ភ្នំពេញ៖ ថ្ងៃទី៩ ខែមេសា ឆ្នាំ ២០២៥ – ក្រុមហ៊ុន ហ៊ិននីគែន ខេមបូឌា និងក្រុមហ៊ុន TADA Cambodia បានប្រកាសពីភាពជាដៃគូដើម្បីលើកកម្ពស់ការទទួលទានប្រកបដោយការទទួលខុសត្រូវ និងអាកប្បកិរិយាប្រកបដោយសុវត្ថិភាពដែលផ្តល់ភាពងាយស្រួលដល់អ្នកប្រើប្រាស់ក្នុងការរៀបចំការធ្វើដំណើរទៅលំនៅឋានដោយសុវត្ថិភាព ព្រមទាំងពង្រឹងនូវសារ «បើពិសាគ្រឿងស្រវឹង សូមកុំបើកបរ»។

ការចាប់ដៃគូសហការរវាងក្រុមហ៊ុន ហ៊ិននីគែន ខេមបូឌា និង TADA Cambodia ក្នុងឆ្នាំ២០២៥នេះ នឹងមានការផ្តល់ជូននូវការបញ្ចុះតម្លៃចំពោះការធ្វើដំណើរក្នុងទឹកប្រាក់សរុបចំនួន ១៨០ លានរៀល ដែលជាការលើកទឹកចិត្តដល់អ្នកប្រើប្រាស់ក្នុងការផ្តល់ជាជម្រើសធ្វើដំណើរប្រកបដោយសុវត្ថិភាព និងគួរឱ្យទុកចិត្ត។ ការចាប់ផ្តើមភាពជាដៃគូរនេះបានធ្វើឡើងនៅរោងចក្រស្រាបៀរ ហ៊ិននីគែន ខេមបូឌា ដែលមានទីតាំងនៅទីក្រុងភ្នំពេញ ហើយការសហការនេះចាប់បផ្តើមមុនការប្រារព្ធពិធីបុណ្យចូលឆ្នាំខ្មែរក្នុងគោលបំណងលើកទឹកចិត្តឱ្យអ្នកប្រើប្រាស់ធ្វើដំណើរទៅ និងត្រឡប់មកវិញពីការប្រារព្ធពិធី និងការជួបជុំ នានាប្រកបដោយសុវត្ថិភាព និងការទទួលខុសត្រូវ។

ថ្លែងនៅក្នុងកម្មវិធីភាពជាដៃគូរនេះ លោកស្រី Anne de Graaf នាយិការផ្នែកកិច្ចការសាជីវកម្មរបស់ក្រុមហ៊ុន ហ៊ិននីគែន ខេមបូឌា បានមានប្រសាសន៍ថា៖ «នៅ ក្រុមហ៊ុន ហ៊ិននីគែន ខេមបូឌា យើងជឿជាក់ថា ការប្រើប្រាស់ប្រកបដោយការទទួលខុសត្រូវមិនមែនគ្រាន់តែជាសារមួយនោះទេ ប៉ុន្តែជាការប្តេជ្ញាចិត្តចំពោះសុខុមាលភាពរបស់ប្រជាជន និងសហគមន៍របស់យើង។ តាមរយៈការចាប់ដៃគូជាមួយក្រុមហ៊ុន TADA Cambodia ដែលមានការប្តេជ្ញាចិត្តចំពោះសុវត្ថិភាព និងភាពច្នៃប្រឌិតដែលមានដូចជា ការផ្តោតលើការផ្តល់សេវាដឹកជញ្ជូនប្រកបដោយទំនួលខុសត្រូវ និងប្រកបដោយចីរភាព។ ការប្តេជ្ញារបស់ក្រុមហ៊ុននេះស្របនឹងសារ «បើពិសាគ្រឿងស្រវឹង សូមកុំបើកបរ» របស់យើង ដែលជំរុញឱ្យមានវប្បធម៌នៃការទទួលខុសត្រូវ និងភាពសប្បាយរីករាយដើរទន្ទឹមគ្នា ដូច្នេះការប្រារព្ធពិធីនានាតែងតែបញ្ចប់ទៅដោយសុវត្ថិភាព»។

តាមរយៈការសហការនេះ ក្រុមហ៊ុន ហ៊ិននីគែន ខេមបូឌា និង TADA Cambodia នឹងនាំយកសារ «បើពិសាគ្រឿងស្រវឹង សូមកុំបើកបរ» ទៅកាន់អ្នកប្រើប្រាស់តាមរយៈកម្មវិធីចំនួន ៥០ នៅទីតាំងដែលពេញនិយម និងតាមរយៈយុទ្ធនាការអប់រំនៅលើប្រព័ន្ធផ្សព្វផ្សាយសង្គម។ ភាពជាដៃគូនេះមានឥទ្ធិពលលើមូលដ្ឋានអតិថិជនដ៏ធំទូលាយរបស់ TADA និងបណ្តាញអ្នកបើកបរនៅក្នុងប្រទេសកម្ពុជាផងដែរ។

