រឹត្តទៅចាប់ពីថ្ងៃទី១៣ ខែមេសា ឆ្នាំ២០២៥ ដល់ថ្ងៃទី១៣ ខែតុលា ឆ្នាំ២០២៥ នៅទីក្រុងអូសាកា ប្រទេសជប៉ុន។
ការអញ្ជើញកម្ពុជាចូលរួមពិព័រណ៍ពិភពលោក “Expo 2025 Osaka, Kansai” នេះ បានធ្វើឡើងឱកាសលោក កៅ កោសល អគ្គនាយកជំរុញពាណិជ្ជកម្ម បានទទួលជួបពិភាក្សាការងារជាមួយ លោក ណាហ្គាអុ ខាតសឹអាគី (NAGAO Katsuaki) លេខាទីមួយ នៃស្ថានទូតជប៉ុនប្រចាំព្រះរាជាណាចក្រកម្ពុជា ស្តីពីការត្រៀមលក្ខណៈរបស់ប្រទេសជប៉ុន ក្នុងការរៀបចំពិព័រណ៍ពិភពលោក២០២៥ “Expo 2025 Osaka, Kansai” នៅទីក្រុងអូសាកា ដោយមានការចូលរួមពីលោកអគ្គនាយរង លោកប្រធាននាយកដ្ឋានកិច្ចការពិព័រណ៍ និងមន្ត្រីបច្ចេកទេសពាក់ព័ន្ធ។
លោក ណាហ្គាអុ ថ្លែងថា ក្នុងនាមតំណាងរដ្ឋាភិបាលជប៉ុន បានអរគុណដល់រាជរដ្ឋាភិបាលកម្ពុជាដែលបានបោះឆ្នោតគាំទ្រជប៉ុនជាប់ជាម្ចាស់ផ្ទះរៀបចំពិព័រណ៍ពិភពលោក២០២៥។
លោកណាហ្គាអុ បានផ្សព្វផ្សាយអំពីព័ត៌មានទូទៅ ដំណើរការនៃការរៀបចំពិព័រណ៍ តម្រូវការនិងបែបបទនៃការចូលរួមដែលត្រូវបំពេញតាមដំណាក់កាលនីមួយៗ។ ក្នុងនោះ គោលបំណងសំខាន់ គឺអញ្ជើញកម្ពុជាចូលរួមពិព័រណ៍ពិភពលោក “Expo 2025 Osaka, Kansai” ដែលនឹងប្រព្រឹត្តទៅចាប់ពីថ្ងៃទី១៣ ខែមេសា ឆ្នាំ២០២៥ ដល់ថ្ងៃទី១៣ ខែតុលា ឆ្នាំ២០២៥ នៅទីក្រុងអូសាកា ប្រទេសជប៉ុន។
ជាការឆ្លើយតប កៅ កោសល បានលើកឡើងពីវឌ្ឍនភាពនៃទំនាក់ទំនង ពាណិជ្ជកម្មទ្វេភាគីរវាងប្រទេសទាំងពីរ និងបង្ហាញពីការគាំទ្រយ៉ាងពេញទំហឹង ចំពោះរដ្ឋាភិបាលជប៉ុន ដែលធ្វើជាម្ចាស់ផ្ទះរៀបចំពិព័រណ៍ពិភពលោក “Expo 2025 Osaka, Kansai” ប្រទេសជប៉ុន។
លោកក៏បានស្នើភាគីជប៉ុន ឲ្យផ្ញើលិខិតអញ្ជើញជូន សម្តេចតេជោនាយករដ្ឋមន្រ្តី ឲ្យបានឆាប់ ដោយលោកបន្ថែមថា កម្ពុជា ក្នុងនាមជាសមាជិកការិយាល័យពិព័រណ៍អន្តរជាតិ (BIE) នឹងចូលរួមពិព័រណ៍ពិភពលោក២០២៥ តាមការអញ្ជើញរបស់ភាគីជប៉ុន៕
Home›អត្ថបទពាណិជ្ជកម្ម›កម្ពុជា នឹងចូលរួម ពិព័រណ៍ពិភពលោក “Expo 2025 Osaka, Kansai” នៅទីក្រុងអូសាកា ភ្នំពេញ៖រដ្ឋាភិបាលជប៉ុន នឹងអញ្ជើញកម្ពុជាចូលរួមពិព័រណ៍ពិភពលោក “Expo 2025 Osaka, Kansai” ដែលនឹងប្រព្រឹត្តទៅចាប់ពីថ្ងៃទី១៣ ខែមេសា ឆ្នាំ២០២៥ ដល់ថ្ងៃទី១៣ ខែតុលា ឆ្នាំ២០២៥ នៅទីក្រុងអូសាកា …
តើអ្នកយល់ថាព័ត៌មាននេះនឹងប៉ះពាល់ដល់ទីផ្សារយ៉ាងដូចម្តេច?
អត្ថបទពាក់ព័ន្ធ
ជំពូកថ្មីនៃជីវិត៖ ដំណើរតស៊ូរបស់លោក ជិន វាសនា ឆ្ពោះទៅរកឯករាជ្យភាពហិរញ្ញវត្ថុជាមួយ foodpandaNovember 1, 2026SECO Aftermarket ប្រារព្ធខួប ៦០ឆ្នាំ នៃគុណភាព និងភាពជឿជាក់ក្នុងវិស័យគ្រឿងបន្លាស់រថយន្តOctober 27, 2026Taobao Cambodia បើកយុទ្ធនាការ Double 11 ដ៏ធំប្រចាំឆ្នាំជាមួយការផ្តល់ជូនពិសេស សម្រាប់អ្នកប្រើប្រាស់កម្ពុជា នូវកន្លែងទទួលទំនិញជាង 1000ទីតាំង និងការចូលរួមពីតារាសម្តែងចិនដ៏ល្បីល្បាញ Zhang LingheOctober 27, 2026ក្រុមហ៊ុន វឌ្ឍនៈ បន្តទទួលបានការកោតសរសើរលើគុណភាព ស្តង់ដារ និងសុវត្ថិភាពផលិតផល!October 21, 2026
