ភ្នំពេញ ថ្ងៃព្រហស្បត្ត៍ ទី១៥ ខែធ្នូ ឆ្នាំ ២០២២៖ ក្រុមហ៊ុន Smart Axiata ដែលជាប្រតិបត្តិករបណ្តាញទូរស័ព្ទចល័តឈានមុខគេរបស់ប្រទេសកម្ពុជា បានទទួលនូវពានរង្វាន់ « ក្រុមហ៊ុនផ្ដល់សេវាទិន្នន័យចល័តកម្ពុជាប្រចាំឆ្នាំ» និង «ក្រុមហ៊ុនសេវាទូរស័ព្ទចល័តកម្ពុជា» ជាថ្មីម្តងទៀតប្រចាំឆ្នាំ 2022 ពីភ្នាក់ងារស្រាវជ្រាវទីផ្សារអន្តរជាតិ Frost and Sullivan។
អ្នករៀបចំកម្មវិធីពានរង្វាន់ Frost and Sullivan បានលើកឡើងថា«ភាពជោគជ័យជាបន្តបន្ទាប់របស់ ក្រុមហ៊ុន Smart Axiata នៅក្នុងវិស័យសេវាទូរស័ព្ទចល័តនៅកម្ពុជា ឆ្លុះបញ្ចាំងពី សមត្ថភាពខ្ពស់ក្នុងការអភិវឌ្ឍ ផលិតផលសម្រាប់ជាមធ្យោបាយដោះស្រាយបញ្ហាសង្គមនានា ការផ្សារភ្ជាប់ទំនាក់ទំនងក្នុងភាពជាដៃគូផែនការ ព្រមទាំងការកសាងហេដ្ឋារចនាសម្ព័ន្ធប្រកបដោយគុណភាព និងប្រត្តិបត្តិការអាជីវកម្មដែលផ្តោតសំខាន់ លើអតិថិជន។ ចំណុចពិសេសមួយរបស់ក្រុមហ៊ុន គឺការកំណត់សម្គាល់ និងដោះស្រាយបញ្ហាទៅតាមតម្រូវការ របស់អតិថិជន តាមរយៈសេវាកម្មលំដប់់កំពូល ដើម្បីបង្កើននូវគុណភាពបទពិសោធន៍របស់អតិថិជន ក្នុងការប្រើប្រាស់ និងពង្រីកនូវភាពជាអ្នកដឹកនាំរបស់ខ្លួន។»
ពិធីប្រកាសជ័យលាភី ត្រូវបាន ធ្វើ ឡើង តាម ប្រព័ន្ធអនឡាញ និង មានការផ្សាយបន្តផ្ទាល់លើគេហទំព័រ YouTube របស់ Frost and Sullivan នៅរសៀលថ្ងៃ ទី 7 ខែ ធ្នូ។
លោក Feiruz Ikhwan នាយកប្រតិបត្តិស្តីទីក្រុមហ៊ុន Smart Axiata បានសម្តែងនូវសេចក្តី សោមនស្សរីករាយចំពោះសមិទ្ធិផលមួយីនេះ។
«ឆ្នាំនេះ គឺជាឆ្នាំទី ៥ ផ្ទួនៗគ្នាដែលយើងបានឈ្នះពានរង្វាន់ទាំងនេះ។ សម្រាប់ Smart សមិទ្ធិផលមួយនេះ គឺជាសក្ខីភាពមួយដែលបញ្ចាក់ពីការខិតខំប្រឹងប្រែងរបស់យើងដើម្បីផ្តល់ជូននូវបទពិសោធន៍សេវាកម្មទូរស័ព្ទដ៏ល្អបំផុតដល់អតិថិជនរបស់យើង និងការចូលរួមចំណែកបង្កើតផលវិជ្ជមាននៅក្នុងសង្គម និងធ្វើឲ្យជិវិតប្រចាំថ្ងៃ សម្រាប់គ្រប់គ្នាកាន់តែប្រសើរឡើង។ យើងបាន និងកំពុងែខិតខំប្រឹងប្រែង ក្នុងការក្លាយខ្លួនជា ក្រុមហ៊ុនបច្ចេកវិទ្យាទូរគមនាគមន៏លេខមួយ និងទទួលបានក្ដីស្រឡាញ់ពេញចិត្តបំផុតក្នុងប្រទេសកម្ពុជា »។
លោកក៏បានបន្ថែមថា “ខ្ញុំសូមឆ្លៀតឱកាសនេះ ដើម្បីថ្លែងអំណរគុណដល់បុគ្គលិក Smart Axiata គ្រប់រូប សម្រាប់កិច្ចខិតខំប្រឹងប្រែងដ៏ធំធេងរបស់ពួកគេក្នុងដំណើរករប្រត្តិបត្តិមួយនេះ និងជាពិសេស អតិថិជនរបស់យើង ដែលតែងតែគាំទ្រក្រុមហ៊ុន Smart Axiata ។ ប្រសិនបើគ្មានអ្នកទាំងអស់គ្នាទេ យើងនឹងមិនអាចទទួល បានភាពជោគជ័យ់ទាំងនេះឡើយ»។