អ្នកគ្រប់គ្រងទូទៅនៃក្រុមហ៊ុន TADA Cambodia លោក ទី លីមកុសល បានមានប្រសាសន៍ថា៖ «ភាពជាដៃគូជាមួយ ក្រុមហ៊ុន ហ៊ិននីគែន ខេមបូឌា លើគំនិតផ្តួចផ្តើមដ៏មានអត្ថន័យនេះគឺស្របតាមការប្តេជ្ញាចិត្តចំពោះសុវត្ថិភាពអតិថិជនរបស់យើង។ នៅ TADA Cambodia យើងយកចិត្តទុកដាក់យ៉ាងជ្រាលជ្រៅអំពីសុខុមាលភាពរបស់អ្នកប្រើប្រាស់ ហើយយើងធានាថា អតិថិជនគ្រប់គ្នាមានមធ្យោបាយធ្វើដំណើរដោយសុវត្ថិភាព និងអាចទុកចិត្តបាន។ ការធ្វើការរួមគ្នានេះ ពួកយើងកាន់តែបង្កើតជម្រើសប្រកបដោយសុវត្ថិភាព និងទំនួលខុសត្រូវខ្ពស់សម្រាប់ប្រទេសកម្ពុជា។

កាលពីឆ្នាំ ២០២៤ យុទ្ធនាការប្រើប្រាស់ប្រកបដោយទំនួលខុសត្រូវរបស់ ក្រុមហ៊ុន ហ៊ិននីគែន ខេមបូឌា មានអ្នកមើលនិងទទួលបានការយល់ដឹងចំនួន ១០,៤ លាននាក់នៅលើប្រព័ន្ធផ្សព្វផ្សាយសង្គម។ យុទ្ធសាស្ត្រ «ធ្វើឱ្យពិភពលោកកាន់តែប្រសើរ» របស់ក្រុមហ៊ុនផ្តោតសំខាន់បីគឺ បរិស្ថាន សង្គម និងទំនួលខុសត្រូវ។ ក្រុមហ៊ុន ហ៊ិននីគែន វិនិយោគ ១០% នៃការចំណាយលើប្រព័ន្ធផ្សព្វផ្សាយរបស់ម៉ាក Heineken® លើយុទ្ធនាការប្រើប្រាស់ប្រកបដោយទំនួលខុសត្រូវដោយមានគោលបំណងឈានដល់អ្នកប្រើប្រាស់ ១ ពាន់លាននាក់នៅទូទាំងពិភពលោកដើម្បីតស៊ូមតិលើការប្រើប្រាស់ប្រកបដោយការទទួលខុសត្រូវ ។

តាមរយៈភាពជាដៃគូនេះ ក្រុមហ៊ុន ហ៊ិននីគែន ខេមបូឌា និងក្រុមហ៊ុន TADA Cambodia កំពុងធ្វើឱ្យអ្នកប្រើប្រាស់កាន់តែងាយស្រួលជាងពេលណាៗទាំងអស់ក្នុងការប្រើប្រាស់ដោយទំនួលខុសត្រូវ ពីព្រោះការប្រារព្ធពិធីនានាគួរតែបញ្ចប់ដោយការធ្វើដំណើរទៅកាន់លំនៅឋានប្រកបដោយសុវត្ថិភាពជានិច្ច៕

ភ្នំពេញ៖ ថ្ងៃទី ០៩ ខែមេសា ឆ្នាំ២០២៥ អស់រយៈពេលប្រមាណ ៣០ឆ្នាំមកហើយ ដែលលោកស្រី សាំង រ័ត្នធីតា បានដើរតួនាទីយ៉ាងសំខាន់ក្នុងការនាំយកផលិតផល របស់ក្រុមហ៊ុន ហ៊ិននីគែន ខេមបូឌា ទៅកាន់អតិថិជន និងអ្នកប្រើប្រាស់ជាច្រើននាក់ និងបានពង្រីកវត្តមាននៃម៉ាកយីហោរបស់ក្រុមហ៊ុននៅក្នុងខេត្តស្វាយរៀង។

ដំណើរការនៃការសហការគ្នានេះបានចាប់ផ្តើមជាផ្លូវការនៅដើមទសវត្សឆ្នាំ ១៩៩០។ ពេលនោះគាត់គ្រាន់តែជាម្ចាស់ហាងលក់ភេសជ្ជៈមួយ ដែលមានការលក់ផលិតផលស្រាបៀររបស់ក្រុមហ៊ុននេះ ក្នុងចំនួនមួយតូចប៉ុណ្ណោះ។ ប៉ុន្តែដោយសារតែការសង្កេតឃើញអំពីការកើនឡើងនៃតម្រូវការចំពោះភេសជ្ជៈមានគុណភាពខ្ពស់ពីសំណាក់អតិថិជន និងអ្នកប្រើប្រាស់ លោកស្រីក៏បានតាំងចិត្ត បោះជំហាន ចាប់ដៃគូជាភ្នាក់ងារតំណាងចែកចាយរបស់ក្រុមហ៊ុន ហ៊ិននីគែន​ ខេមបូឌា នៅក្នុងឆ្នាំ ១៩៩៥។

ការផ្លាស់ប្តូរពីការធ្វើអាជីវកម្ម លក់ភេសជ្ជៈតូចមួយ មកជាភ្នាក់ងារតំណាងចែកចាយក្រុមហ៊ុនដ៏ធំមួយនេះ មិនមែនជារឿងងាយស្រួលនោះទេ ដោយសារតែនៅពេលដែលចាប់ផ្តើមដំបូង លោកស្រីបានជួបនូវបញ្ហាហិរញ្ញវត្ថុមួយចំនួន ហើយក៏មានភាពស្ទាក់ស្ទើរក្នុងការឈានជើងចូលក្នុងឧស្សាហកម្មមួយដែលភាគច្រើនសុទ្ធតែជាបុរសផងដែរ។ ទោះជាយ៉ាងណាក្តី ការតាំងចិត្ត និងការជឿជាក់លើគុណភាពរបស់ផលិតផលក្រុមហ៊ុន ហ៊ិននីគែន ខេមបូឌា លោកស្រីបានជម្នះឧបសគ្គនានា ដើម្បីទទួលបាននូវឱកាសនេះ ហើយតាំងចិត្តតស៊ូទោះបីជាលោកស្រីត្រូវខិតខំប្រឹងប្រែងជាងគេទ្វេដងក៏ដោយ។

ដោយសារតែលោកស្រីទើបតែមានវត្តមាននៅក្នុងទីផ្សារដំបូង លោកស្រីត្រូវដើរតួនាទីជាច្រើន ជាអ្នកលក់ផង អ្នកធ្វើទីផ្សារផង អ្នកផ្សព្វផ្សាយផង ដើម្បីធានាថាសម្លេង និងវត្តមានលោកស្រីផ្ទាល់ត្រូវបានអតិថិជនចងចាំ និងនឹករលឹក។ រួមជាមួយក្រុមការងារផ្នែកលក់របស់ក្រុមហ៊ុន លោកស្រីបានចុះទៅកាន់ទីផ្សារដោយផ្ទាល់ ដូចជាទៅតាមបណ្តាដេប៉ូ ហាងលក់ភេសជ្ជៈ និងតាមរោងអាពាហ៍ពិពាហ៍ជាដើម ដើម្បីជួបអតិថិជន កសាង និងពង្រឹងទំនាក់ទំនង ក៏ដូចជាយល់ដឹងពីស្ថានភាពទីផ្សារបន្ថែម ដើម្បីជម្រុញដល់អាជីវកម្មរបស់គាត់។

លោកស្រី រ័ត្នធីតា បានចែករំលែកពីបញ្ហាពេលដំបូងថា “សម្រាប់រូបនាងខ្ញុំផ្ទាល់ នៅពេលដែលទាក់ទងទៅម្ចាស់ហាងលក់ភេសជ្ជៈដែលជាអតិថិជនរបស់យើងនោះ ខ្ញុំពឹងផ្អែកលើជំនាញនៃការប្រាស្រ័យទាក់ទងរបស់ខ្ញុំដើម្បីកសាងទំនុកចិត្ត។ គោលដៅរបស់ខ្ញុំគឺមិនត្រឹមតែលក់ផលិតផលប៉ុណ្ណោះទេ ប៉ុន្តែត្រូវបង្កើនទំនាក់ទំនងដ៏រឹងមាំ ដែលធានាថាម៉ាកយីហោរបស់ក្រុមហ៊ុន តែងតែជាជម្រើសដែលអតិថិជនពេញចិត្ត”។

ការលះបង់ និងការតស៊ូរបស់គាត់ក៏បានចេញជាផ្លែផ្កា ដែលធ្វើឱ្យលោកស្រីទទួលបានកេរ្តិ៍ឈ្មោះជាបុគ្គលម្នាក់ដែលគួរឱ្យគោរព និងរាប់អាន ពីសំណាក់អ្នកលក់រាយ និងអតិថិជននានា។ ត្រឹមតែរយៈពីរឆ្នាំបន្ទាប់ពីលោកស្រីចាប់ផ្តើមដំបូងមក ក្រុមហ៊ុនបានទទួលស្គាល់ពីការប្តេជ្ញាចិត្ត និងការរីកចម្រើននៃអាជីវកម្មរបស់គាត់នៅក្នុងទីផ្សារ ហើយក្រុមហ៊ុនផ្តល់ការទុកចិត្តដល់លោកស្រីឲ្យ គ្រប់គ្រងលើភ្នាក់ងារតំណាងចែកចាយមួយទៀតក្នុងខេត្តព្រៃវែង។