ពានរង្វាន់ Frost and Sullivan គឺនៅក្នុងចំណោមពានរង្វាន់ចុងក្រោយគេ ដែលក្រុមហ៊ុន Smart Axiata បានឈ្នះ និងត្រូវបានទទួលស្គាល់ក្នុងរយៈពេលជាច្រើនឆ្នាំកន្លងមក សម្រាប់សមត្ថភាពកិច្ចប្រត្តិបត្តិការកម្រិតខ្ពស់ សមិទ្ធិផលហិរញ្ញវត្ថុ និងការផ្តល់ជូនប្រកបដោយភាពច្នៃប្រឌិត។
ក្រៅពីពានរង្វាន់ពី Frost and Sullivan ក្រុមហ៊ុន Smart Axiata ក៏ជាប់ឈ្មោះជាក្រុមហ៊ុនទូរគមនាគមន៍ល្អបំផុតនៅកម្ពុជា និងក្រុមហ៊ុនទទួលខុសត្រូវសង្គមល្អបំផុតនៅកម្ពុជា ពីសំណាក់ទស្សនាវដ្តី Global Banking and Finance បន្តបន្ទាប់គ្នាពីឆ្នាំ ២០១៥ ដល់ ២០២០ និងទទួលបានពានរង្វាន់ជា ក្រុមហ៊ុនឈានមុខគេក្នុងការកសាងភាពរឹងមាំនៃសហគមន៍នៅកម្ពុជា នៅក្នុងឆ្នាំ ២០២១។ ក្រុមហ៊ុន Smart ក៏បានទទួលពានរង្វាន់មាសសម្រាប់ការអនុលោមពន្ធ ពីសំណាក់ប្រមុខរាជរដ្ឋាភិបាលនៃប្រទេសកម្ពុជាផងដែរ។ អគ្គនាយកដ្ឋានពន្ធដារ ក៏បានបង្ហាញនូវការស្ងើចសរសើរចំពោះក្រុមហ៊ុន Smart ដែលជាប្រតិបត្តិករ ទូរស័ព្ទចល័តដំបូងគេក្នុងការទទួលបានពានរង្វាន់សម្រាប់ការអនុវត្តគំរូរបស់ខ្លួន និងបំពេញកាតព្វកិច្ចពន្ធរបស់ខ្លួនក្រោមច្បាប់កម្ពុជា។
បន្ថែមពីនេះផងដែរ ក្រុមហ៊ុន Smart ត្រូវបានទទួលស្គាល់ថាជាអ្នករួមចំណែកល្អបំផុតដល់មូលនិធិ កសាងសមត្ថភាព ស្រាវជ្រាវ និងអភិវឌ្ឍន៍(CBRD Fund) ក្រោមការគ្រប់គ្រងរបស់ក្រសួងប្រៃសណីយ៍និងទូរគមនាគមន៍ កម្ពុជាក្នុងឆ្នាំ 2019 និងជាប្រតិបត្តិករទីផ្សារដែលកំពុងរីកចម្រើនល្អបំផុតក្នុងឆ្នាំ 2018 ដោយទូរគមនាគមន៍អាស៊ី។
អំពីក្រុមហ៊ុន Smart
ក្រុមហ៊ុន Smart Axiata Co., Ltd.ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart” ។ Smart Axiataគឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។
ក្រុមហ៊ុន Smartគឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE)និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smartក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3Gនិង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smartបាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Musicក្រុមហ៊ុន Appleនិង ក្រុមហ៊ុន Facebookក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smartសេវា Pi Payនិងសេវា SmartNas។ ក្រុមហ៊ុន Smartមានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smartជីវិតរស់រវើក!