លោក Hannes Verhoeven នាយកផ្នែកលក់នៃក្រុមហ៊ុន ហ៊ិននីគែន ខេមបូឌា បានលើកឡើងថា “តំណាងភ្នាក់ងារ សាំង រ័ត្នធីតា ជាដៃគូសហការដ៏សំខាន់សម្រាប់ដំណើរអាជិវកម្មរបស់យើង។ ការប្តេជ្ញាចិត្ត ការសម្របខ្លួន និងការឈានមុខក្នុងទីផ្សាររបស់គាត់ មានសារៈសំខាន់សម្រាប់ពង្រីកវត្តមានរបស់ក្រុមហ៊ុនរបស់យើង។ កិច្ចសហការដ៏យូររបស់យើង គឺមកពីការជឿទុកចិត្ត មានចក្ខុវិស័យរួមគ្នា និងយកចិត្តទុកដាក់ចំពោះអ្នកប្រើប្រាស់របស់យើង។”

ក្រុមហ៊ុន ហ៊ិននីគែនខេមបូឌា ក៏បានវិនិយោគយ៉ាងសកម្មលើការរីកចម្រើនរបស់ដៃគូរបស់ខ្លួន តាមរយៈការបណ្តុះបណ្តាល និងកម្មវិធីលើកទឹកចិត្ត សម្រាប់ភ្នាក់ងារតំណាងចែកចាយរបស់ខ្លួន។ បទពិសោធន៍មួយដែលលោកស្រីចងចាំមួយនោះគឺនៅក្នុងឆ្នាំ ២០២៤ ពេលដែលលោកស្រីបានសម្រេចនូវគោលដៅផែនការរបស់ក្រុមហ៊ុន ហើយបានទទួលបទពិសោធន៍ទៅទស្សនាព្រឺត្តិការណ៍ Formula 1 នៅប្រទេសសិង្ហបុរី ដែលជាដំណើរទៅក្រៅប្រទេស ដំបូងរបស់លោកស្រីផងដែរ។

កិច្ចជាដៃគូជាមួយក្រុមហ៊ុន ហ៊ិននីគែន ខេមបូឌានេះបានរួមបញ្ជូលក្នុងគុណតម្លៃនៃក្រុមគ្រួសាររបស់លោកស្រី ដោយនៅក្នុងឆ្នាំ ២០១៤ កូនស្រីរបស់លោកស្រីបានបន្តនូវអាជីវកម្មនេះបន្ត ជាតំណាងភ្នាក់ងារចែកចាយនៅក្នុងខេត្តព្រៃវែង ដែលនេះបានសបញ្ជាក់ថានេះមិនមែនគ្រាន់តែជាការពង្រីកនូវអាជីវកម្មនោះទេ ប៉ុន្តែវាជាការបន្តគុណតម្លៃតជំនាន់ ដោយសារតែការទុកចិត្ត និងជឿជាក់គ្នា។

លោកស្រី សាំង រ័ត្នធីតា ពិពណ៌នាអំពីទំនាក់ទំនងរបស់គាត់ជាមួយក្រុមហ៊ុន ហ៊ិននីគែន ខេមបូឌា  ថាជាភាពជាដៃគូពិតប្រាកដ ដែលផ្តោតលើការគាំទ្រ និងរីកចម្រើនជាមួយគ្នា។ ជាមួយនឹងមូលដ្ឋានគ្រឹះដែលបង្កើតឡើងដោយផ្អែកលើទំនុកចិត្ត និងភាពជោគជ័យរួមគ្នា លោកស្រីទន្ទឹងសង្ឃឹមថាការសហការនេះនឹងបន្តទៅមុខទៀតដើម្បីធានាថា ផលិតផលរបស់ក្រុមហ៊ុន ហ៊ិននីគែន នៅតែជាឈរឈ្មោះដ៏ល្អនៅក្នុងទីផ្សារ។

លោកស្រី ចែករំលែកថា ” សព្វថ្ងៃនេះ ក្រុមហ៊ុនមានការដំណើរការ ដោយប្រើប្រាស់ប្រព័ន្ធទំនាក់ទំនងដែលមានស្តង់ដា និងប្រសិទ្ធភាព ដែលបញ្ហាប្រឈមនានាត្រូវបានដោះស្រាយភ្លាមៗ រួមទាំងមានកិច្ចសហការដ៏រឹងមាំរវាងក្រុមការងារផ្នែកលក់ និងដៃគូតំណាងចែកចាយ ដែលធានាបាននូវប្រតិបត្តិការយ៉ាងរលូន។ ខ្ញុំជឿជាក់ថាជាមួយនឹងមូលដ្ឋានគ្រឹះដ៏រឹងមាំនេះ យើងនឹងបន្តរីកចម្រើនជាមួយគ្នា ស្វែងរកឱកាសថ្មីៗដើម្បីភ្ជាប់ទំនាក់ទំនងជាមួយអតិថិជន និងអ្នកប្រើប្រាស់របស់យើង កាន់តែល្អបន្ថែមទៀត និងរិះរករបៀបធ្វើប្រតិបត្តិការថ្មីៗដែលមានប្រសិទ្ធភាព និងទំនើប ស្របទៅតាមការវិវត្តទៅមុខនៃទីផ្សារ។”

អំពីក្រុមហ៊ុន ហ៊ិននីគែន ខេមបូឌា

ក្រុមហ៊ុន ហ៊ិននីគែន ដែល​ជា​ក្រុមហ៊ុន​ផលិត​ស្រាបៀរ​ឈាន​មុខ​គេ​នៅលើ​ពិភពលោក​ ដែលជាក្រុមហ៊ុន​ស្រាបៀរ​ និង​ក្រុមហ៊ុនវិនិយោគ​ឈាន​មុខ​នៅ​កម្ពុជា​តាំងពី​​ឆ្នាំ​១៩៩៤។ ជាមួយ​គោល​បំណងបង្កើតការរួបរួមគ្នាជាធ្លុងមួយ ដើម្បីជម្រុញពិភពលោកមួយកាន់តែប្រសើររ​ ​ ក្រុមហ៊ុន​​ហ៊ិននីគែន ហ៊ិននីគែន ខេមបូឌា មានម៉ាកយីហោស្រាបៀរចំនួន ៥ រួម​មាន​ ​​ស្រាបៀរ Heineken ® ស្រាបៀរ Tiger ស្រាបៀរ ABC ស្រាបៀរ Anchor និង​ស្រាបៀរ Gold Crown។ ក្រុមហ៊ុន​​​មាននិយោជិត​​ប្រមាណ ៧០០​នាក់​ និង​ផ្តល់ការងារដោយ​ប្រយោល​ជូន​ប្រជាជន​​កម្ពុជា​ចំនួន ៦៦,០០០​​នាក់​នៅ​ទូទាំងច្រវាក់​​ផលិតកម្មរបស់ខ្លួន។ តាម​រយៈ​យុទ្ធសាស្ដ្រ​ «ធ្វើ​ឱ្យ​ប្រទេស​កម្ពុជាកាន់​តែ​ប្រសើរ» ក្រុមហ៊ុន ហ៊ិននីគែន ខេមបូឌា ប្ដេជ្ញា​ចិត្ដ​ចូលរួម​និរន្ដរភាព​​បរិស្ថាន និង ព្រមទាំង សង្គម និង​ការ​ទទួល​ទាន​​ដោយ​ការ​ទទួល​ខុសត្រូវ​។ សម្រាប់​ព័ត៌មាន​បន្ថែម សូម​ចូលទៅកាន់​វេបសាយ ​ heinekencambodia.com

ភ្នំពេញ៖​ ថ្ងៃទី ២ ខែមេសា ឆ្នាំ ២០២៥ ក្រុមហ៊ុន Vietjet បានបើកដំណើរការសេវាកម្មហោះហើរដោយផ្ទាល់ថ្មីចំនួនបួនដែលតភ្ជាប់ទីក្រុងហាណូយ និងទីក្រុងហូជីមិញក្នុងប្រទេសវៀតណាមទៅកាន់ទីក្រុងប៉េកាំង និងក្វាងចូវក្នុងប្រទេសចិន។ ផ្លូវហោះហើរទាំងនេះ គឺជាព្រឹត្តិការណ៍ដ៏សំខាន់មួយនៅក្នុងការបន្តពង្រីកផ្លូវហោះហើររបស់ក្រុមហ៊ុន Vietjet ក្នុងឆ្នាំ ២០២៥ ដែលរួមបញ្ចូលផងដែរនូវផ្លូវថ្មីផ្សេងទៀតទៅកាន់ប្រទេសឥណ្ឌា ជប៉ុន និងសិង្ហបុរី ដែលនេះបង្ហាញពីការរីកចម្រើនដ៏រឹងមាំរបស់ក្រុមហ៊ុនអាកាសចរណ៍ និងការប្តេជ្ញាចិត្តក្នុងការពង្រឹងការតភ្ជាប់ទំនាក់ទំនងអន្តរជាតិ។

ក្រុមហ៊ុន Vietjet កំពុងផ្តល់ជូននូវប្រូម៉ូសិនពិសេសមានរយៈពេលកំណត់ចាប់ពីពេលនេះដល់ថ្ងៃទី ៥ ខែមេសា ឆ្នាំ ២០២៥ សម្រាប់សំបុត្រថ្នាក់ Eco-class តម្លៃទាបចាប់ពី USD0 (*) នៅគ្រប់ផ្លូវហោះហើរទាំងអស់។ ការបញ្ចុះតម្លៃសំបុត្រដ៏អស្ចារ្យនេះ មានសម្រាប់ជើងហោះហើររវាងថ្ងៃទី ១៥ ខែមេសា ឆ្នាំ ២០២៥ និងថ្ងៃទី ២៨ ខែមីនា ឆ្នាំ 2២០២៦ (**) ជាមួយនឹងការកក់ទុកតាមរយៈគេហទំព័រwww.vietjetair.com ឬកម្មវិធីទូរសព្ទ Vietjet Air ។

ផ្លូវហោះហើរថ្មីនេះ មានសេវាកម្មប្រចាំថ្ងៃពីទីក្រុងហូជីមិញទៅកាន់ទីក្រុងប៉េកាំងនិងក្វាងចូវ និងពីហាណូយទៅក្វាងចូវ។ ទន្ទឹមនឹងនេះ ផ្លូវហោះហើរហាណូយ-ប៉េកាំង ចាប់ផ្តើមដំណើរការបីដងក្នុងមួយសប្តាហ៍ មុនពេលប្តូរទៅសេវាកម្មប្រចាំថ្ងៃចាប់ពីថ្ងៃទី ២៧ ខែមេសា ឆ្នាំ ២០២៥។ លើសពីនេះ សេវាហាណូយ-សៀងហៃថ្មីនឹងចាប់ផ្តើមនៅថ្ងៃទី ២៩ ខែមេសា ឆ្នាំ ២០២៥ ដោយផ្តល់ជើងហោះហើរប្រចាំថ្ងៃ។

អនុប្រធានក្រុមហ៊ុន Vietjet លោកស្រី Nguyen Thanh Ha បានមានប្រសាសន៍ថា “Vietjet មានក្តីរំភើបរីករាយណាស់ក្នុងការបើកដំណើរការផ្លូវហោះហើរថ្មីចំនួន ៤ ពីប្រទេសវៀតណាមទៅកាន់ទីក្រុងប៉េកាំង និងទីក្រុង Guangzhou ដែលជាមជ្ឈមណ្ឌលសេដ្ឋកិច្ច វប្បធម៌និងទេសចរណ៍សំខាន់ៗនៅក្នុងប្រទេសចិន ដែលជាផ្នែកមួយនៃយុទ្ធសាស្រ្តបន្តរបស់យើងក្នុងការពង្រីកបណ្តាញហោះហើររបស់យើង។ជាមួយនឹងការពង្រីកបណ្តាញហោះហើរនេះ យើងនឹងបន្តផ្តល់នូវជម្រើសក្នុងការធ្វើដំណើរប្រកបដោយតម្លៃសមរម្យ និងងាយស្រួលសម្រាប់ទាំងប្រជាជនក្នុងស្រុក និងភ្ញៀវទេសចរ ពង្រឹងទំនាក់ទំនងរវាងប្រទេសចិននិងតំបន់ជាច្រើនទៀត។”

ការដាក់ឱ្យដំណើរការផ្លូវហោះហើរវៀតណាម-ចិនថ្មីនេះ គឺជាផ្នែកមួយនៃការពង្រីកអន្តរជាតិកាន់តែទូលំទូលាយរបស់ក្រុមហ៊ុន Vietjet ពីមជ្ឈមណ្ឌលសំខាន់ៗរបស់វៀតណាមនៅឆ្នាំនេះ។ ចាប់តាំងពីពាក់កណ្តាលខែមីនាមក ក្រុមហ៊ុនអាកាសចរណ៍នេះ បានចាប់ផ្តើមហោះហើរត្រង់ពីទីក្រុងហូជីមិញទៅកាន់ទីក្រុងHyderabad និង Bengaluru ក្នុងប្រទេសឥណ្ឌា។ សេវាកម្មថ្មីពីទីក្រុងហូជីមិញទៅ Nagoya និង Fukuoka ក្នុងប្រទេសជប៉ុននឹងចាប់ផ្តើមនៅចុងខែមេសាខណៈដែលផ្លូវថ្មីតភ្ជាប់កោះ ភូកុក ដែលជាកោះធំជាងគេរបស់វៀតណាមជាមួយសិង្ហបុរីនឹងចាប់ផ្តើមនៅចុងខែឧសភា។

ការរីកចម្រើនជាបន្តរបស់ក្រុមហ៊ុន Vietjet ត្រូវបានជំរុញដោយកងនាវាទំនើបប្រតិបត្តិការដ៏ល្អឥតខ្ចោះ និងការប្តេជ្ញាចិត្តដែលមិនផ្លាស់ប្តូរចំពោះសុវត្ថិភាពអ្នកដំណើរ។ ជាមួយនឹងជើងហោះហើរទៅមកប្រចាំថ្ងៃរវាងខេត្តសៀមរាប និងហាណូយ អ្នកធ្វើដំណើរមកពីប្រទេសកម្ពុជាអាចធ្វើដំណើរទៅរដ្ឋធានីរបស់ប្រទេសវៀតណាមបានយ៉ាងងាយស្រួល ហើយភ្ជាប់ទៅកាន់គោលដៅដ៏គួរឱ្យរំភើបនៅក្នុងប្រទេសអូស្ត្រាលី ឥណ្ឌា ម៉ាឡេស៊ី ឥណ្ឌូនេស៊ី ចិន ជប៉ុន កូរ៉េខាងត្បូង និងប្រទេសជាច្រើនទៀត។

(*) មិនរាប់បញ្ចូលពន្ធ និងថ្លៃសេវាផ្សេងៗ

(**) លើកលែងថ្ងៃបុណ្យជាតិ

ភ្នំពេញ៖ ថ្ងៃទី ៣១ ខែមីនា ឆ្នាំ ២០២៥​ ក្រុមហ៊ុន Vietjet បានដំណើរការជើងហោះហើរពិសេសចំនួនពីរគឺ VJ2875 និង VJ2877 ដោយប្រើយន្តហោះ Airbus A330 និង A321 ដើម្បីដឹកជញ្ជូនក្រុមជួយសង្គ្រោះវៀតណាមទៅកាន់ប្រទេសមីយ៉ាន់ម៉ា បន្ទាប់ពីគ្រោះរញ្ជួយដីដ៏ធំបានបំផ្លិចបំផ្លាញ។ ដើម្បីគាំទ្រដល់ការឆ្លើយតបជាបន្ទាន់ចំពោះគ្រោះមហន្តរាយនេះ ក្រុមហ៊ុនអាកាសចរណ៍បានសម្រួលដល់ការដាក់ពង្រាយបុគ្គលិកសង្គ្រោះជាបន្ទាន់ពីក្រសួងសន្តិសុខសាធារណៈវៀតណាម និងក្រសួងការពារជាតិ។ ជើងហោះហើរទាំងពីរបានចេញដំណើរពីអាកាសយានដ្ឋានអន្តរជាតិ Noi Bai ទីក្រុងហាណូយ ទៅកាន់ទីក្រុង Yangon នៅថ្ងៃទី ៣០ ខែមីនា។

ក្រុមហ៊ុន Vietjet បានធានានូវការដាក់ពង្រាយជើងហោះហើរទាំងនេះយ៉ាងរហ័សបំផុត ដោយការពន្លឿនការអនុញ្ញាតឱ្យហោះហើរ និងការត្រៀមលក្ខណៈបច្ចេកទេស។ នាវិក និងបុគ្គលិកដែលមានបទពិសោធន៍ត្រូវបានចាត់តាំងឱ្យជួយបេសកកម្មសង្គ្រោះ ដោយពង្រឹងការប្តេជ្ញាចិត្តរបស់ក្រុមហ៊ុនអាកាសចរណ៍ចំពោះជំនួយមនុស្សធម៌។

ជើងហោះហើរបានដឹកជញ្ជូនបុគ្គលិកជួយសង្គ្រោះ និងសង្គ្រោះចំនួន ១០៦ នាក់ពីកងកម្លាំងប្រដាប់អាវុធវៀតណាម រួមជាមួយនឹងសត្វឆ្កែស្វែងរក និងជួយសង្គ្រោះដែលត្រូវបានបណ្តុះបណ្តាល និងការផ្គត់ផ្គង់ជំនួយសំខាន់ៗជាង ៦០ តោន រួមទាំងឧបករណ៍វេជ្ជសាស្ត្រ និងអាហារ ដើម្បីគាំទ្រកិច្ចខិតខំប្រឹងប្រែងសង្គ្រោះគ្រោះរញ្ជួយដីនៅក្នុងប្រទេសមីយ៉ាន់ម៉ា។

នាយកប្រតិបត្តិក្រុមហ៊ុន Vietjet លោក Dinh Viet Phuong បាននិយាយថា “Vietjet តែងតែត្រៀមខ្លួនរួចជាស្រេចសម្រាប់បេសកកម្មពិសេសទាំងនេះ។ យើងបានបញ្ចប់ការត្រៀមលក្ខណៈចាំបាច់ទាំងអស់រួចហើយព្រមទាំងដំណើរការដោយជោគជ័យនូវជើងហោះហើរចំនួនពីរដើម្បីដឹកជញ្ជូនក្រុមសង្គ្រោះបន្ទាន់ពីក្រសួងសន្តិសុខសាធារណៈ និងក្រសួងការពារជាតិទៅកាន់ប្រទេសមីយ៉ាន់ម៉ា ដោយផ្តល់ជំនួយឱ្យបានទាន់ពេលវេលាសម្រាប់កិច្ចខិតខំប្រឹងប្រែងសង្គ្រោះគ្រោះរញ្ជួយដី។”

នៅពេលចុះចតនៅអាកាសយានដ្ឋានអន្តរជាតិយ៉ាំងហ្គោន ប្រទេសមីយ៉ាន់ម៉ា បុគ្គលិកជួយសង្គ្រោះពីកងកម្លាំងប្រដាប់អាវុធវៀតណាម រួមជាមួយបុគ្គលិក Vietjet ចាប់ផ្តើមលើក និងដឹកជញ្ជូនសម្ភារៈសំខាន់ៗភ្លាមៗទៅកាន់កន្លែងសង្គ្រោះដែលបានកំណត់។ មន្ត្រីប៉ូលីស និងយោធាក៏ចូលរួមក្នុងប្រតិបត្តិការស្វែងរក និងជួយសង្គ្រោះ ផ្តល់ជំនួយផ្នែកវេជ្ជសាស្រ្ដ និងគាំទ្រដល់កិច្ចខិតខំប្រឹងប្រែងស្តារឡើងវិញក្រោយការរញ្ជួយដី។

គ្រោះរញ្ជួយដីកម្រិត ៧.៧ រ៉ិចទ័រ បានវាយប្រហារប្រទេសមីយ៉ាន់ម៉ា កាលពីថ្ងៃទី ២៨ ខែមីនា ដែលបណ្តាលឱ្យមានការបំផ្លិចបំផ្លាញយ៉ាងទូលំទូលាយ។ គ្រោះមហន្តរាយនេះបានឆក់យកជីវិតមនុស្សជាង ១,៦០០ នាក់ របួសជិត ៣,៥០០នាក់ និងបានធ្វើឱ្យមនុស្សរាប់រយនាក់បាត់ខ្លួន។ ការរញ្ជួយដ៏ខ្លាំងខ្លានេះ បានបំផ្លាញផ្ទះសម្បែង ស្ពាន និងរំខានដល់ផ្លូវថ្នល់ទូទាំងប្រទេស ដោយមានការញ័រផងដែរនៅក្នុងប្រទេសថៃ និងវៀតណាម។

Vietjet មានកំណត់ត្រាដ៏រឹងមាំនៃបេសកកម្មមនុស្សធម៌ ដែលបង្កប់នូវស្មារតីនៃក្តីមេត្តា និងសាមគ្គីភាព។ ក្រុមហ៊ុនអាកាសចរណ៍នេះ បានប្រតិបត្តិការជើងហោះហើរសង្គ្រោះជាច្រើន រួមទាំងការដឹកជញ្ជូនជំនួយ និងក្រុមជួយសង្គ្រោះសម្រាប់គ្រោះរញ្ជួយដី និងរលកយក្សស៊ូណាមិឥណ្ឌូនេស៊ីឆ្នាំ ២០១៨ ព្យុះទីហ្វុង Haiyan នៅប្រទេសហ្វីលីពីនក្នុងឆ្នាំ ២០១៣ និងកិច្ចខិតខំប្រឹងប្រែងឆ្លើយតបនឹងជំងឺរាតត្បាត។ ជុំវិញការរាតត្បាតនៃជំងឺកូវីដ-១៩ ក្រុមហ៊ុន Vietjet បានចល័តជើងហោះហើរយ៉ាងលឿនដែលដឹកបុគ្គលិកសុខាភិបាល ប៉ូលីស និងកងកម្លាំងយោធា។ ការប្តេជ្ញាចិត្តចំពោះការគាំទ្រសហគមន៍ គំនិតផ្តួចផ្តើមសប្បុរសធម៌នៅតែជាបេះដូងនៃបេសកកម្មរបស់ Vietjet ។

ក្រុមហ៊ុន Vietjet ដំណើរការជើងហោះហើរត្រង់ពីខេត្តសៀមរាប ទៅកាន់ទីក្រុងហាណូយ ដោយផ្តល់នូវជម្រើសក្នុងការធ្វើដំណើរប្រកបដោយផាសុកភាពសម្រាប់អ្នកដំណើររវាងកម្ពុជា និងវៀតណាម។ ពីទីក្រុងហាណូយ អ្នកដំណើរអាចភ្ជាប់ជើងហោះហើរបានយ៉ាងងាយស្រួលទៅកាន់បណ្តាញហោះហើរក្នុងស្រុក និងអន្តរជាតិដ៏ទូលំទូលាយរបស់ Vietjet ដែលជួយសម្រួលដល់ការធ្វើដំណើរដោយរលូនសម្រាប់អាជីវកម្ម ទេសចរណ៍ និងតម្រូវការធ្វើដំណើរផ្សេងទៀត។